Mothi 20
20
Ânggur khetre kâmi âdmikoaʹ cetʹaʹ lopor
1Jisu menkede je, "Sorgo Rajjo hona emon je, miʹdin setaʹ bera ânggur khetniʹ mâlik khetre kâmisoʹ laʹte kâmi âdmi âgukolaʹte baherre cagene. 2Âni kâmi âdmiko suliʹ ṭhikkede je, angko dinre#20:2 Miʹ dinâr mane hoʹkana miṭiʹ âdmi miʹ dinre je ṭhep kâmiketeʹ name. miʹ dinârketeʹ makoheʹ. Niâ tayom ânite angko aiaʹ ânggur khetre kolkeʹkoe.
3"Prai setaʹ noiṭa somai âni baherre cane ar bajarre arho koekṭeʹ âdmiko bin kâmite tenggo tahente lelkeʹkoe, 4Ânite angko metakeʹkoe, 'Apeho ingâʹ ânggur khetre kâmilaʹ caʹpe, ingte ape kâminaʹ najjo ṭhep mapehuʹ.' 5Anate angko âdmikoho kâmilaʹ canako.
"Âni khetren mâlik arho prai dupahar baroṭa ar bikâl tinṭaseʹ arho baherre caketeʹ arho kâmi âdmiko ṭâhukeʹkoe. 6Prai bikâl pacṭa somai barhere caketeʹ eṭaʹoni koekṭeʹ âdmiko tenggo tahente lelketeʹ ânite angko metakeʹkoe, 'Ape kâmi bangketeʹ sarading naṛe tenggokanape ceklaʹ?'
7"Angkote âni metakidiako, 'Keteho ale kâmire bang lagokaʹleyako.'
"Mâlikte angko metakeʹkoe, 'Apeho ingâʹ ânggur khetre kâmi caʹpe.'
8"Tayomte âyuplenkheʹ ânggur khetren mâlikte âniren dofadar metakidie, 'Kâmi âdmiko ṭâhuketeʹ mucit hor khoiʹ ehobketeʹ palhehor dâbiʹ sanamko ṭhep makom.'
9"Ekeko bikâl pacṭa somai kâmi lagolenako, angko hiʹketeʹ miʹhor miʹ dinârketeʹ namkedako. 10Anate palhere ekeko kâmire lagolenako angko ḍher namako mente monekedako, kheʹ angkoho sanamkhoiʹgi miʹ miʹ dinârketeʹgi namkedako. 11Anate angko ana ṭhep engeketeʹ âni mâlikaʹ biruddhore âṛisketeʹ menlaʹ lagonako, 12'Ale goṭadin setongre jeretketeʹ kâmikadale. Kheʹ ekeko mucitre kâmire lagolenako angko matro miʹ ghonṭa kâmikadako, taoho angko amte ale soman ṭhep makeʹkoam.
13"Tâkhni mâlikte angko talaren miʹhor metakidie, 'Gate, ingto am cetanre to bang onnaikâding. Amki miʹ dinârte kâmi rikilaʹ bang râjikanam? 14Amaʹ paona engeketeʹ cap. Ingâʹ icchâ, ape akaṭaʹ makaʹpeing mucitrenkoho anagi makohuʹ. 15Akaṭaʹ ingâʹ nijeyaʹ, ana ingâʹ icchâlaka beboharnaʹ odhikar ki ingâʹ bânua? Se ing doyaluging mente amaʹ hingsâ hoʹkanatama?'
16Golponaʹ mucitre Jisu menkede, "Nalakagi ekeko mucitre angko palhere hoʹkohaʹ, ar ekeko palhere angko mucitre tahankohaʹ"
Jisu arho aiaʹ goiʹnaʹ katha menkede
(Mark 10:32-34; Luk 18:31-34)
17Tayomte Jisu Jirusalem caloʹaʹ ḍaharre Âniren baroṭeʹ celako miʹ hate ṭâhuketeʹ metakeʹkoe, 18"Atenpe, abo Jirusalem caʹkanabo, aṛe âdmikote Ing Âdmi Hopon marang purohitkoaʹ ar dhormo masṭarkoaʹ tire sabsongkohaʹ, angko Ing gojenglaʹte dusingkohaʹ, 19Angkote Âni ṭhaṭṭa bidrupi laʹte ar câbukte dal ar Kurusre mailaʹte Ojihudikoaʹ tire maikohaʹ, tayomte pe dinnaʹ dinre Âni goiʹ khoiʹ arho jiuitʹ beretoʹheʹ."
Jakob ar Johonren engataʹ onurodh
(Mark 10:35-45)
20Tâkhni Sibdioren barya gidrâ ângkinren engat saote Jisuṭheʹ hiʹnako ar Âniṭheʹ jahanaʹ engelaʹte Âni ḍoboʹkidiako.
21Jisute âni metakidie, "Am itâʹ engelap?"
Âni menkede, "Am niâ hukum emop je jâkhni am raja hoʹmahaʹ tâkhni amaʹ rajjore ingren miṭiʹ gidrâ amaʹ jojma hate ar miʹhor amaʹ leṭra hate jeno duruʹ namoʹâkin."
22Uttorre Jisu menkede, "Ape itâʹ koidape ana ape bang baṛeyape, je dukhnaʹ mogre Ing nuilaʹ caʹkâning anare ki ape nu dareʹpehaʹ?"
Angkote menkedako, "Dareʹlehaʹ."
23Jisute angko metakeʹkoe, "Sârigi ape Ingâʹ mogre nuipeha, kheʹ Ingâʹ jojmahate se leṭrahate duruʹsopeyaʹ odhikar Ingâʹ bânua. Ingren Baba ekeko laʹte ana ṭhikketeʹ dohokade angkogi ana namako."
24Niâko sanam katha atenketeʹ bâki dosṭeʹ cela ângkin bar boiha cetanre edregenako. 25Kheʹ Jisute celako ṭâhuketeʹ metakeʹkoe, "Ape niâ katha baṛeyape je, Ojihudiko talare sasoniʹ angkoren probhu hoʹako ar netako angko cetanre hukum caleyako. 26Ape talare nengka hoʹaʹ ucit bangkana. Ape talare eke marang holaʹ mene âni aperen seoaiʹ hoʹlaʹ hoʹtaihaʹ, 27ar eke palhere holaʹ name âni aperen das holaʹ hoʹtaihaʹ. 28Jemon Ing Âdmi Hopondo seba nam laʹtedo bang hiʹkane borong sebako laʹte hiʹkane ar aima âdmiko baconaʹ mullo hisâbte nijeyaʹ jiui malaʹ hiʹkane."
Barya andhra manjanâkin
(Mark 10:46-52; Luk 18:35-43)
29Jisu ar Âniren celako Jiriho sohor bâgiketeʹ caʹ somai aima âdmi Jisuoaʹ taynom taynom caʹla lagonako. 30Ḍahar kandhare barya andhra duruʹ tahalenakin. Jisu ana ḍahartoragi caʹkane atenketeʹ ângkin cilluketeʹ menkedakin, "Probhu, Dâudren bongsodhor, âling mayaolingme."
31Ângkin jate thiruʹâkin analaʹte âdmiko ângkin dhamkokeʹkinâko. Kheʹ ângkin arho cilluketeʹ menkedakin, "Probhu, Dâudren bongsodhor, âling mayaolingme."
32Tâkhni Jisu tengone ar ângkin ṭâhuketeʹ metakeʹkine, "Aban itâʹ engelaʹban? Ing aban laʹte itâʹ cikiying?"
33Ângkinte Âni metakidiakin, "Probhu, âlingâʹ met jhiʹgiritâling."
34Tâkhni Jisu mayate pereʹketeʹ ângkinaʹ met joṭetkede, ar tâkhnigi ângkin lelnamkedakin ar Âniaʹ taynom taynom calonâkin.
Currently Selected:
Mothi 20: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 20
20
Ânggur khetre kâmi âdmikoaʹ cetʹaʹ lopor
1Jisu menkede je, "Sorgo Rajjo hona emon je, miʹdin setaʹ bera ânggur khetniʹ mâlik khetre kâmisoʹ laʹte kâmi âdmi âgukolaʹte baherre cagene. 2Âni kâmi âdmiko suliʹ ṭhikkede je, angko dinre#20:2 Miʹ dinâr mane hoʹkana miṭiʹ âdmi miʹ dinre je ṭhep kâmiketeʹ name. miʹ dinârketeʹ makoheʹ. Niâ tayom ânite angko aiaʹ ânggur khetre kolkeʹkoe.
3"Prai setaʹ noiṭa somai âni baherre cane ar bajarre arho koekṭeʹ âdmiko bin kâmite tenggo tahente lelkeʹkoe, 4Ânite angko metakeʹkoe, 'Apeho ingâʹ ânggur khetre kâmilaʹ caʹpe, ingte ape kâminaʹ najjo ṭhep mapehuʹ.' 5Anate angko âdmikoho kâmilaʹ canako.
"Âni khetren mâlik arho prai dupahar baroṭa ar bikâl tinṭaseʹ arho baherre caketeʹ arho kâmi âdmiko ṭâhukeʹkoe. 6Prai bikâl pacṭa somai barhere caketeʹ eṭaʹoni koekṭeʹ âdmiko tenggo tahente lelketeʹ ânite angko metakeʹkoe, 'Ape kâmi bangketeʹ sarading naṛe tenggokanape ceklaʹ?'
7"Angkote âni metakidiako, 'Keteho ale kâmire bang lagokaʹleyako.'
"Mâlikte angko metakeʹkoe, 'Apeho ingâʹ ânggur khetre kâmi caʹpe.'
8"Tayomte âyuplenkheʹ ânggur khetren mâlikte âniren dofadar metakidie, 'Kâmi âdmiko ṭâhuketeʹ mucit hor khoiʹ ehobketeʹ palhehor dâbiʹ sanamko ṭhep makom.'
9"Ekeko bikâl pacṭa somai kâmi lagolenako, angko hiʹketeʹ miʹhor miʹ dinârketeʹ namkedako. 10Anate palhere ekeko kâmire lagolenako angko ḍher namako mente monekedako, kheʹ angkoho sanamkhoiʹgi miʹ miʹ dinârketeʹgi namkedako. 11Anate angko ana ṭhep engeketeʹ âni mâlikaʹ biruddhore âṛisketeʹ menlaʹ lagonako, 12'Ale goṭadin setongre jeretketeʹ kâmikadale. Kheʹ ekeko mucitre kâmire lagolenako angko matro miʹ ghonṭa kâmikadako, taoho angko amte ale soman ṭhep makeʹkoam.
13"Tâkhni mâlikte angko talaren miʹhor metakidie, 'Gate, ingto am cetanre to bang onnaikâding. Amki miʹ dinârte kâmi rikilaʹ bang râjikanam? 14Amaʹ paona engeketeʹ cap. Ingâʹ icchâ, ape akaṭaʹ makaʹpeing mucitrenkoho anagi makohuʹ. 15Akaṭaʹ ingâʹ nijeyaʹ, ana ingâʹ icchâlaka beboharnaʹ odhikar ki ingâʹ bânua? Se ing doyaluging mente amaʹ hingsâ hoʹkanatama?'
16Golponaʹ mucitre Jisu menkede, "Nalakagi ekeko mucitre angko palhere hoʹkohaʹ, ar ekeko palhere angko mucitre tahankohaʹ"
Jisu arho aiaʹ goiʹnaʹ katha menkede
(Mark 10:32-34; Luk 18:31-34)
17Tayomte Jisu Jirusalem caloʹaʹ ḍaharre Âniren baroṭeʹ celako miʹ hate ṭâhuketeʹ metakeʹkoe, 18"Atenpe, abo Jirusalem caʹkanabo, aṛe âdmikote Ing Âdmi Hopon marang purohitkoaʹ ar dhormo masṭarkoaʹ tire sabsongkohaʹ, angko Ing gojenglaʹte dusingkohaʹ, 19Angkote Âni ṭhaṭṭa bidrupi laʹte ar câbukte dal ar Kurusre mailaʹte Ojihudikoaʹ tire maikohaʹ, tayomte pe dinnaʹ dinre Âni goiʹ khoiʹ arho jiuitʹ beretoʹheʹ."
Jakob ar Johonren engataʹ onurodh
(Mark 10:35-45)
20Tâkhni Sibdioren barya gidrâ ângkinren engat saote Jisuṭheʹ hiʹnako ar Âniṭheʹ jahanaʹ engelaʹte Âni ḍoboʹkidiako.
21Jisute âni metakidie, "Am itâʹ engelap?"
Âni menkede, "Am niâ hukum emop je jâkhni am raja hoʹmahaʹ tâkhni amaʹ rajjore ingren miṭiʹ gidrâ amaʹ jojma hate ar miʹhor amaʹ leṭra hate jeno duruʹ namoʹâkin."
22Uttorre Jisu menkede, "Ape itâʹ koidape ana ape bang baṛeyape, je dukhnaʹ mogre Ing nuilaʹ caʹkâning anare ki ape nu dareʹpehaʹ?"
Angkote menkedako, "Dareʹlehaʹ."
23Jisute angko metakeʹkoe, "Sârigi ape Ingâʹ mogre nuipeha, kheʹ Ingâʹ jojmahate se leṭrahate duruʹsopeyaʹ odhikar Ingâʹ bânua. Ingren Baba ekeko laʹte ana ṭhikketeʹ dohokade angkogi ana namako."
24Niâko sanam katha atenketeʹ bâki dosṭeʹ cela ângkin bar boiha cetanre edregenako. 25Kheʹ Jisute celako ṭâhuketeʹ metakeʹkoe, "Ape niâ katha baṛeyape je, Ojihudiko talare sasoniʹ angkoren probhu hoʹako ar netako angko cetanre hukum caleyako. 26Ape talare nengka hoʹaʹ ucit bangkana. Ape talare eke marang holaʹ mene âni aperen seoaiʹ hoʹlaʹ hoʹtaihaʹ, 27ar eke palhere holaʹ name âni aperen das holaʹ hoʹtaihaʹ. 28Jemon Ing Âdmi Hopondo seba nam laʹtedo bang hiʹkane borong sebako laʹte hiʹkane ar aima âdmiko baconaʹ mullo hisâbte nijeyaʹ jiui malaʹ hiʹkane."
Barya andhra manjanâkin
(Mark 10:46-52; Luk 18:35-43)
29Jisu ar Âniren celako Jiriho sohor bâgiketeʹ caʹ somai aima âdmi Jisuoaʹ taynom taynom caʹla lagonako. 30Ḍahar kandhare barya andhra duruʹ tahalenakin. Jisu ana ḍahartoragi caʹkane atenketeʹ ângkin cilluketeʹ menkedakin, "Probhu, Dâudren bongsodhor, âling mayaolingme."
31Ângkin jate thiruʹâkin analaʹte âdmiko ângkin dhamkokeʹkinâko. Kheʹ ângkin arho cilluketeʹ menkedakin, "Probhu, Dâudren bongsodhor, âling mayaolingme."
32Tâkhni Jisu tengone ar ângkin ṭâhuketeʹ metakeʹkine, "Aban itâʹ engelaʹban? Ing aban laʹte itâʹ cikiying?"
33Ângkinte Âni metakidiakin, "Probhu, âlingâʹ met jhiʹgiritâling."
34Tâkhni Jisu mayate pereʹketeʹ ângkinaʹ met joṭetkede, ar tâkhnigi ângkin lelnamkedakin ar Âniaʹ taynom taynom calonâkin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh