Mothi 21
21
Jisu Jirusalemre bolone
(Mark 11:1-11; Luk 19:28-38; Johon 12:12-19)
1Tayomte jâkhni Jisu ar âniren celako Jirusalemnaʹ ḍaharte caʹsanako tâkhni Joitun burunaʹ cetanre Boitfogi ṭolanaʹ sorre hiʹnako. Tâkhni Jisute barya cela niâ menketeʹ kolkeʹkine, 2"Ape hana samnenaʹ ṭolare caʹban. Aṛe calenkheʹgi lelnameibanhaʹ miṭiʹ gadha tol miniâ ar miṭiʹ hoponho âni suliʹ miniâ. Ânkin baran laraketeʹ Ingṭheʹ âgukinpe. 3Keho judi jahanaʹ menako tahale menpehaʹ, 'Probhuaʹ dorkar menaʹa. Ar tâkhnigi ânite angko kolgirikoheʹ.'"
4Nado hoʹkana jate nâbiaʹ talate niâ je katha menholena ana purunoʹa,
5"Apete Jirusalemren âdmiko metakope,
'Lel, amren raja amṭheʹ hijuʹkane.
Âni nomrogie, Âni gadhaoaʹ cetanre,
Gâdhiren hopon cetanre deʹ hijuʹkane.'"#Sokhorio 9:9
6Jisute angko celako alka hukum maleʹkoe angko caketeʹ angkagi rikâkedako. 7Angkote ângkin gadha ar gâdhiren hopon âguketeʹ ângkin cetanre nijeyaʹ cadre aṭetʹkedako, ar Jisu ana cetanre deʹne. 8Aima âdmi ḍahar cetanre akoaʹ cadreko aṭetʹkedako. Eṭaʹkodo darenaʹ ḍhâr getʹketeʹ ḍahar cetanre aṭetʹkedako. 9Jeko sanam âdmi Âniaʹ samnete ar tayomte caʹsanako, angko cilluketeʹ menlaʹ lagonako,
"Hosanna Dâudren Hoponaʹ!
Probhu nutumte eke hijuʹkane âniaʹ gourob hoʹmana!#Siringko 118:25-26
Sorgoreho Issoraʹ Hosanna!"
10Jâkhni Jisu Jirusalemre bolone, sanam sohorre hoicoi lagona sanamkhoiʹ kulilaʹlagonako, "Nido ekekane?"
11Âdmiko menkedako, "Nido Gâlil oncolnaʹ Nasarot ṭolaren nâbi Jisukane."
Mundirre Jisu
(Mark 11:15-19; Luk 19:45-48; Johon 2:13-22)
12Tayomte Jisu Mundirre bolone ar aṛe ekeko kiring âkhringsanako angko sanamkhoiʹ tâṛiukeʹkoe. Âni ṭhep badleiʹ âdmikoaʹ ṭebilko ar ekeko paroako âkhringko sanako angkoaʹ duruʹnaʹ jaga ulṭugirikede, 13ar angko metakeʹkoe, "Pobitro Sastrore Issor menkade, 'Ingâʹ oraʹgi koijongaʹ oraʹ menhoʹhaʹ,' kheʹ apete niâ ḍâkâtaʹ aḍḍakhana bano kadape.'"
14Niâ tayom andhra ar nengṛa âdmiko Mundirre Jisuṭheʹ hiʹnako, ar Ânite angko manjakeʹkoe. 15Âni akako asarjo kâmi rikisane marang purohitko ar dhormo masṭarko ana lelkedako. Angkote Mundir bhitârre gidrâko cilluketeʹ mente atenkeʹkoako je, "Hosanna, Dâudren Hopon!"
16Niâko sanam lel atenketeʹ angko edreketeʹ Jisu metakidiako, "Gidrâko ja mendako ana am aten namdam?"
Jisute angko metakeʹkoe, "He, Sastrore ape ki tisho bang paṛhokadape, 'Kâṭiʹ gidrâko ar toaʹ nu gidrâkoaʹ katha talare Issor amaʹ nijeyaʹ laʹte prosongsanaʹ bebosthakadam'?"#Siringko 8:2
17Niâ tayom Jisu angko bâgiketeʹ sohornaʹ baherre Boithoniâ ṭolare cagene ar aṛegi nindâ kaṭokede.
Jisu loa dare sarap makede
(Mark 11:12-14, 20-24)
18Poradin setaʹbhorre Jirusalemre âcur hijuʹ somai Jisu rangeʹkidiâ. 19Ḍahar kandhare miṭiʹ loa dare lelketeʹ Âni dareṭheʹ cane, kheʹ anare sakam bâgiketeʹ ar itâʹgi bang lel namlede. Tâkhni Ânite dare metakidie, "Ar tisho amaʹ jo bang joʹa." Ar tâkhnigi loa dare lohorgena.
20Celako ana lelte asarjoketeʹ menkedako, "Loa dare nâniʹ saṭlaka cikâte lohorgena?"
21Jisute angko metakeʹkoe, "Ingte ape sârigi metapekâning, ape judi bang sondehoketeʹ pâtyunape tahale loa dare cetanre Ing ja rikâkading apeho ana rikâdareʹpehaʹ. Khâli anado bang, kheʹ judi niâ buru metayape, 'Rakapketeʹ gangare caketeʹ ujugop,' tahale anagi hoʹhaʹ. 22Ape judi pâtyuketeʹ koijongape tahale ape akaṭaʹ koiape anagi namape."
Jisuoaʹ khomota cetanre prosno
(Mark 11:27-33; Luk 20:1-8)
23Tayomte Jisu arho Mundir cane. Jâkhni Ânite aṛe cetʹaʹ makosane tâkhni marang purohitko ar Jihudiren harme netako Âniṭheʹ hiʹketeʹ menkedako, "Am aka khomotate niâko rikâdam? Na khomota Am eketeʹ makaʹmie?"
24Jisute angko metakeʹkoe, "Ingho ape miṭiʹ katha kulipeliʹ. Apete judi Ing ananaʹ uttor madarengâpe tobe Ingteho ape lâiapeing Ing aka khomotate niâ sanam rikâding. 25Johon aka odhikarte âdmiko bâptisma makosane? Niâ odhikar Issorṭheʹ khoiʹ se âdmikoṭheʹ khoiʹ?"
Tâkhni angko nijeko talare niâ aloconakedako, "Ar abo judi lâiabo, 'Issorṭheʹ khoiʹ, Tahole Ânite abo metaboheʹ, 'Tahole ceklaʹ apete Johon bang pâtyukadiape?' 26Ar judi lâiabo, 'Âdmikoṭheʹ khoiʹ, 'Tobe âdmiko khoiʹ' aboaʹ botor menaʹa, karon sanamkote Johon nâbi mente manoiako."
27Tâkhni angkote Jisu uttorketeʹ metakidiako, "Ale bang baṛeyale."
Tâkhni Jisute angko metakeʹkoe, "Tobe Ingteho ape bang lâiapeing Ing aka khomotate nako sanam rikâding.
Jisu barya kora gidrâoaʹ cetʹaʹ lopor lâikede
28Kheʹ ape itâʹ monedape? Miṭiʹ âdmiren barya gidrâ tahalenakin. Âni aiʹren palhe gidrâṭheʹ caketeʹ metakidie, 'Tihing am ânggur khetre caketeʹ kâmime.'
29"Âni gidrâ menkede, 'Ingdo bang caing.' Kheʹ tayomte âni mon âcurketeʹ kâmi cane.
30"Tayomte âni âdmi dosar gidrâṭheʹ caketeʹ miʹlakan kathagi metakidie. Âni gidrâ menkede, 'Baba ing caʹkâning,' kheʹ bang calene.
31Ângkin barhor talare eke Babaoaʹ icchâ palonkede?
Angko menkedako, "Palheuniʹ."
Jisute angko metakeʹkoe, "Ingte ape sârigi metapekâning, khajna engeonko ar cingriko ape lahare Issoraʹ Rajjore boloʹkanako. 32Karon Johon Issoraʹ icchâlaka caloʹaʹ ḍahar uduʹpelaʹte apeṭheʹ hiʹlene, ar apete âni bang pâtyukâdiape. Kheʹ khajna engeonko ar cingrikote âni pâtiyu lidiako. Ana lelketeʹho ape mon âcurketeʹ âni bang pâtyukâdiape.
Miṭiʹ câsiaʹ cetʹaʹ lopor ekedo ânggur khet teyarlede
(Mark 12:1-12; Luk 20:9-19)
33"Ar miṭiʹ cetʹaʹ lopor atenpe, miṭiʹ khetren mâlik tahalene, âni ânggur khet banoketeʹ ananaʹ câriunakha beṛha makede, tayomte ana khet talare ânggur enlaʹte ḍobhaʹ lakede ar miṭiʹ usul jogeyaʹ oraʹ banokede. Niâ tayom âni koekṭeʹ câsikoṭheʹ ana ânggur khet ṭhikâ maketeʹ eṭaʹ jaga âcurolaʹ cagene. 34Jâkhni jo beleʹaʹ somai ho hiʹna tâkhni âni âniaʹ jonaʹ bhag enge laʹte âniren dasko angko câsikoṭheʹ kolkeʹkoe.
35"Câsikote âniren dasko talakhoiʹ miʹhor sabketeʹ dalkidiako, miʹhor goiʹkidiako ar eṭaʹ ar miʹhordo dirite capatʹkidiako. 36Arho ânite lahanko khoiʹ arho aima das kolkeʹkoe, angko suliʹho câsiko ana lakagi bebohar kedako. 37Mucitʹre ânite âniren gidrâ angkoṭheʹ kolkidie, monekede, 'Angkote ingren gidrâ sonmanei kohaʹ.'
38"Kheʹ angko câsikote gidrâ lelketeʹ nijeko talare menkedako, 'Nigi tayomte sompottiren mâlik hoʹheʹ. Hijuʹpe, abo âni goiʹgiriabo, anate abogi sompottiren mâlik hoʹbohaʹ.' 39Niâ menketeʹ angkote âni gidrâ sabketeʹ ânggur khet khoiʹ baherre idiketeʹ goiʹkidiako.
40"Niâ tayom Jisute angko kulikeʹkoe, ânggur khetren mâlik jâkhni hijuʹheʹ, tâkhni mâlikte angko câsiko cikâkoheʹ?"
41Angko dhormo netakote Jisu metakidiako, "Ânite angko dusṭu âdmiko dhongsokoheʹ ar eke câsiko âni somailaka jonaʹ bhag mayako angkoṭheʹgi ana ânggur khet ṭhikâ makoheʹ."
42Tâkhni Jisute angko metakeʹkoe, "Ape ki tisho Pobitro Sastrore bang paṛhokadape,
'Rajmistriko aka marang konanaʹdiri bâtilgiriledako, Anagi sanamkhoiʹ dorkarnaʹ diriketeʹ rakapna,
Probhugi ana rikâkede, Ar ana aboaʹ metre aima ascorjo aṭkaroʹhaʹ.' #Siringko 118:22-23
43"Niâlaʹtigi Ingte ape metapekâning, Issoraʹ Rajjo apeṭheʹ khoiʹ reʹ enge hoʹhaʹ ar emon âdmiko ma hoʹhaʹ ekekoaʹ jiuire ana Rajjonaʹ upojukto jo lelnamoʹa. 44Eke ana diri cetanre ujugoʹheʹ âni râputʹketeʹ ṭukrâ ṭukrâgenheʹ ar ana diri ekeyaʹ cetanre ujugoʹhaʹ âni gejergenheʹ."
45Jisuoaʹ lâionaʹ niâko sanam cetʹaʹ loporko atenketeʹ marang purohitko ar Forisiko bujhukedako je, Âni angkoaʹ bisoitigi mende. 46Tâkhni angkote Jisu sabeilaʹ namsanako, kheʹ âdmikoaʹ botorte ana bang rikâledako, karon âdmikote Âni nâbi mente manoisanako.
Currently Selected:
Mothi 21: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 21
21
Jisu Jirusalemre bolone
(Mark 11:1-11; Luk 19:28-38; Johon 12:12-19)
1Tayomte jâkhni Jisu ar âniren celako Jirusalemnaʹ ḍaharte caʹsanako tâkhni Joitun burunaʹ cetanre Boitfogi ṭolanaʹ sorre hiʹnako. Tâkhni Jisute barya cela niâ menketeʹ kolkeʹkine, 2"Ape hana samnenaʹ ṭolare caʹban. Aṛe calenkheʹgi lelnameibanhaʹ miṭiʹ gadha tol miniâ ar miṭiʹ hoponho âni suliʹ miniâ. Ânkin baran laraketeʹ Ingṭheʹ âgukinpe. 3Keho judi jahanaʹ menako tahale menpehaʹ, 'Probhuaʹ dorkar menaʹa. Ar tâkhnigi ânite angko kolgirikoheʹ.'"
4Nado hoʹkana jate nâbiaʹ talate niâ je katha menholena ana purunoʹa,
5"Apete Jirusalemren âdmiko metakope,
'Lel, amren raja amṭheʹ hijuʹkane.
Âni nomrogie, Âni gadhaoaʹ cetanre,
Gâdhiren hopon cetanre deʹ hijuʹkane.'"#Sokhorio 9:9
6Jisute angko celako alka hukum maleʹkoe angko caketeʹ angkagi rikâkedako. 7Angkote ângkin gadha ar gâdhiren hopon âguketeʹ ângkin cetanre nijeyaʹ cadre aṭetʹkedako, ar Jisu ana cetanre deʹne. 8Aima âdmi ḍahar cetanre akoaʹ cadreko aṭetʹkedako. Eṭaʹkodo darenaʹ ḍhâr getʹketeʹ ḍahar cetanre aṭetʹkedako. 9Jeko sanam âdmi Âniaʹ samnete ar tayomte caʹsanako, angko cilluketeʹ menlaʹ lagonako,
"Hosanna Dâudren Hoponaʹ!
Probhu nutumte eke hijuʹkane âniaʹ gourob hoʹmana!#Siringko 118:25-26
Sorgoreho Issoraʹ Hosanna!"
10Jâkhni Jisu Jirusalemre bolone, sanam sohorre hoicoi lagona sanamkhoiʹ kulilaʹlagonako, "Nido ekekane?"
11Âdmiko menkedako, "Nido Gâlil oncolnaʹ Nasarot ṭolaren nâbi Jisukane."
Mundirre Jisu
(Mark 11:15-19; Luk 19:45-48; Johon 2:13-22)
12Tayomte Jisu Mundirre bolone ar aṛe ekeko kiring âkhringsanako angko sanamkhoiʹ tâṛiukeʹkoe. Âni ṭhep badleiʹ âdmikoaʹ ṭebilko ar ekeko paroako âkhringko sanako angkoaʹ duruʹnaʹ jaga ulṭugirikede, 13ar angko metakeʹkoe, "Pobitro Sastrore Issor menkade, 'Ingâʹ oraʹgi koijongaʹ oraʹ menhoʹhaʹ,' kheʹ apete niâ ḍâkâtaʹ aḍḍakhana bano kadape.'"
14Niâ tayom andhra ar nengṛa âdmiko Mundirre Jisuṭheʹ hiʹnako, ar Ânite angko manjakeʹkoe. 15Âni akako asarjo kâmi rikisane marang purohitko ar dhormo masṭarko ana lelkedako. Angkote Mundir bhitârre gidrâko cilluketeʹ mente atenkeʹkoako je, "Hosanna, Dâudren Hopon!"
16Niâko sanam lel atenketeʹ angko edreketeʹ Jisu metakidiako, "Gidrâko ja mendako ana am aten namdam?"
Jisute angko metakeʹkoe, "He, Sastrore ape ki tisho bang paṛhokadape, 'Kâṭiʹ gidrâko ar toaʹ nu gidrâkoaʹ katha talare Issor amaʹ nijeyaʹ laʹte prosongsanaʹ bebosthakadam'?"#Siringko 8:2
17Niâ tayom Jisu angko bâgiketeʹ sohornaʹ baherre Boithoniâ ṭolare cagene ar aṛegi nindâ kaṭokede.
Jisu loa dare sarap makede
(Mark 11:12-14, 20-24)
18Poradin setaʹbhorre Jirusalemre âcur hijuʹ somai Jisu rangeʹkidiâ. 19Ḍahar kandhare miṭiʹ loa dare lelketeʹ Âni dareṭheʹ cane, kheʹ anare sakam bâgiketeʹ ar itâʹgi bang lel namlede. Tâkhni Ânite dare metakidie, "Ar tisho amaʹ jo bang joʹa." Ar tâkhnigi loa dare lohorgena.
20Celako ana lelte asarjoketeʹ menkedako, "Loa dare nâniʹ saṭlaka cikâte lohorgena?"
21Jisute angko metakeʹkoe, "Ingte ape sârigi metapekâning, ape judi bang sondehoketeʹ pâtyunape tahale loa dare cetanre Ing ja rikâkading apeho ana rikâdareʹpehaʹ. Khâli anado bang, kheʹ judi niâ buru metayape, 'Rakapketeʹ gangare caketeʹ ujugop,' tahale anagi hoʹhaʹ. 22Ape judi pâtyuketeʹ koijongape tahale ape akaṭaʹ koiape anagi namape."
Jisuoaʹ khomota cetanre prosno
(Mark 11:27-33; Luk 20:1-8)
23Tayomte Jisu arho Mundir cane. Jâkhni Ânite aṛe cetʹaʹ makosane tâkhni marang purohitko ar Jihudiren harme netako Âniṭheʹ hiʹketeʹ menkedako, "Am aka khomotate niâko rikâdam? Na khomota Am eketeʹ makaʹmie?"
24Jisute angko metakeʹkoe, "Ingho ape miṭiʹ katha kulipeliʹ. Apete judi Ing ananaʹ uttor madarengâpe tobe Ingteho ape lâiapeing Ing aka khomotate niâ sanam rikâding. 25Johon aka odhikarte âdmiko bâptisma makosane? Niâ odhikar Issorṭheʹ khoiʹ se âdmikoṭheʹ khoiʹ?"
Tâkhni angko nijeko talare niâ aloconakedako, "Ar abo judi lâiabo, 'Issorṭheʹ khoiʹ, Tahole Ânite abo metaboheʹ, 'Tahole ceklaʹ apete Johon bang pâtyukadiape?' 26Ar judi lâiabo, 'Âdmikoṭheʹ khoiʹ, 'Tobe âdmiko khoiʹ' aboaʹ botor menaʹa, karon sanamkote Johon nâbi mente manoiako."
27Tâkhni angkote Jisu uttorketeʹ metakidiako, "Ale bang baṛeyale."
Tâkhni Jisute angko metakeʹkoe, "Tobe Ingteho ape bang lâiapeing Ing aka khomotate nako sanam rikâding.
Jisu barya kora gidrâoaʹ cetʹaʹ lopor lâikede
28Kheʹ ape itâʹ monedape? Miṭiʹ âdmiren barya gidrâ tahalenakin. Âni aiʹren palhe gidrâṭheʹ caketeʹ metakidie, 'Tihing am ânggur khetre caketeʹ kâmime.'
29"Âni gidrâ menkede, 'Ingdo bang caing.' Kheʹ tayomte âni mon âcurketeʹ kâmi cane.
30"Tayomte âni âdmi dosar gidrâṭheʹ caketeʹ miʹlakan kathagi metakidie. Âni gidrâ menkede, 'Baba ing caʹkâning,' kheʹ bang calene.
31Ângkin barhor talare eke Babaoaʹ icchâ palonkede?
Angko menkedako, "Palheuniʹ."
Jisute angko metakeʹkoe, "Ingte ape sârigi metapekâning, khajna engeonko ar cingriko ape lahare Issoraʹ Rajjore boloʹkanako. 32Karon Johon Issoraʹ icchâlaka caloʹaʹ ḍahar uduʹpelaʹte apeṭheʹ hiʹlene, ar apete âni bang pâtyukâdiape. Kheʹ khajna engeonko ar cingrikote âni pâtiyu lidiako. Ana lelketeʹho ape mon âcurketeʹ âni bang pâtyukâdiape.
Miṭiʹ câsiaʹ cetʹaʹ lopor ekedo ânggur khet teyarlede
(Mark 12:1-12; Luk 20:9-19)
33"Ar miṭiʹ cetʹaʹ lopor atenpe, miṭiʹ khetren mâlik tahalene, âni ânggur khet banoketeʹ ananaʹ câriunakha beṛha makede, tayomte ana khet talare ânggur enlaʹte ḍobhaʹ lakede ar miṭiʹ usul jogeyaʹ oraʹ banokede. Niâ tayom âni koekṭeʹ câsikoṭheʹ ana ânggur khet ṭhikâ maketeʹ eṭaʹ jaga âcurolaʹ cagene. 34Jâkhni jo beleʹaʹ somai ho hiʹna tâkhni âni âniaʹ jonaʹ bhag enge laʹte âniren dasko angko câsikoṭheʹ kolkeʹkoe.
35"Câsikote âniren dasko talakhoiʹ miʹhor sabketeʹ dalkidiako, miʹhor goiʹkidiako ar eṭaʹ ar miʹhordo dirite capatʹkidiako. 36Arho ânite lahanko khoiʹ arho aima das kolkeʹkoe, angko suliʹho câsiko ana lakagi bebohar kedako. 37Mucitʹre ânite âniren gidrâ angkoṭheʹ kolkidie, monekede, 'Angkote ingren gidrâ sonmanei kohaʹ.'
38"Kheʹ angko câsikote gidrâ lelketeʹ nijeko talare menkedako, 'Nigi tayomte sompottiren mâlik hoʹheʹ. Hijuʹpe, abo âni goiʹgiriabo, anate abogi sompottiren mâlik hoʹbohaʹ.' 39Niâ menketeʹ angkote âni gidrâ sabketeʹ ânggur khet khoiʹ baherre idiketeʹ goiʹkidiako.
40"Niâ tayom Jisute angko kulikeʹkoe, ânggur khetren mâlik jâkhni hijuʹheʹ, tâkhni mâlikte angko câsiko cikâkoheʹ?"
41Angko dhormo netakote Jisu metakidiako, "Ânite angko dusṭu âdmiko dhongsokoheʹ ar eke câsiko âni somailaka jonaʹ bhag mayako angkoṭheʹgi ana ânggur khet ṭhikâ makoheʹ."
42Tâkhni Jisute angko metakeʹkoe, "Ape ki tisho Pobitro Sastrore bang paṛhokadape,
'Rajmistriko aka marang konanaʹdiri bâtilgiriledako, Anagi sanamkhoiʹ dorkarnaʹ diriketeʹ rakapna,
Probhugi ana rikâkede, Ar ana aboaʹ metre aima ascorjo aṭkaroʹhaʹ.' #Siringko 118:22-23
43"Niâlaʹtigi Ingte ape metapekâning, Issoraʹ Rajjo apeṭheʹ khoiʹ reʹ enge hoʹhaʹ ar emon âdmiko ma hoʹhaʹ ekekoaʹ jiuire ana Rajjonaʹ upojukto jo lelnamoʹa. 44Eke ana diri cetanre ujugoʹheʹ âni râputʹketeʹ ṭukrâ ṭukrâgenheʹ ar ana diri ekeyaʹ cetanre ujugoʹhaʹ âni gejergenheʹ."
45Jisuoaʹ lâionaʹ niâko sanam cetʹaʹ loporko atenketeʹ marang purohitko ar Forisiko bujhukedako je, Âni angkoaʹ bisoitigi mende. 46Tâkhni angkote Jisu sabeilaʹ namsanako, kheʹ âdmikoaʹ botorte ana bang rikâledako, karon âdmikote Âni nâbi mente manoisanako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh