Mark 4
4
Miṭiʹ câsiaʹ cetʹaʹ lopor
(Mothi 13:1-9; Luk 8:4-8)
1Jisu arho Gâlil Ganganaʹ kandhare âdmiko cedkolaʹ lagone. Ânioaʹ câryunakhare aima âdmiaʹ bhiṛ hona. Analaʹte Ânido Ganganaʹ talare miṭiʹ lâukâre rakapketeʹ duruʹne. Ar âdmiko Ganganaʹ kandhare tengo tahenako. 2Ânitedo cetʹaʹ lopornaʹ talate aima bisoite angko cedkolaʹ lagone. Ana talate Âni menkede,
3"Atenpe, miṭiʹ kirsân bicun merlaʹ cane. 4Jang merse somai tinâʹ jang ḍahar kandhare ujuʹna, ar cereko hiʹketeʹ ana jom cabakedako. 5Arho tinâʹ jang dirinaʹ khetre ujuʹna. Aṛe ḍher has bang tahalena. Has ḍher khândring bang tahalena mente saṭlaka bicun dare rakapna. 6Sing cando rakap tayom anako âuṛugena, ar jar has latarre bang bâisulena mente lohorgena. 7Arho tinâʹ bicun jânumjhâilâ talare ujuʹna. Jânumjhâilâ suliʹ ana bicunko marang rakapketeʹ anako capo dharokede, anate jo bang dharolena. 8Kheʹ arho tinâʹ bicun manja khetre ujuʹna ar dare hara rakapna ar jo makede, akaṭaʹre tiris gun, akaṭaʹre sâṭ gun, abar akaṭaʹre miʹso gun folon hona."
9Mucitre Jisu menkede, "Jeyaʹ atenaʹ lutur menaʹtaya âni atenmane."
Cetʹaʹ lopor mennaʹ uddesso
(Mothi 13:10-17; Luk 8:9-10)
10Bhiṛ caba tayom Jisuoaʹ câryunakharen âdmiko ar Âniren baroṭeʹ celako ana cetʹaʹ lopornaʹ mane Jisu kulikidiako. 11Jisu angko metakeʹkoe, "Issoraʹ rajjonaʹ baiaʹ sâriaʹdo apegi baṛeso hokana, kheʹ eṭaʹ âdmikoṭheʹ cetʹaʹ lopor talatigi sanam katha men hoʹa. 12Jate Pobittro Sastronaʹ kathalaka,
'Angko koyoʹketeʹho bang lel namako.
Ar atenketeʹho bang bujhu dareʹako.
Ar bangkheʹ angko hoito Issor hate âcuroʹako ar map namako.'"#Jisaio 6:9-10
Câsiaʹ cetʹaʹ lopornaʹ mane
(Mothi 13:18-23; Luk 8:11-15)
13Inâ tayom Jisute angko metakeʹkoe, "Ape ki na cetʹaʹ lopornaʹ mane bang bujhuledape? Tahale kalkaketeʹ eṭaʹ loporkonaʹ mane bujhiape? 14Câsi aka bicun merlede ana hoʹkana Issoraʹ katha. 15Ḍahar kandhare ujuʹnaʹ bicun talate angkoaʹ somondhegi men hoʹkana ekeko ana katha atenako, kheʹ Soitan tâkhnigi hiʹketeʹ angkoaʹ ontorre aka katha merlina ana idie.
16"Dhirinaʹ khetre ujuʹonaʹ bicun talate angko somondhegi men hoʹkana ekeko ana katha atenako ar tâkhnigi hub suli ana engeyako. 17Kheʹ angko talare jar manjate bang bâisulena mente kebol thoṛa din laʹte angko thirgi tahanako. Tayomte katha laʹte jâkhni kosṭo ar ottacar hijuʹa tâkhnigi angko tainomoako.
18"Arho jânumjhâilâ talare ujuʹonaʹ bicun talate angko somondhegi men hoʹkana ekeko ana katha atenako, 19kheʹ songsarnaʹ cintâ bhabna, dhon sompottinaʹ maya ar eṭaʹaʹ jinisnaʹ lob hiʹketeʹ ana kathako capo dhareye,
20"Ana laʹte anare aka joho bang joʹa ar manja khetnaʹ merse bicun talate angko somondhe men hoʹkana ekeko ana katha atenako ar ana engeyako ar jo emako, keho emako tiris gun, keho emako sâṭ gun abar keho emako miʹso gun."
21Jisu arho menkede, "Keho ki ḍibiâ engeketeʹ pâichâʹ se parkom latarre dohoe? Âni ki ana cârkhi cetanre bang dohoe? 22Jahan jinis judi bai tahena anado sodoroʹhaʹ. Ar jahan jinis judi dhapan tahena tobe anado oṭaʹhoʹhaʹ. 23Judi jaheyaʹ atenaʹ lutur tahantaya âni atenmane.
24Inâ tayom Jisu menkede, "Ape aka atenkadape ana bisoite monojog hoʹpe. Ape alka songketeʹ makoyape ape laʹteho analakagi song hoʹa, emon ki, ḍherketeʹgi song hoʹa. 25Ekeyaʹ menaʹa âni arho mailaʹ hoʹa, kheʹ ekeyaʹ bânuʹa âniaʹ aka menaʹa anaho âniṭheʹ khoiʹ engelaʹ hoʹa."
Fosolnaʹ cetʹaʹ lopor
26Jisu arho menkede, "Issoraʹ Rajjo niâ laka, miṭiʹ âdmi khetre bicân merkede. 27Tayomte âni nindâ jâpit ar dinre bang jâpitketeʹ somai kaṭokede. Niâ talatigi ana bicân khoi dari hara rakapna, kheʹ akalakate hona ana âni bang baṛekede. 28Khet aiʹ aiʹtigi jo janamkede palhere dare, tayomte gele ar gelenaʹ agalre pereʹ fosolnaʹ jo. 29Jo bele tayom âni kâciâte getʹlaʹ lagone karon fosol getnaʹ somai hokana."
Goṭa jangnaʹ cetʹaʹ lopor
(Mothi 13:31-35; Luk 13:18-19)
30Ana tayom Jisu menkede, "Itâʹ suliʹ abo Issoraʹ Rajjonaʹ tulonayabo? Aka cetʹaʹ lopornaʹ talate ana bujhukoabo? 31Ana Rajjo miṭiʹ goṭa jang laka. Khetre merse somai lel namoʹa je, ana sanam jangko tala khoiʹ sanamkhoiʹ kâṭiʹgiâ. 32Kheʹ merse tayom jâkhni dare hara rakapoʹhaʹ tâkhni sanam araʹ sakam tala khoiʹ ana sanamkhoiʹ marang hoʹa, ar aima marang marang ḍhâr oṛokoʹhaʹ, ar sermaren cerekoho ana danagre kondhaʹ bano dareʹako."
33Niâ laka aima cetʹaʹ lopor talate Jisu Issoraʹ katha âdmikoṭheʹ lâisane. Angko tinâʹ bujhusenako inâʹgi ânite angkoṭheʹ lâisane. 34Cetʹaʹ lopor bâgiketeʹ ânite angko bang cedkosane, kheʹ celako jâkhni Âni suliʹ ekla tahansanako tâkhni Âni sanamaʹ angko bujhuakosane.
Ândhi thamokede
(Mothi 8:23-27; Luk 8:22-25)
35Ana din âyub bela Jisu Aiʹren celako metakeʹkoe, "Dela, abodo Ganganaʹ hanaparom caʹabo." 36Tâkhni celako âdmiko bâgiketeʹ Jisu aka lâukâre tahalene ana lâukâre Âni cane. Are arho eṭaʹ lâukâho tahalena. 37Lâukâ jâkhni caʹsana tâkhni aima ândhi rakapna ar ḍheoko lâukâ cetanre emon bhabe ujuʹna je, lâukâ daʹte perejoʹlaʹ lagona. 38Kheʹ Jisudo lâukânaʹ tayom hate miṭiʹ bâlis cetanre bohoʹ dohoketeʹ jâpitsane. Celako Âni ṭâhuketeʹ metakidiako, "Guru, abo je gojoʹkanabo ante ki amaʹ kheyal bânuʹa?"
39Jisu beretʹketeʹ hoi dhamkokede ar Ganga metakidie, "Thirup, thirup." Inâtigi hoi thamogena ar sanamgi thirgena.
40Ânite celako metakeʹkoe, "Ape botoroʹkanape ceklaʹ? Nitho ki apeya pâtyu bang hokâniʹ?"
41Tâkhni celako aima botornako ar ako talare menlaʹ lagonako "Ni ekekane je, hoi ar Gangaho Ânia katha atene?"
Currently Selected:
Mark 4: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mark 4
4
Miṭiʹ câsiaʹ cetʹaʹ lopor
(Mothi 13:1-9; Luk 8:4-8)
1Jisu arho Gâlil Ganganaʹ kandhare âdmiko cedkolaʹ lagone. Ânioaʹ câryunakhare aima âdmiaʹ bhiṛ hona. Analaʹte Ânido Ganganaʹ talare miṭiʹ lâukâre rakapketeʹ duruʹne. Ar âdmiko Ganganaʹ kandhare tengo tahenako. 2Ânitedo cetʹaʹ lopornaʹ talate aima bisoite angko cedkolaʹ lagone. Ana talate Âni menkede,
3"Atenpe, miṭiʹ kirsân bicun merlaʹ cane. 4Jang merse somai tinâʹ jang ḍahar kandhare ujuʹna, ar cereko hiʹketeʹ ana jom cabakedako. 5Arho tinâʹ jang dirinaʹ khetre ujuʹna. Aṛe ḍher has bang tahalena. Has ḍher khândring bang tahalena mente saṭlaka bicun dare rakapna. 6Sing cando rakap tayom anako âuṛugena, ar jar has latarre bang bâisulena mente lohorgena. 7Arho tinâʹ bicun jânumjhâilâ talare ujuʹna. Jânumjhâilâ suliʹ ana bicunko marang rakapketeʹ anako capo dharokede, anate jo bang dharolena. 8Kheʹ arho tinâʹ bicun manja khetre ujuʹna ar dare hara rakapna ar jo makede, akaṭaʹre tiris gun, akaṭaʹre sâṭ gun, abar akaṭaʹre miʹso gun folon hona."
9Mucitre Jisu menkede, "Jeyaʹ atenaʹ lutur menaʹtaya âni atenmane."
Cetʹaʹ lopor mennaʹ uddesso
(Mothi 13:10-17; Luk 8:9-10)
10Bhiṛ caba tayom Jisuoaʹ câryunakharen âdmiko ar Âniren baroṭeʹ celako ana cetʹaʹ lopornaʹ mane Jisu kulikidiako. 11Jisu angko metakeʹkoe, "Issoraʹ rajjonaʹ baiaʹ sâriaʹdo apegi baṛeso hokana, kheʹ eṭaʹ âdmikoṭheʹ cetʹaʹ lopor talatigi sanam katha men hoʹa. 12Jate Pobittro Sastronaʹ kathalaka,
'Angko koyoʹketeʹho bang lel namako.
Ar atenketeʹho bang bujhu dareʹako.
Ar bangkheʹ angko hoito Issor hate âcuroʹako ar map namako.'"#Jisaio 6:9-10
Câsiaʹ cetʹaʹ lopornaʹ mane
(Mothi 13:18-23; Luk 8:11-15)
13Inâ tayom Jisute angko metakeʹkoe, "Ape ki na cetʹaʹ lopornaʹ mane bang bujhuledape? Tahale kalkaketeʹ eṭaʹ loporkonaʹ mane bujhiape? 14Câsi aka bicun merlede ana hoʹkana Issoraʹ katha. 15Ḍahar kandhare ujuʹnaʹ bicun talate angkoaʹ somondhegi men hoʹkana ekeko ana katha atenako, kheʹ Soitan tâkhnigi hiʹketeʹ angkoaʹ ontorre aka katha merlina ana idie.
16"Dhirinaʹ khetre ujuʹonaʹ bicun talate angko somondhegi men hoʹkana ekeko ana katha atenako ar tâkhnigi hub suli ana engeyako. 17Kheʹ angko talare jar manjate bang bâisulena mente kebol thoṛa din laʹte angko thirgi tahanako. Tayomte katha laʹte jâkhni kosṭo ar ottacar hijuʹa tâkhnigi angko tainomoako.
18"Arho jânumjhâilâ talare ujuʹonaʹ bicun talate angko somondhegi men hoʹkana ekeko ana katha atenako, 19kheʹ songsarnaʹ cintâ bhabna, dhon sompottinaʹ maya ar eṭaʹaʹ jinisnaʹ lob hiʹketeʹ ana kathako capo dhareye,
20"Ana laʹte anare aka joho bang joʹa ar manja khetnaʹ merse bicun talate angko somondhe men hoʹkana ekeko ana katha atenako ar ana engeyako ar jo emako, keho emako tiris gun, keho emako sâṭ gun abar keho emako miʹso gun."
21Jisu arho menkede, "Keho ki ḍibiâ engeketeʹ pâichâʹ se parkom latarre dohoe? Âni ki ana cârkhi cetanre bang dohoe? 22Jahan jinis judi bai tahena anado sodoroʹhaʹ. Ar jahan jinis judi dhapan tahena tobe anado oṭaʹhoʹhaʹ. 23Judi jaheyaʹ atenaʹ lutur tahantaya âni atenmane.
24Inâ tayom Jisu menkede, "Ape aka atenkadape ana bisoite monojog hoʹpe. Ape alka songketeʹ makoyape ape laʹteho analakagi song hoʹa, emon ki, ḍherketeʹgi song hoʹa. 25Ekeyaʹ menaʹa âni arho mailaʹ hoʹa, kheʹ ekeyaʹ bânuʹa âniaʹ aka menaʹa anaho âniṭheʹ khoiʹ engelaʹ hoʹa."
Fosolnaʹ cetʹaʹ lopor
26Jisu arho menkede, "Issoraʹ Rajjo niâ laka, miṭiʹ âdmi khetre bicân merkede. 27Tayomte âni nindâ jâpit ar dinre bang jâpitketeʹ somai kaṭokede. Niâ talatigi ana bicân khoi dari hara rakapna, kheʹ akalakate hona ana âni bang baṛekede. 28Khet aiʹ aiʹtigi jo janamkede palhere dare, tayomte gele ar gelenaʹ agalre pereʹ fosolnaʹ jo. 29Jo bele tayom âni kâciâte getʹlaʹ lagone karon fosol getnaʹ somai hokana."
Goṭa jangnaʹ cetʹaʹ lopor
(Mothi 13:31-35; Luk 13:18-19)
30Ana tayom Jisu menkede, "Itâʹ suliʹ abo Issoraʹ Rajjonaʹ tulonayabo? Aka cetʹaʹ lopornaʹ talate ana bujhukoabo? 31Ana Rajjo miṭiʹ goṭa jang laka. Khetre merse somai lel namoʹa je, ana sanam jangko tala khoiʹ sanamkhoiʹ kâṭiʹgiâ. 32Kheʹ merse tayom jâkhni dare hara rakapoʹhaʹ tâkhni sanam araʹ sakam tala khoiʹ ana sanamkhoiʹ marang hoʹa, ar aima marang marang ḍhâr oṛokoʹhaʹ, ar sermaren cerekoho ana danagre kondhaʹ bano dareʹako."
33Niâ laka aima cetʹaʹ lopor talate Jisu Issoraʹ katha âdmikoṭheʹ lâisane. Angko tinâʹ bujhusenako inâʹgi ânite angkoṭheʹ lâisane. 34Cetʹaʹ lopor bâgiketeʹ ânite angko bang cedkosane, kheʹ celako jâkhni Âni suliʹ ekla tahansanako tâkhni Âni sanamaʹ angko bujhuakosane.
Ândhi thamokede
(Mothi 8:23-27; Luk 8:22-25)
35Ana din âyub bela Jisu Aiʹren celako metakeʹkoe, "Dela, abodo Ganganaʹ hanaparom caʹabo." 36Tâkhni celako âdmiko bâgiketeʹ Jisu aka lâukâre tahalene ana lâukâre Âni cane. Are arho eṭaʹ lâukâho tahalena. 37Lâukâ jâkhni caʹsana tâkhni aima ândhi rakapna ar ḍheoko lâukâ cetanre emon bhabe ujuʹna je, lâukâ daʹte perejoʹlaʹ lagona. 38Kheʹ Jisudo lâukânaʹ tayom hate miṭiʹ bâlis cetanre bohoʹ dohoketeʹ jâpitsane. Celako Âni ṭâhuketeʹ metakidiako, "Guru, abo je gojoʹkanabo ante ki amaʹ kheyal bânuʹa?"
39Jisu beretʹketeʹ hoi dhamkokede ar Ganga metakidie, "Thirup, thirup." Inâtigi hoi thamogena ar sanamgi thirgena.
40Ânite celako metakeʹkoe, "Ape botoroʹkanape ceklaʹ? Nitho ki apeya pâtyu bang hokâniʹ?"
41Tâkhni celako aima botornako ar ako talare menlaʹ lagonako "Ni ekekane je, hoi ar Gangaho Ânia katha atene?"
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh