Romio 12
12
Issoraʹ uddesse jiui em
1Tahale boiha ar mesrako, Issoraʹ niâ sanam maya laʹtigi ingte ape bisesketeʹ nehorpekâning, pobitro ar Issorṭheʹ atangoʹlakanaʹ utsorgo hisâbte Issoraʹ tire jimuʹpe. Anagi hoʹhaʹ apeyaʹ ṭhik seoa. 2Nitoʹaʹ kharap dhârtinaʹ calobano talare ape nijedo alo ḍubu tahenape, borong Issor apeyaʹ mon naoate palṭosoipe jate purikkhaketeʹ ape lel dareʹape je Issor akaṭaʹ koide, akaṭaʹ manjaoa, akaṭaʹre Âni kusiʹe ar akaṭaʹre Âni sunṭusṭoʹe.
3Ing Issorṭheʹ khoiʹ akaṭaʹ daya namkâding ana talate ingte ape sanamkhoiʹ metapekâning, nije alka menaʹmiâ ana khoiʹ marang alo moneʹam. Manja buddhi beboharme ar Issorte am akaṭaʹ pâtyu makaʹmeye anate nije songop. 4Hormore aima bhag menaʹa, kheʹ sanam bhagdo miʹlakanaʹ bang kâmie, 5Ṭhik engkagi abo aima hoʹreho Khrisṭo saote salaʹketeʹ miṭiʹ hormo hokanabo. Abodo sanamkhoiʹgi miʹhornaʹ eṭaʹ eṭaʹ bhag hisâbte miʹhor armiʹhor salaʹ joṛai menaʹboa.
6Issoraʹ dayate abodo alada alada dan namkadabo. Ana dan judi nâbi hisâbte Issoraʹ katha mennaʹ dan hoʹa tahale pâtyute ânido Issoraʹ katha menmane. 7Judi seoeyaʹ dan hoʹa tahale seoakomane. Ar cetʹkoaʹ dan namkheʹ cetʹokomane, 8Jahe judi hub makoaʹ dan namkade tahale hub makomane, Jahe judi dan makoaʹ dan namkade tahale khulâsa monte danokomane, Jahe judi âyuriʹ hoʹaʹ dan namkade tahale agroho suliʹ âyurkomane, Jahe judi mayakoaʹ dan namkade tahale kusi monte mayakomane.
Khrisṭore pâtyuonkhoiʹaʹ jiui
9Miʹhorte armiʹhor sâriaʹte dulârkope. Akaṭaʹ kharapgiâ anado ghinipe, akaṭaʹ manjaoa anado keṭeʹte sab dohepe. 10Boiha ar mesrako laka miʹhorte armiʹhor dulârkope. Nije khoiʹ eṭaʹonkhoiʹ ḍher sonmankope. 11Kâṭhin kâmipe ar alo kurhiâ ape. Bhukti pereʹ ontorte Probhuaʹ seoepe. 12Apeyaʹ samnere akaṭaʹ asa menaʹa ana laʹte huboʹpe. Duk ar kosṭo somaire dhirjâ sabpe. Sanam somai Issorṭheʹ koijongpe. 13Issorren pobitro âdmiko sanam somaire gorokope. Pânhâko seoakolaʹ agrohoʹpe.
14Ekete ape ottacarpeyako angkodo âsirbadkope, âsirbadkope kheʹ alo sarapkoape. 15Ekeko huboʹako angko suliʹ huboʹpe, ekeko ragako, angko suliʹ ragpe. 16Sanamkhoiʹ salaʹ gatelakoʹpe. Alo gorboʹape ar alo moneyape je apedo eṭaʹuniʹ khoiʹ ḍher baṛeyape. Sadharon âdmiko saote bondhuʹpe.
17Jahe judi ape salaʹ Kharapako tahale ananaʹ badla alo engeyape. Sanam âdmikoaʹ metʹre akaṭaʹ manjaoa anare mon maʹpe. 18Judi dareʹape tahale sanam âdmiko salaʹ sântite tahenpe. 19Dulârren boiha ar mesrako, apedo jaheyaʹ alo badalsodape, borong Issorgi sâsti masoiape. Pobitro sastrore Probhu mende, "Onnainaʹ sâsti makoaʹ odhikardo kebol Ingâʹgi menaʹa, ekeyaʹ akaṭaʹ paona Ingtigi âni anado mainghâʹ."#Dosarbiboron 32:35 20Sastronaʹ katha laka borong,
"Amren dusmân judi rangejiâ tahale
ânido jomaʹ maime,
judi âni tetangiâ tahale
ânido daʹ nuilaʹ maime.
Niâ laka rikilekheʹ amdo âniaʹ bohoʹre joloʹ koila jaoraketeʹ dohemahaʹ."#12:20 Hitopodes 25:21-22 (Niânaʹ ortho hoʹkana, âdmiko nengkakolekheʹ angko giuʹjutuʹa.)
21Kharapṭheʹdo alo haroʹape, borong manja talatigi kharapdo jitipe.
Currently Selected:
Romio 12: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
