Mothi 26
26
Dhormo netakote Jisu goiʹgirilaʹ porikolponakedako
(Mark 14:1-2; Luk 22:1-2; Johon 11:45-53)
1Niâko cetʹaʹ mentayom Jisute Aiʹren celako metakeʹkoe, 2"Apeto baṛeyape ar bar din tayom bacoaʹ porob, ar Âdmi Hopondo kurusre mai laʹte sutruoaʹ tire sabsoikohaʹ." Mahoʹhaʹ."#26:2 Bacoaʹ porbo hoʹkana jâkhni Israyelko Misor disâm khoiʹ oroʹ hijuʹriaʹ disâlaʹte bacoaʹ porbo palondako.
3Ana somai sanam khoiʹ marang purohit Kaiyafaoaʹ racare marang purohitko ar Jihudiren harme netako miʹsaote jaoranako. 4Ar Jisu baite sab âguketeʹ goiʹgiriyilaʹ soṛojontro kedako. 5Kheʹ angko menkedako, "Ale porobnaʹ somaido bang rikâdareʹale, anate âdmiko talare golmal ho darena."
Probhu Jisuoaʹ bohoʹre sunum dul
(Mark 14:3-9; Johon 12:1-8)
6Jisu Boithoniâren ṭolaren kusṭo rugi Simonaʹ oraʹre tahalene jeyaʹ kusṭho ruâ tahalena. 7Ana somai miṭiʹ reja Jisuṭheʹ hiʹne, âni reja miṭiʹ poṛ dirinaʹ aima dâmi botalte so sunum aguleʹe. Jisu jâkhni jomlaʹ duruʹne tâkhni âni reja Jisuoaʹ bohoʹre ana so sunum dulodie.
8Celako ana lelte ârisketeʹ menkedako, "Nâniʹ dam naʹ jinis ceklaʹ nosṭo kedam? 9Nato aima ṭhepte âkringketeʹ range âdmiko majutuʹahote."
10Jisu na katha aten namketeʹ celako metakeʹkoe, "Ape ni reja ceklaʹ ârisoikanape? Âni reja Ing laʹte aima manja kâmikaʹe. 11Range âdmikoto sanam somai ape talare menaʹkoa, kheʹ Ingdo ape sanam somai sorre bang namengape. 12Âni Ingâʹ hormo cetanre na so sunum dulketeʹ Ing topa laʹte sapro kâdinge. 13Ingte ape sârigi metapekâning, dhârtinaʹ sanam jagarigi jeṭheʹ âdmiko manja khobor procar kohaʹ, aṛegi ni rejaoaʹ katha disâ dohoi laʹte âniaʹ na kâminaʹ kathaho men hoʹha."
Jihudate Jisu protaronailaʹ cestakede
(Mark 14:10-11; Luk 22:3-6)
14Tâkhni âni baroṭeʹ cela tala khoiʹ Jihuda Iskariot nutumte miṭiʹ cela marang purohitkoṭheʹ caketeʹ menkede, 15"Judi ingte apeyaʹ tire Jisu sabsolekheʹ ape ing itâʹ mangapehaʹ?" Tâkhni marang purohitko rupânaʹ tirisṭeʹ paisa âni madiako. 16Ana somai khoiʹgi Jihuda angkoaʹ tire Jisu sabso laʹte sujog sendrelaʹ lagone.
Uddhâr porobnaʹ bhoj
(Mark 14:12-21; Luk 22:7-14, 21-23; Johon 13:21-30)
17Khâmi piṭhâ porobnaʹ palhe dinre celakote Jisuṭheʹ hiʹketeʹ menkedako, "Am laʹte bacoaʹ porobnaʹ bhoj ale akare sapreyale mendam?"
18Jisu menkede, "Ape sohornaʹ talare caketeʹ miṭiʹ âdmi lelnameyapehaʹ âni âdmi metaipe, 'Guru menkede, Ingâʹ somai sorre hiʹkana. Ingren cela suliʹ Ing amaʹ oraʹrigi bacoaʹ porob paloninghâʹ.'" 19Celako Jisuoaʹ hukum lakagi kâmi kedako, ar bacoaʹ porobnaʹ bhoj sapṛo kedako.
20Beladubulenkheʹ Jisute angko baroṭeʹ celako suliʹ jomlaʹ duruʹne. 21Jom somai Jisu menkede, "Ingte ape sâriaʹgi metapekâning, ape talare miʹhorte Ing sabsongheʹ."
22Tâkhni celako aima bhabno nako ar miʹhor miʹhorketeʹ Jisu kulikidiako, "Probhu, âni ki ingkâning?"
23Uttorre Ânite angko metakeʹkoe, "Eke Ing suliʹ jomnaʹ bâṭire tiʹ ḍubukade, ânitigi Ing sabsongheʹ. 24Âdmi Hoponaʹ bisoite alka ol menaʹa, engkagi ânido gojoʹe, kheʹ botor âni âdmi ekete Âdmi Hopon sutrukoaʹ tire sabsoiheʹ! Âni âdmiaʹ janam bang holentaikheʹ borong âniaʹ pokkhe manja hoʹahoteʹ."
25Eketeʹ Jisu sutrukoaʹ tire sabsoi laʹte caʹsane âni Jihuda menkede, "Guru, âni ki ingkâning?"
Jisute âni metakidie, "Am ṭhikʹ kathagi menkedam."
Probhuaʹ bhoj
(Mark 14:22-26; Luk 22:15-20; 1 Korinthio 11:23-25)
26Jâkhni angko jom sanako, ana somaigi Jisu piṭhâ engeketeʹ Issor dhonnobad makidie. Natayom ana piṭhâ kecaʹkeʹe ar celako maketeʹ menkede, "Engepe ar jompe, nado Ingâʹ hormokana."
27Natayom Jisu mog engeketeʹ Issor dhonnobad makidie ar celako maketeʹ menkede, "Ape sanamkhoiʹ na nuipe, 28karon na hoʹkana Ingâʹ meyom akaṭaʹdo aima pâpi âdmi papnaʹ khoma namlaʹte ma hoʹa. Issor ar âdmiko talare cukti hisâbte sikriti maʹe. 29Ingte ape metapekâning, Ing ar bang ânggur rase nuing, tinâʹ din Ing Ingren Babaoaʹ rajjore ape suliʹ bang caʹinghâʹ."
30Tayomte angko miṭiʹ siringketeʹ oṛoʹ nako ar Joitun burure canako.
Pitoraʹ osikâr
(Mark 14:27-31; Luk 22:31-34; Johon 13:36-38)
31Tâkhni Jisute aiʹren celako metakeʹkoe, "Tihin nindâ Ing laʹte ape Ing bâgiketeʹ caʹpehaʹ. Ceklaʹbang Pobitro sastrore ol menaʹa,
'Ingte bhiṛireʹ dhore goiʹ girikohuʹ,
anate pâlren bhiṛiko câriunakha pasnoʹako.'#Sokhorio 13:7
32Kheʹ Ing goiʹ khoiʹ jiuitʹ bered tayom Ing apeyaʹ laharigi Gâlilre caʹhuʹ."
33Tâkhni Pitorte Jisu metakidie, "Am sanamkhoiʹte bâgiketeʹ caʹreho ing tisho Am bâgiketeʹ bang caʹing."
34Jisute Pitor metakidie, "Ingte am sârigi metamkâning, tihin nindâ sim kukru laharigi am pe jhikâ menmahaʹ, amte Ing bang cinhuam."
35Pitorte Jisu metakidie, "Ing judi Am suliʹ gojoʹlaʹ hoʹtingâ taoho ing tisho bang mening, ingte Am bang cinhuming." Eṭaʹ celakoho ana lakagi menkedako.
Getsimâni baganre Jisu
(Mark 14:32-42; Luk 22:39-46)
36Natayom Jisu celako suliʹ Getsimâni nutum miṭiʹ jagare cane, ar celako metakeʹkoe, "Ing aṛe caketeʹ tinkhâniʹ koijonginghâʹ inkhâniʹ ape naṛegi duruʹ tahanpe." 37Na menketeʹ Âni Pitor ar Sibdioren barya hopon saote engeketeʹ thoṛa sânging cane, ar Âniaʹ mon dukkho ar kosṭote peregoʹlaʹ lagontaya. 38Jisute angko metakeʹkoe, "Dukte Ingâʹ jiui oṛogoʹkana. Naṛegi ape tahanpe ar Ing suliʹ bengetʹ tahanpe."
39Natayom Jisutedo thoṛa sâhingre caketeʹ ḍoboʹodie ar koijongketeʹ menkede, "Ingren Baba, judi sombhob hoʹa tahale na duknaʹ mog Ingṭheʹ khoiʹ sâhingoʹman. Ing alka koing angkado bang hoʹmana, Am akalaka koiam angkagi hoʹmana." 40Natayom Jisu peya celaṭheʹ âcur caketeʹ lelkeʹkoe angko jâpitʹnge kadako. Ânite Pitor metakidie, "Nado itâʹ! Ing suliʹ miʹ ghonṭaho ape begor jâpitʹketeʹ bang tahadarelenape. 41Ebhengi tahanpe ar koijongpe jate Soitanaʹ purikkhare alo paṛoʹape. Attare icchâ menaʹa, kheʹ hormodo durbolgiâ."
42Jisu âcur caketeʹ dosar jhikâ koijongketeʹ menkede, "Baba Ingren, Judi na duknaʹ mog sâhingte bang caʹa tahale na duknaʹ mog Ing engehuʹ. Tahale ana Amaʹ icchâ lakagi puron hoʹman."
43Âni âcur hiʹketeʹ lelkeʹkoe angkodo arho jâpitʹ kadako, ceklaʹbang angko metʹ bang benget dareʹsanako. 44Âni arho angko bâgiketeʹ pe jhikâ laka ana miʹ kathagi menketeʹ koijong kede.
45Natayom Jisu celakoṭheʹ âcur caketeʹ menkede, "Nitoʹho apedo jâpitdape ar jiruʹkanape? Lelpe, somai sorre hiʹngekana, Ing Âdmi Hopon pâpikoaʹ tire sabsongkohaʹ. 46Beredpe, dela caʹabo. Lelpe, eketeʹ Ing sotrukoaʹ tire sabsonge âni hiʹkane."
Sotrukoaʹ Tire Probhu Jisu
(Mark 14:43-50; Luk 22:47-53; Johon 18:3-12)
47Jisu tâkhniho katha lorsane, ar ana somaigi Jihuda aṛe hiʹne. Angko baroṭeʹ celako talaren miʹhor tahekane. Jihuda suliʹ aima âdmi toloarko ar hapako laite hiʹnako. Marang purohitko ar harme netakote angko kolleʹkoaʹko. 48Eke Jihudate Jisu sotrukoaʹ tire sabsoilaʹte ṭhikʹkede, âni angko âdmiko suliʹ miṭiʹ cinhât ṭhikkede, âni menkede, "Eke ingte cumâ#26:48 Cumâ Nado miṭiʹ Jihudikoaʹ riti tahalena je, miʹhorte ar miʹhor johare se molongre cumâketeʹ subheccha makosanako.ihuʹ Ânigi Âni Jisukane, apete Ânigi sabeyape." 49Âni tâkhnigi Jisuṭheʹ caketeʹ menkede, "Guru, nomoskar, na katha menketeʹgi Jihudate Jisu cumâkidie."
50Jisute âni metakidie, "Gatekora, aka rikilaʹ hiʹkanam, anagi rikime."
Tâkhnigi âdmikote Jisu sabketeʹ idikidiako. 51Ar lelpe, ekeko Jisu suliʹ tahalenako angko talaren miʹhor aiaʹ toloar oroʹkeʹtene ar marang purohitren dasaʹ miṭiʹ lutur get girikeʹtaye.
52Tâkhni Jisute âni metakidie, "Amaʹ toloar dohetam. Ekeko toloar sabako angkodo toloartigi gojoʹako. 53Am itâʹ moneyam je, Ing Ingren Babaṭheʹ nehorlekheʹ Ânido nidgi Ing laʹte baroṭeʹ bâhiniren khoiʹho aima ḍher sorgodut bang kolkoheʹ? Judi ana hoʹa tahale akalakete Pobitro sastronaʹ katha puronoʹhaʹ? 54Pobitro sastrore ol menaʹa niâko sanamaʹ nengkaketeʹgi hoʹhaʹ."
55Ana somai Jisute âdmiko metakeʹkoe, "Ingki ḍakat kâning, anate ape toloar ar hapa laite Ing sabenglaʹ hiʹkanape? Ing dinâm hiluʹ Issoraʹ Mundirre duruʹketeʹ cetʹkosâning, tâkhni to apete Ing bang sabkâdingape. 56Kheʹ nako sanam ghoṭona, jate Pobitro sastrore nâbiko aka olkadako nitoʹ ana puronoʹkana." Tâkhnigi celako sanam Jisu bâgiketeʹ nircanako.
Marang purohit lahare Jisuoaʹ bicâr
(Mark 14:53-65; Luk 22:54-55, 63-71; Johon 18:13-14, 19-24)
57Ar ekekote Jisu sablidiako, angkote Âni marang purohit Kaiyafaoaʹ oraʹre idi kidiako. Aṛe dhormo masṭarko ar harme netako miʹ saote jaora lenako. 58Pitor sâhing khoiʹ Jisuoaʹ tayom tayom marang purohitaʹ raca dhâbiʹ cane ar mucitre itâʹ hoʹhaʹ ana lel laʹte bhitrire bolone aṛe kormocâriko suli duruʹne.
59Tâkhni marang purohitko ar mohasobharen sanam âdmiko Jisu goiʹ giriʹ laʹte Âni biruddhe bedanaʹ sakkho sendra barasanako. 60Kheʹ aima bedanaʹ sakkhoko hiʹlena, taoreho angko Jisu goiʹgiri laʹte aka sakkhogi bang namledako. Mucitre barya âdmi hiʹketeʹ menkedakin, 61"Ni Âdmi menlede, 'Ânido Issoraʹ Mundir goṭai râputʹ giriketeʹ pe dinnaʹ dinre arho ana bano dareʹheʹ.'"
62Tâkhni marang purohit tengoketeʹ Jisu metakidie, "Am biruddhe angko nako itâʹ mendako nanaʹ uttor ki Am bang malap?" 63Kheʹ Jisu thirgi tahene.
Marang purohitte arho Âni metakidie, "Am jiuitʹ Issoraʹ dibbiketeʹ ale lâiolem je, Am ki Âni Khrisṭo, Issoren Hopon?"
64Tâkhni Jisute âni metakidie, "He, am ṭhiʹk kathagi menkadam. Ar Ingte ape na katha metapekâning, natayom ape Âdmi Hopon sanamdareiʹ Issoraʹ jojma hate duruʹ tahante ar sermarenaʹ bâdrite agro hijuʹte leleipehaʹ."
65Niâ katha atenketeʹ tâkhnigi marang purohit aiaʹ lugri citriʹ oreʹ giriketeʹ menkede, "Nite Issor opomankidie. Aboaʹ ar sâkkhirenaʹ itâʹ dorkar? Nitgi ape aten kedape, Ânite Issor opomankidie! 66Ape itâʹ moneyape?"
Angko menkedako, "Ânido goiʹren upojuktokane."
67Tâkhni âdmikote Jisuoaʹ mocare thuodiâko ar ekekotedo Âni thapa kidiako, 68Angkote Âni metakidiako, "Âi Khrisṭo, Am bhobisotnaʹ katha lâi, ekete Am dalkeʹmie?"
Pitorte Jisu osikârkidie
(Mark 14:66-72; Luk 22:56-62; Johon 18:15-18, 25-27)
69Ana somai Pitor kuṛmârenaʹ racare duruʹ tahalene. Ar marang purohitren miṭiʹ cakrâni âniṭheʹ hiʹketeʹ menkede, "Gâlilren Jisu suliʹ amhoto tahalenam."
70Kheʹ Pitor sanamkhoiʹaʹ samnere osikârketeʹ menkede, "Am itâʹ mendam ana ing bang bujhuding."
71Tayomte Pitor kuṛmânaʹ duârṭheʹ cane. Ar miṭiʹ cakrâni âni lelketeʹ aṛeni âdmiko metakeʹkoe, "Ni âdmi Nasarotren Jisu suliʹ tahalene."
72Tâkhni Pitor dibbiketeʹ arho osikârketeʹ menkede, "Ingte Âni âdmi bang cinhukâdiying."
73Ekeko aṛe tengo tahalenako angko thoṛa tayom hiʹketeʹ Pitor metakidiako, "Sâriaʹ amho angko talaren miʹhorkanam, amaʹ kathatigi am sabsoʹ kanam je amdo Gâlilren âdmi kanam."
74Tâkhni Pitor dibbiketeʹ menkede, ing sârigi mending, "Ingte Âni âdmi bang cinhuing. Ing judi bedana mening Issorte ing sâsti mangheʹ." Ar tâkhnigi miṭiʹ sim kukru kede. 75Tâkhni Pitor disâkede Jisu menlede, "Sim kukru lahare am pe jhikâ menmaha je, amte Ing bang cinhungam." Tâkhni Pitor baherre caketeʹ kâomâo raglaʹ lagone.
Currently Selected:
Mothi 26: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 26
26
Dhormo netakote Jisu goiʹgirilaʹ porikolponakedako
(Mark 14:1-2; Luk 22:1-2; Johon 11:45-53)
1Niâko cetʹaʹ mentayom Jisute Aiʹren celako metakeʹkoe, 2"Apeto baṛeyape ar bar din tayom bacoaʹ porob, ar Âdmi Hopondo kurusre mai laʹte sutruoaʹ tire sabsoikohaʹ." Mahoʹhaʹ."#26:2 Bacoaʹ porbo hoʹkana jâkhni Israyelko Misor disâm khoiʹ oroʹ hijuʹriaʹ disâlaʹte bacoaʹ porbo palondako.
3Ana somai sanam khoiʹ marang purohit Kaiyafaoaʹ racare marang purohitko ar Jihudiren harme netako miʹsaote jaoranako. 4Ar Jisu baite sab âguketeʹ goiʹgiriyilaʹ soṛojontro kedako. 5Kheʹ angko menkedako, "Ale porobnaʹ somaido bang rikâdareʹale, anate âdmiko talare golmal ho darena."
Probhu Jisuoaʹ bohoʹre sunum dul
(Mark 14:3-9; Johon 12:1-8)
6Jisu Boithoniâren ṭolaren kusṭo rugi Simonaʹ oraʹre tahalene jeyaʹ kusṭho ruâ tahalena. 7Ana somai miṭiʹ reja Jisuṭheʹ hiʹne, âni reja miṭiʹ poṛ dirinaʹ aima dâmi botalte so sunum aguleʹe. Jisu jâkhni jomlaʹ duruʹne tâkhni âni reja Jisuoaʹ bohoʹre ana so sunum dulodie.
8Celako ana lelte ârisketeʹ menkedako, "Nâniʹ dam naʹ jinis ceklaʹ nosṭo kedam? 9Nato aima ṭhepte âkringketeʹ range âdmiko majutuʹahote."
10Jisu na katha aten namketeʹ celako metakeʹkoe, "Ape ni reja ceklaʹ ârisoikanape? Âni reja Ing laʹte aima manja kâmikaʹe. 11Range âdmikoto sanam somai ape talare menaʹkoa, kheʹ Ingdo ape sanam somai sorre bang namengape. 12Âni Ingâʹ hormo cetanre na so sunum dulketeʹ Ing topa laʹte sapro kâdinge. 13Ingte ape sârigi metapekâning, dhârtinaʹ sanam jagarigi jeṭheʹ âdmiko manja khobor procar kohaʹ, aṛegi ni rejaoaʹ katha disâ dohoi laʹte âniaʹ na kâminaʹ kathaho men hoʹha."
Jihudate Jisu protaronailaʹ cestakede
(Mark 14:10-11; Luk 22:3-6)
14Tâkhni âni baroṭeʹ cela tala khoiʹ Jihuda Iskariot nutumte miṭiʹ cela marang purohitkoṭheʹ caketeʹ menkede, 15"Judi ingte apeyaʹ tire Jisu sabsolekheʹ ape ing itâʹ mangapehaʹ?" Tâkhni marang purohitko rupânaʹ tirisṭeʹ paisa âni madiako. 16Ana somai khoiʹgi Jihuda angkoaʹ tire Jisu sabso laʹte sujog sendrelaʹ lagone.
Uddhâr porobnaʹ bhoj
(Mark 14:12-21; Luk 22:7-14, 21-23; Johon 13:21-30)
17Khâmi piṭhâ porobnaʹ palhe dinre celakote Jisuṭheʹ hiʹketeʹ menkedako, "Am laʹte bacoaʹ porobnaʹ bhoj ale akare sapreyale mendam?"
18Jisu menkede, "Ape sohornaʹ talare caketeʹ miṭiʹ âdmi lelnameyapehaʹ âni âdmi metaipe, 'Guru menkede, Ingâʹ somai sorre hiʹkana. Ingren cela suliʹ Ing amaʹ oraʹrigi bacoaʹ porob paloninghâʹ.'" 19Celako Jisuoaʹ hukum lakagi kâmi kedako, ar bacoaʹ porobnaʹ bhoj sapṛo kedako.
20Beladubulenkheʹ Jisute angko baroṭeʹ celako suliʹ jomlaʹ duruʹne. 21Jom somai Jisu menkede, "Ingte ape sâriaʹgi metapekâning, ape talare miʹhorte Ing sabsongheʹ."
22Tâkhni celako aima bhabno nako ar miʹhor miʹhorketeʹ Jisu kulikidiako, "Probhu, âni ki ingkâning?"
23Uttorre Ânite angko metakeʹkoe, "Eke Ing suliʹ jomnaʹ bâṭire tiʹ ḍubukade, ânitigi Ing sabsongheʹ. 24Âdmi Hoponaʹ bisoite alka ol menaʹa, engkagi ânido gojoʹe, kheʹ botor âni âdmi ekete Âdmi Hopon sutrukoaʹ tire sabsoiheʹ! Âni âdmiaʹ janam bang holentaikheʹ borong âniaʹ pokkhe manja hoʹahoteʹ."
25Eketeʹ Jisu sutrukoaʹ tire sabsoi laʹte caʹsane âni Jihuda menkede, "Guru, âni ki ingkâning?"
Jisute âni metakidie, "Am ṭhikʹ kathagi menkedam."
Probhuaʹ bhoj
(Mark 14:22-26; Luk 22:15-20; 1 Korinthio 11:23-25)
26Jâkhni angko jom sanako, ana somaigi Jisu piṭhâ engeketeʹ Issor dhonnobad makidie. Natayom ana piṭhâ kecaʹkeʹe ar celako maketeʹ menkede, "Engepe ar jompe, nado Ingâʹ hormokana."
27Natayom Jisu mog engeketeʹ Issor dhonnobad makidie ar celako maketeʹ menkede, "Ape sanamkhoiʹ na nuipe, 28karon na hoʹkana Ingâʹ meyom akaṭaʹdo aima pâpi âdmi papnaʹ khoma namlaʹte ma hoʹa. Issor ar âdmiko talare cukti hisâbte sikriti maʹe. 29Ingte ape metapekâning, Ing ar bang ânggur rase nuing, tinâʹ din Ing Ingren Babaoaʹ rajjore ape suliʹ bang caʹinghâʹ."
30Tayomte angko miṭiʹ siringketeʹ oṛoʹ nako ar Joitun burure canako.
Pitoraʹ osikâr
(Mark 14:27-31; Luk 22:31-34; Johon 13:36-38)
31Tâkhni Jisute aiʹren celako metakeʹkoe, "Tihin nindâ Ing laʹte ape Ing bâgiketeʹ caʹpehaʹ. Ceklaʹbang Pobitro sastrore ol menaʹa,
'Ingte bhiṛireʹ dhore goiʹ girikohuʹ,
anate pâlren bhiṛiko câriunakha pasnoʹako.'#Sokhorio 13:7
32Kheʹ Ing goiʹ khoiʹ jiuitʹ bered tayom Ing apeyaʹ laharigi Gâlilre caʹhuʹ."
33Tâkhni Pitorte Jisu metakidie, "Am sanamkhoiʹte bâgiketeʹ caʹreho ing tisho Am bâgiketeʹ bang caʹing."
34Jisute Pitor metakidie, "Ingte am sârigi metamkâning, tihin nindâ sim kukru laharigi am pe jhikâ menmahaʹ, amte Ing bang cinhuam."
35Pitorte Jisu metakidie, "Ing judi Am suliʹ gojoʹlaʹ hoʹtingâ taoho ing tisho bang mening, ingte Am bang cinhuming." Eṭaʹ celakoho ana lakagi menkedako.
Getsimâni baganre Jisu
(Mark 14:32-42; Luk 22:39-46)
36Natayom Jisu celako suliʹ Getsimâni nutum miṭiʹ jagare cane, ar celako metakeʹkoe, "Ing aṛe caketeʹ tinkhâniʹ koijonginghâʹ inkhâniʹ ape naṛegi duruʹ tahanpe." 37Na menketeʹ Âni Pitor ar Sibdioren barya hopon saote engeketeʹ thoṛa sânging cane, ar Âniaʹ mon dukkho ar kosṭote peregoʹlaʹ lagontaya. 38Jisute angko metakeʹkoe, "Dukte Ingâʹ jiui oṛogoʹkana. Naṛegi ape tahanpe ar Ing suliʹ bengetʹ tahanpe."
39Natayom Jisutedo thoṛa sâhingre caketeʹ ḍoboʹodie ar koijongketeʹ menkede, "Ingren Baba, judi sombhob hoʹa tahale na duknaʹ mog Ingṭheʹ khoiʹ sâhingoʹman. Ing alka koing angkado bang hoʹmana, Am akalaka koiam angkagi hoʹmana." 40Natayom Jisu peya celaṭheʹ âcur caketeʹ lelkeʹkoe angko jâpitʹnge kadako. Ânite Pitor metakidie, "Nado itâʹ! Ing suliʹ miʹ ghonṭaho ape begor jâpitʹketeʹ bang tahadarelenape. 41Ebhengi tahanpe ar koijongpe jate Soitanaʹ purikkhare alo paṛoʹape. Attare icchâ menaʹa, kheʹ hormodo durbolgiâ."
42Jisu âcur caketeʹ dosar jhikâ koijongketeʹ menkede, "Baba Ingren, Judi na duknaʹ mog sâhingte bang caʹa tahale na duknaʹ mog Ing engehuʹ. Tahale ana Amaʹ icchâ lakagi puron hoʹman."
43Âni âcur hiʹketeʹ lelkeʹkoe angkodo arho jâpitʹ kadako, ceklaʹbang angko metʹ bang benget dareʹsanako. 44Âni arho angko bâgiketeʹ pe jhikâ laka ana miʹ kathagi menketeʹ koijong kede.
45Natayom Jisu celakoṭheʹ âcur caketeʹ menkede, "Nitoʹho apedo jâpitdape ar jiruʹkanape? Lelpe, somai sorre hiʹngekana, Ing Âdmi Hopon pâpikoaʹ tire sabsongkohaʹ. 46Beredpe, dela caʹabo. Lelpe, eketeʹ Ing sotrukoaʹ tire sabsonge âni hiʹkane."
Sotrukoaʹ Tire Probhu Jisu
(Mark 14:43-50; Luk 22:47-53; Johon 18:3-12)
47Jisu tâkhniho katha lorsane, ar ana somaigi Jihuda aṛe hiʹne. Angko baroṭeʹ celako talaren miʹhor tahekane. Jihuda suliʹ aima âdmi toloarko ar hapako laite hiʹnako. Marang purohitko ar harme netakote angko kolleʹkoaʹko. 48Eke Jihudate Jisu sotrukoaʹ tire sabsoilaʹte ṭhikʹkede, âni angko âdmiko suliʹ miṭiʹ cinhât ṭhikkede, âni menkede, "Eke ingte cumâ#26:48 Cumâ Nado miṭiʹ Jihudikoaʹ riti tahalena je, miʹhorte ar miʹhor johare se molongre cumâketeʹ subheccha makosanako.ihuʹ Ânigi Âni Jisukane, apete Ânigi sabeyape." 49Âni tâkhnigi Jisuṭheʹ caketeʹ menkede, "Guru, nomoskar, na katha menketeʹgi Jihudate Jisu cumâkidie."
50Jisute âni metakidie, "Gatekora, aka rikilaʹ hiʹkanam, anagi rikime."
Tâkhnigi âdmikote Jisu sabketeʹ idikidiako. 51Ar lelpe, ekeko Jisu suliʹ tahalenako angko talaren miʹhor aiaʹ toloar oroʹkeʹtene ar marang purohitren dasaʹ miṭiʹ lutur get girikeʹtaye.
52Tâkhni Jisute âni metakidie, "Amaʹ toloar dohetam. Ekeko toloar sabako angkodo toloartigi gojoʹako. 53Am itâʹ moneyam je, Ing Ingren Babaṭheʹ nehorlekheʹ Ânido nidgi Ing laʹte baroṭeʹ bâhiniren khoiʹho aima ḍher sorgodut bang kolkoheʹ? Judi ana hoʹa tahale akalakete Pobitro sastronaʹ katha puronoʹhaʹ? 54Pobitro sastrore ol menaʹa niâko sanamaʹ nengkaketeʹgi hoʹhaʹ."
55Ana somai Jisute âdmiko metakeʹkoe, "Ingki ḍakat kâning, anate ape toloar ar hapa laite Ing sabenglaʹ hiʹkanape? Ing dinâm hiluʹ Issoraʹ Mundirre duruʹketeʹ cetʹkosâning, tâkhni to apete Ing bang sabkâdingape. 56Kheʹ nako sanam ghoṭona, jate Pobitro sastrore nâbiko aka olkadako nitoʹ ana puronoʹkana." Tâkhnigi celako sanam Jisu bâgiketeʹ nircanako.
Marang purohit lahare Jisuoaʹ bicâr
(Mark 14:53-65; Luk 22:54-55, 63-71; Johon 18:13-14, 19-24)
57Ar ekekote Jisu sablidiako, angkote Âni marang purohit Kaiyafaoaʹ oraʹre idi kidiako. Aṛe dhormo masṭarko ar harme netako miʹ saote jaora lenako. 58Pitor sâhing khoiʹ Jisuoaʹ tayom tayom marang purohitaʹ raca dhâbiʹ cane ar mucitre itâʹ hoʹhaʹ ana lel laʹte bhitrire bolone aṛe kormocâriko suli duruʹne.
59Tâkhni marang purohitko ar mohasobharen sanam âdmiko Jisu goiʹ giriʹ laʹte Âni biruddhe bedanaʹ sakkho sendra barasanako. 60Kheʹ aima bedanaʹ sakkhoko hiʹlena, taoreho angko Jisu goiʹgiri laʹte aka sakkhogi bang namledako. Mucitre barya âdmi hiʹketeʹ menkedakin, 61"Ni Âdmi menlede, 'Ânido Issoraʹ Mundir goṭai râputʹ giriketeʹ pe dinnaʹ dinre arho ana bano dareʹheʹ.'"
62Tâkhni marang purohit tengoketeʹ Jisu metakidie, "Am biruddhe angko nako itâʹ mendako nanaʹ uttor ki Am bang malap?" 63Kheʹ Jisu thirgi tahene.
Marang purohitte arho Âni metakidie, "Am jiuitʹ Issoraʹ dibbiketeʹ ale lâiolem je, Am ki Âni Khrisṭo, Issoren Hopon?"
64Tâkhni Jisute âni metakidie, "He, am ṭhiʹk kathagi menkadam. Ar Ingte ape na katha metapekâning, natayom ape Âdmi Hopon sanamdareiʹ Issoraʹ jojma hate duruʹ tahante ar sermarenaʹ bâdrite agro hijuʹte leleipehaʹ."
65Niâ katha atenketeʹ tâkhnigi marang purohit aiaʹ lugri citriʹ oreʹ giriketeʹ menkede, "Nite Issor opomankidie. Aboaʹ ar sâkkhirenaʹ itâʹ dorkar? Nitgi ape aten kedape, Ânite Issor opomankidie! 66Ape itâʹ moneyape?"
Angko menkedako, "Ânido goiʹren upojuktokane."
67Tâkhni âdmikote Jisuoaʹ mocare thuodiâko ar ekekotedo Âni thapa kidiako, 68Angkote Âni metakidiako, "Âi Khrisṭo, Am bhobisotnaʹ katha lâi, ekete Am dalkeʹmie?"
Pitorte Jisu osikârkidie
(Mark 14:66-72; Luk 22:56-62; Johon 18:15-18, 25-27)
69Ana somai Pitor kuṛmârenaʹ racare duruʹ tahalene. Ar marang purohitren miṭiʹ cakrâni âniṭheʹ hiʹketeʹ menkede, "Gâlilren Jisu suliʹ amhoto tahalenam."
70Kheʹ Pitor sanamkhoiʹaʹ samnere osikârketeʹ menkede, "Am itâʹ mendam ana ing bang bujhuding."
71Tayomte Pitor kuṛmânaʹ duârṭheʹ cane. Ar miṭiʹ cakrâni âni lelketeʹ aṛeni âdmiko metakeʹkoe, "Ni âdmi Nasarotren Jisu suliʹ tahalene."
72Tâkhni Pitor dibbiketeʹ arho osikârketeʹ menkede, "Ingte Âni âdmi bang cinhukâdiying."
73Ekeko aṛe tengo tahalenako angko thoṛa tayom hiʹketeʹ Pitor metakidiako, "Sâriaʹ amho angko talaren miʹhorkanam, amaʹ kathatigi am sabsoʹ kanam je amdo Gâlilren âdmi kanam."
74Tâkhni Pitor dibbiketeʹ menkede, ing sârigi mending, "Ingte Âni âdmi bang cinhuing. Ing judi bedana mening Issorte ing sâsti mangheʹ." Ar tâkhnigi miṭiʹ sim kukru kede. 75Tâkhni Pitor disâkede Jisu menlede, "Sim kukru lahare am pe jhikâ menmaha je, amte Ing bang cinhungam." Tâkhni Pitor baherre caketeʹ kâomâo raglaʹ lagone.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh