လုကာ 20
20
အခန် (၂၀)
ကိုယ်တော်ယေရှု အခွင်အာဏာ
1အငြီးကု ကိုယ်တော်ယေရှုအွယ့် အိုဟိုဖီ လူထုပရိသတ်ဖုန်း မင်္ဂလာစတင်းခို ဗိမာန်တော်ကွင်ကုတွင် ဂျူးပုရောဟိတ်အဒူအကဲဖုန်း၊ ကျမ်ဒါဆရာဖုန်းနောင် ဂျူးပလူးမျိုအဒူအကဲဖုန်းအွယ့် တွိုလေးကာထွို့ 2“နားအိုမိုးတာဒွိုးဟိုဖုန်း နောင် အခွင်အာဏာကမာဘာ။ လမာဒွို အိုဖီစေးကန်း အခွင်အာဏာ” တစီ့ကာ ကိုယ်တော်နိန်းအွယ့်။
3အွယ့်ခါ့ ကိုယ်တော်အွယ့် အကီစွက် “ငါးလဲ့ အီတစီ့နားက့ အဘာ။ နားက့ဖရေကာလုဲင်။ 4ယောဟန် ဖီကဖီငွုတ်သျှီ့မင်္ဂလာတာ လမာဒွို ဖီစေးကန်းအခွင်အာဏာ။ အိုဗွယ်ဖရာကုနောဝ်။ အိုပလူးအပလားပလားကုနောဝ်” တစီ့နိန်းအွယ့်။
5ပလူးအွယ့်ဟိုအွယ့် အချင်ချင် တစီ့လိုလေကာထွို့ “အေ့နေ့ချန်း ‘အခွင်အာဏာ အိုဗွယ်ဖရာကု’ က့မေဖရေနိန်းအွယ့်အွယ့် အာဒွို အီတစီ့ချာက့ ‘မေနိန်းအွယ့် နားက့ ကွက်တဟနာ လီယွမ်အန်ကာဟ ယောဟန်’ နိန်းအွယ့်။ 6အိုပလူးအပလားပလားကု မေဒေါင့်နိန်းအွယ့်လဲ့ လူထုပရိသတ်ဖုန်းဒွို အိုယွမ်အန်လိုကာ ယောဟန်ဒွို ပျန့်အရိယာဆူတော်ကောင် အိုဗွယ်ဖရာဆောင့်လေး အွယ့်ကြားမဲ့ အာကာဒွို အီဒွီးစီ့လိုကာဒါက့ နောင်လုံဖုန်း” ဒေါင့်လိုကာနိန်းအွယ့်။
7အွယ့်ကြားမဲ့ အာကာအွယ့် ယောဟန် ဖီကဖီငွုတ်သျှီ့မင်္ဂလာတာ လ့အခွင်အာဏာလမာဆောင့်ဒွို အကြောင်လီသိဟခရာ ဒေါင့်ငြင်းလိုကာဟနေ။
8အွယ့်ခါ့ ကိုယ်တော်အွယ့် “မေနိန်းအွယ့် ငါးအီမိုးတာဒွိုးဟိုတာ လ့အခွင်အာဏာ လမာဆောင့်ဒွိုလဲ့ ငါးအီဖရေ နားက့ လီမေဟာ” မိန့်နိန်းအွယ့်။
ပလူးခက်စပျစ်ခြန့်စာ တတိုက်တွုန်
9ထွို့မဲ့ ကိုယ်တော်အွယ့် မိန့်လူထုပရိသတ်ဖုန်း နောင်တတိုက်တွုန်အဘာဒီ့ “ပလူးအပလားအွယ့် စူ့စေးကန်း စပျစ်ခြန့်အခြန့်။ ထွို့မဲ့ ခက်စေးကန်း ခြန့် ပလူးခက်ခြန့်စာဖုန်းထွို့ စစွာ့ထန်ကေ့ တစွာ့ကလေ့ ကန်လငါ့ကု ကြာငီးတန်တွို့။ 10စပျစ်သာ ထွိုင်သာထန်ခိန်းကု အာအွယ့် အန်ကြွ့လေး စွမ်းစေပထမပလားထွို့ အန်ချန့်လေချွော် အာကလ့ထွိုက်ဒါ စပျစ်သာဖုန်း ကထန်ဒါခြန့်ကုအဟန်ဟန်။ ဒေါင့်မာလဲ့ ပလူးခက်ခြန့်စာဖုန်းအွယ့်လဲ့ တွယ်လိုကာ စွမ်းစေအွယ့်ပလားထွို့ အန်ကြွ့ကျိန်းဒုဲင့်ချာ လိုကာဘို့။ 11ဒါ့အလိုင် ခြန့်ဗွယ်အွယ့် အန်ကြွ့လေးထိုင်ဒါ့ စွမ်းစေဒုတိယပလား။ ဒေါင့်မာလဲ့ အာကာအွယ့် တွယ့်လိုကာပါဒါ့ စွမ်းစေအွယ့်ပလားထွို့ မိုးဖီလ့တကသ့ထွို့မဲ့ ဖီကြွ့ကျိန်းဒုဲင့်ချာဘို့။ 12ခြန့်ဗွယ်အွယ့် ထွိုင်အန်ကြွ့လေးဒါ့ စွမ်းစေ တတိယပလားခါ့လဲ့ ပလူးခက်ခြန့်စာဖုန်းအွယ့် တွယ်လိုကာ ဖီကလ့ယာစာထွို့ ဝါစွာ့ကျိန်းကာချာဒါ့။
13အွယ့်ခါ့ စပျစ်ခြန့်ဗွယ်အွယ့် ‘ငါးအီမိုးဘာနိန်းမာ။ ငါးအီကြွ့လေးဘာ ငါးကရက်ဒါ ငါးဖုခု။ ပလူခက်ခြန့်စာဖုန်းဒွို မေသျှီငါးဖုခုအွယ့် အီရိုစေကာတိုမတောဝ်’ ဒေါင့်တိုးအာနန်နိန်းအွယ့်ထွို့ အန်ကြွ့လေအာဖုခု။
14ဒေါင့်မာလဲ့ ပလူးခက်ခြန့်စာဖုန်းအွယ့် ထွိုင်သျှီထွို့ ခြန့်ဗွယ်ဖုခုခါ့ ‘ပလူးဒွိုးပလားဒွို အီပျန့်ပလူးဆွက်ခံ ခြန့်ဒွိုးဘာအမွေစာ။ အာအီလ့ဒါ အမွေဖုန်းဒွို ဖီကပျန့်ကေ့ က့တာတာ မိုးစီ့လိုကာကေ့အာနယ်’ အချင်ချင် ဒေါင့်စွူ့တွုန်ပင်လိုကာနိန်းအွယ့်ထွို့ 15အာကာအွယ့် ကျွိုထန်လိုကာခြန့်ဗွယ်ဖုခု ခူနောင့်ဒိုင့်ထွို့ မိုးစီ့လိုကာကေ့။
နားလိုကာလုဲင် မေနိန်းအွယ့်အွယ့် စပျစ်ခြန့်ဗွယ်ဒွို အီမိုးပလူးအွယ့်ဟိုဖုန်း နိန်းမာ။ 16ခြန့်ဗွယ်အွယ့် အာနန်လေးတိုးထွို့ အီလေဖီ ပလူးခက်ခြန့်စာဖုန်း အပျက်ဒဏ် တွိုတွို့ကစီ့။ မေထွို့ စပျစ်ခြန့်အွယ့်လဲ့ အီဖီခက်ကေ့ ပလူးခက်ခြန့်လငါ့စာဖုန်း” မိန့်နိန်းအွယ့်။
ပလူးကဟွမ့်ဘာ ကိုယ်တော်ကဒေါင့်ဒါငိုစာဖုန်းလဲ့ “ဖီကျန်ပျန့်မားမားမာ နောင်ကိစ္စဒွိုးဟိုမာ” ဒေါင့်ကာနိန်းအွယ့်။
17အွယ့်ခါ့ ကိုယ်တော်အွယ့် ဟွိုင့်ကြိုင်အာကာထွို့
“လိတ်ကျမ်ကု ‘ပလူးတေတိုက်စာဖုန်း ကပေစေးကန်းဒါ လုံဒွို
ပျန့်ထန်တို လုံချုပ်တနွမ် အရေဒူစွက်’ ကတျန်စေးကန်းဒါဒီ့ ဘာသဒေါင့် တဟနာ။
18ပလူးကလင်တေးဒါ လုံအွယ့်မာ့လောင်စာဖုန်းဒွို အီတကာညွှော့်ဘာ ပိန်ကွို့ကွို့။ လုံအွယ့်မာ့ မေလင်တေးလင် ပလူးအပလာပလားလောင်အွယ့်လဲ့ ပလူးအွယ့်ပလားဒီ့ အီညွှော့် ဖွမ်နွမ်ကေ့တွို့ဟနေ”#20:18 လုံချုပ်တနွမ်ဒွို ဘာသဒေါင့်တို ကိုယ်တော်ယေရှုဟနေ။ ကိုယ်တော်ဒွို ဖီစတိ ပလူးငြင်းပေအာစာ အီကေ့ကာဘာတာခရာတို ဟနေ။ မိန့်နိန်းအွယ့်။
19ဂျူးပုရောဟိတ်အဒူအကဲဖုန်းနောင် ကျမ်ဒါဆရာဖုန်းအွယ့် ကိုယ်တော်ဒွို ဘာသမိန့်အာကာထွို့ မိန့်နေ့နောင် တတိုက်တွုန်အွယ့်ဘာခရာ သိလိုကာ အွယ့်ကြားမဲ့ အွယ့်ခိန်းခိန်းကုဟို့ ဘသာကျန်းလိုကာ ကိုယ်တော်လဲ့ အာကာအွယ့် အိုစကန်လိုကာ လူထုပရိသတ်ဖုန်း အွယ့်ကြားမဲ့ လီကျန်းလိုကာဟဟနေ။
ဖီတခွမ်
20အွယ့်ကြားမဲ့ ဂျူးပုရောဟိတ်အဒူအကဲဖုန်းနောင် ကျမ်ဒါဆရာဖုန်းအွယ့် အိုပွိုင်းဟွိုင့်လိုကာ ကိုယ်တော်ထွို့ မေကွင်မို့အပျက် ကိုယ်တော်ငိုဖုန်းကုခါ့ ဖီကကျန်းကိုယ်တော်ထွို့ ဖီကအပ်ဒါ ပလူးရောမအုပ်ချုပ်စာကျွော့်ကုတာ အန်ကြွ့လေးလိုကာ သူလျှို အိုယောင်ဆောင်စေးကန်းဒါ ဆူတော်ကောင်စာဖုန်း။ 21သူလျှိုအွယ့်ဟိုအွယ့် လေးမူလိုကာကိုယ်တော်ဆောင့်ထွို့ “ဆရာ၊ ဆရာ စွမ့်တာဒွို မှန်ကန်တို။ လီလွိုက်ဟ လမားမားမေငါ့ထွို့ အိုစွမ့်တိုနောင် ဗွယ်ဖရာတရာကလေ့ အမှန်အတွုန်ဒွို က့အိုသိတို။ 22အွယ့်ကြားမဲ့ ဆက် ရောမဧကရာဇ်တခွမ်ဒွို နောင်တရာတော် ညီနောဝ် မေဟလဲ့ ညီဟနောဝ်ဒွို ဒေါင့်နေ့ဖီက့” လျှောက်ဒင်ကာ ကိုယ်တော်နိန်းအွယ့်။
23ကိုယ်တော်အွယ့် အိုသိ အာကာပရိယာယ် အွယ့်ကြားမဲ့ 24“နေ့ဖီ ရောမဒေနာရီကွမ့်ဒင်္ဂါ အဗီလုဲင်။ အွယ့်ဘာလောင် ပါစို့လမာရုပ်နောင် လမာနျန်း” တစီ့အာကာနိန်းအွယ့်။ ပလူးအွယ့်ဟိုလဲ့ “ရောမဧကရာဇ်နျန်း နောင် အာရုပ်တို” ဖရေလိုကာနိန်းအွယ့်။
25အွယ့်ခါ့ ကိုယ်တော်အွယ့် “တာကဆိုင်နောင် ရောမဧကရာဇ်လဲ့ ဆက်လိုကာ ရောမဧကရာဇ် ထွို့ တာကဆိုင်နောင် ဗွယ်ဖရာဖုန်းလဲ့ ဆက်လိုကာဗွယ်ဖရာလုဲင်” မိန့်နိန်းအွယ့်။
26သူလျှို ကယောင်ဆောင်ဒါနန် ဆူတော်ကောင်စာဖုန်းအွယ့် ကွင်လိုကာကိုယ်တော်တမာ ပလူးပရိသတ်ဖုန်း မေငါ့ကု လီမို့ဟကာဟ ဟွမ့်ဆန် အွိုမွိုလိုကာတွို့ တာကိုယ်တော် ကပြန်ဖရေဟွမ့်ချာဒါ့ထွို့ အိုယင်တစ်လိုကာတာ။
တစီ့ အိုတစီ့ကုထွို့ ဆက်ပြန်မွမ့်ထန်ချာဒါ့ခရာ
(မဿဲ ၂၂:၂၃-၃၃။ မာကု ၁၂:၁၈-၂၇)
27ထွို့မဲ့ အွယ့်ကုပါအွယ့် တယွမ်အန် အိုတစီ့ကုထွို့ ဆက်ပြန်မွမ့်ချာဒါ့တာ လီအိုဟ ဇဒ္ဒုကဲ#20:27ဇဒ္ဒုကဲ ကဒေါင့်ဒါဒွို ပျန့်တို ဂျူးဖာစာရေ အကျွိုအဘာ လီလက်ခံဟ အကြောင်ဖဝငါ့အိုခရာ၊ မေစီ့ထွို့ ဝိညာဉ်လဲ့ တမာ့ကျိန်းပါကေ့ အိုယွမ်အန်လိုကာတို နိန်းအွယ့်စာဖုန်း တိုဟနေ။ အခီအခို့အွယ့် ရီ့ဘို့လေးကာ ကိုယ်တော်ဆောင့်ထွို့ 28“ဆရာ၊ မောရှေပညတ်ကျမ်ကုဒီ့ ‘ပလူးမာ့အိုစာအပလားအွယ့် ဖုဖုန်းလီအိုဟထွို့ မေစစီ့ကေ့အွယ့် အာပွော်ခုဒွို အာဝေကျွူးဖီကအိုကေ့တာ အန်နီဘာ ကအိုကေ့ဒါ မယ်မုဲင်မွော်အွယ့်ပလား။ အာကာအန်တငြီ့ ဖုခုယင်ဒွို သတ်မှတ်ဖီဘာ ပျန့်နောင် ကစီ့ကေ့ဒါ အာဝေခုဖုခု’ တျန်စေးကန်းနိန်းအွယ့်။ 29မေနိန်းအွယ့်အွယ့် အလိုင်ကုဒီ့ တပွော်ဝေ အန်တနျွို့ကု ဝေခုအဒူစွက်ပလားအွယ့် တိုယွမ်တိုပါထွို့ ဖုဖုန်းအိုဟထွို့ စစီ့ကေ့။ 30ဒုတိယအဒူစွက်ပလားအွယ့် အိုအန်နီတို ကအိုကေ့ဒါ မယ်မုဲင်မွော်အွယ့်ပလားလဲ့ ဖုဖုန်းလီအိုဟထွို့ စစီ့ကေ့ဒါ့။ 31ပွော်ခုတတိယအွယ့်ပလားလဲ့ ပျန့်ပျန့်ကေ့နောင် နိန်းအွယ့်ထွို့ တပွော်ဝေအန်တနျို့လူးအွယ့် တိုယွမ်တိုပါကာနောင် ပမွော်အွယ့်ပလားထွို့ ဖုဖုန်းအိုဟထွို့ စစီ့ခရိုလိုကာကေ့။ 32ကန်စာ့စွက်ကု မယ်မုဲင်မွော်အွယ့်ပလားလဲ့ စစီ့ကိုနေနေ။ 33မေနိန်းအွယ့်အွယ့် ပမွော်ဒွိုးပလားဒွို အန်နီဘာလူးတွို့နောင် တပွော်ဝေ အန်တနျို့အွယ်ကြားမဲ့ ဗွယ်ဖရာဒွို မေမိုးဖီ ပလူးစီ့ထွို့စာဖုန်း အိုတစီ့ကုထွို့ ဆက်ပြန်မွမ့်ချာခါ့ ပမွော်ဒွိုးပလားဒွို အီပျန့်လမာမာ့” တစီ့လျှောက်ကာနိန်းအွယ့်။
34အွယ့်ခါ့ ကိုယ်တော်အွယ့် “လောကဒွိုးဘာစာဖုန်းဒွို တအန်နီလိုကာ၊ ဖီအပ်လိုလေကာဖုန်းအို။ 35ဒေါင့်မာလဲ့ ပလူးကထွိုက်တန်နောင် အိုတစီ့ကုထွို့ ဆက်ပြန်မွမ့်ချာဒါ့စာဖုန်း ဆက်မေပြန်မွမ့်ထန်ချာဒါ့ခါ့ ဗွမ့်နောင် တအန်နီကာဖုန်း လီအိုဟဒွမ်း ဖီအပ်လိုလေကာလဲ့ လီအိုဒွမ်းဟာ။ 36အာကာဒွို အီအန်နီလိုကာခရာ အိုဟဒွမ်းထွို့ အီပျန့်လိုကာနောင် လီစီ့ဒါဟဒွမ်းဒါ လွှော်ဒေဝါဖုန်း။ ဗွယ်ဖရာဒွို မိုးဖီတို အာကာဖီကလ့လိုကာ အိုတစီ့ကုထွို့ ဆက်ပြန်မွမ့်ချာဒါ့ခွင် အွယ့်ကြားမဲ့ အာကာဒွို အီပျန့်လိုကာတို ဗွယ်ဖရာဖုဖုန်းဟနေ။ 37ပလူးစီ့ထွို့စာဖုန်း ပြန်မွမ့်ချာဒါ့ အကြောင်ဒွို မီအိုကူတွိုင်ကျုံးအကြောင်ကုဒီ့ မောရှေအွယ့် ‘ဗွယ်ဖရာဒွို ပျန့်အာဗြဟံ၊ ဣဇက်နောင် ယာကုပ်ကာဖရာ’ အိုတျန်စေးကန်း နိန်းအွယ့်ဟနေ။ 38ဗွယ်ဖရာဒွို ပလူးစီ့ဖုန်းဖရာ လီမေဟာ ပျန့်တို ပလူးဆက်အိုမွမ့်စာဖုန်း ဖရာတို။ ကွက်တဟနာမေဒေါင့်ဘာအွယ့် အာကာကားကအိုဒွို ဆက်အိုမွမ့်ကိုလိုကာတို နောင်ဗွယ်ဖရာ အွယ့်ကြားမဲ့ဟနေ” မိန့်နိန်းအွယ့်။
39အွယ့်ခါ့ ကျမ်ဒါဆရာအဟန်ဟန်အွယ့် “ဆရာအဖရေဒွို အိုမေအိုစင်တို” လျှောက်လေကာနိန်းအွယ့်။ 40တေတွို့အွယ့်မမေငါ့ လမားလဲ့ လီတစီ့လျှောက်ကာဗွမ်ဒွမ်း ကိုယ်တော် တာတစီ့ဖီချုဲင်စေးကန်း နောင်နိန်းအွယ့်။
ခွမ့်ခမ်းဒါဝိဒ်ဖုခု
(မဿဲ ၂၂:၄၁-၄၆။ မာကု ၁၂:၃၅-၃၇)
41ထွို့မဲ့ ကိုယ်တော်အွယ့် “ကွက်တဟနာ အိုဒေါင့်လိုကာ မေရှိယဒွို ပျန့်ခွမ့်ခမ်းဒါဝိဒ်ဖုခု။ 42ဆာလံကျမ်ကုဒီ့ ခွမ့်ခမ်းဒါဝိဒ်နန်တိုးဒွို
‘ဗွယ်ဖရာဒွို
43“တွိုတွို့အခိန်း ငါးအန်ချာ့ နားရန်ဆူဖုန်း နားတအုပ်ချုပ်ခမ်လားကု
အိုနင်းတာ ငါးပန်ချို့ဒိုင့်ကုလုဲင်” မိန့်စေးကန်း ငါးဗွယ်မေရှိယနိန်းဒွိုး’ ဒေါင့်စေးကန်းနိန်းအွယ့်။
44မေနိန်းအွယ့်အွယ့် ခွမ့်ခမ်းဒါဝိဒ်ဒွို မေဒေါင့် မေရှိယ ‘အာဗွယ်’ နိန်းအွယ့်အွယ့် မေရှိယဒွို မိုးနိန်းမာ ပျန့်ဒါ ခွမ့်ခမ်းဒါဝိဒ်ဖုခု” မိန့်ပလူးကအိုဒါအွယ့်ကုပါစာ နိန်းအွယ့်။
ဖီစတိ ကျမ်ဒါဆရာဖုန်း
(မဿဲ ၂၃:၁-၃၆။ မာကု ၁၂:၃၈-၄၀)
45ကိုယ်တော်အွယ့် လူထုပရိသတ်ဖုန်း အိုနာလိုကာတွင် 46“ဒင်စတိတိလိုကာ ကျမ်ဒါဆရာဖုန်းလုဲင်။ အာကာဒွို ဘာသာအိုတို့လိုကာ ကန်ကျိန်းထွော့်ခူနောင့်ဖုန်းထွို့ ဟွမ့်ယျန့်လိုကာ ပလားအန်ဒင်ရေထွို့ ကြိုစွမ်ကာ ကန်စီ့ကုထွို့ ဓမ္မာရုံကုဖုန်းလဲ့ ဘသာချွော်လိုကာ ခမ်လန်မေငါ့စွက်ကုထွို့ ပွဲပင်ကုဖုန်းလဲ့ ဘသာအိုနင်းလိုကာ ခုံအခိုစွက်ကု။ 47မယ်မုဲင်မွော်ဖုန်းယွမ်မသဲ ကုဲင်းတလျက်ထွို့ ချွော်ဆျန်ဒါလိုကာထွို့ မေဆုတောင်တာခါ့လဲ့ မိုးနန်ဆုတောင်ထွော့်ဒါတာ။ ဗွယ်ဖရာဒွို အီဖီဒူလွို့တွို့ ပလူးအွယ့်ဟို အပျက်ဒဏ်ဟနေ” မိန့် တပည့်တော်ဖုန်း နိန်းအွယ့်။
Currently Selected:
လုကာ 20: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 20
20
အခန် (၂၀)
ကိုယ်တော်ယေရှု အခွင်အာဏာ
1အငြီးကု ကိုယ်တော်ယေရှုအွယ့် အိုဟိုဖီ လူထုပရိသတ်ဖုန်း မင်္ဂလာစတင်းခို ဗိမာန်တော်ကွင်ကုတွင် ဂျူးပုရောဟိတ်အဒူအကဲဖုန်း၊ ကျမ်ဒါဆရာဖုန်းနောင် ဂျူးပလူးမျိုအဒူအကဲဖုန်းအွယ့် တွိုလေးကာထွို့ 2“နားအိုမိုးတာဒွိုးဟိုဖုန်း နောင် အခွင်အာဏာကမာဘာ။ လမာဒွို အိုဖီစေးကန်း အခွင်အာဏာ” တစီ့ကာ ကိုယ်တော်နိန်းအွယ့်။
3အွယ့်ခါ့ ကိုယ်တော်အွယ့် အကီစွက် “ငါးလဲ့ အီတစီ့နားက့ အဘာ။ နားက့ဖရေကာလုဲင်။ 4ယောဟန် ဖီကဖီငွုတ်သျှီ့မင်္ဂလာတာ လမာဒွို ဖီစေးကန်းအခွင်အာဏာ။ အိုဗွယ်ဖရာကုနောဝ်။ အိုပလူးအပလားပလားကုနောဝ်” တစီ့နိန်းအွယ့်။
5ပလူးအွယ့်ဟိုအွယ့် အချင်ချင် တစီ့လိုလေကာထွို့ “အေ့နေ့ချန်း ‘အခွင်အာဏာ အိုဗွယ်ဖရာကု’ က့မေဖရေနိန်းအွယ့်အွယ့် အာဒွို အီတစီ့ချာက့ ‘မေနိန်းအွယ့် နားက့ ကွက်တဟနာ လီယွမ်အန်ကာဟ ယောဟန်’ နိန်းအွယ့်။ 6အိုပလူးအပလားပလားကု မေဒေါင့်နိန်းအွယ့်လဲ့ လူထုပရိသတ်ဖုန်းဒွို အိုယွမ်အန်လိုကာ ယောဟန်ဒွို ပျန့်အရိယာဆူတော်ကောင် အိုဗွယ်ဖရာဆောင့်လေး အွယ့်ကြားမဲ့ အာကာဒွို အီဒွီးစီ့လိုကာဒါက့ နောင်လုံဖုန်း” ဒေါင့်လိုကာနိန်းအွယ့်။
7အွယ့်ကြားမဲ့ အာကာအွယ့် ယောဟန် ဖီကဖီငွုတ်သျှီ့မင်္ဂလာတာ လ့အခွင်အာဏာလမာဆောင့်ဒွို အကြောင်လီသိဟခရာ ဒေါင့်ငြင်းလိုကာဟနေ။
8အွယ့်ခါ့ ကိုယ်တော်အွယ့် “မေနိန်းအွယ့် ငါးအီမိုးတာဒွိုးဟိုတာ လ့အခွင်အာဏာ လမာဆောင့်ဒွိုလဲ့ ငါးအီဖရေ နားက့ လီမေဟာ” မိန့်နိန်းအွယ့်။
ပလူးခက်စပျစ်ခြန့်စာ တတိုက်တွုန်
9ထွို့မဲ့ ကိုယ်တော်အွယ့် မိန့်လူထုပရိသတ်ဖုန်း နောင်တတိုက်တွုန်အဘာဒီ့ “ပလူးအပလားအွယ့် စူ့စေးကန်း စပျစ်ခြန့်အခြန့်။ ထွို့မဲ့ ခက်စေးကန်း ခြန့် ပလူးခက်ခြန့်စာဖုန်းထွို့ စစွာ့ထန်ကေ့ တစွာ့ကလေ့ ကန်လငါ့ကု ကြာငီးတန်တွို့။ 10စပျစ်သာ ထွိုင်သာထန်ခိန်းကု အာအွယ့် အန်ကြွ့လေး စွမ်းစေပထမပလားထွို့ အန်ချန့်လေချွော် အာကလ့ထွိုက်ဒါ စပျစ်သာဖုန်း ကထန်ဒါခြန့်ကုအဟန်ဟန်။ ဒေါင့်မာလဲ့ ပလူးခက်ခြန့်စာဖုန်းအွယ့်လဲ့ တွယ်လိုကာ စွမ်းစေအွယ့်ပလားထွို့ အန်ကြွ့ကျိန်းဒုဲင့်ချာ လိုကာဘို့။ 11ဒါ့အလိုင် ခြန့်ဗွယ်အွယ့် အန်ကြွ့လေးထိုင်ဒါ့ စွမ်းစေဒုတိယပလား။ ဒေါင့်မာလဲ့ အာကာအွယ့် တွယ့်လိုကာပါဒါ့ စွမ်းစေအွယ့်ပလားထွို့ မိုးဖီလ့တကသ့ထွို့မဲ့ ဖီကြွ့ကျိန်းဒုဲင့်ချာဘို့။ 12ခြန့်ဗွယ်အွယ့် ထွိုင်အန်ကြွ့လေးဒါ့ စွမ်းစေ တတိယပလားခါ့လဲ့ ပလူးခက်ခြန့်စာဖုန်းအွယ့် တွယ်လိုကာ ဖီကလ့ယာစာထွို့ ဝါစွာ့ကျိန်းကာချာဒါ့။
13အွယ့်ခါ့ စပျစ်ခြန့်ဗွယ်အွယ့် ‘ငါးအီမိုးဘာနိန်းမာ။ ငါးအီကြွ့လေးဘာ ငါးကရက်ဒါ ငါးဖုခု။ ပလူခက်ခြန့်စာဖုန်းဒွို မေသျှီငါးဖုခုအွယ့် အီရိုစေကာတိုမတောဝ်’ ဒေါင့်တိုးအာနန်နိန်းအွယ့်ထွို့ အန်ကြွ့လေအာဖုခု။
14ဒေါင့်မာလဲ့ ပလူးခက်ခြန့်စာဖုန်းအွယ့် ထွိုင်သျှီထွို့ ခြန့်ဗွယ်ဖုခုခါ့ ‘ပလူးဒွိုးပလားဒွို အီပျန့်ပလူးဆွက်ခံ ခြန့်ဒွိုးဘာအမွေစာ။ အာအီလ့ဒါ အမွေဖုန်းဒွို ဖီကပျန့်ကေ့ က့တာတာ မိုးစီ့လိုကာကေ့အာနယ်’ အချင်ချင် ဒေါင့်စွူ့တွုန်ပင်လိုကာနိန်းအွယ့်ထွို့ 15အာကာအွယ့် ကျွိုထန်လိုကာခြန့်ဗွယ်ဖုခု ခူနောင့်ဒိုင့်ထွို့ မိုးစီ့လိုကာကေ့။
နားလိုကာလုဲင် မေနိန်းအွယ့်အွယ့် စပျစ်ခြန့်ဗွယ်ဒွို အီမိုးပလူးအွယ့်ဟိုဖုန်း နိန်းမာ။ 16ခြန့်ဗွယ်အွယ့် အာနန်လေးတိုးထွို့ အီလေဖီ ပလူးခက်ခြန့်စာဖုန်း အပျက်ဒဏ် တွိုတွို့ကစီ့။ မေထွို့ စပျစ်ခြန့်အွယ့်လဲ့ အီဖီခက်ကေ့ ပလူးခက်ခြန့်လငါ့စာဖုန်း” မိန့်နိန်းအွယ့်။
ပလူးကဟွမ့်ဘာ ကိုယ်တော်ကဒေါင့်ဒါငိုစာဖုန်းလဲ့ “ဖီကျန်ပျန့်မားမားမာ နောင်ကိစ္စဒွိုးဟိုမာ” ဒေါင့်ကာနိန်းအွယ့်။
17အွယ့်ခါ့ ကိုယ်တော်အွယ့် ဟွိုင့်ကြိုင်အာကာထွို့
“လိတ်ကျမ်ကု ‘ပလူးတေတိုက်စာဖုန်း ကပေစေးကန်းဒါ လုံဒွို
ပျန့်ထန်တို လုံချုပ်တနွမ် အရေဒူစွက်’ ကတျန်စေးကန်းဒါဒီ့ ဘာသဒေါင့် တဟနာ။
18ပလူးကလင်တေးဒါ လုံအွယ့်မာ့လောင်စာဖုန်းဒွို အီတကာညွှော့်ဘာ ပိန်ကွို့ကွို့။ လုံအွယ့်မာ့ မေလင်တေးလင် ပလူးအပလာပလားလောင်အွယ့်လဲ့ ပလူးအွယ့်ပလားဒီ့ အီညွှော့် ဖွမ်နွမ်ကေ့တွို့ဟနေ”#20:18 လုံချုပ်တနွမ်ဒွို ဘာသဒေါင့်တို ကိုယ်တော်ယေရှုဟနေ။ ကိုယ်တော်ဒွို ဖီစတိ ပလူးငြင်းပေအာစာ အီကေ့ကာဘာတာခရာတို ဟနေ။ မိန့်နိန်းအွယ့်။
19ဂျူးပုရောဟိတ်အဒူအကဲဖုန်းနောင် ကျမ်ဒါဆရာဖုန်းအွယ့် ကိုယ်တော်ဒွို ဘာသမိန့်အာကာထွို့ မိန့်နေ့နောင် တတိုက်တွုန်အွယ့်ဘာခရာ သိလိုကာ အွယ့်ကြားမဲ့ အွယ့်ခိန်းခိန်းကုဟို့ ဘသာကျန်းလိုကာ ကိုယ်တော်လဲ့ အာကာအွယ့် အိုစကန်လိုကာ လူထုပရိသတ်ဖုန်း အွယ့်ကြားမဲ့ လီကျန်းလိုကာဟဟနေ။
ဖီတခွမ်
20အွယ့်ကြားမဲ့ ဂျူးပုရောဟိတ်အဒူအကဲဖုန်းနောင် ကျမ်ဒါဆရာဖုန်းအွယ့် အိုပွိုင်းဟွိုင့်လိုကာ ကိုယ်တော်ထွို့ မေကွင်မို့အပျက် ကိုယ်တော်ငိုဖုန်းကုခါ့ ဖီကကျန်းကိုယ်တော်ထွို့ ဖီကအပ်ဒါ ပလူးရောမအုပ်ချုပ်စာကျွော့်ကုတာ အန်ကြွ့လေးလိုကာ သူလျှို အိုယောင်ဆောင်စေးကန်းဒါ ဆူတော်ကောင်စာဖုန်း။ 21သူလျှိုအွယ့်ဟိုအွယ့် လေးမူလိုကာကိုယ်တော်ဆောင့်ထွို့ “ဆရာ၊ ဆရာ စွမ့်တာဒွို မှန်ကန်တို။ လီလွိုက်ဟ လမားမားမေငါ့ထွို့ အိုစွမ့်တိုနောင် ဗွယ်ဖရာတရာကလေ့ အမှန်အတွုန်ဒွို က့အိုသိတို။ 22အွယ့်ကြားမဲ့ ဆက် ရောမဧကရာဇ်တခွမ်ဒွို နောင်တရာတော် ညီနောဝ် မေဟလဲ့ ညီဟနောဝ်ဒွို ဒေါင့်နေ့ဖီက့” လျှောက်ဒင်ကာ ကိုယ်တော်နိန်းအွယ့်။
23ကိုယ်တော်အွယ့် အိုသိ အာကာပရိယာယ် အွယ့်ကြားမဲ့ 24“နေ့ဖီ ရောမဒေနာရီကွမ့်ဒင်္ဂါ အဗီလုဲင်။ အွယ့်ဘာလောင် ပါစို့လမာရုပ်နောင် လမာနျန်း” တစီ့အာကာနိန်းအွယ့်။ ပလူးအွယ့်ဟိုလဲ့ “ရောမဧကရာဇ်နျန်း နောင် အာရုပ်တို” ဖရေလိုကာနိန်းအွယ့်။
25အွယ့်ခါ့ ကိုယ်တော်အွယ့် “တာကဆိုင်နောင် ရောမဧကရာဇ်လဲ့ ဆက်လိုကာ ရောမဧကရာဇ် ထွို့ တာကဆိုင်နောင် ဗွယ်ဖရာဖုန်းလဲ့ ဆက်လိုကာဗွယ်ဖရာလုဲင်” မိန့်နိန်းအွယ့်။
26သူလျှို ကယောင်ဆောင်ဒါနန် ဆူတော်ကောင်စာဖုန်းအွယ့် ကွင်လိုကာကိုယ်တော်တမာ ပလူးပရိသတ်ဖုန်း မေငါ့ကု လီမို့ဟကာဟ ဟွမ့်ဆန် အွိုမွိုလိုကာတွို့ တာကိုယ်တော် ကပြန်ဖရေဟွမ့်ချာဒါ့ထွို့ အိုယင်တစ်လိုကာတာ။
တစီ့ အိုတစီ့ကုထွို့ ဆက်ပြန်မွမ့်ထန်ချာဒါ့ခရာ
(မဿဲ ၂၂:၂၃-၃၃။ မာကု ၁၂:၁၈-၂၇)
27ထွို့မဲ့ အွယ့်ကုပါအွယ့် တယွမ်အန် အိုတစီ့ကုထွို့ ဆက်ပြန်မွမ့်ချာဒါ့တာ လီအိုဟ ဇဒ္ဒုကဲ#20:27ဇဒ္ဒုကဲ ကဒေါင့်ဒါဒွို ပျန့်တို ဂျူးဖာစာရေ အကျွိုအဘာ လီလက်ခံဟ အကြောင်ဖဝငါ့အိုခရာ၊ မေစီ့ထွို့ ဝိညာဉ်လဲ့ တမာ့ကျိန်းပါကေ့ အိုယွမ်အန်လိုကာတို နိန်းအွယ့်စာဖုန်း တိုဟနေ။ အခီအခို့အွယ့် ရီ့ဘို့လေးကာ ကိုယ်တော်ဆောင့်ထွို့ 28“ဆရာ၊ မောရှေပညတ်ကျမ်ကုဒီ့ ‘ပလူးမာ့အိုစာအပလားအွယ့် ဖုဖုန်းလီအိုဟထွို့ မေစစီ့ကေ့အွယ့် အာပွော်ခုဒွို အာဝေကျွူးဖီကအိုကေ့တာ အန်နီဘာ ကအိုကေ့ဒါ မယ်မုဲင်မွော်အွယ့်ပလား။ အာကာအန်တငြီ့ ဖုခုယင်ဒွို သတ်မှတ်ဖီဘာ ပျန့်နောင် ကစီ့ကေ့ဒါ အာဝေခုဖုခု’ တျန်စေးကန်းနိန်းအွယ့်။ 29မေနိန်းအွယ့်အွယ့် အလိုင်ကုဒီ့ တပွော်ဝေ အန်တနျွို့ကု ဝေခုအဒူစွက်ပလားအွယ့် တိုယွမ်တိုပါထွို့ ဖုဖုန်းအိုဟထွို့ စစီ့ကေ့။ 30ဒုတိယအဒူစွက်ပလားအွယ့် အိုအန်နီတို ကအိုကေ့ဒါ မယ်မုဲင်မွော်အွယ့်ပလားလဲ့ ဖုဖုန်းလီအိုဟထွို့ စစီ့ကေ့ဒါ့။ 31ပွော်ခုတတိယအွယ့်ပလားလဲ့ ပျန့်ပျန့်ကေ့နောင် နိန်းအွယ့်ထွို့ တပွော်ဝေအန်တနျို့လူးအွယ့် တိုယွမ်တိုပါကာနောင် ပမွော်အွယ့်ပလားထွို့ ဖုဖုန်းအိုဟထွို့ စစီ့ခရိုလိုကာကေ့။ 32ကန်စာ့စွက်ကု မယ်မုဲင်မွော်အွယ့်ပလားလဲ့ စစီ့ကိုနေနေ။ 33မေနိန်းအွယ့်အွယ့် ပမွော်ဒွိုးပလားဒွို အန်နီဘာလူးတွို့နောင် တပွော်ဝေ အန်တနျို့အွယ်ကြားမဲ့ ဗွယ်ဖရာဒွို မေမိုးဖီ ပလူးစီ့ထွို့စာဖုန်း အိုတစီ့ကုထွို့ ဆက်ပြန်မွမ့်ချာခါ့ ပမွော်ဒွိုးပလားဒွို အီပျန့်လမာမာ့” တစီ့လျှောက်ကာနိန်းအွယ့်။
34အွယ့်ခါ့ ကိုယ်တော်အွယ့် “လောကဒွိုးဘာစာဖုန်းဒွို တအန်နီလိုကာ၊ ဖီအပ်လိုလေကာဖုန်းအို။ 35ဒေါင့်မာလဲ့ ပလူးကထွိုက်တန်နောင် အိုတစီ့ကုထွို့ ဆက်ပြန်မွမ့်ချာဒါ့စာဖုန်း ဆက်မေပြန်မွမ့်ထန်ချာဒါ့ခါ့ ဗွမ့်နောင် တအန်နီကာဖုန်း လီအိုဟဒွမ်း ဖီအပ်လိုလေကာလဲ့ လီအိုဒွမ်းဟာ။ 36အာကာဒွို အီအန်နီလိုကာခရာ အိုဟဒွမ်းထွို့ အီပျန့်လိုကာနောင် လီစီ့ဒါဟဒွမ်းဒါ လွှော်ဒေဝါဖုန်း။ ဗွယ်ဖရာဒွို မိုးဖီတို အာကာဖီကလ့လိုကာ အိုတစီ့ကုထွို့ ဆက်ပြန်မွမ့်ချာဒါ့ခွင် အွယ့်ကြားမဲ့ အာကာဒွို အီပျန့်လိုကာတို ဗွယ်ဖရာဖုဖုန်းဟနေ။ 37ပလူးစီ့ထွို့စာဖုန်း ပြန်မွမ့်ချာဒါ့ အကြောင်ဒွို မီအိုကူတွိုင်ကျုံးအကြောင်ကုဒီ့ မောရှေအွယ့် ‘ဗွယ်ဖရာဒွို ပျန့်အာဗြဟံ၊ ဣဇက်နောင် ယာကုပ်ကာဖရာ’ အိုတျန်စေးကန်း နိန်းအွယ့်ဟနေ။ 38ဗွယ်ဖရာဒွို ပလူးစီ့ဖုန်းဖရာ လီမေဟာ ပျန့်တို ပလူးဆက်အိုမွမ့်စာဖုန်း ဖရာတို။ ကွက်တဟနာမေဒေါင့်ဘာအွယ့် အာကာကားကအိုဒွို ဆက်အိုမွမ့်ကိုလိုကာတို နောင်ဗွယ်ဖရာ အွယ့်ကြားမဲ့ဟနေ” မိန့်နိန်းအွယ့်။
39အွယ့်ခါ့ ကျမ်ဒါဆရာအဟန်ဟန်အွယ့် “ဆရာအဖရေဒွို အိုမေအိုစင်တို” လျှောက်လေကာနိန်းအွယ့်။ 40တေတွို့အွယ့်မမေငါ့ လမားလဲ့ လီတစီ့လျှောက်ကာဗွမ်ဒွမ်း ကိုယ်တော် တာတစီ့ဖီချုဲင်စေးကန်း နောင်နိန်းအွယ့်။
ခွမ့်ခမ်းဒါဝိဒ်ဖုခု
(မဿဲ ၂၂:၄၁-၄၆။ မာကု ၁၂:၃၅-၃၇)
41ထွို့မဲ့ ကိုယ်တော်အွယ့် “ကွက်တဟနာ အိုဒေါင့်လိုကာ မေရှိယဒွို ပျန့်ခွမ့်ခမ်းဒါဝိဒ်ဖုခု။ 42ဆာလံကျမ်ကုဒီ့ ခွမ့်ခမ်းဒါဝိဒ်နန်တိုးဒွို
‘ဗွယ်ဖရာဒွို
43“တွိုတွို့အခိန်း ငါးအန်ချာ့ နားရန်ဆူဖုန်း နားတအုပ်ချုပ်ခမ်လားကု
အိုနင်းတာ ငါးပန်ချို့ဒိုင့်ကုလုဲင်” မိန့်စေးကန်း ငါးဗွယ်မေရှိယနိန်းဒွိုး’ ဒေါင့်စေးကန်းနိန်းအွယ့်။
44မေနိန်းအွယ့်အွယ့် ခွမ့်ခမ်းဒါဝိဒ်ဒွို မေဒေါင့် မေရှိယ ‘အာဗွယ်’ နိန်းအွယ့်အွယ့် မေရှိယဒွို မိုးနိန်းမာ ပျန့်ဒါ ခွမ့်ခမ်းဒါဝိဒ်ဖုခု” မိန့်ပလူးကအိုဒါအွယ့်ကုပါစာ နိန်းအွယ့်။
ဖီစတိ ကျမ်ဒါဆရာဖုန်း
(မဿဲ ၂၃:၁-၃၆။ မာကု ၁၂:၃၈-၄၀)
45ကိုယ်တော်အွယ့် လူထုပရိသတ်ဖုန်း အိုနာလိုကာတွင် 46“ဒင်စတိတိလိုကာ ကျမ်ဒါဆရာဖုန်းလုဲင်။ အာကာဒွို ဘာသာအိုတို့လိုကာ ကန်ကျိန်းထွော့်ခူနောင့်ဖုန်းထွို့ ဟွမ့်ယျန့်လိုကာ ပလားအန်ဒင်ရေထွို့ ကြိုစွမ်ကာ ကန်စီ့ကုထွို့ ဓမ္မာရုံကုဖုန်းလဲ့ ဘသာချွော်လိုကာ ခမ်လန်မေငါ့စွက်ကုထွို့ ပွဲပင်ကုဖုန်းလဲ့ ဘသာအိုနင်းလိုကာ ခုံအခိုစွက်ကု။ 47မယ်မုဲင်မွော်ဖုန်းယွမ်မသဲ ကုဲင်းတလျက်ထွို့ ချွော်ဆျန်ဒါလိုကာထွို့ မေဆုတောင်တာခါ့လဲ့ မိုးနန်ဆုတောင်ထွော့်ဒါတာ။ ဗွယ်ဖရာဒွို အီဖီဒူလွို့တွို့ ပလူးအွယ့်ဟို အပျက်ဒဏ်ဟနေ” မိန့် တပည့်တော်ဖုန်း နိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.