လုကာ 18
18
အခန် (၁၈)
ပလူးဆုံဖြတ်တရာစာနောင် မယ်မုဲင်မွော်
1ထွို့မဲ့ ကိုယ်တော်ယေရှုအွယ့် သ့လီကေ့ဟ လီခံလျှော့ဟထွို့ အိုလူဆုတောင်တစေးတိုတာခရာ မိန့်ဖီတပည့်ဖုန်းနောင် တတိုက်တွုန်အဘာဒီ့ 2“ဝိန်းအဝိန်းကုဒီ့ ဗွယ်ဖရာလဲ့ လီစကန်ဟ၊ အမျာကန်စာဖုန်းလောင်လဲ့ လီရိုစေဟဒါ ပလူးဆုံဖြတ်တရာစာ အိုအပလား။ 3မယ်မုဲင်မွော် ကအိုဒါ အွယ့်ဝိန်းကုအပလားအွယ့် လေးလေ ပလူးဆုံဖြတ်တရာစာဆောင့်ထွို့ ‘ဆုံဖြတ်တရာရာဖီ ပလူးစွယ်တရာငါးစာ ဒီ့ပလားလုဲင်’ ဒေါင့်နိန်းအွယ့် ခမိန်လိုင်လိုင် ခမိန်ခေါက်ခေါက်။
4တွိုတွို့ အခိန်းငီးတန်ကု ပလူးဆုံဖြတ်တရာစာအွယ့် ငြင်းပေအာကကျွူ့ဒါတာလဲ့ ကန်စာ့စွက်ကု အာအွယ့် ‘ငါးဒွို ဗွယ်ဖရာလဲ့ စကန်ဟ၊ ပလူးဖုန်းဒွိုလဲ့ ငါးလီရိုစေဟလဲ့ 5မယ်မုဲင်မွော်ဒွိုးပလားဒွို အိုမိုးချုပ်တစေတွို့ငါး အွယ့်ကြားမဲ့ အီကျေရင်ဆုံဖြတ်ဖီဘာ အာနောင် တတရာမဲ့ အီဒါဒွို။ နိန်းအွယ့်မဲ့ အာဒွို အီအန်ဆောဝ်းကေ့ လေးငါးဆောင့်ထွို့ အစင်စင်မိုးရှုပ်ငါး ဟနေ’ ကျင်ကျာတာနိန်းအွယ့်” မိန့်နိန်းအွယ့်။
6ထွို့မဲ့ ကိုယ်တော်အွယ့် “ကျင်ကျာလိုကာ လီတရာဟဒါ ပလူးဆုံဖြတ်တရာစာ အွယ့်ပလား ဒေါင့်တာလုဲင်။ 7လီတရာဟဒါ ပလူးဆုံဖြတ်တရာစာဒွိုးပလားမသဲ မေအိုယူဖီ ပလူးကျွူ့လျှောက် အာ ခမိန်လိုင်လိုင်စာအွယ့် ဗွယ်ဖရာဒွိုလဲ့ အီကူညီဖီ ပလူးကဆုတောင်လျှောက်တာ အာဆောင့် ကျွမ်ငြီးကျွမ်ဟစာတာ အီထွို့ငြီးငြီးစေးကန်းအခိန်းလီမေဟာ။ 8ငါးအီဒေါင့်နားက့ဒွို၊ ဗွယ်ဖရာဒွို အီမိုးဖီအာကာ ဖီတရာမျှတ အမွိုင်စွက်။ ဒေါင့်မာလဲ့ ပလူးဖုခုငါး မေပြန်ကြွာ့ချာဒါ့ခါ့ ငါးအီသျှီဘာနေကောင် ပလူးယွမ်အန်ငါးစာဖုန်း ကမ်ဖာဒွိုးဘာလောင်ကု” မိန့်နိန်းအွယ့်။
ဖာရိရှဲနောင် တခွမ်ကျက်စာ တတိုက်တွိုင်
9ထွို့မဲ့ ကိုယ်တော် မိန့်ဖီ ပလူးအိုယူဒါ နန်နောင်နန် တွို့မှန်ထွို့ ထင်ပီဒါ ပလားလငါ့စာအဟန်ဟန်ဖုန်း နောင်တတိုက်တွုန်အဘာဒီ့ 10“အလိုင်ကု ဖာရိရှဲအပလားနောင် တခွမ်ကျက်စာ အပလားကာအွယ့် အီဝယ်ဆုတောင်လိုကာတာတာ လေးလိုကာ ဗိမာန်တော်ကွင်ကု။ 11ဖာရိရှဲအွယ့် အိုထွိုင်တိုးတာ အပလားတိုးထွို့ ‘အွို ဗွယ်ဖရာ၊ ငါးဒွို ဗွမ့်နောင် ပလားလငါ့ ပျန့်ပလူးချွော်ရျန့်ဒါစာ၊ လီတွို့ဟစာ၊ ပလူးဖောက်ပလန်အိမ်ထောင်ရေစာလဲ့ လီမေဟကာဟ လီဗွမ့်ဟနောင် တခွမ်ကျက်စာ ဒီ့ကုပါပလား အွယ့်ကြားမဲ့ ကေဇူတင်နေ့တွို့ ဗွယ်ဖရာ။ 12ငါးဒွို အပတ်ကု ရှောင်စာဆုတောင်တာ အန်းငြီ့ငြီးထွို့ ငါးကလ့ဒါ ကွမ့်နွူးကားကအို အစီ့ပွမ် အပွမ်ဒွိုလဲ့ အိုလှူတို#18:12 ဓမ္မဇျီးကျမ်ကုဒီ့ ဂျူးပလူးမျိုဖုန်းဒွို အနိန်းကု ရှောင်စာဆောက်တေလိုကာဘာဘို့တာ မငြီးဖရေအပျက်ငြီး အငြီးကုဟို့။ ထွို့ဒါ့ ဂျူးပလူးမျိုဖုန်းဒွို လှူဘာဘို့ တသာ ကထန်ဒါ အာကာလုဲင်ကု အစီ့ပွမ် အပွမ်ဟို့။’ ဆုတောင်တာနိန်းအွယ့်။
13ဒေါင့်မာလဲ့ တွိုတခွမ်ကျက်စာအွယ့် အိုထွိုင်ယားတိုတာနောင် ပလားလငါ့ဖုန်းထွို့ ဟွိုင့်ထန်ဗွမ်ဟ မုကန်ထွို့မဲ့ တွက်အာအင့်ထွို့ ‘အွို ဗွယ်ဖရာ၊ တညင်ဖီ အပျက်စရိုက်လီခိုဟဖုန်း ကအိုဟေဒါ ငါးမွန်’ ဆုတောင်တာနိန်းအွယ့်။
14ပလူးအွယ့်အန်တငြီ့ ထွိုင်ကျိန်းတွိုကာယွမ်ကုခါ့ ပလူးကလ့ဒါ ဗွယ်ဖရာတခွင်လွှတ်စာဒွို ပျန့်ဖာရိရှဲ မေဟထွို့ ပျန့်တို တခွမ်ကျက်စာတိုဟနေ။ ကွက်တဟနာမေဒေါင့်ဘာအွယ့် ပလူးပင်စွိုင်းတိုး နန်တိုးစာဖုန်းဒွို အီခံဘာ ဗွယ်ဖရာချာ့ဖွိုထွို့ ပလူးချာ့ဖွိုတိုး နန်တိုးစာဖုန်းဒွို အီခံဘာ ဗွယ်ဖရာပင်စွိုင်း” မိန့်နိန်းအွယ့်။
ဖီပသာပီဖုန်း တခို
15အငြီးကု ပလူးအခီအခို့ဖုန်းအွယ့်လဲ့ အီဖီခွိုင်းကာ အာကာဖုနောင် ကိုယ်တော်ထွို့ ဖီကလ့တခို ဗွယ်ဖရာဆောင့်တာ ဟောင့်လေးလိုကာ အာကာဖုပီဖုန်း ကိုယ်တော်ဆောင့်။ ဒေါင့်မာလဲ့ တပည့်ဖုန်း ထွိုင်သျှီလိုကာခါ့ ဟွိုက်လိုကာ ပလူးအွယ့်ဟို ဖီကျန်မိုးမာ နိန်းအွယ့်မာ။ 16ဒေါင့်မာလဲ့ ကိုယ်တော်အွယ့် ဟောင့်ပသာပီဖုန်း ဖီကလေးအာဆောင့်ထွို့ “ဖီပသာပီဖုန်း လေးငါးဆောင့်ဒွိုး။ ကျန်ရေးကာမာ အာကာမာ။ ကွက်တဟနာမေဒေါင့်ဘာအွယ့် ဗွယ်ဖရာသာသနာတော်ဒွို ပျန့်တို ပလူးဗွမ့်နောင် ပသာပီဒွိုးဟိုဖုန်းတာတို အွယ့်ကြားမဲ့ဟနေ။ 17ငါးမေဒေါင့်ဘာနားက့အမှန်ဒွို၊ မေလီလက်ခံဟ ဗွယ်ဖရာသာသနာတော် နောင်ပသာပီအပလားအွယ့် နားက့ဒွို ကမာခါ့ခယောဝ်း အီလ့လိုကာ နွူးခွင် လီမေဟာ” မိန့်အာတပည့်ဖုန်းနိန်းအွယ့်။
ကချမ်စာဒါ အဒူအကဲအပလား
18အလိုင်ကု ဂျူးပလူးမျို အဒူအကဲအပလားအွယ့် “ကခိုမြတ်ဒါ ဆရာ၊ ဖီကလ့ ဆက်နိစ္စထာဝရဒွို ငါးအီမိုးဘာ တဟနာ” တစီ့လျှောက်ကိုယ်တော်နိန်းအွယ့်။
19ဒေါင့်မာလဲ့ ကိုယ်တော်အွယ့် “ကွက်တဟနာ အိုဟောင့်ငါး ပလူးခိုမြတ်စာ။ လွို့ဗွယ်ဖရာထွို့ ပလူးခိုမြတ်စာဒွို လီအိုဟာ။ 20ဗွယ်ဖရာပညတ်တော်ဖုန်းဒွို နားသိလိထွို့တိုဟနေ။ ဖောက်ပလန်လ့ဟ အိမ်ထောင်ရေ။ မိုးစီ့လ့ဟပလူး။ ချွော်တောင်ကွမ်းလ့ဟ။ ဒေါင့်တလျှက်လ့ဟ။ ရိုစေမွိုဖာ့ဖုန်းလုဲင်” မိန့်နိန်းအွယ့်။
21ပလူးအွယ့်ပလားလဲ့ “ငါးဒွို ထျက်အိုပီပီခါ့ကာ လွိုက်နာကင်ကျင်တွဲ့လေတို ပညတ်တော်ဒွိုးဟိုဖုန်း ကားကအို” လျှောက်ဒင်နိန်းအွယ့်။
22ထွိုင်ဟွမ့်ထွို့ လျှောက်ဒင်နိန်းအွယ့်ခါ့ ကိုယ်တော်အွယ့် “တာနားအိုလူမိုး အိုကေ့တုဲင်း အဘာ။ အန်ကားလူးကေ့ နားကပွိုင်ဆိုင်ဒါ တကလွိုင်ကားကအိုဖုန်းထွို့ ဝေဖီကေ့ ပလူးဆင်ရယ်စာဖုန်းလုဲင်။ မေမိုးနိန်းအွယ့်အွယ့် နားဒွို အီလ့တို စည်စိမ်တကလွိုင်ဖုန်း ဝိန်းခမ်းကု။ ထွို့မဲ့ လေးတွဲ့ငါးကန်စာ့ကု ပျန့်နောင်ငါးတပည့်လုဲင်” မိန့်နိန်းအွယ့်။
23ဒေါင်မာလဲ့ ဂျူးပလူးမျို အဒူအကဲအွယ့် ပျန့်ပလူးချမ်စာယွမ်တွို့တာစာ အွယ့်ကြားမဲ့ ထွိုင်ဟွမ့် ကိုယ်တော်ငိုခါ့ သ့ကေ့ သ့ပီထန်ယွမ်တွို့တာဟနေ။
ပလူးချမ်စာစာနောင် ဗွယ်ဖရာသာသနာတော်
24ထွိုင်သျှီပလူးအွယ့်ပလား သ့ကေ့သ့ပီယွမ်တွို့တာထွို့ ကိုယ်တော်အွယ့် “ပလူးချမ်စာစာဖုန်းဒွို အီနွူးဗွယ်ဖရာသာသနာတော်ကုတာ ခုဲင်ယွမ်တွို့တာ။ 25ကုလားအုတ်အဘာ အီနွူးကျိန်း စူစွှော်ကုကုဒွို အီပေါင်းယူ့လွို့ထိုင် ပလူးချမ်စာစာအပလား အီနွူးကျိန်းဒါ ဗွယ်ဖရာသာသနာတော်ကု” မိန့်ပလူးအို အာတီးကုစာဖုန်းနိန်းအွယ့်။
26လူထုပရိသတ် ကဟွမ့်ဒါ ငိုအွယ့်ဘာစာဖုန်းအွယ့်လဲ့ “မေနိန်းအွယ့်အွယ့် ပလူးနိန်းမာကြားဒွို အီခံဘာတကယ်ဆယ်” တစီ့လိုလေလိုကာနိန်းအွယ့်။
27ကိုယ်တော်အွယ့် “တာပလူးဖုန်း လီမိုးဒါဟဒွို အိုအွို။ ဒေါင့်မာလဲ့ တာဗွယ်ဖရာ လီမိုးဒါဟဒွို လီအိုဟာ” မိန့်နိန်းအွယ့်။
28အွယ့်ခါ့ ပေတရုအွယ့် “ဟွိုင့်မွန် ကိုယ်တော်၊ က့ဒွို ဖီကြွ့လူးကေ့ တာကားကအိုထွို့ တွဲ့လေးလိုကာ ကိုယ်တော်ကန်စာ့ နောင်တပည့်တော်ဖုန်းအနေတို” လျှောက်ဒင်ကိုယ်တော်နိန်းအွယ့်။
29ကိုယ်တော်အွယ့် “ငါးမေဒေါင့်ဘာနားက့အမှန်ဒွို၊ ဗွယ်ဖရာ သာသနာတော်တာ ပလူးဖီကြွ့ကေ့ ယွမ်၊ မာ့၊ ပွော်ဝေ၊ မွိုဖာ့၊ ဖုဖုန်းစာဒွို 30ဖဝဒွိုးဘာကု အီလ့တာခိုဖုန်းဟေတန်ထွို့ ဝိန်းခမ်းကုဒွိုလဲ့ အီလ့လိုကာတို နိစ္စထာဝရဆက်တန်ဒွို စေချာတိုဟနေ” မိန့်တပည့်တော်နိန်းအွယ့်။
ဟိုမိန့်ကီစေးကန် အီစီ့ဘာခရာ တတိယအလိုင်
31ထွို့မဲ့ ကိုယ်တော်အွယ့် အန်ချန့် သာဝကအစီ့ငြီ့ပလား လေးဘို့အာဆောင့်ထွို့ “နာလိုကာလုဲင်။ ဒွိုးခါ့ က့ဒွို အိုလေလိုကာတို ဂျေရုဆလင်ဝိန်းဟနေ။ အရိယာဆူတော်ကောင်ဖုန်း ကတျန်စေးကန်းဒါ ဆိုင်နောင်ပလူးဖုခုငါးခရာ ကားကအိုဒီ့ အီပျန့်ထန်ဘာယွမ်လိထွို့ အွယ့်ကုပါ။ 32အီအပ်ကာအာ ဂျူးပလူးမျိုလီမေဟစာဖုန်း ကျွော့်ကု။ အီမိုးပလာကာ။ အီမိုးကာဖီလ့ တကသ့။ တဖီ့လွော်နောင် သျှီ့ပလီးလဲ့ အီခံခံဘာ။ 33အွယ့်မကန်စာ့ အီတွယ်လိုကာထွို့ အီမိုးစီ့လိုကာ။ ဒေါင့်မာလဲ့ မေဘ့အန်တွမ့်ငြီးကုအွယ့် ဆက်အီပြန်မွမ့်ချာဒါ့” မိန့်နိန်းအွယ့်။
34ဒေါင့်မာလဲ့ သာဝကဖုန်းအွယ့် သိနာလိုကာဟ ကိုယ်တော် ကမိန့်ဒေါင့်ဒါ ငိုဖုန်း။ ကွက်အန်ဒင်အွိုစေးကန်း ငိုအွယ့်ဘာအဓိပ္ပာယ် အွယ့်ကြားမဲ့ လီသိနာ လိုကာဒါဟ ငိုအွယ့်ဘာအဓိပ္ပာယ်ဟနေ။
မိုးလ့ဖီ ပလူးမေးသျှီ့စာ တခါ့
35ထွို့မဲ့ ကိုယ်တော်ယေရှုနောင် တပည့်ဖုန်းအွယ့် ထွိုင်တွိုလေးကာ ဂျေရိခေါဝိန်းဆောင့်ခိန်းကုခါ့ ပလူးမေးသျှီ့စာအပလားအွယ့် အိုနင်းတာ ကလေ့တီးကုထွို့ အိုကျွူ့အန်ကွမ့်။ 36အာအွယ့် ထွိုင်ဟွမ့် ပလူးကျွိုဒူ ကာလေးတာဇျီးခါ့ တစီ့ထန် အိုပျန့်ထန်တဟနာခရာ။ 37ပလူးအဟန်ဟန်အွယ့် ကိုယ်တော်ယေရှု အိုနာဇရက်ဝိန်းကုထွို့ ကာလေးတာတို ပြန်ဖရေချာဒါ့နိန်းအွယ့်။
38အွယ့်ခါ့ အာအွယ့် “ခွမ့်ခမ်းဒါဝိဒ်ဖုခုယေရှု#18:38 ခွမ့်ခမ်းဒါဝိဒ်ဖုခု ကဒေါင့်ဒါဒွို ဘာသဒေါင့်တို ခွမ့်ခမ်းဒါဝိဒ်မျိုဆွက်ဟနေ။၊ သညင်ပန်ငါး” က့တာနိန်းအွယ့်။
39အွယ့်ခါ့ ပလူးကအိုလေးဒါ ကိုယ်တော်ယေရှုမေငါ့စာဖုန်းအွယ့် ဟွိုက်လိုကာအာ ဖီကအိုကျွော်ကျွော်တာ။ ဒေါင့်မာလဲ့ အာအွယ့် “ခွမ့်ခမ်းဒါဝိဒ်ဖုခုယေရှု၊ သညင်ပန်ငါး” ယိမ်းက့စင်စင်ထိုင်ဒါ့နိန်းအွယ့်။
40ကိုယ်တော်အွယ့်ထွိုင်ဟွမ့်ခါ့ အိုထွိုင်ကေ့တာထွို့ မိန့်ပလူး ဖီကဟောင့်လေး ပလူးအွယ့်ပလား အာဆောင့်ကု။ ပလူးအွယ့်ပလား ထွိုင်တွိုလေး အာဆောင့်ခါ့ 41ကိုယ်တော်အွယ့် “ငါးအီမိုးဖီဘာ နားတာတဟနာ” တစီ့နိန်းအွယ့် အွယ့်ကြားမဲ့
ပလူးအွယ့်ပလားအွယ့် “ဗွယ်၊ ငါးမေးဘသာသျှီတာ” ပြန်လျှောက်ဒင်ချာဒါ့နိန်းအွယ့်။
42ကိုယ်တော်အွယ့်လဲ့ “မေး ပြန်သျှီချာချန်းလုဲင်။ နားတယွမ်အန်ဒွို မိုးတမာဖီလိထွို့နား” မိန့်နိန်းအွယ့်။ 43အာအွယ့် မေးသျှီထန်စွူတွို့တာ အလိုင်ချင်ထွို့ အန်ဖရာဗွယ်ဖရာထွို့မဲ့ တွဲ့လေးတွဲ့ ကိုယ်တော်ယေရှုကန်စာ့။ လူထုပရိသတ် ကသျှီဒါ တပျန့်အွယ့်ဟိုစာဖုန်း ကားကအိုဒွိုလဲ့ အန်ဖရာလိုကာ ဗွယ်ဖရာ။
Currently Selected:
လုကာ 18: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 18
18
အခန် (၁၈)
ပလူးဆုံဖြတ်တရာစာနောင် မယ်မုဲင်မွော်
1ထွို့မဲ့ ကိုယ်တော်ယေရှုအွယ့် သ့လီကေ့ဟ လီခံလျှော့ဟထွို့ အိုလူဆုတောင်တစေးတိုတာခရာ မိန့်ဖီတပည့်ဖုန်းနောင် တတိုက်တွုန်အဘာဒီ့ 2“ဝိန်းအဝိန်းကုဒီ့ ဗွယ်ဖရာလဲ့ လီစကန်ဟ၊ အမျာကန်စာဖုန်းလောင်လဲ့ လီရိုစေဟဒါ ပလူးဆုံဖြတ်တရာစာ အိုအပလား။ 3မယ်မုဲင်မွော် ကအိုဒါ အွယ့်ဝိန်းကုအပလားအွယ့် လေးလေ ပလူးဆုံဖြတ်တရာစာဆောင့်ထွို့ ‘ဆုံဖြတ်တရာရာဖီ ပလူးစွယ်တရာငါးစာ ဒီ့ပလားလုဲင်’ ဒေါင့်နိန်းအွယ့် ခမိန်လိုင်လိုင် ခမိန်ခေါက်ခေါက်။
4တွိုတွို့ အခိန်းငီးတန်ကု ပလူးဆုံဖြတ်တရာစာအွယ့် ငြင်းပေအာကကျွူ့ဒါတာလဲ့ ကန်စာ့စွက်ကု အာအွယ့် ‘ငါးဒွို ဗွယ်ဖရာလဲ့ စကန်ဟ၊ ပလူးဖုန်းဒွိုလဲ့ ငါးလီရိုစေဟလဲ့ 5မယ်မုဲင်မွော်ဒွိုးပလားဒွို အိုမိုးချုပ်တစေတွို့ငါး အွယ့်ကြားမဲ့ အီကျေရင်ဆုံဖြတ်ဖီဘာ အာနောင် တတရာမဲ့ အီဒါဒွို။ နိန်းအွယ့်မဲ့ အာဒွို အီအန်ဆောဝ်းကေ့ လေးငါးဆောင့်ထွို့ အစင်စင်မိုးရှုပ်ငါး ဟနေ’ ကျင်ကျာတာနိန်းအွယ့်” မိန့်နိန်းအွယ့်။
6ထွို့မဲ့ ကိုယ်တော်အွယ့် “ကျင်ကျာလိုကာ လီတရာဟဒါ ပလူးဆုံဖြတ်တရာစာ အွယ့်ပလား ဒေါင့်တာလုဲင်။ 7လီတရာဟဒါ ပလူးဆုံဖြတ်တရာစာဒွိုးပလားမသဲ မေအိုယူဖီ ပလူးကျွူ့လျှောက် အာ ခမိန်လိုင်လိုင်စာအွယ့် ဗွယ်ဖရာဒွိုလဲ့ အီကူညီဖီ ပလူးကဆုတောင်လျှောက်တာ အာဆောင့် ကျွမ်ငြီးကျွမ်ဟစာတာ အီထွို့ငြီးငြီးစေးကန်းအခိန်းလီမေဟာ။ 8ငါးအီဒေါင့်နားက့ဒွို၊ ဗွယ်ဖရာဒွို အီမိုးဖီအာကာ ဖီတရာမျှတ အမွိုင်စွက်။ ဒေါင့်မာလဲ့ ပလူးဖုခုငါး မေပြန်ကြွာ့ချာဒါ့ခါ့ ငါးအီသျှီဘာနေကောင် ပလူးယွမ်အန်ငါးစာဖုန်း ကမ်ဖာဒွိုးဘာလောင်ကု” မိန့်နိန်းအွယ့်။
ဖာရိရှဲနောင် တခွမ်ကျက်စာ တတိုက်တွိုင်
9ထွို့မဲ့ ကိုယ်တော် မိန့်ဖီ ပလူးအိုယူဒါ နန်နောင်နန် တွို့မှန်ထွို့ ထင်ပီဒါ ပလားလငါ့စာအဟန်ဟန်ဖုန်း နောင်တတိုက်တွုန်အဘာဒီ့ 10“အလိုင်ကု ဖာရိရှဲအပလားနောင် တခွမ်ကျက်စာ အပလားကာအွယ့် အီဝယ်ဆုတောင်လိုကာတာတာ လေးလိုကာ ဗိမာန်တော်ကွင်ကု။ 11ဖာရိရှဲအွယ့် အိုထွိုင်တိုးတာ အပလားတိုးထွို့ ‘အွို ဗွယ်ဖရာ၊ ငါးဒွို ဗွမ့်နောင် ပလားလငါ့ ပျန့်ပလူးချွော်ရျန့်ဒါစာ၊ လီတွို့ဟစာ၊ ပလူးဖောက်ပလန်အိမ်ထောင်ရေစာလဲ့ လီမေဟကာဟ လီဗွမ့်ဟနောင် တခွမ်ကျက်စာ ဒီ့ကုပါပလား အွယ့်ကြားမဲ့ ကေဇူတင်နေ့တွို့ ဗွယ်ဖရာ။ 12ငါးဒွို အပတ်ကု ရှောင်စာဆုတောင်တာ အန်းငြီ့ငြီးထွို့ ငါးကလ့ဒါ ကွမ့်နွူးကားကအို အစီ့ပွမ် အပွမ်ဒွိုလဲ့ အိုလှူတို#18:12 ဓမ္မဇျီးကျမ်ကုဒီ့ ဂျူးပလူးမျိုဖုန်းဒွို အနိန်းကု ရှောင်စာဆောက်တေလိုကာဘာဘို့တာ မငြီးဖရေအပျက်ငြီး အငြီးကုဟို့။ ထွို့ဒါ့ ဂျူးပလူးမျိုဖုန်းဒွို လှူဘာဘို့ တသာ ကထန်ဒါ အာကာလုဲင်ကု အစီ့ပွမ် အပွမ်ဟို့။’ ဆုတောင်တာနိန်းအွယ့်။
13ဒေါင့်မာလဲ့ တွိုတခွမ်ကျက်စာအွယ့် အိုထွိုင်ယားတိုတာနောင် ပလားလငါ့ဖုန်းထွို့ ဟွိုင့်ထန်ဗွမ်ဟ မုကန်ထွို့မဲ့ တွက်အာအင့်ထွို့ ‘အွို ဗွယ်ဖရာ၊ တညင်ဖီ အပျက်စရိုက်လီခိုဟဖုန်း ကအိုဟေဒါ ငါးမွန်’ ဆုတောင်တာနိန်းအွယ့်။
14ပလူးအွယ့်အန်တငြီ့ ထွိုင်ကျိန်းတွိုကာယွမ်ကုခါ့ ပလူးကလ့ဒါ ဗွယ်ဖရာတခွင်လွှတ်စာဒွို ပျန့်ဖာရိရှဲ မေဟထွို့ ပျန့်တို တခွမ်ကျက်စာတိုဟနေ။ ကွက်တဟနာမေဒေါင့်ဘာအွယ့် ပလူးပင်စွိုင်းတိုး နန်တိုးစာဖုန်းဒွို အီခံဘာ ဗွယ်ဖရာချာ့ဖွိုထွို့ ပလူးချာ့ဖွိုတိုး နန်တိုးစာဖုန်းဒွို အီခံဘာ ဗွယ်ဖရာပင်စွိုင်း” မိန့်နိန်းအွယ့်။
ဖီပသာပီဖုန်း တခို
15အငြီးကု ပလူးအခီအခို့ဖုန်းအွယ့်လဲ့ အီဖီခွိုင်းကာ အာကာဖုနောင် ကိုယ်တော်ထွို့ ဖီကလ့တခို ဗွယ်ဖရာဆောင့်တာ ဟောင့်လေးလိုကာ အာကာဖုပီဖုန်း ကိုယ်တော်ဆောင့်။ ဒေါင့်မာလဲ့ တပည့်ဖုန်း ထွိုင်သျှီလိုကာခါ့ ဟွိုက်လိုကာ ပလူးအွယ့်ဟို ဖီကျန်မိုးမာ နိန်းအွယ့်မာ။ 16ဒေါင့်မာလဲ့ ကိုယ်တော်အွယ့် ဟောင့်ပသာပီဖုန်း ဖီကလေးအာဆောင့်ထွို့ “ဖီပသာပီဖုန်း လေးငါးဆောင့်ဒွိုး။ ကျန်ရေးကာမာ အာကာမာ။ ကွက်တဟနာမေဒေါင့်ဘာအွယ့် ဗွယ်ဖရာသာသနာတော်ဒွို ပျန့်တို ပလူးဗွမ့်နောင် ပသာပီဒွိုးဟိုဖုန်းတာတို အွယ့်ကြားမဲ့ဟနေ။ 17ငါးမေဒေါင့်ဘာနားက့အမှန်ဒွို၊ မေလီလက်ခံဟ ဗွယ်ဖရာသာသနာတော် နောင်ပသာပီအပလားအွယ့် နားက့ဒွို ကမာခါ့ခယောဝ်း အီလ့လိုကာ နွူးခွင် လီမေဟာ” မိန့်အာတပည့်ဖုန်းနိန်းအွယ့်။
ကချမ်စာဒါ အဒူအကဲအပလား
18အလိုင်ကု ဂျူးပလူးမျို အဒူအကဲအပလားအွယ့် “ကခိုမြတ်ဒါ ဆရာ၊ ဖီကလ့ ဆက်နိစ္စထာဝရဒွို ငါးအီမိုးဘာ တဟနာ” တစီ့လျှောက်ကိုယ်တော်နိန်းအွယ့်။
19ဒေါင့်မာလဲ့ ကိုယ်တော်အွယ့် “ကွက်တဟနာ အိုဟောင့်ငါး ပလူးခိုမြတ်စာ။ လွို့ဗွယ်ဖရာထွို့ ပလူးခိုမြတ်စာဒွို လီအိုဟာ။ 20ဗွယ်ဖရာပညတ်တော်ဖုန်းဒွို နားသိလိထွို့တိုဟနေ။ ဖောက်ပလန်လ့ဟ အိမ်ထောင်ရေ။ မိုးစီ့လ့ဟပလူး။ ချွော်တောင်ကွမ်းလ့ဟ။ ဒေါင့်တလျှက်လ့ဟ။ ရိုစေမွိုဖာ့ဖုန်းလုဲင်” မိန့်နိန်းအွယ့်။
21ပလူးအွယ့်ပလားလဲ့ “ငါးဒွို ထျက်အိုပီပီခါ့ကာ လွိုက်နာကင်ကျင်တွဲ့လေတို ပညတ်တော်ဒွိုးဟိုဖုန်း ကားကအို” လျှောက်ဒင်နိန်းအွယ့်။
22ထွိုင်ဟွမ့်ထွို့ လျှောက်ဒင်နိန်းအွယ့်ခါ့ ကိုယ်တော်အွယ့် “တာနားအိုလူမိုး အိုကေ့တုဲင်း အဘာ။ အန်ကားလူးကေ့ နားကပွိုင်ဆိုင်ဒါ တကလွိုင်ကားကအိုဖုန်းထွို့ ဝေဖီကေ့ ပလူးဆင်ရယ်စာဖုန်းလုဲင်။ မေမိုးနိန်းအွယ့်အွယ့် နားဒွို အီလ့တို စည်စိမ်တကလွိုင်ဖုန်း ဝိန်းခမ်းကု။ ထွို့မဲ့ လေးတွဲ့ငါးကန်စာ့ကု ပျန့်နောင်ငါးတပည့်လုဲင်” မိန့်နိန်းအွယ့်။
23ဒေါင်မာလဲ့ ဂျူးပလူးမျို အဒူအကဲအွယ့် ပျန့်ပလူးချမ်စာယွမ်တွို့တာစာ အွယ့်ကြားမဲ့ ထွိုင်ဟွမ့် ကိုယ်တော်ငိုခါ့ သ့ကေ့ သ့ပီထန်ယွမ်တွို့တာဟနေ။
ပလူးချမ်စာစာနောင် ဗွယ်ဖရာသာသနာတော်
24ထွိုင်သျှီပလူးအွယ့်ပလား သ့ကေ့သ့ပီယွမ်တွို့တာထွို့ ကိုယ်တော်အွယ့် “ပလူးချမ်စာစာဖုန်းဒွို အီနွူးဗွယ်ဖရာသာသနာတော်ကုတာ ခုဲင်ယွမ်တွို့တာ။ 25ကုလားအုတ်အဘာ အီနွူးကျိန်း စူစွှော်ကုကုဒွို အီပေါင်းယူ့လွို့ထိုင် ပလူးချမ်စာစာအပလား အီနွူးကျိန်းဒါ ဗွယ်ဖရာသာသနာတော်ကု” မိန့်ပလူးအို အာတီးကုစာဖုန်းနိန်းအွယ့်။
26လူထုပရိသတ် ကဟွမ့်ဒါ ငိုအွယ့်ဘာစာဖုန်းအွယ့်လဲ့ “မေနိန်းအွယ့်အွယ့် ပလူးနိန်းမာကြားဒွို အီခံဘာတကယ်ဆယ်” တစီ့လိုလေလိုကာနိန်းအွယ့်။
27ကိုယ်တော်အွယ့် “တာပလူးဖုန်း လီမိုးဒါဟဒွို အိုအွို။ ဒေါင့်မာလဲ့ တာဗွယ်ဖရာ လီမိုးဒါဟဒွို လီအိုဟာ” မိန့်နိန်းအွယ့်။
28အွယ့်ခါ့ ပေတရုအွယ့် “ဟွိုင့်မွန် ကိုယ်တော်၊ က့ဒွို ဖီကြွ့လူးကေ့ တာကားကအိုထွို့ တွဲ့လေးလိုကာ ကိုယ်တော်ကန်စာ့ နောင်တပည့်တော်ဖုန်းအနေတို” လျှောက်ဒင်ကိုယ်တော်နိန်းအွယ့်။
29ကိုယ်တော်အွယ့် “ငါးမေဒေါင့်ဘာနားက့အမှန်ဒွို၊ ဗွယ်ဖရာ သာသနာတော်တာ ပလူးဖီကြွ့ကေ့ ယွမ်၊ မာ့၊ ပွော်ဝေ၊ မွိုဖာ့၊ ဖုဖုန်းစာဒွို 30ဖဝဒွိုးဘာကု အီလ့တာခိုဖုန်းဟေတန်ထွို့ ဝိန်းခမ်းကုဒွိုလဲ့ အီလ့လိုကာတို နိစ္စထာဝရဆက်တန်ဒွို စေချာတိုဟနေ” မိန့်တပည့်တော်နိန်းအွယ့်။
ဟိုမိန့်ကီစေးကန် အီစီ့ဘာခရာ တတိယအလိုင်
31ထွို့မဲ့ ကိုယ်တော်အွယ့် အန်ချန့် သာဝကအစီ့ငြီ့ပလား လေးဘို့အာဆောင့်ထွို့ “နာလိုကာလုဲင်။ ဒွိုးခါ့ က့ဒွို အိုလေလိုကာတို ဂျေရုဆလင်ဝိန်းဟနေ။ အရိယာဆူတော်ကောင်ဖုန်း ကတျန်စေးကန်းဒါ ဆိုင်နောင်ပလူးဖုခုငါးခရာ ကားကအိုဒီ့ အီပျန့်ထန်ဘာယွမ်လိထွို့ အွယ့်ကုပါ။ 32အီအပ်ကာအာ ဂျူးပလူးမျိုလီမေဟစာဖုန်း ကျွော့်ကု။ အီမိုးပလာကာ။ အီမိုးကာဖီလ့ တကသ့။ တဖီ့လွော်နောင် သျှီ့ပလီးလဲ့ အီခံခံဘာ။ 33အွယ့်မကန်စာ့ အီတွယ်လိုကာထွို့ အီမိုးစီ့လိုကာ။ ဒေါင့်မာလဲ့ မေဘ့အန်တွမ့်ငြီးကုအွယ့် ဆက်အီပြန်မွမ့်ချာဒါ့” မိန့်နိန်းအွယ့်။
34ဒေါင့်မာလဲ့ သာဝကဖုန်းအွယ့် သိနာလိုကာဟ ကိုယ်တော် ကမိန့်ဒေါင့်ဒါ ငိုဖုန်း။ ကွက်အန်ဒင်အွိုစေးကန်း ငိုအွယ့်ဘာအဓိပ္ပာယ် အွယ့်ကြားမဲ့ လီသိနာ လိုကာဒါဟ ငိုအွယ့်ဘာအဓိပ္ပာယ်ဟနေ။
မိုးလ့ဖီ ပလူးမေးသျှီ့စာ တခါ့
35ထွို့မဲ့ ကိုယ်တော်ယေရှုနောင် တပည့်ဖုန်းအွယ့် ထွိုင်တွိုလေးကာ ဂျေရိခေါဝိန်းဆောင့်ခိန်းကုခါ့ ပလူးမေးသျှီ့စာအပလားအွယ့် အိုနင်းတာ ကလေ့တီးကုထွို့ အိုကျွူ့အန်ကွမ့်။ 36အာအွယ့် ထွိုင်ဟွမ့် ပလူးကျွိုဒူ ကာလေးတာဇျီးခါ့ တစီ့ထန် အိုပျန့်ထန်တဟနာခရာ။ 37ပလူးအဟန်ဟန်အွယ့် ကိုယ်တော်ယေရှု အိုနာဇရက်ဝိန်းကုထွို့ ကာလေးတာတို ပြန်ဖရေချာဒါ့နိန်းအွယ့်။
38အွယ့်ခါ့ အာအွယ့် “ခွမ့်ခမ်းဒါဝိဒ်ဖုခုယေရှု#18:38 ခွမ့်ခမ်းဒါဝိဒ်ဖုခု ကဒေါင့်ဒါဒွို ဘာသဒေါင့်တို ခွမ့်ခမ်းဒါဝိဒ်မျိုဆွက်ဟနေ။၊ သညင်ပန်ငါး” က့တာနိန်းအွယ့်။
39အွယ့်ခါ့ ပလူးကအိုလေးဒါ ကိုယ်တော်ယေရှုမေငါ့စာဖုန်းအွယ့် ဟွိုက်လိုကာအာ ဖီကအိုကျွော်ကျွော်တာ။ ဒေါင့်မာလဲ့ အာအွယ့် “ခွမ့်ခမ်းဒါဝိဒ်ဖုခုယေရှု၊ သညင်ပန်ငါး” ယိမ်းက့စင်စင်ထိုင်ဒါ့နိန်းအွယ့်။
40ကိုယ်တော်အွယ့်ထွိုင်ဟွမ့်ခါ့ အိုထွိုင်ကေ့တာထွို့ မိန့်ပလူး ဖီကဟောင့်လေး ပလူးအွယ့်ပလား အာဆောင့်ကု။ ပလူးအွယ့်ပလား ထွိုင်တွိုလေး အာဆောင့်ခါ့ 41ကိုယ်တော်အွယ့် “ငါးအီမိုးဖီဘာ နားတာတဟနာ” တစီ့နိန်းအွယ့် အွယ့်ကြားမဲ့
ပလူးအွယ့်ပလားအွယ့် “ဗွယ်၊ ငါးမေးဘသာသျှီတာ” ပြန်လျှောက်ဒင်ချာဒါ့နိန်းအွယ့်။
42ကိုယ်တော်အွယ့်လဲ့ “မေး ပြန်သျှီချာချန်းလုဲင်။ နားတယွမ်အန်ဒွို မိုးတမာဖီလိထွို့နား” မိန့်နိန်းအွယ့်။ 43အာအွယ့် မေးသျှီထန်စွူတွို့တာ အလိုင်ချင်ထွို့ အန်ဖရာဗွယ်ဖရာထွို့မဲ့ တွဲ့လေးတွဲ့ ကိုယ်တော်ယေရှုကန်စာ့။ လူထုပရိသတ် ကသျှီဒါ တပျန့်အွယ့်ဟိုစာဖုန်း ကားကအိုဒွိုလဲ့ အန်ဖရာလိုကာ ဗွယ်ဖရာ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.