လုကာ 16
16
အခန် (၁၆)
လီရိုစာဟဒါ ပလူးကျေရင်ဝေဖန်စာတတိုက်တွုန်
1ထွို့မဲ့ ကိုယ်တော်အွယ့် မိန့်ဆွက်ဒါ့ တပည့်ဖုန်း တတိုက်တွုန်ဒါ့အဘာဒီ့ “အလိုင်ကုဒီ့ သဌေအပလားအွယ့် ဖီကကျေရင်ဝေဖန်ဖီ အာတကလွိုင်ဥစ္စာဖုန်းတာ ခန့်အပ်စေးကန်း ပလူးအပလား။ ဒေါင့်မာလဲ့ ပလူးကျေရင်ဝေဖန်စာ အွယ့်ပလားဒွို အိုလိမ်အန် အာကွမ့်ဖုန်းအွယ့် သဌေထွိုင်သိခါ့ 2ဟောင့် ပလူးကျေရင်ဝေဖန်စာ အွယ့်ပလားထွို့ ‘ငါးအိုဟွမ့်ဘာဒါ နားစတင်းလီခိုဟခရာဖုန်းဒီ့ အိုပျန့်နိန်းမာ။ ဒင်နေ့ငါး နားကမိုးဒါ စာရင်းဖုန်းဒီ့ဟိုလုဲင်။ ကွက်တဟနာမေဒေါင့်အွယ့် နားနုဲင့်လဲ့ ငါးအန်ဒင်ဆွက်ဒါဟဒွမ်း ကျေရင်ဝေဖန်စာ ခမ်လန်ကု အွယ့်ကြားမဲ့ဟနေ’ ဒေါင့်နိန်းအွယ့်။
3အွယ့်ခါ့ အာအွယ့်လဲ့ ‘ငါးအီမိုးဘာနိန်းမာ။ သဌေဒွို မေချီ့ထန်ကေ့ငါး တမိုးကုအွယ့် ငါးဒွို အီခွော်ဟန်တာလဲ့ အာလီအိုဟ၊ အီကျွူ့အန်တာလဲ့ ချန်းကာကသ့။ 4အိုတမိုးကု မေခံချီ့ထန်ဘာထွို့ မိုးဖီပလူးဖုန်း ဖီကကြိုစွမ်လိုကာငါး အာကာယွမ်ကုတာ အီမိုးဘာနိန်းမာဒွို ငါးသိလိထွို့’ အိုကျင်ကျာတာနိန်းအွယ့်။
5ထွို့မဲ့ အာအွယ့် ဟောင့်လေး ပလူးအိုလူဖီနီ သဌေဆောင့် အပလားထွို့အပလား ထွို့မဲ့ ‘နားဒွို နီအို ငါးသဌေဆောင့် တျာမာ’ တစီ့အကီစွက်ပလားအွယ့် နိန်းအွယ့်။
6ပလူးအွယ့်ပလားလဲ့ ‘အိုလူဖီ နမ့်မန်သံလွင်ဗိုင်းအယား#16:6နမ့်မန်သံလွင်ဗိုင်းအယား ကဒေါင့်ဒါဒွို ပျန့်တို နမ့်မန်သံလွင် ၃၀၀၀လီတာ အာ့ဟနေ။’ ပြန်ဖရေချာနိန်းအွယ့်။
ကျေရင်ဝေဖန်စာအွယ့်လဲ့ ‘လေချွော်မွိုင်မွိုင် စာရင်းလိတ်လာထွို့ တျန်လင်း အန်ငေစီ့လုဲင်’ ဒေါင့်နိန်းအွယ့်။
7ဒါ့အပလားဒီ့လဲ့ ‘နားဆောင့် နီအိုတျာမာ’ ထွိုင်တစီ့နိန်းအွယ့်ခါ့
အာအွယ့် ‘ဂျုံဘွူ့အိတ်အယား’ ဒေါင့်နိန်းအွယ့် အွယ့်ကြားမဲ့
ကျေရင်ဝေဖန်စာအွယ့်လဲ့ ‘လေချွော်မွိုင့်မွိုင့် စာရင်းလိတ်လာထွို့ တျန်လင်း အိတ်အန်စူးစီ့ဒီ့လုဲင်’ ဒေါင့်လေနိန်းအွယ့်။
8အွယ့်ခါ့ သဌေအွယ့် ထွိုင်ဟွမ့် လီရိုစာဟဒါ ကျေရင်ဝေဖန်စာ မိုးတာ နောင်တလက်တယွူ့ဖုန်းခါ့ အန်ဖရာထန်။ ကွက်တဟနာမေဒေါင့်ဘာအွယ့် ပလူးလောကဒွိုးဘာစာဖုန်းဒွို မေဆက်ဆံနောင် ပလူးလငါ့စာဖုန်းကုဒီ့ မိုးဒါလိုကာတိုနောင် လက်လက်ယွူ့ယွူ့ လွို့ထိုင် ဖရာပလူးဖုန်း” မိန့်နိန်းအွယ့်။ 9ဒါ့အလိုင် ကိုယ်တော် မိန့်တပည့်ဖုန်းဒီ့ “ငါးအီဒေါင့်နားက့ဒွို။ စုံလိုကာနောင် လီတည်ဟဒါ လောကီစည်စိမ်ဖုန်းထွို့ ကူညီဖီ ပလားလငါ့ဖုန်းထွို့မဲ့ ကွင်လိုကာဖောဝ်ဖုန်းလုဲင်။ နိန်းအွယ့်မဲ့ နားက့မေစီ့ခါ့ စည်စိမ်အွယ့်ဟိုဖုန်း လီပါတွယ့်ဒါဟနားက့လဲ့ ကအိုတည်ခွိုင့် ထာဝရဒါ ဝိန်းခမ်းဒွို အီကြိုစွမ် လက်ခံတိုနားက့။
10ပလူးသစ္စာအို ကိစ္စပီပီလောင်စာဖုန်းဒွို ကိစ္စဒူဒူဖုန်းကုလဲ့ သစ္စာအိုအိုလိုကာ။ ပလူးသစ္စာလီအိုဟ ကိစ္စပီပီကုစာဒွို ကိစ္စဒူဒူဖုန်းကုလဲ့ အီပျန့်တို ပလူးသစ္စာလီအိုဟစာဖုန်း ဟနေ။ 11အွယ့်ကြားမဲ့ နားက့ဒွို လောကဒွိုးဘာကု ကအိုဒါ လီတည်ဟဒါ လောကီစည်စိမ် ဖုန်းမသဲ သစ္စာမလီအိုလိုကာဟအွယ့် လမားလဲ့ လီယွမ်အန်ဟထွို့ လီအပ်ဟာနားက့ ဝိန်းခမ်းကုကအိုဒါ စည်စိမ်ကျက်မှန်ဖုန်း။ 12နားက့ဒွို ပလားလငါ့ တကလွိုင်ဥစ္စာဖုန်းမသဲ သစ္စာမေလီအိုလိုကာဟအွယ့် ဖီနားက့ ကပွိုင်ဆိုင်တာ လမာဒွို အီဖီတကလွိုင်ဥစ္စာဖုန်း။
13စွမ်းစေလမားမားယောဝ်း လီခံဒါဟာ သစ္စာ ဗွယ်အန်တငြီ့ဆောင့် အလိုင်ချင်ဟာ။ ကွက်တဟနာမေဒေါင့်ဘာအွယ့် အာဒွို အီကျင်းအပလားထွို့ အီရက်ဒါ့အပလား။ သစ္စာမေအို အပလားလောင်လဲ့ အီစွင့်အန်ဟ ဒါ့အပလား။ နောင်နိန်းအွယ့်အွယ့်ဟို့ နားက့ဒွို လီခံဒါဟာ ဗွယ်ဖရာနောင် လောကီစည်စိမ်းဖုန်းစွမ်း အလိုင်ချင်ဟာ” မိန့်နိန်းအွယ့်။
ကိုယ်တော်ယေရှု ငိုအခီအခို့
(မဿဲ ၁၁:၁၂-၁၃၊ ၅:၃၁-၃၂)
14ထွို့မဲ့ ထွိုင်ဟွမ့်ကိုယ်တော်ယေရှုငိုခါ့ ဖာရိရှဲ ကမက်ဒါကွမ့်စာဖုန်းအွယ့် တငါးပလာလိုကာ ကိုယ်တော်။ 15ဒေါင့်မာလဲ့ ကိုယ်တော်အွယ့် “နားက့နုဲင့် ကုဲင်းနေလိုကာဒါနန် အကြောင်အိုပျန့်တို ပလူးတွို့မှန်စာဖုန်း ပလူးဖုန်းမေငါ့ကု။ ဒေါင့်မာလဲ့ ဗွယ်ဖရာဒွို အိုသျှီသိတို လီခိုဟဒါ နားက့သ့သာ။ ပလူးဖုန်း ကဒင်တန်ဖိုလိုကာဒါ လောကီစည်စိမ်ဖုန်းဒွို တွိုဗွယ်ဖရာတာဒွို ပျန့်ဘို့ တကီကာခရာဟို့ ဟနေ။
16တွိုတွို့ငွုတ်သျှီ့မင်္ဂလာ ဆရာယောဟန်ကျူကု ပလူးဖုန်းဒွို လွိုက်နာလိုကာဘာ မောရှေပညတ်ကျမ်နောင် အရိယာဆူတော်ကောင်ဖုန်းကျမ်။ ဒေါင့်မာလဲ့ ဒွိုးခါ့ ထွိုင်ဟိုဒေါင့် ဗွယ်ဖရာသာသနာတော်ခရာ မင်္ဂလာစတင်းခိုခါ့ ပလူးဖုန်းလဲ့ ကြိုစာထန်ယွမ်လိုကာတွို့ ဖီကနွူးဒါလိုကာ သာသနာတော်ကုတာ။ 17ဒေါင့်မာလဲ့ အီပျန့်ဘာတိုနောင် ဗွယ်ဖရာပညတ်တော်အတွုန်တိုဟနေ။ ဗွယ်ဖရာပညတ်တော်ကု ကပါဒါ လိတ်ပလုံအပီစွက်အမာ့ အီတမာတာ မုကန်နောင် ကမ်ဖာလောက အီတမာတာဒွို ပေါင်းယူထိုင်။
18ပလူးအန်းကေ့ကေ့ မာ့တိုးထွို့ အန်နီထိုင်ဒါ့ ပမွော်လငါ့စာဒွို ပျန့်တို ပလူးလွမ်မာ ဖောက်ပလန် အိမ်ထောင်ရေအမှုစာတိုဟနေ။ ပလူးအန်နီ ပမွော် ဝါးအန်ကေ့ထွို့စာဒွိုလဲ့ ဗွမ့်ဗွမ့်နိန်းအွယ့်ဟို့” မိန့်ဒေါင့်နိန်းအွယ့်။
လာဇရုနောင် သဌေ
19ထွို့မဲ့ ကိုယ်တော်အွယ့် “အလိုင်ကုဒီ့ သဌေအိုတို့နောင် ကွမ်လာငူးဒူထွို့ ခံစာစည်စိမ်ဖုန်း ကျွမ်ငြီးကျွမ်ဟစာ အိုပလား။ 20ပလူးအဟန်ဟန်အွယ့် ကုဲင်းလေအန်ဒင်ကာ ပလူးနျန်းလာဇရု နာဖုန်းအိုပေါက်တာ နန်လောင်အဘာလူးစာ ဆင်ရယ်စာအပလား သဌေအွယ့်ပလား ခြံတပေါင်းငွာ့ကု။ 21အာအွယ့် ဘသာအန်တန် တအန် အိုသဌေယျန်ခုံကု ကလင်ကာလင်းဒါအွယ့်ဟိုဖုန်း။ ထွို့ဒါ့ အာနန်လောင် အဘာလူးကုလဲ့ နာဖုန်း အိုပေါက်လိုကာတာ အွယ့်ကြားမဲ့ ချွူဖုန်းလဲ့ အိုအန်လျှက်လိုကာ အာနာဖုန်း။
22ကန်စာ့စွက် လာဇရုအွယ့် စစီ့ကေ့ထွို့ လွှော်ဒေဝါဖုန်းအွယ့် ဟောင့်လေလိုကာအာ က့ဖာ့ပလား အာဗြဟံဆောင့်ကု။ သဌေအွယ့်လဲ့ ထွိုင်စီ့ထွို့ခါ့ ခံဘာစင်ဂြိုဟ်ထွို့
23အိုခံစာဘာယွမ်တွို့ တခုဲင်ဆင်ရယ်ဖုန်း မရဏကန်ကုခိန်း#16:23 ပျန့်တို ခမ်လန်အန်ဒင်စို့ ပလူးစီ့ထွို့စာဖုန်း ဝိညာဉ် တွိုတွို့ခရားအီတွို မငြီးကျေရင်ဆုံဖြတ်တရာငြီးကု။ ထွိုင်ဟွိုင့်ထန်အာခမ်လွို့ကုခါ့ သျှီလေး လာဇရု အိုအိုတာအာဗြဟံဆောင့်ကု။
24အွယ့်ခါ့ကု အာအွယ့် ငွိုက့တာထွို့ ‘ဖား အာဗြဟံ၊ သညင်ပန်ငါးမွန်။ ငါးဒွို အိုခံစာဘာယွမ်တွို့တာ မီတင်ဒွိုးဟိုဖုန်းကု အွယ့်ကြားမဲ့ ကျွမ်လာဇရုကျွော့်မွိုင်နောင်သျှီ့ထွို့ မိုးဖီငါးပလီးကျုံကျီ့တာ အန်ကြွ့လေဖီအာ ငါးဆောင့်မွန်’ ကျွူ့လျှောက်တာနိန်းအွယ့်။
25ဒေါင့်မာလဲ့ အာဗြဟံအွယ့် ‘ငါးဖုခု၊ ယူလ့ဒါ့ နားဆက် အိုမွမ့်တုဲင်းခါ့ဒီ့ လ့ဘာနောင် တခိုစွက်ဖုန်းထွို့ တွိုလာဇရုဒွို လ့ဘာဘို့ တာလီခိုဟဖုန်းဟို့ ဒီ့ဟိုလုဲင်။ တွိုဒွိုးခါ့ လာဇရုဒွို အိုစာယာဘာလိထွို့တာ ခမ်လန်ဒွိုးကုပါထွို့ တွိုနားနုဲင့် အိုခံစာဘာ တခုဲင်ဝေဒနာဖုန်း။ 26တျာအွယ့်ကာဟ နားနောင် က့ခါကုဒွို စုံ့ယိုးတန် အဘာ အိုခါစေးကန်း အွယ့်ကြားမဲ့ ဗွမ့်နောင် က့ဘသာလေးတွို့ နားက့ဆောင့်လဲ့ လေးလီဒါဟ နားက့ဘသာလေးတွို့ က့ဆောင့်လဲ့ လေးလီဒါဟာ’ ဒေါင့်လေနိန်းအွယ့်။
27သဌေအွယ့်လဲ့ ‘ဖား အာဗြဟံ၊ မေနိန်းအွယ့် ဖီကဖီကြွ့လေဖီ လာဇရု ငါးဖာ့ယွမ့်ကုတာ ငါးတောင်ပလန်တို။ 28ဖီငါးပွော်ခုဝေခု အန်တငေ လ့လိုကာ နောင်တသံဝေဂတာ လေဖီဖီစတိမွန်။ နိန်းအွယ့်မဲ့ အာကာဒွို လီတွိုဘာကာဟ ခမ်လန်ခံစာဘာ တခုဲင်ဝေဒနာ ဒွိုးကုပါဟနေ’ လျှောက်နိန်းအွယ့်။
29အာဗြဟံအွယ့်လဲ့ ‘နားပွော်ခုဝေခုဖုန်းဆောင့်ဒီ့ အိုလိုကာတိုနောင် မောရှေနောင် အရိယာဆူတော်ကောင်ဖုန်း ကတျန်စေးကန်းဒါ ပညတ်ကျမ်ဖုန်း။ အာကာ အီလွိုက်နာလိုကာဘာတို အွယ့်ဟိုဖုန်း’ ထွိုင်ဒေါင့်နိန်းအွယ့်ခါ့
30သဌေအွယ့် ‘ဖား အာဗြဟံ၊ နောင်အွယ့် ခလုံလောက်ကောင်း။ ပလူးစီ့ထွို့စာကု အပလားပလားဒွို မေလေဖီစတိ အာကာဆောင့်မဲ့ အာကာဒွို အီလ့လိုကာ နောင်တသံဝေဂ’ ပြန်ဒေါင့်ချာဒါ့နိန်းအွယ့်။
31ဒေါင့်မာလဲ့ အာဗြဟံအွယ့်လဲ့ ‘အာကာဒွို မေလီလွိုက်နာကာဟ မောရှေနောင် အရိယာဆူတော်ကောင်ဖုန်း ကတျန်စေးကန်းဒါ ပညတ်ဖုန်းအွယ့် ပလူးစီ့ထွို့ကျိန်းချာဒါ့စာ အပလားအပလား မေလေဖီတွို့စတိလဲ့ အီလ့လိုကာ နောင်တသံဝေဂ လီမေဟာ’ ဒေါင့်ချာဒါ့နိန်းအွယ့်” မိန့်နိန်းအွယ့်။
Currently Selected:
လုကာ 16: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 16
16
အခန် (၁၆)
လီရိုစာဟဒါ ပလူးကျေရင်ဝေဖန်စာတတိုက်တွုန်
1ထွို့မဲ့ ကိုယ်တော်အွယ့် မိန့်ဆွက်ဒါ့ တပည့်ဖုန်း တတိုက်တွုန်ဒါ့အဘာဒီ့ “အလိုင်ကုဒီ့ သဌေအပလားအွယ့် ဖီကကျေရင်ဝေဖန်ဖီ အာတကလွိုင်ဥစ္စာဖုန်းတာ ခန့်အပ်စေးကန်း ပလူးအပလား။ ဒေါင့်မာလဲ့ ပလူးကျေရင်ဝေဖန်စာ အွယ့်ပလားဒွို အိုလိမ်အန် အာကွမ့်ဖုန်းအွယ့် သဌေထွိုင်သိခါ့ 2ဟောင့် ပလူးကျေရင်ဝေဖန်စာ အွယ့်ပလားထွို့ ‘ငါးအိုဟွမ့်ဘာဒါ နားစတင်းလီခိုဟခရာဖုန်းဒီ့ အိုပျန့်နိန်းမာ။ ဒင်နေ့ငါး နားကမိုးဒါ စာရင်းဖုန်းဒီ့ဟိုလုဲင်။ ကွက်တဟနာမေဒေါင့်အွယ့် နားနုဲင့်လဲ့ ငါးအန်ဒင်ဆွက်ဒါဟဒွမ်း ကျေရင်ဝေဖန်စာ ခမ်လန်ကု အွယ့်ကြားမဲ့ဟနေ’ ဒေါင့်နိန်းအွယ့်။
3အွယ့်ခါ့ အာအွယ့်လဲ့ ‘ငါးအီမိုးဘာနိန်းမာ။ သဌေဒွို မေချီ့ထန်ကေ့ငါး တမိုးကုအွယ့် ငါးဒွို အီခွော်ဟန်တာလဲ့ အာလီအိုဟ၊ အီကျွူ့အန်တာလဲ့ ချန်းကာကသ့။ 4အိုတမိုးကု မေခံချီ့ထန်ဘာထွို့ မိုးဖီပလူးဖုန်း ဖီကကြိုစွမ်လိုကာငါး အာကာယွမ်ကုတာ အီမိုးဘာနိန်းမာဒွို ငါးသိလိထွို့’ အိုကျင်ကျာတာနိန်းအွယ့်။
5ထွို့မဲ့ အာအွယ့် ဟောင့်လေး ပလူးအိုလူဖီနီ သဌေဆောင့် အပလားထွို့အပလား ထွို့မဲ့ ‘နားဒွို နီအို ငါးသဌေဆောင့် တျာမာ’ တစီ့အကီစွက်ပလားအွယ့် နိန်းအွယ့်။
6ပလူးအွယ့်ပလားလဲ့ ‘အိုလူဖီ နမ့်မန်သံလွင်ဗိုင်းအယား#16:6နမ့်မန်သံလွင်ဗိုင်းအယား ကဒေါင့်ဒါဒွို ပျန့်တို နမ့်မန်သံလွင် ၃၀၀၀လီတာ အာ့ဟနေ။’ ပြန်ဖရေချာနိန်းအွယ့်။
ကျေရင်ဝေဖန်စာအွယ့်လဲ့ ‘လေချွော်မွိုင်မွိုင် စာရင်းလိတ်လာထွို့ တျန်လင်း အန်ငေစီ့လုဲင်’ ဒေါင့်နိန်းအွယ့်။
7ဒါ့အပလားဒီ့လဲ့ ‘နားဆောင့် နီအိုတျာမာ’ ထွိုင်တစီ့နိန်းအွယ့်ခါ့
အာအွယ့် ‘ဂျုံဘွူ့အိတ်အယား’ ဒေါင့်နိန်းအွယ့် အွယ့်ကြားမဲ့
ကျေရင်ဝေဖန်စာအွယ့်လဲ့ ‘လေချွော်မွိုင့်မွိုင့် စာရင်းလိတ်လာထွို့ တျန်လင်း အိတ်အန်စူးစီ့ဒီ့လုဲင်’ ဒေါင့်လေနိန်းအွယ့်။
8အွယ့်ခါ့ သဌေအွယ့် ထွိုင်ဟွမ့် လီရိုစာဟဒါ ကျေရင်ဝေဖန်စာ မိုးတာ နောင်တလက်တယွူ့ဖုန်းခါ့ အန်ဖရာထန်။ ကွက်တဟနာမေဒေါင့်ဘာအွယ့် ပလူးလောကဒွိုးဘာစာဖုန်းဒွို မေဆက်ဆံနောင် ပလူးလငါ့စာဖုန်းကုဒီ့ မိုးဒါလိုကာတိုနောင် လက်လက်ယွူ့ယွူ့ လွို့ထိုင် ဖရာပလူးဖုန်း” မိန့်နိန်းအွယ့်။ 9ဒါ့အလိုင် ကိုယ်တော် မိန့်တပည့်ဖုန်းဒီ့ “ငါးအီဒေါင့်နားက့ဒွို။ စုံလိုကာနောင် လီတည်ဟဒါ လောကီစည်စိမ်ဖုန်းထွို့ ကူညီဖီ ပလားလငါ့ဖုန်းထွို့မဲ့ ကွင်လိုကာဖောဝ်ဖုန်းလုဲင်။ နိန်းအွယ့်မဲ့ နားက့မေစီ့ခါ့ စည်စိမ်အွယ့်ဟိုဖုန်း လီပါတွယ့်ဒါဟနားက့လဲ့ ကအိုတည်ခွိုင့် ထာဝရဒါ ဝိန်းခမ်းဒွို အီကြိုစွမ် လက်ခံတိုနားက့။
10ပလူးသစ္စာအို ကိစ္စပီပီလောင်စာဖုန်းဒွို ကိစ္စဒူဒူဖုန်းကုလဲ့ သစ္စာအိုအိုလိုကာ။ ပလူးသစ္စာလီအိုဟ ကိစ္စပီပီကုစာဒွို ကိစ္စဒူဒူဖုန်းကုလဲ့ အီပျန့်တို ပလူးသစ္စာလီအိုဟစာဖုန်း ဟနေ။ 11အွယ့်ကြားမဲ့ နားက့ဒွို လောကဒွိုးဘာကု ကအိုဒါ လီတည်ဟဒါ လောကီစည်စိမ် ဖုန်းမသဲ သစ္စာမလီအိုလိုကာဟအွယ့် လမားလဲ့ လီယွမ်အန်ဟထွို့ လီအပ်ဟာနားက့ ဝိန်းခမ်းကုကအိုဒါ စည်စိမ်ကျက်မှန်ဖုန်း။ 12နားက့ဒွို ပလားလငါ့ တကလွိုင်ဥစ္စာဖုန်းမသဲ သစ္စာမေလီအိုလိုကာဟအွယ့် ဖီနားက့ ကပွိုင်ဆိုင်တာ လမာဒွို အီဖီတကလွိုင်ဥစ္စာဖုန်း။
13စွမ်းစေလမားမားယောဝ်း လီခံဒါဟာ သစ္စာ ဗွယ်အန်တငြီ့ဆောင့် အလိုင်ချင်ဟာ။ ကွက်တဟနာမေဒေါင့်ဘာအွယ့် အာဒွို အီကျင်းအပလားထွို့ အီရက်ဒါ့အပလား။ သစ္စာမေအို အပလားလောင်လဲ့ အီစွင့်အန်ဟ ဒါ့အပလား။ နောင်နိန်းအွယ့်အွယ့်ဟို့ နားက့ဒွို လီခံဒါဟာ ဗွယ်ဖရာနောင် လောကီစည်စိမ်းဖုန်းစွမ်း အလိုင်ချင်ဟာ” မိန့်နိန်းအွယ့်။
ကိုယ်တော်ယေရှု ငိုအခီအခို့
(မဿဲ ၁၁:၁၂-၁၃၊ ၅:၃၁-၃၂)
14ထွို့မဲ့ ထွိုင်ဟွမ့်ကိုယ်တော်ယေရှုငိုခါ့ ဖာရိရှဲ ကမက်ဒါကွမ့်စာဖုန်းအွယ့် တငါးပလာလိုကာ ကိုယ်တော်။ 15ဒေါင့်မာလဲ့ ကိုယ်တော်အွယ့် “နားက့နုဲင့် ကုဲင်းနေလိုကာဒါနန် အကြောင်အိုပျန့်တို ပလူးတွို့မှန်စာဖုန်း ပလူးဖုန်းမေငါ့ကု။ ဒေါင့်မာလဲ့ ဗွယ်ဖရာဒွို အိုသျှီသိတို လီခိုဟဒါ နားက့သ့သာ။ ပလူးဖုန်း ကဒင်တန်ဖိုလိုကာဒါ လောကီစည်စိမ်ဖုန်းဒွို တွိုဗွယ်ဖရာတာဒွို ပျန့်ဘို့ တကီကာခရာဟို့ ဟနေ။
16တွိုတွို့ငွုတ်သျှီ့မင်္ဂလာ ဆရာယောဟန်ကျူကု ပလူးဖုန်းဒွို လွိုက်နာလိုကာဘာ မောရှေပညတ်ကျမ်နောင် အရိယာဆူတော်ကောင်ဖုန်းကျမ်။ ဒေါင့်မာလဲ့ ဒွိုးခါ့ ထွိုင်ဟိုဒေါင့် ဗွယ်ဖရာသာသနာတော်ခရာ မင်္ဂလာစတင်းခိုခါ့ ပလူးဖုန်းလဲ့ ကြိုစာထန်ယွမ်လိုကာတွို့ ဖီကနွူးဒါလိုကာ သာသနာတော်ကုတာ။ 17ဒေါင့်မာလဲ့ အီပျန့်ဘာတိုနောင် ဗွယ်ဖရာပညတ်တော်အတွုန်တိုဟနေ။ ဗွယ်ဖရာပညတ်တော်ကု ကပါဒါ လိတ်ပလုံအပီစွက်အမာ့ အီတမာတာ မုကန်နောင် ကမ်ဖာလောက အီတမာတာဒွို ပေါင်းယူထိုင်။
18ပလူးအန်းကေ့ကေ့ မာ့တိုးထွို့ အန်နီထိုင်ဒါ့ ပမွော်လငါ့စာဒွို ပျန့်တို ပလူးလွမ်မာ ဖောက်ပလန် အိမ်ထောင်ရေအမှုစာတိုဟနေ။ ပလူးအန်နီ ပမွော် ဝါးအန်ကေ့ထွို့စာဒွိုလဲ့ ဗွမ့်ဗွမ့်နိန်းအွယ့်ဟို့” မိန့်ဒေါင့်နိန်းအွယ့်။
လာဇရုနောင် သဌေ
19ထွို့မဲ့ ကိုယ်တော်အွယ့် “အလိုင်ကုဒီ့ သဌေအိုတို့နောင် ကွမ်လာငူးဒူထွို့ ခံစာစည်စိမ်ဖုန်း ကျွမ်ငြီးကျွမ်ဟစာ အိုပလား။ 20ပလူးအဟန်ဟန်အွယ့် ကုဲင်းလေအန်ဒင်ကာ ပလူးနျန်းလာဇရု နာဖုန်းအိုပေါက်တာ နန်လောင်အဘာလူးစာ ဆင်ရယ်စာအပလား သဌေအွယ့်ပလား ခြံတပေါင်းငွာ့ကု။ 21အာအွယ့် ဘသာအန်တန် တအန် အိုသဌေယျန်ခုံကု ကလင်ကာလင်းဒါအွယ့်ဟိုဖုန်း။ ထွို့ဒါ့ အာနန်လောင် အဘာလူးကုလဲ့ နာဖုန်း အိုပေါက်လိုကာတာ အွယ့်ကြားမဲ့ ချွူဖုန်းလဲ့ အိုအန်လျှက်လိုကာ အာနာဖုန်း။
22ကန်စာ့စွက် လာဇရုအွယ့် စစီ့ကေ့ထွို့ လွှော်ဒေဝါဖုန်းအွယ့် ဟောင့်လေလိုကာအာ က့ဖာ့ပလား အာဗြဟံဆောင့်ကု။ သဌေအွယ့်လဲ့ ထွိုင်စီ့ထွို့ခါ့ ခံဘာစင်ဂြိုဟ်ထွို့
23အိုခံစာဘာယွမ်တွို့ တခုဲင်ဆင်ရယ်ဖုန်း မရဏကန်ကုခိန်း#16:23 ပျန့်တို ခမ်လန်အန်ဒင်စို့ ပလူးစီ့ထွို့စာဖုန်း ဝိညာဉ် တွိုတွို့ခရားအီတွို မငြီးကျေရင်ဆုံဖြတ်တရာငြီးကု။ ထွိုင်ဟွိုင့်ထန်အာခမ်လွို့ကုခါ့ သျှီလေး လာဇရု အိုအိုတာအာဗြဟံဆောင့်ကု။
24အွယ့်ခါ့ကု အာအွယ့် ငွိုက့တာထွို့ ‘ဖား အာဗြဟံ၊ သညင်ပန်ငါးမွန်။ ငါးဒွို အိုခံစာဘာယွမ်တွို့တာ မီတင်ဒွိုးဟိုဖုန်းကု အွယ့်ကြားမဲ့ ကျွမ်လာဇရုကျွော့်မွိုင်နောင်သျှီ့ထွို့ မိုးဖီငါးပလီးကျုံကျီ့တာ အန်ကြွ့လေဖီအာ ငါးဆောင့်မွန်’ ကျွူ့လျှောက်တာနိန်းအွယ့်။
25ဒေါင့်မာလဲ့ အာဗြဟံအွယ့် ‘ငါးဖုခု၊ ယူလ့ဒါ့ နားဆက် အိုမွမ့်တုဲင်းခါ့ဒီ့ လ့ဘာနောင် တခိုစွက်ဖုန်းထွို့ တွိုလာဇရုဒွို လ့ဘာဘို့ တာလီခိုဟဖုန်းဟို့ ဒီ့ဟိုလုဲင်။ တွိုဒွိုးခါ့ လာဇရုဒွို အိုစာယာဘာလိထွို့တာ ခမ်လန်ဒွိုးကုပါထွို့ တွိုနားနုဲင့် အိုခံစာဘာ တခုဲင်ဝေဒနာဖုန်း။ 26တျာအွယ့်ကာဟ နားနောင် က့ခါကုဒွို စုံ့ယိုးတန် အဘာ အိုခါစေးကန်း အွယ့်ကြားမဲ့ ဗွမ့်နောင် က့ဘသာလေးတွို့ နားက့ဆောင့်လဲ့ လေးလီဒါဟ နားက့ဘသာလေးတွို့ က့ဆောင့်လဲ့ လေးလီဒါဟာ’ ဒေါင့်လေနိန်းအွယ့်။
27သဌေအွယ့်လဲ့ ‘ဖား အာဗြဟံ၊ မေနိန်းအွယ့် ဖီကဖီကြွ့လေဖီ လာဇရု ငါးဖာ့ယွမ့်ကုတာ ငါးတောင်ပလန်တို။ 28ဖီငါးပွော်ခုဝေခု အန်တငေ လ့လိုကာ နောင်တသံဝေဂတာ လေဖီဖီစတိမွန်။ နိန်းအွယ့်မဲ့ အာကာဒွို လီတွိုဘာကာဟ ခမ်လန်ခံစာဘာ တခုဲင်ဝေဒနာ ဒွိုးကုပါဟနေ’ လျှောက်နိန်းအွယ့်။
29အာဗြဟံအွယ့်လဲ့ ‘နားပွော်ခုဝေခုဖုန်းဆောင့်ဒီ့ အိုလိုကာတိုနောင် မောရှေနောင် အရိယာဆူတော်ကောင်ဖုန်း ကတျန်စေးကန်းဒါ ပညတ်ကျမ်ဖုန်း။ အာကာ အီလွိုက်နာလိုကာဘာတို အွယ့်ဟိုဖုန်း’ ထွိုင်ဒေါင့်နိန်းအွယ့်ခါ့
30သဌေအွယ့် ‘ဖား အာဗြဟံ၊ နောင်အွယ့် ခလုံလောက်ကောင်း။ ပလူးစီ့ထွို့စာကု အပလားပလားဒွို မေလေဖီစတိ အာကာဆောင့်မဲ့ အာကာဒွို အီလ့လိုကာ နောင်တသံဝေဂ’ ပြန်ဒေါင့်ချာဒါ့နိန်းအွယ့်။
31ဒေါင့်မာလဲ့ အာဗြဟံအွယ့်လဲ့ ‘အာကာဒွို မေလီလွိုက်နာကာဟ မောရှေနောင် အရိယာဆူတော်ကောင်ဖုန်း ကတျန်စေးကန်းဒါ ပညတ်ဖုန်းအွယ့် ပလူးစီ့ထွို့ကျိန်းချာဒါ့စာ အပလားအပလား မေလေဖီတွို့စတိလဲ့ အီလ့လိုကာ နောင်တသံဝေဂ လီမေဟာ’ ဒေါင့်ချာဒါ့နိန်းအွယ့်” မိန့်နိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.