Mothi 18
18
Sorgo rajjore eke marange
(Mark 9:33-37; Luk 9:46-48)
1Ana somai celako Jisuṭheʹ hiʹketeʹ menkedako, "Sorgo rajjo talare sanam khoiʹ marang ekekane?"
2Tâkhni Jisute miṭiʹ kâṭiʹ gidrâ ṭâhukidie ar angko talare tenggokidie, 3ar metakeʹkoe, "Ingte ape sâriaʹgi metapekâning, ape judi mon âcurketeʹ gidrâko laka bang hoʹape, tahale akalakatigi sorgo rajjore bang bolo darenape. 4Jahegi nije ni gidrâ laka kâṭiʹ moneyako, ânido sorgo rajjo talare sanamkhoiʹ marange.
5Ar jahetigi ni lakani gidrâ Ing nutumte atanggie, ânitigi Ing atanginge."
Papna ḍaharre idi
(Mark 9:42-48; Luk 17:1-2)
6"Kheʹ jeko kâṭiʹ gidrâte Ing pâtyungko ar paseʹ ekeho angkoaʹ pâtyure badha maʹako, tahale âniaʹ hoṭoʹre miṭiʹ marang jatnaʹ diri tolketeʹ âni marang ganganaʹ aima daʹre ḍubugiri borong âniaʹ pokkhe manjoʹhaʹ. 7He dhârti, papna ḍaharre idi laʹte tinâʹ uskânigi bang am talare menaʹa! Obosso anako sanam uskânigi hijuʹgihâʹ, kheʹ botoroʹpe angkoko âdmi jekoaʹ talate na hijuʹa.
8"Ar amaʹ ti bangkheʹ jangate judi am papna ḍaharre idimie, tahale ana getʹgirim. Barya ti ar barya janga laite onontokalnaʹ sengelre ujuʹkhoiʹ borong lulhâ bangkheʹ khoṛaketeʹ jiuire bologi ama pokkhe manjaoa. 9Ar amaʹ metʹte judi am papnaʹ ḍaharre idimie, tahale ana upṛuketeʹ giri girim, barya metʹ laite noroknaʹ sengelre ujuʹkhoiʹ borong miṭiʹ metʹ laite jiuire bologi amaʹ pokkhe manjaoa.
Jisu atʹ bhiṛioaʹ cetʹaʹ lopor lâikede
(Luk 15:3-7)
10"Sabdhanoʹpe, ape jate neko kâṭionko talaniʹ miʹhorho alo tuccho koaʹpe. Ingte ape metapekâning, sorgore angkoren sorgodutko sanam somai Sorgoren Babaoaʹ samnere menaʹkoa. 11"Jeko adngekana angko uddhâr laʹte Âdmi Hopon hiʹkane.
12"Apeyaʹ itâʹ mone hoʹkana? Sabpe, miṭiʹ âdmiren miʹsoṭeʹ bheṛa menaʹkoa. Ar angko tala khoiʹ judi miṭiʹ adngene, tahale âni ki eṭaʹ nirânobboiṭeʹ buru kandhare dohoketeʹ âni bheṛa sendrailaʹ bang caʹe? 13Ingte ape sâriaʹgi metapekâning, judi ânite âni nameye tahale je nirânobboiṭeʹ bang adngelenako, angko khoiʹ jeṭaʹ adngelene âni laʹte arho bisi huboʹe. 14Ṭhik engkagi, aperen sorgoren Babaoa icchâ bânuʹa je, nengko kâṭionko tala khoiʹ miṭiʹho bang adoʹako.
Je boiha amaʹ biruddhe pape
(Luk 17:3)
15"Amren boiha judi amaʹ biruddhe onnaie, tahale âniṭheʹ caketeʹ jâkhni ar ekeho bang tahanako tâkhni âniaʹ dos udugiâm. Ânite judi amaʹ katha atentame, tahale amteto amren boiha âcur namkidiâm. 16Kheʹ âni judi bang atene, tahale miʹ barhor âdmi am saote idikom, alka Issoraʹ kathate mene jeṭheʹ barhor bangkheʹ pehoraʹ sâkkhiaʹ kathate niâko sanam bisoi sâriaʹ mente promanoʹa. 17Ar judi âni angkoaʹ katha bang atene, tahale monḍoli metakope. Ânite judi monḍolinaʹ kathaho bang atene, tahale âni amṭheʹ Issorre binpâtyu âdmiko laka bangkheʹ khajna âdâionko laka hoʹmanako.
18"Ingte ape sâriaʹgi metapekâning, ape na dhârtire akako tolpehaʹ, ana Sorgoreho tol hoʹhaʹ ar dhârtire aka larepehaʹ ana Sorgoreho laragiri hoʹhaʹ. 19Ingte ape arho sâriaʹgi metapekâning, dhârtire ape talare barhor judi miʹmotketeʹ jaha bisoite koiape, tahale Ingren sorgoren Babate ape laʹte ana puronheʹ. 20Karon jeṭheʹ barhor bangkheʹ pehor Ing nutumte miʹṭheʹgoʹako, eṛegi Ing angko talare tahaning."
Khoma somporke cetʹaʹ
21Tâkhni Pitor Jisuṭheʹ hiʹketeʹ menkede, "Probhu, ingren boiha ing biruddhe onnaitigi tahan lekhe ingte tinâʹjhikâ âni khomaihuʹ? Sat jhikâ dhâriʹ ki?"
22Jisute âni metakidie, "Sat jhikâ dobang, kheʹ Ingte am sohottor gun sat jhikâ dhâriʹ khomailaʹ mening."
23"Lelpe, sorgo rajjo emon miṭiʹ raja saman, je âniren daskoṭheʹ ṭhepna hisâb engelaʹ namkede. 24Âni jâkhni hisâb engelaʹ ehobkede tâkhni angko tala khoiʹ emon miṭiʹ kâmi âdmi âguhona, jeyaʹ rajaṭheʹ lokkho lokkho ṭhep panca tahalentaya. 25Âniaʹ panca sodaʹ khomota bang tahalentaya. Anate âni mâlikte hukumkidie jate âni âdmi ar âniren erat ar gidrâko ar sanamgi âkringketeʹ ana panca âdoihoʹa.
26"Anate âni kâmi âdmi mâlikaʹ janga joṭetʹketeʹ ḍoboʹketeʹ menkede, 'He Probhu, Ing cetanre dhirjim, Ingte amaʹ sanamgi sod giritamhuʹ.' 27Tâkhni mâlik mayaketeʹ âni kâmi âdmi bâgikidie ar âniaʹ sanam panca khomakeʹtaye.
28"Tayomte âni kâmi âdmi barhere caketeʹ aiʹren kâminiʹ gate lelnamkidie. Âniṭheʹ âni kâmi âdmiho thoṛa dinâr panca engelede. Âni kâmi âdmite âniren gateyaʹ hoṭoʹ sabketeʹ metakidie, 'Am je ṭhep panca engekadam ana sodgirim.'
29"Tâkhni âniren gatete âni kâmi âdmido ḍoboʹodie ar nehorketeʹ metakidie, 'Ing cetanre dhirjim, Ingte sanam sodgiritamhuʹ.'
30"Kheʹ âni bang râjilene borong panca bang sod dhâbiʹ âni jelkhanare aṭko dohoaʹ bebosthakede. 31"Niâko sanam bepar lelketeʹ âniren eṭaʹuni gate kâmi âdmiko aima duk namkedako, ar angkoren mâlikṭheʹ caketeʹ sanam bisoi baṛesokidiako.
32"Tâkhni mâlikte âni kâmi âdmi ṭâhuketeʹ metakidie, 'Dusṭo kâmiâdmi! Amte Ing nehorlidingâm mente Ingte amaʹ sanam panca khomaleʹtâming. 33Ing alka am cetanre mayalining, engkagi amren gate kâmiâdmiaʹ cetanre mayado ki amaʹ ucit bang tahalentama?' 34Tayomte âniren mâlik aima edreketeʹ âni kosṭo mailaʹte jelkhanaren âdmikoaʹ tire makidie, tinâʹdin bang âni sanam panca sode.
35Jisu menkede je, "Ingren Sorgoren Babaho ape cetanre engkagi rikiheʹ, judi ape sanamkhoiʹte aperen boihako mon khoiʹ bang khomakoape."
Currently Selected:
Mothi 18: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 18
18
Sorgo rajjore eke marange
(Mark 9:33-37; Luk 9:46-48)
1Ana somai celako Jisuṭheʹ hiʹketeʹ menkedako, "Sorgo rajjo talare sanam khoiʹ marang ekekane?"
2Tâkhni Jisute miṭiʹ kâṭiʹ gidrâ ṭâhukidie ar angko talare tenggokidie, 3ar metakeʹkoe, "Ingte ape sâriaʹgi metapekâning, ape judi mon âcurketeʹ gidrâko laka bang hoʹape, tahale akalakatigi sorgo rajjore bang bolo darenape. 4Jahegi nije ni gidrâ laka kâṭiʹ moneyako, ânido sorgo rajjo talare sanamkhoiʹ marange.
5Ar jahetigi ni lakani gidrâ Ing nutumte atanggie, ânitigi Ing atanginge."
Papna ḍaharre idi
(Mark 9:42-48; Luk 17:1-2)
6"Kheʹ jeko kâṭiʹ gidrâte Ing pâtyungko ar paseʹ ekeho angkoaʹ pâtyure badha maʹako, tahale âniaʹ hoṭoʹre miṭiʹ marang jatnaʹ diri tolketeʹ âni marang ganganaʹ aima daʹre ḍubugiri borong âniaʹ pokkhe manjoʹhaʹ. 7He dhârti, papna ḍaharre idi laʹte tinâʹ uskânigi bang am talare menaʹa! Obosso anako sanam uskânigi hijuʹgihâʹ, kheʹ botoroʹpe angkoko âdmi jekoaʹ talate na hijuʹa.
8"Ar amaʹ ti bangkheʹ jangate judi am papna ḍaharre idimie, tahale ana getʹgirim. Barya ti ar barya janga laite onontokalnaʹ sengelre ujuʹkhoiʹ borong lulhâ bangkheʹ khoṛaketeʹ jiuire bologi ama pokkhe manjaoa. 9Ar amaʹ metʹte judi am papnaʹ ḍaharre idimie, tahale ana upṛuketeʹ giri girim, barya metʹ laite noroknaʹ sengelre ujuʹkhoiʹ borong miṭiʹ metʹ laite jiuire bologi amaʹ pokkhe manjaoa.
Jisu atʹ bhiṛioaʹ cetʹaʹ lopor lâikede
(Luk 15:3-7)
10"Sabdhanoʹpe, ape jate neko kâṭionko talaniʹ miʹhorho alo tuccho koaʹpe. Ingte ape metapekâning, sorgore angkoren sorgodutko sanam somai Sorgoren Babaoaʹ samnere menaʹkoa. 11"Jeko adngekana angko uddhâr laʹte Âdmi Hopon hiʹkane.
12"Apeyaʹ itâʹ mone hoʹkana? Sabpe, miṭiʹ âdmiren miʹsoṭeʹ bheṛa menaʹkoa. Ar angko tala khoiʹ judi miṭiʹ adngene, tahale âni ki eṭaʹ nirânobboiṭeʹ buru kandhare dohoketeʹ âni bheṛa sendrailaʹ bang caʹe? 13Ingte ape sâriaʹgi metapekâning, judi ânite âni nameye tahale je nirânobboiṭeʹ bang adngelenako, angko khoiʹ jeṭaʹ adngelene âni laʹte arho bisi huboʹe. 14Ṭhik engkagi, aperen sorgoren Babaoa icchâ bânuʹa je, nengko kâṭionko tala khoiʹ miṭiʹho bang adoʹako.
Je boiha amaʹ biruddhe pape
(Luk 17:3)
15"Amren boiha judi amaʹ biruddhe onnaie, tahale âniṭheʹ caketeʹ jâkhni ar ekeho bang tahanako tâkhni âniaʹ dos udugiâm. Ânite judi amaʹ katha atentame, tahale amteto amren boiha âcur namkidiâm. 16Kheʹ âni judi bang atene, tahale miʹ barhor âdmi am saote idikom, alka Issoraʹ kathate mene jeṭheʹ barhor bangkheʹ pehoraʹ sâkkhiaʹ kathate niâko sanam bisoi sâriaʹ mente promanoʹa. 17Ar judi âni angkoaʹ katha bang atene, tahale monḍoli metakope. Ânite judi monḍolinaʹ kathaho bang atene, tahale âni amṭheʹ Issorre binpâtyu âdmiko laka bangkheʹ khajna âdâionko laka hoʹmanako.
18"Ingte ape sâriaʹgi metapekâning, ape na dhârtire akako tolpehaʹ, ana Sorgoreho tol hoʹhaʹ ar dhârtire aka larepehaʹ ana Sorgoreho laragiri hoʹhaʹ. 19Ingte ape arho sâriaʹgi metapekâning, dhârtire ape talare barhor judi miʹmotketeʹ jaha bisoite koiape, tahale Ingren sorgoren Babate ape laʹte ana puronheʹ. 20Karon jeṭheʹ barhor bangkheʹ pehor Ing nutumte miʹṭheʹgoʹako, eṛegi Ing angko talare tahaning."
Khoma somporke cetʹaʹ
21Tâkhni Pitor Jisuṭheʹ hiʹketeʹ menkede, "Probhu, ingren boiha ing biruddhe onnaitigi tahan lekhe ingte tinâʹjhikâ âni khomaihuʹ? Sat jhikâ dhâriʹ ki?"
22Jisute âni metakidie, "Sat jhikâ dobang, kheʹ Ingte am sohottor gun sat jhikâ dhâriʹ khomailaʹ mening."
23"Lelpe, sorgo rajjo emon miṭiʹ raja saman, je âniren daskoṭheʹ ṭhepna hisâb engelaʹ namkede. 24Âni jâkhni hisâb engelaʹ ehobkede tâkhni angko tala khoiʹ emon miṭiʹ kâmi âdmi âguhona, jeyaʹ rajaṭheʹ lokkho lokkho ṭhep panca tahalentaya. 25Âniaʹ panca sodaʹ khomota bang tahalentaya. Anate âni mâlikte hukumkidie jate âni âdmi ar âniren erat ar gidrâko ar sanamgi âkringketeʹ ana panca âdoihoʹa.
26"Anate âni kâmi âdmi mâlikaʹ janga joṭetʹketeʹ ḍoboʹketeʹ menkede, 'He Probhu, Ing cetanre dhirjim, Ingte amaʹ sanamgi sod giritamhuʹ.' 27Tâkhni mâlik mayaketeʹ âni kâmi âdmi bâgikidie ar âniaʹ sanam panca khomakeʹtaye.
28"Tayomte âni kâmi âdmi barhere caketeʹ aiʹren kâminiʹ gate lelnamkidie. Âniṭheʹ âni kâmi âdmiho thoṛa dinâr panca engelede. Âni kâmi âdmite âniren gateyaʹ hoṭoʹ sabketeʹ metakidie, 'Am je ṭhep panca engekadam ana sodgirim.'
29"Tâkhni âniren gatete âni kâmi âdmido ḍoboʹodie ar nehorketeʹ metakidie, 'Ing cetanre dhirjim, Ingte sanam sodgiritamhuʹ.'
30"Kheʹ âni bang râjilene borong panca bang sod dhâbiʹ âni jelkhanare aṭko dohoaʹ bebosthakede. 31"Niâko sanam bepar lelketeʹ âniren eṭaʹuni gate kâmi âdmiko aima duk namkedako, ar angkoren mâlikṭheʹ caketeʹ sanam bisoi baṛesokidiako.
32"Tâkhni mâlikte âni kâmi âdmi ṭâhuketeʹ metakidie, 'Dusṭo kâmiâdmi! Amte Ing nehorlidingâm mente Ingte amaʹ sanam panca khomaleʹtâming. 33Ing alka am cetanre mayalining, engkagi amren gate kâmiâdmiaʹ cetanre mayado ki amaʹ ucit bang tahalentama?' 34Tayomte âniren mâlik aima edreketeʹ âni kosṭo mailaʹte jelkhanaren âdmikoaʹ tire makidie, tinâʹdin bang âni sanam panca sode.
35Jisu menkede je, "Ingren Sorgoren Babaho ape cetanre engkagi rikiheʹ, judi ape sanamkhoiʹte aperen boihako mon khoiʹ bang khomakoape."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh