Romio 13
13
Sorkari kâmiuniʹ saote akalka calobanoaʹ ucit
1Sanamkhoiʹtigi disâmren sasoniʹ manoketeʹ caʹmanako, karon disâm sason laʹte Issortigi angko khomota makaʹkoe. Ekeko nengkanaʹ sason kâmire salaʹ menaʹkoa, Issortigi angko kâminaʹ khomota makaʹkoe. 2Niâlaʹte sasoniʹkoaʹ khomota biruddhe eke tengone ânido Issoraʹ hukumnaʹ biruddhegi tengone. Ekeko nengkeyako angkodo nijeyaʹ cetanre sâsti ṭâhu âgiako. 3Ekeko manja kâmiako angkotedo sasoniʹko botorkoaʹ jahanaʹ karon bang tahentakoa, kheʹ ekeko onnaiako angkodo botoroʹako. Ape ki sasoniʹ bang botorketeʹ caʹlaʹ namape? Tahale akaṭaʹ manjaoa anagi rikipe. Anate apedo angkoṭheʹ khoiʹ prosongsa nampehaʹ.
4Apeyaʹ manjoʹ laʹtigi angkodo Issorren seoauniʹ hisâbte kâmidako. Ape judi onnaiape tahale botoroʹpe, karon ekeko onnaiako angkodo sâsti makoaʹ odhikar angkoaʹdo menaʹtakoa. Angkoto Issorren seoaiʹkanako, ekeko onnai kâmiako, sasoniʹkote angkodo Issorren hoketeʹ sâsti makoako. 5Niâlaʹte apedo sasoniʹkoaʹ tabere tahenpe. Issoraʹ sâstinaʹ botorte je kebol ape angkoaʹ tabere tahenpehaʹ anado bang, kheʹ apeyaʹ bibek sâfâ dohelaʹtigi anado rikipehaʹ.
6Ar anatigi to apedo khajna maʹape, karon khajna âdâionkhoiʹdo angkoaʹ kâmi talate Issoraʹ seoeyako. 7Akaṭaʹ maiaʹ ucit ana maime, anado khajna ar paona se sommangi hoʹman.
8Eṭaʹonkhoiʹṭheʹ dulârnaʹ rin bâgiketeʹ ar jahanaʹnaʹ rin jate apeyaʹ bang tahentapeya. Eketedo eṭaʹ âdmiko dulârkoako angkodo Mosiaʹ ân manoketeʹ caloʹkanako. 9Hukum hoʹkana, "Alo bebhicâram, alo goiʹkoam, alo komreyam, alo lobham."#Jatrapustok 20:13-15, 17 Miʹ kathate men jutuʹa, "Amren sorkoren âdmiko nije laka dulârkom."#Lebiopustok 19:18 10Dulârdo tisho ekeyaʹ bang khutie, Judi amte sanamkhoiʹ dulârkoam tahale Issoraʹ sanam ân palondam.
Khrisṭo arho âcur hijuʹheʹ
11Ape baṛeyape je, nitoʹ aka somaire menaʹpeya ar ana laka calobanoʹpe. Nitdo jâpitʹ khoiʹ ebhenoʹaʹ somaikana, karon jâkhni abo Khrisṭore palhe pâtyulenabo inkhoiʹ nitoʹdo Jisu âcur hijuʹaʹ somai arho sorre hiʹngekana. 12Nindâdo caba hijuʹkâniʹ, setagoʹkana, anate dela, nutnaʹ kâmi bâgiketeʹ marsalrenaʹ ostroko laite saproʹabo. 13Anate marsalren âdmiko laka calobanoʹpe, garja gârjiketeʹ pâurâ nu ar matlamiredo bang, bebhicâr ar nungrâ jiuiredo bang, jhagṛajhâṭi ar hingsâtedo bang, kheʹ ekeko marsalre calobanoʹako, hijuʹpe, abodo angko laka upojuktoketeʹ calobanoʹabo. 14Apetedo Probhu Jisu Khrisṭo sanam somai disâ dohoipe, ar hormonaʹ sana puri hatedo alo mon maʹape.
Currently Selected:
Romio 13: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
