Luke 7
7
Jesus ọkọk mme owu udọñọ ọnyuñ ekpep mkpo ke esiin Galilee
1Ke Jesus ama akakura kpukpru ukpep mkpo nsie, E-suhọre ma mme mbed nsie aka ke ebi Capernaum. 2Do ke Capernaum, Eyin ufọk Centurion (akwa owu ekọñ Rome) Kied ama odu emi e-made eti-eti, Owu oro ọdọñọ tutu ekpere ndikpa. 3K'ini emi Centurion (akwa owu ekọñ Rome) Ekipde abaña Jesus, E-dọñ mbi-owu mme Jew ekebeñe-e ete, “mbọk dinam udọñọ akura eyin ufọk inh.” 4K'ini mmo ekudde Jesus, Mmo ekpe-e ubọk adiñwam akwa owu ekọñ Rome oro. Mmo ete, “owu eke edid nte ofo akpañwamde.” 5“Koro e-nyenede ima ono ebi nnyin, Ọkọnyuñ abupde itie ubọñ akam mme Jew ono nnyin.” 6Ndin Jesus asaña ma mmo aka, Edi kini e-kperede ufọk Centurion (akwa owu ekọñ Rome), E-dọñ mm'ufan nsie edidọhọ-e ete, “Oboñ, Mbọk kukpa idem ndidi ufọk inh, Koro mmendidke ofo ndidi ufọk inh.” 7“Mmodo ami k'idem mmi ndidke ndidi mbine fin, Edi tiñ sukhọ iko ndin owu mmi iyekip nsọñ-idem.” 8“Koro ami k'idem mmi ndu k'idak ukara mfen, Mmenyuñ nyene mbin edude k'idak ukara mmi.” Ndọhọ owu emi nte “ka ko, E-ka,” Ndọhọ owu mfen nte, “di mi” Ndin e-di. Ndọhọ owu mfen nte, “Nam utim eke, E-nam.” 9Ke adañami Jesus ekipde se akwa owu ekọñ Rome atiñde, Idem akpa-e eti-eti, Ndin e-wọñọde esie otu owu ete, “ntiñ akpaniko nno mmufo, Akanam ñkwe uto akamba mbuọdidem emi ke otu ndito Israel!” 10Ndin K'ini mm'isuñ oro efiakde enyoñ ufọk, Mmo ekekud eyin utim akwa owu ekọñ Rome ma nsọñ-idem.
Jesus anam eyin ebekpa ke Nain esed ke mkpa
11Ke eyi ama ekesiere, Jesus aka ke ebi emi ekuudde Nain. Mme mbed nsie ma akwa otu owu ekiene-e. 12Nte Jesus asañade ekpere inua etip ebi, E-kud mm'owu nte emende okpu owu ewọrọ k'ebi eka ndibuuk, Owu emi edi nkukura eyin ebekpa oro. 13K'ini Oboñ Jesus okudde nwan oro, E-nyene mbọm abaña-e, Ọnyuñ ọdọhọ-e, Ete, “kutua!” 14Ndin Jesus asaña ekpere ekebe ọnyuñ ọtuk, Ndin mme ebim ekebe etuak eda. Jesus ete, “akparawa, Ndọhọ fin, Daha ke enyoñ.” 15Kpak idahado, Akparawa oro adaha ke enyoñ ete-tie, Otoño nditiñ iko. Ndin Jesus ayak-e ono eka nsie. 16K'ini otu owu ekudde se Jesus anamde, Ndik anam mmo. Mmo eture Abasi, Ete, “akwa prophet edi k'otu nnyin, Abasi edi ndinwam nnyin, Mbin nsie!” 17Ndin etip Jesus asuana ke esiin Judea ma nkan nkuk nsie.
John ọduọk mmoñ ọdọñ mme isuñ utim ono Jesus
18Nte John ọsuk odude k'ufọk mkpọkọbi, Mme mbed nsie emen kpukpru mkpo emi Jesus akanamde etiñ eno-e. 19Ndin John esi mbed nsie iba ọdọñ ete ekebup Jesus ete, “ndi ofo edi emi Abasi okonwoñode ete iyedi, Mme nnyin idiri anyin k'owu mfen?” 20Edi kini mme mbed oro esimde Jesus, Mmo ete-e, John ọduọk owu mmoñ ọdọñ nnyin utim ono fin ete ibup fin, “ndi ofo edi Christ emi Abasi okonwoñode ete iyedi, Mme nnyin idiri anyin k'owu mfen?” 21K'ukem ini oro, Jesus anam udọñọ akura adiwak owu ọnyuñ anam ndedehe spirit ọwọrọ mm'owu k'idem, Anam mme nnan ekud usuñ. 22Ndin Jesus oboro mme mbed John ete, “ika ikatiñ ino John se mmufo ikudde inyuñ ikipde, Ite: Mme nnan ekud usuñ, Mme mbuñọ esaña, Mbin akpa-mfia esana, Inan ekip iko, Mme akpa mkpa esed, Enyuñ ekwọrọ eti mbuk eno mme ubuene.” 23“Inyuñ idọhọ-e ite, Ke afafan ono owu eke minyeneke eyikhe ibaña min.” 24Edi kini mme isuñ utim John enyoñode, Jesus otoño ndibup mme mbed nsie ete, “mmufo ikenwoño ika ndisie nse k'itie emi owu miduñke? Ndi nyanyaña eke efim enyeñede? K'akpaniko idighe!” 25“Ntra, Edieke midighe oro, Nse ke mmufo ikaka ndisie? Ndi owu emi esinede ediye ọfọñ-idem? K'akpan idighe! Koro mmomi esinede nsọñ urua ọfọñ-idem enyuñ ediade inem eduñọ k'ufọk mboñ.” 26“Edi ikewoño ika ndisie nse? Ndi prophet? Ih, K'akpaniko ke ndọhọ, John ekpin akan prophet.”
27“Koro John edi isuñ emi prophet Isaiah ekewedde abaña k'ayan ini emi ekebede, Ete,
Abasi ọkọdọhọ Christ ete, Nyedọñ isuñ inh ebem fin isi emi idiọñde usuñ ino fin.”
28“Ndọhọ mmufo nte, K'otu mmomi iban emande, Ikwe owu emi ekpinde akan John, Edi mkpri nkan ke ebi uboñ Abasi ekpin akan-e.” 29Ndin k'ini kpukpru mbin ebi ma mme obo utime ekipde se Jesus atiñde, Mmo edọhọ ete, Abasi enen, Siak mmo ekebode uduọk mmoñ k'ubọk John. 30Edi mme Pharisee ma mme ekpep ibed mme Jew emi mikenimke uduọk mmoñ k'ubọk nsie enam uduak Abasi k'idem mmo ọkpu. 31Ndin Oboñ Jesus ete, “nse ke nda ndime ma mbin emana emi ma nte mmo etiede?” 32“Mmo ebid mkpri nditọwọñ emi etiede ke anwa urua ebra mbra.” Mbin eken ete,
“Imefiri ifiim ino mmufo edi mufo inekke unek,
Inyuñ ikwọ ikwọ mkpa ino mmufo edi mmufo ituaha eyid!”
33“Mmufo itie nte mkpri ntọñwọñ oro, Koro k'ini John ọduọk owu mmoñ ekedide ebine mmufo, Ikidiaha ati udia inyuñ inwoñke mmin. Edi mmufo idọhọ ite ke e-nyene ndedehe spirit.” 34“K'ukem usuñ oro, Ami, Eyin owu ndi, Ndia ati udia nnyuñ nwoñ mmin nte mbin mfen, Ndin mmufo ite, Owu eke adia udia ọnyuñ onwoñ mmin ebe. E-nam ufan ma mme obo utime ma mm'idiọk owu.” 35“Edi kpukpru ndito eti ibud ewud ete, K'iko Abasi enen.”
Efen eno nwan emi anamde idiọk
36Usen kied, Simon owu pharisee, Okuud Jesus ete edidia udia k'ufọk imo, E-nyuñ awaha ufọk owu pharisee oro ọnyuñ ọsuhọde etie k'itie udia ma mmo adia mkpo. 37Ndin sese nwan kied odu ke ebi oro emi edide anam use, K'ini e-nyenede ifiọk ete ke Jesus mmodo etie k'itie udia k'ufọk owu pharisee oro, E-da ufuọñ-mkpo ke otu alabaster edi, 38Ada Jesus edem-edem ke ukid, Atua eyid, Ndin mmoñ eyid nsie ebid Jesus ukid, E-nyuñ ada ided ibud nsie ekwehede Jesus ukid, Atim ukid nsie inua ọnyuñ ada ufuọñ-mkpo eyed-e k'ukid. 39Ndin kini owu pharisee oro ekekuudde Jesus udia ke ufọk nsie ekudde s'itibede do, E-dọhọ k'esid nsie ete, “edieke owu eke ekpedide Prophet, Ikpidiọño s'uto owu nwan emi edide ma uto idiọk mkpo emi e-namde.” 40Ndin Jesus oboro-e ete, “Simon, Mmenyene mkpo nditiñ nno fin.” “E-te, Andikpep, Tiñ.” 41Jesus ọdọhọ-e ete, “ọbuọd ebuọd ekenyene owu isọn iba. Kied akama ọkuk utim usen ikie itin, Eken akama ọkuk utim usen aba ma dup.” 42“Siak mmo minyeneke se edade esi isọn, Owu ebuọd oro efen eno mmo k'isọn mmo. K'otu mmo mbi-mba, Owu efe ima-e ikan?” 43Simon oboro Jesus ete, “nkere nte ke owu emi isọn nsie ekekpinde akan siak efen eno owu oro,” Jesus ete-e, “amatim oboro afan.” 44Ndin Jesus ọnwọñọde anyin esie nwan oro, Ọnyuñ ọdọhọ Simon ete, “omokud nwan eke, Nkọdukde ke ufọk mfo ukunoho min mmoñ nyere ukid, Edi e-da mmoñ eyid nsie eyed nin ukid ọnyuñ ada ided ibud nsie ekwehede min ukid ndiwud ukpine.” 45“Ofo utimke min inua edi toño nte e-kọduk edi, Itreke nditim min inua ndiwud ukpine.” 46“Ofo ukukpine ke min ke ndiyed nin arin k'ibud, Edi e-da nsọñ urua ufuọñ-mkpo eyed nin k'ukid.” 47“Mmodo ndọhọ fin nte, Efen eno adiwak idiọk mkpo nsie, Koro ima nsie ekpin. Edi owu eke efende-e asi-sid inyeneke akpan ima.” 48Ndin Jesus ọdọhọ nwan oro ete, “nwan, Efen eno fin ke kpukpru idiọk mkpo emi akanamde.” 49Edi mbin emi etiede ma-e k'itie udia etoño ndidọhọ ke esid mmo ete, “Owu eke ekere k'edi nsuto owu? E-wud idem nte ke e-nyene odudu ndidọhọ efen eno fin ke mm'idiọk mkpo emi edide Abasi ikpoñ ekeme ndinam.” 50Ndin Jesus ọdọhọ nwan oro ete, “mbuọdidem mfo anyiaña fin, Nyoñ k'odu ke emem ma Abasi.”
Currently Selected:
Luke 7: ITW
Highlight
Share
Copy
Want to have your highlights saved across all your devices? Sign up or sign in
Ito Bible by Beyond Translation is licensed under Creative Commons Attribution-ShareAlike 4.0 License.
Luke 7
7
Jesus ọkọk mme owu udọñọ ọnyuñ ekpep mkpo ke esiin Galilee
1Ke Jesus ama akakura kpukpru ukpep mkpo nsie, E-suhọre ma mme mbed nsie aka ke ebi Capernaum. 2Do ke Capernaum, Eyin ufọk Centurion (akwa owu ekọñ Rome) Kied ama odu emi e-made eti-eti, Owu oro ọdọñọ tutu ekpere ndikpa. 3K'ini emi Centurion (akwa owu ekọñ Rome) Ekipde abaña Jesus, E-dọñ mbi-owu mme Jew ekebeñe-e ete, “mbọk dinam udọñọ akura eyin ufọk inh.” 4K'ini mmo ekudde Jesus, Mmo ekpe-e ubọk adiñwam akwa owu ekọñ Rome oro. Mmo ete, “owu eke edid nte ofo akpañwamde.” 5“Koro e-nyenede ima ono ebi nnyin, Ọkọnyuñ abupde itie ubọñ akam mme Jew ono nnyin.” 6Ndin Jesus asaña ma mmo aka, Edi kini e-kperede ufọk Centurion (akwa owu ekọñ Rome), E-dọñ mm'ufan nsie edidọhọ-e ete, “Oboñ, Mbọk kukpa idem ndidi ufọk inh, Koro mmendidke ofo ndidi ufọk inh.” 7“Mmodo ami k'idem mmi ndidke ndidi mbine fin, Edi tiñ sukhọ iko ndin owu mmi iyekip nsọñ-idem.” 8“Koro ami k'idem mmi ndu k'idak ukara mfen, Mmenyuñ nyene mbin edude k'idak ukara mmi.” Ndọhọ owu emi nte “ka ko, E-ka,” Ndọhọ owu mfen nte, “di mi” Ndin e-di. Ndọhọ owu mfen nte, “Nam utim eke, E-nam.” 9Ke adañami Jesus ekipde se akwa owu ekọñ Rome atiñde, Idem akpa-e eti-eti, Ndin e-wọñọde esie otu owu ete, “ntiñ akpaniko nno mmufo, Akanam ñkwe uto akamba mbuọdidem emi ke otu ndito Israel!” 10Ndin K'ini mm'isuñ oro efiakde enyoñ ufọk, Mmo ekekud eyin utim akwa owu ekọñ Rome ma nsọñ-idem.
Jesus anam eyin ebekpa ke Nain esed ke mkpa
11Ke eyi ama ekesiere, Jesus aka ke ebi emi ekuudde Nain. Mme mbed nsie ma akwa otu owu ekiene-e. 12Nte Jesus asañade ekpere inua etip ebi, E-kud mm'owu nte emende okpu owu ewọrọ k'ebi eka ndibuuk, Owu emi edi nkukura eyin ebekpa oro. 13K'ini Oboñ Jesus okudde nwan oro, E-nyene mbọm abaña-e, Ọnyuñ ọdọhọ-e, Ete, “kutua!” 14Ndin Jesus asaña ekpere ekebe ọnyuñ ọtuk, Ndin mme ebim ekebe etuak eda. Jesus ete, “akparawa, Ndọhọ fin, Daha ke enyoñ.” 15Kpak idahado, Akparawa oro adaha ke enyoñ ete-tie, Otoño nditiñ iko. Ndin Jesus ayak-e ono eka nsie. 16K'ini otu owu ekudde se Jesus anamde, Ndik anam mmo. Mmo eture Abasi, Ete, “akwa prophet edi k'otu nnyin, Abasi edi ndinwam nnyin, Mbin nsie!” 17Ndin etip Jesus asuana ke esiin Judea ma nkan nkuk nsie.
John ọduọk mmoñ ọdọñ mme isuñ utim ono Jesus
18Nte John ọsuk odude k'ufọk mkpọkọbi, Mme mbed nsie emen kpukpru mkpo emi Jesus akanamde etiñ eno-e. 19Ndin John esi mbed nsie iba ọdọñ ete ekebup Jesus ete, “ndi ofo edi emi Abasi okonwoñode ete iyedi, Mme nnyin idiri anyin k'owu mfen?” 20Edi kini mme mbed oro esimde Jesus, Mmo ete-e, John ọduọk owu mmoñ ọdọñ nnyin utim ono fin ete ibup fin, “ndi ofo edi Christ emi Abasi okonwoñode ete iyedi, Mme nnyin idiri anyin k'owu mfen?” 21K'ukem ini oro, Jesus anam udọñọ akura adiwak owu ọnyuñ anam ndedehe spirit ọwọrọ mm'owu k'idem, Anam mme nnan ekud usuñ. 22Ndin Jesus oboro mme mbed John ete, “ika ikatiñ ino John se mmufo ikudde inyuñ ikipde, Ite: Mme nnan ekud usuñ, Mme mbuñọ esaña, Mbin akpa-mfia esana, Inan ekip iko, Mme akpa mkpa esed, Enyuñ ekwọrọ eti mbuk eno mme ubuene.” 23“Inyuñ idọhọ-e ite, Ke afafan ono owu eke minyeneke eyikhe ibaña min.” 24Edi kini mme isuñ utim John enyoñode, Jesus otoño ndibup mme mbed nsie ete, “mmufo ikenwoño ika ndisie nse k'itie emi owu miduñke? Ndi nyanyaña eke efim enyeñede? K'akpaniko idighe!” 25“Ntra, Edieke midighe oro, Nse ke mmufo ikaka ndisie? Ndi owu emi esinede ediye ọfọñ-idem? K'akpan idighe! Koro mmomi esinede nsọñ urua ọfọñ-idem enyuñ ediade inem eduñọ k'ufọk mboñ.” 26“Edi ikewoño ika ndisie nse? Ndi prophet? Ih, K'akpaniko ke ndọhọ, John ekpin akan prophet.”
27“Koro John edi isuñ emi prophet Isaiah ekewedde abaña k'ayan ini emi ekebede, Ete,
Abasi ọkọdọhọ Christ ete, Nyedọñ isuñ inh ebem fin isi emi idiọñde usuñ ino fin.”
28“Ndọhọ mmufo nte, K'otu mmomi iban emande, Ikwe owu emi ekpinde akan John, Edi mkpri nkan ke ebi uboñ Abasi ekpin akan-e.” 29Ndin k'ini kpukpru mbin ebi ma mme obo utime ekipde se Jesus atiñde, Mmo edọhọ ete, Abasi enen, Siak mmo ekebode uduọk mmoñ k'ubọk John. 30Edi mme Pharisee ma mme ekpep ibed mme Jew emi mikenimke uduọk mmoñ k'ubọk nsie enam uduak Abasi k'idem mmo ọkpu. 31Ndin Oboñ Jesus ete, “nse ke nda ndime ma mbin emana emi ma nte mmo etiede?” 32“Mmo ebid mkpri nditọwọñ emi etiede ke anwa urua ebra mbra.” Mbin eken ete,
“Imefiri ifiim ino mmufo edi mufo inekke unek,
Inyuñ ikwọ ikwọ mkpa ino mmufo edi mmufo ituaha eyid!”
33“Mmufo itie nte mkpri ntọñwọñ oro, Koro k'ini John ọduọk owu mmoñ ekedide ebine mmufo, Ikidiaha ati udia inyuñ inwoñke mmin. Edi mmufo idọhọ ite ke e-nyene ndedehe spirit.” 34“K'ukem usuñ oro, Ami, Eyin owu ndi, Ndia ati udia nnyuñ nwoñ mmin nte mbin mfen, Ndin mmufo ite, Owu eke adia udia ọnyuñ onwoñ mmin ebe. E-nam ufan ma mme obo utime ma mm'idiọk owu.” 35“Edi kpukpru ndito eti ibud ewud ete, K'iko Abasi enen.”
Efen eno nwan emi anamde idiọk
36Usen kied, Simon owu pharisee, Okuud Jesus ete edidia udia k'ufọk imo, E-nyuñ awaha ufọk owu pharisee oro ọnyuñ ọsuhọde etie k'itie udia ma mmo adia mkpo. 37Ndin sese nwan kied odu ke ebi oro emi edide anam use, K'ini e-nyenede ifiọk ete ke Jesus mmodo etie k'itie udia k'ufọk owu pharisee oro, E-da ufuọñ-mkpo ke otu alabaster edi, 38Ada Jesus edem-edem ke ukid, Atua eyid, Ndin mmoñ eyid nsie ebid Jesus ukid, E-nyuñ ada ided ibud nsie ekwehede Jesus ukid, Atim ukid nsie inua ọnyuñ ada ufuọñ-mkpo eyed-e k'ukid. 39Ndin kini owu pharisee oro ekekuudde Jesus udia ke ufọk nsie ekudde s'itibede do, E-dọhọ k'esid nsie ete, “edieke owu eke ekpedide Prophet, Ikpidiọño s'uto owu nwan emi edide ma uto idiọk mkpo emi e-namde.” 40Ndin Jesus oboro-e ete, “Simon, Mmenyene mkpo nditiñ nno fin.” “E-te, Andikpep, Tiñ.” 41Jesus ọdọhọ-e ete, “ọbuọd ebuọd ekenyene owu isọn iba. Kied akama ọkuk utim usen ikie itin, Eken akama ọkuk utim usen aba ma dup.” 42“Siak mmo minyeneke se edade esi isọn, Owu ebuọd oro efen eno mmo k'isọn mmo. K'otu mmo mbi-mba, Owu efe ima-e ikan?” 43Simon oboro Jesus ete, “nkere nte ke owu emi isọn nsie ekekpinde akan siak efen eno owu oro,” Jesus ete-e, “amatim oboro afan.” 44Ndin Jesus ọnwọñọde anyin esie nwan oro, Ọnyuñ ọdọhọ Simon ete, “omokud nwan eke, Nkọdukde ke ufọk mfo ukunoho min mmoñ nyere ukid, Edi e-da mmoñ eyid nsie eyed nin ukid ọnyuñ ada ided ibud nsie ekwehede min ukid ndiwud ukpine.” 45“Ofo utimke min inua edi toño nte e-kọduk edi, Itreke nditim min inua ndiwud ukpine.” 46“Ofo ukukpine ke min ke ndiyed nin arin k'ibud, Edi e-da nsọñ urua ufuọñ-mkpo eyed nin k'ukid.” 47“Mmodo ndọhọ fin nte, Efen eno adiwak idiọk mkpo nsie, Koro ima nsie ekpin. Edi owu eke efende-e asi-sid inyeneke akpan ima.” 48Ndin Jesus ọdọhọ nwan oro ete, “nwan, Efen eno fin ke kpukpru idiọk mkpo emi akanamde.” 49Edi mbin emi etiede ma-e k'itie udia etoño ndidọhọ ke esid mmo ete, “Owu eke ekere k'edi nsuto owu? E-wud idem nte ke e-nyene odudu ndidọhọ efen eno fin ke mm'idiọk mkpo emi edide Abasi ikpoñ ekeme ndinam.” 50Ndin Jesus ọdọhọ nwan oro ete, “mbuọdidem mfo anyiaña fin, Nyoñ k'odu ke emem ma Abasi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ito Bible by Beyond Translation is licensed under Creative Commons Attribution-ShareAlike 4.0 License.