ລູກາ 13
13
ຄັນເລິ້ຍຕູ້ພະໄຫງ້ຕີ້ອິດພະໄຫງ້ຕະແມ້ຕ້ອງຈິບຫາຍ
1ເຕິເວລາກຼີ ເວິຍມະນະນຸງບ້ອນກຼີ ບອນເລົ່າເຢີພຣະເຢຊູເຈົ້າຫະແງ້ ກະເລິ້ຍເລື່ອງປະຊາຊົນຄາລີເລທີ່ຄຣາຍປີລາດກະເຈຼດ ອິດຮາມຂອງປີດໍປົນນັງປຼອງຖວາຍບູຊາເຢີພຣະເຈົ້າ. 2ພຣະເຢຊູເຈົ້າທະອອຍຈຸມປີດໍຣ້ວຍ,“ຈຸມແປຼຄຶດຣ້ວຍ ປະຊາຊົນຄາລີເລອັນກຼີເກີດກຸ້ຍບາບປູດກວ່າຊາວຄາລີເລຈຸມກະນໍ້ ກະນໍ້ເອີ້ຍມະກຼີ ເພາະຈຸມປີດໍບອນຄຣາຍກະເຈຼດຢ່າງໂຫດຮ້າຍອີກຼີລະ? 3ເລິ້ຍຄຣາຍດອກ ກືອ້າແປຼເອີ້ຍຄູນະຣ້ວຍ ຄັນຈຸມແປຼເລິ້ຍຕູ້ພະໄຫງ້ຕີ້ ອິດພະໄຫງ້ຕະແມ້ ຈຸມແປຼກໍຈະຈິບຫາຍປໍ້້ທຣະເລິຍ. 4ທັງຈຸມສິບແປດນະເຕິສີໂລອາມນຸງນະຄອນເຢຣູຊາເລັມ ທີ່ປ້ອມເຈື່ອນຕະກຼ້ຳກະເຈດກຼີເດ?ຈຸມແປຼກໍຄຶດຣ້ວຍ ຈຸມປີດໍເກີດກຸ້ຍຕະບາບປູດກ່ວາປະຊາຊົນກະນໍ້ ເອີ້ຍມະກຼີເຕິກະລຸງນະຄອນເຢຣູຊາເລັມກຼີເດ? 5ເລິ້ຍຄຣາຍດອກ ກືອ້າຈຸມແປຼຣ້ວຍ ຄັນຈຸມແປຼເອີ້ຍມະກຼີເລິ້ຍຕູ້ພະໄຫງ້ຕີ້ອິດພະໄຫງ້ຕະແມ້ ຈຸມແປຼກໍຈິບຫາຍປໍ້້ທຣະເລິຍ.”
ຄຳອຸປະມາ (ຄາໍປຽບທຽບ) ເລື່ອງຕະໂກລະຫວາ້ເທດ ທີ່ເລີ້ຍເກີດພົນ
6ຢຼ້າຍພຣະເຢຊູເຈົ້າກໍບອນກ່າວຄໍາອຸປະມານໍສູ່ຈຸມແປຼຫະແງ້ຣ້ວຍ, “ນັງເວິຍກຸ້ຍໂກນມະນະ ທີ່ເວິຍຕະໂກລະຫວ້າເທດ,ມູຕະໂກ້ ເຕິສວນອະງຸ່ນຂອງບອມຢຼະ, ດໍປໍ້້ຊູຫລັ້ງກະລາຍລະວ້າເຕິຕະໂກກຼີ ກໍເລິ້ຍບອນທຣຸ້ມກະລາຍເລີຍ. 7ອີກຼີ ດໍຈຶ່ງໂຊລນັງກຸ້ຍຮັກສາສວນຣ້ວຍ, ແນ້ແມ!ແຕ່ຄູກະມໍ້ເກີດເວລາສາມສິບປີເຢີ ທີ່ກືເຕິຊູຫັ້ລງກະລາຍລະຫວ້າເຕິຕະໂກນໍ ແລະກືກໍຈະເລິ້ຍທຣຸ້ມ ຫອມເລີຍ ຈົ່ງເກ້ລດໍຕູ໋ສາ ຈະອິດດໍໂຢນຮົກບິ້ລ້າໆຕະອາໄມ້? 8ແຕ່ກຸ້ຍຮັກສາສວນກຼີທຣະອອຍຣ້ວຍ, ທ່ານເອີຍ ແສ້ຕາ້ດໍ້ປີມະດໍວາຍ ກືຢຼະຈະປິດບິ້ອ້ອມ ແລະເຣິຝຸ່ນຫະຍະ. 9ປີມະກິ້ນ ຄັນດໍເກີດກະລາຍກໍຈະເກີດການອໍປູດ ຄັນເລິ້ຍເກີດກະລາຍ ທ່ານຈົ່ງເກ້ລດໍຕູ໋ສາ.”
ພຣະເຢຊູເຈົ້າຊົງໂຜດປິ່ນປົວ ກັນຫະງ້າງໂກນກົນເຕິຕະງາຍວັນຊະບາໂຕ
10ເຕິຕະງາຍວັນຊະບາໂຕມູຕະງາຍ ພຣະເຢຊູເຈົ້າກຳລັງສັ່ງສອນເຕິກະລຸງທໍາມະສາລາມູແຫ່ງ. 11ເຕິບ້ອນກຼີ ກໍເວິຍກັນມະນະທີ່ຢຼາງເລິ້ຍອໍໂມດຈະ ຕະໂຢນນາງປ່ວຍໂຊເຕິບອນສິບແປດປີເຢີ ນາງເກີດຫະງ້າງໂກນກົນແລະຕະເຢິ່ງຕະເໜິ້ງເລິ້ຍເກີດ. 12ເຢີພຣະເຢຊູເຈົ້າຫອມຈຶ່ງກາວນາງເຕິ ແລະກ່າວຣ້ວຍ, “ນາງເອີຍ ມາຍວິດເກີດພະຍາດໂຣຄາຂອງມາຍເຢີ.” 13ພຣະອົງວາງຕີຫະຄຣາຍນາງ ເຕິທັນມໍ້ກຼີ ນາງກໍຕະເໜິ້ງບອນ ແລະນາງຈຶ່ງກ່າວສັນລະເສີນພຣະເຈົ້າ. 14ແຕ່ຫົວໜ້າທໍາມະສາລາສຳພັດເຄືອງພະໄຫງ້ (ເລິ້ຍຄຣາຍພະໄຫ້ງ) ທີ່ພຣະເຢຊູເຈົ້າຊົງໂຜດຮັກສາໂຢນອໍພະຍາດເຕິຕະງາຍວັນຊະບາໂຕ.ອັນກຼີ ດໍຈຶ່ງກ່າວເຢີປະຊາຊົນຣ້ວຍ ກົດບັນຍັດຂອງຈຸມແຮທີອະນຸຍາດ,“ເວິຍຫົກຕະງາຍທີ່ຈຸມແຮຄວນຄຶດຕະວຽກງານ ຈົ່ງເຕິການຣຳ້ຮັກສາເຕິຫົກຕະງາຍກຼີ ແຕ່ຊິນເຕິນຸງຕະງາຍວັນສະບາໂຕ.” 15ຢ້ຼາຍອົງພຣະຜູ້ເກີດເຈົ້າຊົງທະອອຍດໍຣ້ວຍ, “ຈຸມແປຼ ກຸ້ຍບຣານອໍມາມພະໄຫງ້ເລິ້ຍອໍເອີຍຈຸມແປຼຄູນະເລິ້ຍເຄີຍເລ້ຕະແກ້ງ ຫລືລໍຂອງບອມຢຼະ ແລະຈູງລໍເກີດກໍ້ປໍ້້ຫງ້ອຍເດີ໋ເຕິຕະງາຍວັນຊະບາໂຕລະ? 16ສ່ວນກັນກຸ້ຍນໍ ກໍເກີດໄກ້ເຈົາຂອງອັບຣາຮາມ ທີ່ຢຼາງເລິ້ຍອໍເຈາະກະວັດດໍ້ເກີດເວລາສິບແປດປີເຢີ ເລິ້ຍສົມຄວນລະ ທີ່ຕ້ອງເລ້ນາງໂຢນທຣະບຸດເກີດປຼອງເຈາະກະວັດນໍ ເຕິຕະວັນງາຍຊະບາໂຕ?” 17ຄຳຕອບຂອງພຣະອົງ ຕະໂຢນຈຸມທີ່ຕໍ່ສູ້ພຣະອົງກະດ້າບຣານເປິ້ດໝັ້ນປູດ ສ່ວນປະຊາຊົນຕ່າງກໍເຫິ້ນລ້າງອໍ ເພາະສິ່ງອັດສະຈັນທັງກະເລິ່ງພຣະອົງບອນຕະ.
ຄຳອຸປະມາ ເລື່ອງ ກະລ້ອງຜັກກາດ
(ມທ 13:31-32; ມຣກ 4:30-32)
18ຢຼ້າຍພຣະເຢຊູເຈົ້າກໍຕະມໍ໋ຣ້ວຍ,ເຢີພຣະເຈົ້າປົກຄອງປະຊາຊົນ “ຣາຊອານາຈັກຂອງພຣະເຈົ້າ ຄື່ນັງສິ່ງມໍ້? ແລະກືຈະປຽບຣາຊອານາຈັກກຼີຫະກຼາຍນັງສິ່ງມໍ້? 19ກໍຄືນັງກະລ້ອງຜັກກາດກະລ້ອງມະໄຫ້ລ ຊຶ່ງກຸ້ຍໂກນມະນະເຣິປໍ້້ຫະຣ້າຍເຕິສວນຂອງບອມຢຼະ ໂກ້ນກຼີກໍເຄຣິ້ຍຊໍ້ກາຍເກີດຕະໂກລ້ອງ ແລະຝູງໄກ້ເຫລ້ມເຕິຟຣ້າກໍເຕິຕະໂສມເຕິແກຼ່ງຕະໂກຂອງລ້ອງ.”
ຄຳອຸປະມາເລື່ອງເຊື້ອແປ້ງ
(ມທ 13:33)
20ຢຼ້າຍພຣະເຢຊູເຈົ້າກໍກ່າວແອັ້ນຣ້ວຍ,“ກືຈະປຽບທຽບອານາຈັກຂອງພຣະເຈົ້າຄືນັງສິ່ງອັນມໍ້? 21ກໍຄືນັງ ເຊື້ອແປ້ງ ທີ່ກຸ້ຍກັນມະນະອິດປົນຫະຍະເຕິແປ້ງແປ້ຜອງ ຈົນແປ້ງເອີ້ຍມະກຼີໂດລຊໍ້.”
ເລື່ອງພະເລີ້ງຄັດ (ຄັບແຄບ)
(ມທ 7:13-14,21-23)
22ຂະນະທີ່ພຣະເຢຊູເຈົ້າຫະດ້າວຄະນ້າປໍ້້ສູ່ນະຄອນເຢຣູຊາເລັມກຼີ ພຣະອົງບອນກາຍປໍ້້ຕາມເວລ ຕາມເມືອງຕ່າງໆ ແລະສັ່ງສອນປະຊາຊົນກ່ຽວນັງການປົກຄອງຂອງພຣະເຈົ້ານຸງຊີວິດຂອງປະຊາຊົນກະເລິ່ງນະ. 23ເວິຍກຸ້ຍມະນະຕະມໍ໋ພຣະອົງຣ້ວຍ, “ທ່ານເອີຍ ນູ້ທີ່ຈະພົ້ນກຼີເວິຍພຽງເຢ້ຍນະລະ?”ພຣະເຢຊູເຈົ້າທະອອຍຣ້ວຍ, 24“ຈົ່ງເອົາໃຈໃສ່ແຂ່ງຂັນມະຕຼຸໂມດ ກ່ຽວນັງກາານປົກຄອງຂອງພຣະເຈົ້າ (ອານາຈັກຂອງພຣະເຈົ້າ)ເກີດທຣະເລິຍຄືດຸງມູຫຼັງທີເວິຍພະເຫລິ້ງຄະນ້າຄັດ ຈຳເປັນຕ້ອງຕະສິ່ງໃດສິ່ງໜຶ່ງ ທີ່ມາຍຈະສາມາດໂມດບອນ ເພາະກືອ້າຈຸມແປຼຣ້ວຍ,ເວິຍປະຊົນກະເລິ່ງນະທີ່ພະຍາຍາມໂມດປໍ້້ ແຕ່ຈະເລິ້ຍສາມາດໂມດປໍ້້ບອນ. 25ຕໍ່ໜ້າເຢີເຈົ້າຂອງດຸງໂຢຼລຊໍ້ແລະກະຕັ໋ງພະເຫລິ້ງເຢີ ແປຼກະເລິ່ງນະຈະຕະເຢິ່ງອັດຫະຣ້າເຄົ້ຣາ ເລີ່ມກາວດໍນັງກໍກຼໍ໋ພະເຫລິ້ງ ແລະວິງວອນແສ້ຣ້ວຍ, ພຣະອົງເຈົ້າເອີຍໂຜດເຕີ້ພະເຫລິ້ງໂຢນຈຸມຮີໂຢຼ. ຢ້ຼາຍດໍກໍຈະທະອອຍແປຼກະເລິງນະຣ້ວຍ, ກືເລິ້ຍຮອຍຈຸມແປຼ ແລະເລິ້ຍຮອຍຣ້ວຍຈຸມແປຼເຕິເກີດມໍ້ນິ້! 26ຢຼ້າຍຈຸມແປຼກໍຈະທຣະອອຍຣ້ວຍ, ຈຸມຮີເຄີຍຈ້າແລະຫງ້ອຍນັງພຣະອົງ ພຣະອົງເຄີຍສັ່ງສອນເຕິເວລເມືອງຂອງຈຸມຮີ. 27ຫະຣ້າເຈົ້າຂອງດຸງນັງຈະທະອອຍຣ້ວຍ, ກືເລິ້ຍຮອຍຈຸມແປຼ ແລະເລິ້ຍຮອຍຣ້ວຍຈຸມແປຼເຕິເກີດມໍ້ ຈົ່ງຖອຍຫະລຸ້ປໍ້້ເກີດກື ຈຸມແປຼຄູນະທີ່ຕະການອັນເລິ້ຍອໍເອີຍ. 28ເກີດກຼີ ຈຸມແປຼຈະຍາ້ມໂອ້ຍ ແລະກຳ້ກະແນ້ງກະທຼຽ້ນ ເຢີຈຸມແປຼຫອມອັບຣາຮາມ, ອີຊາກ ແລະ ຢາໂຄບ ຕະຫລອດທັງຜູ້ທໍານວາຍຄູນະລວມກະເລິ້ຍເຕິການປົກຄອງຂອງພຣະເຈົ້າ (ອານາຈັກຂອງພຣະເຈົ້າ), ແຕ່ຫະຣ້າຈຸມແປຼຈະຄຣາຍປະຕ້າລໍ້ເກີດອານາຈັກ. 29ຈະເວິຍກຸ້ຍເຕິເກີດທິດມະຕຼາງລໍ້ ທິດມະຕຼາງຫະໂຕ໋ ທິດເໜືອແລະທິດໃຕ້ເຕິຕະກູແຊ້ງຮ່ວມໂຕະງານຈ້າລຽ້ງເຕິຣາຊອານາຈັກຂອງພຣະເຈົ້າ. 30ແລະ ແນ້ແມ!ຈຸມທີ່ເກີດຜູ້ໄຫ້ວ ຈະກາຍເກີດຜູ້ຕະໂກ ແລະຈຸມທີ່ເກີດຜູ້ຕະໂກ ຈະລ້າເກີດຜູ້ໄຫວ້.”
ພຣະເຢຊູເຈົ້າເສຍໃຈເຕິ ນະຄອນເຢຣູຊາເລັມ
(ມທ 23:37-39)
31ເຕິເວລາມະໄຫ້ລກີຼ ກໍເວິຍຈຸມຟາຣີຊາຍບາງນະບອນເຕິໂຊລເຢີພຣະອົງຣ້ວຍ“ໂຢນທ່ານລໍ້ຫະລຸ້ປໍ້້ເກີດບອ້ນນໍສາ ເພາະກະສັດເຮໂຣດອັນຕິປາຜູ້ປົກຄອງກຳລັງວາງແຜນເພື່ອໄອ້ກະເຈຼດພຣະອົງ.” 32ພຣະອົງຊົງທຣະອອຍຈຸມແປຼຣ້ວຍ,“ຈົ່ງປໍ້້ອ້າເຮໂຣດອັນຕິປາ ຈໍ້ຈິກຈອກໂຕກຼີຣ້ວຍ, ຕະງາຍດໍແລະທຼືບພຼໍກືຈະຂັບໄລ່ຢຼາງເລິ້ຍອໍກະເລິ່ງລໍ້ ແລະປິນປົ່ວກຸ້ຍຕະໂຢນກຸ້ຍກະເລິ່ງນະໂຢນເປິ້ດອໍພະຍາດເຕິຕະງາຍດໍແລະງາຍພຼໍ ແລະເຕິຕະງາຍທີແປ້ ກືຈະຢຼ້າຍພາລະກິດຂອງກື. 33ແຕ່ກະເລິ້ຍອີມໍ້ກໍຢຼ້າຍ ກືຈະຕ້ອງຫະດ້າວຄະນ້າປໍ້້ຕະງາຍດໍ ແລະຕະງ້າຍພຼໍແລະຕະງາຍຕໍ່ໄປ ເພາະເລິ້ຍເກີດການສົມຄວນທີ່ຜູ້ທໍານວາຍ ຕ້ອງຄຣາຍກະເຈຼດເຕິເຄຣົ້ານະຄອນເຢຣູຊາເລັມ.” 34“ໂອ ເຢຣູຊາເລັມ ເຢຣູຊາເລັມເອີຍ ແປຼບອນກະເຈຼດບັນດາຜູ້ທໍານວາຍ ແປຼບອນແປັນກ້ອນຕະມໍ້ຫະກຣາຍຈຸມທີ່ຣຳ້ໃຊ້ເຕິເຢີຈຸມແປຼ ກະເລິ່ງເທື່ອເຢີ ທີ່ກືຕ້ອງການປົກຄອງປະຊາຊົນເຢຣູຊາເລັມເພື່ອຣ້ວຍຈຸມປີດໍຈະເລິ້ຍຄຣາຍນັງການແຊ້ງໂທດຂອງພຣະເຈົ້າ ເອີ້ຍມະກຼີຂອງຈຸມແປຼດໍ້ ຄືອຸຍຣຸ້ຍກະຕຸ້ມໄກ້ດໍ້ຄະຄຼືມຫະໜັ້ງຂອງດໍ ແຕ່ຈຸມແປຼຊາໍພັດເລິ້ຍຍິນຍອມ. 35ພ້ອມນັງສິດອຳນາດຂອງອົງພຣະຜູ້ເກີດເຈົ້າອີກຼີ ເວລານໍພຣະເຈົ້າກຳລັງປະຕ້າຕູ໋ ຈຸມປີດໍພ້ອມນັງພຣະວິຫານຂອງຈຸມປີດໍແລະເມືອງເອີ້ຍມະກຼີຂອງຈຸມປີດໍ ຈະຄຣາຍຕ້າຕູ໋ ແລະຮາ້ງໄຕໄລ ກືອ້າຈຸມແປຼກະເລິ່ງນະຕາມຄວາມຈິ່ງຣ້ວຍ ຈຸມແປຼຈະເລິ້ຍຫອມກືແອັ້ນ ຈົນກວ່າຈຸມແປຼຈະລໍ້ປຼອຍໂຊລຣ້ວຍ, ແສ້ໂຢນທ່ານຜູ້ສະເດັດເຕິພະນຶຂອງອົງພຣະຜູ້ເກີດເຈົ້າ ຈົ່ງຊົງພຣະຈະເລີນ.”
Currently Selected:
ລູກາ 13: IRR
Highlight
Copy
Compare
Share
Want to have your highlights saved across all your devices? Sign up or sign in
Inh/In Bible by Beyond Translation is licensed under Creative Commons Attribution-ShareAlike 4.0 License.
