Mark 5
5
Kharap attate namuniʹ âdmi manjagene
(Mothi 8:28-34; Luk 8:26-39)
1Inâ tayom Jisu ar Âniren celako Gâlil Ganga paromketeʹ Gadariokoaʹ elakare calonako. 2Jisu lâukâ khoi agroʹtigi kharap attate namuniʹ miṭiʹ âdmi topa jaga khoi oṛoʹ hiʹketeʹ Ânioaʹ samnere hiʹne. 3Âni âdmi topa jagarigi tahansane ar sikriteho âni bang tol dareisenako. 4Ânioaʹ ti janga sikrite tol tahansana. Kheʹ âni sikri topaksane ar janganaʹ beṛi râputsane. Ânioaʹ nâniʹ sukti tahalentaya je eketeho bang samlo dareisenako. 5Âni sing nindâ topa topare ar buru burure cilluʹsane ar dirite nijegi nijeyaʹ hormo getsane.
6Jisu sâhing khoiʹ lelketeʹ âni dâr hiʹketeʹ Âni ḍoboʹodie, 7Ar ânido cilluketeʹ menkede, "Sanamkhoiʹ marangutâriʹ Issorren Hopon Jisu, ing suliʹ amaʹ itâʹ dorkar? Issoraʹ dibbi, amte ing kosṭo alo mangam." 8Âni niâ katha menkede karon Jisute âni metalidie, "Kharap Atta, ni âdmiaʹ talakhoiʹ oṛoʹketeʹ cagen."
9Jisute âni kulikidie, "Amaʹ nutum itâʹ?"
Âni menkede, "Ingâʹ nutum Bâhini, karon ale aima menaʹleya." 10Ânite Jisudo bar bar nehorketeʹ metakidie jate âni ana elaka khoiʹ angko bang oroʹkoe.
11Ana jagare burunaʹ kandhare miṭiʹ marang sukri pâl âtingsanako. 12Kharap attakote Jisu nehorketeʹ metakidiako, "Angko sukriaʹ pâl bhitrire ale kolgirilem, Angko talare ale bolosolem." 13Jisute onumoti ma tayom angko kharap attako oṛoʹketeʹ sukriko talare canako. Anate sanam sukriniʹ pâl burunaʹ dhârsungtora jore nir caketeʹ daʹre dubuketeʹ goiʹnako. Ana pâl talare prai bar hajar sukri tahalenako.
14Ekekote sukri âtingkosenako angko tâkhni dâr caketeʹ ṭolare ar ana sorkorenaʹ sanam jagare niâ khobor lâikedako. Tâkhni âdmiko lellaʹ hiʹnako itâʹ hokana. 15Angko Jisuṭheʹ hiʹketeʹ lelkedako, je aima kharap attate namlidiako âni âdmi lugri citriʹ soroʹketeʹ manja monte duruʹ miniâ. Niâ lelketeʹ âdmiko botornako. 16Niâ ghoṭona ekeko lelledako angko âni kharap attate namuniʹ âdmiaʹ bisoi ar angko sukrikoaʹ bisoite âdmiko baṛesokeʹkoako. 17Niâte âdmikote Jisu nehoriʹlaʹ lagonako jate Âni angkoaʹ elaka bâgiketeʹ caʹe.
18Jisu jâkhni lâukâre dejoʹsane tâkhni je kharap attate namlidiako âni âdmi Âni suliʹ caloʹ laʹte nehoriʹlaʹ lagone. 19Kheʹ Jisute âni unumoti bang malidie ar niâ menketeʹ bidâikidie, "Am amaʹ oraʹre âcur cap ar Probhu am laʹte tiniʹ marang kâmikade ar amaʹ cetanre tiniʹ maya uduʹkade ana caketeʹ amaʹ oraʹren âdmiko lâiokom."
20Âni âdmi tâkhni cagene ar Jisu âni laʹte tiniʹ marang kâmikade ana Dikâpoli elakare procarlaʹ lagone. Anate sanamkhoiʹ asarjogenako.
Miṭiʹ goiʹ kuri ar miʹhor ruâ reja
(Mothi 9:18-26; Luk 8:40-56)
21Jisu jâkhni lâukâte arho Gâlil marang ganganaʹ eṭaʹ hate cane tâkhni Ânioaʹ câriunakhare aima âdmi hiʹketeʹ bhiṛkedako. Âni tâkhniho Gâlil marang ganganaʹ kandhare tahalene. 22Ana somai Jair nutumte Jihudi miṭiʹ somaj oraʹren neta aṛe hiʹne ar Jisu lelketeʹ Ânioaʹ janga joṭetʹketeʹ ḍoboʹodie. 23Ar ânite Jisu nehorketeʹ metakidie, "Ingren kuri gidrâ goiʹuniʹ lakakane. Am hiʹketeʹ âniaʹ cetanre amaʹ ti dohem, anate âni bacoʹe."
24Tâkhni Jisudo âni suliʹ calone. Aima âdmi Jisuoaʹ sao saote caloʹsanako ar Ânioaʹ câriunakhare ṭhelaṭheliʹsenako.
25Ana bhiṛnaʹ talare miṭiʹ reja tahalene ekedo baro bochor khoiʹ rokto srabte ruâʹsane. 26Aima ḍaktarkoaʹ tite âni aima kosṭo namlede, Ar âniaʹ ja kichu tahalena sanamgi âni khoroc girilede, kheʹ manja hoʹlaʹ badalte din dinte âniaʹ obostha kharapoʹsena.
27Jisuoaʹ bisoi atenketeʹ âni bhiṛ talarigi Jisuoaʹ ṭhik tayomhate hiʹketeʹ Ânioaʹ cadre joṭetkede, 28karon âni bhabolene, "Judi kâṭuʹ Ânioaʹ lugri citriʹ âni joṭet dareʹe, tahale âni bacoʹheʹ." 29Jisuoaʹ cadre joṭet sao saotigi âniaʹ rokto srab cabagentaya ar âni aiaʹ nijeyaʹ hormo talatigi bujhukede âniaʹ ruâ manjagentaya.
30Jisu tâkhnigi bujhukede Ânioaʹ talakhoiʹ sukti oṛoʹgekana. Ana laʹte Âni bhiṛnaʹ câriunakha koyoʹketeʹ kulikeʹkoe, "Ekete Ingâʹ lugri joṭetkede?"
31Âniren celako menkedako, "Amto leldam âdmiko Amaʹ câriunakhare ṭhelaṭheliʹkanako ar taoreho Am mendam, 'Ekete Ing joṭetkidinge?'"
32Kheʹ je niâ kâmi rikâkade âni leleilaʹte Jisudo câriunakha koyoklaʹ lagone. 33Tâkhni âni rejado botorte hilu hilute âniaʹ cetanre itâʹ rikâ hokana ana baṛesoi laʹte Jisuoaʹ jangare ujuʹne ar sanam sâri katha lâiodie. 34Jisute âni rejado aima mayakete metakidie, "Amdo pâtyukanam mente manjakanam. Sântite cagen, amaʹ ar niâ kosṭo bang hoʹmâniʹ."
35Jisudo tâkhniho katha mensane, emon somai Jihudi miṭiʹ somaj oraʹren neta Jâyiraʹ oraʹ khoiʹ koekṭeʹ âdmi hiʹketeʹ Jâyir metakidiako, "Amren kuri gidrâ goigekane," angko menkedako, "Gurudo ar alo kosṭo maiam?"
36Angko âdmikoaʹ katha atenketeʹ Jisute miṭiʹ somaj oraʹren neta Jâyir metakidie, "Alo botoroʹam, khâli pâtyup."
37Jisute khâli Pitor, Jakob, ar Jakobren boiha Johon Aiʹ saote engekeʹkoe. 38Tayomte miṭiʹ somaj oraʹren neta Jâyiraʹ oraʹre hiʹketeʹ Jisu lelkede aima golmal hoʹkana. Âdmiko jore jore raʹdako. 39Jisu bhitârre caketeʹ âdmiko metakeʹkoe, "Ape ceklaʹ golmaldape ar raʹdape? Kuri gidrâ bang goiʹkane, jâpitde." 40Kheʹ angkote âni landaodiâko.
Inâ tayom Jisute angko sanamkhoiʹ baherre oṛoʹkeʹkoe, ar Jisu kurigidrâren engat bot ar Âni saoren celako engeketeʹ, akare kurigidrâ tahalene, aṛe bolonako. 41Jisute kurigidrâoaʹ ti sabketeʹ metakidie, "Ṭâlithâ kum!" (Orthat, "Bâṭâ, Ingte am metamkâning, beretop"). 42Tâkhnigi kurigidrâ beretʹketeʹ daranlaʹ lagone (âniaʹ boyos tahalentaya baro bochor). Anate angko aima asarjogenako. 43Niâ ghoṭonanaʹ katha ekeho bang baṛesoko laʹte Jisute kâṭhin hukum makeʹkoe, ar kurigidrâ thoṛa jomsoilaʹ metakeʹkoe.
Currently Selected:
Mark 5: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 5
5
Kharap attate namuniʹ âdmi manjagene
(Mothi 8:28-34; Luk 8:26-39)
1Inâ tayom Jisu ar Âniren celako Gâlil Ganga paromketeʹ Gadariokoaʹ elakare calonako. 2Jisu lâukâ khoi agroʹtigi kharap attate namuniʹ miṭiʹ âdmi topa jaga khoi oṛoʹ hiʹketeʹ Ânioaʹ samnere hiʹne. 3Âni âdmi topa jagarigi tahansane ar sikriteho âni bang tol dareisenako. 4Ânioaʹ ti janga sikrite tol tahansana. Kheʹ âni sikri topaksane ar janganaʹ beṛi râputsane. Ânioaʹ nâniʹ sukti tahalentaya je eketeho bang samlo dareisenako. 5Âni sing nindâ topa topare ar buru burure cilluʹsane ar dirite nijegi nijeyaʹ hormo getsane.
6Jisu sâhing khoiʹ lelketeʹ âni dâr hiʹketeʹ Âni ḍoboʹodie, 7Ar ânido cilluketeʹ menkede, "Sanamkhoiʹ marangutâriʹ Issorren Hopon Jisu, ing suliʹ amaʹ itâʹ dorkar? Issoraʹ dibbi, amte ing kosṭo alo mangam." 8Âni niâ katha menkede karon Jisute âni metalidie, "Kharap Atta, ni âdmiaʹ talakhoiʹ oṛoʹketeʹ cagen."
9Jisute âni kulikidie, "Amaʹ nutum itâʹ?"
Âni menkede, "Ingâʹ nutum Bâhini, karon ale aima menaʹleya." 10Ânite Jisudo bar bar nehorketeʹ metakidie jate âni ana elaka khoiʹ angko bang oroʹkoe.
11Ana jagare burunaʹ kandhare miṭiʹ marang sukri pâl âtingsanako. 12Kharap attakote Jisu nehorketeʹ metakidiako, "Angko sukriaʹ pâl bhitrire ale kolgirilem, Angko talare ale bolosolem." 13Jisute onumoti ma tayom angko kharap attako oṛoʹketeʹ sukriko talare canako. Anate sanam sukriniʹ pâl burunaʹ dhârsungtora jore nir caketeʹ daʹre dubuketeʹ goiʹnako. Ana pâl talare prai bar hajar sukri tahalenako.
14Ekekote sukri âtingkosenako angko tâkhni dâr caketeʹ ṭolare ar ana sorkorenaʹ sanam jagare niâ khobor lâikedako. Tâkhni âdmiko lellaʹ hiʹnako itâʹ hokana. 15Angko Jisuṭheʹ hiʹketeʹ lelkedako, je aima kharap attate namlidiako âni âdmi lugri citriʹ soroʹketeʹ manja monte duruʹ miniâ. Niâ lelketeʹ âdmiko botornako. 16Niâ ghoṭona ekeko lelledako angko âni kharap attate namuniʹ âdmiaʹ bisoi ar angko sukrikoaʹ bisoite âdmiko baṛesokeʹkoako. 17Niâte âdmikote Jisu nehoriʹlaʹ lagonako jate Âni angkoaʹ elaka bâgiketeʹ caʹe.
18Jisu jâkhni lâukâre dejoʹsane tâkhni je kharap attate namlidiako âni âdmi Âni suliʹ caloʹ laʹte nehoriʹlaʹ lagone. 19Kheʹ Jisute âni unumoti bang malidie ar niâ menketeʹ bidâikidie, "Am amaʹ oraʹre âcur cap ar Probhu am laʹte tiniʹ marang kâmikade ar amaʹ cetanre tiniʹ maya uduʹkade ana caketeʹ amaʹ oraʹren âdmiko lâiokom."
20Âni âdmi tâkhni cagene ar Jisu âni laʹte tiniʹ marang kâmikade ana Dikâpoli elakare procarlaʹ lagone. Anate sanamkhoiʹ asarjogenako.
Miṭiʹ goiʹ kuri ar miʹhor ruâ reja
(Mothi 9:18-26; Luk 8:40-56)
21Jisu jâkhni lâukâte arho Gâlil marang ganganaʹ eṭaʹ hate cane tâkhni Ânioaʹ câriunakhare aima âdmi hiʹketeʹ bhiṛkedako. Âni tâkhniho Gâlil marang ganganaʹ kandhare tahalene. 22Ana somai Jair nutumte Jihudi miṭiʹ somaj oraʹren neta aṛe hiʹne ar Jisu lelketeʹ Ânioaʹ janga joṭetʹketeʹ ḍoboʹodie. 23Ar ânite Jisu nehorketeʹ metakidie, "Ingren kuri gidrâ goiʹuniʹ lakakane. Am hiʹketeʹ âniaʹ cetanre amaʹ ti dohem, anate âni bacoʹe."
24Tâkhni Jisudo âni suliʹ calone. Aima âdmi Jisuoaʹ sao saote caloʹsanako ar Ânioaʹ câriunakhare ṭhelaṭheliʹsenako.
25Ana bhiṛnaʹ talare miṭiʹ reja tahalene ekedo baro bochor khoiʹ rokto srabte ruâʹsane. 26Aima ḍaktarkoaʹ tite âni aima kosṭo namlede, Ar âniaʹ ja kichu tahalena sanamgi âni khoroc girilede, kheʹ manja hoʹlaʹ badalte din dinte âniaʹ obostha kharapoʹsena.
27Jisuoaʹ bisoi atenketeʹ âni bhiṛ talarigi Jisuoaʹ ṭhik tayomhate hiʹketeʹ Ânioaʹ cadre joṭetkede, 28karon âni bhabolene, "Judi kâṭuʹ Ânioaʹ lugri citriʹ âni joṭet dareʹe, tahale âni bacoʹheʹ." 29Jisuoaʹ cadre joṭet sao saotigi âniaʹ rokto srab cabagentaya ar âni aiaʹ nijeyaʹ hormo talatigi bujhukede âniaʹ ruâ manjagentaya.
30Jisu tâkhnigi bujhukede Ânioaʹ talakhoiʹ sukti oṛoʹgekana. Ana laʹte Âni bhiṛnaʹ câriunakha koyoʹketeʹ kulikeʹkoe, "Ekete Ingâʹ lugri joṭetkede?"
31Âniren celako menkedako, "Amto leldam âdmiko Amaʹ câriunakhare ṭhelaṭheliʹkanako ar taoreho Am mendam, 'Ekete Ing joṭetkidinge?'"
32Kheʹ je niâ kâmi rikâkade âni leleilaʹte Jisudo câriunakha koyoklaʹ lagone. 33Tâkhni âni rejado botorte hilu hilute âniaʹ cetanre itâʹ rikâ hokana ana baṛesoi laʹte Jisuoaʹ jangare ujuʹne ar sanam sâri katha lâiodie. 34Jisute âni rejado aima mayakete metakidie, "Amdo pâtyukanam mente manjakanam. Sântite cagen, amaʹ ar niâ kosṭo bang hoʹmâniʹ."
35Jisudo tâkhniho katha mensane, emon somai Jihudi miṭiʹ somaj oraʹren neta Jâyiraʹ oraʹ khoiʹ koekṭeʹ âdmi hiʹketeʹ Jâyir metakidiako, "Amren kuri gidrâ goigekane," angko menkedako, "Gurudo ar alo kosṭo maiam?"
36Angko âdmikoaʹ katha atenketeʹ Jisute miṭiʹ somaj oraʹren neta Jâyir metakidie, "Alo botoroʹam, khâli pâtyup."
37Jisute khâli Pitor, Jakob, ar Jakobren boiha Johon Aiʹ saote engekeʹkoe. 38Tayomte miṭiʹ somaj oraʹren neta Jâyiraʹ oraʹre hiʹketeʹ Jisu lelkede aima golmal hoʹkana. Âdmiko jore jore raʹdako. 39Jisu bhitârre caketeʹ âdmiko metakeʹkoe, "Ape ceklaʹ golmaldape ar raʹdape? Kuri gidrâ bang goiʹkane, jâpitde." 40Kheʹ angkote âni landaodiâko.
Inâ tayom Jisute angko sanamkhoiʹ baherre oṛoʹkeʹkoe, ar Jisu kurigidrâren engat bot ar Âni saoren celako engeketeʹ, akare kurigidrâ tahalene, aṛe bolonako. 41Jisute kurigidrâoaʹ ti sabketeʹ metakidie, "Ṭâlithâ kum!" (Orthat, "Bâṭâ, Ingte am metamkâning, beretop"). 42Tâkhnigi kurigidrâ beretʹketeʹ daranlaʹ lagone (âniaʹ boyos tahalentaya baro bochor). Anate angko aima asarjogenako. 43Niâ ghoṭonanaʹ katha ekeho bang baṛesoko laʹte Jisute kâṭhin hukum makeʹkoe, ar kurigidrâ thoṛa jomsoilaʹ metakeʹkoe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh