လုကာ 21
21
အခန် (၂၁)
မယ်မုဲင်မွော်တလှူ
(မာကု ၁၂:၄၁-၄၄)
1ထွို့မဲ့ ကိုယ်တော်အွယ့် စဟွိုင့်ခွူ့တာထွို့ သျှီလေ ပလူးချမ်စာစာဖုန်းအွယ့် အိုစူလိုကာ အာကာကွမ့် ဗိမာန်တော်ကွင် အလှူခံတွိုက်ကု။ 2ထွို့မဲ့ မယ်မုဲင်မွော်ဆင်ရယ်စာအပလားအွယ့်လဲ့ စူလင်းတန်ဖိုအဆျန်စွက် ဒင်္ဂါကျီးအန်ငြီ့ပြား အလှူခံတွိုက်ကုအွယ့် အာအိုသျှီ။ 3အွယ့်ခါ့ ကိုယ်တော်အွယ့် “ငါးအီဒေါင့်နားက့အမှန်ဒွို။ မယ်မုဲင်မွော်ဆင်ရဲစာဒွိုးပလားဒွို မိုးတလှူဒါန လွို့ထိုင် ပလူးလငါ့ဖုန်းကားကအိုတို။ 4ပလူးလငါ့ဖုန်းဒွို ကုဲင်းလှူကာဒါဘို့ အာကာစည်စိမ်ဖုန်းကု ကအိုလွို့ဒါဖုန်းဟို့။ ဒေါင့်မာလဲ့ မယ်မုဲင်မွော်ဒွိုးပလားဒွို ဆင်ရယ်တွို့လဲ့ အာလှူလူးလေတွို့ အာဆက်အီမွမ့်ကျီ့တာ ကအိုလူဒါ ကွမ့်ဖုန်းကားကအို” မိန့်နိန်းအွယ့်။
မိန့်ကီစေးကန်း ဗိမာန်တော် အီကေ့ခရာ
(မဿဲ ၂၄:၁-၂။ မာကု ၁၃:၁-၂)
5ထွို့မဲ့ ဗိမာန်တော်ဒွို အကြောင် ပျင်ဖုစေးကန်းနောင် လုံယာဖုထွို့ ကလှူစေးကန်းဒါ တကလွိုင်ဖုန်း ခရာ တပည့်တော် အခီအခို့အွယ့် အိုဒေါင့်လိုကာနိန်းအွယ့် အွယ့်ကြားမဲ့ ကိုယ်တော်အွယ့် 6“နားက့ ကအိုသျှီဘာဒါတာဒွို ဗိမာန်တော်အွယ့်ကုပါ လုံအမာ့ငါလဲ့ တွိုတွို့လီအိုကေ့ဒါ့ဟဒွမ်ထွို့ အီခံဘာယားလူးကေ့ အခိန်းဒွို အီတွိုလေး” မိန့်နိန်းအွယ့်။
ဖီစတိ တခုဲင်ဆင်ရယ်ဖုန်းခရာ
(မဿဲ ၂၄:၃-၁၄။ မာကု ၁၃:၃-၁၃)
7အွယ့်ခါ့ အာကာအွယ့်လဲ့ “ဆရာ၊ တပျန့်အွယ့်ဟို အီပျန့်ထန် ကမာခိန်း။ တာအွယ့်ဟို အီပျန့်ထန်ခိန်းကု နိမိတ်လက္ခဏာ နိန်းမာဖုန်း အီပျန့်ထန်” တစီ့လျှောက်ကာ ကိုယ်တော်နိန်းအွယ့်။
8ကိုယ်တော်အွယ့် “ဒင်စတိလိုကာ ဖီကျန်ခံဘာမာ ပလူးလငါ့ တတလျှက်မာ။ ပလူးဖုန်းအီစုံကာနောင် ငါးနျန်းထွို့ အီတလျက်လိုကာတာထွို့မဲ့ ‘ငါးဒွို ပျန့်မေရှိယ’ နောင် ‘အခိန်းတွိုလေးလိထွို့’ အီဒေါင့်လိုကာနိန်းအွယ့်။ ကျန်ယွမ်လိုကာမာ။ 9နားက့မေဟွမ့်လိုကာဘာ တတွိုက်ပွဲစတင်းဖုန်းနောင် တော်လှန်ပုန်ကန်ကာ စတင်းဖုန်းအွယ့် ကျန်စကန်ကာမာ။ တပျန့်အွယ့်ဟိုဒွို အီပျန့်ထန်ဘာကီတိုဟနေ။ ဒေါင့်မာလဲ့ ကမ်ဖာ အစွက်ခမေကောင်း။
10ပလူးအမျိုနောင်အမျို၊ ကန်အကန်နောင်အကန် အီတွိုက်လိုကာ။ 11ခမ်လန်ကျန်ဟေဟေကုအွယ့် အီကြုံလိုကာဘာ ဟန်စွိုဒူတာဖုန်း၊ အိုဝီတအန်တအို့ဖုန်း၊ ကပ်ရောဂါ တွိုလေးဖုန်း။ မုကန်ကုအွယ့်လဲ့ ထူဆန်ထွို့ စကန်ခရာ နိမိတ်လက္ခဏာဖုန်း အီပိုထန်။
12ဒေါင့်မာလဲ့ ခရားတာဒွိုးဟိုအီပျန့်ထန် ပလူးဖုန်းဒွို ကွက်ငါးထွို့ အီကျန်းထွို့မိုးခုဲင်လိုကာ နားက့ထွို့ မဲ့ အီယွူ့လိုကာ ဓမ္မာရုံကုထွို့ အီတုန်လေထောင်ကု။ အီကျက်ချေတာ အီဟောင့်လေးလိုကာ ခွမ့်ခမ်းနောင် ခွမ့်ခံဖုန်း မေငါ့ကု။ 13ဒေါင့်မာလဲ့ ဒွိုးဒွို အီပျန့်တို အခွင်အရေ အီခံဆက်ဆေ ကိုယ်တော်ခရာတာ။ 14အွယ့်ကြားမဲ့ နားက့နန်နောင်နန် အီပြန်ဒေါင့်ရေးဘာချာဒါ့ နိန်းမာဒွို ကျန်နန်လိုကာမာ။ 15ကွက်တဟနာမေဒေါင့်ဘာအွယ့် ပလူးဆန့်ကင်စာ ဖုန်းအပလားငါလဲ့ လီထိန့်လီရေးဒါဟ ဒေါင့်ငိုတဒါနောင် ဉာဏ်ပညာဒွို ငါးအီဖီတိုနားက့။ 16နားကမွိုဖာ့၊ ပွော်ဝေ၊ ခွိုမျို၊ ဖောဝ်ဖုန်းတိုးဒွို အီသစ္စာဖောက်နားက့။ အီမိုးစီ့လိုကာကေ့ ပလူး နားက့ကုအခီအခို့။ 17ကွက်ငါး အွယ့်ကြားမဲ့ ပလူးကျွမ်ပလားပလားဒွို အီလွှသျှီလိုကာ နားက့။ 18ဒေါင့်မာလဲ့ နားက့ခူလောင်ကအိုဒါ ခူစွမ်အဘောင့်ငါလဲ့ လီကေ့ဘာဟာ။ 19နားက့ ကြုံဘာတွို့နောင် တခုဲင်ခိန်းဖုန်းလဲ့ ကျန်ဖီကြွ့ကေ့မှာ တယွမ်အန် ငါးလောင်မာ။ မေနိန်းအွယ့်အွယ့် နားက့ အီလ့လိုကာတို ဆက်နိစ္စထာဝရ” မိန့်နိန်းအွယ့်။
မိန့်လင် အီမိုးကေ့ကေ့ ဂျေရုဆလင်ဝိန်းခရာဖုန်း
(မဿဲ ၂၄:၁၅-၂၁။ မာကု ၁၃:၁၄-၁၉)
20“မေသျှီဘာ ရန်ဆူကျေ့စာဖုန်း အိုခွို့ရံလိုကာ ဂျေရုဆလင်ဝိန်းခါ့ ဝိန်းအွယ့်ဝိန်းဒီ့ ငီးဟဒွမ်း အီကေ့ဘာလူးဖွက်လိထွို့တာဒွို သိစေးကန်းလိုကာလုဲင်။ 21မေတွိုအွယ့်ခိန်းအွယ့် ပလူးကအိုဒါ ယုဒကန်ကုစာဖုန်းအွယ့် စထွူ့ထန်လိုကာ ခေါင့်လောင်ထွို့ အိုအွတ်ကာလုဲင်။ ပလူးကအိုဒါ ဝိန်းကုစာအွယ့်လဲ့ စစွာ့ထန်လိုကာကေ့ ဝိန်းခူနောင့်ကုလုဲင်။ မေစအိုတို ဒုန့်ဖုန်းကုအွယ့်လဲ့ ကျန်နွူးလိုကာမာ ဝိန်းကုမာ။ 22ကွက်တဟနာမေဒေါင့်ဘာအွယ့် မငြီးအွယ့်ဟိုဖုန်းဒွို ပျန့်ထန်ယွမ်တွို့နောင် အရိယာဆူတော်ကောင်ဖုန်း ကတျန်စေးကန်းဒါ အကြောင်ခရာကားကအိုထွို့ ပျန့်တိုမငြီး ဗွယ်ဖရာအီဖီ ပလူးအိုဂျေရုဆလင်ဝိန်းကုစာ ကားကအိုအပျက်ဒဏ်ငြီးတိုဟနေ။ 23အွယ့်ခိန်းကု ပလူးကအိုဒါ အွယ့်ကုပါစာဖုန်းဒွို အီခံလိုကာဘာ တခုဲင်ဒူဖုန်းထွို့ ဗွယ်ဖရာဒွို အီဖီဒူယွမ်တွို့ အာကာအပျက်ဒဏ် အွယ့်ကြားမဲ့ ပမွော်အိုဒွိုင့်စာဖုန်းနောင် ဖုပီစာဖုန်းတာ အီပျန့် အခုဲင်စွက်ခိန်းဟနေ။ 24ပိန်ပလားပလားအွယ့် အီစီ့လိုကာဘာနောင် ကျေ့စာဖုန်းဒို့ထွို့ တွိုပလူးလငါ့စာဖုန်းဒွို အီခံဘာကျန်းကျိန်း ကန်လငါ့ကု နောင် ထောင်စာ။ ဂျူးပလူးမျိုလီမေဟစာဖုန်းလဲ့ တွိုတွို့အာကာခေတ်အီလူး အီဆျန် လိုကာကေ့ ဂျေရုဆလင်ဝိန်းထွို့ အီနျာ့ဖွို လိုကာ ပလူးအွယ့်ဝိန်းကုစာဖုန်း” မိန့်နိန်းအွယ့်။
ပလူးဖုခု အီပြန်ကြွာ့ချာဒါ့ ငြီး
(မဿဲ ၂၄:၂၉-၃၁။ မာကု ၁၃:၂၄-၂၇)
25ထွို့မဲ့ ကိုယ်တော်ယေရှုအွယ့် “မွိုင်၊ လနောင် စာဖုန်းကု နိမိတ်လက္ခဏာထူထူဆန်ဆန်ဖုန်း အီပိုထန်။ ကွက်ပင်လယ်၊ သမုဒ္ဒရာဖုန်း သျှီ့လှိုင်ဇျီးစင်းတန်ဖုန်းအွယ့်မဲ့ ပလူးကအိုဒါ ကမ်ဖာလောကလောင်ကု ကျွမ်ပလားပလားဒွို အီအိုနန် လိုကာတာထွို့ အီစကန်စွိုလိုကာတာ။ 26မုကန်ကုကအိုဒါ တာကားကအိုဖုန်းအွယ့်လဲ့ အိုအာခမ်လန်ကု စကလုဲင်းလိုကာကေ့ အွယ့်ကြားမဲ့ ပလူးဖုန်းဒွို အိုယူကီစေးကန်း အန္တရာယ်ကအီပျန့်ထန်ဒါ ကမ်ဖာလောင်ကုဖုန်းထွို့ စကန်လွမ်လိုကာ အွယ့်ကြားမဲ့ အီစတိလစ် ပိန်းလိုကာတာ။ 27အွယ့်ခိန်းကု ပလူးဖုန်းဒွို အီသျှီလိုကာဘာ ပလူးဖုခုငါး အိုကြွာ့လေးတာ မုအီဖုန်းခါကု နောင်တန်ခိုတော်ဖုန်း၊ ဘုန်တန်ခိုတော်ဖုန်း။ 28အွယ့်ကြားမဲ့ တပျန့်စကန်ခရာဒွိုးဟိုဖုန်း မေပျန့်ထန်ခိန်းကု ဗွယ်ဖရာဒွို အီကယ်ဆယ်ဖီလိထွို့ နားက့ တခုဲင်ဆင်ရယ်ကု အွယ့်ကြားမဲ့ အိုထွိုင်တာနောင် တယွမ်အန်ဝေ့ဝေ့ထွို့ ဖီဒါ့အာ့ စေးကန်းလိုကာ ခူလုဲင်” မိန့်ဆွက်ဒါ့နိန်းအွယ့်။
တယွူ့မွိုင် တတိုက်တွုန်
(မဿဲ ၂၄:၃၂-၃၅။ မာကု ၁၃:၂၈-၃၁)
29ထွို့မဲ့ ကိုယ်တော်အွယ့် မိန့်အာကာတတိုက်တွုန် အဘာဒီ့ “ဟွိုင့်တယွူ့မွိုင်နောင် တမွိုင်လငါ့ဖုန်းလုဲင်။ 30မေသျှီဘာ အကျို့ကျာဖုန်း ကျို့ထန်ခါ့ နားက့ အိုလွိုလွို သိလိုကာတိုး ဘို့တွိုလိထွို့ ကန်ဆိုင့်ခိန်း။ 31နောင်နိန်းအွယ့်အွယ့် နားက့မေသျှီဘာ တပျန့်ထန်နောင် ငါးကမိန့်ဒါ ဒွိုးခါ့ကုဖုန်းအွယ့် ဗွယ်ဖရာသာသနာတော် အီတွိုထန်လိဒွို သိစေးကန်းလိုကာလုဲင်။
32ငါးအီဒေါင့်အမှန်ဒွို။ ခရားပလူးဆက်အိုမွမ့်တာ ဒွိုးခါ့ကုစာဖုန်းကားကအို အီစီ့ခိန်းကုဟို့ တပျန့်ဒွိုးဟိုဖုန်း ကားကအို အီပျန့်ထန်ဟနေ။ 33မုကန်နောင် ကမ်ဖာလောကဒွို အီတည်ငါ့ထာဝရ လီမေဟလဲ့ တွိုငါးငိုဖုန်းဒွို အီတည် တစေငါ့ထာဝရတိုဟနေ”
ဒင်စတိလုဲင်
34ကိုယ်တော်ယေရှုအွယ့် “အွယ့်ကြားမဲ့ ဒင်စတိချင်းလိုကာ နားက့အခိန်းဖုန်း ဖီကျန်လူးကေ့မာ နောင် မိုးဘို့ပွဲဖုန်း၊ အန်ဘို့အို့ဘို့၊ ကူလားဘို့ဖဝတာမာ။ မေဖြုန်ဘို့အခိန်း နောင်နိန်းအွယ့်အွယ့် မငြီးကန်စာ့စွက်ဒွို မေတွိုလေးကျွို့တာ နားက့ဆောင့် ဗွမ့်နောင် နန်ပီးချုဲင်ခါ့ နားက့အီပျန့်လိုကာအထွို့ လီမေဟာ။ 35ကွက်တဟနာမေဒေါင့်ဘာအွယ့် မငြီးအွယ့်ငြီးဒွို အီတွိုလင်းတွို ပလူးကအိုဒါ ကမ်ဖာလောင်ကုစာ ကားကအိုလောင်ဟနေ။ 36အွယ့်ကြားမဲ့ နားက့ဒွိုလဲ့ အို တာအီပျန့်ထန်ဒါဖုန်းကု ဖီကလွှတ်ထန်ကေ့ထွို့ ဖီကအိုထွိုင်ဒါတာ ပလူးဖုခုငါး မေငါ့ကုတာ ဒင်စတိ ဆုတောင်လိုကာတာ ကျွမ်ခိန်းခိန်းလုဲင်” မိန့်ဆွက်ဒါ့နိန်းအွယ့်။
37ထွို့မဲ့ ကိုယ်တော်အွယ့် မွိုင်လီ့ခါ့ ဟိုစွမ့်တရာဖုန်း ဗိမာန်တော်ကုထွို့ မေတွိုမွိုင်နွိုင့်ခိန်းခါ့ အိုဝိန်းကု စစွာ့ထန်ထွို့ မွိုင်ဟခါ့အွယ့် အခိန်းအိုလူးတို ဒေသကဟောင့်ဒါ သံလွင်ခေါင့်အွယ့်ဘာကုဟနေ။ 38ပလူးဖုန်းကားကအိုလဲ့ အီနာလိုကာ ကိုယ်တော်တရာဖုန်းတာ လေးကျောဝ်းလိုကာ ဗိမာန်တော်ကွင်ကု ကျွမ်ကိုးကိုး။
Currently Selected:
လုကာ 21: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 21
21
အခန် (၂၁)
မယ်မုဲင်မွော်တလှူ
(မာကု ၁၂:၄၁-၄၄)
1ထွို့မဲ့ ကိုယ်တော်အွယ့် စဟွိုင့်ခွူ့တာထွို့ သျှီလေ ပလူးချမ်စာစာဖုန်းအွယ့် အိုစူလိုကာ အာကာကွမ့် ဗိမာန်တော်ကွင် အလှူခံတွိုက်ကု။ 2ထွို့မဲ့ မယ်မုဲင်မွော်ဆင်ရယ်စာအပလားအွယ့်လဲ့ စူလင်းတန်ဖိုအဆျန်စွက် ဒင်္ဂါကျီးအန်ငြီ့ပြား အလှူခံတွိုက်ကုအွယ့် အာအိုသျှီ။ 3အွယ့်ခါ့ ကိုယ်တော်အွယ့် “ငါးအီဒေါင့်နားက့အမှန်ဒွို။ မယ်မုဲင်မွော်ဆင်ရဲစာဒွိုးပလားဒွို မိုးတလှူဒါန လွို့ထိုင် ပလူးလငါ့ဖုန်းကားကအိုတို။ 4ပလူးလငါ့ဖုန်းဒွို ကုဲင်းလှူကာဒါဘို့ အာကာစည်စိမ်ဖုန်းကု ကအိုလွို့ဒါဖုန်းဟို့။ ဒေါင့်မာလဲ့ မယ်မုဲင်မွော်ဒွိုးပလားဒွို ဆင်ရယ်တွို့လဲ့ အာလှူလူးလေတွို့ အာဆက်အီမွမ့်ကျီ့တာ ကအိုလူဒါ ကွမ့်ဖုန်းကားကအို” မိန့်နိန်းအွယ့်။
မိန့်ကီစေးကန်း ဗိမာန်တော် အီကေ့ခရာ
(မဿဲ ၂၄:၁-၂။ မာကု ၁၃:၁-၂)
5ထွို့မဲ့ ဗိမာန်တော်ဒွို အကြောင် ပျင်ဖုစေးကန်းနောင် လုံယာဖုထွို့ ကလှူစေးကန်းဒါ တကလွိုင်ဖုန်း ခရာ တပည့်တော် အခီအခို့အွယ့် အိုဒေါင့်လိုကာနိန်းအွယ့် အွယ့်ကြားမဲ့ ကိုယ်တော်အွယ့် 6“နားက့ ကအိုသျှီဘာဒါတာဒွို ဗိမာန်တော်အွယ့်ကုပါ လုံအမာ့ငါလဲ့ တွိုတွို့လီအိုကေ့ဒါ့ဟဒွမ်ထွို့ အီခံဘာယားလူးကေ့ အခိန်းဒွို အီတွိုလေး” မိန့်နိန်းအွယ့်။
ဖီစတိ တခုဲင်ဆင်ရယ်ဖုန်းခရာ
(မဿဲ ၂၄:၃-၁၄။ မာကု ၁၃:၃-၁၃)
7အွယ့်ခါ့ အာကာအွယ့်လဲ့ “ဆရာ၊ တပျန့်အွယ့်ဟို အီပျန့်ထန် ကမာခိန်း။ တာအွယ့်ဟို အီပျန့်ထန်ခိန်းကု နိမိတ်လက္ခဏာ နိန်းမာဖုန်း အီပျန့်ထန်” တစီ့လျှောက်ကာ ကိုယ်တော်နိန်းအွယ့်။
8ကိုယ်တော်အွယ့် “ဒင်စတိလိုကာ ဖီကျန်ခံဘာမာ ပလူးလငါ့ တတလျှက်မာ။ ပလူးဖုန်းအီစုံကာနောင် ငါးနျန်းထွို့ အီတလျက်လိုကာတာထွို့မဲ့ ‘ငါးဒွို ပျန့်မေရှိယ’ နောင် ‘အခိန်းတွိုလေးလိထွို့’ အီဒေါင့်လိုကာနိန်းအွယ့်။ ကျန်ယွမ်လိုကာမာ။ 9နားက့မေဟွမ့်လိုကာဘာ တတွိုက်ပွဲစတင်းဖုန်းနောင် တော်လှန်ပုန်ကန်ကာ စတင်းဖုန်းအွယ့် ကျန်စကန်ကာမာ။ တပျန့်အွယ့်ဟိုဒွို အီပျန့်ထန်ဘာကီတိုဟနေ။ ဒေါင့်မာလဲ့ ကမ်ဖာ အစွက်ခမေကောင်း။
10ပလူးအမျိုနောင်အမျို၊ ကန်အကန်နောင်အကန် အီတွိုက်လိုကာ။ 11ခမ်လန်ကျန်ဟေဟေကုအွယ့် အီကြုံလိုကာဘာ ဟန်စွိုဒူတာဖုန်း၊ အိုဝီတအန်တအို့ဖုန်း၊ ကပ်ရောဂါ တွိုလေးဖုန်း။ မုကန်ကုအွယ့်လဲ့ ထူဆန်ထွို့ စကန်ခရာ နိမိတ်လက္ခဏာဖုန်း အီပိုထန်။
12ဒေါင့်မာလဲ့ ခရားတာဒွိုးဟိုအီပျန့်ထန် ပလူးဖုန်းဒွို ကွက်ငါးထွို့ အီကျန်းထွို့မိုးခုဲင်လိုကာ နားက့ထွို့ မဲ့ အီယွူ့လိုကာ ဓမ္မာရုံကုထွို့ အီတုန်လေထောင်ကု။ အီကျက်ချေတာ အီဟောင့်လေးလိုကာ ခွမ့်ခမ်းနောင် ခွမ့်ခံဖုန်း မေငါ့ကု။ 13ဒေါင့်မာလဲ့ ဒွိုးဒွို အီပျန့်တို အခွင်အရေ အီခံဆက်ဆေ ကိုယ်တော်ခရာတာ။ 14အွယ့်ကြားမဲ့ နားက့နန်နောင်နန် အီပြန်ဒေါင့်ရေးဘာချာဒါ့ နိန်းမာဒွို ကျန်နန်လိုကာမာ။ 15ကွက်တဟနာမေဒေါင့်ဘာအွယ့် ပလူးဆန့်ကင်စာ ဖုန်းအပလားငါလဲ့ လီထိန့်လီရေးဒါဟ ဒေါင့်ငိုတဒါနောင် ဉာဏ်ပညာဒွို ငါးအီဖီတိုနားက့။ 16နားကမွိုဖာ့၊ ပွော်ဝေ၊ ခွိုမျို၊ ဖောဝ်ဖုန်းတိုးဒွို အီသစ္စာဖောက်နားက့။ အီမိုးစီ့လိုကာကေ့ ပလူး နားက့ကုအခီအခို့။ 17ကွက်ငါး အွယ့်ကြားမဲ့ ပလူးကျွမ်ပလားပလားဒွို အီလွှသျှီလိုကာ နားက့။ 18ဒေါင့်မာလဲ့ နားက့ခူလောင်ကအိုဒါ ခူစွမ်အဘောင့်ငါလဲ့ လီကေ့ဘာဟာ။ 19နားက့ ကြုံဘာတွို့နောင် တခုဲင်ခိန်းဖုန်းလဲ့ ကျန်ဖီကြွ့ကေ့မှာ တယွမ်အန် ငါးလောင်မာ။ မေနိန်းအွယ့်အွယ့် နားက့ အီလ့လိုကာတို ဆက်နိစ္စထာဝရ” မိန့်နိန်းအွယ့်။
မိန့်လင် အီမိုးကေ့ကေ့ ဂျေရုဆလင်ဝိန်းခရာဖုန်း
(မဿဲ ၂၄:၁၅-၂၁။ မာကု ၁၃:၁၄-၁၉)
20“မေသျှီဘာ ရန်ဆူကျေ့စာဖုန်း အိုခွို့ရံလိုကာ ဂျေရုဆလင်ဝိန်းခါ့ ဝိန်းအွယ့်ဝိန်းဒီ့ ငီးဟဒွမ်း အီကေ့ဘာလူးဖွက်လိထွို့တာဒွို သိစေးကန်းလိုကာလုဲင်။ 21မေတွိုအွယ့်ခိန်းအွယ့် ပလူးကအိုဒါ ယုဒကန်ကုစာဖုန်းအွယ့် စထွူ့ထန်လိုကာ ခေါင့်လောင်ထွို့ အိုအွတ်ကာလုဲင်။ ပလူးကအိုဒါ ဝိန်းကုစာအွယ့်လဲ့ စစွာ့ထန်လိုကာကေ့ ဝိန်းခူနောင့်ကုလုဲင်။ မေစအိုတို ဒုန့်ဖုန်းကုအွယ့်လဲ့ ကျန်နွူးလိုကာမာ ဝိန်းကုမာ။ 22ကွက်တဟနာမေဒေါင့်ဘာအွယ့် မငြီးအွယ့်ဟိုဖုန်းဒွို ပျန့်ထန်ယွမ်တွို့နောင် အရိယာဆူတော်ကောင်ဖုန်း ကတျန်စေးကန်းဒါ အကြောင်ခရာကားကအိုထွို့ ပျန့်တိုမငြီး ဗွယ်ဖရာအီဖီ ပလူးအိုဂျေရုဆလင်ဝိန်းကုစာ ကားကအိုအပျက်ဒဏ်ငြီးတိုဟနေ။ 23အွယ့်ခိန်းကု ပလူးကအိုဒါ အွယ့်ကုပါစာဖုန်းဒွို အီခံလိုကာဘာ တခုဲင်ဒူဖုန်းထွို့ ဗွယ်ဖရာဒွို အီဖီဒူယွမ်တွို့ အာကာအပျက်ဒဏ် အွယ့်ကြားမဲ့ ပမွော်အိုဒွိုင့်စာဖုန်းနောင် ဖုပီစာဖုန်းတာ အီပျန့် အခုဲင်စွက်ခိန်းဟနေ။ 24ပိန်ပလားပလားအွယ့် အီစီ့လိုကာဘာနောင် ကျေ့စာဖုန်းဒို့ထွို့ တွိုပလူးလငါ့စာဖုန်းဒွို အီခံဘာကျန်းကျိန်း ကန်လငါ့ကု နောင် ထောင်စာ။ ဂျူးပလူးမျိုလီမေဟစာဖုန်းလဲ့ တွိုတွို့အာကာခေတ်အီလူး အီဆျန် လိုကာကေ့ ဂျေရုဆလင်ဝိန်းထွို့ အီနျာ့ဖွို လိုကာ ပလူးအွယ့်ဝိန်းကုစာဖုန်း” မိန့်နိန်းအွယ့်။
ပလူးဖုခု အီပြန်ကြွာ့ချာဒါ့ ငြီး
(မဿဲ ၂၄:၂၉-၃၁။ မာကု ၁၃:၂၄-၂၇)
25ထွို့မဲ့ ကိုယ်တော်ယေရှုအွယ့် “မွိုင်၊ လနောင် စာဖုန်းကု နိမိတ်လက္ခဏာထူထူဆန်ဆန်ဖုန်း အီပိုထန်။ ကွက်ပင်လယ်၊ သမုဒ္ဒရာဖုန်း သျှီ့လှိုင်ဇျီးစင်းတန်ဖုန်းအွယ့်မဲ့ ပလူးကအိုဒါ ကမ်ဖာလောကလောင်ကု ကျွမ်ပလားပလားဒွို အီအိုနန် လိုကာတာထွို့ အီစကန်စွိုလိုကာတာ။ 26မုကန်ကုကအိုဒါ တာကားကအိုဖုန်းအွယ့်လဲ့ အိုအာခမ်လန်ကု စကလုဲင်းလိုကာကေ့ အွယ့်ကြားမဲ့ ပလူးဖုန်းဒွို အိုယူကီစေးကန်း အန္တရာယ်ကအီပျန့်ထန်ဒါ ကမ်ဖာလောင်ကုဖုန်းထွို့ စကန်လွမ်လိုကာ အွယ့်ကြားမဲ့ အီစတိလစ် ပိန်းလိုကာတာ။ 27အွယ့်ခိန်းကု ပလူးဖုန်းဒွို အီသျှီလိုကာဘာ ပလူးဖုခုငါး အိုကြွာ့လေးတာ မုအီဖုန်းခါကု နောင်တန်ခိုတော်ဖုန်း၊ ဘုန်တန်ခိုတော်ဖုန်း။ 28အွယ့်ကြားမဲ့ တပျန့်စကန်ခရာဒွိုးဟိုဖုန်း မေပျန့်ထန်ခိန်းကု ဗွယ်ဖရာဒွို အီကယ်ဆယ်ဖီလိထွို့ နားက့ တခုဲင်ဆင်ရယ်ကု အွယ့်ကြားမဲ့ အိုထွိုင်တာနောင် တယွမ်အန်ဝေ့ဝေ့ထွို့ ဖီဒါ့အာ့ စေးကန်းလိုကာ ခူလုဲင်” မိန့်ဆွက်ဒါ့နိန်းအွယ့်။
တယွူ့မွိုင် တတိုက်တွုန်
(မဿဲ ၂၄:၃၂-၃၅။ မာကု ၁၃:၂၈-၃၁)
29ထွို့မဲ့ ကိုယ်တော်အွယ့် မိန့်အာကာတတိုက်တွုန် အဘာဒီ့ “ဟွိုင့်တယွူ့မွိုင်နောင် တမွိုင်လငါ့ဖုန်းလုဲင်။ 30မေသျှီဘာ အကျို့ကျာဖုန်း ကျို့ထန်ခါ့ နားက့ အိုလွိုလွို သိလိုကာတိုး ဘို့တွိုလိထွို့ ကန်ဆိုင့်ခိန်း။ 31နောင်နိန်းအွယ့်အွယ့် နားက့မေသျှီဘာ တပျန့်ထန်နောင် ငါးကမိန့်ဒါ ဒွိုးခါ့ကုဖုန်းအွယ့် ဗွယ်ဖရာသာသနာတော် အီတွိုထန်လိဒွို သိစေးကန်းလိုကာလုဲင်။
32ငါးအီဒေါင့်အမှန်ဒွို။ ခရားပလူးဆက်အိုမွမ့်တာ ဒွိုးခါ့ကုစာဖုန်းကားကအို အီစီ့ခိန်းကုဟို့ တပျန့်ဒွိုးဟိုဖုန်း ကားကအို အီပျန့်ထန်ဟနေ။ 33မုကန်နောင် ကမ်ဖာလောကဒွို အီတည်ငါ့ထာဝရ လီမေဟလဲ့ တွိုငါးငိုဖုန်းဒွို အီတည် တစေငါ့ထာဝရတိုဟနေ”
ဒင်စတိလုဲင်
34ကိုယ်တော်ယေရှုအွယ့် “အွယ့်ကြားမဲ့ ဒင်စတိချင်းလိုကာ နားက့အခိန်းဖုန်း ဖီကျန်လူးကေ့မာ နောင် မိုးဘို့ပွဲဖုန်း၊ အန်ဘို့အို့ဘို့၊ ကူလားဘို့ဖဝတာမာ။ မေဖြုန်ဘို့အခိန်း နောင်နိန်းအွယ့်အွယ့် မငြီးကန်စာ့စွက်ဒွို မေတွိုလေးကျွို့တာ နားက့ဆောင့် ဗွမ့်နောင် နန်ပီးချုဲင်ခါ့ နားက့အီပျန့်လိုကာအထွို့ လီမေဟာ။ 35ကွက်တဟနာမေဒေါင့်ဘာအွယ့် မငြီးအွယ့်ငြီးဒွို အီတွိုလင်းတွို ပလူးကအိုဒါ ကမ်ဖာလောင်ကုစာ ကားကအိုလောင်ဟနေ။ 36အွယ့်ကြားမဲ့ နားက့ဒွိုလဲ့ အို တာအီပျန့်ထန်ဒါဖုန်းကု ဖီကလွှတ်ထန်ကေ့ထွို့ ဖီကအိုထွိုင်ဒါတာ ပလူးဖုခုငါး မေငါ့ကုတာ ဒင်စတိ ဆုတောင်လိုကာတာ ကျွမ်ခိန်းခိန်းလုဲင်” မိန့်ဆွက်ဒါ့နိန်းအွယ့်။
37ထွို့မဲ့ ကိုယ်တော်အွယ့် မွိုင်လီ့ခါ့ ဟိုစွမ့်တရာဖုန်း ဗိမာန်တော်ကုထွို့ မေတွိုမွိုင်နွိုင့်ခိန်းခါ့ အိုဝိန်းကု စစွာ့ထန်ထွို့ မွိုင်ဟခါ့အွယ့် အခိန်းအိုလူးတို ဒေသကဟောင့်ဒါ သံလွင်ခေါင့်အွယ့်ဘာကုဟနေ။ 38ပလူးဖုန်းကားကအိုလဲ့ အီနာလိုကာ ကိုယ်တော်တရာဖုန်းတာ လေးကျောဝ်းလိုကာ ဗိမာန်တော်ကွင်ကု ကျွမ်ကိုးကိုး။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.