လုကာ 17
17
အခန် (၁၇)
ကိုယ်တော်ယေရှု ဖီစတိချက်ဖုန်း
1ထွို့မဲ့ ကိုယ်တော်ယေရှုအွယ့် “တာဖီအာ မိုးဖီပလူးဖုန်း မိုးလွမ်မာကျီ့ အပျက်စရိုက်လီခိုဟဖုန်းဒွို အိုဟေတန်။ ဒေါင့်မာလဲ့ ကောဖီအာဒါ မိုးဖီပလူးဖုန်း မိုးလွမ်မာကျီ့ အပျက်စာဖုန်းဒွို အီကြုံလိုကာဘာနောင် တခုဲင်ဖုန်းဟေတန်။ 2ပလူးအွယ့်ပလားဒီ့ လွို့ထိုင် မိုးဖီ ပလူးအပျက်လီအိုဟစာ မိုးလွမ်မာကျီ့အပျက် ပလူးအပလားပလားဒွို မေဖီကျွယ်အာငွမ်းနောင်လုံထွို့ ဖီပုန်းလင်ဘို့ ပင်လယ်ကုဒွို အီပေါင်းမေထိုင်။ 3အွယ့်ကြားမဲ့ နားက့လဲ့ ဒင်စတိလိုကာ ဖီကျန်ဖီအာမာမာ မိုးဖီပလားမိုးအပျက်မာ။
ပလူးယွမ်အန်စာ လငါ့အပလားပလားဒွို မေချန်းမိုးမာ အပျက်အွယ့် စွမ့်လိုကာအာလုဲင်။ အာမေလ့ နောင်တအွယ့် ခွင်လွှတ်ဖီလိုကာ အာလုဲင်။ 4အာအွယ့် အငြီးကုဟို့ ပျက်မာနား အန်နျို့လိုင်မှန်မှန်ထွို့ မေလေတောင်ပလန်တွို့နား ကျွမ်းလိုင်လိုင်လဲ့ အီခွင်လွှတ်ဖီဘာအာ” မိန့်နိန်းအွယ့်။
တယွမ်အန်နောင် တာဝန်ဝတ္တရာ
5အွယ့်ခါ့ သာဝကဖုန်းအွယ့် “မိုးတိုပွာပေါင်းဟေဖီဒါ့ က့တယွမ်အန် ဗွယ်ဖရာလောင်မွန်” လျှောက်ဒင်ကာနိန်းအွယ့်။
6ကိုယ်တော်အွယ့်လဲ့ “တယွမ်အန်မေအိုဘို့ တျာဟန်ဒူတပလိန်ကွောငါဟို့လဲ့ မေမိန့် တမွမ်မွိုင်ဒူဒွိုးမွိုင် အိုအကျွူကု တဘေ့ထန်ထွို့ ဒို့ပင်လယ်ကုဒီ့လုဲင် နိန်းအွယ့်အွယ့် တမွိုင်အွယ့်မွိုင်ဒွို အီပျန့်တိုနောင် နားက့ဒေါင့်အတွုန်။
7နားစွမ်းစေအွယ့် ထုဲင်လုဲင် မေဟလဲ့ တီသိုးထွို့ မေကျိန်းချာခါ့ နားအွယ့် ‘လေးမွန်၊ အိုနင်းဒွိုးကုပါထွို့ အန်တာအကျွိုကျွိုလုဲင်’ အီဒေါင့်နဲ့ နိန်းအွယ့်။ 8ခရားအီဒေါင့်နိန်းအွယ့် ‘ငါးအီအန်တာ ပျင်ဖီစေးကန်း တကျွိုကျွိုလုဲင်။ အိုပွိုင်းစေးကန်း ငါးဆောင့် တွိုတွို့ငါးအန်ထွို့လုဲင်။ ငါးအန်အို့မေထွို့ နားအန်ဒါလိထွို့’ အီဒေါင့် နိန်းအွယ့်မေဟနောဝ်။ 9စွမ်းစေဒွို အိုမိုးတိုနောင် အဗွယ်ကဒေါင့်အတွုန် အွယ့်ကြား အဗွယ်ဒွို အီကေဇူတင်အာ လီမေဟာ။ 10ဗွမ့်နောင်နိန်းအွယ့်အွယ့် နားက့ဒွိုလဲ့ မေမိုးထွို့ တမိုး ကအန်ချန့်စေးကန်းဒါ နားက့မိုးဖုန်းခါ့ ‘က့ဒွို ပျန့်ဘို့စွမ်းစေ ဓမ္မသာဖုန်းဟို့ထွို့ မိုးတိုနောင် တာဝန်အတွုန်တို’ ဒေါင့်လိုကာဘို့ နိန်းအွယ့်လုဲင်” မိန့်နိန်းအွယ့်။
ကိုယ်တော် ကုတမာဖီ နူနာရောဂါစာ အစီ့ပလား
11ထွို့မဲ့ ကိုယ်တော်အွယ့် ကာလေး ရှမာရိကန်နောင် ဂါလိလဲဒေသဖုန်း ကန်စွမ် ကအိုဒါ ကလေ့လေးလေ ဂျေရုဆလင်ဝိန်းကု။ 12ထွိုင်တွို ဒုန့်အဒုန့်ကုခါ့ နူနာရောဂါစာ ပလူးအစီ့ပလားအွယ့် အိုထွိုင်ယားကာတာနောင် ကိုယ်တော်ထွို့ ကြိုစွမ်လိုကာထွို့ 13နောင်ငိုစင်ထွို့ “ဆရာယေရှု၊ သညင်ထွို့ကုဖီက့” လျှောက်ကာနိန်းအွယ့်။
14ကိုယ်တော်အွယ့် ထွိုင်သျှီအာကာထွို့ “လေးနေ့လိုကာ နားက့နန် ပုရောဟိတ်ဖုန်းဆောင့်လုဲင်” မိန့်နိန်းအွယ့်။ အာကာအွယ့်လဲ့ အိုလေးလိုကာတုဲင်းတွင် နူနာရောဂါ တမာကင်ကျိန်းကာကေ့။
15ပလူးအွယ့်ဟိုကု အပလားအွယ့် ထွိုင်သိနူနာရောဂါ တမာကျိန်းခါ့ အိုအန်ဖရာစင်ထန် ဗွယ်ဖရာထွို့ ပြန်လှည့်ကျိန်းချာဒါ့ ကိုယ်တော်ဆောင့်။ 16ထွို့မဲ့ အာအွယ့် ဝယ်လင်းတာ ကိုယ်တော် ခင်ထိ့ကုထွို့ အန်ဖရာထန်ကေဇူတော်။ ပလူးအွယ့်ပလားဒွို ပျန့်တို ရှမာရိခုဟနေ။
17အွယ့်ခါ့ ကိုယ်တော်အွယ့် “နူနာရောဂါ တမာစာဒီ့ အစီ့ပလား မေဟနောဝ်။ ဒါ့လငါ့ အန်ခွူ့ပလားဟာ အိုကမာ။ 18အီအန်ဖရာဗွယ်ဖရာတာ ကကျိန်းချာစာဒွို လွို့ထွို့ ဂျူးပလူးမျိုလီမေဟဒါ ဒွိုးပလားထွို့ အပလားငါလဲ့ အိုဟနောဝ်” တစီ့နိန်းအွယ့်ထွို့မဲ့ 19“နားစထွိုင်ထွို့ စွ့ာချန်းလုဲင်။ နားတယွမ်အန်ဒွို မိုးတမာဖီလိထွို့နား” မိန့်ရှမာရိကန်စာအွယ့်ပလား နိန်းအွယ့်။
ဗွယ်ဖရာသာသနာတော် တွိုတာ
20အငြီးကုဒီ့ ဖာရိရှဲအခီအခို့ဖုန်းအွယ့်လဲ့ “ဗွယ်ဖရာသာသနာတော်ဒွို အီတွိုလေး ကမာခါ့” ထွိုင်တစီ့လျှောက်လိုကာ ကိုယ်တော်နိန်းအွယ့် အွယ့်ကြားမဲ့ ကိုယ်တော်အွယ့် “ဗွယ်ဖရာသာသနာတော်ဒွို လီတွိုလေးဟာနောင် ပုံစံ သျှီဒါ နောင်နားက့မေးဟာ။ 21ပလူးဖုန်းအွယ့် ‘ဟွိုင့်လုဲင်၊ ဗွယ်ဖရာသာသနာဒွို အိုဒွိုးကုပါ။ ဟွိုင့်လုဲင် ဗွယ်ဖရာသာသနာဒွို အိုဒီ့ကုပါ’ လမားလဲ့ လီဒေါင့်ဟာနိန်းအွယ့်ဟာ။ ကွက်တဟနာမေဒေါင့်ဘာအွယ့် ဗွယ်ဖရာသာသနာတော်ဒွို အိုဘို့နားက့ခါကုဟို့#17:21 ကျမ်အထိကုဒီ့ နေ့ထန်စေးကန်း နားက့ကုန်ကုကု။ အွယ့်ကြားမဲ့ဟနေ” မိန့်နိန်းအွယ့်။
22ဒါ့အလိုင် ကိုယ်တော်အွယ့် “နားက့ဒွို ဘာသသျှီတွို့ မငြီးပလူးဖုခု အိုအုပ်စိုဒါငြီးဖုန်းကု အငြီးဟို့ငါလဲ့ လီသျှီဘာဟဒါ မငြီးဖုန်းဒွို အီတွိုလေးလိထွို့။
23ပလူးဖုန်းအွယ့် ‘ဟွိုင့်လုဲင်၊ ပလူးဖုခုဒွို အိုဒီ့ကုပါ။ ဟွိုင့်လုဲင် ပလူးဖုခုဒွို အိုဒွိုးကုပါ’ ဒေါင့်တွို့နိန်အွယ့်လဲ့ ထန်ခူနောင့်ထွို့ ကျန်းစတွယ့် လိုကာမာ အာကာ ကန်စာ့မာ။ 24ကွက်တဟနာမေဒေါင့်ဘာအွယ့် ဗွမ့်နောင် ပလျော်အို့ထွို့ မုကန်အဘာလူးခါ့လက်တာ ပလူးဖုခုငါး အီတွိုငြီးကုလဲ့ ပလူးဖုန်းကျွမ်ပလားပလားဒွို အီသျှီဘာနောင်နိန်းအွယ့် အွယ့်ကြားမဲ့ဟနေ။ 25ဒေါင့်မာလဲ့ ခရားအီတွိုအွယ့်ခိန်းကု အကီစွက် ပလူးဖုခုငါးဒွို အီခံစာဘာ တခုဲင်ဝေဒနာဖုန်းထွို့ အီခံဘာ ပလူးခေတ် ဒွိုးငြီးကုစာဖုန်း တငြင်းပေ။
26ဗွမ့်နောင်ပလူးဖုန်း ကအိုမိုးဒါ နောဧ#17:26ဗွယ်ဖရာဒွို ထွိုင်ယားကေ့ ကမ်ဖာဟန် နောင်သျှီ့မွိုတာခါ့ ကယ်ဆယ်ဖီ နောဧနောင် အာမိသားစု။ ကျူကုခါ့အတွုန် ပလူးဖုခုငါး ကျူကုဒွိုးလဲ့ ပလူးဖုန်း အီမိုးမိုးလိုကာ။ 27ခရားသျှီ့အီမွိုဒါမငြီးကုခါ့ ပလူးဖုန်းဒွို အန်ဘို့၊ အို့ဘို့၊ မိုးလိုကာဘို့ ပွဲမင်္ဂလာ၊ အချင်ချင် ဖီအပ်လိုလေလိုကာဘို့ထွို့ အိုလိုကာတိုနောင် ပုံမှန်အတွုန်။ ထွို့မဲ့ နောဧ ကျိန်နွူးစို့ကေ့ စန်ဖိုကုခိန်းအွယ့် သျှီ့ကလွမ်ထွို့ ပလူးကားကအိုအွယ့်လဲ့ ခံဘာသျှီ့ကလွမ်ထွို့ စစီ့ဘာကေ့တာ။
28ဗွမ့်နောင်နိန်းအွယ့်အွယ့် လောတ#17:28လောတဒွို ပျန့်အာဗြဟံဇျီးခု။ ဗွယ်ဖရာ ထွိုင်ယားကေ့ သောဒုံဝိန်းနောင် ဂေါမောရဝိန်းဖုန်းခါ့ ကယ်ဆယ်ဖီ လေတနောင် အာမိသာစုဖုန်း။ကျူကုဒီ့လဲ့ ပလူးသောဒုံဝိန်းစာဖုန်းအွယ့် အန်အို့ဘို့၊ အန်ပလီးဘို့၊ အန်ကားဘို့၊ အန်စူ့ဘို့တစွူ့ဖုန်း၊ တေလိုကာဘို့ယွမ်ဖုန်းထွို့ အိုလိုကာဘို့နောင် ပုံမှန်အတွုန်။ 29အွယ့်ကြားမဲ့ လောတ အိုသောဒုံဝိန်းကုထွို့ ကစစွာ့ထန်ဒါအွယ့်ငြီးကုဟို့ မီရိုးနောင်ကန်ဖုန်းအွယ့် အိုမုကန်ကု စို့လင်းထွို့ မိုးဖီ ပလူးကအိုဒါ ဝိန်းကုစာ ကားကအို စီ့လူးလိုကာကေ့တာ။
30ပလူးဖုခုငါး ပိုထန်ငြီးဒွိုလဲ့ အီပျန့်ပျန့်ထန် နောင်နိန်းအွယ့်။ 31မငြီးအွယ့်ငြီးကု ပလူးအို ယွမ်ခူလောင်စာဒွို အီချွော်တကျွိုကျွိုတာ ကျန်းလင်းကာမာ ယွမ်ကုမာ။ ပလူးကအိုဒါ လုဲင်ကွင်ကုစာဖုန်းလဲ့ အီချွော်တကျွိုကျွိုတာ ကျန်ကျိန်းကာမာ ယွမ်ကုမာ။ 32လောတ မာ့#17:32အိုသောဒုံဝိန်းကု စထွူထန်လိုကာဘာတိုလဲ့ လောတမာ့အွယ့် သ့လီဖြတ်ဒါဟ သောဒုံဝိန်း အွယ့်ကြားမဲ့ ခံဘာ ဗွယ်ဖရာ ကျေရင်ဆုံဖြတ်အပျက်။ ပျန့်ဘာနိန်းမာဒွို ယူလ့လိုကာလုဲင်။ 33ပလူးကြိုစာကယ်ချာ နန်တိုးဆက်စာဖုန်းဒွို အီစွမ့်ကေ့ဘာ။ ကွက်ငါ့တာမဲ့ ပလူးခံစွမ် နန်တိုးဆက်စာဖုန်းဒွို အီလ့ဘာလိုကာ ဆက်နိစ္စထာဝရ။ 34ငါးအီဒေါင့်နားက့ဒွို။ အွယ့်ဟကု ပလူးကအိုငြီ့ကိုကာဒါ ခမ်လန်ငြီ့အဘာကုစာ အန်တငြီးကု ပလူးယွမ်အန်ငါးစာ အပလာဟို့ အီခံဘာဟောင့်စွာ့ထွို့ ဒါ့လငါ့အပလားဒွို အီအိုကေ့ဘာ#17:34 ပလူးဖုခု အီပြန်ကျိန်းချာဒါဟကု ပလူးအိုငြီ့ကိုကာ ခမ်လန်အဘာကုစာ အန်တငြီ့ကုအွယ့် ပလူးယွမ်အန်ဒါငါး အွယ့်ပလားဒွို အီခံဘာဗွယ်ဖရာ ဟောင့်စွာ့ဝိန်းခမ်းကုထွို့ ဒါ့လငါ့အပလားဒွို အီခံဘာဖီကေ့ထွို့ကျေရင်ဟနေ။ ။ 35ပမွော်အိုတောင်ကိုကာဘွူ့ အန်းတငြီ့ကုအွယ့် ပလူးယွမ်အန်ငါးစာ အပလားဟို့ အီခံဘာဟောင့်စွာ့ထွို့ ဒါ့လငါ့အပလားအွယ့် အီအိုကေ့ဘာ ဟနေ။ 36လုဲင်ကွင်ကု ပလူးအိုမိုးကိုလိုကာဒါ လုဲင်စာ အန်းတငြီ့အွယ့်လဲ့ အီဟောင့်လေးဘို့ ပလူးယွမ်အန်ငါးစာ အပလားဟို့ထွို့ ဒါ့လငါ့အပလားဒွို အီခံဘာဖီကေ့” မိန့်နိန်းအွယ့် အွယ့်ကြားမဲ့
37တပည့်ဖုန်းအွယ့် “ကိုယ်တော်၊ ခမ်လန်ကမာကု အီပျန့်နိန်းဒွိုး” တစီ့လျှောက်လိုကာနိန်းအွယ့်။
ကိုယ်တော်အွယ့်လဲ့ “တစီ့ကုန့်အိုဒါရပ်ကုဒွို လင်တားဖုန်း ကုဲင်းအိုစုဒါကာ တစေစေတို” မိန့်နိန်းအွယ့်။
Currently Selected:
လုကာ 17: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 17
17
အခန် (၁၇)
ကိုယ်တော်ယေရှု ဖီစတိချက်ဖုန်း
1ထွို့မဲ့ ကိုယ်တော်ယေရှုအွယ့် “တာဖီအာ မိုးဖီပလူးဖုန်း မိုးလွမ်မာကျီ့ အပျက်စရိုက်လီခိုဟဖုန်းဒွို အိုဟေတန်။ ဒေါင့်မာလဲ့ ကောဖီအာဒါ မိုးဖီပလူးဖုန်း မိုးလွမ်မာကျီ့ အပျက်စာဖုန်းဒွို အီကြုံလိုကာဘာနောင် တခုဲင်ဖုန်းဟေတန်။ 2ပလူးအွယ့်ပလားဒီ့ လွို့ထိုင် မိုးဖီ ပလူးအပျက်လီအိုဟစာ မိုးလွမ်မာကျီ့အပျက် ပလူးအပလားပလားဒွို မေဖီကျွယ်အာငွမ်းနောင်လုံထွို့ ဖီပုန်းလင်ဘို့ ပင်လယ်ကုဒွို အီပေါင်းမေထိုင်။ 3အွယ့်ကြားမဲ့ နားက့လဲ့ ဒင်စတိလိုကာ ဖီကျန်ဖီအာမာမာ မိုးဖီပလားမိုးအပျက်မာ။
ပလူးယွမ်အန်စာ လငါ့အပလားပလားဒွို မေချန်းမိုးမာ အပျက်အွယ့် စွမ့်လိုကာအာလုဲင်။ အာမေလ့ နောင်တအွယ့် ခွင်လွှတ်ဖီလိုကာ အာလုဲင်။ 4အာအွယ့် အငြီးကုဟို့ ပျက်မာနား အန်နျို့လိုင်မှန်မှန်ထွို့ မေလေတောင်ပလန်တွို့နား ကျွမ်းလိုင်လိုင်လဲ့ အီခွင်လွှတ်ဖီဘာအာ” မိန့်နိန်းအွယ့်။
တယွမ်အန်နောင် တာဝန်ဝတ္တရာ
5အွယ့်ခါ့ သာဝကဖုန်းအွယ့် “မိုးတိုပွာပေါင်းဟေဖီဒါ့ က့တယွမ်အန် ဗွယ်ဖရာလောင်မွန်” လျှောက်ဒင်ကာနိန်းအွယ့်။
6ကိုယ်တော်အွယ့်လဲ့ “တယွမ်အန်မေအိုဘို့ တျာဟန်ဒူတပလိန်ကွောငါဟို့လဲ့ မေမိန့် တမွမ်မွိုင်ဒူဒွိုးမွိုင် အိုအကျွူကု တဘေ့ထန်ထွို့ ဒို့ပင်လယ်ကုဒီ့လုဲင် နိန်းအွယ့်အွယ့် တမွိုင်အွယ့်မွိုင်ဒွို အီပျန့်တိုနောင် နားက့ဒေါင့်အတွုန်။
7နားစွမ်းစေအွယ့် ထုဲင်လုဲင် မေဟလဲ့ တီသိုးထွို့ မေကျိန်းချာခါ့ နားအွယ့် ‘လေးမွန်၊ အိုနင်းဒွိုးကုပါထွို့ အန်တာအကျွိုကျွိုလုဲင်’ အီဒေါင့်နဲ့ နိန်းအွယ့်။ 8ခရားအီဒေါင့်နိန်းအွယ့် ‘ငါးအီအန်တာ ပျင်ဖီစေးကန်း တကျွိုကျွိုလုဲင်။ အိုပွိုင်းစေးကန်း ငါးဆောင့် တွိုတွို့ငါးအန်ထွို့လုဲင်။ ငါးအန်အို့မေထွို့ နားအန်ဒါလိထွို့’ အီဒေါင့် နိန်းအွယ့်မေဟနောဝ်။ 9စွမ်းစေဒွို အိုမိုးတိုနောင် အဗွယ်ကဒေါင့်အတွုန် အွယ့်ကြား အဗွယ်ဒွို အီကေဇူတင်အာ လီမေဟာ။ 10ဗွမ့်နောင်နိန်းအွယ့်အွယ့် နားက့ဒွိုလဲ့ မေမိုးထွို့ တမိုး ကအန်ချန့်စေးကန်းဒါ နားက့မိုးဖုန်းခါ့ ‘က့ဒွို ပျန့်ဘို့စွမ်းစေ ဓမ္မသာဖုန်းဟို့ထွို့ မိုးတိုနောင် တာဝန်အတွုန်တို’ ဒေါင့်လိုကာဘို့ နိန်းအွယ့်လုဲင်” မိန့်နိန်းအွယ့်။
ကိုယ်တော် ကုတမာဖီ နူနာရောဂါစာ အစီ့ပလား
11ထွို့မဲ့ ကိုယ်တော်အွယ့် ကာလေး ရှမာရိကန်နောင် ဂါလိလဲဒေသဖုန်း ကန်စွမ် ကအိုဒါ ကလေ့လေးလေ ဂျေရုဆလင်ဝိန်းကု။ 12ထွိုင်တွို ဒုန့်အဒုန့်ကုခါ့ နူနာရောဂါစာ ပလူးအစီ့ပလားအွယ့် အိုထွိုင်ယားကာတာနောင် ကိုယ်တော်ထွို့ ကြိုစွမ်လိုကာထွို့ 13နောင်ငိုစင်ထွို့ “ဆရာယေရှု၊ သညင်ထွို့ကုဖီက့” လျှောက်ကာနိန်းအွယ့်။
14ကိုယ်တော်အွယ့် ထွိုင်သျှီအာကာထွို့ “လေးနေ့လိုကာ နားက့နန် ပုရောဟိတ်ဖုန်းဆောင့်လုဲင်” မိန့်နိန်းအွယ့်။ အာကာအွယ့်လဲ့ အိုလေးလိုကာတုဲင်းတွင် နူနာရောဂါ တမာကင်ကျိန်းကာကေ့။
15ပလူးအွယ့်ဟိုကု အပလားအွယ့် ထွိုင်သိနူနာရောဂါ တမာကျိန်းခါ့ အိုအန်ဖရာစင်ထန် ဗွယ်ဖရာထွို့ ပြန်လှည့်ကျိန်းချာဒါ့ ကိုယ်တော်ဆောင့်။ 16ထွို့မဲ့ အာအွယ့် ဝယ်လင်းတာ ကိုယ်တော် ခင်ထိ့ကုထွို့ အန်ဖရာထန်ကေဇူတော်။ ပလူးအွယ့်ပလားဒွို ပျန့်တို ရှမာရိခုဟနေ။
17အွယ့်ခါ့ ကိုယ်တော်အွယ့် “နူနာရောဂါ တမာစာဒီ့ အစီ့ပလား မေဟနောဝ်။ ဒါ့လငါ့ အန်ခွူ့ပလားဟာ အိုကမာ။ 18အီအန်ဖရာဗွယ်ဖရာတာ ကကျိန်းချာစာဒွို လွို့ထွို့ ဂျူးပလူးမျိုလီမေဟဒါ ဒွိုးပလားထွို့ အပလားငါလဲ့ အိုဟနောဝ်” တစီ့နိန်းအွယ့်ထွို့မဲ့ 19“နားစထွိုင်ထွို့ စွ့ာချန်းလုဲင်။ နားတယွမ်အန်ဒွို မိုးတမာဖီလိထွို့နား” မိန့်ရှမာရိကန်စာအွယ့်ပလား နိန်းအွယ့်။
ဗွယ်ဖရာသာသနာတော် တွိုတာ
20အငြီးကုဒီ့ ဖာရိရှဲအခီအခို့ဖုန်းအွယ့်လဲ့ “ဗွယ်ဖရာသာသနာတော်ဒွို အီတွိုလေး ကမာခါ့” ထွိုင်တစီ့လျှောက်လိုကာ ကိုယ်တော်နိန်းအွယ့် အွယ့်ကြားမဲ့ ကိုယ်တော်အွယ့် “ဗွယ်ဖရာသာသနာတော်ဒွို လီတွိုလေးဟာနောင် ပုံစံ သျှီဒါ နောင်နားက့မေးဟာ။ 21ပလူးဖုန်းအွယ့် ‘ဟွိုင့်လုဲင်၊ ဗွယ်ဖရာသာသနာဒွို အိုဒွိုးကုပါ။ ဟွိုင့်လုဲင် ဗွယ်ဖရာသာသနာဒွို အိုဒီ့ကုပါ’ လမားလဲ့ လီဒေါင့်ဟာနိန်းအွယ့်ဟာ။ ကွက်တဟနာမေဒေါင့်ဘာအွယ့် ဗွယ်ဖရာသာသနာတော်ဒွို အိုဘို့နားက့ခါကုဟို့#17:21 ကျမ်အထိကုဒီ့ နေ့ထန်စေးကန်း နားက့ကုန်ကုကု။ အွယ့်ကြားမဲ့ဟနေ” မိန့်နိန်းအွယ့်။
22ဒါ့အလိုင် ကိုယ်တော်အွယ့် “နားက့ဒွို ဘာသသျှီတွို့ မငြီးပလူးဖုခု အိုအုပ်စိုဒါငြီးဖုန်းကု အငြီးဟို့ငါလဲ့ လီသျှီဘာဟဒါ မငြီးဖုန်းဒွို အီတွိုလေးလိထွို့။
23ပလူးဖုန်းအွယ့် ‘ဟွိုင့်လုဲင်၊ ပလူးဖုခုဒွို အိုဒီ့ကုပါ။ ဟွိုင့်လုဲင် ပလူးဖုခုဒွို အိုဒွိုးကုပါ’ ဒေါင့်တွို့နိန်အွယ့်လဲ့ ထန်ခူနောင့်ထွို့ ကျန်းစတွယ့် လိုကာမာ အာကာ ကန်စာ့မာ။ 24ကွက်တဟနာမေဒေါင့်ဘာအွယ့် ဗွမ့်နောင် ပလျော်အို့ထွို့ မုကန်အဘာလူးခါ့လက်တာ ပလူးဖုခုငါး အီတွိုငြီးကုလဲ့ ပလူးဖုန်းကျွမ်ပလားပလားဒွို အီသျှီဘာနောင်နိန်းအွယ့် အွယ့်ကြားမဲ့ဟနေ။ 25ဒေါင့်မာလဲ့ ခရားအီတွိုအွယ့်ခိန်းကု အကီစွက် ပလူးဖုခုငါးဒွို အီခံစာဘာ တခုဲင်ဝေဒနာဖုန်းထွို့ အီခံဘာ ပလူးခေတ် ဒွိုးငြီးကုစာဖုန်း တငြင်းပေ။
26ဗွမ့်နောင်ပလူးဖုန်း ကအိုမိုးဒါ နောဧ#17:26ဗွယ်ဖရာဒွို ထွိုင်ယားကေ့ ကမ်ဖာဟန် နောင်သျှီ့မွိုတာခါ့ ကယ်ဆယ်ဖီ နောဧနောင် အာမိသားစု။ ကျူကုခါ့အတွုန် ပလူးဖုခုငါး ကျူကုဒွိုးလဲ့ ပလူးဖုန်း အီမိုးမိုးလိုကာ။ 27ခရားသျှီ့အီမွိုဒါမငြီးကုခါ့ ပလူးဖုန်းဒွို အန်ဘို့၊ အို့ဘို့၊ မိုးလိုကာဘို့ ပွဲမင်္ဂလာ၊ အချင်ချင် ဖီအပ်လိုလေလိုကာဘို့ထွို့ အိုလိုကာတိုနောင် ပုံမှန်အတွုန်။ ထွို့မဲ့ နောဧ ကျိန်နွူးစို့ကေ့ စန်ဖိုကုခိန်းအွယ့် သျှီ့ကလွမ်ထွို့ ပလူးကားကအိုအွယ့်လဲ့ ခံဘာသျှီ့ကလွမ်ထွို့ စစီ့ဘာကေ့တာ။
28ဗွမ့်နောင်နိန်းအွယ့်အွယ့် လောတ#17:28လောတဒွို ပျန့်အာဗြဟံဇျီးခု။ ဗွယ်ဖရာ ထွိုင်ယားကေ့ သောဒုံဝိန်းနောင် ဂေါမောရဝိန်းဖုန်းခါ့ ကယ်ဆယ်ဖီ လေတနောင် အာမိသာစုဖုန်း။ကျူကုဒီ့လဲ့ ပလူးသောဒုံဝိန်းစာဖုန်းအွယ့် အန်အို့ဘို့၊ အန်ပလီးဘို့၊ အန်ကားဘို့၊ အန်စူ့ဘို့တစွူ့ဖုန်း၊ တေလိုကာဘို့ယွမ်ဖုန်းထွို့ အိုလိုကာဘို့နောင် ပုံမှန်အတွုန်။ 29အွယ့်ကြားမဲ့ လောတ အိုသောဒုံဝိန်းကုထွို့ ကစစွာ့ထန်ဒါအွယ့်ငြီးကုဟို့ မီရိုးနောင်ကန်ဖုန်းအွယ့် အိုမုကန်ကု စို့လင်းထွို့ မိုးဖီ ပလူးကအိုဒါ ဝိန်းကုစာ ကားကအို စီ့လူးလိုကာကေ့တာ။
30ပလူးဖုခုငါး ပိုထန်ငြီးဒွိုလဲ့ အီပျန့်ပျန့်ထန် နောင်နိန်းအွယ့်။ 31မငြီးအွယ့်ငြီးကု ပလူးအို ယွမ်ခူလောင်စာဒွို အီချွော်တကျွိုကျွိုတာ ကျန်းလင်းကာမာ ယွမ်ကုမာ။ ပလူးကအိုဒါ လုဲင်ကွင်ကုစာဖုန်းလဲ့ အီချွော်တကျွိုကျွိုတာ ကျန်ကျိန်းကာမာ ယွမ်ကုမာ။ 32လောတ မာ့#17:32အိုသောဒုံဝိန်းကု စထွူထန်လိုကာဘာတိုလဲ့ လောတမာ့အွယ့် သ့လီဖြတ်ဒါဟ သောဒုံဝိန်း အွယ့်ကြားမဲ့ ခံဘာ ဗွယ်ဖရာ ကျေရင်ဆုံဖြတ်အပျက်။ ပျန့်ဘာနိန်းမာဒွို ယူလ့လိုကာလုဲင်။ 33ပလူးကြိုစာကယ်ချာ နန်တိုးဆက်စာဖုန်းဒွို အီစွမ့်ကေ့ဘာ။ ကွက်ငါ့တာမဲ့ ပလူးခံစွမ် နန်တိုးဆက်စာဖုန်းဒွို အီလ့ဘာလိုကာ ဆက်နိစ္စထာဝရ။ 34ငါးအီဒေါင့်နားက့ဒွို။ အွယ့်ဟကု ပလူးကအိုငြီ့ကိုကာဒါ ခမ်လန်ငြီ့အဘာကုစာ အန်တငြီးကု ပလူးယွမ်အန်ငါးစာ အပလာဟို့ အီခံဘာဟောင့်စွာ့ထွို့ ဒါ့လငါ့အပလားဒွို အီအိုကေ့ဘာ#17:34 ပလူးဖုခု အီပြန်ကျိန်းချာဒါဟကု ပလူးအိုငြီ့ကိုကာ ခမ်လန်အဘာကုစာ အန်တငြီ့ကုအွယ့် ပလူးယွမ်အန်ဒါငါး အွယ့်ပလားဒွို အီခံဘာဗွယ်ဖရာ ဟောင့်စွာ့ဝိန်းခမ်းကုထွို့ ဒါ့လငါ့အပလားဒွို အီခံဘာဖီကေ့ထွို့ကျေရင်ဟနေ။ ။ 35ပမွော်အိုတောင်ကိုကာဘွူ့ အန်းတငြီ့ကုအွယ့် ပလူးယွမ်အန်ငါးစာ အပလားဟို့ အီခံဘာဟောင့်စွာ့ထွို့ ဒါ့လငါ့အပလားအွယ့် အီအိုကေ့ဘာ ဟနေ။ 36လုဲင်ကွင်ကု ပလူးအိုမိုးကိုလိုကာဒါ လုဲင်စာ အန်းတငြီ့အွယ့်လဲ့ အီဟောင့်လေးဘို့ ပလူးယွမ်အန်ငါးစာ အပလားဟို့ထွို့ ဒါ့လငါ့အပလားဒွို အီခံဘာဖီကေ့” မိန့်နိန်းအွယ့် အွယ့်ကြားမဲ့
37တပည့်ဖုန်းအွယ့် “ကိုယ်တော်၊ ခမ်လန်ကမာကု အီပျန့်နိန်းဒွိုး” တစီ့လျှောက်လိုကာနိန်းအွယ့်။
ကိုယ်တော်အွယ့်လဲ့ “တစီ့ကုန့်အိုဒါရပ်ကုဒွို လင်တားဖုန်း ကုဲင်းအိုစုဒါကာ တစေစေတို” မိန့်နိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.