လုကာ 19
19
အခန် (၁၉)
အခွမ်ကျက်စာဇက္ခဲ
1ထွို့မဲ့ ကိုယ်တော်ယေရှုနောင် တပည့်တော်ဖုန်းအွယ့် နွူးဖြတ်ကျိန် ဂျေရိခေါဝိန်းထွို့ ကြွာ့လေးတာ။ 2ဂျေရိခေါဝိန်းကု ပလူးနျန်းဇက္ခဲ အိုအပလား။ အာဒွို ပျန့်တခွမ်ကျက်စာဖုန်း အဒူအကဲ အပလားထွို့ ပလူးချမ်စာယွမ်တွို့တာစာ အပလားလဲ့မေမေ။ 3အာအွယ့် ဖီကသျှီဘာ ကိုယ်တော်ယေရှု ပျန့်လမာတာလဲ့ သျှီဘာဟ။ ကွက်တဟနာမေဒေါင့်ဘာအွယ့် အာအွယ့် နန်ဖွိုငါထွို့ ပလူးဖုန်း အိုခွူ့ရွန့်လိုကာ ကိုယ်တော်ဆောင့် အွယ့်ကြားမဲ့ဟနေ။ 4အွယ့်ကြားမဲ့ အာအွယ့် ဖီကသျှီဒါကိုယ်တော်တာ တထွူ့လေးကပ်ကေ့ မေငါ့ကုထွို့ ထန်အိုတာ တယွူ့မွိုင်အမွိုင်လောင်ကု။ ကွက်တဟနာမေဒေါင့်ဘာအွယ့် ကိုယ်တော်အွယ့် အီကာလေ ကလေ့အွယ့်ဘောင့်မဲ့ ဟနေ။
5ကိုယ်တော်အွယ့် ထွိုင်တွိုထွို့ ခမ်လန်အွယ့်ကုပါခါ့ ဟွိုင့်ခမ်လွို့ထန်တာထွို့ “ဇက္ခဲ၊ လင်းလင်မွိုင့်မွိုင့်။ ဟန်ငြီး ငါးအီအိုတည်စို့ နားယွမ်ကု” မိန့်လေနိန်းအွယ့်။ 6အွယ့်ကြားမဲ့ ဇက္ခဲအွယ့်လဲ့ အိုတွိုင်မွိုင်လောင် နျက်လင်းလင်ထွို့ ကြိုစွမ်ကိုယ်တော်ယေရှု နောင်တဟွမ့်ခို။
7ပလူးကသျှီဒါ တပျန့်အွယ့်ဘာစာ ကားကအိုအွယ့် “ကိုယ်တော်ဒွို အီတည်ခိုတာ လေးလေ ပလူးအပျက်စရိုက် လီခိုဟစာယွမ်ကု” ဒင်အပျက်ဝေဖန်လိုကာနိန်းအွယ့်။
8ဒေါင့်မာလဲ့ ထွိုင်ကြာအခိန်း အစင်ထွို့ ဇက္ခဲအွယ့် အိုထွိုင်နောင်တာထွို့ “ဗွယ်၊ ငါးတကလွိုင်ဖုန်း အခို့ဒွို ငါးအီပါးဖီတို ပလူးဆင်ရယ်စာဖုန်း။ နောင်လီတရာဟထွို့ ကကျွူ့ဒါ တခွမ်ကွမ့်ဖုန်း ပလူးဖုန်းဆောင့် ဒီ့လဲ့ အီပြန်ဖီချာဒါ့တို လွို့ထိုင် အန်လွီဆ” လျှောက်ဒင်ကိုယ်တော်နိန်းအွယ့်။
9ကိုယ်တော်အွယ့် “နားဒွိုလဲ့ ပျန့်တိုအာဗြဟံမျိုဆွက် အွယ့်ကြားမဲ့ တေဟန်ငြီးထွို့ ဗွယ်ဖရာ ကယ်ဆယ်လိထွို့ နားနောင် နားမိသာစုအစုလူး။ 10ပလူးဖုခုငါးဒွိုလဲ့ ကြွာ့လင်းတို အီကွင် ပလူးအိုယားနောင် ဗွယ်ဖရာစာဖုန်းထွို့ အီကယ်ဖီတာတို” မိန့် ဇက္ခဲနိန်းအွယ့်။
စွမ်းစေအစီ့ပလား တတိုက်တွုန်
11ကိုယ်တော်အွယ့် မိန့်ဒေါင့်ထိုင်ဒါ့ လူထုပရိတ်သတ်ဖုန်း အိုနာလိုကာဒါ ကိုယ်တော်ဟိုစွမ့်တာဖုန်း တတိုက်တွုန် အဘာ။ ကွက်တဟနာမေဒေါင့်ဘာအွယ့် အိုဘို့လေးလိထွို့ ဂျေရုဆလင်ဝိန်း အွယ့်ကြားမဲ့ ဗွယ်ဖရာသာသနာတော်ဒွို အီပိုထန်လိထွို့တာ အလိုင်ချင် အိုထင်ကာနိန်းအွယ့်မဲ့ဟနေ။ 12“အလိုင်ကုဒီ့ ပလူးရာထူးဒူစာ အပလားအွယ့် ဖီကခံဘာ ဒင်မြှောက် ပျန့်နောင်ခွမ့်ခမ်း အာဒေသကုထွို့ မေပြန်ကျိန်းချာဒါ့ခါ့ ဖီကအုပ်ချုပ်တာ လေးလေတာ ဧကရာဇ်ကအိုဒါ ကန်ယားကု။ 13ခရားအီလေးခါ့ အာအွယ့် ဟောင့်စွမ်းစေ အစီ့ပလားထွို့ အပလားပလားအွယ့် အာဖီ ကွမ့်ဒင်္ဂါအစီ့မိနာ့#19:13ကွမ့်အမိနာ့ ကဒေါင့်ဒါဒွို ညီနောင် တမိုးစာအပလား မိုးတမိုး မွိုင်ငြီးအရား တမိုးခါ့။ထွို့ ‘တွိုတွို့ခရားငါးကျိန်း ကွင်လိုကာစီပွာနောင် ကွမ့်ဒွိုးဟိုလုဲင်’ မိန့်ကွင်စေးကန်း နိန်းအွယ့်။
14ဒေါင့်မာလဲ့ တွိုပလူးအာဒေသကု အခီအခို့အွယ့် ဘာသဖီပျန့်လိုကာဟ ပလူးရာထူးဒူစာအွယ့်ပလား ခွမ့်ခမ်း အွယ့်ကြားမဲ့ အန်ကြွ့လေးကာ သံတမန်ထွို့ ‘က့အိုလူဟ ပလူးဒွိုးပလား ပျန့်နောင်ခွမ့်ခမ်း က့ကန်ကု’ အန်ချန့်လေဒေါင့် ဧကရာဇ်ဆောင့် နိန်းအွယ့်။
15ဒေါင့်မာလဲ့ အာအွယ့် ခံဘာဧကရာဇ်ဒင်မြှောက် ပျန့်နောင်ခွမ့်ခမ်းထွို့ ကျိန်းတွိုချာဒါ့အာဒေသကု နောင်ခွမ့်ခမ်းတ့အနေ။ အွယ့်မကန်စာ့ အာအွယ့် ဘသာသိ စွမ်းစေ အာကဖီစေးကန်းဒါ ကွမ့်ဒင်္ဂါအစီ့ဗီစာဒွို ကွင်စီပွာထွို့ လ့အမြတ်တျာမာ အွယ့်ကြားမဲ့ ထွိုင်အန်ချန့်ဟောင့် အာကာခါ့
16စွမ်းစေအကီစွက်ပလားအွယ့် လေးထွို့ ‘ဗွယ်ခွမ့်ခမ်းကဖီစေးကန်းဒါ့ ကွမ့်ဒင်္ဂါဒီ့ ငါးမိုးပွာစေးကန်းတို အစီ့ဆ’ လျှောက်ဒင်နိန်းအွယ့်။
17ခွမ့်ခမ်းအွယ့်လဲ့ ‘မေလိထွို့။ နားနုဲင့် အမှုကိစ္စပီပီဟို့မသဲ သစ္စာအိုထွို့ ပျန့်တို စွမ်းစေခို ယွမ်အန်လ့ အွယ့်ကြားမဲ့ ငါးအီဖီပွိုင်နား ဝိန်းအစီ့ဝိန်း’ မိန့်နိန်းအွယ့်။
18စွမ်းစေ ဒုတိယပလားအွယ့်လဲ့ လေးထွို့ ‘ဗွယ်ခွမ့်ခမ်းကဖီစေးကန်းဒါ ကွမ့်ဒင်္ဂါဒီ့ ငါးမိုးပွာစေးကန်းတို အန်ငေဆ’ ထွိုင်လျှောက်ဒင်နိန်းအွယ့်ခါ့
19ခွမ့်ခမ်းအွယ့် ‘တွိုနားဒွို ဖီပွိုင် ဝိန်းအန်ငေဝိန်း’ မိန့်လင်နိန်းအွယ့်။
20တွိုစွမ်းစေ ဒါ့အပလားအွယ့် ‘ဗွယ်ခွမ့်ခမ်းကဖီစေးကန်းဒါ ကွမ့်ဒင်္ဂါဒွို ငါးဆျန်အွိုအွိုစေးကန်းတိုနောင် ဖဝါ။ ဟွိုင့်လုဲင် ဒွိုး။ 21ဗွယ်ခွမ့်ခမ်းဒွို ပျန့်တိုပလူးစည်းကမ်းဒူထွို့ တာနန်တိုးလီပွိုင်ဟလဲ့ ကုဲင်းချွော်ဆျန်ဒါထွို့ တာနန်တိုးလီစူ့ဘာဟလဲ့ ကုဲင်းကေးဆျန်ဒါ အွယ့်ကြားမဲ့ ငါးစကန်ငါအွယ့်ကြားမဲ့ မိုးဘာနိန်းဒွိုးဟနေ’ လျှောက်ဒင်နိန်းအွယ့်။
22အွယ့်ခါ့ ခွမ့်ခမ်းအွယ့် ‘စွမ်းလီခိုဟ၊ ငါးအီကျေရင်ဆုံဖြတ် နားနောင် နားကဒေါင့်ငိုအတွုန်။ ငါးဒွို ပျန့်တိုပလူးစည်းကမ်းဒူထွို့ ကုဲင်းချွော်ဆျန်ဒါ တာနန်တိုးလီပွိုင်ဟထွို့မဲ့ တာနန်တိုးလီစူ့ဟလဲ့ ကုဲင်းကေးဆျန်ဒါ အိုသိသိ 23ကွက်တဟနာ နားလီအပ်စေးကန်းဟ ငါးကွမ့်ဒင်္ဂါဘဏ်ကု။ မေအပ်စေကန်း ဘဏ်ကုအွယ့် ငါးမေကျိန်းခါ့ အီလပါထိုင်နောင်အအီဟနေ’ မိန့်ဒေါင့်နိန်းအွယ့်။
24အွယ့်မကန်စာ့ ခွမ့်ခမ်းအွယ့် အန်ချန့်ပလူးလငါ့ အိုအာအတီးအဆောင့်ဖုန်း ဟောင့်စွမ်းစေလငါ့ဖုန်းထွို့ ‘ချွော်ကွမ့် အာဆောင့်ထွို့ ဖီလိုကာကေ့စွမ်းစေ အိုနောင် ကွမ့်အစီ့မိနာ့စာဒီ့ပလားလုဲင်’ ထွိုင်ဖီအမိန့် နိန်းအွယ့်ခါ့
25အာကာအွယ့်လဲ့ ‘ဗွယ်ခွမ့်ခမ်း၊ အာဆောင့်ဒီ့ ကွမ့်ဒင်္ဂါအိုထွို့လိ အစီ့ဗီ’ ပြန်လျှောက်ဒင်လိုကာနိန်းအွယ့် အွယ့်ကြားမဲ့
26ခွမ့်ခမ်းအွယ့် ‘ငါးအီဒေါင့်နားက့ဒွို၊ ပလူးကမိုးပွာဒါစာဒွို အီဖီလွို့တို။ ဒေါင့်မာလဲ့ တွိုပလူးလီမိုးပွာဒါဟစာဒွို တာကအိုဒါ အာဆောင့်ဖုန်းမသဲ အီခံဘာ ချွော်ဆျန်ကေ့။ 27ဟောင့်လေးလိုကာ ရန်ဆူလီအိုလူဟ ငါ့အုပ်ချုပ်တာ ပျန့်နောင်ခွမ့်ခမ်း ဒွိုးခါ့စာဖုန်း ဒွိုးကုပါလုဲင်။ မိုးစီ့လိုကာတွို့ အာကာ ငါးမေငါ့ကုဒွိုလုဲင်’ ဖီလင်အမိန့်နိန်းအွယ့်” မိန့်ဒေါင့်နိန်းအွယ့်။
နွူးကျိန်း ဂျေရုဆလင်ဝိန်းကု
28ကိုယ်တော်အွယ့် ထွိုင်ဒေါင့်နေ့ထွို့ တတိုက်တွုန်နိန်းအွယ့်ခါ့ အိုတပည့်ဖုန်းမေငါ့ကုထွို့ ကြွာ့ဆွက်လေးဒါ့ ဂျေရုဆလင်ဝိန်းကု။ 29ထွိုင်တွို သံလွင်ခေါင့်ဆောင့်ကုကအိုဒါ ဗက်ဖာဂေဒုန့်နောင် ဗေသနိဒုန့်ဆောင့်ခါ့ ခရားအာကာအီစစွာ့ထန်ခါ့ ဖီကလေးကီမေငါ့ကုတာ အန်ကြွ့လေးကီ တပည့်အန်းတငြီ့ထွို့ 30ကိုယ်တော်အွယ့် “နားက့လေးကာ ဒုန့်ကအိုဒါ မေငါ့ဒုန့်ကုဒီ့လုဲင်။ ဆျက်ကနွူးဒုန့်ကုထွို့ အီသျှီလိုကာဘာ လမားခတွမ်ဖိုကောင်း လားပီ#19:30လားဒွို ပျန့်တို ဂျူးပလူးမျိုဖုန်း စုံလိုကာ အီဒင်ကျီ့အာကာတကလိုင်ဖုန်းနောင် တွမ်ကျီ့တာတိရိစ္ဆာန်အမျို အိုတွိုင့်စေးကန်းတာ အဘာ။ ချီ့ဖီ လားပီအွယ့်ဘာ နန်ပီးထွို့ ဟောင့်လေးကာ ငါးဆောင့်လုဲင်။ 31အပလားပလားအွယ့် ‘နားက့ ကွက်တဟနာ ချီ့ဖီလိုကာ လားပီနန်ပီး’ မေတစီ့နိန်းအွယ့်အွယ့် ‘ဗွယ်အိုလူ အွယ့်ကြားမဲ့’ ဒေါင့်လိုကာနိန်းအွယ့်လုဲင်” မိန်းအာကာအန်တငြီ့နိန်းအွယ့်။
32တပည့်အွယ့်အန်တငြီ့အွယ့်လဲ့ ထွိုင်တွိုထွို့ဒုန့်ကုခါ့ သျှီလိုကာဘာ ဗွမ့်နောင် ကိုယ်တော်မိန့်စေးကန်းအတွုန်။ 33အာကာအွယ့် အိုသျှီ့ဖီလိုကာ လားပီနန်ပီးတွင် အာဗွယ်ဖုန်းအွယ့် “နားက့ ကွက်တဟနာ အိုချီ့ဖီလိုကာ လားပီနန်ပီး” တစီ့လိုကာနိန်းအွယ့် အွယ့်ကြားမဲ့
34အာကာအွယ့်လဲ့ “ဗွယ်ဒွို အိုလူအွယ့်ကြားမဲ့” ဖြေလိုကာနိန်းအွယ့်။
35ထွို့မဲ့ အာကာအွယ့် ချွော်ကျိန်းကာလားပီ ကိုယ်တော်ဆောင့်ထွို့ လျာ့လိုကာ ကွမ်လာ လားပီငင်လောင်ကုထွို့မဲ့ ကူညီဖီလိုကာကိုယ်တော် အီတွမ်လားတာ။ 36တွမ်လားပီအွယ့်ဘာထွို့ လေးလေ ဂျေရုဆလင်ကလေ့ကုခါ့ လူထုပရိသတ်ဖုန်းဟေတန်အွယ့် ကိုယ်တော်တာ လျာ့ဖီလိုကာ အာကာကွမ်လာဖုန်း ကိုယ်တော် ကအီလေးဒါ ကလေ့ကု။
37အိုသံလွင်ခေါင့်လောင် အလင်းကု တပည့်ဖုန်းကားကအိုအွယ့် ကိုယ်တော်ယေရှု ကမိုးစေးကန်းဒါ တဟွမ့်ဆန်အန်ဖရာခရာကားကအိုတာ အန်ဖရာစင်လိုကာ ဗွယ်ဖရာ နောင်ပျော်ပျော်စွင်စွင်ထွို့ 38“အန်ဖရာတို ခွမ့်ခမ်း ကကြွာ့လေးဒါနောင် ဗွယ်ဖရာနျန်း။
ဝိန်းခမ်းကု တငင်ချမ်ဖီကအိုထွို့ ဗွယ်ဖရာဘုန်တန်ခိုတော် ဖီကခါ့လက်မှန်မှန်” က့လိုကာနိန်းအွယ့်။
39အွယ့်ခါ့ ဖာရိရှဲကအိုဒါပလူးကျွိုကုစာ အခီအခို့အွယ့် “ဆရာ၊ ဖီကေ့ဆရာတပည့်ဖုန်း အမိန့် ဖီကျန်က့လိုကာမာနိန်းဒွိုးမာလုဲင်” လျှောက်ကာ ကိုယ်တော်နိန်းအွယ့်။
40ကိုယ်တော်အွယ့်လဲ့ “ငါးအီဒေါင့်နားက့ဒွို၊ မေဒေါင့်ငါ့တပည့်ဖုန်း ဖီကျန်က့ကာမာအွယ့် လုံဖုန်းဒွို အီက့လိုကာဟနေ” မိန့်နိန်းအွယ့်။
မေးသျှီ့လင်ထုတာ ဂျေရုဆင်ဝိန်းတာ
41ထွို့မဲ့ ကိုယ်တော်အွယ့် တွိုလေး ဂျေရုဆလင်ဝိန်းဆောင့်ထွို့ ထွိုင်သျှီဝိန်းခါ့ မေးသျှီ့လင်ထုလင်းထွို့ 42“အွို ဂျေရုဆလင်ဝိန်းစာဖုန်း တာကမာဘာဒီ့ ကျီ့လေးဖီတို တငင်ချမ် နားက့ဆောင့်ဒွို ငါးဘာသဖီသိယွမ်တွို့နားက့။ ဒေါင့်မာလဲ့ ဒွိုးခါ့ နားက့ အီသိဒါဒါ့ တာအွယ့်ဘာ လီမေဟာ။ 43ကွက်တဟနာမေဒေါင့်ဘာအွယ့် နားက့ ရန်ဆူဖုန်းဒွို အီတွိုက့်နားက့တာ စူ့လိုကာတရေးကျီ့ဖုန်းထွို့ အိုခွို့စေးကန်းကာလိထွို့မဲ့ အိုကျွမ်ဒိုင့်ဒိုင့်ကုထွို့ အီတွိုက်လေဒါအခိန်းဒွို အီတွိုလိထွို့ဟနေ။ 44ဝိန်းဒွိုးအဝိန်းလူးကု ကအိုဒါ အဆောက်အဦးဖုန်း#19:44 ကျောင်း၊ ယွမ်၊ တိုက် ကားကအို။ ကားကအိုဒွို အီခံဘာ ယားပလင်ကေ့ထွို့ ဝိန်းကုကအိုဒါ ပလူးဖုန်းကားကအိုလဲ့ အီမိုးစီ့လူးလိုကာကေ့ အခိန်းဒွို အီတွိုလေးလိထွို့။ ကွက်တဟနာမေဒေါင့်အွယ့် နားက့ဒွို လီသိကာဟ ဗွယ်ဖရာဒွို အီကယ်တာ အီကြွာ့လင်းကမာခိန်းကု အွယ့်ကြားမဲ့ဟနေ” မိန့်နိန်းအွယ့်။
မိုးပလင့်ဖီ ဗိမာန်တော်ကု
45တွိုထွို့ဂျေရုဆလင်ဝိန်းကုထွို့ ကိုယ်တော်အွယ့် နွူးကျိန်း ဗိမာန်တော်ကွင်ကုထွို့ ဝါစွာ့ထန်ကေ့ တအန်ကားစာဖုန်း အိုအန်ကားလိုကာတာ ဗိမာန်တော်ကွင် ကုန်ကုကုထွို့ 46“ကျမ်ကုဒီ့ ‘ငါးယွမ်ဒွို အီပျန့်ဘာတို ခမ်လန်ဆုတောင်ဝယ်စို့တာ’ အိုတျန်စေးကန်းနိန်းအွယ့်လဲ့ ဒွိုးခါ့ နားက့ဒွို အိုမိုးလိုကာတို ဗိမာန်တော်ဒွို ဖီပျန့်ကေ့ တောင်ကွမ်း ကျွမ်ဖုန်း အိုအွပ်စို့ခမ်းလန်” မိန့်နိန်းအွယ့်။
47ထွို့မဲ့ ကိုယ်တော်အွယ့် အိုဟိုစွမ့်တိုတာ ဗိမာန်တော်ကွင်ကု ကျွမ်ငြီးငြီး။ ဒေါင့်မာလဲ့ ဂျူးပုရောဟိတ်အဒူအကဲဖုန်း၊ ကျမ်ဒါဆရာဖုန်းနောင် ဂျူးပလူးမျိုအဒူအကဲဖုန်းအွယ့် အိုကြိုစာမိုးစီ့လိုကာတွို့ ကိုယ်တော်လဲ့ 48လူထုပရိသတ်ဖုန်းဟေတန်အွယ့် အီနာ ကိုယ်တော်ဟိုစွမ့်တာဖုန်းတာ ဆန္ဒအိုဆန်ထန်လိုကာ အွယ့်ကြားမဲ့ အာကာအွယ့် အီမိုးစီ့ကိုယ်တော်တာ ကြံတနယ်ဖုန်း လီဒါဒါလိုကာဟ ဟနေ။
Currently Selected:
လုကာ 19: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 19
19
အခန် (၁၉)
အခွမ်ကျက်စာဇက္ခဲ
1ထွို့မဲ့ ကိုယ်တော်ယေရှုနောင် တပည့်တော်ဖုန်းအွယ့် နွူးဖြတ်ကျိန် ဂျေရိခေါဝိန်းထွို့ ကြွာ့လေးတာ။ 2ဂျေရိခေါဝိန်းကု ပလူးနျန်းဇက္ခဲ အိုအပလား။ အာဒွို ပျန့်တခွမ်ကျက်စာဖုန်း အဒူအကဲ အပလားထွို့ ပလူးချမ်စာယွမ်တွို့တာစာ အပလားလဲ့မေမေ။ 3အာအွယ့် ဖီကသျှီဘာ ကိုယ်တော်ယေရှု ပျန့်လမာတာလဲ့ သျှီဘာဟ။ ကွက်တဟနာမေဒေါင့်ဘာအွယ့် အာအွယ့် နန်ဖွိုငါထွို့ ပလူးဖုန်း အိုခွူ့ရွန့်လိုကာ ကိုယ်တော်ဆောင့် အွယ့်ကြားမဲ့ဟနေ။ 4အွယ့်ကြားမဲ့ အာအွယ့် ဖီကသျှီဒါကိုယ်တော်တာ တထွူ့လေးကပ်ကေ့ မေငါ့ကုထွို့ ထန်အိုတာ တယွူ့မွိုင်အမွိုင်လောင်ကု။ ကွက်တဟနာမေဒေါင့်ဘာအွယ့် ကိုယ်တော်အွယ့် အီကာလေ ကလေ့အွယ့်ဘောင့်မဲ့ ဟနေ။
5ကိုယ်တော်အွယ့် ထွိုင်တွိုထွို့ ခမ်လန်အွယ့်ကုပါခါ့ ဟွိုင့်ခမ်လွို့ထန်တာထွို့ “ဇက္ခဲ၊ လင်းလင်မွိုင့်မွိုင့်။ ဟန်ငြီး ငါးအီအိုတည်စို့ နားယွမ်ကု” မိန့်လေနိန်းအွယ့်။ 6အွယ့်ကြားမဲ့ ဇက္ခဲအွယ့်လဲ့ အိုတွိုင်မွိုင်လောင် နျက်လင်းလင်ထွို့ ကြိုစွမ်ကိုယ်တော်ယေရှု နောင်တဟွမ့်ခို။
7ပလူးကသျှီဒါ တပျန့်အွယ့်ဘာစာ ကားကအိုအွယ့် “ကိုယ်တော်ဒွို အီတည်ခိုတာ လေးလေ ပလူးအပျက်စရိုက် လီခိုဟစာယွမ်ကု” ဒင်အပျက်ဝေဖန်လိုကာနိန်းအွယ့်။
8ဒေါင့်မာလဲ့ ထွိုင်ကြာအခိန်း အစင်ထွို့ ဇက္ခဲအွယ့် အိုထွိုင်နောင်တာထွို့ “ဗွယ်၊ ငါးတကလွိုင်ဖုန်း အခို့ဒွို ငါးအီပါးဖီတို ပလူးဆင်ရယ်စာဖုန်း။ နောင်လီတရာဟထွို့ ကကျွူ့ဒါ တခွမ်ကွမ့်ဖုန်း ပလူးဖုန်းဆောင့် ဒီ့လဲ့ အီပြန်ဖီချာဒါ့တို လွို့ထိုင် အန်လွီဆ” လျှောက်ဒင်ကိုယ်တော်နိန်းအွယ့်။
9ကိုယ်တော်အွယ့် “နားဒွိုလဲ့ ပျန့်တိုအာဗြဟံမျိုဆွက် အွယ့်ကြားမဲ့ တေဟန်ငြီးထွို့ ဗွယ်ဖရာ ကယ်ဆယ်လိထွို့ နားနောင် နားမိသာစုအစုလူး။ 10ပလူးဖုခုငါးဒွိုလဲ့ ကြွာ့လင်းတို အီကွင် ပလူးအိုယားနောင် ဗွယ်ဖရာစာဖုန်းထွို့ အီကယ်ဖီတာတို” မိန့် ဇက္ခဲနိန်းအွယ့်။
စွမ်းစေအစီ့ပလား တတိုက်တွုန်
11ကိုယ်တော်အွယ့် မိန့်ဒေါင့်ထိုင်ဒါ့ လူထုပရိတ်သတ်ဖုန်း အိုနာလိုကာဒါ ကိုယ်တော်ဟိုစွမ့်တာဖုန်း တတိုက်တွုန် အဘာ။ ကွက်တဟနာမေဒေါင့်ဘာအွယ့် အိုဘို့လေးလိထွို့ ဂျေရုဆလင်ဝိန်း အွယ့်ကြားမဲ့ ဗွယ်ဖရာသာသနာတော်ဒွို အီပိုထန်လိထွို့တာ အလိုင်ချင် အိုထင်ကာနိန်းအွယ့်မဲ့ဟနေ။ 12“အလိုင်ကုဒီ့ ပလူးရာထူးဒူစာ အပလားအွယ့် ဖီကခံဘာ ဒင်မြှောက် ပျန့်နောင်ခွမ့်ခမ်း အာဒေသကုထွို့ မေပြန်ကျိန်းချာဒါ့ခါ့ ဖီကအုပ်ချုပ်တာ လေးလေတာ ဧကရာဇ်ကအိုဒါ ကန်ယားကု။ 13ခရားအီလေးခါ့ အာအွယ့် ဟောင့်စွမ်းစေ အစီ့ပလားထွို့ အပလားပလားအွယ့် အာဖီ ကွမ့်ဒင်္ဂါအစီ့မိနာ့#19:13ကွမ့်အမိနာ့ ကဒေါင့်ဒါဒွို ညီနောင် တမိုးစာအပလား မိုးတမိုး မွိုင်ငြီးအရား တမိုးခါ့။ထွို့ ‘တွိုတွို့ခရားငါးကျိန်း ကွင်လိုကာစီပွာနောင် ကွမ့်ဒွိုးဟိုလုဲင်’ မိန့်ကွင်စေးကန်း နိန်းအွယ့်။
14ဒေါင့်မာလဲ့ တွိုပလူးအာဒေသကု အခီအခို့အွယ့် ဘာသဖီပျန့်လိုကာဟ ပလူးရာထူးဒူစာအွယ့်ပလား ခွမ့်ခမ်း အွယ့်ကြားမဲ့ အန်ကြွ့လေးကာ သံတမန်ထွို့ ‘က့အိုလူဟ ပလူးဒွိုးပလား ပျန့်နောင်ခွမ့်ခမ်း က့ကန်ကု’ အန်ချန့်လေဒေါင့် ဧကရာဇ်ဆောင့် နိန်းအွယ့်။
15ဒေါင့်မာလဲ့ အာအွယ့် ခံဘာဧကရာဇ်ဒင်မြှောက် ပျန့်နောင်ခွမ့်ခမ်းထွို့ ကျိန်းတွိုချာဒါ့အာဒေသကု နောင်ခွမ့်ခမ်းတ့အနေ။ အွယ့်မကန်စာ့ အာအွယ့် ဘသာသိ စွမ်းစေ အာကဖီစေးကန်းဒါ ကွမ့်ဒင်္ဂါအစီ့ဗီစာဒွို ကွင်စီပွာထွို့ လ့အမြတ်တျာမာ အွယ့်ကြားမဲ့ ထွိုင်အန်ချန့်ဟောင့် အာကာခါ့
16စွမ်းစေအကီစွက်ပလားအွယ့် လေးထွို့ ‘ဗွယ်ခွမ့်ခမ်းကဖီစေးကန်းဒါ့ ကွမ့်ဒင်္ဂါဒီ့ ငါးမိုးပွာစေးကန်းတို အစီ့ဆ’ လျှောက်ဒင်နိန်းအွယ့်။
17ခွမ့်ခမ်းအွယ့်လဲ့ ‘မေလိထွို့။ နားနုဲင့် အမှုကိစ္စပီပီဟို့မသဲ သစ္စာအိုထွို့ ပျန့်တို စွမ်းစေခို ယွမ်အန်လ့ အွယ့်ကြားမဲ့ ငါးအီဖီပွိုင်နား ဝိန်းအစီ့ဝိန်း’ မိန့်နိန်းအွယ့်။
18စွမ်းစေ ဒုတိယပလားအွယ့်လဲ့ လေးထွို့ ‘ဗွယ်ခွမ့်ခမ်းကဖီစေးကန်းဒါ ကွမ့်ဒင်္ဂါဒီ့ ငါးမိုးပွာစေးကန်းတို အန်ငေဆ’ ထွိုင်လျှောက်ဒင်နိန်းအွယ့်ခါ့
19ခွမ့်ခမ်းအွယ့် ‘တွိုနားဒွို ဖီပွိုင် ဝိန်းအန်ငေဝိန်း’ မိန့်လင်နိန်းအွယ့်။
20တွိုစွမ်းစေ ဒါ့အပလားအွယ့် ‘ဗွယ်ခွမ့်ခမ်းကဖီစေးကန်းဒါ ကွမ့်ဒင်္ဂါဒွို ငါးဆျန်အွိုအွိုစေးကန်းတိုနောင် ဖဝါ။ ဟွိုင့်လုဲင် ဒွိုး။ 21ဗွယ်ခွမ့်ခမ်းဒွို ပျန့်တိုပလူးစည်းကမ်းဒူထွို့ တာနန်တိုးလီပွိုင်ဟလဲ့ ကုဲင်းချွော်ဆျန်ဒါထွို့ တာနန်တိုးလီစူ့ဘာဟလဲ့ ကုဲင်းကေးဆျန်ဒါ အွယ့်ကြားမဲ့ ငါးစကန်ငါအွယ့်ကြားမဲ့ မိုးဘာနိန်းဒွိုးဟနေ’ လျှောက်ဒင်နိန်းအွယ့်။
22အွယ့်ခါ့ ခွမ့်ခမ်းအွယ့် ‘စွမ်းလီခိုဟ၊ ငါးအီကျေရင်ဆုံဖြတ် နားနောင် နားကဒေါင့်ငိုအတွုန်။ ငါးဒွို ပျန့်တိုပလူးစည်းကမ်းဒူထွို့ ကုဲင်းချွော်ဆျန်ဒါ တာနန်တိုးလီပွိုင်ဟထွို့မဲ့ တာနန်တိုးလီစူ့ဟလဲ့ ကုဲင်းကေးဆျန်ဒါ အိုသိသိ 23ကွက်တဟနာ နားလီအပ်စေးကန်းဟ ငါးကွမ့်ဒင်္ဂါဘဏ်ကု။ မေအပ်စေကန်း ဘဏ်ကုအွယ့် ငါးမေကျိန်းခါ့ အီလပါထိုင်နောင်အအီဟနေ’ မိန့်ဒေါင့်နိန်းအွယ့်။
24အွယ့်မကန်စာ့ ခွမ့်ခမ်းအွယ့် အန်ချန့်ပလူးလငါ့ အိုအာအတီးအဆောင့်ဖုန်း ဟောင့်စွမ်းစေလငါ့ဖုန်းထွို့ ‘ချွော်ကွမ့် အာဆောင့်ထွို့ ဖီလိုကာကေ့စွမ်းစေ အိုနောင် ကွမ့်အစီ့မိနာ့စာဒီ့ပလားလုဲင်’ ထွိုင်ဖီအမိန့် နိန်းအွယ့်ခါ့
25အာကာအွယ့်လဲ့ ‘ဗွယ်ခွမ့်ခမ်း၊ အာဆောင့်ဒီ့ ကွမ့်ဒင်္ဂါအိုထွို့လိ အစီ့ဗီ’ ပြန်လျှောက်ဒင်လိုကာနိန်းအွယ့် အွယ့်ကြားမဲ့
26ခွမ့်ခမ်းအွယ့် ‘ငါးအီဒေါင့်နားက့ဒွို၊ ပလူးကမိုးပွာဒါစာဒွို အီဖီလွို့တို။ ဒေါင့်မာလဲ့ တွိုပလူးလီမိုးပွာဒါဟစာဒွို တာကအိုဒါ အာဆောင့်ဖုန်းမသဲ အီခံဘာ ချွော်ဆျန်ကေ့။ 27ဟောင့်လေးလိုကာ ရန်ဆူလီအိုလူဟ ငါ့အုပ်ချုပ်တာ ပျန့်နောင်ခွမ့်ခမ်း ဒွိုးခါ့စာဖုန်း ဒွိုးကုပါလုဲင်။ မိုးစီ့လိုကာတွို့ အာကာ ငါးမေငါ့ကုဒွိုလုဲင်’ ဖီလင်အမိန့်နိန်းအွယ့်” မိန့်ဒေါင့်နိန်းအွယ့်။
နွူးကျိန်း ဂျေရုဆလင်ဝိန်းကု
28ကိုယ်တော်အွယ့် ထွိုင်ဒေါင့်နေ့ထွို့ တတိုက်တွုန်နိန်းအွယ့်ခါ့ အိုတပည့်ဖုန်းမေငါ့ကုထွို့ ကြွာ့ဆွက်လေးဒါ့ ဂျေရုဆလင်ဝိန်းကု။ 29ထွိုင်တွို သံလွင်ခေါင့်ဆောင့်ကုကအိုဒါ ဗက်ဖာဂေဒုန့်နောင် ဗေသနိဒုန့်ဆောင့်ခါ့ ခရားအာကာအီစစွာ့ထန်ခါ့ ဖီကလေးကီမေငါ့ကုတာ အန်ကြွ့လေးကီ တပည့်အန်းတငြီ့ထွို့ 30ကိုယ်တော်အွယ့် “နားက့လေးကာ ဒုန့်ကအိုဒါ မေငါ့ဒုန့်ကုဒီ့လုဲင်။ ဆျက်ကနွူးဒုန့်ကုထွို့ အီသျှီလိုကာဘာ လမားခတွမ်ဖိုကောင်း လားပီ#19:30လားဒွို ပျန့်တို ဂျူးပလူးမျိုဖုန်း စုံလိုကာ အီဒင်ကျီ့အာကာတကလိုင်ဖုန်းနောင် တွမ်ကျီ့တာတိရိစ္ဆာန်အမျို အိုတွိုင့်စေးကန်းတာ အဘာ။ ချီ့ဖီ လားပီအွယ့်ဘာ နန်ပီးထွို့ ဟောင့်လေးကာ ငါးဆောင့်လုဲင်။ 31အပလားပလားအွယ့် ‘နားက့ ကွက်တဟနာ ချီ့ဖီလိုကာ လားပီနန်ပီး’ မေတစီ့နိန်းအွယ့်အွယ့် ‘ဗွယ်အိုလူ အွယ့်ကြားမဲ့’ ဒေါင့်လိုကာနိန်းအွယ့်လုဲင်” မိန်းအာကာအန်တငြီ့နိန်းအွယ့်။
32တပည့်အွယ့်အန်တငြီ့အွယ့်လဲ့ ထွိုင်တွိုထွို့ဒုန့်ကုခါ့ သျှီလိုကာဘာ ဗွမ့်နောင် ကိုယ်တော်မိန့်စေးကန်းအတွုန်။ 33အာကာအွယ့် အိုသျှီ့ဖီလိုကာ လားပီနန်ပီးတွင် အာဗွယ်ဖုန်းအွယ့် “နားက့ ကွက်တဟနာ အိုချီ့ဖီလိုကာ လားပီနန်ပီး” တစီ့လိုကာနိန်းအွယ့် အွယ့်ကြားမဲ့
34အာကာအွယ့်လဲ့ “ဗွယ်ဒွို အိုလူအွယ့်ကြားမဲ့” ဖြေလိုကာနိန်းအွယ့်။
35ထွို့မဲ့ အာကာအွယ့် ချွော်ကျိန်းကာလားပီ ကိုယ်တော်ဆောင့်ထွို့ လျာ့လိုကာ ကွမ်လာ လားပီငင်လောင်ကုထွို့မဲ့ ကူညီဖီလိုကာကိုယ်တော် အီတွမ်လားတာ။ 36တွမ်လားပီအွယ့်ဘာထွို့ လေးလေ ဂျေရုဆလင်ကလေ့ကုခါ့ လူထုပရိသတ်ဖုန်းဟေတန်အွယ့် ကိုယ်တော်တာ လျာ့ဖီလိုကာ အာကာကွမ်လာဖုန်း ကိုယ်တော် ကအီလေးဒါ ကလေ့ကု။
37အိုသံလွင်ခေါင့်လောင် အလင်းကု တပည့်ဖုန်းကားကအိုအွယ့် ကိုယ်တော်ယေရှု ကမိုးစေးကန်းဒါ တဟွမ့်ဆန်အန်ဖရာခရာကားကအိုတာ အန်ဖရာစင်လိုကာ ဗွယ်ဖရာ နောင်ပျော်ပျော်စွင်စွင်ထွို့ 38“အန်ဖရာတို ခွမ့်ခမ်း ကကြွာ့လေးဒါနောင် ဗွယ်ဖရာနျန်း။
ဝိန်းခမ်းကု တငင်ချမ်ဖီကအိုထွို့ ဗွယ်ဖရာဘုန်တန်ခိုတော် ဖီကခါ့လက်မှန်မှန်” က့လိုကာနိန်းအွယ့်။
39အွယ့်ခါ့ ဖာရိရှဲကအိုဒါပလူးကျွိုကုစာ အခီအခို့အွယ့် “ဆရာ၊ ဖီကေ့ဆရာတပည့်ဖုန်း အမိန့် ဖီကျန်က့လိုကာမာနိန်းဒွိုးမာလုဲင်” လျှောက်ကာ ကိုယ်တော်နိန်းအွယ့်။
40ကိုယ်တော်အွယ့်လဲ့ “ငါးအီဒေါင့်နားက့ဒွို၊ မေဒေါင့်ငါ့တပည့်ဖုန်း ဖီကျန်က့ကာမာအွယ့် လုံဖုန်းဒွို အီက့လိုကာဟနေ” မိန့်နိန်းအွယ့်။
မေးသျှီ့လင်ထုတာ ဂျေရုဆင်ဝိန်းတာ
41ထွို့မဲ့ ကိုယ်တော်အွယ့် တွိုလေး ဂျေရုဆလင်ဝိန်းဆောင့်ထွို့ ထွိုင်သျှီဝိန်းခါ့ မေးသျှီ့လင်ထုလင်းထွို့ 42“အွို ဂျေရုဆလင်ဝိန်းစာဖုန်း တာကမာဘာဒီ့ ကျီ့လေးဖီတို တငင်ချမ် နားက့ဆောင့်ဒွို ငါးဘာသဖီသိယွမ်တွို့နားက့။ ဒေါင့်မာလဲ့ ဒွိုးခါ့ နားက့ အီသိဒါဒါ့ တာအွယ့်ဘာ လီမေဟာ။ 43ကွက်တဟနာမေဒေါင့်ဘာအွယ့် နားက့ ရန်ဆူဖုန်းဒွို အီတွိုက့်နားက့တာ စူ့လိုကာတရေးကျီ့ဖုန်းထွို့ အိုခွို့စေးကန်းကာလိထွို့မဲ့ အိုကျွမ်ဒိုင့်ဒိုင့်ကုထွို့ အီတွိုက်လေဒါအခိန်းဒွို အီတွိုလိထွို့ဟနေ။ 44ဝိန်းဒွိုးအဝိန်းလူးကု ကအိုဒါ အဆောက်အဦးဖုန်း#19:44 ကျောင်း၊ ယွမ်၊ တိုက် ကားကအို။ ကားကအိုဒွို အီခံဘာ ယားပလင်ကေ့ထွို့ ဝိန်းကုကအိုဒါ ပလူးဖုန်းကားကအိုလဲ့ အီမိုးစီ့လူးလိုကာကေ့ အခိန်းဒွို အီတွိုလေးလိထွို့။ ကွက်တဟနာမေဒေါင့်အွယ့် နားက့ဒွို လီသိကာဟ ဗွယ်ဖရာဒွို အီကယ်တာ အီကြွာ့လင်းကမာခိန်းကု အွယ့်ကြားမဲ့ဟနေ” မိန့်နိန်းအွယ့်။
မိုးပလင့်ဖီ ဗိမာန်တော်ကု
45တွိုထွို့ဂျေရုဆလင်ဝိန်းကုထွို့ ကိုယ်တော်အွယ့် နွူးကျိန်း ဗိမာန်တော်ကွင်ကုထွို့ ဝါစွာ့ထန်ကေ့ တအန်ကားစာဖုန်း အိုအန်ကားလိုကာတာ ဗိမာန်တော်ကွင် ကုန်ကုကုထွို့ 46“ကျမ်ကုဒီ့ ‘ငါးယွမ်ဒွို အီပျန့်ဘာတို ခမ်လန်ဆုတောင်ဝယ်စို့တာ’ အိုတျန်စေးကန်းနိန်းအွယ့်လဲ့ ဒွိုးခါ့ နားက့ဒွို အိုမိုးလိုကာတို ဗိမာန်တော်ဒွို ဖီပျန့်ကေ့ တောင်ကွမ်း ကျွမ်ဖုန်း အိုအွပ်စို့ခမ်းလန်” မိန့်နိန်းအွယ့်။
47ထွို့မဲ့ ကိုယ်တော်အွယ့် အိုဟိုစွမ့်တိုတာ ဗိမာန်တော်ကွင်ကု ကျွမ်ငြီးငြီး။ ဒေါင့်မာလဲ့ ဂျူးပုရောဟိတ်အဒူအကဲဖုန်း၊ ကျမ်ဒါဆရာဖုန်းနောင် ဂျူးပလူးမျိုအဒူအကဲဖုန်းအွယ့် အိုကြိုစာမိုးစီ့လိုကာတွို့ ကိုယ်တော်လဲ့ 48လူထုပရိသတ်ဖုန်းဟေတန်အွယ့် အီနာ ကိုယ်တော်ဟိုစွမ့်တာဖုန်းတာ ဆန္ဒအိုဆန်ထန်လိုကာ အွယ့်ကြားမဲ့ အာကာအွယ့် အီမိုးစီ့ကိုယ်တော်တာ ကြံတနယ်ဖုန်း လီဒါဒါလိုကာဟ ဟနေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.