Mothi 15
15
Sederen netakoaʹ cetʹaʹ
(Mark 7:1-13)
1Jirusalem khoiʹ koekṭeʹ Forisi ar dhormo masṭarko Jisuṭheʹ hiʹketeʹ menkedako, 2"Aleren sederen âdmiaʹ maonaʹ mare dinnaʹ aka niom hijuʹkana amren celako ceklaʹ ana bang manodako? Jom nu lahare angko ti bang âruboʹkanako!"
3Uttorre Jisute angko metakeʹkoe, "Akaṭaʹ niom caʹkana ana laʹte ape Issoraʹ hukum omannodape cekelaʹ? 4Karon Issor menkade, 'Amte engam bom sonmankinme' ar 'Ekete aiʹren engat bot nindâkine ânido obossoi goiʹgiṛi hoʹhaʹ.' 5Kheʹ ape menape, judi keho aiʹren engat se bot metakine, 'Ingâʹ akaṭaʹ jiniste aban goro darebâninghoteʹ anado Issoraʹ uddessote utsorgokâding,' 6Tahale engam bom âniaʹ ar sonman manaʹ dorkar bânuʹa. Apeyaʹ na sanam colti niom laʹte ape Issoraʹ hukum bâtilkadape. 7Apedo bhonḍokanape! Ape laʹte nâbi Jisaio ṭhik bhobisotnaʹ katha menkaʹe je,
8'Neko âdmi Ing mocatigi sonmanengako,
kheʹ angkoaʹ ontor Ing khoiʹ sâhingre tahantakoa.
9Nakodo âuṛigi Ing upâsonengako,
nakoaʹ maonaʹ cetʹaʹdo âdmikoaʹ teyaronaʹ thoṛa niom matro.'"#Jisaio 29:13
Akalakate âdmiko chutoʹako
(Mark 7:14-23)
10Tâkhni Jisu âdmiko ṭâhuketeʹ menkede, "Ingâʹ katha atenpe ar bujhipe. 11Moca bhitrire akaṭaʹ caʹa anate âdmiko bang chutoʹako, kheʹ moca bhitri khoiʹ akaṭaʹ kharap katha oṛoʹketeʹ hijuʹa anatigi âdmiko chutoʹako."
12Tâkhni celako hiʹketeʹ Âni metakidiako, "Forisiko Amaʹ na katha atenketeʹ opomanoʹkanako mente mone dako, ana ki Am baṛeyam?"
13Uttorre Jisu menkede, "Aka bicân Ingren sorgoren Baba bang rohekade ananaʹ sanam jarsalaʹ upṛu giṛi hoʹa. 14Angkoaʹ katha bâgiʹpe andhrako laʹte ḍahar lelnaʹ katha angkoaʹgiâ, kheʹ angko nijegi andhragiâko. Andhuâdo ândhuâte ḍahar uduʹoilaʹ idiyilekheʹ baran horgi gâḍluʹre ujugoʹkinhâʹ."
15Tâkhni Pitorte Jisu metakidie, "Am aka cetʹaʹ lopor menkedam ananaʹ orthoʹ ale bujhuolem."
16Jisu menkede, "Ape ki nitoʹho obujgiâpe? 17Ape ki bang bujhudape je, akako moca bhitârre caʹa ana laiʹ bhitrire bolona ar mucitʹre oṛoʹ hijuʹa? 18Kheʹ akaṭaʹ moca bhitâr khoiʹ oṛoʹ hijuʹa ana ontor khoiʹ hijuʹa, ar anakotigi âdmido chutoʹako. 19Ontor khoiʹgi kharap cintâ, goiʹ, sanam lakanaʹ bebhicâr, komro, âuri sakkho ar nindâ oṛoʹ hijuʹa. 20Natigi âdmiko chutoʹako, kheʹ ti bang ârub sâfâketeʹ jomlekheʹ âdmiko bang chutoʹako."
Ojihudi rejaoaʹ pâtyu
(Mark 7:24-30)
21Tayomte Jisu ana jaga bâgiketeʹ Sor ar Sidon elakare ca gene. 22Aṛeniʹ miṭiʹ Konanio reja hiʹne ar cilluketeʹ menlaʹ lagone, "He Probhu, Dâudren bongsodhor, ing mayaongme. Kharap attate sabkâdie mente ingren kurigidrâ aima kosṭo namde."
23Kheʹ Jisute âni miṭiʹ kathaho bang metalidie. Tâkhni Âniren celako hiʹketeʹ Âni nehorketeʹ metakidiako, "Âni bidâi mai, karon âni aboaʹ tayom tayomte cilluʹkane."
24Uttorre Jisu menkede, "Ingdo kebol Israyel bongsoren atʹ bhiṛikoṭheʹgi kolkâdinge."
25Kheʹ âni reja Jisuṭheʹ hiʹketeʹ Âni ḍoboʹketeʹ menkede, "Probhu, nehormikâning Ing gorongme."
26Jisu menkede, "Gidrâkoaʹ jomaʹ seta samnere giṛi bang manjaoa."
27Tâkhni reja menkede, "Ṭhik katha, Probhu, taoho mâlikaʹ jomaʹ ṭebil khoiʹ akako saregoʹa ujugoʹa anado setagi jomako."
28Tâkhni Jisute âni metakidie, "O reja, sârigi amaʹ pâtyu aima bisigitama. Am alka koidam engkagi hoʹman." Ar tâkhnigi âniren kurigidrâ manjagene.
Jisute aima âdmi manjakeʹkoe
29Tayomte Jisu ana jaga bâgiketeʹ Gâlil Ganganaʹ kandha tora cane ar aṛe miṭiʹ burure rakabketeʹ duruʹne.
30Ar aima âdmi Âniṭheʹ hijuʹlaʹ lagonako, angko akosuliʹ khoṛa, ândhuâ, lulhâ, gungṛâ ar arho aima ruâ âdmiko Âniaʹ jangaṭheʹ dohokeʹkoako, ar Ânite angko manjakeʹkoe. 31Âdmiko jâkhni lelkedako gungṛâ katha lordako, lulhâ manjoʹkanako, khoṛa darankanako ar andhuâ lel namdako, tâkhni angko asarjo nako ar Israyelren Issoraʹ gouroblaʹ lagonako.
Jisute pon hajar âdmi jomsokeʹkoe
(Mark 8:1-10)
32Jisute aiʹren celako ṭâhuketeʹ metakeʹkoe, "Ing cintuʹkâning neko âdmiko laʹte, karon angko Ing suliʹ pe din khoiʹ menaʹkoa ar nit dhâbiʹ itâʹgi bang jomkadako, angkoṭheʹ jomaʹ itâʹgi bânuʹa, ar Ing bang jomnuketeʹ bidâi bangmakoing, karon angko ḍaharre langoʹkohaʹ."
33Celakote Âni metakidiako, "Na sansun jagare nâniʹ âdmiko jomlaʹte piṭhâ abo akare nambohaʹ?"
34Jisute angko metakeʹkoe, "Apeṭheʹ tinoʹ piṭhâ menaʹa?"
Celako menkedako, "Satṭeʹ piṭhâ ar koekṭeʹ kâṭiʹ hako menaʹkoa."
35Tâkhni Jisute âdmiko hasre duṛuʹlaʹ hukum makeʹkoe. 36Tâkhni Âni ana satṭeʹ piṭhâ ar angko koekṭeʹ hako engekeʹkoe, ar Ânite Issor dhonnobad makidie piṭhâ kecaʹkeʹe ar celako tire makeʹkoe, ar celakodo âdmiko makeʹkoako. 37Angko sanamkhoiʹgi laiʹ biʹ jomkedako, natayom celako piṭhâ kecaʹ halang kedako ar satṭeʹ pâichâ pereʹna. 38Ekeko jomledako aṛe pon hajar korahopon tahalenako reja ar gidrâko bâgiketeʹgi. 39Natayom Jisute âdmiko bidâi magirikekoe, ar lâukâre deʹketeʹ Magadan cane.
Currently Selected:
Mothi 15: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 15
15
Sederen netakoaʹ cetʹaʹ
(Mark 7:1-13)
1Jirusalem khoiʹ koekṭeʹ Forisi ar dhormo masṭarko Jisuṭheʹ hiʹketeʹ menkedako, 2"Aleren sederen âdmiaʹ maonaʹ mare dinnaʹ aka niom hijuʹkana amren celako ceklaʹ ana bang manodako? Jom nu lahare angko ti bang âruboʹkanako!"
3Uttorre Jisute angko metakeʹkoe, "Akaṭaʹ niom caʹkana ana laʹte ape Issoraʹ hukum omannodape cekelaʹ? 4Karon Issor menkade, 'Amte engam bom sonmankinme' ar 'Ekete aiʹren engat bot nindâkine ânido obossoi goiʹgiṛi hoʹhaʹ.' 5Kheʹ ape menape, judi keho aiʹren engat se bot metakine, 'Ingâʹ akaṭaʹ jiniste aban goro darebâninghoteʹ anado Issoraʹ uddessote utsorgokâding,' 6Tahale engam bom âniaʹ ar sonman manaʹ dorkar bânuʹa. Apeyaʹ na sanam colti niom laʹte ape Issoraʹ hukum bâtilkadape. 7Apedo bhonḍokanape! Ape laʹte nâbi Jisaio ṭhik bhobisotnaʹ katha menkaʹe je,
8'Neko âdmi Ing mocatigi sonmanengako,
kheʹ angkoaʹ ontor Ing khoiʹ sâhingre tahantakoa.
9Nakodo âuṛigi Ing upâsonengako,
nakoaʹ maonaʹ cetʹaʹdo âdmikoaʹ teyaronaʹ thoṛa niom matro.'"#Jisaio 29:13
Akalakate âdmiko chutoʹako
(Mark 7:14-23)
10Tâkhni Jisu âdmiko ṭâhuketeʹ menkede, "Ingâʹ katha atenpe ar bujhipe. 11Moca bhitrire akaṭaʹ caʹa anate âdmiko bang chutoʹako, kheʹ moca bhitri khoiʹ akaṭaʹ kharap katha oṛoʹketeʹ hijuʹa anatigi âdmiko chutoʹako."
12Tâkhni celako hiʹketeʹ Âni metakidiako, "Forisiko Amaʹ na katha atenketeʹ opomanoʹkanako mente mone dako, ana ki Am baṛeyam?"
13Uttorre Jisu menkede, "Aka bicân Ingren sorgoren Baba bang rohekade ananaʹ sanam jarsalaʹ upṛu giṛi hoʹa. 14Angkoaʹ katha bâgiʹpe andhrako laʹte ḍahar lelnaʹ katha angkoaʹgiâ, kheʹ angko nijegi andhragiâko. Andhuâdo ândhuâte ḍahar uduʹoilaʹ idiyilekheʹ baran horgi gâḍluʹre ujugoʹkinhâʹ."
15Tâkhni Pitorte Jisu metakidie, "Am aka cetʹaʹ lopor menkedam ananaʹ orthoʹ ale bujhuolem."
16Jisu menkede, "Ape ki nitoʹho obujgiâpe? 17Ape ki bang bujhudape je, akako moca bhitârre caʹa ana laiʹ bhitrire bolona ar mucitʹre oṛoʹ hijuʹa? 18Kheʹ akaṭaʹ moca bhitâr khoiʹ oṛoʹ hijuʹa ana ontor khoiʹ hijuʹa, ar anakotigi âdmido chutoʹako. 19Ontor khoiʹgi kharap cintâ, goiʹ, sanam lakanaʹ bebhicâr, komro, âuri sakkho ar nindâ oṛoʹ hijuʹa. 20Natigi âdmiko chutoʹako, kheʹ ti bang ârub sâfâketeʹ jomlekheʹ âdmiko bang chutoʹako."
Ojihudi rejaoaʹ pâtyu
(Mark 7:24-30)
21Tayomte Jisu ana jaga bâgiketeʹ Sor ar Sidon elakare ca gene. 22Aṛeniʹ miṭiʹ Konanio reja hiʹne ar cilluketeʹ menlaʹ lagone, "He Probhu, Dâudren bongsodhor, ing mayaongme. Kharap attate sabkâdie mente ingren kurigidrâ aima kosṭo namde."
23Kheʹ Jisute âni miṭiʹ kathaho bang metalidie. Tâkhni Âniren celako hiʹketeʹ Âni nehorketeʹ metakidiako, "Âni bidâi mai, karon âni aboaʹ tayom tayomte cilluʹkane."
24Uttorre Jisu menkede, "Ingdo kebol Israyel bongsoren atʹ bhiṛikoṭheʹgi kolkâdinge."
25Kheʹ âni reja Jisuṭheʹ hiʹketeʹ Âni ḍoboʹketeʹ menkede, "Probhu, nehormikâning Ing gorongme."
26Jisu menkede, "Gidrâkoaʹ jomaʹ seta samnere giṛi bang manjaoa."
27Tâkhni reja menkede, "Ṭhik katha, Probhu, taoho mâlikaʹ jomaʹ ṭebil khoiʹ akako saregoʹa ujugoʹa anado setagi jomako."
28Tâkhni Jisute âni metakidie, "O reja, sârigi amaʹ pâtyu aima bisigitama. Am alka koidam engkagi hoʹman." Ar tâkhnigi âniren kurigidrâ manjagene.
Jisute aima âdmi manjakeʹkoe
29Tayomte Jisu ana jaga bâgiketeʹ Gâlil Ganganaʹ kandha tora cane ar aṛe miṭiʹ burure rakabketeʹ duruʹne.
30Ar aima âdmi Âniṭheʹ hijuʹlaʹ lagonako, angko akosuliʹ khoṛa, ândhuâ, lulhâ, gungṛâ ar arho aima ruâ âdmiko Âniaʹ jangaṭheʹ dohokeʹkoako, ar Ânite angko manjakeʹkoe. 31Âdmiko jâkhni lelkedako gungṛâ katha lordako, lulhâ manjoʹkanako, khoṛa darankanako ar andhuâ lel namdako, tâkhni angko asarjo nako ar Israyelren Issoraʹ gouroblaʹ lagonako.
Jisute pon hajar âdmi jomsokeʹkoe
(Mark 8:1-10)
32Jisute aiʹren celako ṭâhuketeʹ metakeʹkoe, "Ing cintuʹkâning neko âdmiko laʹte, karon angko Ing suliʹ pe din khoiʹ menaʹkoa ar nit dhâbiʹ itâʹgi bang jomkadako, angkoṭheʹ jomaʹ itâʹgi bânuʹa, ar Ing bang jomnuketeʹ bidâi bangmakoing, karon angko ḍaharre langoʹkohaʹ."
33Celakote Âni metakidiako, "Na sansun jagare nâniʹ âdmiko jomlaʹte piṭhâ abo akare nambohaʹ?"
34Jisute angko metakeʹkoe, "Apeṭheʹ tinoʹ piṭhâ menaʹa?"
Celako menkedako, "Satṭeʹ piṭhâ ar koekṭeʹ kâṭiʹ hako menaʹkoa."
35Tâkhni Jisute âdmiko hasre duṛuʹlaʹ hukum makeʹkoe. 36Tâkhni Âni ana satṭeʹ piṭhâ ar angko koekṭeʹ hako engekeʹkoe, ar Ânite Issor dhonnobad makidie piṭhâ kecaʹkeʹe ar celako tire makeʹkoe, ar celakodo âdmiko makeʹkoako. 37Angko sanamkhoiʹgi laiʹ biʹ jomkedako, natayom celako piṭhâ kecaʹ halang kedako ar satṭeʹ pâichâ pereʹna. 38Ekeko jomledako aṛe pon hajar korahopon tahalenako reja ar gidrâko bâgiketeʹgi. 39Natayom Jisute âdmiko bidâi magirikekoe, ar lâukâre deʹketeʹ Magadan cane.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh