Mothi 22
22
Bapla bhojnaʹ cetʹaʹ lopor
(Luk 14:15-24)
1Jisu cetʹoko laʹte arho miṭiʹ cetʹaʹ lopor angko metakeʹkoe, Âni menkede, 2"Sorgo Rajjo emon miṭiʹ raja laka eke âniren gidrâoaʹ baplanaʹ bhoj ayojonkede. 3Ana bhojre neotaketeʹ âdmiko ṭâhukolaʹ ânite âniren dasko kolkeʹkoe, kheʹ angko hijuʹlaʹ bang namledako.
4"Tâkhni ânite arho eṭaʹ dasko kolkeʹkoe, ar metakeʹkoe, 'Neota âdmiko metakope, Lelpe, ingâʹ bhoj teyarkâding, ingren daste ḍangra ar moṭasoṭa âṛiâko jabhakaʹkoako ar ing bhojnaʹ bebosthakâding, nitoʹ sanamgi saprogiâ, ape bhojre hijuʹpe.'
5"Kheʹ neota âdmiko angko daskoaʹ katha bang atenledako, miʹhor aiaʹ nijeoaʹ khetre ar miʹhor aiaʹ nijeoaʹ bebsanaʹ kâmire calogene. 6Bâki sanam rajaren dasko sabketeʹ dalkeʹkoako ar goiʹkeʹkoako. 7Tâkhni raja aima edregene ar sonnoko kolketeʹ ânite angko khuniko dhongsokeʹkoe ar angkoaʹ sohor jeretʹkede.
8"Tayomte ânite âniren dasko metakeʹkoe, 'Baplanaʹ bhoj teyargiâ, kheʹ ekeko neota holena angko niâren joggo bang kanako. 9Tahale ape ḍaharnaʹ moṛ moṛre caʹpe, ar tiniʹ âdmiko lelnamkopehaʹ sanamko bapla bhojre ṭâhuketeʹ âgukopehaʹ.' 10Tâkhni angko dasko barherre ḍahar ḍaharre caketeʹ manja ar kharap jeko namkeʹkoako sanamkhoiʹgi ṭâhuketeʹ âgukeʹkoako. Anate bapla oraʹ angko pâhnâte pereʹgena.
11"Inâ tayom raja pâhnâko lelkolaʹte bhitârre hiʹketeʹ emon miṭiʹ âdmi lelnamkidie, jeyaʹ hormore bapla oraʹnaʹ lugri bang tahelentaya, 12rajate âni kulikidie, 'Gate, baplanaʹ lugri bâgiketeʹ kalkate naṛe bolonam?' Âni aka uttorgi bang madarelidie. 13Tâkhni rajate âniren seoaiʹko metakeʹkoe, 'Niaʹ ti janga tolketeʹ baherre nutre giṛiṭhoipe. Aṛe âdmiko ragako ar asotigi ḍaṭa keṭmeṭe tenako.'
14Lopornaʹ cabare Jisu menkede, "Aima âdmiko ṭâhu hokana kheʹ thoṛa âdmikogi bachoketeʹ enge hokana."
Ṭeks maʹaʹ bisoite
(Mark 12:13-17; Luk 20:20-26)
15Tâkhni Forisiko caketeʹ porikolponakedako, kalkaketeʹ Jisu posnoketeʹ aiaʹ kathanaʹ fadre giṛijutuʹa. 16Angkote Herodaʹ dolren koekṭeʹ âdmiko suliʹ nijeren koekṭeʹ celako Jisuṭheʹ kolkeʹkoako. Angkote Jisu metakidiako, "Guru, ale baṛeyale am miṭiʹ manja âdmikanam. Issoraʹ ḍaharnaʹ bisoite am sârilakagi cetʹaʹ maʹkokanam. Âdmiko iṭâʹ moneyako sebang moneyako anate Amaʹ itâʹgi bang caʹ hijuʹa, karon amte eke huṛinge ar eke marange ana lelketeʹdo itâʹgi bang rikiam. 17Tahale ale metalem, Mosiaʹ ân laka Romio raja khajna maiaʹ ucit se ucit bangkana?"
18Angkoaʹ kharap uddesso bujhu dareketeʹ Jisute metakeʹkoe, "Bhonḍoko, ceklaʹ Ing purikkha dingâpe?#22:18 Jisu judi menehote raja khajna mailaʹ hoʹhaʹ tahale Forishiren dol edrenakohote arho judi Jisu menehote khajna bang maʹla hoʹa tahale Herodren dol edrenakohote. 19Aka siki paisa khajna maiape ananaʹ miṭiʹ Ing uduʹongpe." Angko miṭiʹ dinâr Jisuṭheʹ âgukedako. 20Tâkhni Jisute angko metakeʹkoe, "Niâ cetanre niâ chubi ar nutum ekeyaʹkana?"
21Angko menkedako, "Romio rajaoaʹ"
Jisute angko metakeʹkoe, "Tahale akaṭaʹ rajaoaʹkana anado rajagi maipe, ar akaṭaʹ Issoraʹkana anado Issorgi maipe."
22Niâ katha atenketeʹ angko asarjonako ar âni bâgiketeʹ calogenako.
Jiuitʹ rakaboʹ bisoite
(Mark 12:18-27; Luk 20:27-40)
23Ana dingi koekṭeʹ Suddukiko Jisuṭheʹ hiʹnako. (Suddukikoaʹ mote goiʹ khoiʹ jiuitʹ rakaboʹ mente itâʹgi bânua.) 24Inâ laʹte angkote Jisu kulikidiako, "Guru, Mosi menkade, judi jahe âdmi begor gidrâ obosthare gojoe tahale âniren boihate âniren girthân baplaketeʹ boiharen hoketeʹ âniren gidrâ janamkoheʹ. 25Miʹ somai naṛe satṭeʹ boiha tahalenako. Palheuniʹte baplaketeʹ goiʹgene ar gidrâ bang tahanrigi âni âniren boiha laʹte nijeren girthân dohoṭhokidie. 26Nalakagi dosar, tesar ar satṭeʹ boiha dhâbiʹ âni girthân baplakidiako. 27Mucitʹre âni rejaho goiʹgene. 28Tahale goiʹonkhoiʹ jâkhni goiʹ khoiʹ jiuitʹ rakaboʹkohaʹ tâkhni angko satṭeʹ boiha talare ni ekeren girthân hoʹheʹ? Angkote sanamkhoiʹte âni baplalidiako."
29Jisute angko metakeʹkoe, "Ape bhuldape, karon apedo sastronaʹ kathaho bang baṛeyape, Issoraʹ suktinaʹ bisoiteho bang baṛeyape. 30Goiʹonkhoiʹ goiʹ khoiʹ jiuitʹ rakaboʹ tayom âdmiko bang baploʹako ar angkoaʹ baplaho bang maʹhoʹa, angko sorgodutko laka hoʹkohaʹ. 31Goiʹonkhoiʹ goiʹ khoiʹ jiuitʹ rakaboʹ bisoire Issorte je katha ape metakaʹpeye ana katha ki ape Sastrore bang paṛhokanape? 32Anare ol menaʹa, 'Ingdo Abrahamren Issor, Isahakren Issor ar Jakobren Issorkâning.' (Karon angkodo nitho sorgore baco menaʹkoa.) Kheʹ Issordo goiʹkoren Issordo bangkane, Âni jiuitʹkorengi Issorkane."
33Niâ katha atenketeʹ âdmiko âniaʹ cetʹaʹte asarjonako.
Sanamkhoiʹ marang hukum
(Mark 12:28-34; Luk 10:25-28)
34Jisute Suddukikoaʹ moca bondokaʹtakoe atenketeʹ Forisiko miʹgenako. 35Angko talaren miʹhor dhormo masṭarte Jisu purikkhai laʹte kulikidie, 36"Guru, Mosiaʹ ân talare sanamkhoiʹ marang hukum akaṭaʹkana?"
37Jisute âni metakidie, "Amaʹ goṭa ontor, goṭa atta ar goṭa monte amren Probhu Issor dulârim. 38Nagiâ sanamkhoiʹ marang ar sanamkhoiʹ dorkari hukumkana. 39Dosaraʹ dorkari hukumho ana lakagi, 'Amren sorkoren âdmiko nije laka dulârkom.' 40Mosiaʹ ân ar nâbikoaʹ sanam cetʹaʹ niâ barya hukum cetanrigi nirbhorketeʹ menaʹa."
Dhormo masṭarkoṭheʹ Probhu Jisuoaʹ prosno
(Mark 12:35-37; Luk 20:41-44)
41Forisiko tâkhniho miʹ saote tahalenako, emon somai Jisute angko kulikeʹkoe, 42"Ape Khrisṭoaʹ bisoite itâʹ moneyape? Âni ekeren bongsodhorkane?"
Angkote Jisu metakidiako, "Âni Dâudren bongsodhorkane."
43Tâkhni Jisute angko metakeʹkoe, "Tahale Dâud kalkaketeʹ Mosihoaʹ Attate poricalonaketeʹ 'Probhu' mente ṭâhulidie? Dâud menlede,
44'Probhute Ingren Probhu metakidie,
ingâʹ jojma hatere durubob,
Tindhâbiʹ bang Ingte amren dusmânko Amaʹ janga latarre dohokoing.'#Siringko 110:1
45Tahale, Dâudte jâkhni Mosiho 'Probhu' mente ṭâhukâdie, tâkhni Mosiho kalkaketeʹ Dâudren bongsodhor ho darene?"
46Nanaʹ uttorre ekeho miʹ kathaho Âni bang metadare lidiako ar ana din khoiʹ eketeho Âni ar jahanaʹ kuliyilaʹho bang sâhusledako.
Currently Selected:
Mothi 22: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 22
22
Bapla bhojnaʹ cetʹaʹ lopor
(Luk 14:15-24)
1Jisu cetʹoko laʹte arho miṭiʹ cetʹaʹ lopor angko metakeʹkoe, Âni menkede, 2"Sorgo Rajjo emon miṭiʹ raja laka eke âniren gidrâoaʹ baplanaʹ bhoj ayojonkede. 3Ana bhojre neotaketeʹ âdmiko ṭâhukolaʹ ânite âniren dasko kolkeʹkoe, kheʹ angko hijuʹlaʹ bang namledako.
4"Tâkhni ânite arho eṭaʹ dasko kolkeʹkoe, ar metakeʹkoe, 'Neota âdmiko metakope, Lelpe, ingâʹ bhoj teyarkâding, ingren daste ḍangra ar moṭasoṭa âṛiâko jabhakaʹkoako ar ing bhojnaʹ bebosthakâding, nitoʹ sanamgi saprogiâ, ape bhojre hijuʹpe.'
5"Kheʹ neota âdmiko angko daskoaʹ katha bang atenledako, miʹhor aiaʹ nijeoaʹ khetre ar miʹhor aiaʹ nijeoaʹ bebsanaʹ kâmire calogene. 6Bâki sanam rajaren dasko sabketeʹ dalkeʹkoako ar goiʹkeʹkoako. 7Tâkhni raja aima edregene ar sonnoko kolketeʹ ânite angko khuniko dhongsokeʹkoe ar angkoaʹ sohor jeretʹkede.
8"Tayomte ânite âniren dasko metakeʹkoe, 'Baplanaʹ bhoj teyargiâ, kheʹ ekeko neota holena angko niâren joggo bang kanako. 9Tahale ape ḍaharnaʹ moṛ moṛre caʹpe, ar tiniʹ âdmiko lelnamkopehaʹ sanamko bapla bhojre ṭâhuketeʹ âgukopehaʹ.' 10Tâkhni angko dasko barherre ḍahar ḍaharre caketeʹ manja ar kharap jeko namkeʹkoako sanamkhoiʹgi ṭâhuketeʹ âgukeʹkoako. Anate bapla oraʹ angko pâhnâte pereʹgena.
11"Inâ tayom raja pâhnâko lelkolaʹte bhitârre hiʹketeʹ emon miṭiʹ âdmi lelnamkidie, jeyaʹ hormore bapla oraʹnaʹ lugri bang tahelentaya, 12rajate âni kulikidie, 'Gate, baplanaʹ lugri bâgiketeʹ kalkate naṛe bolonam?' Âni aka uttorgi bang madarelidie. 13Tâkhni rajate âniren seoaiʹko metakeʹkoe, 'Niaʹ ti janga tolketeʹ baherre nutre giṛiṭhoipe. Aṛe âdmiko ragako ar asotigi ḍaṭa keṭmeṭe tenako.'
14Lopornaʹ cabare Jisu menkede, "Aima âdmiko ṭâhu hokana kheʹ thoṛa âdmikogi bachoketeʹ enge hokana."
Ṭeks maʹaʹ bisoite
(Mark 12:13-17; Luk 20:20-26)
15Tâkhni Forisiko caketeʹ porikolponakedako, kalkaketeʹ Jisu posnoketeʹ aiaʹ kathanaʹ fadre giṛijutuʹa. 16Angkote Herodaʹ dolren koekṭeʹ âdmiko suliʹ nijeren koekṭeʹ celako Jisuṭheʹ kolkeʹkoako. Angkote Jisu metakidiako, "Guru, ale baṛeyale am miṭiʹ manja âdmikanam. Issoraʹ ḍaharnaʹ bisoite am sârilakagi cetʹaʹ maʹkokanam. Âdmiko iṭâʹ moneyako sebang moneyako anate Amaʹ itâʹgi bang caʹ hijuʹa, karon amte eke huṛinge ar eke marange ana lelketeʹdo itâʹgi bang rikiam. 17Tahale ale metalem, Mosiaʹ ân laka Romio raja khajna maiaʹ ucit se ucit bangkana?"
18Angkoaʹ kharap uddesso bujhu dareketeʹ Jisute metakeʹkoe, "Bhonḍoko, ceklaʹ Ing purikkha dingâpe?#22:18 Jisu judi menehote raja khajna mailaʹ hoʹhaʹ tahale Forishiren dol edrenakohote arho judi Jisu menehote khajna bang maʹla hoʹa tahale Herodren dol edrenakohote. 19Aka siki paisa khajna maiape ananaʹ miṭiʹ Ing uduʹongpe." Angko miṭiʹ dinâr Jisuṭheʹ âgukedako. 20Tâkhni Jisute angko metakeʹkoe, "Niâ cetanre niâ chubi ar nutum ekeyaʹkana?"
21Angko menkedako, "Romio rajaoaʹ"
Jisute angko metakeʹkoe, "Tahale akaṭaʹ rajaoaʹkana anado rajagi maipe, ar akaṭaʹ Issoraʹkana anado Issorgi maipe."
22Niâ katha atenketeʹ angko asarjonako ar âni bâgiketeʹ calogenako.
Jiuitʹ rakaboʹ bisoite
(Mark 12:18-27; Luk 20:27-40)
23Ana dingi koekṭeʹ Suddukiko Jisuṭheʹ hiʹnako. (Suddukikoaʹ mote goiʹ khoiʹ jiuitʹ rakaboʹ mente itâʹgi bânua.) 24Inâ laʹte angkote Jisu kulikidiako, "Guru, Mosi menkade, judi jahe âdmi begor gidrâ obosthare gojoe tahale âniren boihate âniren girthân baplaketeʹ boiharen hoketeʹ âniren gidrâ janamkoheʹ. 25Miʹ somai naṛe satṭeʹ boiha tahalenako. Palheuniʹte baplaketeʹ goiʹgene ar gidrâ bang tahanrigi âni âniren boiha laʹte nijeren girthân dohoṭhokidie. 26Nalakagi dosar, tesar ar satṭeʹ boiha dhâbiʹ âni girthân baplakidiako. 27Mucitʹre âni rejaho goiʹgene. 28Tahale goiʹonkhoiʹ jâkhni goiʹ khoiʹ jiuitʹ rakaboʹkohaʹ tâkhni angko satṭeʹ boiha talare ni ekeren girthân hoʹheʹ? Angkote sanamkhoiʹte âni baplalidiako."
29Jisute angko metakeʹkoe, "Ape bhuldape, karon apedo sastronaʹ kathaho bang baṛeyape, Issoraʹ suktinaʹ bisoiteho bang baṛeyape. 30Goiʹonkhoiʹ goiʹ khoiʹ jiuitʹ rakaboʹ tayom âdmiko bang baploʹako ar angkoaʹ baplaho bang maʹhoʹa, angko sorgodutko laka hoʹkohaʹ. 31Goiʹonkhoiʹ goiʹ khoiʹ jiuitʹ rakaboʹ bisoire Issorte je katha ape metakaʹpeye ana katha ki ape Sastrore bang paṛhokanape? 32Anare ol menaʹa, 'Ingdo Abrahamren Issor, Isahakren Issor ar Jakobren Issorkâning.' (Karon angkodo nitho sorgore baco menaʹkoa.) Kheʹ Issordo goiʹkoren Issordo bangkane, Âni jiuitʹkorengi Issorkane."
33Niâ katha atenketeʹ âdmiko âniaʹ cetʹaʹte asarjonako.
Sanamkhoiʹ marang hukum
(Mark 12:28-34; Luk 10:25-28)
34Jisute Suddukikoaʹ moca bondokaʹtakoe atenketeʹ Forisiko miʹgenako. 35Angko talaren miʹhor dhormo masṭarte Jisu purikkhai laʹte kulikidie, 36"Guru, Mosiaʹ ân talare sanamkhoiʹ marang hukum akaṭaʹkana?"
37Jisute âni metakidie, "Amaʹ goṭa ontor, goṭa atta ar goṭa monte amren Probhu Issor dulârim. 38Nagiâ sanamkhoiʹ marang ar sanamkhoiʹ dorkari hukumkana. 39Dosaraʹ dorkari hukumho ana lakagi, 'Amren sorkoren âdmiko nije laka dulârkom.' 40Mosiaʹ ân ar nâbikoaʹ sanam cetʹaʹ niâ barya hukum cetanrigi nirbhorketeʹ menaʹa."
Dhormo masṭarkoṭheʹ Probhu Jisuoaʹ prosno
(Mark 12:35-37; Luk 20:41-44)
41Forisiko tâkhniho miʹ saote tahalenako, emon somai Jisute angko kulikeʹkoe, 42"Ape Khrisṭoaʹ bisoite itâʹ moneyape? Âni ekeren bongsodhorkane?"
Angkote Jisu metakidiako, "Âni Dâudren bongsodhorkane."
43Tâkhni Jisute angko metakeʹkoe, "Tahale Dâud kalkaketeʹ Mosihoaʹ Attate poricalonaketeʹ 'Probhu' mente ṭâhulidie? Dâud menlede,
44'Probhute Ingren Probhu metakidie,
ingâʹ jojma hatere durubob,
Tindhâbiʹ bang Ingte amren dusmânko Amaʹ janga latarre dohokoing.'#Siringko 110:1
45Tahale, Dâudte jâkhni Mosiho 'Probhu' mente ṭâhukâdie, tâkhni Mosiho kalkaketeʹ Dâudren bongsodhor ho darene?"
46Nanaʹ uttorre ekeho miʹ kathaho Âni bang metadare lidiako ar ana din khoiʹ eketeho Âni ar jahanaʹ kuliyilaʹho bang sâhusledako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh