ລູກາ 13
13
ຖ້າຢີຕັກເກີຼມເຕີຈ໋ອກເກຼີມນາວຈະຕ້ອງຈິບຫາຍ
1ເຮິຂະນະນັ້ນ ໃມ໋ບາງຄົນທີ່ເຢຍ ປິດເຕິກທັຽງພຣະເຢຊູເຈົ້າ ແລະເບົ໋າພຣະອົງວ່າປີລາດຜູ້ປົກຄອງໂຣມປິດເຕງເນກະເຈດບາງຄົນເກິດແຂງຄາລີເລ ທະຫານທິລາວປິດກະເຈດປະຊາຊົນເຮິຂະນະທີ່ຫາມາຍ ຖວາຍເຄື່ອງບູຊາແກ່ພຣະເຈົ້າ. 2ພຣະເຢຊູເຈົ້າເຕືອນວ່າ, “ໄປຄຶດວ່າ ຊາວຄາລີເລເຫຼົ່າແນັ ເປີຼຍປີນຸ໋ຍບາບສະເນ໋ະເປີງຊາວຄາລີເລເອີນອື່ນໆໂຕດແອ ເພາະຫາມາຍປິດຕໍຼກະເຈດຢ່າງໂຫດຮ້າຍເຊັ່ນເຢຍບໍ? 3ຢີເກີນບໍ ນາເບົ໋າໄມວ່າ ຖ້າໄປຢີກັບໃຈຈາກບາບທິໄປ ໄປໂຕດສະເນ໋ະກໍຈະເກດດັ່ງທີ່ໄປປິດປຼືມ. 4ແລະປີນຸ໋ຍມາເຈັດທາມຣາທີ່ປິດເກດເມື່ອຫໍຄອຍໂກຼເມືອງສີໂລອາມປິດໃສ່ເຈືອນທັບຫາມາຍເກດ? ໄປຄິດວ່າ ຫາມາຍເປຼີຍປີນຸ໋ຍບາບທຳເປີງປີນຸ໋ຍອື່ນໆໂຕດແອ່ ທີ່ໂກຼເຮິນະຄອນເຢຣູຊາເລັມບໍ? 5ຢີເກີນ ເຢຍຢີເກີນເຫດຜົນ ເອື່ອເບົ໋າໄປວ່າ ຖ້າໄປໂຕດແອ່ຢີກັບໃຈຈາກບາບທິໄປ ໄປກໍຈະເກດມີສະເນີ.”
ຄຳອຸປະມາເລື່ອງເຕີມຕຣົງເທດ ທີ່ຢີເກີດໄປຣ
6ຈາກນັ້ນ ພຣະເຢຊູເຈົ້າກໍປິດເບົ໋າຄຳອຸປະມາແນັສູ່ຫາມາຍຕາເມິງວ່າ, “ກາລໍມີຣາ ປິດຕຳເຕີມຕຣົງເທດ ນືໂຣຼອະງຸ່ນທິຕົນ, ເມື່ອພຶ໋ເວລາທີ່ເຕີີມລອງເກີດໄປລ ລາວກໍປິດເຕິກຮາເລອີກວ່າໃມ໋ໄປລຮາເລ໋າະ ແຕ່ລາວຜິດຫວັງສະເໝີ ເພາະຢີໃມ໋ໄປລ. 7ດັ່ງນັ້ນ ລາວຈຶ່ງເບົ໋າເກິປີນຸ໋ຍຈຳໂຣຼທິຕົນວ່າ, ‘ຮາເລເຕີມຕຣົງແນັ! ຂ້າພຣະເຈົ້າທັຽງໄປຣຮານືເຢຍໂຕດກາມໍ ເປຼີຍເວລາແປກາມໍທີ່ຜ່ານມາ, ແຕ່ຢີໃມ໋ໄປຣຕຣົງ. ຈົ່ງປອດຕັກ ມະທົວະອີກັນເຊ້ຍປຼີປະເຕ໋ຍ?’ 8ແຕ່ປີນຸ໋ຍຈຳໂຣເພີຼບວ່າ ‘ທ່ານເອ ເປຼເນໄອໂກຼທີ່ແນເກີບໂມຍກາມໍ ຂ້ານ້ອຍຈະແຈະປະເຕ໋ຍອ້ອມ ແລະຈ໋ອກຝຸ່ນແຈ໋ະອ້ອມເຕີມທິໄອ. 9ຖ້າຫາກວ່າໄອໃມ໋ໄປລກາມໍຕໍ່ໄປ, ໄປລເຣ໋າະແລະໄປຣທຳ. ຖ້າຢີເກີດໄປລຕຣົງເຮິກາມໍເຕັນ ຂ້ານ້ອຍບັດປອດຕັກ.’”
ພຣະເຢຊູເຈົ້າຊົງຮັກສາຕາເຣຕານ່ອຍຕຶ໋ນເຮິຕະໄງຊະບາໂຕ
10ເຮິຕະໄງຊະບາໂຕມີຕະໄງ ພຣະເຢຊູເຈົ້າກຳລັງສັ່ງສອນປີນຸ໋ຍໂກຼນືທຳມະສາລາແຫ່ງໂມຍ. 11ເຮິທີ່ເຢຍ ໃມ໋ຕາເຣມີຣາທີ່ຕຼໍປຼະປີຼີຢີເຣ໋າະຄວບຄຸມ ໄອປືມເນນາງເປຼີຍປີນຸ໋ຍພິການເປຼີຍເວລາມາເຈັດທາມກາມໍສະ ນາງເປີຼຍຕານ່ອຍຕຶ໋ນແລະນາງຢີສາມາດເຊິງຈານ໋ອງປິດຢ່າງສົມບູນ. 12ເມື່ອພຣະເຢຊູເຈົ້າຕາຍນາງສະ ພຣະອົງກາເລົານາງເນເຈິະທັຽງພຮະອົງ ແລະລາວເບົ໋າວ່າ, “ນາງເອີຍ ພຣະເຈົ້າຮັກສາໄມເນພົ້ນຈາກພະຍາດທິໃມສະ.” 13ຫຼັງຈາກນັ້ນພຣະເຢຊູຣັບຕາເລຕິນປືດທິນາງ ເຮິທັນທັນໃດເຢຍ ນາງກໍສາມາດເຊິງຈານ໋ອງປິດ ແລ້ວນາງຈຶ່ງສັນລະເສີນພຣະເຈົ້າ ແລະຂອບໃຈພຣະເຈົ້າສຳລັບການປິ່ນປົວນາງ.
14ແຕ່ຜູ້ທີ່ເປຼີຍຫົວໜ້າທຳມະສາລາກໍກະເຈົ໋າ ທີ່ພຣະເຢຊູເຈົ້າປິດປິ່ນປົວປີນຸ໋ຍໂມຍເຮິຕະໄງຊະບາໂຕ. ດັ່ງເຢຍ ເຫີຈຶ່ງເບົ໋າເກິປະຊາຊົນວ່າ, “ໃມ໋ເຖຼົາຕະໄງທີ່ນາປຼືມວຽກ ສະນັັ້ນເຮິຕະໄງເຫຼົ່າເຢຍຈຶ່ງເຈິະ ແລະຮັບການປິ່ນປົວ ແຕ່ມະເຈິະເຮິຕະໄງຊະບາໂຕ.”
15ແລ້ວອົງພຣະຜູ້ເປັນເຈົ້າຈຶ່ງເພີຼບວ່າ, “ໄປ ປີນຸ໋ຍມັດຈະນ໋ອງເກຼີມຕາປຽດ ກັອນເຮິໄປແລ໋ະກາແສຈັກຕາເຣີງ ຫລືລໍທິຕົນ ເຍືອຍເກິດຄວຼກ ແລະຈຽງໄອເຕິກເຍດຕຽກ ເຮິຕະໄງຊະບາໂຕບໍ? 16ສວນຕາເຣປີນຸ໋ຍແນັ ກໍເປີຼຍເຊີສາຍທິອັບຣາຮາມ ທີ່ມານຊາຕານ ຕອມນາງທົວະເນເປີຼຍປີນຸ໋ຍພິການເປຼີຍເວລາມາເຈັດຖາມກະມໍສະ ຢີສົມຄວນບໍທີ່ຕ້ອງແລ໋ະນາງເນພົ້ນເກິດການຊິອາສາ ເຮິຕະໄງຊະບາໂຕ?” 17ເມື່ອພຣະເຢຊູເຈົ້າເບົ໋າເປະແນັ ປີນຸ໋ຍທີ່ຕໍ່ຕ້ານພຣະອົງກໍກາມາກາເມິະນືຕົນເອງ ແຕ່ປະຊາຊົນທີ່ເຫຼືອກໍໃມ໋ຄວາມສຸກທຳ ທີ່ພຣະອົງປຼືມສິ່ງທີ່ອັດສະຈັນໃຈເຫຼົ່ານີ້.
ຄຳອຸປະມາເລື່ອງກົງສີຟີ
(ມທ 13:31-32; ມຣກ 4:30-32)
18ຫຼັງຈາກນັ້ນພຣະເຢຊູເຈົ້າປິດເບົ໋າວ່າ, “ນາຈະເນໄປໃມ໋ການປາໂຈ໋ເລື່ອງຣາຊາອານາຈັກທິພຣະເຈົ້າ? ແລະນາຈະປາໂຈ໋ຣາຊາອານາຈັກເຢຍເກິສິ່ງອາເຕ? 19ກໍເປະເກິກົງຊີພີ ທີ່ກະລໍມີຣາຈ໋ອກເຕິກເປຼີອ໌ນືໂຣຼທິຕົນ ກົງຊີພີເຢຍໄອກໍຕາເມ໋ະຕຶກກາຍເປີຼຍເຕີມຕາເມ໋ະ ແລະກາປາງເຈມປຶງກຼົມກໍເຈິະປືຼມກັນໂສມໂກຼເຮິຮາລາທິໄອ.”
ຄຳອຸປະມາເລື່ອງເຊື້ອແປ້ງ
(ມທ 13:33)
20ແລ້ວພຣະເຢຊູເຈົ້າກໍເບົ໋າເກີບມີສຸບວ່າ, “ນາຈະປາໂຈ໋ຣາຊາອານາຈັກທິພຣະເຈົ້າເກິສິ່ງອາເຕ? 21ກໍເປະເກິເຊື້ອແປ້ງ ທີ່ຕາເຣມີຣາຈ໋ອກປົນໃສ່ເຮິແປ້ງຈຳນວນທຳ ຈົນແປ້ງໂຕດແອເຢຍຟູຕຶກ.”
ເລື່ອງຄະມອງຫາອັດ
(ມທ 7:13-14,21-23)
22ຂະນະທີ່ພຣະເຢຊູເຈົ້າຕາເຕິກເກິເອີນສາວົກເຕິກນະຄອນເຢຣູຊາເລັມ ແລະສັ່ງສອນປະຊາຊົນຕາມເມີງເມືອງຕ່າງໆ ທີ່ພຣະອົງປິດຕາເຕິກຜ່ານເຢຍ ແລະສອນຫາມາຍກ່ຽວກັບຣາຊາອານາຈັກທິພຣະເຈົ້າ. 23ໃມ໋ບາງຄົນເຕືອນພຣະອົງວ່າ, “ພຣະອົງເຈົ້າເອີຍ ພຣະເຈົ້າຈະຊ່ວຍປີນຸ໋ຍພຽງປຣຽຣ໌ແປຣາເນພົ້ນຈາກບາບ?”
ພຣະເຢຊູເພຼີບໂຕດສະເນ໋ະທີ່ເຢຍວ່າ, 24“ຈົ່ງພະຍາຍາມໂຕດຢ່າງເຜີຈະມູດເຕິກນື ຣາຊາອານາຈັກທິພຣະເຈົ້າ ເຊິ່ງເປຼີຍເປະຄະມອງຫາອັດມູດສະນາມ. ເຮິຂະນະທີ່ໄອນະເປີກໂກຼ ນາແນ່ໃຈວ່າທ່ານທຳຮາຈະພະຍາຍາມມູດ, ແຕ່ຫາມາຍຈະຢີສາມາດມູດປິດ. 25ພຣະເຈົ້າເປຼີຍເປະເກິເຈົ້າຂອງສະນາມເຮິຕະໄງເຢຍ ແລະປ໋ອງຄະມອງສະ ໄມໂຕດສະເນ໋ະກໍຈະເຊິງໂກຼເຮິນອກ, ຕັງເຄ໋ຍຄະມອງ ແລະອ້ອນວອນລາວ່າ, ‘ພຣະອົງເຈົ້າເອີຍ ເປີກຄະມອງອຳສີນາ.’ ພຣະອົງຈະເພຼີບໄປວ່າ, ‘ນາຢີຈືໄປ ແລະຢີຈືວ່າໄປເຈິະຕິນເຕ!’ 26ຈາກນັ້ນໄປກໍຈະເລີ່ມເບົ໋າວ່າ, ‘ທ່ານຈືສີນາ ເພາະວ່າທ່ານເຄີຍຈ໋ອງ ແລະເຍດເກິທ່ານ ແລະພຣະທ່ານປິດສັ່ງສອນຕາມໂຕຼງເຮິເມີງເມືອງທິເອີນຂ້ານ້ອຍ.’ 27ຝ່າຍເຈົ້າຂອງສະນາມເບົ໋າເກິໃມວ່າ, ‘ນາຢີຈືໄປວ່າໄມກັອນກັອນ ແລະຢີຈືວ່າໄມເຈິະຕິນເຕ. ຈົ່ງຕູເກິດນາໂຕດສະເນ໋ະທີ່ປຼືມຊົ່ວ ພຣະອົງຈະກາເລົາໄມວ່າຜູ້ປຼືມຜິດ ແລະຈະເຕງເນໄມເຍືອຍເຕິກ!’ 28ຈາກນັ້ນໄປຈະເຍືອມ ແລະກັບເປິງທິໄປດ້ວຍຄວາມກະເຈົ໋າ ເຮິເວລາທີ່ເມົ໋າທ່າານຕາຍອັບຣາຮາມ, ອີຊາກ, ແລະຢາໂຄບ ແລະຜູ້ທຳນວາຍໂຕດແອເຮິອານາຈັກທິພຣະເຈົ້າ, ແຕ່ໄປຈະຕໍຼໂຕຼະປະຕູເກິດອານາຈັກແນັ. 29ປີນຸ໋ຍຕ່າງຊາດຈະເຈິະຈາກໂທຼໂລກ ແລະຈະກຳໂຮມງານລ້ຽງອື່ນໆທີ່ລວມໂກຼນືອານາຈັກທິພຣະເຈົ້າ. 30ມາດ ບາງຄົນທີ່ຮາເລເປະວ່າມີຄວາມສຳຄັນກາເລດທີ່ສຸດເຮິປັດຈຸບັນ ຈະຍິ່ງໃຫຍ່ທີ່ສຸດເຮິເວລານັ້ນ ແລະບາງຄົນທີ່ຕາເມ໋ະທີ່ສຸດເຮິປັດຈຸບັນ ຈະໃມ໋ຄວາມສຳຄັນກາເລດທີ່ສຸດເຮິອານາຄົດ.”
ພຣະເຢຊູໂສກເສົ້າເກິເມື່ອງເຢລູຊາເລັມ
(ມທ 23:37-39)
31ເຮິເວລານັ້ນ ກໍໃມ໋ເອີນຟາຣີຊາຍບາງຄົນປິດເຈິະເຕືອນພຣະອົງແລະເບົ໋າວ່າ, “ທ່ານຈົ່ງເຍືອຍເກິດບ່ອນແນັເຕິກທັຽງບ່ອນອື່ນ ເພາະກະສັດເຮໂຣດຕ້ອງການກາເຈດທ່ານ.”
32ພຣະເຢຊູເຈົ້າເບົ໋າຕໍ່ຫາມາຍວ່າ, ເຮໂລດເປຼີຍເປະຈໍທີ່ສະລາດ, “ຈົ່ງເຕິກນາຈະປະຕູປຼ໋ະປຼີຢີເຣາະເຍືອຍ ແລະປິ່ນປົ່ວປີນຸ໋ຍເຮິເວລາສັ້ນໆ ‘ແລະອີກຢີໂຕນນາຈະປຼືມວຽກທິເອືອເນມ໋ອມ.’ 33ມາດສະ ເປຼີຍຄວາມມາດ ທີ່ວ່າຊົວຄາວໜຶ່ງ ນາຕ້ອງສືບຕໍ່ປຼືມສິ່ງທີ່ນາກຳລັງປຼືມ ແລະສືບຕໍ່ວຽກງານທິນາເຮິໂຕຼງເຕິກນະຄອນເຢຣູຊາເລັມ ເພາະວ່າເຢຣູຊາເລັມຮາເລຄືວ່າ ເປຼີຍບ່ອນທີ່ຜູ້ທຳນວາຍໂຕດປີນຸ໋ຍຕ້ອງເກດ.”
34“ເຈົ້າຊາວນະຄອນເຢຣູຊາເລັມເອີຍ ໄມປິດກະເຈດຜູ້ທຳນວາຍທຳສຸບສະ ດ້ວຍການຈັດຕະມໍໃສ່ປີນຸ໋ຍອື່ນທີ່ພຣະເຈົ້າອຳເຈິະທັຽງໄມ ທຳສຸບທີ່ເອືອໂງນປົກປ້ອງປະຊາຊົນທິພຣະອົງເນພົ້ນເກິດການພິພາກສາຕາມາສຸບ, ເປະເມະຢັຣປົກປ້ອງກອນຢັຣພາຍໃຕ້ຄ໋ອງທິໄອ. ແຕ່ໄມຢີໂງນເນນາປຼືມເປະແນັ. 35ດັ່ງນັ້ນ ພຣະເຈົ້າຈະເປຼຕັກຊາວນະຄອນເຢຣູຊາເລັມໂກຼໂດດກຽວ ແລະຈະຢີປົກປ້ອງຫາມາຍເກີບຕໍ່ໄປ. ນາເບົ໋າໄມຕຼຸບສະເນ໋ະວ່າ ໄມຈະຢີຕາຍນາເກີບຈົນພຶ໋ເວລາທີ່ໄມເບົ໋າວ່າ ພຣະເຈົ້າອວຍພອນຜູ້ທີ່ເຈິະເຮິນາມທິອົງພຣະຜູ້ເປັນເຈົ້າ.”
Currently Selected:
ລູກາ 13: LVI
Highlight
Copy
Compare
Share
Want to have your highlights saved across all your devices? Sign up or sign in
La vy Bible by Beyond Translation is licensed under Creative Commons Attribution-ShareAlike 4.0 License.
