Mothi 23
23
Jisu dhormo netakoaʹ somporke âdmiko sabdhankeʹkoe
(Mark 12:38-40; Luk 11:37-52)
1Tayomte Jisute sanam âdmiko ar celakoho metakeʹkoe, 2"Dhormo masṭarko ar Forisikodo Mosioaʹ jagare duruʹkanako. 3Anate angko akaṭaʹ rikilaʹ menako anagi rikipe, kheʹ angko akaṭaʹ rikiako anado ape alo rikiape. Cekelaʹbang angkodo menako akaṭaʹ anado bang rikiako. 4Niâdo nengkana je angkote hamal hamal bojha tolketeʹ âdmiaʹ kandhaʹre ladeokoako, kheʹ ana agre laʹte angkote bang gorokolaʹ namsanako.#23:4 Niâ bojhako hona miṭiʹ niâom kânun jeṭa âdmiko capogiri hoʹa.
5"Angko nako kâmiako jate âdmikote angko lelkoako. Ar Pobitro boinaʹ katha olonaʹ tâbij angko marangketeʹ teyarketeʹ ako dhârmik udugoʹlaʹte cadranaʹ acarre jelenggoiʹ thopna lageyako. 6Bhojnaʹ somai sonmannaʹ jagare ar somaj oraʹre marang marang duruʹ jagare duruʹte angkodo dulâroʹako. 7Angkodo hâṭiâ bajarkore sonman subheccha sendra bereyako ar koiako jate âdmite angko 'Guru' mente ṭâhukoako.
8"Jahete guru mente ṭâhupekohaʹ anado alo khojoʹape, cekelaʹbang aperen 'Guru' mente miʹhorgi miniâ, ar apedo sanamkhoiʹ boihakanape. 9Niâ dhârtire ekegi 'Baba' mente alo ṭâhukoape, cekelaʹbang aperendo miʹhorgi Baba miniâ, ar ânido sorgore miniâ. 10Jahete neta mente ṭâhupekohaʹ anado alo khojoʹape, cekelaʹbang aperen neta mente miʹhorgi miniâ, Ânido hoʹkane Khrisṭo. 11Ape bhitârre eke aima guruttopurno moneʹe ânido aperen seoaiʹ hoʹmane. 12Jahegi aiʹ aima guruttopurno moneʹe ânido kâṭiʹgilaʹ hoʹhaʹ ar je kom guruttopurno moneʹe ânido marangilaʹ hoʹhaʹ.
Jisu bhonḍo âdmikoaʹ bisoite menkede
(Mark 12)
13"Botoroʹpe bhonḍo! Dhormo masṭar ar Forisiko, botoroʹpe ape, apedo âdmiko sorgo rajjonaʹ duârre hiʹ aṭoʹako tâkhnigi ape duâr singgiriape. Anate nijeho bang bolonape ar ekeko bolonlaʹ keremeṭedako angkoho bang bolosokokanape. 14Botoroʹpe bhonḍo dhormo masṭar ar Forisiko, apedo botoroʹpe, miʹhate apedo âdmiko uduoko laʹte aima ghâṛiʹ Issorṭheʹ koiape, eṭaʹ hate râṛi âdmiaʹ sompotti dokholtakoape. Niâlaʹ jâtte apeyaʹ aima ḍher sâsti hoʹtapehaʹ.
15"Botoroʹpe bhonḍo! Dhormo masṭar ar Forisiko, apedo botoroʹpe, miṭiʹ âdmi apeyaʹ dhormo mote âguilaʹte ape dhârtinaʹ tinâ sâhingre bang caʹape. Ar âni jâkhni apeyaʹ dhormo mote hijuʹe tâkhni apeyaʹ nijeyaʹ khoiʹ âni aima ḍherketeʹ norokre jeredoʹlaʹ teyarketeʹ rakabiâpe.
16"Apedo botoroʹpe, apedo nijegi ândhuâgiâpe arho eṭaʹonkhoiʹ ḍahar uduʹokoape. Ape menape, Mundir nutumte jahe rikitlekheʹ anatedo bang toloʹe, kheʹ paseʹ 'jahegi Mundirnaʹ sonanaʹ nutumte rikite tahale âni ana rikitre toloʹheʹ.' 17Bemaʹ ar ândhuâren dol! Akaṭaʹ ḍher maranga? Sona, se ana Mundir, akaṭaʹte ana sonagi pobitrokana?
18"Apedo arho niâ kathaho menape, sirânaʹ nutumte jahe rikitkheʹ itâʹgi bang cikuʹa, kheʹ 'jahe paseʹ ana sirânaʹ cetanre akaṭaʹ dan menaʹa ananaʹ nutumte rikitkheʹ tahale âni ana rikitre tol tahenheʹ.' 19Ândhuâren dol! Akaṭaʹ maranga, dan se ana sirâ ja ana dangi pobitroye? 20Anate sirânaʹ nutumte eke rikite ânido ana sirâ ar ana cetanrenaʹ sanamaʹ nutumtigi rikite 21Ar Mundirnaʹ nutumte eke rikite âni Issor nutumte rikite je Mundirnaʹ bhitrire tahane. 22Eke sorgonaʹ nutumte rikite ânido Issoraʹ singhâsonaʹ ar Issoraʹ nutumteho rikite ar je singhâsonre duruʹ miniâ.
23"Bhonḍo! Dhormo masṭarko ar Forisiko, apedo botoroʹpe, apetedo pudina, mouri ar jirânaʹ dos bhagnaʹ miʹ bhag Issordo ṭhikgi maiape, kheʹ niâ najjota, maya ar pâtyu, akaṭaʹdo Mosiaʹ ânnaʹ arho dorkari anado ape bad makaʹape. Lahanaʹ niom palon sao saote apeyaʹ dorkari niâmko palonaʹ ucit. 24Ape ândhuâgiâpe ar ḍahar uduʹkoape. Apeyaʹ daʹ khoiʹ miṭiʹ kâṭiʹ sikriʹ chakekoape ar uṭdo utʹkoape.
25"Bhonḍo! Dhormo masṭar ar Forisiko, apedo botoroʹpe, apedo apeyaʹ mog ar thârinaʹ baherhate sâfiape, kheʹ apeyaʹ anako bhitrire julumnaʹ jinis ar lobhnaʹ sompottite pereʹgiâ. 26Ândhuâ Forisiko! Laha apeyaʹ mognaʹ bhitâr hate sâfipe, anate ananaʹ barhe hateho sâfuʹhaʹ.
27"Bhonḍo! Dhormo masṭarko ar Forisiko, apedo botoroʹpe, apedo cunte potoyonaʹ topa laka, akaṭaʹnaʹ baherdo sundrigiâ kheʹ bhitârdo goiʹ âdmioaʹ jang ar chutaʹte pereʹgiâ. 28Ṭhik engkagi, apedo baherredo lelte dhârmikgiâpe kheʹ bhitârdo odhormo ar bhonḍami pereʹgitapeya.
Jisu Forishikoaʹ sâstinaʹ bisoite menkede
29"Bhonḍo! Dhormo masṭar ar Forisiko, apedo botoroʹpe, apetedo nâbikoaʹ topa naoaketeʹ tolape ar Issor metʹre dhârmik âdmikoaʹ topa sajetakoape. 30Apedo menape, 'Ale judi aleren sederen âdmikoaʹ somai baco tahenalehoteʹ tahale nâbiko goiʹkolaʹte angko salaʹ bang tahenalehoteʹ.' 31Niâte ape nijeoaʹ birudhore niâ sakkho maʹkanape je, nâbiko eketeʹ goiʹkaʹkoako apedo angkorengi bongsodhor kanape. 32Tahale aperen sederen âdmiko akaṭaʹ ehobṭhokadako caʹpe, ananaʹ bâki akaṭaʹ menaʹa anado apegi cabepe.
33"Bingren dol ar bingren bongsodhorko! Alkaketeʹ apedo noroknaʹ sâsti khoiʹ baco nampehaʹ? 34Niâlaʹte Ingte apeṭheʹ nâbiko, geni âdmiko ar dhormo masṭarko kolkohuʹ. Apete angko bhitârre koekṭeʹdo goiʹkopehaʹ ar koekṭeʹdo kurusre ṭanglokopehaʹ. Koekṭeʹdo apete somaj oraʹre câbukte dalkopehaʹ ar miʹ ṭola khoiʹ ar miʹ ṭola tâṛyu berakopehaʹ.
35"Niâlaʹte dhârtiren tiniʹ dhârmik âdmi goiʹsokanako ape ana sanam meyomnaʹ dâyi hoʹpehaʹ. Dhârmik Hebol khoiʹ ehobketeʹ Borkhiâren hopontetʹ Sokhorio dhâbiʹ je mundir ar sirâ talare goiʹholena. 36Ingte ape sârigi metapekâning, niâ jugniʹ âdmigi anako sanam meyomnaʹ dâyi hoʹkohaʹ.
Jisu Jirusalem laʹte dukh sodorkede
(Luk 13:34-35)
37"Hai Jirusalemren âdmiko! Hai Jirusalemren âdmiko! Amte nâbiko goiʹkoam ar amṭheʹ ekeko kol hokana angko dirite capatʹkaʹkoam. Simte hopon alka aiaʹ ḍena latarre jaora koako engkagi Ingte amren âdmiko tiniʹ jhikâ bang Ingṭheʹ jaorakolaʹ namkâding, kheʹ ape bang râjikanape. 38He Jirusalemren âdmiko, apeyaʹ oraʹ ape samnerigi eken ujuʹ tahenhaʹ. 39Ingte ape metapekâning, aka dhâbiʹ bang ape menpehaʹ, 'eke probhuoaʹ nutumte hijuʹkane âniaʹ gourob hoʹman, in dhâbiʹ ar apete Ing bang lelnamengape.'"
Currently Selected:
Mothi 23: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 23
23
Jisu dhormo netakoaʹ somporke âdmiko sabdhankeʹkoe
(Mark 12:38-40; Luk 11:37-52)
1Tayomte Jisute sanam âdmiko ar celakoho metakeʹkoe, 2"Dhormo masṭarko ar Forisikodo Mosioaʹ jagare duruʹkanako. 3Anate angko akaṭaʹ rikilaʹ menako anagi rikipe, kheʹ angko akaṭaʹ rikiako anado ape alo rikiape. Cekelaʹbang angkodo menako akaṭaʹ anado bang rikiako. 4Niâdo nengkana je angkote hamal hamal bojha tolketeʹ âdmiaʹ kandhaʹre ladeokoako, kheʹ ana agre laʹte angkote bang gorokolaʹ namsanako.#23:4 Niâ bojhako hona miṭiʹ niâom kânun jeṭa âdmiko capogiri hoʹa.
5"Angko nako kâmiako jate âdmikote angko lelkoako. Ar Pobitro boinaʹ katha olonaʹ tâbij angko marangketeʹ teyarketeʹ ako dhârmik udugoʹlaʹte cadranaʹ acarre jelenggoiʹ thopna lageyako. 6Bhojnaʹ somai sonmannaʹ jagare ar somaj oraʹre marang marang duruʹ jagare duruʹte angkodo dulâroʹako. 7Angkodo hâṭiâ bajarkore sonman subheccha sendra bereyako ar koiako jate âdmite angko 'Guru' mente ṭâhukoako.
8"Jahete guru mente ṭâhupekohaʹ anado alo khojoʹape, cekelaʹbang aperen 'Guru' mente miʹhorgi miniâ, ar apedo sanamkhoiʹ boihakanape. 9Niâ dhârtire ekegi 'Baba' mente alo ṭâhukoape, cekelaʹbang aperendo miʹhorgi Baba miniâ, ar ânido sorgore miniâ. 10Jahete neta mente ṭâhupekohaʹ anado alo khojoʹape, cekelaʹbang aperen neta mente miʹhorgi miniâ, Ânido hoʹkane Khrisṭo. 11Ape bhitârre eke aima guruttopurno moneʹe ânido aperen seoaiʹ hoʹmane. 12Jahegi aiʹ aima guruttopurno moneʹe ânido kâṭiʹgilaʹ hoʹhaʹ ar je kom guruttopurno moneʹe ânido marangilaʹ hoʹhaʹ.
Jisu bhonḍo âdmikoaʹ bisoite menkede
(Mark 12)
13"Botoroʹpe bhonḍo! Dhormo masṭar ar Forisiko, botoroʹpe ape, apedo âdmiko sorgo rajjonaʹ duârre hiʹ aṭoʹako tâkhnigi ape duâr singgiriape. Anate nijeho bang bolonape ar ekeko bolonlaʹ keremeṭedako angkoho bang bolosokokanape. 14Botoroʹpe bhonḍo dhormo masṭar ar Forisiko, apedo botoroʹpe, miʹhate apedo âdmiko uduoko laʹte aima ghâṛiʹ Issorṭheʹ koiape, eṭaʹ hate râṛi âdmiaʹ sompotti dokholtakoape. Niâlaʹ jâtte apeyaʹ aima ḍher sâsti hoʹtapehaʹ.
15"Botoroʹpe bhonḍo! Dhormo masṭar ar Forisiko, apedo botoroʹpe, miṭiʹ âdmi apeyaʹ dhormo mote âguilaʹte ape dhârtinaʹ tinâ sâhingre bang caʹape. Ar âni jâkhni apeyaʹ dhormo mote hijuʹe tâkhni apeyaʹ nijeyaʹ khoiʹ âni aima ḍherketeʹ norokre jeredoʹlaʹ teyarketeʹ rakabiâpe.
16"Apedo botoroʹpe, apedo nijegi ândhuâgiâpe arho eṭaʹonkhoiʹ ḍahar uduʹokoape. Ape menape, Mundir nutumte jahe rikitlekheʹ anatedo bang toloʹe, kheʹ paseʹ 'jahegi Mundirnaʹ sonanaʹ nutumte rikite tahale âni ana rikitre toloʹheʹ.' 17Bemaʹ ar ândhuâren dol! Akaṭaʹ ḍher maranga? Sona, se ana Mundir, akaṭaʹte ana sonagi pobitrokana?
18"Apedo arho niâ kathaho menape, sirânaʹ nutumte jahe rikitkheʹ itâʹgi bang cikuʹa, kheʹ 'jahe paseʹ ana sirânaʹ cetanre akaṭaʹ dan menaʹa ananaʹ nutumte rikitkheʹ tahale âni ana rikitre tol tahenheʹ.' 19Ândhuâren dol! Akaṭaʹ maranga, dan se ana sirâ ja ana dangi pobitroye? 20Anate sirânaʹ nutumte eke rikite ânido ana sirâ ar ana cetanrenaʹ sanamaʹ nutumtigi rikite 21Ar Mundirnaʹ nutumte eke rikite âni Issor nutumte rikite je Mundirnaʹ bhitrire tahane. 22Eke sorgonaʹ nutumte rikite ânido Issoraʹ singhâsonaʹ ar Issoraʹ nutumteho rikite ar je singhâsonre duruʹ miniâ.
23"Bhonḍo! Dhormo masṭarko ar Forisiko, apedo botoroʹpe, apetedo pudina, mouri ar jirânaʹ dos bhagnaʹ miʹ bhag Issordo ṭhikgi maiape, kheʹ niâ najjota, maya ar pâtyu, akaṭaʹdo Mosiaʹ ânnaʹ arho dorkari anado ape bad makaʹape. Lahanaʹ niom palon sao saote apeyaʹ dorkari niâmko palonaʹ ucit. 24Ape ândhuâgiâpe ar ḍahar uduʹkoape. Apeyaʹ daʹ khoiʹ miṭiʹ kâṭiʹ sikriʹ chakekoape ar uṭdo utʹkoape.
25"Bhonḍo! Dhormo masṭar ar Forisiko, apedo botoroʹpe, apedo apeyaʹ mog ar thârinaʹ baherhate sâfiape, kheʹ apeyaʹ anako bhitrire julumnaʹ jinis ar lobhnaʹ sompottite pereʹgiâ. 26Ândhuâ Forisiko! Laha apeyaʹ mognaʹ bhitâr hate sâfipe, anate ananaʹ barhe hateho sâfuʹhaʹ.
27"Bhonḍo! Dhormo masṭarko ar Forisiko, apedo botoroʹpe, apedo cunte potoyonaʹ topa laka, akaṭaʹnaʹ baherdo sundrigiâ kheʹ bhitârdo goiʹ âdmioaʹ jang ar chutaʹte pereʹgiâ. 28Ṭhik engkagi, apedo baherredo lelte dhârmikgiâpe kheʹ bhitârdo odhormo ar bhonḍami pereʹgitapeya.
Jisu Forishikoaʹ sâstinaʹ bisoite menkede
29"Bhonḍo! Dhormo masṭar ar Forisiko, apedo botoroʹpe, apetedo nâbikoaʹ topa naoaketeʹ tolape ar Issor metʹre dhârmik âdmikoaʹ topa sajetakoape. 30Apedo menape, 'Ale judi aleren sederen âdmikoaʹ somai baco tahenalehoteʹ tahale nâbiko goiʹkolaʹte angko salaʹ bang tahenalehoteʹ.' 31Niâte ape nijeoaʹ birudhore niâ sakkho maʹkanape je, nâbiko eketeʹ goiʹkaʹkoako apedo angkorengi bongsodhor kanape. 32Tahale aperen sederen âdmiko akaṭaʹ ehobṭhokadako caʹpe, ananaʹ bâki akaṭaʹ menaʹa anado apegi cabepe.
33"Bingren dol ar bingren bongsodhorko! Alkaketeʹ apedo noroknaʹ sâsti khoiʹ baco nampehaʹ? 34Niâlaʹte Ingte apeṭheʹ nâbiko, geni âdmiko ar dhormo masṭarko kolkohuʹ. Apete angko bhitârre koekṭeʹdo goiʹkopehaʹ ar koekṭeʹdo kurusre ṭanglokopehaʹ. Koekṭeʹdo apete somaj oraʹre câbukte dalkopehaʹ ar miʹ ṭola khoiʹ ar miʹ ṭola tâṛyu berakopehaʹ.
35"Niâlaʹte dhârtiren tiniʹ dhârmik âdmi goiʹsokanako ape ana sanam meyomnaʹ dâyi hoʹpehaʹ. Dhârmik Hebol khoiʹ ehobketeʹ Borkhiâren hopontetʹ Sokhorio dhâbiʹ je mundir ar sirâ talare goiʹholena. 36Ingte ape sârigi metapekâning, niâ jugniʹ âdmigi anako sanam meyomnaʹ dâyi hoʹkohaʹ.
Jisu Jirusalem laʹte dukh sodorkede
(Luk 13:34-35)
37"Hai Jirusalemren âdmiko! Hai Jirusalemren âdmiko! Amte nâbiko goiʹkoam ar amṭheʹ ekeko kol hokana angko dirite capatʹkaʹkoam. Simte hopon alka aiaʹ ḍena latarre jaora koako engkagi Ingte amren âdmiko tiniʹ jhikâ bang Ingṭheʹ jaorakolaʹ namkâding, kheʹ ape bang râjikanape. 38He Jirusalemren âdmiko, apeyaʹ oraʹ ape samnerigi eken ujuʹ tahenhaʹ. 39Ingte ape metapekâning, aka dhâbiʹ bang ape menpehaʹ, 'eke probhuoaʹ nutumte hijuʹkane âniaʹ gourob hoʹman, in dhâbiʹ ar apete Ing bang lelnamengape.'"
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh