Mark 7
7
Sâfâ ar begorsâfâ
1Ekeko Jirusalem khoiʹ hiʹlenako emon koekṭeʹ Forisiko ar dhormo masṭarko hiʹketeʹ Jisuṭheʹ jaoranako. 2Angko lelkedako, Jisuren celako talaren koekṭeʹ ti bang ârupketeʹ mâilâtigi jomdako. 3Forisiko ar sanam Jihudiko sederen âdmikoaʹ maonaʹ je niom hijuʹkana ana niom laka ti bang ârupketeʹ oho jomako. 4Bajar khoiʹ hiʹketeʹ angko ti janga bang ârupketeʹ itâʹgi bang jomako. Niâ bâgiketeʹho angko arho aima lakan niom palon sanako, jemon mogko, kaṛako, keṭliko ârupsâfâ.
5Analaʹte Forisiko ar dhormo masṭarkote Jisu kulikidiako, "Sederen âdmikoaʹ maonaʹ je niom hijuʹkana Amren celako ana bang palondako ceklaʹ? Angkoto ti bang sâfâketeʹgi jomako."
6Jisu uttor makede, "Apedo bhonḍogiâpe, apeyaʹ bisoite nâbi Jisaio ṭhik bhobisotnaʹ katha menkade. Ânioaʹ boire ol menaʹa,
'Neko âdmikote mocatigi Ing sonmaningâko,
kheʹ angkoaʹ ontor Ingṭheʹ khoiʹ sâhingre tahantakoa.
7Nakodo âuṛigi Ing upâsonengako,
nakoaʹ maonaʹ cetʹaʹdo âdmikoaʹ teyaronaʹ thoṛa niom matro.'#Jisaio 29:13
8Apeto Issoraʹ maonaʹ hukumko badketeʹ âdmikoaʹ maonaʹ niom palondape."
9Jisute angko arho metakeʹkoe, "Issoraʹ hukum badketeʹ nijeyaʹ caloʹaʹ niom palonlaʹte bes manja upâigi apeyaʹ baṛe menaʹa. 10Jemon sabpe, Mosi menkade, amte engam bom sonmankinme, ar ekete aiʹren engat bot nindâkine ânido obossoi goiʹgiṛi hoʹhaʹ. 11Kheʹ ape menape, judi kehoʹ aiʹren engat se bot metakine, Ingâʹ akaṭaʹ jiniste aban goro darebâninghoteʹ anado Issoraʹ uddessote utsorgokâding, 12Tahale engat bot laʹte ânido ar itâʹgi bang rikilaʹ hoʹtaya. 13Nengkaketeʹ ape apeyaʹ caloʹaʹ niom cetʹaʹ maketeʹ Issoraʹ katha batkadape. Niâ bâgiketeʹho ape arho niâ laka aima kâmi rikiape."
14Arho Jisute âdmiko Aiʹṭheʹ ṭâhuketeʹ metakeʹkoe, "Ape sanamkhoiʹ Ingâʹ katha atenpe ar bujhipe. 15-16Jahanaʹgi barhe khoiʹ âdmiaʹ bhitrire caʹa anatedo âdmi chut bang darekoe, borong âdmi talakhoiʹ aka oṛoʹ hijuʹa anatigi âdmi chutako."
17Niâtayom Jisu jâkhni âdmiko bâgiketeʹ oraʹre bolone, tâkhni celakote ana cetʹaʹ lopornaʹ mane Âni kulikidiako. 18Jisute celako metakeʹkoe, "Apeki nâniʹgi obujgiâpe? Apeki bang bujhiape je, barhe khoiʹ akaṭaʹ âdmiaʹ bhitrire bolona anatedo âni chut bang dareye? 19Niânaʹ karon hoʹkana, anato âniaʹ ontorredo bang bolona kheʹ laiʹre bolona ar tayomte hormo khoiʹ oṛoʹ caʹa." Niâ kathatigi Jisute bujhusokeʹkoe je, sanam jomaʹgi "Sâfâgiâ."
20Jisu arho menkede, "Âdmiaʹ bhitri khoiʹ akaṭaʹ oṛoʹ hijuʹa anatigi âdmido chutako. 21Karon âdmiaʹ bhitri, orthat ontor khoiʹgi kharap cintâ, sanam lakanaʹ bebhicâr, komro, goiʹ, 22lob, eṭaʹhoraʹ khutinaʹ icchâ, cholona lompoṭota, hingsâ, nindâ, ohongkar ar murkhota oṛoʹ hijuʹa. 23Niâ sanam kharap bisoi âdmiaʹ bhitri khoiʹ oṛoʹ hijuʹa ar âdmiko chutkoe."
Ojihudi rejaoaʹ pâtyu
(Mothi 15:21-28)
24Ana tayom Jisudo ana jaga bâgiketeʹ Sornaʹ elakare calone. Âni miṭiʹ oraʹre bolone ar koikede jate keho ana bang baṛe dareʹako, kheʹ Âni baiketeʹ bang taha darelene. 25Aṛe emon miṭiʹ reja âdmi tahalene ekeren hoporatdo kharap attate namlidie. Âni reja âdmi Jisuoaʹ bisoite atenketeʹ tâkhnigi hiʹketeʹ Jisuoaʹ jangare ujuʹne. 26Âni rejado tahalene Ojihudi ar Siriâ Finisiâre janamlene. Ânido Jisuṭheʹ kakuti minotilaʹ lagone jate Ânite aiʹren hoporataʹ tala khoiʹ kharap atta oṛoʹgirie.
27Jisute âni metakidie, "Lahare gidrâko laiʹ biketeʹ jomsoko, karon gidrâkoaʹ jomaʹ engeketeʹ seta lahare giṛido bang manjaoa."
28Anate âni reja menkede, "Probhu, Am ṭhikgi menkadam, kheʹ gidrâkoaʹ jomonaʹ akako kecaʹ ṭibil latarre ujugoʹa anato setagi jomako."
29Jisute âni metakidie, "Kathado am aima manja menkadam, nitoʹ cap, caketeʹ lelei, amren hopora tala khoiʹ kharap atta oṛoʹgekane."
30Âni reja tâkhni oraʹre âcur caketeʹ lelkidie, aiʹren hoporat bichnâre gitiʹgiminiâ ar kharap atta âni tala khoiʹ oṛoʹgekane.
Ṭhosa ar tothra âdmi manjanakin
31Ana tayom Jisu Sor elaka bâgiketeʹ Sidon sohornaʹ talate Gâlil Ganganaʹ sorre Dikâpoli elakanaʹ ṭolakore cane. 32Tâkhni koekṭeʹ âdmite miṭiʹ ṭhosa ar tothra âdmi Jisuṭheʹ âgukidiako ar nehorilaʹ lagonako jate Ânite âni âdmiaʹ cetanre aiaʹ ti doheye.
33Jisu bhiṛ talakhoiʹ âni âdmi miʹhate idiketeʹ âniaʹ baran lutur bhitârre Aiaʹ kâṭub makede. Tayomte thu giṛiketeʹ âdmiaʹ alang joṭetʹkeʹtaye. 34Niâtayom Jisu serma hate koyoʹketeʹ jelenggoiʹ sahetketeʹ âdmi metakidie, "Epfatha," orthat "Jhijuʹman." 35Anate âdmiaʹ luturho jhiʹgentaya, alangho jhiʹgentaya ar âni isposṭogoiʹ katha menlaʹ lagone.
36Jisu niâ bisoite menlaʹ âdmiko sanamkhoiʹ manakeʹkoe. Kheʹ Ânite tiniʹ angko manakeʹkoe inâʹgi angko ana bisoite arho ḍhergi procarlaʹ lagonako. 37Niâ ghoṭonare âdmiko aima asarjoketeʹ menkedako, "Nâi sanam kâmi tiniʹ manjate rikie. Nâi ṭhosakoho atennaʹ sukti ar gungṛâkoho katha menaʹ sukti makoe."
Currently Selected:
Mark 7: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 7
7
Sâfâ ar begorsâfâ
1Ekeko Jirusalem khoiʹ hiʹlenako emon koekṭeʹ Forisiko ar dhormo masṭarko hiʹketeʹ Jisuṭheʹ jaoranako. 2Angko lelkedako, Jisuren celako talaren koekṭeʹ ti bang ârupketeʹ mâilâtigi jomdako. 3Forisiko ar sanam Jihudiko sederen âdmikoaʹ maonaʹ je niom hijuʹkana ana niom laka ti bang ârupketeʹ oho jomako. 4Bajar khoiʹ hiʹketeʹ angko ti janga bang ârupketeʹ itâʹgi bang jomako. Niâ bâgiketeʹho angko arho aima lakan niom palon sanako, jemon mogko, kaṛako, keṭliko ârupsâfâ.
5Analaʹte Forisiko ar dhormo masṭarkote Jisu kulikidiako, "Sederen âdmikoaʹ maonaʹ je niom hijuʹkana Amren celako ana bang palondako ceklaʹ? Angkoto ti bang sâfâketeʹgi jomako."
6Jisu uttor makede, "Apedo bhonḍogiâpe, apeyaʹ bisoite nâbi Jisaio ṭhik bhobisotnaʹ katha menkade. Ânioaʹ boire ol menaʹa,
'Neko âdmikote mocatigi Ing sonmaningâko,
kheʹ angkoaʹ ontor Ingṭheʹ khoiʹ sâhingre tahantakoa.
7Nakodo âuṛigi Ing upâsonengako,
nakoaʹ maonaʹ cetʹaʹdo âdmikoaʹ teyaronaʹ thoṛa niom matro.'#Jisaio 29:13
8Apeto Issoraʹ maonaʹ hukumko badketeʹ âdmikoaʹ maonaʹ niom palondape."
9Jisute angko arho metakeʹkoe, "Issoraʹ hukum badketeʹ nijeyaʹ caloʹaʹ niom palonlaʹte bes manja upâigi apeyaʹ baṛe menaʹa. 10Jemon sabpe, Mosi menkade, amte engam bom sonmankinme, ar ekete aiʹren engat bot nindâkine ânido obossoi goiʹgiṛi hoʹhaʹ. 11Kheʹ ape menape, judi kehoʹ aiʹren engat se bot metakine, Ingâʹ akaṭaʹ jiniste aban goro darebâninghoteʹ anado Issoraʹ uddessote utsorgokâding, 12Tahale engat bot laʹte ânido ar itâʹgi bang rikilaʹ hoʹtaya. 13Nengkaketeʹ ape apeyaʹ caloʹaʹ niom cetʹaʹ maketeʹ Issoraʹ katha batkadape. Niâ bâgiketeʹho ape arho niâ laka aima kâmi rikiape."
14Arho Jisute âdmiko Aiʹṭheʹ ṭâhuketeʹ metakeʹkoe, "Ape sanamkhoiʹ Ingâʹ katha atenpe ar bujhipe. 15-16Jahanaʹgi barhe khoiʹ âdmiaʹ bhitrire caʹa anatedo âdmi chut bang darekoe, borong âdmi talakhoiʹ aka oṛoʹ hijuʹa anatigi âdmi chutako."
17Niâtayom Jisu jâkhni âdmiko bâgiketeʹ oraʹre bolone, tâkhni celakote ana cetʹaʹ lopornaʹ mane Âni kulikidiako. 18Jisute celako metakeʹkoe, "Apeki nâniʹgi obujgiâpe? Apeki bang bujhiape je, barhe khoiʹ akaṭaʹ âdmiaʹ bhitrire bolona anatedo âni chut bang dareye? 19Niânaʹ karon hoʹkana, anato âniaʹ ontorredo bang bolona kheʹ laiʹre bolona ar tayomte hormo khoiʹ oṛoʹ caʹa." Niâ kathatigi Jisute bujhusokeʹkoe je, sanam jomaʹgi "Sâfâgiâ."
20Jisu arho menkede, "Âdmiaʹ bhitri khoiʹ akaṭaʹ oṛoʹ hijuʹa anatigi âdmido chutako. 21Karon âdmiaʹ bhitri, orthat ontor khoiʹgi kharap cintâ, sanam lakanaʹ bebhicâr, komro, goiʹ, 22lob, eṭaʹhoraʹ khutinaʹ icchâ, cholona lompoṭota, hingsâ, nindâ, ohongkar ar murkhota oṛoʹ hijuʹa. 23Niâ sanam kharap bisoi âdmiaʹ bhitri khoiʹ oṛoʹ hijuʹa ar âdmiko chutkoe."
Ojihudi rejaoaʹ pâtyu
(Mothi 15:21-28)
24Ana tayom Jisudo ana jaga bâgiketeʹ Sornaʹ elakare calone. Âni miṭiʹ oraʹre bolone ar koikede jate keho ana bang baṛe dareʹako, kheʹ Âni baiketeʹ bang taha darelene. 25Aṛe emon miṭiʹ reja âdmi tahalene ekeren hoporatdo kharap attate namlidie. Âni reja âdmi Jisuoaʹ bisoite atenketeʹ tâkhnigi hiʹketeʹ Jisuoaʹ jangare ujuʹne. 26Âni rejado tahalene Ojihudi ar Siriâ Finisiâre janamlene. Ânido Jisuṭheʹ kakuti minotilaʹ lagone jate Ânite aiʹren hoporataʹ tala khoiʹ kharap atta oṛoʹgirie.
27Jisute âni metakidie, "Lahare gidrâko laiʹ biketeʹ jomsoko, karon gidrâkoaʹ jomaʹ engeketeʹ seta lahare giṛido bang manjaoa."
28Anate âni reja menkede, "Probhu, Am ṭhikgi menkadam, kheʹ gidrâkoaʹ jomonaʹ akako kecaʹ ṭibil latarre ujugoʹa anato setagi jomako."
29Jisute âni metakidie, "Kathado am aima manja menkadam, nitoʹ cap, caketeʹ lelei, amren hopora tala khoiʹ kharap atta oṛoʹgekane."
30Âni reja tâkhni oraʹre âcur caketeʹ lelkidie, aiʹren hoporat bichnâre gitiʹgiminiâ ar kharap atta âni tala khoiʹ oṛoʹgekane.
Ṭhosa ar tothra âdmi manjanakin
31Ana tayom Jisu Sor elaka bâgiketeʹ Sidon sohornaʹ talate Gâlil Ganganaʹ sorre Dikâpoli elakanaʹ ṭolakore cane. 32Tâkhni koekṭeʹ âdmite miṭiʹ ṭhosa ar tothra âdmi Jisuṭheʹ âgukidiako ar nehorilaʹ lagonako jate Ânite âni âdmiaʹ cetanre aiaʹ ti doheye.
33Jisu bhiṛ talakhoiʹ âni âdmi miʹhate idiketeʹ âniaʹ baran lutur bhitârre Aiaʹ kâṭub makede. Tayomte thu giṛiketeʹ âdmiaʹ alang joṭetʹkeʹtaye. 34Niâtayom Jisu serma hate koyoʹketeʹ jelenggoiʹ sahetketeʹ âdmi metakidie, "Epfatha," orthat "Jhijuʹman." 35Anate âdmiaʹ luturho jhiʹgentaya, alangho jhiʹgentaya ar âni isposṭogoiʹ katha menlaʹ lagone.
36Jisu niâ bisoite menlaʹ âdmiko sanamkhoiʹ manakeʹkoe. Kheʹ Ânite tiniʹ angko manakeʹkoe inâʹgi angko ana bisoite arho ḍhergi procarlaʹ lagonako. 37Niâ ghoṭonare âdmiko aima asarjoketeʹ menkedako, "Nâi sanam kâmi tiniʹ manjate rikie. Nâi ṭhosakoho atennaʹ sukti ar gungṛâkoho katha menaʹ sukti makoe."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh