Mark 6
6
Jisu nijeyaʹ sohorre cane
(Mothi 13:53-58; Mark 4:16-30)
1Tayomte Jisudo Aiʹren celako laite aṛe khoiʹ nijeyaʹ sohorre âcur hiʹne. 2Niâtayom Jisudo Jihudikoaʹ somaj oraʹre jiruʹaʹ dinre cedkolaʹ lagone, ar sanam âdmi Ânioaʹ cetʹaʹ atenkete asarjonako. Angko menkedako, "Ni aka khoiʹ niâ gen namkede? Ni kalkate nengkanaʹ buddhi suliʹ katha mende? Kalkate se niâko asarjo kâmie? 3Ni ki âni Moriomren gidrâ bangkane, Jakob, Josi, Jihuda, ar Simonren boiha, ana bang ki?" Ar niren mesrako ki abo talare bânuʹkoa. Niâlaʹ jâtte angko bang atang darelidiako.
4Tâkhni Jisute angko metakeʹkoe, "Nijeyaʹ sohor, nijeren pânhâko ar nijeyaʹ oraʹ bâgiketeʹ ar sanam jagarigi nâbiko sonman namako." 5Niâtayom âni koekṭeʹ ruyâʹ âdmiko cetanre ti dohoketeʹ angko manjakeʹkoe, kheʹ aṛe ar akalakanaʹ asarjo kâmi rikiaʹ sombhob bang holena. 6Angko je Âni cetanre bang pâtyu lenako, niâte Ânido asarjogene. Niâtayom ânite ṭola ṭolare caketeʹ âdmiko cetʹkolaʹ lagone.
Jisute Aiʹren celako procar laʹte kolkeʹkoe
(Mothi 10:1; 5-15; Mark 9:1-6)
7Tayomte Jisute angko baroṭeʹ celako Aiaʹ sorre ṭâhukeʹkoe ar barya baryaketeʹ kolkeʹkoe. Ar angko kharap attako cetanre khomota makeʹkoe. 8Ânite angkodo hukum makeʹkoe jate angko ḍaharre caloʹ laʹte miṭiʹ hapa bâgiketeʹ ar itâʹgi saote bang engeyako ar piṭhâ, beg emonki ṭhemare paisaho engela manakeʹkoe. 9Ânite angko jutâ soroklaʹ metakeʹkoe, kheʹ miṭiʹnaʹ bisi angaʹ soroklaʹ manakeʹkoe. 10Ânite angko arho metakeʹkoe, "Jâkhni ape je oraʹre boloʹpehaʹ tâkhni ana ṭola bang bâgi dhâriʹ ana oraʹrigi tahenpe. 11Paseʹ aka jagaren âdmite ape bang atangpeyako se apeyaʹ katha bang atenako tobe ana jaga khoiʹ caʹ somai apeyaʹ janganaʹ dhurâ koṭa giriape jate inâgi angkoaʹ biruddhe proman tahana."
12Tâkhni celako canako, ar procarlaʹ lagonako jate âdmiko pap khoiʹ mon âcurtenako. 13Angkote aima kharap atta coṭaʹkeʹkoako ar aima ruyâ âdmiko sunum ojoʹketeʹ manjakeʹkoako.
Herod bhabone Jisugi Johonkane
(Mothi 14:1-12; Luk 9:7-9)
14Jisuoaʹ sunam câryunakhare pasnogelena mente Raja Herodho Jisuoaʹ katha aten namlede. Thoṛa âdmi mensanako, bâptismadata Johon goiʹ âdmiko talakhoiʹ jiuitʹ beretʹkane, ar ana laʹtigi âni niâko marang asarjo kâmi rikâde."
15Kheʹ ekeko mensanako, "Âni Eliokane."
Abar ekeko mensanako, "Âni aima din laharen nâbiko laka âniho miṭiʹ nâbikane."
16Niâko katha atenketeʹ Herod menkede, "Ânido Johonkane, jeyaʹ bohoʹ getʹ giriaʹ hukum maliding. Abar âni jiuitʹ beretkane."
Bâptisma emoiʹ Johonaʹ goiʹ
17Herodtedo aiʹren boiha Filipren girthân Herodiâ baplalidie, ana laʹte nijeren âdmi kolketeʹ Johon sabsoketeʹ jelkhanare doholidie." 18Karon Johonte Herod metalidie, "boiharen girthân nijeṭheʹ doho ucit bangkana. 19Herodiâ edrete Johon gojeilaʹ namsane, kheʹ bang darekâdie. 20Karon Herodte Johondo dhârmik ar pobitro âdmi mente botorisane, analaʹte ânite Johondo bipodna ti khoiʹ bocoisane. Johonaʹ katha atenketeʹ ânido aima ârisoʹsane taoho âniaʹ katha atenlaʹ dulârsane.
21Mucitʹre Herodiâ ja koilede ananaʹ sujog namkede. Herod nijeyaʹ janam dinre âniren marang marang rajaren kâmi âdmiko, senapotiko ar Gâlil prodisâmren marang âdmiko laʹte miṭiʹ bhoj makede. 22Ar Herodiâreʹ hoporat ana bhojre eneʹ uduʹketeʹ Herod ar bhojreʹ neota âdmiko kusisokeʹkoe.
Tâkhni rajate hoporat metakidie, "Am ja koimahaʹ ingte am inâgi mamhuʹ." 23Heroddo hoporatṭheʹ rikitketeʹ menkede, "Am ja koimahaʹ ingte anagi am mamhuʹ." Emonki judi am rajjonaʹ ordhekho koiam taoho mamhuʹ.
24Anate âni oṛoʹ caketeʹ aiʹren engat kulikidie, "Ing itâʹ koing?"
Âniren engat menkede, "Bâptisma emoʹiʹ Johonaʹ bohoʹ."
25Hoporat saṭlaka rajaṭheʹ âcur cane ar metakidie, "Ingâʹ icchâ je, amte bâptisma emoʹiʹ Johonaʹ bohoʹ âguketeʹ nitoʹgi thârire ing mang."
26Niâ katha atenketeʹ raja Herod aima duk namkede, kheʹ nijeyaʹ rikit laʹte ar bhojren neotaon âdmiko laʹte ânite hoporat bang âcurilaʹ namlede. 27Anate rajate sao saotigi miṭiʹ sonno Johonaʹ bohoʹ getʹ âgilaʹ kolkidie. Âni jelkhanare caketeʹ Johonaʹ bohoʹ getʹketeʹ miṭiʹ thârite ana âgukede. 28Ar thârite ana bohoʹ hoporat makidie, hoporatte ana âniren engat makidie. 29Niâ khobor atenketeʹ Johonren celako hiʹketeʹ, âniaʹ hormo idiketeʹ topakedako.
Jisute more hajar khoiʹ bisi âdmi jomsokeʹkoe
(Mothi 14:13-21; Luk 9:10-17; Johon 6:1-14)
30Niâtayom Jisute je preritko procar laʹte kolleʹkoe, angko Jisuṭheʹ âcur hiʹketeʹ akako rikâledako ar akako cetʹoleʹkoako anako sanam katha âni baṛesokidiako. 31Tâkhni ânite angko metakeʹkoe, "Abo jaha sansun jagare caketeʹ kâṭuʹ jiruʹabo." Karon nâniʹ âdmi caʹ hijuʹsenako je angkoaʹ jomaʹ somai bang hoʹsena."
32Anate angko lâukâte miṭiʹ sansun jagare calonako. 33Kheʹ âdmikote angko caʹte lelkeʹkoako ar aima horte angko cinhu darekeʹkoako, anate sanam sohor khoiʹ âdmiko dâr caketeʹ angkoaʹ laharigi aṛe pâhcunako. 34Jisu lâukâ khoiʹ oṛoʹketeʹ aima âdmi lelnamkeʹkoe, Ânioaʹ jiuire angko laʹte aima maya hontaya, karon angko begor dhore bhiṛi laka leloʹsenako. Tâkhni Jisute angko aima bisoite cetʹkolaʹ lagone.
35Ana din bela cabahijuʹ lekheʹ Jisuren celako hiʹketeʹ Âni metakidiako, "Niâdo sansun jagakana ar âyub hiʹna. 36Nengko âdmiko bidâikom, jate angko sorkorenaʹ sohorre ar ṭola ṭolakore caketeʹ ako laʹte thoṛa jomaʹ kiring dareʹako."
37Kheʹ Jisute angko metakeʹkoe, "Apetigi angko jomlaʹ makope."
Celakote Jisu metakidiako, "Nâniʹ âdmi piṭhâʹ kiringketeʹ khaokolekheʹ to barso dinâr#6:37 Dinâr Miʹ dinâr soman soman miʹdinnaʹ mujuri. lagoʹhaʹ. Am ki mendam ale kiring âguketeʹ angko jomsokoale?"
38Jisu menkede, "Apeṭheʹ tinâʹ piṭhâʹ menaʹa sendrepe." Angko lelketeʹ menkedako, "Aleṭheʹ moreṭeʹ piṭhâʹ ar barya hako menaʹkinâ."
39Tâkhni Jisute celako hukum makeʹkoe jate angko hâriâr ghas cetanre âdmiko duruʹkoako. 40Âdmiko miʹso miʹsoṭeʹketeʹ ar poncas poncasṭeʹketeʹ sâr sârte duruʹnako.
41Tâkhni âni ana moreṭeʹ piṭhâ ar barya hako laite Sorgo hate koyoʹketeʹ Issor dhonnobad maketeʹ piṭhâko kecaʹ kecaʹketeʹ celakoa tire maketeʹ âdmiko makolaʹ metakeʹkoe. Ar ângkin barya hakoho sanamkhoiʹ hâṭingketeʹ makeʹkoako.
42Angko sanamkhoiʹ laiʹ biketeʹ jomkedako. 43Ar akako ujuʹ tahalena anako sanam piṭhâ ar hakonaʹ kecaʹ halangketeʹ baroṭeʹ pâichâ pereʹgena. 44Jeko jomledako angko talare koṛa gidrâoaʹ songkagi tahalena more hajar.
Jisu daʹ cetante darakede
45Niâtayom Jisute âniren celako lâukâre deʹketeʹ Ânioaʹ lahare hanaparomnaʹ Boithsoidare pâhcuʹlaʹ metakeʹkoe, ana somai ânite âdmiko bidâi makosane. 46Âdmiko bidâiketeʹ Jisu koijong laʹte burure cagene.
47Jâkhni âyubgena tâkhni celakoaʹ lâukâ ganganaʹ talare tahalena ar Jisu eskargi ḍâṛire tahalene. 48Jisudo lelkede celako aima kosṭoketeʹ lâukâte caʹkanako. Karon hoi angkoaʹ ulṭu hategi tahalena. Prai simraʹcaba somai Jisudo ganganaʹ cetan tora daraketeʹ celakoṭheʹ hiʹne ar angko bâgiketeʹ laha caʹsane. 49Kheʹ celakote Ânido ganga cetante daṛa caʹte lelketeʹ angkote Âni bonga moneketeʹ cilluketeʹ rakapnako. 50Karon Âni lelketeʹ sanamkhoiʹ botorlenako. Jisudo tâkhnigi celako saote katha menkede. Ânite angko metakeʹkoe, "Ingkâning, alo botoroʹape, sâhuspe!" 51Tayomte âni lâukâre rakap lenkheʹ ândhi thirgena. Niâte angko aima obakgenako, 52karon niâ lahare angko moreṭeʹ piṭhânaʹ ghoṭonanaʹ bisoi bang bujhu darekadako, angkoaʹ buddhi bânuʹtakoa anate angko bang bujhu dareʹsanako.
53Jisu ar Âniren celako ganga paromketeʹ Ginesorot prodisâmre hiʹketeʹ lâukâ tolkedako. 54Jâkhni sanamkhoiʹ lâukâ khoiʹ agro hiʹnako tâkhni âdmikote Jisu cinhu darelidiako. 55Angko anako oncolnaʹ sanam jagare dâruʹlaʹ lagonako. Inâtayom Jisu akare miniâ ana atenketeʹ angkote ruyâ âdmiko parkomte Âniṭheʹ âgukolaʹ lagonako. 56Sohorkore, ṭolakore ar disâmre jaharigi Jisu caʹsane, aṛegi âdmikote ruyâ âdmiko âguketeʹ bajar talare duruʹkeʹkoako. Angkote Jisu nehorkidiako jate ruyâ âdmiko Ânioaʹ cadrenaʹ acar joṭetʹ dareʹako. Ar jate Ânioaʹ cadre joṭetʹ dareʹako, ar tinâʹ âdmite Âni joṭetʹkidiako, sanamkhoiʹ manjanako.
Currently Selected:
Mark 6: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 6
6
Jisu nijeyaʹ sohorre cane
(Mothi 13:53-58; Mark 4:16-30)
1Tayomte Jisudo Aiʹren celako laite aṛe khoiʹ nijeyaʹ sohorre âcur hiʹne. 2Niâtayom Jisudo Jihudikoaʹ somaj oraʹre jiruʹaʹ dinre cedkolaʹ lagone, ar sanam âdmi Ânioaʹ cetʹaʹ atenkete asarjonako. Angko menkedako, "Ni aka khoiʹ niâ gen namkede? Ni kalkate nengkanaʹ buddhi suliʹ katha mende? Kalkate se niâko asarjo kâmie? 3Ni ki âni Moriomren gidrâ bangkane, Jakob, Josi, Jihuda, ar Simonren boiha, ana bang ki?" Ar niren mesrako ki abo talare bânuʹkoa. Niâlaʹ jâtte angko bang atang darelidiako.
4Tâkhni Jisute angko metakeʹkoe, "Nijeyaʹ sohor, nijeren pânhâko ar nijeyaʹ oraʹ bâgiketeʹ ar sanam jagarigi nâbiko sonman namako." 5Niâtayom âni koekṭeʹ ruyâʹ âdmiko cetanre ti dohoketeʹ angko manjakeʹkoe, kheʹ aṛe ar akalakanaʹ asarjo kâmi rikiaʹ sombhob bang holena. 6Angko je Âni cetanre bang pâtyu lenako, niâte Ânido asarjogene. Niâtayom ânite ṭola ṭolare caketeʹ âdmiko cetʹkolaʹ lagone.
Jisute Aiʹren celako procar laʹte kolkeʹkoe
(Mothi 10:1; 5-15; Mark 9:1-6)
7Tayomte Jisute angko baroṭeʹ celako Aiaʹ sorre ṭâhukeʹkoe ar barya baryaketeʹ kolkeʹkoe. Ar angko kharap attako cetanre khomota makeʹkoe. 8Ânite angkodo hukum makeʹkoe jate angko ḍaharre caloʹ laʹte miṭiʹ hapa bâgiketeʹ ar itâʹgi saote bang engeyako ar piṭhâ, beg emonki ṭhemare paisaho engela manakeʹkoe. 9Ânite angko jutâ soroklaʹ metakeʹkoe, kheʹ miṭiʹnaʹ bisi angaʹ soroklaʹ manakeʹkoe. 10Ânite angko arho metakeʹkoe, "Jâkhni ape je oraʹre boloʹpehaʹ tâkhni ana ṭola bang bâgi dhâriʹ ana oraʹrigi tahenpe. 11Paseʹ aka jagaren âdmite ape bang atangpeyako se apeyaʹ katha bang atenako tobe ana jaga khoiʹ caʹ somai apeyaʹ janganaʹ dhurâ koṭa giriape jate inâgi angkoaʹ biruddhe proman tahana."
12Tâkhni celako canako, ar procarlaʹ lagonako jate âdmiko pap khoiʹ mon âcurtenako. 13Angkote aima kharap atta coṭaʹkeʹkoako ar aima ruyâ âdmiko sunum ojoʹketeʹ manjakeʹkoako.
Herod bhabone Jisugi Johonkane
(Mothi 14:1-12; Luk 9:7-9)
14Jisuoaʹ sunam câryunakhare pasnogelena mente Raja Herodho Jisuoaʹ katha aten namlede. Thoṛa âdmi mensanako, bâptismadata Johon goiʹ âdmiko talakhoiʹ jiuitʹ beretʹkane, ar ana laʹtigi âni niâko marang asarjo kâmi rikâde."
15Kheʹ ekeko mensanako, "Âni Eliokane."
Abar ekeko mensanako, "Âni aima din laharen nâbiko laka âniho miṭiʹ nâbikane."
16Niâko katha atenketeʹ Herod menkede, "Ânido Johonkane, jeyaʹ bohoʹ getʹ giriaʹ hukum maliding. Abar âni jiuitʹ beretkane."
Bâptisma emoiʹ Johonaʹ goiʹ
17Herodtedo aiʹren boiha Filipren girthân Herodiâ baplalidie, ana laʹte nijeren âdmi kolketeʹ Johon sabsoketeʹ jelkhanare doholidie." 18Karon Johonte Herod metalidie, "boiharen girthân nijeṭheʹ doho ucit bangkana. 19Herodiâ edrete Johon gojeilaʹ namsane, kheʹ bang darekâdie. 20Karon Herodte Johondo dhârmik ar pobitro âdmi mente botorisane, analaʹte ânite Johondo bipodna ti khoiʹ bocoisane. Johonaʹ katha atenketeʹ ânido aima ârisoʹsane taoho âniaʹ katha atenlaʹ dulârsane.
21Mucitʹre Herodiâ ja koilede ananaʹ sujog namkede. Herod nijeyaʹ janam dinre âniren marang marang rajaren kâmi âdmiko, senapotiko ar Gâlil prodisâmren marang âdmiko laʹte miṭiʹ bhoj makede. 22Ar Herodiâreʹ hoporat ana bhojre eneʹ uduʹketeʹ Herod ar bhojreʹ neota âdmiko kusisokeʹkoe.
Tâkhni rajate hoporat metakidie, "Am ja koimahaʹ ingte am inâgi mamhuʹ." 23Heroddo hoporatṭheʹ rikitketeʹ menkede, "Am ja koimahaʹ ingte anagi am mamhuʹ." Emonki judi am rajjonaʹ ordhekho koiam taoho mamhuʹ.
24Anate âni oṛoʹ caketeʹ aiʹren engat kulikidie, "Ing itâʹ koing?"
Âniren engat menkede, "Bâptisma emoʹiʹ Johonaʹ bohoʹ."
25Hoporat saṭlaka rajaṭheʹ âcur cane ar metakidie, "Ingâʹ icchâ je, amte bâptisma emoʹiʹ Johonaʹ bohoʹ âguketeʹ nitoʹgi thârire ing mang."
26Niâ katha atenketeʹ raja Herod aima duk namkede, kheʹ nijeyaʹ rikit laʹte ar bhojren neotaon âdmiko laʹte ânite hoporat bang âcurilaʹ namlede. 27Anate rajate sao saotigi miṭiʹ sonno Johonaʹ bohoʹ getʹ âgilaʹ kolkidie. Âni jelkhanare caketeʹ Johonaʹ bohoʹ getʹketeʹ miṭiʹ thârite ana âgukede. 28Ar thârite ana bohoʹ hoporat makidie, hoporatte ana âniren engat makidie. 29Niâ khobor atenketeʹ Johonren celako hiʹketeʹ, âniaʹ hormo idiketeʹ topakedako.
Jisute more hajar khoiʹ bisi âdmi jomsokeʹkoe
(Mothi 14:13-21; Luk 9:10-17; Johon 6:1-14)
30Niâtayom Jisute je preritko procar laʹte kolleʹkoe, angko Jisuṭheʹ âcur hiʹketeʹ akako rikâledako ar akako cetʹoleʹkoako anako sanam katha âni baṛesokidiako. 31Tâkhni ânite angko metakeʹkoe, "Abo jaha sansun jagare caketeʹ kâṭuʹ jiruʹabo." Karon nâniʹ âdmi caʹ hijuʹsenako je angkoaʹ jomaʹ somai bang hoʹsena."
32Anate angko lâukâte miṭiʹ sansun jagare calonako. 33Kheʹ âdmikote angko caʹte lelkeʹkoako ar aima horte angko cinhu darekeʹkoako, anate sanam sohor khoiʹ âdmiko dâr caketeʹ angkoaʹ laharigi aṛe pâhcunako. 34Jisu lâukâ khoiʹ oṛoʹketeʹ aima âdmi lelnamkeʹkoe, Ânioaʹ jiuire angko laʹte aima maya hontaya, karon angko begor dhore bhiṛi laka leloʹsenako. Tâkhni Jisute angko aima bisoite cetʹkolaʹ lagone.
35Ana din bela cabahijuʹ lekheʹ Jisuren celako hiʹketeʹ Âni metakidiako, "Niâdo sansun jagakana ar âyub hiʹna. 36Nengko âdmiko bidâikom, jate angko sorkorenaʹ sohorre ar ṭola ṭolakore caketeʹ ako laʹte thoṛa jomaʹ kiring dareʹako."
37Kheʹ Jisute angko metakeʹkoe, "Apetigi angko jomlaʹ makope."
Celakote Jisu metakidiako, "Nâniʹ âdmi piṭhâʹ kiringketeʹ khaokolekheʹ to barso dinâr#6:37 Dinâr Miʹ dinâr soman soman miʹdinnaʹ mujuri. lagoʹhaʹ. Am ki mendam ale kiring âguketeʹ angko jomsokoale?"
38Jisu menkede, "Apeṭheʹ tinâʹ piṭhâʹ menaʹa sendrepe." Angko lelketeʹ menkedako, "Aleṭheʹ moreṭeʹ piṭhâʹ ar barya hako menaʹkinâ."
39Tâkhni Jisute celako hukum makeʹkoe jate angko hâriâr ghas cetanre âdmiko duruʹkoako. 40Âdmiko miʹso miʹsoṭeʹketeʹ ar poncas poncasṭeʹketeʹ sâr sârte duruʹnako.
41Tâkhni âni ana moreṭeʹ piṭhâ ar barya hako laite Sorgo hate koyoʹketeʹ Issor dhonnobad maketeʹ piṭhâko kecaʹ kecaʹketeʹ celakoa tire maketeʹ âdmiko makolaʹ metakeʹkoe. Ar ângkin barya hakoho sanamkhoiʹ hâṭingketeʹ makeʹkoako.
42Angko sanamkhoiʹ laiʹ biketeʹ jomkedako. 43Ar akako ujuʹ tahalena anako sanam piṭhâ ar hakonaʹ kecaʹ halangketeʹ baroṭeʹ pâichâ pereʹgena. 44Jeko jomledako angko talare koṛa gidrâoaʹ songkagi tahalena more hajar.
Jisu daʹ cetante darakede
45Niâtayom Jisute âniren celako lâukâre deʹketeʹ Ânioaʹ lahare hanaparomnaʹ Boithsoidare pâhcuʹlaʹ metakeʹkoe, ana somai ânite âdmiko bidâi makosane. 46Âdmiko bidâiketeʹ Jisu koijong laʹte burure cagene.
47Jâkhni âyubgena tâkhni celakoaʹ lâukâ ganganaʹ talare tahalena ar Jisu eskargi ḍâṛire tahalene. 48Jisudo lelkede celako aima kosṭoketeʹ lâukâte caʹkanako. Karon hoi angkoaʹ ulṭu hategi tahalena. Prai simraʹcaba somai Jisudo ganganaʹ cetan tora daraketeʹ celakoṭheʹ hiʹne ar angko bâgiketeʹ laha caʹsane. 49Kheʹ celakote Ânido ganga cetante daṛa caʹte lelketeʹ angkote Âni bonga moneketeʹ cilluketeʹ rakapnako. 50Karon Âni lelketeʹ sanamkhoiʹ botorlenako. Jisudo tâkhnigi celako saote katha menkede. Ânite angko metakeʹkoe, "Ingkâning, alo botoroʹape, sâhuspe!" 51Tayomte âni lâukâre rakap lenkheʹ ândhi thirgena. Niâte angko aima obakgenako, 52karon niâ lahare angko moreṭeʹ piṭhânaʹ ghoṭonanaʹ bisoi bang bujhu darekadako, angkoaʹ buddhi bânuʹtakoa anate angko bang bujhu dareʹsanako.
53Jisu ar Âniren celako ganga paromketeʹ Ginesorot prodisâmre hiʹketeʹ lâukâ tolkedako. 54Jâkhni sanamkhoiʹ lâukâ khoiʹ agro hiʹnako tâkhni âdmikote Jisu cinhu darelidiako. 55Angko anako oncolnaʹ sanam jagare dâruʹlaʹ lagonako. Inâtayom Jisu akare miniâ ana atenketeʹ angkote ruyâ âdmiko parkomte Âniṭheʹ âgukolaʹ lagonako. 56Sohorkore, ṭolakore ar disâmre jaharigi Jisu caʹsane, aṛegi âdmikote ruyâ âdmiko âguketeʹ bajar talare duruʹkeʹkoako. Angkote Jisu nehorkidiako jate ruyâ âdmiko Ânioaʹ cadrenaʹ acar joṭetʹ dareʹako. Ar jate Ânioaʹ cadre joṭetʹ dareʹako, ar tinâʹ âdmite Âni joṭetʹkidiako, sanamkhoiʹ manjanako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh