လုကာ 22
22
အခန် (၂၂)
တကျေရင် အီမိုးစီ့ ကိုယ်တော်ယေရှု
(မဿဲ ၂၆:၁-၅။ မာကု ၁၄:၁-၂။ ယောဟန် ၁၁:၄၅-၅၃)
1ထွို့မဲ့ အခိန်းအီမိုး တအန်ငြီလွှတ်ပွဲ ကဟောင့်ဒါ ပသခါပွဲအခိန်း ဘို့တွိုလေလိ။ 2ပုရောဟိတ်အဒူအကဲဖုန်းနောင် ကျမ်ဒါဆရာဖုန်းအွယ့် စကန်လိုကာ လူထုဖုန်း အွယ့်ကြားမဲ့ အီကွင်ဘာ အကြောင်ခရာနိန်းမာထွို့ ကွင်လိုကာတနယ် အီမိုးစီ့ကျွော်ဘာ ကိုယ်တော်ယေရှုတာ။ 3ထွို့မဲ့ သာဝကအစီ့ငြီ့ပါးကု ကပါဒါ ယုဒရှကာရုတ်အွယ့် ခွင်ဖီမာရ်နတ် ကျိန်ပူစို့ အာသ့ကု။ 4ထွို့မဲ့ ယုဒအွယ့် ရီ့ဘို့လေ ပုရောဟိတ်အဒူအကဲဖုန်းနောင် ဗိမာန်တော်အိုပေါင်းစာခေါင်းဆောင်ဖုန်းဆောင့်ထွို့ ဒေါင့်စွူ့တွုန်ပင်လေ အီအပ်ဘာကိုယ်တော်ယေရှု အာကာကျွော့်ကု နိန်းမာကြားခရာ။ 5ပလူးအွယ့်ဟိုဖုန်းလဲ့ ဟွမ့်ခိုလိုကာယွမ်တွို့ထွို့ စဖိုတူလိုကာ အီဖီ ယုဒကွမ့်တာ။ 6ယုဒလဲ့ စဖိုတူလေအွယ့်ကြားမဲ့ အီကျန်းကိုယ်တော်ယေရှု ပလူးစုဝေဖုန်း လီအိုဟခိန်းကုတာ အိုပွိုင်းအခါ့ခိုဟနေ။
ရျန်းပသခါပွဲတာ
7ထွို့မဲ့ တွိုလေး မငြီးအီပူဇော်ဘာ သိုးပီ တအန်ငြီလွှတ်ပွဲ ကဟောင့်ဒါ ပသခါပွဲတာကု။ 8အွယ့်ကြားမဲ့ ကိုယ်တော်ယေရှုအွယ့် “လေးကီ ငါးမေငါ့ကုလုဲင်။ က့အီအန်ကိုကာ ပသခါပွဲကုတာ လေရျန်းလိုကာချန်းလုဲင်” မိန့်ပေတရုနောင် ယောဟန်နိန်းအွယ့်။
9အာကာအွယ့်လဲ့ “ဗွယ်၊ ဘာသအန်ချန့်က့ရျန်း ကမာကု” တစီ့လျှောက်လိုကာနိန်းအွယ့် အွယ့်ကြားမဲ့
10ကိုယ်တော်အွယ့် “အန်ဒင်ရေထွို့ နာလိုကာလုဲင်။ နားက့မေနွူးကျိန်း ဂျေရုဆလင်ဝိန်းကုအွယ့် အီခွယ်နောင် ပလူးအိုယိုးလေးသျှီ့ပွိုင်းစာ အပလား။ တွဲ့လေးကာ အာကန်စာ့ကုထွို့ နွူးကျိန်းကာ အာကနွူးကျိန်းဒါ ယွမ်အွယ့်မာ့ကုလုဲင်။ 11မေထွို့ ‘က့ဆရာဒွို နောင်တပည့်ဖုန်း အီအန်စို့ဘာ ပသခါပွဲ တအန်မွိုင်ဟခန်ဒီ့ အိုကမာကု အန်ချန့်တစီ့နားနိန်းအွယ့်’ ဒေါင့်လိုကာယွမ်ဗွယ် နိန်းအွယ့်လုဲင်။ 12အွယ့်ခါ့ ယွမ်ဗွယ်အွယ့် အီဟောင့်ထန် နားက့ ယွမ်ခမ်လွို့ရန်းထွို့ အီနေ့ဖီ ခန်အိုရျန်းစေကန်းဒါ လေတန် အခန်။ ရျန်းလိုကာ တအန်ဖုန်း အွယ့်ခန်ကုလုဲင်” မိန့်နိန်းအွယ့်။
13ထွို့မဲ့ ပေတရုနောင် ယောဟန်ကာအွယ့်လဲ့ စစွာ့ထန်လိုကာထွို့ ခွယ်လိုကာနောင် ကိုယ်တော်မိန့်အတွုန် အွယ့်ကြားမဲ့ ရျန်းလိုကာ တအန်ဖုန်းအွယ့်ကုပါ ပသခါပွဲတာ။
အန်ပသခါတအန်မွိုင်ဟ ကိုနောင်တပည့်ဖုန်း
(မဿဲ ၂၆:၂၆-၃၀။ မာကု ၁၄:၂၂-၂၆)
14ပသခါပွဲအခိန်းထွိုင်တွိုလေးခါ့ ကိုယ်တော်အွယ့် နွူးကျိန်ခန်ကုန်ကုကုထွို့ အိုနင်းတာ ခုံကုနောင် သာဝကဖုန်း။ 15ထွို့မဲ့ ကိုယ်တော်အွယ့် “ခရားငါးအီခံဘာ တဆင်ရဲတခုဲင်ဝေဒနာဖုန်း အီအန် ပသခါပွဲဒွိုးဘာ ကိုနောင်နားက့တာ ငါးအလိုအိုယွမ်တွို့။ 16ငါးအီဒေါင့်နားက့ဒွို။ တွိုတွို့ဗွယ်ဖရာသာသနာတော်ကု ပသခါပွဲအဓိပ္ပာယ် ခရားအီပျန့်ထန်ယွမ်ခိန်း ငါးဒွို အီအန်ထိုင်ဒါ့ ပသခါပွဲလီမေဟာ” မိန့်နိန်းအွယ့်။
17ထွို့မဲ့ ကိုယ်တော်အွယ့် ချွော်စပျစ်သျှီ့ကလောက်ထွို့ အန်ဖရာကေဇူတော်ထွို့မဲ့ “ချွော်ကလောက် ဒွိုးဘာထွို့ အချင်ချင်ပါးအို့လိုကာလုဲင်။ 18ငါးအီဒေါင့်နားက့ဒွို၊ တွိုတွို့ ခရားအီတေ ဗွယ်ဖရာသာသနာတော်ကုခိန်း ငါးအီအို့ဒါ့ စပျစ်သျှီ့ လီမေဟာ” မိန့်နိန်းအွယ့်ထွို့
19ချွော်တကိုးထွို့ အန်ဖရာ ဗွယ်ဖရာကေဇူတော်ထွို့မဲ့ ပီတကိုးထွို့ အိုဖီတပည့်ဖုန်းခါ့ “တကိုးဒွိုးဘာဒွို ပျန့်တို ငါးဖီငါးနန်ခန္ဓာ နားက့တာတိုဟနေ။ အိုယူနောင်ငါးအနေထွို့ မိုးလိုကာနိန်းဒွိုးလုဲင်” မိန့်နိန်းအွယ့်။
20နောင်နိန်းအွယ့်အွယ့် အန်လိုကာထွိုင်ထွို့ခါ့ ကိုယ်တော်အွယ့် ပန်စေးကန်း နောင်ကလောက်ထွို့ “စပျစ်သျှီ့ ဒွိုးဘာဒွို ဖီကပျန့် တစဖိုတူအတ့ နောင်ဗွယ်ဖရာတာ ပုံဆောင်ဖီတို ငါးကျွူ ကာလင်းဖီ နားက့တာတို။ 21ဒေါင့်မာလဲ့ ပလူးအီသစ္စာဖောက်ငါးစာဒွို ဒွိုးခါ့ အိုနင်းထွို့ အိုအန်အို့ကိုတိုငါး ခုံဒွိုးဘာကု။ 22ပလူးဖုခုငါးဒွို အီစီ့ဘာတိုနောင် ဗွယ်ဖရာတကြံအတွုန်လဲ့ တွိုပလူးကသစ္စာဖောက်ဒါ ပလူးဖုခုငါးစာဒီ့ပလားဒီ့ အီကြုံဘာနောင်တခုဲင်” မိန့်နိန်းအွယ့်။ 23ထွိုင်ဟွမ့်ငိုအွယ့်ဘာခါ့ သာဝကဖုန်းအွယ့် “က့ကုဒွို လမာ အီမိုးတာလီခိုဟနိန်းဒွိုး” အချင်ချင် တစီ့လိုလေးလိုကာ နိန်းအွယ့်။
ထိန့်လိုကာတာ
24ထွို့မဲ့ တပည့်ဖုန်းအွယ့် အာကာကု လမာဒွို ပျန့်တို အဒူမြတ်စွက်တို အချင်ချင် အိုထိန့်လိုကာ နိန်းအွယ့် အွယ့်ကြားမဲ့ 25ကိုယ်တော်အွယ့် “ပလူးဂျူးလီမေဟစာဖုန်းခွမ့်ခမ်းဖုန်းဒီ့ ကုဲင်းအုပ်ချုပ်လိုကာ အာကာကန်စာဖုန်းလောင် နောင်အာဏာဖုန်း။ ဒေါင့်မာလဲ့ အာကာနန်နောင်နန် ဘသာအန်ချန့် ပလူးဖုန်း ထင်လိုကာ အာကာဒွို ပျန့်တို ပလူးမိုးအမျာတမိုးစာဖုန်း နိန်းအွယ့်။ 26ဒေါင့်မာလဲ့ တွိုနားက့ဒွို လီလူပျန့်ဟာ နောင်ပလူးအွယ့်ဟိုဖုန်းဟာ။ နားက့ကု ပလူးအဒူမြတ်စွက်စာဒွို အိုလူချာ့ဖွိုထွို့အိုတိုနောင် ပလူးအရေလီပါဟစွက်စာထွို့ ခေါင်းဆောင်စာဒွိုလဲ့ အိုလူချာ့ဖွိုတိုးနန်ထွို့ အိုလူအို ဗွမ့်တိုနောင်စွမ်းစေ။ 27ပလူးအီအန်တာတာ အိုနင်တာခုံကုစာ နောင် ပလူးကရျန်းဖီဒါ တအန်တအို့စာဒွို လမာပေါင်းဒူမြတ်လွို့။ ပလူးကအိုနင်းတာ ခုံကုစာအွယ့်ပလား ပေါင်းဒူမြတ်လွို့ထိုင် မေဟနောဝ်။ ဒေါင့်မာလဲ့ နားက့ခါကု ငါးဒွို ပျန့်ဘို့နောင် ပလူးရျန်းဖီဘာ တအန်တအို့စာဟို့ဟနေ။ 28ငါအိုကြုံဘာ တခုဲင်ဆင်ရယ်ဖုန်းကုခါ့ နားက့ဒွို ပျန့်တို ပလူးအိုကိုနောင် ငါးစာဖုန်းတို။ 29ဗွမ့်နောင် ငါးဖာ့ဗွယ် ဖီအပ်ငါး တအုပ်စိုပွိုင်ခွင်ပလူးဖုန်းလောင် ငါးဒွိုလဲ့ ဖီအပ်တိုနားက့ တအုပ်စိုပွိုင်ခွင်ပလူးဖုန်းလောင်။ 30အွယ့်ကြားမဲ့ နားက့ဒွို အီအိုနင်းဘာတာ ပလ္လင်လောင်ကု နောင်အခွင်အန်ဘာတာ ငါးခုံကု ကအိုဒါ ငါးသာသနာတော်ကုထွို့ အီအုပ်ချုပ်ဘာ အစ္စရေးမျိုနွယ်စု အစီ့ငြီ့စုဟနေ။”
မိန့်ကီစေးကန်း ပေတရုအီငင်းပေခရာ
(မဿဲ ၂၆:၃၁-၃၅။ မာကု ၁၄:၂၇-၃၁။ ယောဟန် ၁၃:၃၆-၃၈)
31“ရှိမုန်၊ ရှိမုန်၊ နာလုဲင်၊ ဗွမ့်နောင်လုဲင်စာဒီ့ ခွယ်ခြာ ဘွူ့ကုန့်နောင် ဘွူ့ကွော မာရ်နတ်ဒွိုလဲ့ အီကျန် အီခွယ်ခြာ နာက့ အပလားပလားကျားတာ ကျွူ့လီ့ထွို့ အခွင်အခါ။ 32ဒေါင့်မာလဲ့ ရှိမုန် နားတယွမ်အန် ငါးလောင် ဖီကျန်းအိုယွတ်ကေ့မာတာ ငါးဆုတောင်ဖီတို။ နားမေပြန်လ့ချာဒါ့ နောင်တထွို့ မေပြန်လှည်ချာဒါ့ ငါးဒိုင့်ခါ့ ကပျန့်ဒါ နားပွော်ဝေဖုန်း တပည့်လငါ့ဖုန်းဒွိုလဲ့ တယွမ်အန်ဖီကခွိုင့်တိန်တာ ကူညီဖီပါလုဲင်” မိန့်ဒေါင့်နိန်းအွယ့်။
33အွယ့်ခါ့ ပေတရုအွယ့် “ဗွယ်၊ ငါးဒွို ထောင်ကုခယောဝ်း၊ တစီ့ကုခယောဝ်း အီတွဲ့လေးကိုနောင် ကိုယ်တော်တာ အိုရျန်းစေးကန်းလိအထွို့” လျှောက်ဒင်နိန်းအွယ့် အွယ့်ကြားမဲ့
34ဒေါင့်မာလဲ့ ကိုယ်တော်အွယ့် “ပေတရု၊ ငါးအီဒေါင့်နားဒွို။ ဟန်ဟာ့ ခရားစာ့အီအွော့်ကုဟို့ နားဒွို အီငြင်းပေငါး နားသိငါဟငါးနိန်းအွယ့် အန်တွမ့်လိုင်မှန်မှန်” မိန့်နိန်းအွယ့်။
အီခံတခုဲင်ဆင်ရယ်တာ ရျန်းစေးကန်းကာ အထွို့လုဲင်
35ထွို့မဲ့ ကိုယ်တော်အွယ့် “ငါးဒွို ဖီကဟိုဒေါင့် မင်္ဂလာစတင်းခိုတာ အန်ချန့်ချွော်လေးဟ ဘီဆန်၊ တန်ပွို့ နောင်ခင်ဖာအလွို့ဖုန်းထွို့ အန်ကြွ့လေးဒါ နားက့ဒုန့် ဝိန်းဖုန်းကုခိန်းခါ့ဒီ့ နားက့ကု တအိုလူတကျွိုကျွို အိုဘာနဲ့” ထွိုင်တစီ့ တပည့်ဖုန်းနိန်းအွယ့်ခါ့
တပည်ဖုန်းအွယ့် “လီအိုဘာဟာ” လျှောက်ဒင်လိုကာနိန်းအွယ့်။
36အွယ့်ခါ့ ကိုယ်တော်အွယ့် “တွိုဒွိုးခါ့လိုင် ကွမ့်ကျောက်မေအိုလဲ့ ချွော်လေးကာလုဲင်။ တန်ပွို့မေအိုလဲ့ ချွော်လေးကာလုဲင်။ နားက့ဆောင့် ဒို့မေလီအိုဟလဲ့ အန်ကားကေ့ ကန်ကျိန်းအခီအခို့ထွို့ အန်ပလီးလိုကာဒို့လုဲင်#22:36 ဒွိုးကုဒွို ကိုယ်တော်ဒွို စုံနောင်အလင်္ကာထွို့ ဒေါင့်တိုတာ ဟနေ။ ဘာတအန်ချန် အန်ပလီး ဒို့ယွမ်မေဟ။ ပလူးဖုန်း မေမိုးခုဲင်းနှိပ်စက်အာကာခါ့ ဖီကရျန်းစေးကန်းကာ ကအီတွိုလင်ဒါ အန္တရာယ်ဖုန်းတာတိုဟနေ။ ဒေါင့်မာလဲ့ တပည့်တော်ဖုန်းအွယ့် ယူမာလိုကာ ကိုယ်တော် ဒေါင့်ဒို့ယွမ်ဟနေ။။ 37ငါးအီဒေါင့်နားက့ဒွို။ လိတ်ကျမ်ကု ကတျန်စေးကန်း ငါ့ဆောင့် အီပျန့်ထန်ဘာယွမ်တိုဒါ ‘အာဒွို အီခံဘာပလား သတ်မှတ် ပျန့်နောင်အပျက်စာ’ နောင်ကျမ်ပိုဒ် နိန်းအွယ့်ဒီ့ အီပျန့်ထန်လိထွို့ဟနေ” မိန့်နိန်းအွယ့်။
38အွယ့်ခါ့ တပည့်ဖုန်းအွယ့် “ကိုယ်တော်၊ ဟွိုင့်လုဲင်။ က့ကုဒွို ဒို့အိုအန်ငြီ့ဘာ” လျှောက်ဒင်လိုကာနိန်းအွယ့် အွယ့်ကြားမဲ့
ကိုယ်တော်အွယ့် “ကျန်ဒေါင့်လိုကာမာဒွမ်မာ ဆိုင်နောင်ဒို့ခရာမာ” မိန့်နိန်းအွယ့်။
ကိုယ်တော်ယေရှု ဆုတောင်တာ သံလွင်ခေါင့်လောင်ကု
(မဿဲ ၂၆:၃၆-၄၆။ မာကု ၁၄:၃၂-၄၂)
39ထွို့မဲ့ ကိုယ်တော်အွယ့် ဗွမ့်နောင် အိုမိုးတစေစေဒါအတွုန် ကြွာ့ထန် ခမ်လန်ကဟောင့်ဒါ သံလွင်ခေါင့်လောင်ကု။ တပည့်ဖုန်းအွယ့်လဲ့ တွဲ့လေးလိုကာ အာကန်စာ့။ 40ထွိုင်တွိုထွို့ အွယ့်ကုခါ့ ကိုယ်တော်အွယ့် “ဖီကျန်ခံဘာမာ တအော်တခြောက်တလျှက်ကုမာ ဆုတောင်လိုကာ ဗွယ်ဖရာဆောင့်လုဲင်” မိန့်အာတပည့်ဖုန်းနိန်းအွယ့်။ 41ထွို့မဲ့ ကိုယ်တော်အွယ့် အိုအာကာဆောင့်ထွို့ လေးလေ ခမ်လန်ပေါင်းယား အိုနောင် အန်တွမ့်မီတာကုထွို့ အိုနင်းခေါက်တာထွို့မဲ့ 42“အွို ဖာ့ဖရာ၊ ဖာ့ဖရာ အလိုမေအိုအွယ့် မိုးဖီ ဖီကလွှတ်ကေ့ ငြီးဟ ငါးဆောင့် အီခံစာဘာဒါ တခုဲင်းဆင်ရယ်ဖုန်းမွန်။ ဒေါင့်မာလဲ့ ဒွိုးဒွို ဖီပျန့်ဘို့နောင် ဖာ့ဖရာအလိုတော်အတွုန်ငါမထွို့။ ဖီကျန်ပျန့်မာ နောင်ငါးအလိုအတွုန်မာ” ဆုတောင်တာနိန်းအွယ့်။ 43အွယ့်ခါ့ လွှော်ဒေဝါ ကအိုဒါ ဝိန်းခမ်းကုအပါး တွို့လေးထွို့ ဖီအာလေကိုယ်တော်။ 44ကိုယ်တော်အွယ့် အိုခံစားဘာဒူယွမ်တွို့ သ့ပင်ပန်ဖုန်းထွို့မဲ့ ထွိုင်ဆုတောင်ယွမ်တွို့တာခါ့ ကိုယ်တော်ကု ကလင်းထူ့လင်းဒါ ငွမ်တင့်သျှီ့ဖုန်းအွယ့် လင်ကျိုက်လင်းတာ ဟန်လောင်ကု ဗွမ့်တွို့နောင် ကျွူဖုန်း။
45ကိုယ်တော်အွယ့် ဆုတောင်တာနိန်းအွယ့်ထွို့ ထွိုင်ပြန်ကျိန်းချာဒါ့ အာတပည့်ဖုန်းဆောင့်ခါ့ အာထွိုင်သျှီ တပည့်ဖုန်းအွယ့် သ့ပီဟွမ့်ရွိုးလိုကာထွို့ အိုငြီ့ပိန်းလိုကာတာခါ့ 46ကိုယ်တော်အွယ့် “မိုးဟနာ အိုငြီ့ပိန်းလိုကာတာ။ ဖီကျန်တွိုမာ တအော်တခြောက်တလျှက်ကုမာ ထွိုင်ထွို့ ဆုတောင်လိုကာတာလုဲင်” မိန့်အာတပည့်ဖုန်းနိန်းအွယ့်။
ကိုယ်တော်ယေရှု ခံဘာကျန်း
(မဿဲ ၂၆:၄၇-၅၆။ မာကု ၁၄:၄၃-၅၀။ ယောဟန် ၁၈:၃-၁၁)
47ကိုယ်တော် အိုမိန့်တာနိန်းအွယ့်ခိန်းကုဟို့ ပလူးကျွိုဒူအကျွိုအွယ့် တွိုလေကျွို့တာ။ သာဝကအစီ့ငြီ့ပလားကု အပလား ကပျန့်ဒါ ယုဒအွယ့် ကောအွမ့်ဟောင့်လေး ပလူးအွယ့်ဟို ကိုယ်တော်ဆောင့်ဟနေ။ အာအွယ့် အီနူ့တာ အိုရီ့ဘို့လေး ကိုယ်တော်။ 48ကိုယ်တော်အွယ့် “ယုဒ၊ နားဒွို ဖောက်သစ္စာ ပလူးဖုခုငါးနောင် တနူ့နောဝ်” တစီ့လေအာ နိန်းအွယ့်။
49ကိုယ်တော် တပည့်တော်ဖုန်းအွယ့် ထွိုင်သျှီ တာပျန့်အွယ့်ဘာခါ့ “ကိုယ်တော်၊ က့အီတွိုက်ဘာအာကာနောင်ဒို့နောင်” တစီ့လျှောက်နိန်းအွယ့်။ 50ထွို့မဲ့ သာဝကကုအပလားအွယ့် ထွိုင်ပေးလင်း ပုရောဟိတ်အဒူစွက်အပလား စွမ်းစေအပလား နောင်ဒို့ခါ့ စဘာနာလာပန်ချို့ဒိုင့်ထွို့ စတကျွောကေ့။
51ကိုယ်တော်အွယ့် “အန်ဆောဝ်းကေ့ချန်း တျာနုဲင့်ငါ” မိန့်နိန်းအွယ့်ထွို့ ခွိုင်း ကလင်တေးဒါ စွမ်းအွယ့်ပလား နာလာနောင်ကျွော့်တော်ထွို့ ပြန်စွက်ဖီချာဒါ့နောင် အဇျီးအတွုန်။
52ထွို့မဲ့ ကိုယ်တော်အွယ့် မိန့် ပလူးကအီလေကျန်းဒါအာစာ ပုရောဟိတ်အဒူအကဲဖုန်း၊ ပလူးအိုပွိုင်းဗိမာန်တော်စာခေါင်းဆောင်ဖုန်းနောင် ဂျူးပလူးမျိုဆက်ဒူဝါဒူဖုန်း “နားက့ဒွို အီကျန်းငါးတာ ကွက်တဟနာ ကျီ့လေးကာနောင် ခွမ်းဖုန်း၊ ဒို့ဖုန်းထွို့ လေးလိုကာ ငါးဆောင့်။ အိုထင်လိုကာ ငါးပျန့်ကျွမ် 53ငါးအိုစွမ်တာထွို့ အိုကိုနောင်နားက့ ဗိမာန်တော်ကွင်ကု ကျွမ်ငြီးငြီးခါ့ နားက့ ကွက်တဟနာ လီကျန်းကာဟငါး။ ဒေါင့်မာလဲ့ ဒွိုးခိန်းဒွို ပျန့်တို နားက့ခိန်းထွို့မဲ့ မာရ်နတ်တာလဲ့ ပျန့်တိုအီမိုးအာ တမိုးယုတ်ခိန်းတိုဟနေ” မိန့်လင်နိန်းအွယ့်။
ပေတရုဒေါင့် လီသိဟာယေရှု နိန်းအွယ့်
(မဿဲ ၂၆:၅၇-၅၈၊၆၉-၇၅။ မာကု ၁၄:၅၃-၅၄၊၆၆-၇၂။ ယောဟန် ၁၈:၁၂-၁၈၊၂၅-၂၇)
54ထွို့မဲ့ ပလူးအိုပွိုင်းဗိမာန်တော်စာခေါင်းဆောင်ဖုန်းအွယ့် ကျန်းလိုကာ ကိုယ်တော်ထွို့ ထွိုင်ဟောင့်လေးလိုကာ ပုရောဟိတ်အဒူစွက်ပလား ယွမ်ကုခါ့ ပေတရုအွယ့် အိုပေါင်းယားယားကုထွို့ ယောင်ထွို့လေးတွဲ့။ 55ပုရောဟိတ်အဒူစွက်ပလား ယွမ်ခြန့်ကွင်တခို့ကု ပလူးအခီအခို့အွယ့် အိုနင်းခွို့တာထွို့ အိုဒီ့လိုကာမီတွင် ပေတရုအွယ့် အိုနင်းတာ အာကာခါ့ကု။ 56ထွို့မဲ့ စွမ်းစေမွော်ပလားအွယ့် ထွိုင်သျှီ ပေတရု အိုနင်းတာ မီခါ့ရောင်ကုခါ့ ဟွိုင့်ကြိုင်အာထွို့ “ပလူးဒွိုးပလားဒွို ပျန့်တိုယေရှုဖောဝ်တို” ဒေါင့်နိန်းအွယ့်။
57အွယ့်ခါ့ ပေတရုအွယ့် “ပမွော်၊ ငါးလီသိငါဟာ ပလူးအွယ့်ပလားဟာ” ဒေါင့်ငြင်းနိန်းအွယ့်။
58ထွိုင်အိုဒါ့အစင်ထွို့ ပလူးအပလားအွယ့် သျှီပေတရုအွယ့်ကြားမဲ့ “နားဒွို ပျန့်ပလူး အာကာကု အပလား” ဒေါင့်နိန်းအွယ့် အွယ့်ကြားမဲ့
ပေတရုအွယ့် “ငါးဒွို အာကာကု လီမေဟာ” ဒေါင့်ငြင်းထိုင်ဒါ့ နိန်းအွယ့်။
59ထွိုင်လ့ထွိုင်ဒါ့ အနာရီကုအာ့ ပလူးလငါ့ ဒါ့အပလားအွယ့် “ပလူးဒွိုးပလားဒွို ပျန့်ပလူး အိုဂါလိလဲကန်ကုလေးစာတိုထွို့ အိုကိုဘာနောင် ယေရှုဒွို သေချာတို” ဒေါင့်သေချာယွမ်တွို့နိန်းအွယ့်။
60ဒေါင့်မာလဲ့ ပေတရုအွယ့် “ဖောဝ်၊ နားအိုဒေါင့်တဟနာ ငါးလိသိဟာ” ဒေါင့်ငြင်းထိုင်ဒါ့ နိန်းအွယ့်။ အိုဒေါင့်နိန်းအွယ့်တွင်ကုဟို့ စာ့အွော့်ထန်တာ။ 61အွယ့်ခိန်ကုဟို့ ကိုယ်တော်အွယ့် လှည့်ဟွိုင့်လေ ပေတရု။ ပေတရုအွယ့် “ဟန်ငြီး ခရားစာ့အီအွော့်ကုဟို့ နားအီငြင်း နားလီသိငါဟငါး အန်တွမ့်လိုင်မှန်မှန်” ယူလ့ချာ ကိုယ်တော်မိန့်စေးကန်းဒါ ငိုအွယ့်ဘာ အွယ့်ကြားမဲ့ 62ထန်ထန်ခြန့်ခူနောင့်ဒိုင့်ထွို့ ငွိုယွမ်ထန်တွို့တာ။
63ပလူးကအိုပွိုင်းဒါ ကိုယ်တော်ယေရှုစာဖုန်းအွယ့် မိုးပလာထွို့ တွယ်လိုကာ ကိုယ်တော်။ 64ဖီတွိုင့်စေးကန်းကာ ကိုယ်တော်မေးဖုန်း နောင်ပိတ်ယာထွို့ “နားနုဲင့် မေပျန့်ယွမ် အရိယာဆူတော်ကောင်လဲ့ လမာတွယ်နားဒွို ဆက်ကျန်လုဲင်” ဒေါင့်နိန်းအွယ့်ထွို့ 65အာကာအွယ့် နောင်တနယ်အမျိုမျိုထွို့ ဒေါင့်စော်ကားဆွက်လိုကာဒါ့ ကိုယ်တော်။
တစီ့ကျက်ချေ ကိုယ်တော်ယေရှု
(မဿဲ ၂၆:၅၉-၆၆။ မာကု ၁၄:၅၅-၆၄။ ယောဟန် ၁၈:၁၉-၂၄)
66မွိုင်ထွိုင်လီ့ထွို့ ဂျူးပုရောဟိတ်အဒူအကဲဖုန်းနောင် ကျမ်ဒါဆရာဖုန်း ကပါဒါ ဂျူးပလူးမျိုအဒူအကဲဖုန်းအွယ့် အိုစုလိုကာတာ တရာလွှတ်တော်ကုတွင်#22:66 တရာလွှတ်တော် ကဒေါင့်ဒါဒွို ပျန့်ဂျူးပလူးမျိုခေါင်းဆောင်ဖုန်း စုရွန်ထွို့ ချာ့မှတ်ဖီ တဆုံဖြတ်ဖုန်း ဆိုင်နောင်ဂျူးပလူးမျိုဖုန်း ခမ်လန်တိုဟနေ။ ဟောင့်လေးလိုကာ ကိုယ်တော် အာကာမေငါ့ကု။ အာကာအွယ့် 67“နားနုဲင့် မေရှိယနောဝ် ဖရေက့လုဲင်” ကျက်ချေ တစီ့လိုကာ ကိုယ်တော်နိန်းအွယ့်။
အွယ့်ခါ့ ကိုယ်တော်အွယ့် “ငါးမေဒေါင့်နေ့နားကလဲ့ နားက့လိယွမ်အန်လိုကာဟ။ 68ငါးမေတစီ့ နားက့လဲ့ နားက့ အီပြန်ဖရေချာကာ လီမေဟာ။ 69ဒေါင့်မာလဲ့ တေးတွို့ဒွိုး ပလူးဖုခုငါးဒွို အိုနင်းတာ ဖာ့ဗွယ်ဖရာ ကဝေ့ကျွမ်ဒါနောင် တန်ခိုတော်ကားကအို ပန်ချို့ဒိုင့်ကု အီအုပ်ချုပ်လိထွို့တာဟနေ” မိန့်ဒေါင့်နိန်းအွယ့်။
70အွယ့်ခါ့ အာကာအွယ့် “မေနိန်းအွယ့် နားနန်တိုးနုဲင့် ပျန့်ဗွယ်ဖရာဖုခုနောဝ်” ထွိုင်တစီ့နိန်းအွယ့်ခါ့
ကိုယ်တော်အွယ့် “နားက့ ကဒေါင့်နုဲင့် မေအွို” ပြန်ဖရေဟွမ့်ချာဒါ့ နိန်းအွယ့်။
71အာကာအွယ့်လဲ့ “က့ဟွမ့်ဘာတိုးလိထွို့ အာဒေါင့်နောင်အာနာပလောင်နိန်းဒွိုးအွယ့်ကြားမဲ့ လီအိုလူဒွမ်းဟာ ဆက်ဆေလငါ့ဟာ” ဒေါင့်လိုကာနိန်းအွယ့်။
Currently Selected:
လုကာ 22: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 22
22
အခန် (၂၂)
တကျေရင် အီမိုးစီ့ ကိုယ်တော်ယေရှု
(မဿဲ ၂၆:၁-၅။ မာကု ၁၄:၁-၂။ ယောဟန် ၁၁:၄၅-၅၃)
1ထွို့မဲ့ အခိန်းအီမိုး တအန်ငြီလွှတ်ပွဲ ကဟောင့်ဒါ ပသခါပွဲအခိန်း ဘို့တွိုလေလိ။ 2ပုရောဟိတ်အဒူအကဲဖုန်းနောင် ကျမ်ဒါဆရာဖုန်းအွယ့် စကန်လိုကာ လူထုဖုန်း အွယ့်ကြားမဲ့ အီကွင်ဘာ အကြောင်ခရာနိန်းမာထွို့ ကွင်လိုကာတနယ် အီမိုးစီ့ကျွော်ဘာ ကိုယ်တော်ယေရှုတာ။ 3ထွို့မဲ့ သာဝကအစီ့ငြီ့ပါးကု ကပါဒါ ယုဒရှကာရုတ်အွယ့် ခွင်ဖီမာရ်နတ် ကျိန်ပူစို့ အာသ့ကု။ 4ထွို့မဲ့ ယုဒအွယ့် ရီ့ဘို့လေ ပုရောဟိတ်အဒူအကဲဖုန်းနောင် ဗိမာန်တော်အိုပေါင်းစာခေါင်းဆောင်ဖုန်းဆောင့်ထွို့ ဒေါင့်စွူ့တွုန်ပင်လေ အီအပ်ဘာကိုယ်တော်ယေရှု အာကာကျွော့်ကု နိန်းမာကြားခရာ။ 5ပလူးအွယ့်ဟိုဖုန်းလဲ့ ဟွမ့်ခိုလိုကာယွမ်တွို့ထွို့ စဖိုတူလိုကာ အီဖီ ယုဒကွမ့်တာ။ 6ယုဒလဲ့ စဖိုတူလေအွယ့်ကြားမဲ့ အီကျန်းကိုယ်တော်ယေရှု ပလူးစုဝေဖုန်း လီအိုဟခိန်းကုတာ အိုပွိုင်းအခါ့ခိုဟနေ။
ရျန်းပသခါပွဲတာ
7ထွို့မဲ့ တွိုလေး မငြီးအီပူဇော်ဘာ သိုးပီ တအန်ငြီလွှတ်ပွဲ ကဟောင့်ဒါ ပသခါပွဲတာကု။ 8အွယ့်ကြားမဲ့ ကိုယ်တော်ယေရှုအွယ့် “လေးကီ ငါးမေငါ့ကုလုဲင်။ က့အီအန်ကိုကာ ပသခါပွဲကုတာ လေရျန်းလိုကာချန်းလုဲင်” မိန့်ပေတရုနောင် ယောဟန်နိန်းအွယ့်။
9အာကာအွယ့်လဲ့ “ဗွယ်၊ ဘာသအန်ချန့်က့ရျန်း ကမာကု” တစီ့လျှောက်လိုကာနိန်းအွယ့် အွယ့်ကြားမဲ့
10ကိုယ်တော်အွယ့် “အန်ဒင်ရေထွို့ နာလိုကာလုဲင်။ နားက့မေနွူးကျိန်း ဂျေရုဆလင်ဝိန်းကုအွယ့် အီခွယ်နောင် ပလူးအိုယိုးလေးသျှီ့ပွိုင်းစာ အပလား။ တွဲ့လေးကာ အာကန်စာ့ကုထွို့ နွူးကျိန်းကာ အာကနွူးကျိန်းဒါ ယွမ်အွယ့်မာ့ကုလုဲင်။ 11မေထွို့ ‘က့ဆရာဒွို နောင်တပည့်ဖုန်း အီအန်စို့ဘာ ပသခါပွဲ တအန်မွိုင်ဟခန်ဒီ့ အိုကမာကု အန်ချန့်တစီ့နားနိန်းအွယ့်’ ဒေါင့်လိုကာယွမ်ဗွယ် နိန်းအွယ့်လုဲင်။ 12အွယ့်ခါ့ ယွမ်ဗွယ်အွယ့် အီဟောင့်ထန် နားက့ ယွမ်ခမ်လွို့ရန်းထွို့ အီနေ့ဖီ ခန်အိုရျန်းစေကန်းဒါ လေတန် အခန်။ ရျန်းလိုကာ တအန်ဖုန်း အွယ့်ခန်ကုလုဲင်” မိန့်နိန်းအွယ့်။
13ထွို့မဲ့ ပေတရုနောင် ယောဟန်ကာအွယ့်လဲ့ စစွာ့ထန်လိုကာထွို့ ခွယ်လိုကာနောင် ကိုယ်တော်မိန့်အတွုန် အွယ့်ကြားမဲ့ ရျန်းလိုကာ တအန်ဖုန်းအွယ့်ကုပါ ပသခါပွဲတာ။
အန်ပသခါတအန်မွိုင်ဟ ကိုနောင်တပည့်ဖုန်း
(မဿဲ ၂၆:၂၆-၃၀။ မာကု ၁၄:၂၂-၂၆)
14ပသခါပွဲအခိန်းထွိုင်တွိုလေးခါ့ ကိုယ်တော်အွယ့် နွူးကျိန်ခန်ကုန်ကုကုထွို့ အိုနင်းတာ ခုံကုနောင် သာဝကဖုန်း။ 15ထွို့မဲ့ ကိုယ်တော်အွယ့် “ခရားငါးအီခံဘာ တဆင်ရဲတခုဲင်ဝေဒနာဖုန်း အီအန် ပသခါပွဲဒွိုးဘာ ကိုနောင်နားက့တာ ငါးအလိုအိုယွမ်တွို့။ 16ငါးအီဒေါင့်နားက့ဒွို။ တွိုတွို့ဗွယ်ဖရာသာသနာတော်ကု ပသခါပွဲအဓိပ္ပာယ် ခရားအီပျန့်ထန်ယွမ်ခိန်း ငါးဒွို အီအန်ထိုင်ဒါ့ ပသခါပွဲလီမေဟာ” မိန့်နိန်းအွယ့်။
17ထွို့မဲ့ ကိုယ်တော်အွယ့် ချွော်စပျစ်သျှီ့ကလောက်ထွို့ အန်ဖရာကေဇူတော်ထွို့မဲ့ “ချွော်ကလောက် ဒွိုးဘာထွို့ အချင်ချင်ပါးအို့လိုကာလုဲင်။ 18ငါးအီဒေါင့်နားက့ဒွို၊ တွိုတွို့ ခရားအီတေ ဗွယ်ဖရာသာသနာတော်ကုခိန်း ငါးအီအို့ဒါ့ စပျစ်သျှီ့ လီမေဟာ” မိန့်နိန်းအွယ့်ထွို့
19ချွော်တကိုးထွို့ အန်ဖရာ ဗွယ်ဖရာကေဇူတော်ထွို့မဲ့ ပီတကိုးထွို့ အိုဖီတပည့်ဖုန်းခါ့ “တကိုးဒွိုးဘာဒွို ပျန့်တို ငါးဖီငါးနန်ခန္ဓာ နားက့တာတိုဟနေ။ အိုယူနောင်ငါးအနေထွို့ မိုးလိုကာနိန်းဒွိုးလုဲင်” မိန့်နိန်းအွယ့်။
20နောင်နိန်းအွယ့်အွယ့် အန်လိုကာထွိုင်ထွို့ခါ့ ကိုယ်တော်အွယ့် ပန်စေးကန်း နောင်ကလောက်ထွို့ “စပျစ်သျှီ့ ဒွိုးဘာဒွို ဖီကပျန့် တစဖိုတူအတ့ နောင်ဗွယ်ဖရာတာ ပုံဆောင်ဖီတို ငါးကျွူ ကာလင်းဖီ နားက့တာတို။ 21ဒေါင့်မာလဲ့ ပလူးအီသစ္စာဖောက်ငါးစာဒွို ဒွိုးခါ့ အိုနင်းထွို့ အိုအန်အို့ကိုတိုငါး ခုံဒွိုးဘာကု။ 22ပလူးဖုခုငါးဒွို အီစီ့ဘာတိုနောင် ဗွယ်ဖရာတကြံအတွုန်လဲ့ တွိုပလူးကသစ္စာဖောက်ဒါ ပလူးဖုခုငါးစာဒီ့ပလားဒီ့ အီကြုံဘာနောင်တခုဲင်” မိန့်နိန်းအွယ့်။ 23ထွိုင်ဟွမ့်ငိုအွယ့်ဘာခါ့ သာဝကဖုန်းအွယ့် “က့ကုဒွို လမာ အီမိုးတာလီခိုဟနိန်းဒွိုး” အချင်ချင် တစီ့လိုလေးလိုကာ နိန်းအွယ့်။
ထိန့်လိုကာတာ
24ထွို့မဲ့ တပည့်ဖုန်းအွယ့် အာကာကု လမာဒွို ပျန့်တို အဒူမြတ်စွက်တို အချင်ချင် အိုထိန့်လိုကာ နိန်းအွယ့် အွယ့်ကြားမဲ့ 25ကိုယ်တော်အွယ့် “ပလူးဂျူးလီမေဟစာဖုန်းခွမ့်ခမ်းဖုန်းဒီ့ ကုဲင်းအုပ်ချုပ်လိုကာ အာကာကန်စာဖုန်းလောင် နောင်အာဏာဖုန်း။ ဒေါင့်မာလဲ့ အာကာနန်နောင်နန် ဘသာအန်ချန့် ပလူးဖုန်း ထင်လိုကာ အာကာဒွို ပျန့်တို ပလူးမိုးအမျာတမိုးစာဖုန်း နိန်းအွယ့်။ 26ဒေါင့်မာလဲ့ တွိုနားက့ဒွို လီလူပျန့်ဟာ နောင်ပလူးအွယ့်ဟိုဖုန်းဟာ။ နားက့ကု ပလူးအဒူမြတ်စွက်စာဒွို အိုလူချာ့ဖွိုထွို့အိုတိုနောင် ပလူးအရေလီပါဟစွက်စာထွို့ ခေါင်းဆောင်စာဒွိုလဲ့ အိုလူချာ့ဖွိုတိုးနန်ထွို့ အိုလူအို ဗွမ့်တိုနောင်စွမ်းစေ။ 27ပလူးအီအန်တာတာ အိုနင်တာခုံကုစာ နောင် ပလူးကရျန်းဖီဒါ တအန်တအို့စာဒွို လမာပေါင်းဒူမြတ်လွို့။ ပလူးကအိုနင်းတာ ခုံကုစာအွယ့်ပလား ပေါင်းဒူမြတ်လွို့ထိုင် မေဟနောဝ်။ ဒေါင့်မာလဲ့ နားက့ခါကု ငါးဒွို ပျန့်ဘို့နောင် ပလူးရျန်းဖီဘာ တအန်တအို့စာဟို့ဟနေ။ 28ငါအိုကြုံဘာ တခုဲင်ဆင်ရယ်ဖုန်းကုခါ့ နားက့ဒွို ပျန့်တို ပလူးအိုကိုနောင် ငါးစာဖုန်းတို။ 29ဗွမ့်နောင် ငါးဖာ့ဗွယ် ဖီအပ်ငါး တအုပ်စိုပွိုင်ခွင်ပလူးဖုန်းလောင် ငါးဒွိုလဲ့ ဖီအပ်တိုနားက့ တအုပ်စိုပွိုင်ခွင်ပလူးဖုန်းလောင်။ 30အွယ့်ကြားမဲ့ နားက့ဒွို အီအိုနင်းဘာတာ ပလ္လင်လောင်ကု နောင်အခွင်အန်ဘာတာ ငါးခုံကု ကအိုဒါ ငါးသာသနာတော်ကုထွို့ အီအုပ်ချုပ်ဘာ အစ္စရေးမျိုနွယ်စု အစီ့ငြီ့စုဟနေ။”
မိန့်ကီစေးကန်း ပေတရုအီငင်းပေခရာ
(မဿဲ ၂၆:၃၁-၃၅။ မာကု ၁၄:၂၇-၃၁။ ယောဟန် ၁၃:၃၆-၃၈)
31“ရှိမုန်၊ ရှိမုန်၊ နာလုဲင်၊ ဗွမ့်နောင်လုဲင်စာဒီ့ ခွယ်ခြာ ဘွူ့ကုန့်နောင် ဘွူ့ကွော မာရ်နတ်ဒွိုလဲ့ အီကျန် အီခွယ်ခြာ နာက့ အပလားပလားကျားတာ ကျွူ့လီ့ထွို့ အခွင်အခါ။ 32ဒေါင့်မာလဲ့ ရှိမုန် နားတယွမ်အန် ငါးလောင် ဖီကျန်းအိုယွတ်ကေ့မာတာ ငါးဆုတောင်ဖီတို။ နားမေပြန်လ့ချာဒါ့ နောင်တထွို့ မေပြန်လှည်ချာဒါ့ ငါးဒိုင့်ခါ့ ကပျန့်ဒါ နားပွော်ဝေဖုန်း တပည့်လငါ့ဖုန်းဒွိုလဲ့ တယွမ်အန်ဖီကခွိုင့်တိန်တာ ကူညီဖီပါလုဲင်” မိန့်ဒေါင့်နိန်းအွယ့်။
33အွယ့်ခါ့ ပေတရုအွယ့် “ဗွယ်၊ ငါးဒွို ထောင်ကုခယောဝ်း၊ တစီ့ကုခယောဝ်း အီတွဲ့လေးကိုနောင် ကိုယ်တော်တာ အိုရျန်းစေးကန်းလိအထွို့” လျှောက်ဒင်နိန်းအွယ့် အွယ့်ကြားမဲ့
34ဒေါင့်မာလဲ့ ကိုယ်တော်အွယ့် “ပေတရု၊ ငါးအီဒေါင့်နားဒွို။ ဟန်ဟာ့ ခရားစာ့အီအွော့်ကုဟို့ နားဒွို အီငြင်းပေငါး နားသိငါဟငါးနိန်းအွယ့် အန်တွမ့်လိုင်မှန်မှန်” မိန့်နိန်းအွယ့်။
အီခံတခုဲင်ဆင်ရယ်တာ ရျန်းစေးကန်းကာ အထွို့လုဲင်
35ထွို့မဲ့ ကိုယ်တော်အွယ့် “ငါးဒွို ဖီကဟိုဒေါင့် မင်္ဂလာစတင်းခိုတာ အန်ချန့်ချွော်လေးဟ ဘီဆန်၊ တန်ပွို့ နောင်ခင်ဖာအလွို့ဖုန်းထွို့ အန်ကြွ့လေးဒါ နားက့ဒုန့် ဝိန်းဖုန်းကုခိန်းခါ့ဒီ့ နားက့ကု တအိုလူတကျွိုကျွို အိုဘာနဲ့” ထွိုင်တစီ့ တပည့်ဖုန်းနိန်းအွယ့်ခါ့
တပည်ဖုန်းအွယ့် “လီအိုဘာဟာ” လျှောက်ဒင်လိုကာနိန်းအွယ့်။
36အွယ့်ခါ့ ကိုယ်တော်အွယ့် “တွိုဒွိုးခါ့လိုင် ကွမ့်ကျောက်မေအိုလဲ့ ချွော်လေးကာလုဲင်။ တန်ပွို့မေအိုလဲ့ ချွော်လေးကာလုဲင်။ နားက့ဆောင့် ဒို့မေလီအိုဟလဲ့ အန်ကားကေ့ ကန်ကျိန်းအခီအခို့ထွို့ အန်ပလီးလိုကာဒို့လုဲင်#22:36 ဒွိုးကုဒွို ကိုယ်တော်ဒွို စုံနောင်အလင်္ကာထွို့ ဒေါင့်တိုတာ ဟနေ။ ဘာတအန်ချန် အန်ပလီး ဒို့ယွမ်မေဟ။ ပလူးဖုန်း မေမိုးခုဲင်းနှိပ်စက်အာကာခါ့ ဖီကရျန်းစေးကန်းကာ ကအီတွိုလင်ဒါ အန္တရာယ်ဖုန်းတာတိုဟနေ။ ဒေါင့်မာလဲ့ တပည့်တော်ဖုန်းအွယ့် ယူမာလိုကာ ကိုယ်တော် ဒေါင့်ဒို့ယွမ်ဟနေ။။ 37ငါးအီဒေါင့်နားက့ဒွို။ လိတ်ကျမ်ကု ကတျန်စေးကန်း ငါ့ဆောင့် အီပျန့်ထန်ဘာယွမ်တိုဒါ ‘အာဒွို အီခံဘာပလား သတ်မှတ် ပျန့်နောင်အပျက်စာ’ နောင်ကျမ်ပိုဒ် နိန်းအွယ့်ဒီ့ အီပျန့်ထန်လိထွို့ဟနေ” မိန့်နိန်းအွယ့်။
38အွယ့်ခါ့ တပည့်ဖုန်းအွယ့် “ကိုယ်တော်၊ ဟွိုင့်လုဲင်။ က့ကုဒွို ဒို့အိုအန်ငြီ့ဘာ” လျှောက်ဒင်လိုကာနိန်းအွယ့် အွယ့်ကြားမဲ့
ကိုယ်တော်အွယ့် “ကျန်ဒေါင့်လိုကာမာဒွမ်မာ ဆိုင်နောင်ဒို့ခရာမာ” မိန့်နိန်းအွယ့်။
ကိုယ်တော်ယေရှု ဆုတောင်တာ သံလွင်ခေါင့်လောင်ကု
(မဿဲ ၂၆:၃၆-၄၆။ မာကု ၁၄:၃၂-၄၂)
39ထွို့မဲ့ ကိုယ်တော်အွယ့် ဗွမ့်နောင် အိုမိုးတစေစေဒါအတွုန် ကြွာ့ထန် ခမ်လန်ကဟောင့်ဒါ သံလွင်ခေါင့်လောင်ကု။ တပည့်ဖုန်းအွယ့်လဲ့ တွဲ့လေးလိုကာ အာကန်စာ့။ 40ထွိုင်တွိုထွို့ အွယ့်ကုခါ့ ကိုယ်တော်အွယ့် “ဖီကျန်ခံဘာမာ တအော်တခြောက်တလျှက်ကုမာ ဆုတောင်လိုကာ ဗွယ်ဖရာဆောင့်လုဲင်” မိန့်အာတပည့်ဖုန်းနိန်းအွယ့်။ 41ထွို့မဲ့ ကိုယ်တော်အွယ့် အိုအာကာဆောင့်ထွို့ လေးလေ ခမ်လန်ပေါင်းယား အိုနောင် အန်တွမ့်မီတာကုထွို့ အိုနင်းခေါက်တာထွို့မဲ့ 42“အွို ဖာ့ဖရာ၊ ဖာ့ဖရာ အလိုမေအိုအွယ့် မိုးဖီ ဖီကလွှတ်ကေ့ ငြီးဟ ငါးဆောင့် အီခံစာဘာဒါ တခုဲင်းဆင်ရယ်ဖုန်းမွန်။ ဒေါင့်မာလဲ့ ဒွိုးဒွို ဖီပျန့်ဘို့နောင် ဖာ့ဖရာအလိုတော်အတွုန်ငါမထွို့။ ဖီကျန်ပျန့်မာ နောင်ငါးအလိုအတွုန်မာ” ဆုတောင်တာနိန်းအွယ့်။ 43အွယ့်ခါ့ လွှော်ဒေဝါ ကအိုဒါ ဝိန်းခမ်းကုအပါး တွို့လေးထွို့ ဖီအာလေကိုယ်တော်။ 44ကိုယ်တော်အွယ့် အိုခံစားဘာဒူယွမ်တွို့ သ့ပင်ပန်ဖုန်းထွို့မဲ့ ထွိုင်ဆုတောင်ယွမ်တွို့တာခါ့ ကိုယ်တော်ကု ကလင်းထူ့လင်းဒါ ငွမ်တင့်သျှီ့ဖုန်းအွယ့် လင်ကျိုက်လင်းတာ ဟန်လောင်ကု ဗွမ့်တွို့နောင် ကျွူဖုန်း။
45ကိုယ်တော်အွယ့် ဆုတောင်တာနိန်းအွယ့်ထွို့ ထွိုင်ပြန်ကျိန်းချာဒါ့ အာတပည့်ဖုန်းဆောင့်ခါ့ အာထွိုင်သျှီ တပည့်ဖုန်းအွယ့် သ့ပီဟွမ့်ရွိုးလိုကာထွို့ အိုငြီ့ပိန်းလိုကာတာခါ့ 46ကိုယ်တော်အွယ့် “မိုးဟနာ အိုငြီ့ပိန်းလိုကာတာ။ ဖီကျန်တွိုမာ တအော်တခြောက်တလျှက်ကုမာ ထွိုင်ထွို့ ဆုတောင်လိုကာတာလုဲင်” မိန့်အာတပည့်ဖုန်းနိန်းအွယ့်။
ကိုယ်တော်ယေရှု ခံဘာကျန်း
(မဿဲ ၂၆:၄၇-၅၆။ မာကု ၁၄:၄၃-၅၀။ ယောဟန် ၁၈:၃-၁၁)
47ကိုယ်တော် အိုမိန့်တာနိန်းအွယ့်ခိန်းကုဟို့ ပလူးကျွိုဒူအကျွိုအွယ့် တွိုလေကျွို့တာ။ သာဝကအစီ့ငြီ့ပလားကု အပလား ကပျန့်ဒါ ယုဒအွယ့် ကောအွမ့်ဟောင့်လေး ပလူးအွယ့်ဟို ကိုယ်တော်ဆောင့်ဟနေ။ အာအွယ့် အီနူ့တာ အိုရီ့ဘို့လေး ကိုယ်တော်။ 48ကိုယ်တော်အွယ့် “ယုဒ၊ နားဒွို ဖောက်သစ္စာ ပလူးဖုခုငါးနောင် တနူ့နောဝ်” တစီ့လေအာ နိန်းအွယ့်။
49ကိုယ်တော် တပည့်တော်ဖုန်းအွယ့် ထွိုင်သျှီ တာပျန့်အွယ့်ဘာခါ့ “ကိုယ်တော်၊ က့အီတွိုက်ဘာအာကာနောင်ဒို့နောင်” တစီ့လျှောက်နိန်းအွယ့်။ 50ထွို့မဲ့ သာဝကကုအပလားအွယ့် ထွိုင်ပေးလင်း ပုရောဟိတ်အဒူစွက်အပလား စွမ်းစေအပလား နောင်ဒို့ခါ့ စဘာနာလာပန်ချို့ဒိုင့်ထွို့ စတကျွောကေ့။
51ကိုယ်တော်အွယ့် “အန်ဆောဝ်းကေ့ချန်း တျာနုဲင့်ငါ” မိန့်နိန်းအွယ့်ထွို့ ခွိုင်း ကလင်တေးဒါ စွမ်းအွယ့်ပလား နာလာနောင်ကျွော့်တော်ထွို့ ပြန်စွက်ဖီချာဒါ့နောင် အဇျီးအတွုန်။
52ထွို့မဲ့ ကိုယ်တော်အွယ့် မိန့် ပလူးကအီလေကျန်းဒါအာစာ ပုရောဟိတ်အဒူအကဲဖုန်း၊ ပလူးအိုပွိုင်းဗိမာန်တော်စာခေါင်းဆောင်ဖုန်းနောင် ဂျူးပလူးမျိုဆက်ဒူဝါဒူဖုန်း “နားက့ဒွို အီကျန်းငါးတာ ကွက်တဟနာ ကျီ့လေးကာနောင် ခွမ်းဖုန်း၊ ဒို့ဖုန်းထွို့ လေးလိုကာ ငါးဆောင့်။ အိုထင်လိုကာ ငါးပျန့်ကျွမ် 53ငါးအိုစွမ်တာထွို့ အိုကိုနောင်နားက့ ဗိမာန်တော်ကွင်ကု ကျွမ်ငြီးငြီးခါ့ နားက့ ကွက်တဟနာ လီကျန်းကာဟငါး။ ဒေါင့်မာလဲ့ ဒွိုးခိန်းဒွို ပျန့်တို နားက့ခိန်းထွို့မဲ့ မာရ်နတ်တာလဲ့ ပျန့်တိုအီမိုးအာ တမိုးယုတ်ခိန်းတိုဟနေ” မိန့်လင်နိန်းအွယ့်။
ပေတရုဒေါင့် လီသိဟာယေရှု နိန်းအွယ့်
(မဿဲ ၂၆:၅၇-၅၈၊၆၉-၇၅။ မာကု ၁၄:၅၃-၅၄၊၆၆-၇၂။ ယောဟန် ၁၈:၁၂-၁၈၊၂၅-၂၇)
54ထွို့မဲ့ ပလူးအိုပွိုင်းဗိမာန်တော်စာခေါင်းဆောင်ဖုန်းအွယ့် ကျန်းလိုကာ ကိုယ်တော်ထွို့ ထွိုင်ဟောင့်လေးလိုကာ ပုရောဟိတ်အဒူစွက်ပလား ယွမ်ကုခါ့ ပေတရုအွယ့် အိုပေါင်းယားယားကုထွို့ ယောင်ထွို့လေးတွဲ့။ 55ပုရောဟိတ်အဒူစွက်ပလား ယွမ်ခြန့်ကွင်တခို့ကု ပလူးအခီအခို့အွယ့် အိုနင်းခွို့တာထွို့ အိုဒီ့လိုကာမီတွင် ပေတရုအွယ့် အိုနင်းတာ အာကာခါ့ကု။ 56ထွို့မဲ့ စွမ်းစေမွော်ပလားအွယ့် ထွိုင်သျှီ ပေတရု အိုနင်းတာ မီခါ့ရောင်ကုခါ့ ဟွိုင့်ကြိုင်အာထွို့ “ပလူးဒွိုးပလားဒွို ပျန့်တိုယေရှုဖောဝ်တို” ဒေါင့်နိန်းအွယ့်။
57အွယ့်ခါ့ ပေတရုအွယ့် “ပမွော်၊ ငါးလီသိငါဟာ ပလူးအွယ့်ပလားဟာ” ဒေါင့်ငြင်းနိန်းအွယ့်။
58ထွိုင်အိုဒါ့အစင်ထွို့ ပလူးအပလားအွယ့် သျှီပေတရုအွယ့်ကြားမဲ့ “နားဒွို ပျန့်ပလူး အာကာကု အပလား” ဒေါင့်နိန်းအွယ့် အွယ့်ကြားမဲ့
ပေတရုအွယ့် “ငါးဒွို အာကာကု လီမေဟာ” ဒေါင့်ငြင်းထိုင်ဒါ့ နိန်းအွယ့်။
59ထွိုင်လ့ထွိုင်ဒါ့ အနာရီကုအာ့ ပလူးလငါ့ ဒါ့အပလားအွယ့် “ပလူးဒွိုးပလားဒွို ပျန့်ပလူး အိုဂါလိလဲကန်ကုလေးစာတိုထွို့ အိုကိုဘာနောင် ယေရှုဒွို သေချာတို” ဒေါင့်သေချာယွမ်တွို့နိန်းအွယ့်။
60ဒေါင့်မာလဲ့ ပေတရုအွယ့် “ဖောဝ်၊ နားအိုဒေါင့်တဟနာ ငါးလိသိဟာ” ဒေါင့်ငြင်းထိုင်ဒါ့ နိန်းအွယ့်။ အိုဒေါင့်နိန်းအွယ့်တွင်ကုဟို့ စာ့အွော့်ထန်တာ။ 61အွယ့်ခိန်ကုဟို့ ကိုယ်တော်အွယ့် လှည့်ဟွိုင့်လေ ပေတရု။ ပေတရုအွယ့် “ဟန်ငြီး ခရားစာ့အီအွော့်ကုဟို့ နားအီငြင်း နားလီသိငါဟငါး အန်တွမ့်လိုင်မှန်မှန်” ယူလ့ချာ ကိုယ်တော်မိန့်စေးကန်းဒါ ငိုအွယ့်ဘာ အွယ့်ကြားမဲ့ 62ထန်ထန်ခြန့်ခူနောင့်ဒိုင့်ထွို့ ငွိုယွမ်ထန်တွို့တာ။
63ပလူးကအိုပွိုင်းဒါ ကိုယ်တော်ယေရှုစာဖုန်းအွယ့် မိုးပလာထွို့ တွယ်လိုကာ ကိုယ်တော်။ 64ဖီတွိုင့်စေးကန်းကာ ကိုယ်တော်မေးဖုန်း နောင်ပိတ်ယာထွို့ “နားနုဲင့် မေပျန့်ယွမ် အရိယာဆူတော်ကောင်လဲ့ လမာတွယ်နားဒွို ဆက်ကျန်လုဲင်” ဒေါင့်နိန်းအွယ့်ထွို့ 65အာကာအွယ့် နောင်တနယ်အမျိုမျိုထွို့ ဒေါင့်စော်ကားဆွက်လိုကာဒါ့ ကိုယ်တော်။
တစီ့ကျက်ချေ ကိုယ်တော်ယေရှု
(မဿဲ ၂၆:၅၉-၆၆။ မာကု ၁၄:၅၅-၆၄။ ယောဟန် ၁၈:၁၉-၂၄)
66မွိုင်ထွိုင်လီ့ထွို့ ဂျူးပုရောဟိတ်အဒူအကဲဖုန်းနောင် ကျမ်ဒါဆရာဖုန်း ကပါဒါ ဂျူးပလူးမျိုအဒူအကဲဖုန်းအွယ့် အိုစုလိုကာတာ တရာလွှတ်တော်ကုတွင်#22:66 တရာလွှတ်တော် ကဒေါင့်ဒါဒွို ပျန့်ဂျူးပလူးမျိုခေါင်းဆောင်ဖုန်း စုရွန်ထွို့ ချာ့မှတ်ဖီ တဆုံဖြတ်ဖုန်း ဆိုင်နောင်ဂျူးပလူးမျိုဖုန်း ခမ်လန်တိုဟနေ။ ဟောင့်လေးလိုကာ ကိုယ်တော် အာကာမေငါ့ကု။ အာကာအွယ့် 67“နားနုဲင့် မေရှိယနောဝ် ဖရေက့လုဲင်” ကျက်ချေ တစီ့လိုကာ ကိုယ်တော်နိန်းအွယ့်။
အွယ့်ခါ့ ကိုယ်တော်အွယ့် “ငါးမေဒေါင့်နေ့နားကလဲ့ နားက့လိယွမ်အန်လိုကာဟ။ 68ငါးမေတစီ့ နားက့လဲ့ နားက့ အီပြန်ဖရေချာကာ လီမေဟာ။ 69ဒေါင့်မာလဲ့ တေးတွို့ဒွိုး ပလူးဖုခုငါးဒွို အိုနင်းတာ ဖာ့ဗွယ်ဖရာ ကဝေ့ကျွမ်ဒါနောင် တန်ခိုတော်ကားကအို ပန်ချို့ဒိုင့်ကု အီအုပ်ချုပ်လိထွို့တာဟနေ” မိန့်ဒေါင့်နိန်းအွယ့်။
70အွယ့်ခါ့ အာကာအွယ့် “မေနိန်းအွယ့် နားနန်တိုးနုဲင့် ပျန့်ဗွယ်ဖရာဖုခုနောဝ်” ထွိုင်တစီ့နိန်းအွယ့်ခါ့
ကိုယ်တော်အွယ့် “နားက့ ကဒေါင့်နုဲင့် မေအွို” ပြန်ဖရေဟွမ့်ချာဒါ့ နိန်းအွယ့်။
71အာကာအွယ့်လဲ့ “က့ဟွမ့်ဘာတိုးလိထွို့ အာဒေါင့်နောင်အာနာပလောင်နိန်းဒွိုးအွယ့်ကြားမဲ့ လီအိုလူဒွမ်းဟာ ဆက်ဆေလငါ့ဟာ” ဒေါင့်လိုကာနိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.