Luke 6
6
Jesus Edi Oboñ Usen Nduọk Odudu Mme Jew
1Ekem k'usen nduọk odudu mme Jew kied, Jesus asaña ebe k'inwoñ ibekpid, Ndin mme mbed nsie ekibi ibekpid enyiaña k'ubọk eta. 2Usuk mbin Pharisee ebup mmo ete, “nsinam mmufo inamde uto mkpo emi k'usen nduọk odudu mme Jew?” 3Edi Jesus oboro mmo ete, “nte mmufo ikekuudke ke ñwed Abasi se Edidem David akanamde kini emi biọñ ọkọdọñde-e ma mmomi ekedude ma-e?” 4“Nte e-kedukde ufọk Abasi emen uyi isi Abasi ata, Ọnyuñ ono mbin emi ekedude ma-e, Uyi eke ewuhọ Moses akpande owu mfen ndita k'eside efep mme oku Abasi.” 5Jesus etre nneme nsie ke ndidọhọ ete, “Ami, Eyin owu mmenyene odudu ndibiere se anade nte owu anam ma se minaña nte owu anam k'usen nduọk odudu mme Jew.”
Edikọk udọñọ k'usen nduọk odudu mme Jew
6Edikem k'usen nduọk odudu mme Jew mfen, Jesus ọduk k'itie ubọñ akam mme Jew ekpep otu owu mkpo. Ndin owu kied ama odu emi ọkọdọñọde akpa-uben. 7Edi mme ekpep ibed ma mme pharisee ekpeme ndisie me Jesus iyekọk owu oro udọñọ k'usen nduọk odudu mme Jew, Koro mmo ekeyemde se edade ediri-e iko. 8Edi Jesus ọdiọñọ ekikere mmo, Ntra e-dọhọ owu akpa-uben oro ete, “daha ke enyoñ, Wọrọ da k'ufuọd itie ubọñ akam mme Jew!” Owu oro adaha k'enyoñ ọwọrọ ada k'isi kpukpru owu. 9Ekem Jesus ọdọhọ mme Pharisee ma mme ekpep ibed ete, “Mmenyene mbume ndibup mmufo: Nse ke ibed nnyin eyime nnyin inam k'usen nduọk odudu mme Jew? Ndinwam me ndinam owu idiọk? Ndinyiaña uwem owu me ndibiad?” 10Ke Jesus ama akasuan anyin esie mmo kpukpru, E-dọhọ owu oro ete, “nyiana ubọk mfo.” Owu oro anam nte e-dọhọde, Ndin ubọk nsie akabade afan. 11Kini emi mme Pharisee ma mme ekpep ibed ekudde se Jesus anamde, Esid ayad mmo eti-eti. Mmo etoño ndineme k'otu idem mmo se mmo inamde ma Jesus.
Jesus Emek mme Mbed Dupeba
12Ke mme usen oro ama ekebe Jesus ọwọrọ odok ke akamba ebid okodu ikpoñ, Ọbọñ akam ono Abasi. E-da efuri ekineyi ọbọñ akam ono Abasi. 13Ke usiere, E-kud kpukpru mme mbed nsie obok ọnyuñ emek owu dupeba nte mme apostle. 14Enyiñ mme apostle oro ekedi Simon, Emi Jesus eside-e enyiñ Peter, Ma Andrew eyin eka nsie, James, John, Philip ma Batholomew, 15Mathew, Thomas, James eyin Alphaeus ma Simon emi ekuudde Zealot (nsaña utim Abasi). 16Judas eyin James, Ma Judas Iscariot, Emi akatapde Jesus ono mkpa.
Jesus Ọkọk Adiwak Owu Udọñọ
17Kini emi Jesus ma mme mbed nsie esuhọrede ke ebid, Mmo etuak eda k'una isọñ. Do mmo ekud mme mbed nsie eken ma akwa otu owu etude efuri nkan-nkuk Judea, Ma Jerusalem, Ma mben inyañ ebi Tyre ma Sidon. 18Kpukpru mmo ekedi ndikip ukpep mkpo Jesus mbak e-nyuñ ọkọk udọñọ mmo. Mbin emi ndedehe spirit ọtuhọrede enyuñ ekip nsọñ-idem. 19Ndin efuri otu owu oro etime nte mmo ekpọtukde Jesus, Koro odudu ama otu-e k'idem ọwọrọ, Anam udọñọ akura mmo kpukpru.
Edidiọñ
20Ndin Jesus emene anyin esie mme mbed nsie ọnyuñ ọdọhọ mmo ete,
“Afafan ono mmufo ndito ubuene,
Koro ebi uboñ Abasi enyene mmufo.
21Afafan ono mmomi etiede biọñ k'emi,
Koro mmufo iyeyukhọ.
Afafan ono mmufo emi ituade,
Koro mbufo iyasak.
22Afafan ono kpukpru mmufo emi owu isuade inyuñ idiañade nsaña ma mmufo,
Inyuñ isuenede mmufo, Inyuñ isin enyiñ mmufo nte mme idiọk owu ke ntak inh eyin owu.
23Idara eti-eti k'usen oro inyuñ inem esit, Koro utip mmufo mmodo k'enyoñ; Koro mme ete mmo ekenam ntra ma mme prophet.”
Jesus ọdọhọ ọdọdiọk
24“Ọsuk ọdọdiọk ono mmufo mbin inyene koro mmufo imenyene ndọñ-esid mmufo.”
25Ọsuk ọdọdiọk ono mmufo mbin emi iyukhọde k'emi koro mmufo iyetie biọñ,
Ọsuk ọdọdiọk ono mmufo mbin emi
isakde k'emi koro mmufo iyeseme inyuñ itua.
26“Ọsuk ọdọdiọk ono mmufo kini emi owu kied ekededi itiñde eti iko ibaña mmufo koro mme ete mmo ekenam ntra ma mme prophet abiaña.”
Ima mme asua mmufo
27“Edi ndọhọ mmufo emi ikipde iko emi nte, Ima mm'asua mmufo, Inyuñ inam mkpo ino mbin emi esuade mmufo.” 28“Idiọñ kpukpru owu emi esuade mmufo inyuñ ibọñ akam ino mbin emi esuenede mmufo.” 29“Owu iyibi fin ke mfuk nkañ kied wọñọde nkañ eken no-e, Owu inyuñ ibo fin ekura mfo, K'unyuñ utre ndino-e akpri ọfọñ idem mfo nde.” 30“No kpukpru owu emi ebeñede fin mkpo, K'uyuñ ubip aba owu emi okobode fin mkpo ete afiak ono fin.” 31“Nte mmufo iyemde owu anam ma mmufo, Inam ntra ma mbin ewen.” 32“Ndin edieke mmufo inyenede ima ino mbin emi amade mmufo, Nsuto iture ke mmufo inyene? Koro kpak mm'idiọk owu ema mbin emi emade mmo.” 33“Edieke mmufo inamde mkpo ino mbin eke emade mmufo, Nsuto iture k'inyene? Koro kpak mm'idiọk owu enam ntro.” 34“Edieke mmufo inyuñ ibuọdde mbin emi mmufo idiọñọde ke iyafiak ino mmufo, Nsuto iture k'inyene? Koro kpak mm'idiọk owu ebuọd mm'idiọk owu mkpo koro idiri-anyin odu mmo ndifiak mbo kpak nte mmo ekenode.” 35“Edi ima mm'asua mmufo inyuñ inam ufan ino mmo. Ibuọd mmo ọkuk edi ikifiak aba idiri anyin ndibo, Ndin utip mmufo iyekpin ndin mmufo iyekere ndito Abasi Andikoñ nkan, Koro e-fande idu ma mbin emi mminyeneke esid ekọm ma mm'idiọk owu.” 36“Inyene mbọm ibaña owu kpak nte ete mmufo atuade mmufo mbọm.”
Ikusioño owu ndo
37Nte Jesus akade isi ekpep mkpo, E-te, “mmufo ikisioño owu ndo, Mbak owu idisioño mmufo ndo, Ikinyuñ ibim owu iko, Mbak owu idibim mmufo iko. Edieke mmufo ifende ino owu eke eduede, Kpak ke ukem usuñ oro, Efen eno mmufo sukhọ.” 38“Ino, Ke Abasi iyeno mmufo, Iyedime udime eke afande, Emiñde ọsuhọde, Ọnyuñ ọyọhọ ọduọhọ esin mmufo k'ọfọñ. Koro udime eke mmufo idimede ino owu, Kpak ntra k'idime ino mmufo.” 39E-nyuñ ono mmo mbuk ete, “nte nnan ekeme ndida nnan usuñ? Ndi mmo owu iba imiduọhọ iduk obube?” 40“Obo ukpep ikpinke ikan owu emi ekpepde-e mkpo, Edi kpukpru mme obo ukpep iyetie nte andikpep k'itimde ibo ukpep mkpo.” 41“Edi nsinam ofo esiede akpri mbi emi odude ke anyin eyin uso, Edi ukereke akamba ọbukpọk emi odude fin ke anyin?” 42“Unam didie udọhọ eyin uso ete, Yak nsi fin akpri mbi k'anyin k'adañami ofo k'idem mfo mukwe akamba ọbukpọk emi odude fin k'anyin? Ofo owu mbubik, Bem kaña si ọbukpọk k'anyin mfo fep mbak otudo okud usuñ esi akpri mbi k'anyin eyin uso.”
Eda mfri etu ediọñọ etu
43“Koro ukpọk eti etu kied ikemeke ndinwum idiọk mfri, Mbiara etu inyuñ ikemeke ndinwum eti mfri.” 44“Koro owu ọdiọñọ etu kied kied ke mfri nsie, Koro owu itedke fig ke nkukim, Inyuñ itedke grape ke mbara ekpe.” 45“Eti owu osioño s'ifande ke nti mkpo emi e-kenimde ke esid nsie, Idiọk owu ọnyuñ osioño s'idiọkde ke se e-kenimde ke esid nsie, Koro otu ke uyọhọ esid ndin inua atiñ iko.”
Edibup Ufọk ke Enyoñ Itiad
46“Nsinam mmufo ikuudde min Oboñ Oboñ edi minamke se ami ndọhọde?” 47“Owu ekededi eke ekienede min, Ọnyuñ ekipde uyi mmi, Ọnyuñ anam se ndọhọde, Nyewud mmufo uto udud owu emi e-dide.” 48“E-bid owu emi abupde ufọk, Emi etibide isọñ ọtuñọ ọnyuñ ọwuk ukid ufọk k'itiad emi ọsọñde, Ndin k'ini emi ukwọ edide, Udiọñ edim ediberi ufọk oro ọkpọsọñ, Edi ikemeke ndinyek-e koro ema ebup-e nte afande.” 49“Edi owu eke ekipde ndin minamke, Ebid owu eke abupde ufọk nsie ke enyoñ ntan emi itiad midukhọ k'idak ufọk oro, Udiọñ mmoñ idiberi ufọk oro ọkpọsọñ e-duọ, Ndin ñwure ufọk oro ọnyuñ ekpin eti-eti.”
Currently Selected:
Luke 6: ITW
Highlight
Share
Copy
Want to have your highlights saved across all your devices? Sign up or sign in
Ito Bible by Beyond Translation is licensed under Creative Commons Attribution-ShareAlike 4.0 License.
Luke 6
6
Jesus Edi Oboñ Usen Nduọk Odudu Mme Jew
1Ekem k'usen nduọk odudu mme Jew kied, Jesus asaña ebe k'inwoñ ibekpid, Ndin mme mbed nsie ekibi ibekpid enyiaña k'ubọk eta. 2Usuk mbin Pharisee ebup mmo ete, “nsinam mmufo inamde uto mkpo emi k'usen nduọk odudu mme Jew?” 3Edi Jesus oboro mmo ete, “nte mmufo ikekuudke ke ñwed Abasi se Edidem David akanamde kini emi biọñ ọkọdọñde-e ma mmomi ekedude ma-e?” 4“Nte e-kedukde ufọk Abasi emen uyi isi Abasi ata, Ọnyuñ ono mbin emi ekedude ma-e, Uyi eke ewuhọ Moses akpande owu mfen ndita k'eside efep mme oku Abasi.” 5Jesus etre nneme nsie ke ndidọhọ ete, “Ami, Eyin owu mmenyene odudu ndibiere se anade nte owu anam ma se minaña nte owu anam k'usen nduọk odudu mme Jew.”
Edikọk udọñọ k'usen nduọk odudu mme Jew
6Edikem k'usen nduọk odudu mme Jew mfen, Jesus ọduk k'itie ubọñ akam mme Jew ekpep otu owu mkpo. Ndin owu kied ama odu emi ọkọdọñọde akpa-uben. 7Edi mme ekpep ibed ma mme pharisee ekpeme ndisie me Jesus iyekọk owu oro udọñọ k'usen nduọk odudu mme Jew, Koro mmo ekeyemde se edade ediri-e iko. 8Edi Jesus ọdiọñọ ekikere mmo, Ntra e-dọhọ owu akpa-uben oro ete, “daha ke enyoñ, Wọrọ da k'ufuọd itie ubọñ akam mme Jew!” Owu oro adaha k'enyoñ ọwọrọ ada k'isi kpukpru owu. 9Ekem Jesus ọdọhọ mme Pharisee ma mme ekpep ibed ete, “Mmenyene mbume ndibup mmufo: Nse ke ibed nnyin eyime nnyin inam k'usen nduọk odudu mme Jew? Ndinwam me ndinam owu idiọk? Ndinyiaña uwem owu me ndibiad?” 10Ke Jesus ama akasuan anyin esie mmo kpukpru, E-dọhọ owu oro ete, “nyiana ubọk mfo.” Owu oro anam nte e-dọhọde, Ndin ubọk nsie akabade afan. 11Kini emi mme Pharisee ma mme ekpep ibed ekudde se Jesus anamde, Esid ayad mmo eti-eti. Mmo etoño ndineme k'otu idem mmo se mmo inamde ma Jesus.
Jesus Emek mme Mbed Dupeba
12Ke mme usen oro ama ekebe Jesus ọwọrọ odok ke akamba ebid okodu ikpoñ, Ọbọñ akam ono Abasi. E-da efuri ekineyi ọbọñ akam ono Abasi. 13Ke usiere, E-kud kpukpru mme mbed nsie obok ọnyuñ emek owu dupeba nte mme apostle. 14Enyiñ mme apostle oro ekedi Simon, Emi Jesus eside-e enyiñ Peter, Ma Andrew eyin eka nsie, James, John, Philip ma Batholomew, 15Mathew, Thomas, James eyin Alphaeus ma Simon emi ekuudde Zealot (nsaña utim Abasi). 16Judas eyin James, Ma Judas Iscariot, Emi akatapde Jesus ono mkpa.
Jesus Ọkọk Adiwak Owu Udọñọ
17Kini emi Jesus ma mme mbed nsie esuhọrede ke ebid, Mmo etuak eda k'una isọñ. Do mmo ekud mme mbed nsie eken ma akwa otu owu etude efuri nkan-nkuk Judea, Ma Jerusalem, Ma mben inyañ ebi Tyre ma Sidon. 18Kpukpru mmo ekedi ndikip ukpep mkpo Jesus mbak e-nyuñ ọkọk udọñọ mmo. Mbin emi ndedehe spirit ọtuhọrede enyuñ ekip nsọñ-idem. 19Ndin efuri otu owu oro etime nte mmo ekpọtukde Jesus, Koro odudu ama otu-e k'idem ọwọrọ, Anam udọñọ akura mmo kpukpru.
Edidiọñ
20Ndin Jesus emene anyin esie mme mbed nsie ọnyuñ ọdọhọ mmo ete,
“Afafan ono mmufo ndito ubuene,
Koro ebi uboñ Abasi enyene mmufo.
21Afafan ono mmomi etiede biọñ k'emi,
Koro mmufo iyeyukhọ.
Afafan ono mmufo emi ituade,
Koro mbufo iyasak.
22Afafan ono kpukpru mmufo emi owu isuade inyuñ idiañade nsaña ma mmufo,
Inyuñ isuenede mmufo, Inyuñ isin enyiñ mmufo nte mme idiọk owu ke ntak inh eyin owu.
23Idara eti-eti k'usen oro inyuñ inem esit, Koro utip mmufo mmodo k'enyoñ; Koro mme ete mmo ekenam ntra ma mme prophet.”
Jesus ọdọhọ ọdọdiọk
24“Ọsuk ọdọdiọk ono mmufo mbin inyene koro mmufo imenyene ndọñ-esid mmufo.”
25Ọsuk ọdọdiọk ono mmufo mbin emi iyukhọde k'emi koro mmufo iyetie biọñ,
Ọsuk ọdọdiọk ono mmufo mbin emi
isakde k'emi koro mmufo iyeseme inyuñ itua.
26“Ọsuk ọdọdiọk ono mmufo kini emi owu kied ekededi itiñde eti iko ibaña mmufo koro mme ete mmo ekenam ntra ma mme prophet abiaña.”
Ima mme asua mmufo
27“Edi ndọhọ mmufo emi ikipde iko emi nte, Ima mm'asua mmufo, Inyuñ inam mkpo ino mbin emi esuade mmufo.” 28“Idiọñ kpukpru owu emi esuade mmufo inyuñ ibọñ akam ino mbin emi esuenede mmufo.” 29“Owu iyibi fin ke mfuk nkañ kied wọñọde nkañ eken no-e, Owu inyuñ ibo fin ekura mfo, K'unyuñ utre ndino-e akpri ọfọñ idem mfo nde.” 30“No kpukpru owu emi ebeñede fin mkpo, K'uyuñ ubip aba owu emi okobode fin mkpo ete afiak ono fin.” 31“Nte mmufo iyemde owu anam ma mmufo, Inam ntra ma mbin ewen.” 32“Ndin edieke mmufo inyenede ima ino mbin emi amade mmufo, Nsuto iture ke mmufo inyene? Koro kpak mm'idiọk owu ema mbin emi emade mmo.” 33“Edieke mmufo inamde mkpo ino mbin eke emade mmufo, Nsuto iture k'inyene? Koro kpak mm'idiọk owu enam ntro.” 34“Edieke mmufo inyuñ ibuọdde mbin emi mmufo idiọñọde ke iyafiak ino mmufo, Nsuto iture k'inyene? Koro kpak mm'idiọk owu ebuọd mm'idiọk owu mkpo koro idiri-anyin odu mmo ndifiak mbo kpak nte mmo ekenode.” 35“Edi ima mm'asua mmufo inyuñ inam ufan ino mmo. Ibuọd mmo ọkuk edi ikifiak aba idiri anyin ndibo, Ndin utip mmufo iyekpin ndin mmufo iyekere ndito Abasi Andikoñ nkan, Koro e-fande idu ma mbin emi mminyeneke esid ekọm ma mm'idiọk owu.” 36“Inyene mbọm ibaña owu kpak nte ete mmufo atuade mmufo mbọm.”
Ikusioño owu ndo
37Nte Jesus akade isi ekpep mkpo, E-te, “mmufo ikisioño owu ndo, Mbak owu idisioño mmufo ndo, Ikinyuñ ibim owu iko, Mbak owu idibim mmufo iko. Edieke mmufo ifende ino owu eke eduede, Kpak ke ukem usuñ oro, Efen eno mmufo sukhọ.” 38“Ino, Ke Abasi iyeno mmufo, Iyedime udime eke afande, Emiñde ọsuhọde, Ọnyuñ ọyọhọ ọduọhọ esin mmufo k'ọfọñ. Koro udime eke mmufo idimede ino owu, Kpak ntra k'idime ino mmufo.” 39E-nyuñ ono mmo mbuk ete, “nte nnan ekeme ndida nnan usuñ? Ndi mmo owu iba imiduọhọ iduk obube?” 40“Obo ukpep ikpinke ikan owu emi ekpepde-e mkpo, Edi kpukpru mme obo ukpep iyetie nte andikpep k'itimde ibo ukpep mkpo.” 41“Edi nsinam ofo esiede akpri mbi emi odude ke anyin eyin uso, Edi ukereke akamba ọbukpọk emi odude fin ke anyin?” 42“Unam didie udọhọ eyin uso ete, Yak nsi fin akpri mbi k'anyin k'adañami ofo k'idem mfo mukwe akamba ọbukpọk emi odude fin k'anyin? Ofo owu mbubik, Bem kaña si ọbukpọk k'anyin mfo fep mbak otudo okud usuñ esi akpri mbi k'anyin eyin uso.”
Eda mfri etu ediọñọ etu
43“Koro ukpọk eti etu kied ikemeke ndinwum idiọk mfri, Mbiara etu inyuñ ikemeke ndinwum eti mfri.” 44“Koro owu ọdiọñọ etu kied kied ke mfri nsie, Koro owu itedke fig ke nkukim, Inyuñ itedke grape ke mbara ekpe.” 45“Eti owu osioño s'ifande ke nti mkpo emi e-kenimde ke esid nsie, Idiọk owu ọnyuñ osioño s'idiọkde ke se e-kenimde ke esid nsie, Koro otu ke uyọhọ esid ndin inua atiñ iko.”
Edibup Ufọk ke Enyoñ Itiad
46“Nsinam mmufo ikuudde min Oboñ Oboñ edi minamke se ami ndọhọde?” 47“Owu ekededi eke ekienede min, Ọnyuñ ekipde uyi mmi, Ọnyuñ anam se ndọhọde, Nyewud mmufo uto udud owu emi e-dide.” 48“E-bid owu emi abupde ufọk, Emi etibide isọñ ọtuñọ ọnyuñ ọwuk ukid ufọk k'itiad emi ọsọñde, Ndin k'ini emi ukwọ edide, Udiọñ edim ediberi ufọk oro ọkpọsọñ, Edi ikemeke ndinyek-e koro ema ebup-e nte afande.” 49“Edi owu eke ekipde ndin minamke, Ebid owu eke abupde ufọk nsie ke enyoñ ntan emi itiad midukhọ k'idak ufọk oro, Udiọñ mmoñ idiberi ufọk oro ọkpọsọñ e-duọ, Ndin ñwure ufọk oro ọnyuñ ekpin eti-eti.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ito Bible by Beyond Translation is licensed under Creative Commons Attribution-ShareAlike 4.0 License.