Mothi 24
24
Jisu mundir râpudoʹa bisoite menkede
(Mark 13:1-31; Luk 21:5-33)
1Jisu Mundir khoiʹ oṛoʹketeʹ caʹsane, inre Aiʹren celakote Mundirnaʹ bisoite katha menla âniṭheʹ hiʹnako. 2Tâkhni Jisute angko metakeʹkoe, "apeto nako leldape, kheʹ Ingte ape sârigi metapekâning, naṛe miṭiʹ diri cetanre ar miṭiʹ diri oho tahena, sanamgi râputʹ ujugoʹhaʹ."
3Tayomte Jisu jâkhni Joitun burure duruʹ tahelene inre celako gangante âniṭheʹ hiʹketeʹ menkedako, "Ale lâiolem, tinre nako sanam hoʹhaʹ ar alkanaʹ cinhâtte bujhuʹhaʹ Amaʹ hijuʹaʹ somai ar jug caboʹaʹ somai hokana?"
4Tâkhni Jisu menkede, "Sabdhan tahanpe, eketigi jate ape bang ṭhakopeyako, 5cekelaʹbang aima âdmigi Ingâʹ nutumte hijuʹkohaʹ ar menkohaʹ, 'Inggiying Khrisṭo,' ar aima âdmigi ṭhakokokohaʹ. 6Apeyaʹ luturre lâṛhâinaʹ saṛe hijuʹhaʹ ar sâhing disâmnaʹ lâṛhâinaʹ khobor ape aten nampehaʹ. Nalaʹte alo botoroʹape nakodo obossoi hoʹgihâʹ, kheʹ inreho bang caboʹa. 7Jât biruddhe jât ar rajjonaʹ biruddhe rajjo rakaboʹhaʹ. Aima jagare bhumikompo ar akal hoʹhaʹ. 8Kheʹ kebol nakodo sanam kosṭonaʹ ehobkana.
9"Ana somai âdmikote ape kosṭo mape laʹte sabsopekohaʹ ar ape goiʹpekohaʹ. Inglaʹte sanam âdmite ape ghrinâpekohaʹ. 10Ana somai aima âdmitigi oho pâtyungako ar miʹhorte ar miʹhor sabsopekohaʹ ar ghrinâpekohaʹ. 11Aima bhonḍo nâbi hijuʹkohaʹ ar aima âdmi ṭhakokokohaʹ. 12Âdmikoaʹ odhormonaʹ kâmiko aima baṛhoʹhaʹ mente aima âdmiaʹ dulâr aima komgentakohaʹ. 13Kheʹ eke mucitʹ dhâbiʹ Issorre pâtyu tahene, Issorte âni bacoiheʹ. 14Sanam jâtṭheʹ sâkkhi ma laʹte âdmiko goṭa dhârtire sorgo rajjorna manja khobornaʹ bisoite procarkohaʹ ar inâ tayomgi mucitʹ somai hijuʹhaʹ.
Aima botoronaʹ dhongsonaʹ dinko
(Mark 13:14-23; Luk 21:20-24)
15"Jâkhni ape lelpehaʹ, dhongsonaʹ akaṭaʹ ghinâ jinisnaʹ katha nâbi Daniel menkede. Akaṭaʹdo pobitro jagare tengo menaʹa, jahe âdmi na bisoite paṛhoʹe ânido bujhumane 16"Tâkhni ekeko Jihudiâ oncolre menaʹkoa angkodo buru oncolre niruʹlaʹ hoʹtakohaʹ. 17Eke chad cetanre miniâ ânido latar agro hiʹdarenheʹ kheʹ jahanaʹ enge laʹte jate oraʹ bang bolonmane. 18Khet talare eke miniâ ânido aiaʹ hormonaʹ cadre engelaʹ jate oraʹ bang âcuroʹe.
19Botor, ekeko ana dinkore hamal hormo tahankohaʹ ar ekekote gidrâko koramnaʹ toa khaokokohaʹ angko gidrâoaʹ ar engataʹ aima kosṭo hoʹtakohaʹ. 20Issorṭheʹ koijongpe jate ape rabang somaire se jiruʹaʹ dinre bang niruʹlaʹ hoʹtapeya. 21Tâkhni emon kosṭo hijuʹhaʹ ja dhârti ehob khoiʹ mucit dhâriʹ tisho bang hokâniʹ ar tisho bang hoʹa.
22"Ana kosṭonaʹ dinko judi Issor bang komkheʹ ekeho bang bacoʹakohoteʹ. Kheʹ Aiʹren bacho onkhoiʹ âdmiko laʹte Issor ana dinko komgiriheʹ.
23"Ana somai judi jahete ape metapeyako, 'Lelpe, Khrisṭo' naṛe miniâ' se 'Lelpe, Khrisṭo haṛe miniâ,' tahale alo pâtyuʹape. 24Karon bhonḍo khrisṭoko ar bhonḍo nâbiko rakaboʹkohaʹ ar marang marang asarjo kâmi ar cinhâ udukkohaʹ. Judi sombhob hoʹa tahale Issorren bacho âdmikoho bhulukokohaʹ. 25Atenpe, Ingte laharigi ape niâko sanam lâidohoʹpeying.
26"Paseʹ ape metapeyako, 'Ânido sansun jagare miniâ,' ape baher alo caʹape. Judi menako, 'âni oraʹre baiminiâ, alo pâtyuʹape. 27Bijli jemon câryunakha khoiʹ lelnamoʹa engkagi Âdmi Hoponaʹ hiʹhoʹ engkagi hoʹtaihaʹ. 28Akare goiʹ hormo tahena aṛegi gidido hiʹketeʹ jaoroʹkohaʹ.
Âdmi hopon nengkaketeʹ hijuʹheʹ
(Mark 13:24-31; Luk 21:25-33)
29"Kosṭonaʹ ana dinko tayomgi,
'Sing cando nutgenheʹ,
nindâ cando ado marsal bang emoʹe.
Ipilkodo serma khoiʹ boiʹketeʹ ujugoʹkohaʹ
ar sermanaʹ sanam sukti hilu rakaboʹhaʹ.'#Jisaio 13:10; 34:4-5
30"Nengka somai Âdmi Hoponaʹ cinhâ sermare lelnamoʹhaʹ. Âdmi Hopon hijuʹte lelketeʹ dhârtiren sanam gusṭi dukhte garjoʹkohaʹ. Angkote Âdmi Hopon sukti ar mohima saote bâdrite hijuʹte leleikohaʹ. 31Miṭiʹ sorgodut jore jore sing saṛeʹheʹ ar sao saotigi Âdmi Hoponte âiʹren sorgodutko kolkoheʹ. Angkote dhârtinaʹ miʹ hate khoiʹ ar miʹhate dhâbiʹ câryuhate khoiʹ Âniren bacho âdmiko miʹ saote jaorakokohaʹ.
Jisu loaʹ darenaʹ bisoite cetʹkeʹkoe
(Mark 13:28-31; Luk 21:29-33)
32"Loa darenaʹ cetʹaʹ lopor khoiʹ cetʹpe. Jâkhni ananaʹ ḍhârko lâbitketeʹ sakam sagenoʹa, inre ape baṛe dareʹape je, garam somai sorre hiʹgekana. 33Engkagi ape niâko ghoṭona lelketeʹ baṛe dareʹape je, Âdmi Hopondo sorre hiʹngekane, emonki duârre miniâ. 34Ingte ape sârigi metapekâning, tin dhâbiʹ niâ sanam ghoṭona bang ghoṭoʹhaʹ indhâbiʹ niâ kalniʹ âdmikodo oho caboʹako. 35Sorgo ar dhârti cabagenhaʹ kheʹ Ingâʹ katha tisho bang caboʹa.
Âdmi hopon tinre hijuʹheʹ
(Mark 13:32-37; Luk 17:26-30, 34-36)
36"Kheʹ ana dinnaʹ se ana somainaʹ katha ekeho bang baṛeyako. Sorgodutkoho bang baṛeyako, Hoponho bang baṛeye, kebol Babagi baṛeye.
37"Nohoaʹ somaire alka holena, Âdmi Hoponaʹ hijuʹ somaiho engkagi hoʹhaʹ. 38Bannaʹ lahanaʹ dinkore Noho jahajre bang bolon dhâbiʹ âdmiko jom nui sanako, baploʹ sanako ar bapla maʹtakosanako. 39Tin dhâbiʹ bang ban hiʹketeʹ sanamkhoiʹ bhaso idikeʹkoe, in dhâbiʹ angko itâʹgi bang baṛe dareledako itâʹ ghoṭoʹkana.
"Âdmi hoponaʹ hiʹho engkagi hoʹhaʹ. 40Tâkhni barya âdmi maṭhre kâmitigi tahankinhâʹ, Miʹhordo saote engeiheʹ ar miʹhordo dohoṭhoiheʹ. 41Barya reja jat âcurkinhâʹ, Miʹhordo saote engeiheʹ ar miʹhordo dohoṭhoiheʹ.
42"Sotorko tahenpe, cekelaʹbang aperen probhu tis hijuʹheʹ anado apedo bang baṛeyape. 43Oraʹniʹ mâlik judi baṛeyehoteʹ je aka somai komro hijuʹheʹ tahale âni bengetʹgi tahenehoteʹ, ânite aiaʹ oraʹre komro ohohoteʹ bolosokoe. 44Anate apeho sapro tahenpe, karon aka hiluʹ ape gunânoʹpehaʹ je Ânido oho hijuʹe, inâ hiluʹgi Âdmi Hopondo hijuʹheʹ.
Miṭiʹ manja das ar miṭiʹ kharap dasaʹ cetʹaʹ lopor
(Luk 12:41-48)
45"Eke pâtyuoniʹ ar buddhiman kâmiâdmikane? Ni âni kâmi âdmikane, je aiʹren mâlikte âniren eṭaʹ kâmiâdmiko ṭhik somaire jomaʹ makolaʹ makâdie. 46Âni kâmi âdmido dhonnogie, ekedo aiʹren mâlikte âcur hiʹketeʹ pâtyu laka kâmite leleiheʹ. 47Ingte ape sârigi metapekâning, ânite âni kâmiâdmigi aiaʹ sanam sompottinaʹ bhar maiheʹ.
48"Kheʹ sabme, âni kâmi âdmi bang manjaoe, ar âni mon monte menkede, Ingren mâlik hijuʹte aima somai lagoihaʹ. 49Ana sujogre âni aiʹren saoren kâmiâdmiko dalkolaʹ lagone ar matlako saote nuilaʹ lagone. 50Niâtayom mâlik âcur hiʹne je somainaʹ katha âni kâmi âdmi bang bhabna darelene ar je somai na katha âni bang asakane. 51Tâkhni âni mâlikte âni kharap sâsti maiheʹ ar bhonḍoko suliʹ dohoiheʹ. Aṛe âdmiko ragkohaʹ ar kosṭote ḍaṭa keṭmeṭetenkohaʹ.
Currently Selected:
Mothi 24: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 24
24
Jisu mundir râpudoʹa bisoite menkede
(Mark 13:1-31; Luk 21:5-33)
1Jisu Mundir khoiʹ oṛoʹketeʹ caʹsane, inre Aiʹren celakote Mundirnaʹ bisoite katha menla âniṭheʹ hiʹnako. 2Tâkhni Jisute angko metakeʹkoe, "apeto nako leldape, kheʹ Ingte ape sârigi metapekâning, naṛe miṭiʹ diri cetanre ar miṭiʹ diri oho tahena, sanamgi râputʹ ujugoʹhaʹ."
3Tayomte Jisu jâkhni Joitun burure duruʹ tahelene inre celako gangante âniṭheʹ hiʹketeʹ menkedako, "Ale lâiolem, tinre nako sanam hoʹhaʹ ar alkanaʹ cinhâtte bujhuʹhaʹ Amaʹ hijuʹaʹ somai ar jug caboʹaʹ somai hokana?"
4Tâkhni Jisu menkede, "Sabdhan tahanpe, eketigi jate ape bang ṭhakopeyako, 5cekelaʹbang aima âdmigi Ingâʹ nutumte hijuʹkohaʹ ar menkohaʹ, 'Inggiying Khrisṭo,' ar aima âdmigi ṭhakokokohaʹ. 6Apeyaʹ luturre lâṛhâinaʹ saṛe hijuʹhaʹ ar sâhing disâmnaʹ lâṛhâinaʹ khobor ape aten nampehaʹ. Nalaʹte alo botoroʹape nakodo obossoi hoʹgihâʹ, kheʹ inreho bang caboʹa. 7Jât biruddhe jât ar rajjonaʹ biruddhe rajjo rakaboʹhaʹ. Aima jagare bhumikompo ar akal hoʹhaʹ. 8Kheʹ kebol nakodo sanam kosṭonaʹ ehobkana.
9"Ana somai âdmikote ape kosṭo mape laʹte sabsopekohaʹ ar ape goiʹpekohaʹ. Inglaʹte sanam âdmite ape ghrinâpekohaʹ. 10Ana somai aima âdmitigi oho pâtyungako ar miʹhorte ar miʹhor sabsopekohaʹ ar ghrinâpekohaʹ. 11Aima bhonḍo nâbi hijuʹkohaʹ ar aima âdmi ṭhakokokohaʹ. 12Âdmikoaʹ odhormonaʹ kâmiko aima baṛhoʹhaʹ mente aima âdmiaʹ dulâr aima komgentakohaʹ. 13Kheʹ eke mucitʹ dhâbiʹ Issorre pâtyu tahene, Issorte âni bacoiheʹ. 14Sanam jâtṭheʹ sâkkhi ma laʹte âdmiko goṭa dhârtire sorgo rajjorna manja khobornaʹ bisoite procarkohaʹ ar inâ tayomgi mucitʹ somai hijuʹhaʹ.
Aima botoronaʹ dhongsonaʹ dinko
(Mark 13:14-23; Luk 21:20-24)
15"Jâkhni ape lelpehaʹ, dhongsonaʹ akaṭaʹ ghinâ jinisnaʹ katha nâbi Daniel menkede. Akaṭaʹdo pobitro jagare tengo menaʹa, jahe âdmi na bisoite paṛhoʹe ânido bujhumane 16"Tâkhni ekeko Jihudiâ oncolre menaʹkoa angkodo buru oncolre niruʹlaʹ hoʹtakohaʹ. 17Eke chad cetanre miniâ ânido latar agro hiʹdarenheʹ kheʹ jahanaʹ enge laʹte jate oraʹ bang bolonmane. 18Khet talare eke miniâ ânido aiaʹ hormonaʹ cadre engelaʹ jate oraʹ bang âcuroʹe.
19Botor, ekeko ana dinkore hamal hormo tahankohaʹ ar ekekote gidrâko koramnaʹ toa khaokokohaʹ angko gidrâoaʹ ar engataʹ aima kosṭo hoʹtakohaʹ. 20Issorṭheʹ koijongpe jate ape rabang somaire se jiruʹaʹ dinre bang niruʹlaʹ hoʹtapeya. 21Tâkhni emon kosṭo hijuʹhaʹ ja dhârti ehob khoiʹ mucit dhâriʹ tisho bang hokâniʹ ar tisho bang hoʹa.
22"Ana kosṭonaʹ dinko judi Issor bang komkheʹ ekeho bang bacoʹakohoteʹ. Kheʹ Aiʹren bacho onkhoiʹ âdmiko laʹte Issor ana dinko komgiriheʹ.
23"Ana somai judi jahete ape metapeyako, 'Lelpe, Khrisṭo' naṛe miniâ' se 'Lelpe, Khrisṭo haṛe miniâ,' tahale alo pâtyuʹape. 24Karon bhonḍo khrisṭoko ar bhonḍo nâbiko rakaboʹkohaʹ ar marang marang asarjo kâmi ar cinhâ udukkohaʹ. Judi sombhob hoʹa tahale Issorren bacho âdmikoho bhulukokohaʹ. 25Atenpe, Ingte laharigi ape niâko sanam lâidohoʹpeying.
26"Paseʹ ape metapeyako, 'Ânido sansun jagare miniâ,' ape baher alo caʹape. Judi menako, 'âni oraʹre baiminiâ, alo pâtyuʹape. 27Bijli jemon câryunakha khoiʹ lelnamoʹa engkagi Âdmi Hoponaʹ hiʹhoʹ engkagi hoʹtaihaʹ. 28Akare goiʹ hormo tahena aṛegi gidido hiʹketeʹ jaoroʹkohaʹ.
Âdmi hopon nengkaketeʹ hijuʹheʹ
(Mark 13:24-31; Luk 21:25-33)
29"Kosṭonaʹ ana dinko tayomgi,
'Sing cando nutgenheʹ,
nindâ cando ado marsal bang emoʹe.
Ipilkodo serma khoiʹ boiʹketeʹ ujugoʹkohaʹ
ar sermanaʹ sanam sukti hilu rakaboʹhaʹ.'#Jisaio 13:10; 34:4-5
30"Nengka somai Âdmi Hoponaʹ cinhâ sermare lelnamoʹhaʹ. Âdmi Hopon hijuʹte lelketeʹ dhârtiren sanam gusṭi dukhte garjoʹkohaʹ. Angkote Âdmi Hopon sukti ar mohima saote bâdrite hijuʹte leleikohaʹ. 31Miṭiʹ sorgodut jore jore sing saṛeʹheʹ ar sao saotigi Âdmi Hoponte âiʹren sorgodutko kolkoheʹ. Angkote dhârtinaʹ miʹ hate khoiʹ ar miʹhate dhâbiʹ câryuhate khoiʹ Âniren bacho âdmiko miʹ saote jaorakokohaʹ.
Jisu loaʹ darenaʹ bisoite cetʹkeʹkoe
(Mark 13:28-31; Luk 21:29-33)
32"Loa darenaʹ cetʹaʹ lopor khoiʹ cetʹpe. Jâkhni ananaʹ ḍhârko lâbitketeʹ sakam sagenoʹa, inre ape baṛe dareʹape je, garam somai sorre hiʹgekana. 33Engkagi ape niâko ghoṭona lelketeʹ baṛe dareʹape je, Âdmi Hopondo sorre hiʹngekane, emonki duârre miniâ. 34Ingte ape sârigi metapekâning, tin dhâbiʹ niâ sanam ghoṭona bang ghoṭoʹhaʹ indhâbiʹ niâ kalniʹ âdmikodo oho caboʹako. 35Sorgo ar dhârti cabagenhaʹ kheʹ Ingâʹ katha tisho bang caboʹa.
Âdmi hopon tinre hijuʹheʹ
(Mark 13:32-37; Luk 17:26-30, 34-36)
36"Kheʹ ana dinnaʹ se ana somainaʹ katha ekeho bang baṛeyako. Sorgodutkoho bang baṛeyako, Hoponho bang baṛeye, kebol Babagi baṛeye.
37"Nohoaʹ somaire alka holena, Âdmi Hoponaʹ hijuʹ somaiho engkagi hoʹhaʹ. 38Bannaʹ lahanaʹ dinkore Noho jahajre bang bolon dhâbiʹ âdmiko jom nui sanako, baploʹ sanako ar bapla maʹtakosanako. 39Tin dhâbiʹ bang ban hiʹketeʹ sanamkhoiʹ bhaso idikeʹkoe, in dhâbiʹ angko itâʹgi bang baṛe dareledako itâʹ ghoṭoʹkana.
"Âdmi hoponaʹ hiʹho engkagi hoʹhaʹ. 40Tâkhni barya âdmi maṭhre kâmitigi tahankinhâʹ, Miʹhordo saote engeiheʹ ar miʹhordo dohoṭhoiheʹ. 41Barya reja jat âcurkinhâʹ, Miʹhordo saote engeiheʹ ar miʹhordo dohoṭhoiheʹ.
42"Sotorko tahenpe, cekelaʹbang aperen probhu tis hijuʹheʹ anado apedo bang baṛeyape. 43Oraʹniʹ mâlik judi baṛeyehoteʹ je aka somai komro hijuʹheʹ tahale âni bengetʹgi tahenehoteʹ, ânite aiaʹ oraʹre komro ohohoteʹ bolosokoe. 44Anate apeho sapro tahenpe, karon aka hiluʹ ape gunânoʹpehaʹ je Ânido oho hijuʹe, inâ hiluʹgi Âdmi Hopondo hijuʹheʹ.
Miṭiʹ manja das ar miṭiʹ kharap dasaʹ cetʹaʹ lopor
(Luk 12:41-48)
45"Eke pâtyuoniʹ ar buddhiman kâmiâdmikane? Ni âni kâmi âdmikane, je aiʹren mâlikte âniren eṭaʹ kâmiâdmiko ṭhik somaire jomaʹ makolaʹ makâdie. 46Âni kâmi âdmido dhonnogie, ekedo aiʹren mâlikte âcur hiʹketeʹ pâtyu laka kâmite leleiheʹ. 47Ingte ape sârigi metapekâning, ânite âni kâmiâdmigi aiaʹ sanam sompottinaʹ bhar maiheʹ.
48"Kheʹ sabme, âni kâmi âdmi bang manjaoe, ar âni mon monte menkede, Ingren mâlik hijuʹte aima somai lagoihaʹ. 49Ana sujogre âni aiʹren saoren kâmiâdmiko dalkolaʹ lagone ar matlako saote nuilaʹ lagone. 50Niâtayom mâlik âcur hiʹne je somainaʹ katha âni kâmi âdmi bang bhabna darelene ar je somai na katha âni bang asakane. 51Tâkhni âni mâlikte âni kharap sâsti maiheʹ ar bhonḍoko suliʹ dohoiheʹ. Aṛe âdmiko ragkohaʹ ar kosṭote ḍaṭa keṭmeṭetenkohaʹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh