Lukka 14
14
Yesu ggi ponyesha ragi ab kaan endis ayan tee batnna.
1Yom wayyi tee sabbit, Yesu ruwa fih akul fih beyy tee wayyi min kebir tee Farasin mee annas ab kaan fih naa ayinu uwo tomon. 2Kaan fih ragi ab idda too mee kura too ligo werim. 3Yesu asaadu nas Farasin mee malima tee sharia, “Seyi ggi rudu uwo ponyesha annas fih yom tee sabbit, waala maa ggi rudu noowo?” 4Bakaan ummon ab ggibisha, Yesu dukur kelem nee ragi ab ayan dee dukur uwo ponyesha noowo mee seebu uwo kee ruwa fih beyy.
5Dukur Yesu kelem noomon gali, “kaan wayyi min itakkum endis nyereku waala bagara, dukur fih yom tee sabbit nyereku takki waala bagara takki wagga fih lufura. Itaa maa bi amrugu uwo fih gwaam.” 6Lakin ummon maa jaa ggibisha uwo sokol yoyote fih kalam ab uwo jaa wonus.
Kun mee adabu fih diffaana
7Dukur Yesu ayinu diffaana taanin ab nas Farasin karibisha fih akil tee fileli ligo ummon geni fih bakaana tee hishima fih meza dukur uwo kelem noomon ijamajako wedede. 8“Kaan ajol yoyote bi karibisha itaa fih jooju, maa geni fih bakaan tee hishima yoyote kalam bi kun ajol taani hishima zaidi shinda itaa ab karibisha fih akul akil tee fileli. 9Kaan ajol ab ggi shinda itaa mee hishima jaa, ajol ab karibisha fih akul akil tee fileli bi kelem; Seebu bakaan dee nee ajol dee kee geni fogo bakaan ab itaa geni fogo dukur itaa bi asmma haaya kaan kutu itaa fih bakaan tee hishima tee tey. 10Yaala kaan karibisha itaa fih jooju geni fih bakaan tee annas ab maa endis hishima, yaa kaan ajol ab karibisha fih jooju dee uwo bi kelem nee itaa gali, aku tayi taali geni fih bakaan tee annas ab endis hishima dukur itaa bi kun mee hishima fih diffaana kuul. 11Wu kaman kumbuka kum wedede, Rabbana bijja haaya ajol ab ggi sulu ummon tee foo mee ab ggi sulu tee tey.”
12Dukur yaa Yesu kelem nee Farasin ab karibisha uwo gali, “kaan itaa ggi adul haffla yoyote, matta naadi akwaana takki baara, sabiya, beyy takki, tajirin mee jirana kalam kaan itaa soh jeede, ummon kaman bi lipo itakkum nammna wayyi dee. 13Lakin kaan itaa rakabu akil, naadi annas ab miskiinin, mee annas ab maa agddear ummon, mee balema, mee annas ab amyaanin. 14Kaan itaa bi soh jeede, Rabbana bi wedi neetaa baraka kalam annas ab itaa karibisha dee maa agddear lippa itaa. Rabbana bi jaa lippa itaa fih yom tee misho tee tooru annas too ab addil”
Ijamajako tee jooju alkebir
(Matthew 22:1-14)
15Wakati dee kuul, wayyi min diffaana ab kaan geni mee Yesu fih wezo, “ummon endis baraka annas ab akul fih mamlaka tee Rabbana.”
16Min naa, Yesu dukur kelem noomon gali, “kaan fih naa ragi wayyi ab tayirisha jooju tee guddrra dukur uwo naadi annas milaan. 17Wakati uwo kaala tayirisha killa sokol, uwo naadi labbi too dukur orasul uwo fih naadi annas ab ummon karibisha.
18Killa wayyi abidu kelem sabab ab kutu ummon jaa maa dukur tee awlan kelem, Anaa lissa biyo tura tayi wu anaa kaan endis tee ruwa ayinu too rudu msama tayi.
19Ajol tee tinen dee dukur kelem gali, Lissa yaa anaa biyo bagara tayi ashara tee kuruju anaa kaan endis tee ayinu nammna ab ggi kuruju mowo, sama anaa, wu kee itaa rudu msama tayi.
20Ajol tee talata dee kaman gali, Lissa yaa anaa tala fih jooju arusu, anaa endis tee geni mee mariya tayi, yaala rudu msama tayi.
21Dukur labbi too dee aarja uwo kelem tee siddu too kalama ab ummon kelem, dukur siddu juwa dee ab gelbba harri nee ummon yaa uwo. Kelem, ruwa fih sika kee itaa jibu nas miskiinin, mee balema, mee nas amyaanin fih jooju dee.
22Dukur yaa labbi dee kelem, Siddu tayi, anaa soh jee itaa kelem nee anaa, lakin lissa fih bakaan ab fogo maa annas fih jooju.
23Inna yaa siddu too kelem noowo gali, Ruwa fih sika mee fih sika ab duga kee itaa kelem nee annas ab itaa bi ligo naa kee ummon jaa fih jooju kee juwa tayi amla. 24Anaa ggi kelem nee itakkum gali, annas kuul ab anaa jaa karibisha ummon maa bi akul akil ab anaa tayirisha.”
25Wakati kom milaan tee annas ab kaan ggi faatiya Yesu fih sika ligo uwo ggi ruwa fih meddina tee Jerusalem, uwo agilibu uwo dukur okelem noomon gali.
Sibbu kuul fih faatiya Kristo
26“Kaan ajol yoyote aju faatiya anaa mee kun Swahaba tayi, uwo endis tee aju anaa shinda Babba too, mamma too, aku too yowele, aku too binniya. Mariya too ladi mee hayyi too siddu kaan jeede maa uwo maa agddear kun Swahaba tayi. 27Wu itaa kaan maa agddear arfa msalaba takki fih faatiya anaa, itaa maa agddear kun Swahaba tayi.
28Kaan wayyi min itakkum aju abinu mulongoti, kaan uwo naa geni gidaam falaata kee uwo ayinu sunu yaa aju uwo mee kee uwo ayinu ssente ab uwo endis tee soh kazi tee abinu? 29Kalam kaan uwo maa kalas dukur okoma fih musingi kalam tee ssente, dukur uwo maa kalas abinu, killa ajol ab ayinu abinu dee abidu atakku uwo. 30Ummon bi jaa kelem gali, Ragi weede abidu lakin uwo maa jaa agddear kalas abinu too!
31Fih nammna wayyi dee Sultan kaan giruwa dusman mee Sultan taani uwo maa ggi geni gidaam falaata kee uwo tayirisha kuweesi.? Kaan ogata kaan uwo mee askeria tee elfu ashara kaan agddear shinda Sultan ab endis askeria elfu ishirin? 32Kaan Sultan dee ayinu gali uwo maa agddear shinda Sultan taani dee, dukur uwo bi rasul mursalin nee Sultan taani dee kee kelem uwo gali, Sunu yaa kee inna soh kalam kee inna maa dusman fih badum.”
Miile ab hilu maa endis maa faida
33“Fih nammna wayyi dee, itakkum maa agddear kun Swahaba tayi ladi kaan itakkum bi seebu killa sokol ab itakkum endis.
34Jee nammna ab itakkum arfu, miile tee faida, lakin kaan miile kalas fogo hilu too sunu yaa bi aarja hila. 35Mee weede maa endis faida kaala mina arfu jadda uwo nee annas kee masi fogo, feker kum fih kalama ab itakkum asmma.”
Currently Selected:
Lukka 14: KCN
Highlight
Copy
Compare
Share
Want to have your highlights saved across all your devices? Sign up or sign in
Nubi Bible by Beyond Translation is licensed under Creative Commons Attribution-ShareAlike 4.0 License.
