Mothi 17
17
Probhu Jisuoaʹ ceharah badlontaya
(Mark 9:2-13; Luk 9:28-36)
1Chodin tayom Jisute khâli Pitor, Jakob ar Jakobren boiha Johon saote engeketeʹ miṭiʹ usul buru cetanre rakapne. 2Angko samnere Jisuoaʹ cehara badlogentaya. Âniaʹ metʹ moca sing cando laka marsalgentaya ar Âniaʹ lugri citriʹho jhak jhak marsal laka poṛgentaya. 3Ar lelpe, peya celate nâbi Mosi ar nâbi Elio Jisu suliʹ katha mente lelkidiako.
4Tâkhni Pitorte Jisu metakidie, "Probhu, manjagi hokana je, abo naṛe menaʹboa. Am menamkheʹ ing naṛe peya tahenaʹ tâmbu baneinghâʹ, miṭiʹ Amlaʹte, miṭiʹ nâbi Mosi laʹte ar miṭiʹ nâbi Elio laʹte."
5Pitor jâkhni katha mensane, tâkhni miṭiʹ sâfâ bâdrite angko sanamkhoiʹ poṭomkeʹkoe. Ana bâdri khoiʹ Issoraʹ niâ katha aten namna, "Nigitinge dulârniʹ Hopon, Nâi cetanre Ing aima sontusṭogiying. Apedo Nâiaʹ katha atenpe."
6Na katha atenketeʹ celako aima botornako ar hasre bohoʹ ṭhekoketeʹ ḍoboʹkedako. 7Tâkhni Jisu hiʹketeʹ angko joṭetketeʹ metakeʹkoe, "Beretoʹpe, alo botoroape." 8Tâkhni angko cetan hate koyoʹkedako kheʹ Jisu bâgiketeʹ ekegi bang lelnam leʹkoako.
9Jâkhni angko ana buru khoiʹ agro hijuʹsanako tâkhni Jisute angko niâ hukum makeʹkoe, "Ape akaṭaʹ lelkedape, Âdmi Hopon goiʹ khoiʹ bang jiuitʹ beret dhâbiʹ ana katha ekeho alo lâiokoape."
10Celakote Âni kulikidiako, "Tahale dhormo masṭarko cekelaʹ menako je, Mosihoaʹ hijuʹ lahare Elioaʹ hijuʹaʹ dorkar?"
11Jisute angko metakeʹkoe, "He sâriaʹgi Elio hijuʹheʹ ar laha laka sanamgi âcur âgiheʹ. 12Kheʹ Ingte ape sârigi metapekâning, Elio hiʹlene kheʹ âdmite âni bang cinhu darekâdiako. Âdmiko âni cetanre ja icchâ inâgi rikâkadako. Nengkagi Âdmi Hoponho âdmikoaʹ tire kosṭo sahelaʹ hoʹtaihaʹ." 13Jâkhni Jisute Elioya katha metakosane, tâkhni celako bujhu darekedako je, Ânitedo angko bâptisma emoʹiʹ Johonaʹ bisoite metakokane.
Jisute kharap attate namoniʹ kora manjakidie
(Mark 9:14-32; Luk 9:37-45)
14Jisu ar âniren celako jâkhni ana buru khoiʹ âdmikoṭheʹ âcur hiʹnako tâkhni miṭiʹ âdmi Jisu samangre hiʹketeʹ ukrumketeʹ duruʹne ar menkede, 15"Probhu, Amte ingren gidrâ mayaoi, karon âni kharap attate namkâdie ar âni aima kosṭo namde. Ar âni bar bar daʹre ar sengelre ujuʹgene. 16Ingte âni amren celakoṭheʹ âgulidiying kheʹ angkote âni bang manja darelidiako."
17Tâkhni Jisu menkede, "He binpâtyuoniʹ âdmi ar dusṭu âdmiko! Ar tinâʹdin Ing ape saote tahanhuʹ? Tinâʹdin Ingte ape sahopeliʹ. Apete âni gidrâ naṛe Ingṭheʹ âguipe." 18Jâkhni angkote âni gidrâ âgukidiako tâkhni Jisute kharap atta dhamkokidie ar âni gidrâ tala khoiʹ kharap atta oroʹgene, ar âni gidrâ tâkhnigi manjagene.
19Tâkhni celakote gan gante Jisu hiʹketeʹ metakidiako, "Alete cekla âni kharap atta bang coṭaʹ darelidiale?"
20Ânite angko metakeʹkoe, "Apeya pâtyu bang tahalentapeya mente ape bang darekadape. Karon Ingte ape sâriaʹgi metapekâning, judi apeyaʹ pâtyu miṭiʹ kâṭiʹ goṭa jang laka tahana tahale ape menpeha jate niâ buru 'Nare khoiʹ ocoʹketeʹ haṛe cap,' ar anate ana ocoʹgenhaʹ. Ape sanamgi dareʹpehaʹ." 21Koijong ar upâs bâgiketeʹ nengkaniʹ kharap atta bang orogoako.
Jisu nijeyaʹ goiʹnaʹ bisoite menkede
(Mark 9:30-32; Luk 9:43-45)
22Jâkhni angko Gâlilre miʹsaote tahalenako tâkhni Jisute aiʹren celako metakeʹkoe, "Âdmi Hopon âdmikoaʹ tire sabso hohaʹ. 23Ar âdmikote âni goiʹ girikohaʹ, ar pedinaʹ din âni jiuitʹ beredoʹheʹ." Niâ katha atenketeʹ angko aima duk namkedako.
Mundir laʹte khajna
24Tayomte Jisu ar âniren celako jâkhni Kofornâhum sohorre canako tâkhni jeko Mundir laʹte khajna âdoi sanako angko Pitorṭheʹ hiʹketeʹ menkedako, "Aperen guru ki khajna bang emoʹe?"
25Âni menkede, "He maʹe."
Niâtayom Pitor oraʹre hiʹketeʹ jahanaʹ men laharigi Jisute âni metakidie, "Simon, amaʹ itâʹ mone hoʹkantama? Niâ dhârtini rajako ekeṭheʹ khoiʹ khajna âdoiako? Nijeyaʹ disâmni âdmiṭheʹ khoiʹ, se bidesi âdmiṭheʹ khoiʹ?"
26Pitor menkede, "Bidesikoṭheʹ khoiʹ."
Tâkhni Jisute âni metakidie, "Tahaleto nijeren disâmniʹ âdmikoto rehai namgekadako.#17:26 Miʹ somai Romioren sasoniʹ bidesikoṭheʹ khoiʹ khajna engesane kheʹ nijeya disâmren âdmiṭheʹ khoiʹdo bang engesane. 27Taoho abo jate angko khajna âdoionkhoiʹa opomannaʹ karon bang hoʹabo, niâlaʹte am marang gangare caketeʹ bârsi girim, ar palhere je hako rakabheʹ âniaʹ moca cahap lekheʹ miṭiʹ rupâna ṭhep nampehaʹ. Ana idiketeʹ amaʹ ar Ingâʹ khajna ma hijup."
Currently Selected:
Mothi 17: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 17
17
Probhu Jisuoaʹ ceharah badlontaya
(Mark 9:2-13; Luk 9:28-36)
1Chodin tayom Jisute khâli Pitor, Jakob ar Jakobren boiha Johon saote engeketeʹ miṭiʹ usul buru cetanre rakapne. 2Angko samnere Jisuoaʹ cehara badlogentaya. Âniaʹ metʹ moca sing cando laka marsalgentaya ar Âniaʹ lugri citriʹho jhak jhak marsal laka poṛgentaya. 3Ar lelpe, peya celate nâbi Mosi ar nâbi Elio Jisu suliʹ katha mente lelkidiako.
4Tâkhni Pitorte Jisu metakidie, "Probhu, manjagi hokana je, abo naṛe menaʹboa. Am menamkheʹ ing naṛe peya tahenaʹ tâmbu baneinghâʹ, miṭiʹ Amlaʹte, miṭiʹ nâbi Mosi laʹte ar miṭiʹ nâbi Elio laʹte."
5Pitor jâkhni katha mensane, tâkhni miṭiʹ sâfâ bâdrite angko sanamkhoiʹ poṭomkeʹkoe. Ana bâdri khoiʹ Issoraʹ niâ katha aten namna, "Nigitinge dulârniʹ Hopon, Nâi cetanre Ing aima sontusṭogiying. Apedo Nâiaʹ katha atenpe."
6Na katha atenketeʹ celako aima botornako ar hasre bohoʹ ṭhekoketeʹ ḍoboʹkedako. 7Tâkhni Jisu hiʹketeʹ angko joṭetketeʹ metakeʹkoe, "Beretoʹpe, alo botoroape." 8Tâkhni angko cetan hate koyoʹkedako kheʹ Jisu bâgiketeʹ ekegi bang lelnam leʹkoako.
9Jâkhni angko ana buru khoiʹ agro hijuʹsanako tâkhni Jisute angko niâ hukum makeʹkoe, "Ape akaṭaʹ lelkedape, Âdmi Hopon goiʹ khoiʹ bang jiuitʹ beret dhâbiʹ ana katha ekeho alo lâiokoape."
10Celakote Âni kulikidiako, "Tahale dhormo masṭarko cekelaʹ menako je, Mosihoaʹ hijuʹ lahare Elioaʹ hijuʹaʹ dorkar?"
11Jisute angko metakeʹkoe, "He sâriaʹgi Elio hijuʹheʹ ar laha laka sanamgi âcur âgiheʹ. 12Kheʹ Ingte ape sârigi metapekâning, Elio hiʹlene kheʹ âdmite âni bang cinhu darekâdiako. Âdmiko âni cetanre ja icchâ inâgi rikâkadako. Nengkagi Âdmi Hoponho âdmikoaʹ tire kosṭo sahelaʹ hoʹtaihaʹ." 13Jâkhni Jisute Elioya katha metakosane, tâkhni celako bujhu darekedako je, Ânitedo angko bâptisma emoʹiʹ Johonaʹ bisoite metakokane.
Jisute kharap attate namoniʹ kora manjakidie
(Mark 9:14-32; Luk 9:37-45)
14Jisu ar âniren celako jâkhni ana buru khoiʹ âdmikoṭheʹ âcur hiʹnako tâkhni miṭiʹ âdmi Jisu samangre hiʹketeʹ ukrumketeʹ duruʹne ar menkede, 15"Probhu, Amte ingren gidrâ mayaoi, karon âni kharap attate namkâdie ar âni aima kosṭo namde. Ar âni bar bar daʹre ar sengelre ujuʹgene. 16Ingte âni amren celakoṭheʹ âgulidiying kheʹ angkote âni bang manja darelidiako."
17Tâkhni Jisu menkede, "He binpâtyuoniʹ âdmi ar dusṭu âdmiko! Ar tinâʹdin Ing ape saote tahanhuʹ? Tinâʹdin Ingte ape sahopeliʹ. Apete âni gidrâ naṛe Ingṭheʹ âguipe." 18Jâkhni angkote âni gidrâ âgukidiako tâkhni Jisute kharap atta dhamkokidie ar âni gidrâ tala khoiʹ kharap atta oroʹgene, ar âni gidrâ tâkhnigi manjagene.
19Tâkhni celakote gan gante Jisu hiʹketeʹ metakidiako, "Alete cekla âni kharap atta bang coṭaʹ darelidiale?"
20Ânite angko metakeʹkoe, "Apeya pâtyu bang tahalentapeya mente ape bang darekadape. Karon Ingte ape sâriaʹgi metapekâning, judi apeyaʹ pâtyu miṭiʹ kâṭiʹ goṭa jang laka tahana tahale ape menpeha jate niâ buru 'Nare khoiʹ ocoʹketeʹ haṛe cap,' ar anate ana ocoʹgenhaʹ. Ape sanamgi dareʹpehaʹ." 21Koijong ar upâs bâgiketeʹ nengkaniʹ kharap atta bang orogoako.
Jisu nijeyaʹ goiʹnaʹ bisoite menkede
(Mark 9:30-32; Luk 9:43-45)
22Jâkhni angko Gâlilre miʹsaote tahalenako tâkhni Jisute aiʹren celako metakeʹkoe, "Âdmi Hopon âdmikoaʹ tire sabso hohaʹ. 23Ar âdmikote âni goiʹ girikohaʹ, ar pedinaʹ din âni jiuitʹ beredoʹheʹ." Niâ katha atenketeʹ angko aima duk namkedako.
Mundir laʹte khajna
24Tayomte Jisu ar âniren celako jâkhni Kofornâhum sohorre canako tâkhni jeko Mundir laʹte khajna âdoi sanako angko Pitorṭheʹ hiʹketeʹ menkedako, "Aperen guru ki khajna bang emoʹe?"
25Âni menkede, "He maʹe."
Niâtayom Pitor oraʹre hiʹketeʹ jahanaʹ men laharigi Jisute âni metakidie, "Simon, amaʹ itâʹ mone hoʹkantama? Niâ dhârtini rajako ekeṭheʹ khoiʹ khajna âdoiako? Nijeyaʹ disâmni âdmiṭheʹ khoiʹ, se bidesi âdmiṭheʹ khoiʹ?"
26Pitor menkede, "Bidesikoṭheʹ khoiʹ."
Tâkhni Jisute âni metakidie, "Tahaleto nijeren disâmniʹ âdmikoto rehai namgekadako.#17:26 Miʹ somai Romioren sasoniʹ bidesikoṭheʹ khoiʹ khajna engesane kheʹ nijeya disâmren âdmiṭheʹ khoiʹdo bang engesane. 27Taoho abo jate angko khajna âdoionkhoiʹa opomannaʹ karon bang hoʹabo, niâlaʹte am marang gangare caketeʹ bârsi girim, ar palhere je hako rakabheʹ âniaʹ moca cahap lekheʹ miṭiʹ rupâna ṭhep nampehaʹ. Ana idiketeʹ amaʹ ar Ingâʹ khajna ma hijup."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh