Lukka 9
9
Yesu liju Swahaba itinashar
1Fih misho Yesu naadi Swahaba too itinashar lim gidaam ummon, dukur uwo wedi noomon guddrra mee wezzo too ponyesha roho albatal mee ponyesha annas ab ayinu. 2Dukur uwo kelem noomon kee ummon ruwa fih bakaan tee fawti mee kee ummon alim annas mee kabar tee mamlaka tee Rabbana mee ponyesha annas ab ayanin
3Fih jeede ummon ruwa, Yesu amrisha ummon ligo uwo ggi kelem gali, “matta kum arfa sokol yoyote fih safari takkum, sala lasaya tee masi mon, sala bagg, ladi akil zaabu sala gumas taani. 4Kaan itakkum rasul fih meddina mee ajol yoyote karibisha itakkum fih beyy too, geni kum fih beyy dee ladi yom tee tala fih meddina dee. 5Kaan annas tee meddina aba karibisha itakkum, bizzat kum meddina dee. Kaan itakkum ggi tala min meddina dee abnedif kum tura tee meddina min kura takkum. Wedede bijja kun Shahidi nee annas tee meddina gali Rabbana bijja izabu ummon.” 6Inna yaa Swahaba tala min naa dukur ummon ruwa meddina fih meddina alim annas mee kabar tee Rabbana dukur mee ponyesha ayanin fih bakaana kuul.
Sultan Kerode gussu ayinu Yesu.
7Ini yaa Sultan Kerode uwo aba kaan ggi hukkum Bele tee Galilaya uwo asmma killa sokol ab Yesu kaan ggi soh, ini yaa uwo faham maa. Annas taanin kaan ggi kelem gali, uwo yaa Yokana ab gum min meitin. 8Annas taanin kaan ggi wonus fih Yesu gali, “uwo yaa Nebbi Eliya, uwo yaa beenu mara taani”. Dukur taanin kelem, uwo yaa Nebbi taani ab muttu zaaman mee gum aarja fih hayyi. 9Lakin Kerode kelem noo siddu, “uwo maa yaa Yokana! Kalam anaa amrisha askeria tayi kee gata rasu tee Yokana munu yaa ragi ab muttu zaaman mee gum aarja fih hayyi.?”
Yesu akilisha annas elfu kamsaa
(Matthew 14:13-21; Mark 6:30-44; Yokana 6:1-15)
Yesu akilisha annas elfu kamsaa.
10Fih misho wakati mursalin itinashar aarja min safari bakaan Yesu rasul ummon fogo dukur ummon kelem noowo killa sokol ab ummon soh. Dukur Yesu sulu ummon fih meddina ab ggi naadi Besusaida, bakaan ab kaan maa fogo ajol llaa wayyi kalam kee ummon geni naa ummon baara. 11Lakin wakati kom tee annas faham bakaan ab Yesu mee Swahaba too kaan ggi ruwa fogo, ummon kaman ruwa naa, bakaan ummon rasul, Yesu karibisha ummon dukur uwo kabri tee mamlaka tee Rabbana mee ponyesha ummon ab ayanin
12Wakati semsi kaan ggi wagga, Swahaba itinashar dee jaa nee Yesu dukur ummon kelem noo, “siddi, kelem nee annas dee ruwa kalam kee ummon ruwa fih meddina mee karni mee ligo akil mee bakaan tee num kalam inna fih-fih bakaan ab pengele.”
13Lakin Yesu kelem nee ummon gali, “itakkum saadum wedi kum noomon sokol tee akul, ummon kelem noo, inna endis mukati kamsaa mee samaga duga tinen? Ini maa endis akil ab ggi tim mina arfu kaan ini giruwa, biyo ummon kuul.” 14Ummon wonus jeede kalam ummon kaan rujala elfu kamsaa. Lakin Yesu kelem nee Swahaba too, “kee kutu ummon fih kom tee annas kaamsin fih killa kom.” 15Fih jeede Swahaba dee soh jee nammna ab Yesu kelem noomon mee kutu annas dee kuul fih kom. 16Dukur Yesu amsuku mukati kamsaa mee samaga tinen dee, uwo ayinu fih samayi dukur uwo shukur Rabbana fih wedi nee akil. Uwo gata-gata mukati dee mee samaga tinen dee dukur uwo abidu wedi nee Swahaba too tee kesim nee annas. 17Killa wayyi akul milaan jee ummon aju, dukur badda akul Swahaba dee lim akil kuul ab jaa faddul mee kutu fih gufo itinashar.
Pita kelem Yesu yaa Kristo.
18Yom wayyi ligo Yesu kaan ggi womba nee Rabbana mee Swahaba too kaan fih geeri mon bakaan uwo kalas womba uwo asaadu ummon, “Sunu yaa annas kelem anaa yaa munu?” 19Swahaba dee ggibisha, “annas taanin ggi kelem gali itaa Yokana ab batiza uwo ab gum fih hayyi. Lakin taanin ggi kelem gali itaa yaa Nebbi Eliya ab gum mara taani mee taanin ggi kelem gali itaa kum yaa min wayyi fih Nebbiya tee zaaman ab gum.”
20Dukur Yesu asaadu ummon, “Lakin sunu yaa itakkum ggi feker fogo anaa? Sunu yaa itakkum ggi kelem anaa yaa munu?” Pita ggibisha uwo gali, “itaa yaa Kristo ab Rabbana kelem bijja jaa.”
Yesu ggi naaba muttu too mee gum too.
(Matthew 16:20-23; Mark 8:30-33)
21Yesu kelem noomon gali, “matta kum kelem wedede nee ajol yoyote.” 22Dukur uwo kelem ummon, “ggi faa maa anaa, nyereku tee ajol kede azibb uwo zaidi. Wazze, mee kubarina tee diin, mee malima tee sharia ummon bi aba anaa. Annas bijja katul anaa. Lakin fih yom tee talata, Rabbana bi gum anaa min meitin.”
Arfa msalaba takki kee itaa kun Swahaba tayi.
(Matthew 16:24-27; Mark 8:34-38)
23Dukur Yesu kelem nee annas kuul, “kaan wayyi fih itakkum aju faatiya anaa kun Swahaba tayi, itaa endis tee sibbu killa sokol ab itaa aju mee kee itaa arfa msalaba takki fih azibb mee muttu. Dukur fih misho itaa bi kun Swahaba tayi. 24Kalam killa wayyi ab aju ponyesha hayyi too fih duniya, itaa endis tee kosa. Lakin kaan itaa wedi hayyi kalam itaa nigitu jee waranaa, itaa bi endis hayyi ab ggi kalas maa. 25Sunu yaa faida tee soh killa sokol fih duniya lakin itaa maa ligo hayyi ab ggi kalas maa? 26Kaan wayyi min itakkum asmma haaya kalam anaa mee alim tayi, dukur anaa nyereku tee ajol haaya bi soh anaa kalam itaa kaan anaa aarja fih duniya fih hishima tayi mee fih hishima tee Rabbana Babba tayi mee Malaika abnedif.
27Anaa ggi kelem neetaa hakki gali, fih itakkum ab fih ini naare bi muttu maa bila ayinu Mamlaka tee Rabbana.”
Gerru Yesu fih gala.
28Bakaan yom tamaniya tim Yesu kelem kalama dole, uwo ruwa mee Pita, Yokana mee Jemusi fih gala fih womba.
29Ligo Yesu kaan ggi womba, lown too mee gumasa too geru, abidu waala-waala jee. 30Dukur rujala tinen beenu ligo ummon ggi wonus mee Yesu ummon kaan Nebbiya Musa mee Eliya. 31Swahaba tininde beenu ligo ummon ggi waala-waala mee hishima dukur ummon wonus mee Yesu fih jaa too, muttu fih meddina tee Jerusalem mee nammna ab uwo ggi mee soh kalama tee Rabbana. 32Ini yaa Pita mee annas ab uwo kaan fih moltumon ummon kaan num. Lakin wakati ummon gum ummon ayinu Yesu ligo ggi waala-waala fih hishima. Dukur ummon kaman ayinu rujala Yesu tinen ab kaan yegif mowo. 33Wakati Musa mee Eliya ligo ummon geeri mee sibbu Yesu, Pita kelem, “siddi, seme kalam inna kuul fih ini. Inna giruwa adul wema talata, wayyi takki, wayyi tee Musa mee taani dee tee Eliya!” Pita wonus dole kalam uwo maa kaan arfu sunu yaa uwo ggi wonus fogo.
34Waakati Pita lissa ggi wonus, subra jaa kati ummon. Swahaba dee jaa kaffu jee nammna ab subra dee kati ummon. 35Dukur ummon asmma sauti tee Rabbana tala fih subra ligo ggi kelem “wedede nyereku tayi. Asmma kum kalam ab uwo bi kelem nee itakkum mee leyin noowo.” 36Badda Yesu kalas wonus, Swahaba dee ayinu Yesu baara. Dukur Swahaba dee faddul ligo ummon askutu fih killa sokol ab sowo fih gala. Ummon maa kelem nee ajol yoyote sokolin ab seme mudda towwhil.
Yesu ponyesha nyereku yowele ab kaan endis roho albatal.
37Wakati Yesu mee Swahaba too tala min gala fih yom tee tinen, kom kebir tee annas kaan ggi sitenu uwo. 38Dukur fih gwaam ragi wayyi min annas dee naadi Yesu ligo oggi kelem gali, “malima anaa ggi womba kee itaa ponyesha nyereku tayi yowele kalam uwo yaa nyereku ab anaa endis barraw. 39Roho albatal amsuku uwo mee fih gwaam uwo abidu dugu kelele. Gildu too abidu rugusu mee kofuta ligo ggi tala fih kasma too. Roho albatal dee ggi sowo batal zaidi mee kaman ggi sibbu uwo moo mee kalas min uwo guddrra. 40Anaa naangu Swahaba takki kede turuju roho albatal dee, lakin ummon maa agddear.”
41Bakaan Yesu asmma kalama dee, uwo kelem. “Itakkum annas tee wakati weede, itakkum ab ggi amin maa mee batal itakkum! Anaa bi geni mee itakkum mudda sunu mee subra itakkum ladi meitin.? Dukur uwo kelem nee ragi dee. Jibu nyereku takki ini”.
42Ligo nyereku yowele ggi ruwa nee Yesu, roho albatal dee jadda uwo falaata hizzu-hizzu zaidi mee asuru uwo. Lakin Yesu amrisha roho albatal dee kede taala fih yowele dee. Uwo ponyesha uwo dukur uwo aarja nee Babba too.
43Annas kuul hairru fih guddrra tee Rabbana. Ligo annas kuul lissa hairru fih sokolin ab Yesu soh, uwo kelem nee Swahaba too gali. 44“Itakkum endis tee asmma seme kalama ab anaa ggi kelem nee itakkum, anaa nyereku tee binadum geeri giruwa wedi anaa fih idda tee annas albatal.”
45Lakin Swahaba dee maa jaa faham sunu yaa Yesu kaan ggi fahamisha ligo uwo ggi kelem gali mmana tee kalama dee dusu min ummon yaa ummon maa jaa faham mee ummon kaman kaan kaffu asaadu Yesu kee kelem noomon kalam dee.
Munu yaa kebir?
(Matthew 18:1-5; Mark 9:33-37)
46Dukur Swahaba tee Yesu abidu jurru labil fih badum tomon gali munu yaa kebir fih ummon. 47Lakin Yesu faham sunu yaa ummon kaan ggi feker, yaa uwo jibu nyereku sakar dukur uwo kutu nyereku dee yegif geeri mee ummon. 48Dukur Yesu kelem nee Swahaba too, “killa ajol ab ggi karibisha nyereku fih kalam tayi, uwo karibisha anaa kaman bi karibisha Rabbana ab rasul anaa. Kalam uwo yaa ggi shinda inna, uwo yaa kebir gidaam Rabbana.”
49Dukur Yokana kelem nee Yesu. “Siddi, inna ayinu ajol wayyi ab ggi tummiya asmma takki fih ponyesha roho albatal min annas mee kaman inna jarrib yegif uwo kalam uwo maa kaan wayyi min kom teena.”
50Lakin Yesu kelem noowo, gali, “matta kum yegif annas ab jee uwo kalam killa ajol ab maa ggi dusman itakkum uwo fih-fih safari itakkum.”
Annas tee Samaliya aba Yesu.
51Wakati saa tim tee Yesu sulu uwo fih samayi, uwo ruwa fih meddina tee Jerusalem. 52Orasul mursalin kee ruwa gidaam too. Ummon ruwa fih gala fih Samaliya fih adul ummon fih Yesu mee taanin ladi fileli. 53Lakin bakaan annas tee karni tee Samaliya bakaan ummon faham gali Yesu kaan ggi giruwa fih meddina ab kebir Jerusalem, ummon maa rudu geni mee ummon naa. 54Wakati Swahaba too Jemusi mee Yokana asmma kalam dole, ummon asaadu Yesu ligo ummon ggi kelem gali, “Siddu teena, itaa bi aju inna kee amrisha naari kee tala min samayi tee jaa kalas ummon.” 55Lakin Yesu gerru noomon dukur ummon kelem gali, “itakkum arfu roho ab itakkum endi. 56Nyereku tee ajol maa jaa fih kalas annas lakin uwo jaa fih ponyesha ummon.” Dukur Yesu mee Swahaba too ummon ruwa fih karni taani.
Beeyi tee gum Swahaba tee Yesu.
(Matthew 8:18-28)
57Wakati Yesu mee Swahaba too ligo ummon ruwa fih meddina tee Jerusalem ragi wayyi jaa kelem noowo gali, “anaa bi faatiya itaa mee kun Swahaba takki killa bakaan ab itaa bi ruwa fogo.”
58Yesu kelem noowo, “ghiri endis lufura tee geni fogo mee teeran tee foo endis bakaan num fogo. Lakin anaa nyereku tee ajol anaa endis maa juwa tee num fogo.”
59Dukur Yesu kelem nee ragi dee gali, “taali kee itaa faatiya anaa,” lakin ragi dee ggibisha uwo, “kee anaa ruwa gidaam fih beyy dukur kaan Babba tayi muttu anaa bi dofun uwo gidaam dukur yaa anaa bi faatiya itaa.”
60Lakin Yesu kelem noowo gali, “ummon ab maa ggi leyin nee Rabbana ummon fih jee annas ab muttu, sibbu kum ummon kee dofun noomon meitin tomon lakin itaa ruwa kelem nee annas kuul kabar tee maa mamlaka tee Rabbana.”
61Dukur ajol taani kelem nee Yesu, “siddi, anaa aju faatiya itaa mee Swahaba takki, lakin rudu gidaam anaa kee aarja annas tayi mee soh kaweri noomon.”
62Lakin Yesu kelem noowo, “killa ajol ab ggi amsuku mullodo fih kuruju dukur uwo ayinu wara, uwo maa faa mee mamlaka tee Rabbana. Fih nammna wayyi dee kaan ajol abidu faatiya anaa mee Swahaba tayi dukur sokolin tayi karab ummon uwo bi agddear maa soh sokol tee mmana fih mamlaka tee Rabbana.”
Currently Selected:
Lukka 9: KCN
Highlight
Copy
Compare
Share
Want to have your highlights saved across all your devices? Sign up or sign in
Nubi Bible by Beyond Translation is licensed under Creative Commons Attribution-ShareAlike 4.0 License.
