Luke 8
8
Mme Mbuk ma se Mmo Ewọrọde
1Ke mkpo emi ama ekebe, Jesus asaña ke ikpo ebi ma mme ebi inwoñ ọkwọrọ ọnyuñ atiñ eti mbuk abañade ebi uboñ Abasi. Mme mbed nsie enyuñ esaña ma-e 2Ndusuk iban emi Jesus akanamde ndedehe spirit ma udọñọ mfen ekpọñ mmo enyuñ esaña ma-e, Kied k'otu mme iban emi ekekere Mary emi otude Magdala, Emi ndedehe spirit itiaba ekenwoñode-e k'idem, 3Ma Joanna nwan Chuza, Akama ukpọhọre Herod, Susanna ma adiwak mbin mfen, Kpukpru mmo enwam Jesus ma mme mbed dupeba ke se mmo enyenede, Ke ndino mmo s'inanade mmo.
Mbuk Asuan Mkpasip
4Usen kied adiwak otu owu etu ke mme ebi enyuñ eda ekanare Jesus. Jesus ada mme mbuk emi ekpep mmo mkpo: 5E-te, Oto inwoñ akaka inwoñ nsie ndito mkpasip. Nte e-suk otode mme mkpasip, Ndusuk mkpasip eduọñọ ke mben okpo usuñ, Ndin mm'owu edighi mmo k'ikpad. Mme inuen enyoñ enyuñ etañ mmo eta. 6Ndusuk mkpasip eduọñọ k'isọñ itiad. Siak mmo minyeneke adiwak mmoñ mbak anam mmo ekọri mfan mfan, Mmo enyieme enyuñ ekpaña. 7Ndusuk mkpasip eduọñọ k'ikọd nkukim, Edi kini mmo etibede, Nkukim abup mmo, Inyuñ iyakke mmo enwum mfri. 8Edi Ndusuk mkpasip eduọñọ ke eti isọñ. Mmo ekọri enyuñ enwum mfri ikikie akan nte oto inwoñ okotode. Ke Jesus ama okono mbuk emi ama, E-firi ke ọkpọsọñ uyi ete, “owu eke enyenede utọñ, Yak ekip ọnyuñ anam.”
Ntak Enode Mbuk
9Ekem mme mbed Jesus ebup-e ete, “mbuk eke inam didie inwana nnyin.” 10Ndin Jesus oboro ete, “eyak eno mbufo ndidiọñọ ndibe mkpo ebi uboñ Abasi, Edi eno mbin eken ndidiọñọ ke mme mbuk, Mbak otudo se ñwed Abasi akatiñde osu, Ete,
Mmo iyekud se nnamde edi,
Imidiọñọke se ọwọrọde.
Mmo iyenyuñ ikip se ntiñde,
Edi, Imiwañake mmo.”
Ndinam Mbuk Asuan Mkpasip Anwaña
11Jesus ọdọhọ mmo ete, “ndinam mbuk eke anwaña mmufo: Mkpasip oro edi Iko Abasi.” 12“Ndusuk mkpasip emi eduọñọde ke okpo usuñ etie nte mmomi ekipde iko Abasi edi satan aditañ iko ke esid mmo efep mbak mmo idinim ke akpaniko inyuñ ibo adinyiaña.”
13“Ndusuk mkpasip emi eduọñọde k'isọñ itiad, Etie nte mmomi ekipde iko Abasi, Mmo enyuñ enim ke akpaniko. Edi mmo iyakke iko oro enyene ọruñ ke esid mmo, Ndin mmo enim ke asisid ini, Edi, Kini idime edide, Mmo eduọ ekpọñ mbuodidem mmo.” 14“Ndusuk mkpasip emi eduọñọde k'ikọd nkukim, Etie nte, Mmomi ekipde iko Abasi, Edi nte ini akade, Mme ekikere uwem ma itọñ inyene anam mmo ikemeke ndisọñọ nda nnyuñ nwum mfri eke afande.” 15“Edi mkpasip emi eduọñọde ke eti isoñ, Etie nte mmomi ekipde iko Abasi enyuñ emumde ekama ke esid akpaniko, Mmo eka isi enim kpukpru se mmo ekipde enyuñ enwum mfri ekese ma ime.”
Mbuk Utuenikañ
16“Owu ndimekied, Kini, Edimede utuenikañ, Idaha abañ ifuk, Inyuñ inimke-e k'idak mkpana, Edi ọwuk-e ke enyoñ uwuk-utuenikañ, Mbak otudo unwana nsie ayiama ono owu ekededi emi ọdukde ufọk oro.” 17“Koro kpukpru mkpo eke edibede iyewọrọ unwana ndin se enamde ke ndibe iyeyiara ke anwa.” 18Ntra, “itim ikpañ utọñ ino se mkpepde. Owu ekededi emi eyemde se mkpepde atim anwaña-e, Abasi iyenam atim anwaña-e akan, Edi mmomi minyemke atim anwaña mmo, Idem akpri oro mmo ediọñọde, Abasi iyebo mmo.”
Eka Jesus ma Ndito Eka Nsie edi Ebine-e
19Usen kied, Nte Jesus ọsuk ekpepde mkpo, Eka nsie ma mkpri ndito eka nsie edi ndikud-e, Edi mmo ikekemeke ndikud-e ke ntak adiwak otu owu. Ndin mmo ikekemeke ndisaña mkpere-e. 20Ekem owu ọdọhọ Jesus ete, Uka ma mkpri ndito uka ko eda k'anwa, Eyem edikud fin. 21Edi Jesus ọdọhọ otu owu ete, Mma mmi ma ndito eka mi edi mmomi ekipde iko Abasi, Enyuñ enim ke akpaniko.
Efim ma udaha-akpa ekip uyi Jesus
22Usen kied, Jesus ọdọhọ mbed nsie dupeba ete, “yak nnyin isaña ibe ika ke edem inyañ Genesaret nkañ oko.” Ndin mmo eduk ubim enyuñ etoño isañ mmo. 23Nte mmo esuk ewadde, Jesus adii-idap. Idahado, Ọkpọsọñ oyobio otoño k'inyañ, Ndin mmoñ ọyọhọ tutu ubim otoño ndisip. 24Ndin mme mbed edemere Jesus enyuñ edọhọ ete, “Oboñ! Oboñ! nyiaña nnyin, Nnyin iditak!” Jesus adaha ke enyoñ asua ono akwa oyobio ma mbufud inyañ ndin mmo edibe, Enyuñ ena suñ. 25Ndin Jesus ọdọhọ mme mbed nsie ete, “nye mbuọd-idem mmufo?” Mme mbed nsie eyọhọ ma ndik idem ọnyuñ akpa mmo. Mmo edọhọ kied eken ete, “Nsuto owu idi emi? E-no oyobio ma mbufud uyi mmo enyuñ ekip uyi nsie.”
Jesus Ebin Ndedehe Spirit Esi Owu K'idem
26Ekem Jesus ma mme mbed nsie ewad ekesim ebi Gerasa emi asakde isi esie esiin Galilee. 27K'ini Jesus ma mme mbed nsie ewọrọde k'ubim edok ebid, E-sube ma owu kied emi ndedehe spirit ama ọkọtuhọre k'anyan ini. Ikesineke ọfọñ k'idem, Inyuñ iduñke k'ufọk, Edi ọduñ k'udi. 28K'ini e-kudde Jesus, E-firi ke ata ọkpọsọñ uyi, Ọnyuñ ọduọ Jesus k'ukid. E-dọhọ ete, “Nsaña nse ma ofo, Jesus eyin Abasi ibim? Mmekpe fin ubọk, Kutuhọre nnyin.” 29Owu oro akatiñ iko emi siak Jesus ekebinde ndedehe Spirit esi-e k'idem. Koro ndedehe spirit esimumde-e adiwak ini, Ndin eda mkpọkọbi ma ebuka ekọbi-e, Mbak etem-e itie kied; Edi e-kibi mkpọkọbi, Ndedehe spirit ọnyuñ ebin-e esin k'itie emi owu miduñke. 30Edi Jesus ebup-e ete, “ofo ekere didie?” E-dọhọ ete, “enyiñ nnyin edi udim ekọñ,” Koro adiwak ndedehe spirit ekedude-e k'idem. 31Ndin mme ndedehe spirit ebeñe Jesus ete, Kubin nnyin usin ke ikañ nsi-nsi. 32Otu adiwak edi edu do, Edia mkpo k'ibud ebid, Ndin mmo ebeñe Jesus ete, Yak mmimo iduk mme edi k'idem, E-nyime ono mmo. Mme ndedehe spirit ewoño k'ati usọp ekeduk mme edi k'idem. 33Ndin ndedehe spirit enyuñ enwoño owu oro k'idem ekọduk mme edi, Ndin otu edi ebumere efeñe esuhọre ke ebedeñ, Eduọñọ k'inyañ ekpaña. 34Edi k'adañami mme obok-edi ekudde s'itibede, Mmo efeñe eka ekebuk mme mkpo emi ke ebi. 35Ndin mbin ebi enyuñ enwoño edi ndisie s'itibede, Mmo edisim Jesus, Enyuñ ekud owu emi mme ndedehe spirit ekenwoñode-e k'idem etiede suñ k'ukid Jesus. Owu oro esine ọfọñ, Ọnyuñ enyene eti ibud. K'ini mmo ekudde mkpo emi, Ndik anam mmo. 36Mmomi ekekudde mkpo ntibe emi, Ebuk eno mbin eken nte Jesus akasañade anyiaña owu emi ndedehe spirit ọkọtukhorede. 37Ndin kpukpru mme andiduñ ke efuri ñkan-nkuk ebi Gerasa ekpe Jesus ubọk ete, “nyoñ kpọñ ebi nnyin,” Koro akwa ndik anamde mmo. Ntra, Jesus ma mme mbed nsie eduk ubim ekpọñ itie oro eka mben inyañ nkañ oko. 38Edi owu emi ndedehe spirit ekenwoñode k'idem ebeñe Jesus ete ayak imo ikiene-e. Edi Jesus anam-e onyoñ ọnyuñ ọdọhọ-e ete, 39“Fiak nyoñ ufọk mfo nyuñ tiñ kpukpru se iketibede ino fin,” Ndin e-nyoñ ọnyuñ akasuan mbuk ikpo mkpo emi Jesus eyin Abasi akanamde ono-e ke efuri ebi.
Anam Akpri Eyin Anwan Afiak Odu Uwem Ọnyuñ Ọkọk Nwan
40K'ini Jesus ma mme mbed nsie efiakde edibehe ke esiin Galilee, Otu owu edara ndikud-e, Koro mmo kpukpru eketiede ebed-e. 41Ndin owu kied emi ekerede Jairus, Emi edide oboñ itie ubọñ akam mme Jew, Ediduọ Jesus k'ukid ekpe-e ubọk ete, “Mbọk di k'ufọk inh,” 42“Nyuñ dikọk eyin nni udọñọ koro ekpere ndikpa.” Eyin oro ekedi mkpo nte isua dupeba. Ndin Jesus enyime ọnyuñ asaña ma-e. Edi nte e-suk asañade aka ufọk Jarius, Otu owu eberi-e. 43Ndin nwan kied amadu k'otu oro emi ọkọdọñọde uwọrọ iyip k'isua dupeba, Okonyuñ abiadde kpukpru se e-kpadade odu uwem ono mbia-ibọk. Edi, Ukpọk mmo owu kied ikekemeke ndinam-e ekip nsọñidem. 44E-kiene Jesus ndibe-ndibe ke edem ọnyuñ ọtuk mben ọfọñ idem nsie, Kpak idahado, Udọñọ uwọrọ iyip etre. 45Ndin Jesus ọdọhọ ete, “nne owu ọtuk inñ?” Edi k'ini kpukpru owu ekañde, Peter ma mmomi edude ma-e edọhọ-e ete, “Oboñ, Otu owu eberi fin enyuñ efik fin, Ndin ofo ete, Ene ọtuk inñ?” 46Ndin Jesus ọdọhọ ete, “Owu ọtuk inñ, Koro odudu ọwọrọde min k'idem.” 47Edi kini nwan oro okudde ete ke Jesus ọdiọñọ owu ọtukde-e, Ntra edi ke nnyek idem ediduọ Jesus k'isi, Ọnyuñ atiñ k'isi kpukpru owu ntak emi e-kọtukde Jesus ma adaña nte udọñọ nsie akurade ini kied. 48Edi Jesus ọdọhọ-e ete, “nwan, Dad esid, Koro mbuọdidem mfo anyiaña fin, Nyoñ ka k'odu ke emem ma Abasi.” 49Nte Jesus ọsuk atiñde iko ma nwan oro, Owu otu ufọk Jairus oboñ itie ubọñ akam mme Jew edidọhọ-e ete, “eyin mfo akpa, Kufina aba Andikpep.” 50Edi k'ini Jesus ekipde se owu oro atiñde, E-dọhọ Jarius ete, “Kufehe ndik, Ka isi nim k'akpaniko ndin eyin mfo iyekip nsọñ-idem.” 51Edi ke adañami Jesus ọdukde ufọk Jairus, E-da Peter, James ma John, Ma ete ma eka eyin-awan oro ikpoñ ọduk k'ubed emi eyin oro anade. 52K'ini mmo edukde ufọk oro, Kpukpru mbin emi ekedude do, Eseme eyuñ etuaña ọkpọsọñ siak eyin emi akpade. Edi Jesus ọdọhọ mmo ete, “ikutua aba koro eyin eke ikpahakpa, Edi, Adadii.” 53K'ini mmo ekipde se Jesus atiñde, Mmo etoño ndisak-e, Siak mmo ediọnọde ke eyin oro ama akpa. 54Edi Jesus asaña ekpere eyin anwan oro ọnyuñ amum-e k'ubọk, Okuud-e ete, “eyin anwan, Daha ke enyoñ.” 55Ndin kpak idahado, Eyin oro afiak odu uwem, Ọnyuñ adaha ke enyoñ ini kied. Ndin Jesus ono ete ma eka nsie uyi ete, “ino-e mkpo adia.” 56Mkpa-idem anam ete ma eka nsie. Edi Jesus ọwuk mmo ete, Ikutiñ se itibede ino ukpọk owu kied.
Currently Selected:
Luke 8: ITW
Highlight
Share
Copy
Want to have your highlights saved across all your devices? Sign up or sign in
Ito Bible by Beyond Translation is licensed under Creative Commons Attribution-ShareAlike 4.0 License.
Luke 8
8
Mme Mbuk ma se Mmo Ewọrọde
1Ke mkpo emi ama ekebe, Jesus asaña ke ikpo ebi ma mme ebi inwoñ ọkwọrọ ọnyuñ atiñ eti mbuk abañade ebi uboñ Abasi. Mme mbed nsie enyuñ esaña ma-e 2Ndusuk iban emi Jesus akanamde ndedehe spirit ma udọñọ mfen ekpọñ mmo enyuñ esaña ma-e, Kied k'otu mme iban emi ekekere Mary emi otude Magdala, Emi ndedehe spirit itiaba ekenwoñode-e k'idem, 3Ma Joanna nwan Chuza, Akama ukpọhọre Herod, Susanna ma adiwak mbin mfen, Kpukpru mmo enwam Jesus ma mme mbed dupeba ke se mmo enyenede, Ke ndino mmo s'inanade mmo.
Mbuk Asuan Mkpasip
4Usen kied adiwak otu owu etu ke mme ebi enyuñ eda ekanare Jesus. Jesus ada mme mbuk emi ekpep mmo mkpo: 5E-te, Oto inwoñ akaka inwoñ nsie ndito mkpasip. Nte e-suk otode mme mkpasip, Ndusuk mkpasip eduọñọ ke mben okpo usuñ, Ndin mm'owu edighi mmo k'ikpad. Mme inuen enyoñ enyuñ etañ mmo eta. 6Ndusuk mkpasip eduọñọ k'isọñ itiad. Siak mmo minyeneke adiwak mmoñ mbak anam mmo ekọri mfan mfan, Mmo enyieme enyuñ ekpaña. 7Ndusuk mkpasip eduọñọ k'ikọd nkukim, Edi kini mmo etibede, Nkukim abup mmo, Inyuñ iyakke mmo enwum mfri. 8Edi Ndusuk mkpasip eduọñọ ke eti isọñ. Mmo ekọri enyuñ enwum mfri ikikie akan nte oto inwoñ okotode. Ke Jesus ama okono mbuk emi ama, E-firi ke ọkpọsọñ uyi ete, “owu eke enyenede utọñ, Yak ekip ọnyuñ anam.”
Ntak Enode Mbuk
9Ekem mme mbed Jesus ebup-e ete, “mbuk eke inam didie inwana nnyin.” 10Ndin Jesus oboro ete, “eyak eno mbufo ndidiọñọ ndibe mkpo ebi uboñ Abasi, Edi eno mbin eken ndidiọñọ ke mme mbuk, Mbak otudo se ñwed Abasi akatiñde osu, Ete,
Mmo iyekud se nnamde edi,
Imidiọñọke se ọwọrọde.
Mmo iyenyuñ ikip se ntiñde,
Edi, Imiwañake mmo.”
Ndinam Mbuk Asuan Mkpasip Anwaña
11Jesus ọdọhọ mmo ete, “ndinam mbuk eke anwaña mmufo: Mkpasip oro edi Iko Abasi.” 12“Ndusuk mkpasip emi eduọñọde ke okpo usuñ etie nte mmomi ekipde iko Abasi edi satan aditañ iko ke esid mmo efep mbak mmo idinim ke akpaniko inyuñ ibo adinyiaña.”
13“Ndusuk mkpasip emi eduọñọde k'isọñ itiad, Etie nte mmomi ekipde iko Abasi, Mmo enyuñ enim ke akpaniko. Edi mmo iyakke iko oro enyene ọruñ ke esid mmo, Ndin mmo enim ke asisid ini, Edi, Kini idime edide, Mmo eduọ ekpọñ mbuodidem mmo.” 14“Ndusuk mkpasip emi eduọñọde k'ikọd nkukim, Etie nte, Mmomi ekipde iko Abasi, Edi nte ini akade, Mme ekikere uwem ma itọñ inyene anam mmo ikemeke ndisọñọ nda nnyuñ nwum mfri eke afande.” 15“Edi mkpasip emi eduọñọde ke eti isoñ, Etie nte mmomi ekipde iko Abasi enyuñ emumde ekama ke esid akpaniko, Mmo eka isi enim kpukpru se mmo ekipde enyuñ enwum mfri ekese ma ime.”
Mbuk Utuenikañ
16“Owu ndimekied, Kini, Edimede utuenikañ, Idaha abañ ifuk, Inyuñ inimke-e k'idak mkpana, Edi ọwuk-e ke enyoñ uwuk-utuenikañ, Mbak otudo unwana nsie ayiama ono owu ekededi emi ọdukde ufọk oro.” 17“Koro kpukpru mkpo eke edibede iyewọrọ unwana ndin se enamde ke ndibe iyeyiara ke anwa.” 18Ntra, “itim ikpañ utọñ ino se mkpepde. Owu ekededi emi eyemde se mkpepde atim anwaña-e, Abasi iyenam atim anwaña-e akan, Edi mmomi minyemke atim anwaña mmo, Idem akpri oro mmo ediọñọde, Abasi iyebo mmo.”
Eka Jesus ma Ndito Eka Nsie edi Ebine-e
19Usen kied, Nte Jesus ọsuk ekpepde mkpo, Eka nsie ma mkpri ndito eka nsie edi ndikud-e, Edi mmo ikekemeke ndikud-e ke ntak adiwak otu owu. Ndin mmo ikekemeke ndisaña mkpere-e. 20Ekem owu ọdọhọ Jesus ete, Uka ma mkpri ndito uka ko eda k'anwa, Eyem edikud fin. 21Edi Jesus ọdọhọ otu owu ete, Mma mmi ma ndito eka mi edi mmomi ekipde iko Abasi, Enyuñ enim ke akpaniko.
Efim ma udaha-akpa ekip uyi Jesus
22Usen kied, Jesus ọdọhọ mbed nsie dupeba ete, “yak nnyin isaña ibe ika ke edem inyañ Genesaret nkañ oko.” Ndin mmo eduk ubim enyuñ etoño isañ mmo. 23Nte mmo esuk ewadde, Jesus adii-idap. Idahado, Ọkpọsọñ oyobio otoño k'inyañ, Ndin mmoñ ọyọhọ tutu ubim otoño ndisip. 24Ndin mme mbed edemere Jesus enyuñ edọhọ ete, “Oboñ! Oboñ! nyiaña nnyin, Nnyin iditak!” Jesus adaha ke enyoñ asua ono akwa oyobio ma mbufud inyañ ndin mmo edibe, Enyuñ ena suñ. 25Ndin Jesus ọdọhọ mme mbed nsie ete, “nye mbuọd-idem mmufo?” Mme mbed nsie eyọhọ ma ndik idem ọnyuñ akpa mmo. Mmo edọhọ kied eken ete, “Nsuto owu idi emi? E-no oyobio ma mbufud uyi mmo enyuñ ekip uyi nsie.”
Jesus Ebin Ndedehe Spirit Esi Owu K'idem
26Ekem Jesus ma mme mbed nsie ewad ekesim ebi Gerasa emi asakde isi esie esiin Galilee. 27K'ini Jesus ma mme mbed nsie ewọrọde k'ubim edok ebid, E-sube ma owu kied emi ndedehe spirit ama ọkọtuhọre k'anyan ini. Ikesineke ọfọñ k'idem, Inyuñ iduñke k'ufọk, Edi ọduñ k'udi. 28K'ini e-kudde Jesus, E-firi ke ata ọkpọsọñ uyi, Ọnyuñ ọduọ Jesus k'ukid. E-dọhọ ete, “Nsaña nse ma ofo, Jesus eyin Abasi ibim? Mmekpe fin ubọk, Kutuhọre nnyin.” 29Owu oro akatiñ iko emi siak Jesus ekebinde ndedehe Spirit esi-e k'idem. Koro ndedehe spirit esimumde-e adiwak ini, Ndin eda mkpọkọbi ma ebuka ekọbi-e, Mbak etem-e itie kied; Edi e-kibi mkpọkọbi, Ndedehe spirit ọnyuñ ebin-e esin k'itie emi owu miduñke. 30Edi Jesus ebup-e ete, “ofo ekere didie?” E-dọhọ ete, “enyiñ nnyin edi udim ekọñ,” Koro adiwak ndedehe spirit ekedude-e k'idem. 31Ndin mme ndedehe spirit ebeñe Jesus ete, Kubin nnyin usin ke ikañ nsi-nsi. 32Otu adiwak edi edu do, Edia mkpo k'ibud ebid, Ndin mmo ebeñe Jesus ete, Yak mmimo iduk mme edi k'idem, E-nyime ono mmo. Mme ndedehe spirit ewoño k'ati usọp ekeduk mme edi k'idem. 33Ndin ndedehe spirit enyuñ enwoño owu oro k'idem ekọduk mme edi, Ndin otu edi ebumere efeñe esuhọre ke ebedeñ, Eduọñọ k'inyañ ekpaña. 34Edi k'adañami mme obok-edi ekudde s'itibede, Mmo efeñe eka ekebuk mme mkpo emi ke ebi. 35Ndin mbin ebi enyuñ enwoño edi ndisie s'itibede, Mmo edisim Jesus, Enyuñ ekud owu emi mme ndedehe spirit ekenwoñode-e k'idem etiede suñ k'ukid Jesus. Owu oro esine ọfọñ, Ọnyuñ enyene eti ibud. K'ini mmo ekudde mkpo emi, Ndik anam mmo. 36Mmomi ekekudde mkpo ntibe emi, Ebuk eno mbin eken nte Jesus akasañade anyiaña owu emi ndedehe spirit ọkọtukhorede. 37Ndin kpukpru mme andiduñ ke efuri ñkan-nkuk ebi Gerasa ekpe Jesus ubọk ete, “nyoñ kpọñ ebi nnyin,” Koro akwa ndik anamde mmo. Ntra, Jesus ma mme mbed nsie eduk ubim ekpọñ itie oro eka mben inyañ nkañ oko. 38Edi owu emi ndedehe spirit ekenwoñode k'idem ebeñe Jesus ete ayak imo ikiene-e. Edi Jesus anam-e onyoñ ọnyuñ ọdọhọ-e ete, 39“Fiak nyoñ ufọk mfo nyuñ tiñ kpukpru se iketibede ino fin,” Ndin e-nyoñ ọnyuñ akasuan mbuk ikpo mkpo emi Jesus eyin Abasi akanamde ono-e ke efuri ebi.
Anam Akpri Eyin Anwan Afiak Odu Uwem Ọnyuñ Ọkọk Nwan
40K'ini Jesus ma mme mbed nsie efiakde edibehe ke esiin Galilee, Otu owu edara ndikud-e, Koro mmo kpukpru eketiede ebed-e. 41Ndin owu kied emi ekerede Jairus, Emi edide oboñ itie ubọñ akam mme Jew, Ediduọ Jesus k'ukid ekpe-e ubọk ete, “Mbọk di k'ufọk inh,” 42“Nyuñ dikọk eyin nni udọñọ koro ekpere ndikpa.” Eyin oro ekedi mkpo nte isua dupeba. Ndin Jesus enyime ọnyuñ asaña ma-e. Edi nte e-suk asañade aka ufọk Jarius, Otu owu eberi-e. 43Ndin nwan kied amadu k'otu oro emi ọkọdọñọde uwọrọ iyip k'isua dupeba, Okonyuñ abiadde kpukpru se e-kpadade odu uwem ono mbia-ibọk. Edi, Ukpọk mmo owu kied ikekemeke ndinam-e ekip nsọñidem. 44E-kiene Jesus ndibe-ndibe ke edem ọnyuñ ọtuk mben ọfọñ idem nsie, Kpak idahado, Udọñọ uwọrọ iyip etre. 45Ndin Jesus ọdọhọ ete, “nne owu ọtuk inñ?” Edi k'ini kpukpru owu ekañde, Peter ma mmomi edude ma-e edọhọ-e ete, “Oboñ, Otu owu eberi fin enyuñ efik fin, Ndin ofo ete, Ene ọtuk inñ?” 46Ndin Jesus ọdọhọ ete, “Owu ọtuk inñ, Koro odudu ọwọrọde min k'idem.” 47Edi kini nwan oro okudde ete ke Jesus ọdiọñọ owu ọtukde-e, Ntra edi ke nnyek idem ediduọ Jesus k'isi, Ọnyuñ atiñ k'isi kpukpru owu ntak emi e-kọtukde Jesus ma adaña nte udọñọ nsie akurade ini kied. 48Edi Jesus ọdọhọ-e ete, “nwan, Dad esid, Koro mbuọdidem mfo anyiaña fin, Nyoñ ka k'odu ke emem ma Abasi.” 49Nte Jesus ọsuk atiñde iko ma nwan oro, Owu otu ufọk Jairus oboñ itie ubọñ akam mme Jew edidọhọ-e ete, “eyin mfo akpa, Kufina aba Andikpep.” 50Edi k'ini Jesus ekipde se owu oro atiñde, E-dọhọ Jarius ete, “Kufehe ndik, Ka isi nim k'akpaniko ndin eyin mfo iyekip nsọñ-idem.” 51Edi ke adañami Jesus ọdukde ufọk Jairus, E-da Peter, James ma John, Ma ete ma eka eyin-awan oro ikpoñ ọduk k'ubed emi eyin oro anade. 52K'ini mmo edukde ufọk oro, Kpukpru mbin emi ekedude do, Eseme eyuñ etuaña ọkpọsọñ siak eyin emi akpade. Edi Jesus ọdọhọ mmo ete, “ikutua aba koro eyin eke ikpahakpa, Edi, Adadii.” 53K'ini mmo ekipde se Jesus atiñde, Mmo etoño ndisak-e, Siak mmo ediọnọde ke eyin oro ama akpa. 54Edi Jesus asaña ekpere eyin anwan oro ọnyuñ amum-e k'ubọk, Okuud-e ete, “eyin anwan, Daha ke enyoñ.” 55Ndin kpak idahado, Eyin oro afiak odu uwem, Ọnyuñ adaha ke enyoñ ini kied. Ndin Jesus ono ete ma eka nsie uyi ete, “ino-e mkpo adia.” 56Mkpa-idem anam ete ma eka nsie. Edi Jesus ọwuk mmo ete, Ikutiñ se itibede ino ukpọk owu kied.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ito Bible by Beyond Translation is licensed under Creative Commons Attribution-ShareAlike 4.0 License.