Mothi 25
25
Dosṭeʹ kuriaʹ cetʹaʹ lopor
1"Ana somai sorgo rajjo nangka dosṭeʹ kuâri kuri laka hoʹhaʹ ekekodo akoaʹ ḍibiâ tire engeketeʹ gatekuriren jaoe salaʹ napamlaʹ baherre oṛoʹ hiʹnako. 2Angko talare morehor tahelenako buddhimuti ar moreṭeʹ tahalenako bemaʹ. 3Bemaʹ kurikodo akoaʹ ḍibiâ engekeʹtenako kheʹ saote sunum bang engeledako. 4Buddhimuti kurikodo akoaʹ ḍibiâ saote bâṭire sunumho engekedako. 5Jaoekora hijuʹte dirumlenkheʹ angko sanamkhoiʹ dudrum dudrumte jâpitʹngekedako.
6"Tayomte tala nindâ garjo atennamna, 'Hâni leleipe, jaoekora hijuʹkane! Jaoekora daramilaʹte oṛogoʹpe.'
7"Tâkhni angko kuâri kurikodo beretʹketeʹ akoaʹ ḍibiâ ṭhikkeʹtenako. 8Inâtayom bemaʹ kurikote buddhimuti kuri metakeʹkoako, 'Apeyaʹ sunum khoiʹ ale thoṛa malepe, cekelaʹbang aleyaʹ ḍibiâdo iriʹngekantaleya.'
9"Tâkhni angko buddhimuti kuri menkedako, 'Bang, tiniʹ sunum menaʹa anatedo hoito aleyaʹ ar apeyaʹ oho juṭuʹa.'
10"Angko bemaʹ kuriko jâkhni sunum kiringlaʹ canako tâkhnigi jaoekora hiʹne. Tâkhni ekeko kuri sapro tahelenako angkodo jaoekora saote bapla oraʹ bolonako. Angko bhitârre bolo tayom duâr singgirikedako.
11"Tayomte angko bemaʹ kuâri kuriko hiʹketeʹ menkedako, 'Probhu, dayaketeʹ duâr jhiʹgurulem.'
12"Tâkhni jaoekora menkede, 'Bang duâr bang jhiging, sârigi mending, Ingte ape bang cinhupeing.'
13Lopor mucitʹre Jisu menkede, "Niâlaʹ jâtte sotorko tahenpe, cekelaʹ bang je din Âdmi Hopon hijuʹheʹ ana din se ana somainaʹ katha ape bang baṛeyape.
Pe hor kâmi âdmioaʹ cetʹaʹ lopor
(Luk 19:11-27)
14"Sorgo rajjodo niâ lakanaʹkana. Miʹ somai miṭiʹ âdmi tahalene je eṭaʹ disâm caʹ lahare aiʹren kâmi âdmiko ṭâhuketeʹ sanam sompottinaʹ bhar angkoaʹ tire makeʹkoe. 15Caʹ lahare angko kâmiâdmiko angkoaʹ buddhi laka ṭhep makeʹkoe. Ânite miʹhordo more hajar sonanaʹ paisa#25:15 Miṭiʹ sonaʹna paisa soman 5000 hajar ṭhep., miʹhordo bar hajar ar miʹhordo miʹ hajar sonanaʹ paisa makidie inâtayom âni cagene. 16Eke more hajar sonanaʹ paisa namkede ânido anate bebsaketeʹ arho more hajar sonanaʹ paisa namkede. 17Eke bar hajar sonanaʹ paisa namlede âniho engkaketeʹgi arho bar hajar sonanaʹ paisa namkede. 18Kheʹ eke miʹ hajar sonanaʹ paisa namkede ânido hasre gâḍhluʹketeʹ aiʹren mâlikaʹ ana sonanaʹ paisa topa dohokede.
19"Aima din tayom âni mâlik hiʹketeʹ kâmi âdmikoṭheʹ khoiʹ hisâb koikede. 20Eke kâmi âdmi more hajar sonanaʹ paisa namlede ânido arho more hajar sonanaʹ paisa âguketeʹ menkede, 'Probhu amte ing more hajar sonanaʹ paisa malidingâm.'
21"Lelme, ing arho more hajar sonanaʹ paisa namkâding. Tâkhni aiʹren mâlikte âni metakidie, 'Manjagi rikâkadam. Amdo manjagiâm ar pâtyuyuniʹ kâmi âdmikanam. Am thoṛa bisoite pâtyuyuniʹkanam mente ingte am aima bisoinaʹ bhar maminghâʹ. Hijub ingâʹ hubnaʹ bhag engem.'
22"Eke bar hajar sonanaʹ paisa namlede âni hiʹketeʹ menkede, 'Probhu amte ing bar hajar sonanaʹ paisa malidingam. Lelme, ing arho bar hajar sonanaʹ paisa namkâding.'
23"Tâkhni âiʹren probhute âni metakidie, 'Beskadam. Amdo manja ar pâtyuyuniʹ kâmi âdmikanam. Am thoṛa bisoite pâtyuam mente ingte am aima bisoite bhar maminghâʹ. Hijub, ingâʹ hubnaʹ bhag engem.'
24"Kheʹ eke kâmi âdmi miʹ hajar sonanaʹ paisa namlede ânido hiʹketeʹ menkede, 'Mâlik, ing baṛesâning am aima kâṭhin âdmikanam. Am akare bicân bang merkadam aṛe khoiʹ fosol gedam ar akare bang mersakadam aṛe khoiʹ halangam. 25Niâ karonte ingdo botor botorte baherre caketeʹ hasre amaʹ sonanaʹ paisa baiketeʹ doholiding. Lel, neʹetam amaʹ sonanaʹ paisa.'
26"Tâkhni aiʹren mâlikte metakidie, 'Dusṭo ar kurhiâ kâmi âdmi! Amdo baṛesanam akare ing bang merkâding aṛe khoiʹ fosol geding ar akare bang mersakâding aṛe khoiʹ halanging. 27Tahale bengre ingâʹ sonanaʹ paisa cekelaʹ bang dohokadam? Ana rikikheʹto ing hiʹketeʹ ana sonanaʹ paisa naminghoteʹ ar saote thoṛa sudho naminghoteʹ.'
28"Anatayom ânite eṭaʹonkhoiʹ metakeʹkoe, 'Apedo âniṭheʹ khoiʹ sonanaʹ paisa engeketeʹ ekeoaʹ dos hajar sonanaʹ paisa menaʹtaya âni maipe. 29Ekeoaʹ thoṛa menaʹtaya ânido arho ma hoʹhaʹ ar anate ânioaʹ jothesṭo khoiʹho ḍher hoʹtaihaʹ. Kheʹ ekeoaʹ bânuʹtaya âni kâṭuʹ ja menaʹa âniṭheʹ khoiʹ anaho enge hoʹhaʹ.' 30Niâtayom Mâlik menkede, Âni opodartho kâmi âdmido bahernaʹ nutre giṛiriyipe. Jeṭheʹ âdmiko ragkohaʹ ar kosṭote ḍaṭa keṭmeṭetenkohaʹ.
Sanam jâtaʹ bicâr
31"Niâtayom Jisu menkede, Âdmi Hopon sanam sorgodutko saote jâkhni aiaʹ mohimate hijuʹheʹ tâkhni raja hisâbte aiaʹ singhâsonre mohimasaote duruʹheʹ. 32Ana somai sanam jâtren sanam âdmiko âniaʹ samnere miʹsaote jaorakokohaʹ. Rakhalte alka bhiṛi ar merom begarkoe engkagi ânite sanam âdmiko bar bhagketeʹ begarkoheʹ. 33Ânite aiaʹ jojmahate bhiṛi lakani manja âdmiko ar Aiaʹ leṭrahate merom lakani kharap âdmiko dohokoheʹ.
34"Niâtayom rajate aiaʹ jojmahatenkhoiʹ âdmi metakoheʹ, 'Ape ekeko ingren Babaoaʹ âsirbad namkadape, hijuʹpe. Dhârtinaʹ ehobre aka rajjo apelaʹte saproketeʹ doho hokana ananiʹ odhiâri hoʹpe. 35Jâkhni ing rangeʹlidingâ tâkhni apete ing jomlaʹ malidingape, Jâkhni tentanglidingâ tâkhni daʹ malidingape, Jâkhni bincinhâr tahalining tâkhni Ing lellidingape. 36Jâkhni eken hormore tahelining tâkhni lugri soroʹolidingape, Jâkhni ing ruâlining tâkhni ing lellidingape, Ar jâkhni ing jelkhanare bundi tahelining tâkhni ing lelenglaʹ calenape.'
37"Tâkhni angko dhârmik âdmite Âni metaikohaʹ, 'Probhu, am rangeʹkaʹmiâ lelketeʹ tinre am jomlaʹ makeʹmiâle se tetangkaʹmiâ lelketeʹ daʹ maleʹmiâle? 38Tinre am bincinhâr hisâbte tahenaʹ jaga makeʹmiâle, se eken hormo lelketeʹ lugri soroʹoʹmiâle? 39Ar tinrigi am ruâ se jelkhanare menaʹmiâ baṛeketeʹ amṭheʹ calenale.'
40"Niâ katha atenketeʹ rajate tâkhni angko metakeʹkoe, 'Ingte ape sârigi metapekâning, ingren neko boiha mesrako laʹte sanam khoiʹ kom guruttopurno kâmi rikâledam tâkhni ana ing laʹte rikâledape.'
41"Inâtayomte aiaʹ leṭrahatenkhoiʹ âdmi metakeʹkoe, 'Sarap âdmiko, ingṭheʹ khoiʹdo sâhingoʹpe. Diabol ar âniren dutko laʹte aka onontokalnaʹ sengel sapro hokana ana bhitârre caʹpe. 42Jâkhni ing rangeʹlidingâ inre apete jomlaʹ bang makâdingape, Jâkhni tetanglidingâ inre daʹ bang makâdingape. 43Jâkhni eken hormote tahelining inre lugri bang soroʹokâdingape, Jâkhni ruâlining ar jelkhanare bundi tahelining inre ing bang lelenglaʹ cakanape.'
44"Tâkhni angkote âni metaikohaʹ, 'Probhu, tinre am rangeʹ se tetangkaʹmiâ lelketeʹ, se bincinhâr tahelenam, se ruâ tahelenam ar jelkhanare menaʹmiâ baṛeketeʹ bang gorokoʹmiâle.'
45"Uttorre Ânite angko metakeʹkoe, 'Ingte ape sârigi metapekâning, jâkhni ingren neko boiha mesrako laʹte kom guruttopurno bang rikâkadam ana inglaʹte bang rikâkadam.'
46"Inâtayom Jisu menkede, neko âdmido ononto sâsti namlaʹte caʹkohaʹ, kheʹ dhârmik âdmikodo ononto jiui namkohaʹ."
Currently Selected:
Mothi 25: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 25
25
Dosṭeʹ kuriaʹ cetʹaʹ lopor
1"Ana somai sorgo rajjo nangka dosṭeʹ kuâri kuri laka hoʹhaʹ ekekodo akoaʹ ḍibiâ tire engeketeʹ gatekuriren jaoe salaʹ napamlaʹ baherre oṛoʹ hiʹnako. 2Angko talare morehor tahelenako buddhimuti ar moreṭeʹ tahalenako bemaʹ. 3Bemaʹ kurikodo akoaʹ ḍibiâ engekeʹtenako kheʹ saote sunum bang engeledako. 4Buddhimuti kurikodo akoaʹ ḍibiâ saote bâṭire sunumho engekedako. 5Jaoekora hijuʹte dirumlenkheʹ angko sanamkhoiʹ dudrum dudrumte jâpitʹngekedako.
6"Tayomte tala nindâ garjo atennamna, 'Hâni leleipe, jaoekora hijuʹkane! Jaoekora daramilaʹte oṛogoʹpe.'
7"Tâkhni angko kuâri kurikodo beretʹketeʹ akoaʹ ḍibiâ ṭhikkeʹtenako. 8Inâtayom bemaʹ kurikote buddhimuti kuri metakeʹkoako, 'Apeyaʹ sunum khoiʹ ale thoṛa malepe, cekelaʹbang aleyaʹ ḍibiâdo iriʹngekantaleya.'
9"Tâkhni angko buddhimuti kuri menkedako, 'Bang, tiniʹ sunum menaʹa anatedo hoito aleyaʹ ar apeyaʹ oho juṭuʹa.'
10"Angko bemaʹ kuriko jâkhni sunum kiringlaʹ canako tâkhnigi jaoekora hiʹne. Tâkhni ekeko kuri sapro tahelenako angkodo jaoekora saote bapla oraʹ bolonako. Angko bhitârre bolo tayom duâr singgirikedako.
11"Tayomte angko bemaʹ kuâri kuriko hiʹketeʹ menkedako, 'Probhu, dayaketeʹ duâr jhiʹgurulem.'
12"Tâkhni jaoekora menkede, 'Bang duâr bang jhiging, sârigi mending, Ingte ape bang cinhupeing.'
13Lopor mucitʹre Jisu menkede, "Niâlaʹ jâtte sotorko tahenpe, cekelaʹ bang je din Âdmi Hopon hijuʹheʹ ana din se ana somainaʹ katha ape bang baṛeyape.
Pe hor kâmi âdmioaʹ cetʹaʹ lopor
(Luk 19:11-27)
14"Sorgo rajjodo niâ lakanaʹkana. Miʹ somai miṭiʹ âdmi tahalene je eṭaʹ disâm caʹ lahare aiʹren kâmi âdmiko ṭâhuketeʹ sanam sompottinaʹ bhar angkoaʹ tire makeʹkoe. 15Caʹ lahare angko kâmiâdmiko angkoaʹ buddhi laka ṭhep makeʹkoe. Ânite miʹhordo more hajar sonanaʹ paisa#25:15 Miṭiʹ sonaʹna paisa soman 5000 hajar ṭhep., miʹhordo bar hajar ar miʹhordo miʹ hajar sonanaʹ paisa makidie inâtayom âni cagene. 16Eke more hajar sonanaʹ paisa namkede ânido anate bebsaketeʹ arho more hajar sonanaʹ paisa namkede. 17Eke bar hajar sonanaʹ paisa namlede âniho engkaketeʹgi arho bar hajar sonanaʹ paisa namkede. 18Kheʹ eke miʹ hajar sonanaʹ paisa namkede ânido hasre gâḍhluʹketeʹ aiʹren mâlikaʹ ana sonanaʹ paisa topa dohokede.
19"Aima din tayom âni mâlik hiʹketeʹ kâmi âdmikoṭheʹ khoiʹ hisâb koikede. 20Eke kâmi âdmi more hajar sonanaʹ paisa namlede ânido arho more hajar sonanaʹ paisa âguketeʹ menkede, 'Probhu amte ing more hajar sonanaʹ paisa malidingâm.'
21"Lelme, ing arho more hajar sonanaʹ paisa namkâding. Tâkhni aiʹren mâlikte âni metakidie, 'Manjagi rikâkadam. Amdo manjagiâm ar pâtyuyuniʹ kâmi âdmikanam. Am thoṛa bisoite pâtyuyuniʹkanam mente ingte am aima bisoinaʹ bhar maminghâʹ. Hijub ingâʹ hubnaʹ bhag engem.'
22"Eke bar hajar sonanaʹ paisa namlede âni hiʹketeʹ menkede, 'Probhu amte ing bar hajar sonanaʹ paisa malidingam. Lelme, ing arho bar hajar sonanaʹ paisa namkâding.'
23"Tâkhni âiʹren probhute âni metakidie, 'Beskadam. Amdo manja ar pâtyuyuniʹ kâmi âdmikanam. Am thoṛa bisoite pâtyuam mente ingte am aima bisoite bhar maminghâʹ. Hijub, ingâʹ hubnaʹ bhag engem.'
24"Kheʹ eke kâmi âdmi miʹ hajar sonanaʹ paisa namlede ânido hiʹketeʹ menkede, 'Mâlik, ing baṛesâning am aima kâṭhin âdmikanam. Am akare bicân bang merkadam aṛe khoiʹ fosol gedam ar akare bang mersakadam aṛe khoiʹ halangam. 25Niâ karonte ingdo botor botorte baherre caketeʹ hasre amaʹ sonanaʹ paisa baiketeʹ doholiding. Lel, neʹetam amaʹ sonanaʹ paisa.'
26"Tâkhni aiʹren mâlikte metakidie, 'Dusṭo ar kurhiâ kâmi âdmi! Amdo baṛesanam akare ing bang merkâding aṛe khoiʹ fosol geding ar akare bang mersakâding aṛe khoiʹ halanging. 27Tahale bengre ingâʹ sonanaʹ paisa cekelaʹ bang dohokadam? Ana rikikheʹto ing hiʹketeʹ ana sonanaʹ paisa naminghoteʹ ar saote thoṛa sudho naminghoteʹ.'
28"Anatayom ânite eṭaʹonkhoiʹ metakeʹkoe, 'Apedo âniṭheʹ khoiʹ sonanaʹ paisa engeketeʹ ekeoaʹ dos hajar sonanaʹ paisa menaʹtaya âni maipe. 29Ekeoaʹ thoṛa menaʹtaya ânido arho ma hoʹhaʹ ar anate ânioaʹ jothesṭo khoiʹho ḍher hoʹtaihaʹ. Kheʹ ekeoaʹ bânuʹtaya âni kâṭuʹ ja menaʹa âniṭheʹ khoiʹ anaho enge hoʹhaʹ.' 30Niâtayom Mâlik menkede, Âni opodartho kâmi âdmido bahernaʹ nutre giṛiriyipe. Jeṭheʹ âdmiko ragkohaʹ ar kosṭote ḍaṭa keṭmeṭetenkohaʹ.
Sanam jâtaʹ bicâr
31"Niâtayom Jisu menkede, Âdmi Hopon sanam sorgodutko saote jâkhni aiaʹ mohimate hijuʹheʹ tâkhni raja hisâbte aiaʹ singhâsonre mohimasaote duruʹheʹ. 32Ana somai sanam jâtren sanam âdmiko âniaʹ samnere miʹsaote jaorakokohaʹ. Rakhalte alka bhiṛi ar merom begarkoe engkagi ânite sanam âdmiko bar bhagketeʹ begarkoheʹ. 33Ânite aiaʹ jojmahate bhiṛi lakani manja âdmiko ar Aiaʹ leṭrahate merom lakani kharap âdmiko dohokoheʹ.
34"Niâtayom rajate aiaʹ jojmahatenkhoiʹ âdmi metakoheʹ, 'Ape ekeko ingren Babaoaʹ âsirbad namkadape, hijuʹpe. Dhârtinaʹ ehobre aka rajjo apelaʹte saproketeʹ doho hokana ananiʹ odhiâri hoʹpe. 35Jâkhni ing rangeʹlidingâ tâkhni apete ing jomlaʹ malidingape, Jâkhni tentanglidingâ tâkhni daʹ malidingape, Jâkhni bincinhâr tahalining tâkhni Ing lellidingape. 36Jâkhni eken hormore tahelining tâkhni lugri soroʹolidingape, Jâkhni ing ruâlining tâkhni ing lellidingape, Ar jâkhni ing jelkhanare bundi tahelining tâkhni ing lelenglaʹ calenape.'
37"Tâkhni angko dhârmik âdmite Âni metaikohaʹ, 'Probhu, am rangeʹkaʹmiâ lelketeʹ tinre am jomlaʹ makeʹmiâle se tetangkaʹmiâ lelketeʹ daʹ maleʹmiâle? 38Tinre am bincinhâr hisâbte tahenaʹ jaga makeʹmiâle, se eken hormo lelketeʹ lugri soroʹoʹmiâle? 39Ar tinrigi am ruâ se jelkhanare menaʹmiâ baṛeketeʹ amṭheʹ calenale.'
40"Niâ katha atenketeʹ rajate tâkhni angko metakeʹkoe, 'Ingte ape sârigi metapekâning, ingren neko boiha mesrako laʹte sanam khoiʹ kom guruttopurno kâmi rikâledam tâkhni ana ing laʹte rikâledape.'
41"Inâtayomte aiaʹ leṭrahatenkhoiʹ âdmi metakeʹkoe, 'Sarap âdmiko, ingṭheʹ khoiʹdo sâhingoʹpe. Diabol ar âniren dutko laʹte aka onontokalnaʹ sengel sapro hokana ana bhitârre caʹpe. 42Jâkhni ing rangeʹlidingâ inre apete jomlaʹ bang makâdingape, Jâkhni tetanglidingâ inre daʹ bang makâdingape. 43Jâkhni eken hormote tahelining inre lugri bang soroʹokâdingape, Jâkhni ruâlining ar jelkhanare bundi tahelining inre ing bang lelenglaʹ cakanape.'
44"Tâkhni angkote âni metaikohaʹ, 'Probhu, tinre am rangeʹ se tetangkaʹmiâ lelketeʹ, se bincinhâr tahelenam, se ruâ tahelenam ar jelkhanare menaʹmiâ baṛeketeʹ bang gorokoʹmiâle.'
45"Uttorre Ânite angko metakeʹkoe, 'Ingte ape sârigi metapekâning, jâkhni ingren neko boiha mesrako laʹte kom guruttopurno bang rikâkadam ana inglaʹte bang rikâkadam.'
46"Inâtayom Jisu menkede, neko âdmido ononto sâsti namlaʹte caʹkohaʹ, kheʹ dhârmik âdmikodo ononto jiui namkohaʹ."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh