လုကာ 15
15
အခန် (၁၅)
ကတာမာဒါ သိုး တတိုက်တွုန်
(မဿဲ ၁၈:၁၂-၁၄)
1အငြီးကု တခွမ်ကျက်စာဖုန်းနောင် အပျက်စရိုက်လီခိုဟစာဖုန်း ကားကအိုအွယ့် အီနာကာ ကိုယ်တော်ယေရှု ဟိုစွမ့်တာတာ တွိုလေးလိုကာ။ 2ဒေါင့်မာလဲ့ ဖာရိရှဲဖုန်းနောင် ကျမ်ဒါဆရာဖုန်းအွယ့် “ပလူးဒွိုးပလားဒွို ပေါင်းဖောဝ်နောင် အပျက်စရိုက်လီခိုဟစာဖုန်းကာဟ အန်ကိုအို့ကိုပါထိုင်နောင် အာကာလုဲင်” ဒင်အပျက်ဝေဖန်လိုကာနိန်းအွယ့်။
3အွယ့်ကြားမဲ့ ကိုယ်တော်အွယ့် မိန့်အာကာနောင် တတိုက်တွုန်အဘာဒွို 4“နားဆောင့် သိုးအို အဘာအယားထွို့မဲ့ သိုးအွယ့်ဟိုကျွိုကု မေတမာကေ့အဘာအွယ့် နားဒွို ဖီကေ့ကေ့ သိုးအန်ချွူ့စီ့ခွူ့ဘာ တကလက်ကုထွို့ အီစကွင် သိုးကတမာဒါအွယ့်ဘာ တွိုတွို့ကမို့ မေဟနောဝ်။ 5မေပြန်မို့ချာခါ့လဲ့ ယိုးသိုးအွယ့်ဘာ ငင်တာလောင်ကု နောင်တဟွမ့်ခိုတဟွမ့်ပျော်ထွို့ 6ကျိန်းချာဒါ့ယွမ်ကုထွို့မဲ့ ပင့်ဖောဝ်နောင် ယွမ်တီးစာဖုန့်ထွို့ ‘ကတမာကေ့ဒါ ငါးသိုးဒီ့ ပြန်မို့ချာဒါလိထွို့ အွယ့်ကြားမဲ့ ဟွမ့်ခိုတွဲ့လိုကာငါးလုဲင်’ အီဒေါင့်နိန်းအွယ့်။ 7ငါးအီဒေါင့်နားက့ဒွို။ နောင်နိန်းအွယ့်အွယ့် လွို့ထိုင် ပလူးအိုလူလ့ဒွမ်း နောင်တသံဝေဂ ပလူးတွို့မှန်စာ အန်ခွူ့စီ့ခွူ့ပလား ပလူးအပျက်စရိုက်လီခိုဟ ကလ့ဒါ နောင်တသံဝေဂစာ အပလားတာ ဝိန်းခမ်းကုကအိုဒါ ဗွယ်ဖရာနောင် လွှော်ဒေဝါဖုန်းဒွို အီပေါင်းဟွမ့်ခိုလွို့လိုကာတိုထိုင်ဟနေ” မိန့်နိန်းအွယ့်။
ကတမာကေ့ဒါကွမ့်ဒင်္ဂါ တတိုက်တွုန်
8ထွို့မဲ့ ကိုယ်တော်အွယ့် မိန့်ဒေါင့်ထိုင်ဒါ့ လူထုပရိသတ်ဖုန်း နောင်တတိုက်တွုန်ဒီ့ “ပမွော်အိုနောင်ကွမ့်ဒင်္ဂါအစီ့ဗီစာ အပလားအွယ့် ကွမ့်ဒင်္ဂါအဗီ မေစတမာကေ့အွယ့် အာဒွို လိမီအိမ်၊ ဝေယွမ်နောင် နဝေထွို့ အီကွင်စေစေချာချာ တွိုတွို့ကမို့ မေဟနောဝ်။ 9မေပြန်ကွင်မို့ခါ့လဲ့ အာဒွို အီဟောင့်ဖောဝ်ဖုန်းနောင် ယွမ်တီးစာဖုန်းထွို့ ‘ကတမာကေ့ဒါ ကွမ့်ဒင်္ဂါဒီ့ ပြန်မို့ချာလိထွို့ အွယ့်မဲ့ ဟွမ့်ခိုတွဲ့လိုကာငါးလုဲင်’ အီဒေါင့်နိန်းအွယ့်။ 10ငါးအီဒေါင့်နားက့ဒွို။ နောင်နိန်းအွယ့်အွယ့်ဟို့ ပလူးအပျက်စရိုက်လီခိုဟ ကလ့ဒါ နောင်တသံဝေဂစာ အပလားတာ ဗွယ်ဖရာနောင် လွှော်ဒေဝါဖုန်းဒွို အီဟွမ့်ခိုလိုကာယွမ်တွို့ဟနေ” မိန့်နိန်းအွယ့်။
ကတမာကေ့ဒါ ဖုခုတတိုက်တွုန်
11ဒါ့အလိုင် ကိုယ်တော်အွယ့် မိန့်ထိုင်ဒါ့နောင် တတိုက်တွုန်ဒီ့ “အလိုင်ကုဒီ့ ပလူးအပလားအွယ့် ဖုခုအိုအန်တငြီ့။ 12အငြီးကု ဖုခုအပီပလားအွယ့် ‘ဖား၊ ပန်ဖီချန်း ငါးကလထွိုက်ဒါ အမွေဖုန်း’ ကျွူ့အဖာ့နိန်းအွယ့်။ အွယ့်ကြားမဲ့ အဖာ့အွယ့် ပန်ဖီဖုခုအန်တငြီ့ အာကပွိုင်ဆိုင်ဒါတာဖုန်း။
13ငီးဟ ဖုခုပီအွယ့် အန်ကားကေ့ အမွေဖုန်းထွို့ ချွော့်ဘီဆန်ဖုန်းထွို့ စစွာ့ထန်ကေ့ ကန်လငါ့ကန်ကု။ အာအွယ့် အိုလိုလေတိုတာထွို့ ဖြုန်ကေ့ကွမ့်ဖုန်း။ 14ထွို့မဲ့ အာကွမ့်ဖုန်းကားကအို ထွိုင်လူးခါ့ ကန်အွယ့်ကန်ကု အိုဝီတအန်တအို့ကပ်တွိုလေး အွယ့်ကြားမဲ့ အာအွယ့်လဲ့ စတွိုလေကေ့ဖဝ အန်ခရာအိုဟ၊ အို့ခရာအိုဟကု။ 15အွယ့်ကြားမဲ့ အာအွယ့် လေးလေ ပလူးအိုအွယ့်ကန်ကုစာ အပလားဆောင့်ထွို့ ထွိုင်ကျွူ့မိုးတမိုးခါ့ ပလူးအွယ့်ပလားအွယ့် အန်ကြွ့လေးအာ လုဲင်ကွင်ကု ဖီကတီဖီအာထို့ဖုန်း။ 16အွယ့်ခါ့ အာအွယ့် တဝီလွမ်တွို့တာ အွယ့်ကြားမဲ့ ထို့ဖုန်းကအန်ဒါစာဖုန်းမသဲ အာအိုဘသာအန်ထန်တွို့လဲ့ လမားလဲ့လီဖီဟ အာတအန်ခရာဖုန်း။
17ကန်စာ့စွက် အာအွယ့် တတူသိဖုန်း ပြန်အိုချာဒါ့ထွို့ ‘တမိုးစာ ငါးဖာ့ယွမ်ကုစာဖုန်းမသဲ တအန်ခရာဖုန်း အိုဟေတန်။ တွိုငါးဒွို အိုဒွိုးကုပါထွို့ တအန်ခရာလီအိုဟထွို့ အိုဝီဘာတာထွို့မဲ့ အီစီ့ဘာလိတာ။ 18ငါးအီပြန်ကျိန်းစွူတွို့ ငါးဖာ့ဆောင့် ဒွိုးခါ့ခါ့ကုထွို့ “ဖား၊ ငါးဒွို ဗွယ်ဖရာယောဝ်း ငါးဖာ့ယောဝ်း ပျက်မာဘာလိထွို့။ 19အွယ့်ကြားမဲ့ ငါးဒွို လီထွိုက်တန်ဟနောင် ဟောင့် ငါးဖာ့ဖုနိန်းအွယ့်ဟာ။ ဆက်ဆံဘို့ငါးနောင် စွမ့်စေအပလားငါမထွို့” အီဒေါင့်နိန်းအွယ့်’ အိုကျင်ကျာတာနိန်းအွယ့်။ 20ထွို့မဲ့ ဖုခုပီအွယ့် တထွိုင်ထွို့ ကျိန်းကျိန် အဖာ့ယွမ်ကု။
ဒေါင့်မာလဲ့ ဖုခုပီအွယ့် ထွိုင်တွိုမဘို့မတ့ နောင်ယွမ်ကုခါ့ဟို့ အာဖာ့အွယ့် ထွိုင်သျှီလေ အာဖုခုခါ့ ဟွမ့်သညင်ထန်ယွမ်တွို့။ ဝီးလေကြို ဖုခုပီထွို့ ဖို့ထွို့မဲ့ နူ့လေဟနေ။
21ဖုခုပီအွယ့်လဲ့ ‘ဖား၊ ငါးဒွို ဗွယ်ဖရာယောဝ်း ဖားယောဝ်း ငါးပျက်မာဘာကေ့လိထွို့။ ငါးဒွို လီထွိုက်တန်ဟနောင် ဟောင့် ငါးဖာ့ဖုနိန်းအွယ့်ဟာ။ ဆက်ဆံဘို့ငါးနောင် စွမ့်စေအပလားငါမထွို့’ ဒေါင့်ထန်နိန်းအွယ့်။
22ဒေါင့်မာလဲ့ အာဖာ့အွယ့် ‘လေချွော်မွိုင့်မွိုင့်ကာ ကွမ်လာအခိုစွက်ဖုန်းထွို့ ဖီတို့ဖီကာအာလုဲင်။ ကျွော့်လောင်လဲ့ ဖီကျီ့ဖီကာ ကျွော့်စွူးထွို့ ဖီတွမ်ဖီပါကာ ခင်ဖာလုဲင်။ 23မိုးစီ့လိုကာ ပူဖာ့နန့်ကလွိုင်ထွို့ ဒွိုကာဟန်လုဲင်။ ငါးဖုခု ပြန်ကျိန်းချာဒါ့ အွယ့်ကြားမဲ့ မိုးလိုကာ ပျော်ပွဲစွင်ပွဲဒွို။ 24ကွက်တဟနာမေဒေါင့်ဘာအွယ့် ငါးဖုခုဒွို စစီ့ကေ့လဲ့ ဒွိုးခါ့ပြန်မွမ့်ချာဒါ့လိထွို့၊ စတမာကေ့လဲ့ ဒွိုးခါ့ ပြန်မို့ချာဒါလိထွို့’ ဒေါင့်နိန်းအွယ့်ထွို့ အာကာအွယ့် မိုးလိုကာ တပျော်ပွဲစွင်ပွဲ။
25အွယ့်ခိန်းကု အိုမိုးတမိုးလုဲင်ကုထွို့ အိုပြန်ကျိန်းချာဒါ ဖုခုဒူအွယ့် ထွိုင်ကျိန်းတွို ယွမ်ဆောင့်ကုခါ့ ဟွမ့်ဘာ တချင်ဇျီးဖုန်းနောင် တကျွူဖုန်းဇျီး အွယ့်ကြားမဲ့ 26အာအွယ့် ဟောင့်လေး စွမ်းစေအပလားထွို့ ‘အိုပျန့်လိုကာ တဟနာဖုန်း’ တစီ့လေနိန်းအွယ့်။ 27စွမ်းစေအွယ့်လဲ့ ‘နားပွော်ခုဒွို ပြန်ကျိန်းတွိုချာဒါ့ နောင်အန္တရာယ်ကင်ကင် အွယ့်ကြားမဲ့ နားဖာ့အွယ့် မိုးစီ့ ပူဖာ့နန့်ကလွိုင်ထွို့ အိုမိုး တပျော်ပွဲစွင်ပွဲတို’ ပြန်ဖရေချာဒါ့နိန်းအွယ့်။
28ဒေါင့်မာလဲ့ အွယ့်ခါ့ကု ဖုခုဒူအွယ့် သ့ဒွိုင်ထန်ယွမ်တွို့တာထွို့ နွူးကျိန်းဟ ယွမ်ကု အွယ့်ကြားမဲ့ အာဖာ့အွယ့် ထန်ခူနောင့်ထွို့ ထွိုင်ချာ့နာဖီခါ့ 29ဖုခုဒူအွယ့် ‘ဖား နာငါးဒေါင့်မွန်။ ငါးဒွို မိုးတမိုး ဗွမ့်နောင်ငါးဖာ့စွမ်းစေ နိန်းပေါင်းတျာမားမားထွို့ အိုနာတို ငါးဖာ့ကဒေါင့်ဒါငိုကားကအို။ ဒေါင့်မာလဲ့ ငါးဖာ့ဒွို အီပျော်ကိုနောင် ငါးဖောဝ်းတာ ချိတ်အဘာငါလဲ့ လီဖီဖိုဖိုဟ။ 30ဒေါင့်မာလဲ့ ဖုခုပီဒွိုးပလားဒွို ဖြုန်ကေ့ငါးဖာ့ တကလွိုင်ဥစ္စာဖုန်းနောင် မေဖရေးဖုန်းထွို့ ထွိုင်ပြန်ကျိန်းတွိုချာဒါ့ခါ့ ဖားဒွို မိုးစီ့ပူဖာ့နန့်ထွို့ မိုးဖီနောင် တပျော်ပွဲစွင်ပွဲ အာတာ’ ဒေါင့်ထန်နိန်းအွယ့်။
31အာဖာ့အွယ့်လဲ့ ‘ငါ့ဖုခု၊ နားနုဲင့် အိုကိုတစေစေတိုနောင်ငါး အွယ့်ကြားမဲ့ ငါးကပွိုင်ဆိုင်ဒါ တကလွိုင်ဖုန်းကားကအိုဒွိုလဲ့ ပျန့်တိုနားတာတိုဟနေ။ 32ဒေါင့်မာလဲ့ နားပွော်ခုပီဒွို စစီ့ကေ့လိလဲ့ ဒွိုးခါ့ ပြန်မွမ့်ထန်ချာလိထွို့၊ စတမာကေ့လဲ့ ဒွိုးခါ့ ပြန်မိုးချာဒါ့လိထွို့ အွယ့်ကြားမဲ့ က့ဒွို အိုလူပျော်လိုကာဘာတို’ ဒေါင့်လေနိန်းအွယ့်” မိန့်နိန်းအွယ့်ဟနေ။
Currently Selected:
လုကာ 15: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 15
15
အခန် (၁၅)
ကတာမာဒါ သိုး တတိုက်တွုန်
(မဿဲ ၁၈:၁၂-၁၄)
1အငြီးကု တခွမ်ကျက်စာဖုန်းနောင် အပျက်စရိုက်လီခိုဟစာဖုန်း ကားကအိုအွယ့် အီနာကာ ကိုယ်တော်ယေရှု ဟိုစွမ့်တာတာ တွိုလေးလိုကာ။ 2ဒေါင့်မာလဲ့ ဖာရိရှဲဖုန်းနောင် ကျမ်ဒါဆရာဖုန်းအွယ့် “ပလူးဒွိုးပလားဒွို ပေါင်းဖောဝ်နောင် အပျက်စရိုက်လီခိုဟစာဖုန်းကာဟ အန်ကိုအို့ကိုပါထိုင်နောင် အာကာလုဲင်” ဒင်အပျက်ဝေဖန်လိုကာနိန်းအွယ့်။
3အွယ့်ကြားမဲ့ ကိုယ်တော်အွယ့် မိန့်အာကာနောင် တတိုက်တွုန်အဘာဒွို 4“နားဆောင့် သိုးအို အဘာအယားထွို့မဲ့ သိုးအွယ့်ဟိုကျွိုကု မေတမာကေ့အဘာအွယ့် နားဒွို ဖီကေ့ကေ့ သိုးအန်ချွူ့စီ့ခွူ့ဘာ တကလက်ကုထွို့ အီစကွင် သိုးကတမာဒါအွယ့်ဘာ တွိုတွို့ကမို့ မေဟနောဝ်။ 5မေပြန်မို့ချာခါ့လဲ့ ယိုးသိုးအွယ့်ဘာ ငင်တာလောင်ကု နောင်တဟွမ့်ခိုတဟွမ့်ပျော်ထွို့ 6ကျိန်းချာဒါ့ယွမ်ကုထွို့မဲ့ ပင့်ဖောဝ်နောင် ယွမ်တီးစာဖုန့်ထွို့ ‘ကတမာကေ့ဒါ ငါးသိုးဒီ့ ပြန်မို့ချာဒါလိထွို့ အွယ့်ကြားမဲ့ ဟွမ့်ခိုတွဲ့လိုကာငါးလုဲင်’ အီဒေါင့်နိန်းအွယ့်။ 7ငါးအီဒေါင့်နားက့ဒွို။ နောင်နိန်းအွယ့်အွယ့် လွို့ထိုင် ပလူးအိုလူလ့ဒွမ်း နောင်တသံဝေဂ ပလူးတွို့မှန်စာ အန်ခွူ့စီ့ခွူ့ပလား ပလူးအပျက်စရိုက်လီခိုဟ ကလ့ဒါ နောင်တသံဝေဂစာ အပလားတာ ဝိန်းခမ်းကုကအိုဒါ ဗွယ်ဖရာနောင် လွှော်ဒေဝါဖုန်းဒွို အီပေါင်းဟွမ့်ခိုလွို့လိုကာတိုထိုင်ဟနေ” မိန့်နိန်းအွယ့်။
ကတမာကေ့ဒါကွမ့်ဒင်္ဂါ တတိုက်တွုန်
8ထွို့မဲ့ ကိုယ်တော်အွယ့် မိန့်ဒေါင့်ထိုင်ဒါ့ လူထုပရိသတ်ဖုန်း နောင်တတိုက်တွုန်ဒီ့ “ပမွော်အိုနောင်ကွမ့်ဒင်္ဂါအစီ့ဗီစာ အပလားအွယ့် ကွမ့်ဒင်္ဂါအဗီ မေစတမာကေ့အွယ့် အာဒွို လိမီအိမ်၊ ဝေယွမ်နောင် နဝေထွို့ အီကွင်စေစေချာချာ တွိုတွို့ကမို့ မေဟနောဝ်။ 9မေပြန်ကွင်မို့ခါ့လဲ့ အာဒွို အီဟောင့်ဖောဝ်ဖုန်းနောင် ယွမ်တီးစာဖုန်းထွို့ ‘ကတမာကေ့ဒါ ကွမ့်ဒင်္ဂါဒီ့ ပြန်မို့ချာလိထွို့ အွယ့်မဲ့ ဟွမ့်ခိုတွဲ့လိုကာငါးလုဲင်’ အီဒေါင့်နိန်းအွယ့်။ 10ငါးအီဒေါင့်နားက့ဒွို။ နောင်နိန်းအွယ့်အွယ့်ဟို့ ပလူးအပျက်စရိုက်လီခိုဟ ကလ့ဒါ နောင်တသံဝေဂစာ အပလားတာ ဗွယ်ဖရာနောင် လွှော်ဒေဝါဖုန်းဒွို အီဟွမ့်ခိုလိုကာယွမ်တွို့ဟနေ” မိန့်နိန်းအွယ့်။
ကတမာကေ့ဒါ ဖုခုတတိုက်တွုန်
11ဒါ့အလိုင် ကိုယ်တော်အွယ့် မိန့်ထိုင်ဒါ့နောင် တတိုက်တွုန်ဒီ့ “အလိုင်ကုဒီ့ ပလူးအပလားအွယ့် ဖုခုအိုအန်တငြီ့။ 12အငြီးကု ဖုခုအပီပလားအွယ့် ‘ဖား၊ ပန်ဖီချန်း ငါးကလထွိုက်ဒါ အမွေဖုန်း’ ကျွူ့အဖာ့နိန်းအွယ့်။ အွယ့်ကြားမဲ့ အဖာ့အွယ့် ပန်ဖီဖုခုအန်တငြီ့ အာကပွိုင်ဆိုင်ဒါတာဖုန်း။
13ငီးဟ ဖုခုပီအွယ့် အန်ကားကေ့ အမွေဖုန်းထွို့ ချွော့်ဘီဆန်ဖုန်းထွို့ စစွာ့ထန်ကေ့ ကန်လငါ့ကန်ကု။ အာအွယ့် အိုလိုလေတိုတာထွို့ ဖြုန်ကေ့ကွမ့်ဖုန်း။ 14ထွို့မဲ့ အာကွမ့်ဖုန်းကားကအို ထွိုင်လူးခါ့ ကန်အွယ့်ကန်ကု အိုဝီတအန်တအို့ကပ်တွိုလေး အွယ့်ကြားမဲ့ အာအွယ့်လဲ့ စတွိုလေကေ့ဖဝ အန်ခရာအိုဟ၊ အို့ခရာအိုဟကု။ 15အွယ့်ကြားမဲ့ အာအွယ့် လေးလေ ပလူးအိုအွယ့်ကန်ကုစာ အပလားဆောင့်ထွို့ ထွိုင်ကျွူ့မိုးတမိုးခါ့ ပလူးအွယ့်ပလားအွယ့် အန်ကြွ့လေးအာ လုဲင်ကွင်ကု ဖီကတီဖီအာထို့ဖုန်း။ 16အွယ့်ခါ့ အာအွယ့် တဝီလွမ်တွို့တာ အွယ့်ကြားမဲ့ ထို့ဖုန်းကအန်ဒါစာဖုန်းမသဲ အာအိုဘသာအန်ထန်တွို့လဲ့ လမားလဲ့လီဖီဟ အာတအန်ခရာဖုန်း။
17ကန်စာ့စွက် အာအွယ့် တတူသိဖုန်း ပြန်အိုချာဒါ့ထွို့ ‘တမိုးစာ ငါးဖာ့ယွမ်ကုစာဖုန်းမသဲ တအန်ခရာဖုန်း အိုဟေတန်။ တွိုငါးဒွို အိုဒွိုးကုပါထွို့ တအန်ခရာလီအိုဟထွို့ အိုဝီဘာတာထွို့မဲ့ အီစီ့ဘာလိတာ။ 18ငါးအီပြန်ကျိန်းစွူတွို့ ငါးဖာ့ဆောင့် ဒွိုးခါ့ခါ့ကုထွို့ “ဖား၊ ငါးဒွို ဗွယ်ဖရာယောဝ်း ငါးဖာ့ယောဝ်း ပျက်မာဘာလိထွို့။ 19အွယ့်ကြားမဲ့ ငါးဒွို လီထွိုက်တန်ဟနောင် ဟောင့် ငါးဖာ့ဖုနိန်းအွယ့်ဟာ။ ဆက်ဆံဘို့ငါးနောင် စွမ့်စေအပလားငါမထွို့” အီဒေါင့်နိန်းအွယ့်’ အိုကျင်ကျာတာနိန်းအွယ့်။ 20ထွို့မဲ့ ဖုခုပီအွယ့် တထွိုင်ထွို့ ကျိန်းကျိန် အဖာ့ယွမ်ကု။
ဒေါင့်မာလဲ့ ဖုခုပီအွယ့် ထွိုင်တွိုမဘို့မတ့ နောင်ယွမ်ကုခါ့ဟို့ အာဖာ့အွယ့် ထွိုင်သျှီလေ အာဖုခုခါ့ ဟွမ့်သညင်ထန်ယွမ်တွို့။ ဝီးလေကြို ဖုခုပီထွို့ ဖို့ထွို့မဲ့ နူ့လေဟနေ။
21ဖုခုပီအွယ့်လဲ့ ‘ဖား၊ ငါးဒွို ဗွယ်ဖရာယောဝ်း ဖားယောဝ်း ငါးပျက်မာဘာကေ့လိထွို့။ ငါးဒွို လီထွိုက်တန်ဟနောင် ဟောင့် ငါးဖာ့ဖုနိန်းအွယ့်ဟာ။ ဆက်ဆံဘို့ငါးနောင် စွမ့်စေအပလားငါမထွို့’ ဒေါင့်ထန်နိန်းအွယ့်။
22ဒေါင့်မာလဲ့ အာဖာ့အွယ့် ‘လေချွော်မွိုင့်မွိုင့်ကာ ကွမ်လာအခိုစွက်ဖုန်းထွို့ ဖီတို့ဖီကာအာလုဲင်။ ကျွော့်လောင်လဲ့ ဖီကျီ့ဖီကာ ကျွော့်စွူးထွို့ ဖီတွမ်ဖီပါကာ ခင်ဖာလုဲင်။ 23မိုးစီ့လိုကာ ပူဖာ့နန့်ကလွိုင်ထွို့ ဒွိုကာဟန်လုဲင်။ ငါးဖုခု ပြန်ကျိန်းချာဒါ့ အွယ့်ကြားမဲ့ မိုးလိုကာ ပျော်ပွဲစွင်ပွဲဒွို။ 24ကွက်တဟနာမေဒေါင့်ဘာအွယ့် ငါးဖုခုဒွို စစီ့ကေ့လဲ့ ဒွိုးခါ့ပြန်မွမ့်ချာဒါ့လိထွို့၊ စတမာကေ့လဲ့ ဒွိုးခါ့ ပြန်မို့ချာဒါလိထွို့’ ဒေါင့်နိန်းအွယ့်ထွို့ အာကာအွယ့် မိုးလိုကာ တပျော်ပွဲစွင်ပွဲ။
25အွယ့်ခိန်းကု အိုမိုးတမိုးလုဲင်ကုထွို့ အိုပြန်ကျိန်းချာဒါ ဖုခုဒူအွယ့် ထွိုင်ကျိန်းတွို ယွမ်ဆောင့်ကုခါ့ ဟွမ့်ဘာ တချင်ဇျီးဖုန်းနောင် တကျွူဖုန်းဇျီး အွယ့်ကြားမဲ့ 26အာအွယ့် ဟောင့်လေး စွမ်းစေအပလားထွို့ ‘အိုပျန့်လိုကာ တဟနာဖုန်း’ တစီ့လေနိန်းအွယ့်။ 27စွမ်းစေအွယ့်လဲ့ ‘နားပွော်ခုဒွို ပြန်ကျိန်းတွိုချာဒါ့ နောင်အန္တရာယ်ကင်ကင် အွယ့်ကြားမဲ့ နားဖာ့အွယ့် မိုးစီ့ ပူဖာ့နန့်ကလွိုင်ထွို့ အိုမိုး တပျော်ပွဲစွင်ပွဲတို’ ပြန်ဖရေချာဒါ့နိန်းအွယ့်။
28ဒေါင့်မာလဲ့ အွယ့်ခါ့ကု ဖုခုဒူအွယ့် သ့ဒွိုင်ထန်ယွမ်တွို့တာထွို့ နွူးကျိန်းဟ ယွမ်ကု အွယ့်ကြားမဲ့ အာဖာ့အွယ့် ထန်ခူနောင့်ထွို့ ထွိုင်ချာ့နာဖီခါ့ 29ဖုခုဒူအွယ့် ‘ဖား နာငါးဒေါင့်မွန်။ ငါးဒွို မိုးတမိုး ဗွမ့်နောင်ငါးဖာ့စွမ်းစေ နိန်းပေါင်းတျာမားမားထွို့ အိုနာတို ငါးဖာ့ကဒေါင့်ဒါငိုကားကအို။ ဒေါင့်မာလဲ့ ငါးဖာ့ဒွို အီပျော်ကိုနောင် ငါးဖောဝ်းတာ ချိတ်အဘာငါလဲ့ လီဖီဖိုဖိုဟ။ 30ဒေါင့်မာလဲ့ ဖုခုပီဒွိုးပလားဒွို ဖြုန်ကေ့ငါးဖာ့ တကလွိုင်ဥစ္စာဖုန်းနောင် မေဖရေးဖုန်းထွို့ ထွိုင်ပြန်ကျိန်းတွိုချာဒါ့ခါ့ ဖားဒွို မိုးစီ့ပူဖာ့နန့်ထွို့ မိုးဖီနောင် တပျော်ပွဲစွင်ပွဲ အာတာ’ ဒေါင့်ထန်နိန်းအွယ့်။
31အာဖာ့အွယ့်လဲ့ ‘ငါ့ဖုခု၊ နားနုဲင့် အိုကိုတစေစေတိုနောင်ငါး အွယ့်ကြားမဲ့ ငါးကပွိုင်ဆိုင်ဒါ တကလွိုင်ဖုန်းကားကအိုဒွိုလဲ့ ပျန့်တိုနားတာတိုဟနေ။ 32ဒေါင့်မာလဲ့ နားပွော်ခုပီဒွို စစီ့ကေ့လိလဲ့ ဒွိုးခါ့ ပြန်မွမ့်ထန်ချာလိထွို့၊ စတမာကေ့လဲ့ ဒွိုးခါ့ ပြန်မိုးချာဒါ့လိထွို့ အွယ့်ကြားမဲ့ က့ဒွို အိုလူပျော်လိုကာဘာတို’ ဒေါင့်လေနိန်းအွယ့်” မိန့်နိန်းအွယ့်ဟနေ။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.