Romio Bhumika
Bhumika
Romio monḍoliṭheʹ Prerit Polaʹ niâ ciṭhi olnaʹ somai tahelena sombhoboto, 57-58 Khrisṭabdo. Poldo Esiâ mainor, Siriâ, Gris arho aima disâmnaʹ marang marang nogor âcurketeʹ Jisuoaʹ katha procarketeʹ niâko sanam jagare Khrisṭo monḍoli teyarkede. Poldo Korinthre taheketeʹ niâ ciṭhi Romiokoṭheʹ ollede. Ânido tâkhniho Romre bang cakane. Ânido aṛe caloʹlaʹ porikolponalede. Ânido asoʹsane aṛenkhoiʹ Khrisṭanko talare thoṛa somai kâmi tayom jate angkotigi Spenre caloʹ laʹte âni goroiako. Pol aiaʹ ciṭhire âdmikoaʹ pap pereʹ obosthanaʹ katha sâfâte menkade ar ana pap khoiʹ angko uddhârko laʹte Issoraʹ porikolponanaʹ kathaho âni menkade. Ânido emon lakaketeʹ olkade jate ânitedo manja khobornaʹ somondhe kulidako angkankhoiʹ koyekṭeʹ âdmi uttor makokane. Issoraʹ daya ar mayanaʹ manja khobor somondhe âdmikote akako kulilidiako anakonaʹ sanam uttor Pol makade.
Khaṭote bisoiko
(1) Bhumika (1:1-17 pod)
(2) Sanamkhoiʹgi pâpi mente sanam âdmikoaʹgi pap khoiʹ uddhârnaʹ dorkar (1:18-3:20 pod)
(3) Pâtyute pap khoiʹ uddhârnaʹ bebostha (3:21-5:21 pod)
(4) Pap khoiʹ uddhârnaʹ tayom Pobitrote hara rakap (6-8 oddhai)
(5) Israyelkoaʹ pap khoiʹ uddhârnaʹ bebostha (9-11 oddhai)
(6) Pâtyuonkhoiʹaʹ dinâmhiluʹnaʹ jiui (12:1-15: 13 pod)
(7) Uposonghar (15:14-16:27 pod)
Currently Selected:
Romio Bhumika: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh