Mothi 14
14
Bâptisma emoʹiʹ Johonaʹ goiʹ
(Mark 6:14-29; Luk 9:7-9)
1Ana somai Herod raja Jisuoaʹ songbad aten namkede, 2ar aiʹren kâmi âdmiko metakeʹkoe, "Ânigi Bâptisma emoʹiʹ Johon, goiʹ khoiʹ jiuitʹ beretkane. Ar ana laʹtigi âni asarjo sanam kâmi rikâ dareʹkane."
Bâptisma emoʹiʹ Johondo goiʹne
3Herod aiʹren boiha Filipren girthân Herodiâ laʹte Johon sab tolketeʹ jelkhanare doholidiako, 4karon Johonte âni metaisane, "Herodiâ girthân hisâbte doho amaʹ ucit bangkana." 5Herodte Johon gojeilaʹ namsane, kheʹ ânite âdmiko botorokosane karon âdmikote Johon nâbi mente manoisanako.
6Herodaʹ janamdinnaʹ porob hiʹlenkheʹ, Herodiâren hoporat sobha talare eneʹketeʹ Herod sontusṭokidie. 7Niâ laʹte âni rikitketeʹ menkede, Am itâʹ engemahaʹ, ingte am anagi mamhuʹ. 8Hoporat âniren engatṭheʹ khoiʹ poramorso engeketeʹ menkede, "Bâptisma emoʹiʹ Johonaʹ bohoʹ thârite naṛe ingṭheʹ âgipe."
9Inâte raja dukhne, aiaʹ rikit karonte ar ekeko âni suliʹ duruʹlenako angko karonte ana mailaʹ hukumkidie. 10Âni âdmi kolketeʹ jelkhana talarigi Johonaʹ bohoʹ getʹkeʹtaye. 11Ar âniaʹ bohoʹ thârite âguketeʹ hoporat ma hona, âni aiʹren engatṭheʹ ana idikede. 12Johonren celako hiʹketeʹ âniaʹ goiʹ hormo idiketeʹ topakeʹtayako ar ana khobor Jisu baṛesokidiako.
More hajar âdmi jomsokeʹkoako
(Mark 6:30-44; Luk 9:10-17; Johon 6:1-14)
13Johonaʹ goiʹnaʹ khobor atenketeʹ Jisu eskargi aṛe khoiʹ lâukâte miṭiʹ sansun jagare cagene. Âdmiko ana katha atenketeʹ eṭaʹ eṭaʹ ṭolakhoiʹ dara ḍaharte âni panjakidiako. 14Jisu lâukâ khoiʹ agroketeʹ aima âdmiaʹ bhiṛ lelketeʹ, angkolaʹte âniaʹ momota hontaya, angko talare ekeko osukhgi tahalenako angko manjakeʹkoe.
15Âyup lenkheʹ celako âniṭheʹ hiʹketeʹ menkedako, "Niâdo sansun jagakana, bela ḍubugene. Âdmiko bidâi makom jate angko ṭola ṭolare caketeʹ ako laʹte jomaʹ kiring dareʹako."
16Jisute angko metakeʹkoe, "Angkoaʹ caloʹaʹ dorkar bâʹniʹ, apete angko jomlaʹ makope."
17Celakote âni metakidiako, "Aleṭheʹ naṛe moreṭeʹ piṭhâ ar barya hako bâgiketeʹ ar itâʹgi bâʹniʹ."
18Jisu menkede, "Anako Ingṭheʹ âgipe." 19Âni âdmiko ghas cetanre duruʹ laʹte hukum makeʹkoe, ar ana moreṭeʹ piṭhâ ar barya hako engeketeʹ sorgo hate koyoʹketeʹ Issor dhonnobad makidie. Ânite piṭhâ kecaʹketeʹ celako makeʹkoe, ar celakote ana âdmiko makeʹkoako. 20Angko sanamkhoiʹgi laiʹ bi jomkedako. Tayomte je kecaʹko ujuʹ tahana celako ana halangkedako, anate baroṭeʹ pâichâ pereʹgena. 21Ekeko jomledako angko talare reja ar kâṭiʹ gidrâko bâgiketeʹ prai more hajar korahopon tahalenako.
Jisu daʹ cetante darane
(Mark 6:45-56; Johon 6:15-21)
22Niâ tayom Jisute celako barat makeʹkoe jate angko lâukâre deʹketeʹ âniaʹ lahare eṭaʹhate caʹako, ar ânite âdmiko bidâi makeʹkoe. 23Âdmiko bidâi maketeʹ, koijong laʹte âni eskargi burure rakapketeʹ cagene. Jâkhni âyup gena, tâkhniho âni aṛegi eskar tahene. 24Inâtigi lâukâ ḍâṛi khoiʹ aima sâhinggi calogena ar hoi ulṭâhate tahelenamente dheotigi duluʹsana.
25Tayomte setaʹ nutre Jisu marang ganganaʹ daʹ cetante daraketeʹ celakoṭheʹ hiʹne. 26Tâkhni celakote âni marang ganga cetante darahijuʹte lelketeʹ aima botornako ar menkedako, "Ni je bongakaneʹ" Ar botorte garjoʹlaʹ lagonako.
27Kheʹ Jisu tâkhnigi angko suliʹ katha menkede, "Sâhuspe Ingkâning, alo botoroʹape."
28Tâkhni Pitorte uttorketeʹ âni metakidie, "He Probhu, judi sârigi am hoʹam, tahale amte daʹ cetante amṭheʹ caloʹlaʹ hukum mang."
29Âni menkede, "Hijup"
Anate Pitor lâukâ khoiʹ agroketeʹ daʹ cetante daraketeʹ Jisuṭheʹ caʹsane. 30Kheʹ jore hoi lelnamketeʹ âni botorte ḍubuʹlaʹ lagone ar cilluketeʹ menkede, "He Probhu, ing bacong."
31Jisu tâkhnigi ti lahaketeʹ âni sabkidie ar metakidie, "Thoṛa pâtyuyuniʹ, ceklaʹ sondeho kedam?"
32Angko lâukâre deʹ tayom hoi thirgena.
33Celako lâukâ bhitrire tahalenako, angkote Âni seoaketeʹ metakidiako, "Sârigi Amdo Issorren Hoponkanam."
Jisute aima ruâ âdmi manjakeʹkoe
(Mark 6:53-56)
34Angko marang ganga paromketeʹ Ginesorot elakare hiʹnako. 35Aṛeniʹ âdmikote Jisu cinhu dareketeʹ elakanaʹ sanam jagare khobor kolkedako, ar tinâʹ osuk âdmi tahalenako, sanamkhoiʹgi âniṭheʹ âgukeʹkoako. 36Angkote âni nehorkidiako jate angko osukhonkhoiʹ Âniaʹ cadrenaʹ acar joṭetʹ dareʹako, ar tinâʹ âdmi ana joṭetʹkedako angko sanamkhoiʹgi manjagenako.
Currently Selected:
Mothi 14: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 14
14
Bâptisma emoʹiʹ Johonaʹ goiʹ
(Mark 6:14-29; Luk 9:7-9)
1Ana somai Herod raja Jisuoaʹ songbad aten namkede, 2ar aiʹren kâmi âdmiko metakeʹkoe, "Ânigi Bâptisma emoʹiʹ Johon, goiʹ khoiʹ jiuitʹ beretkane. Ar ana laʹtigi âni asarjo sanam kâmi rikâ dareʹkane."
Bâptisma emoʹiʹ Johondo goiʹne
3Herod aiʹren boiha Filipren girthân Herodiâ laʹte Johon sab tolketeʹ jelkhanare doholidiako, 4karon Johonte âni metaisane, "Herodiâ girthân hisâbte doho amaʹ ucit bangkana." 5Herodte Johon gojeilaʹ namsane, kheʹ ânite âdmiko botorokosane karon âdmikote Johon nâbi mente manoisanako.
6Herodaʹ janamdinnaʹ porob hiʹlenkheʹ, Herodiâren hoporat sobha talare eneʹketeʹ Herod sontusṭokidie. 7Niâ laʹte âni rikitketeʹ menkede, Am itâʹ engemahaʹ, ingte am anagi mamhuʹ. 8Hoporat âniren engatṭheʹ khoiʹ poramorso engeketeʹ menkede, "Bâptisma emoʹiʹ Johonaʹ bohoʹ thârite naṛe ingṭheʹ âgipe."
9Inâte raja dukhne, aiaʹ rikit karonte ar ekeko âni suliʹ duruʹlenako angko karonte ana mailaʹ hukumkidie. 10Âni âdmi kolketeʹ jelkhana talarigi Johonaʹ bohoʹ getʹkeʹtaye. 11Ar âniaʹ bohoʹ thârite âguketeʹ hoporat ma hona, âni aiʹren engatṭheʹ ana idikede. 12Johonren celako hiʹketeʹ âniaʹ goiʹ hormo idiketeʹ topakeʹtayako ar ana khobor Jisu baṛesokidiako.
More hajar âdmi jomsokeʹkoako
(Mark 6:30-44; Luk 9:10-17; Johon 6:1-14)
13Johonaʹ goiʹnaʹ khobor atenketeʹ Jisu eskargi aṛe khoiʹ lâukâte miṭiʹ sansun jagare cagene. Âdmiko ana katha atenketeʹ eṭaʹ eṭaʹ ṭolakhoiʹ dara ḍaharte âni panjakidiako. 14Jisu lâukâ khoiʹ agroketeʹ aima âdmiaʹ bhiṛ lelketeʹ, angkolaʹte âniaʹ momota hontaya, angko talare ekeko osukhgi tahalenako angko manjakeʹkoe.
15Âyup lenkheʹ celako âniṭheʹ hiʹketeʹ menkedako, "Niâdo sansun jagakana, bela ḍubugene. Âdmiko bidâi makom jate angko ṭola ṭolare caketeʹ ako laʹte jomaʹ kiring dareʹako."
16Jisute angko metakeʹkoe, "Angkoaʹ caloʹaʹ dorkar bâʹniʹ, apete angko jomlaʹ makope."
17Celakote âni metakidiako, "Aleṭheʹ naṛe moreṭeʹ piṭhâ ar barya hako bâgiketeʹ ar itâʹgi bâʹniʹ."
18Jisu menkede, "Anako Ingṭheʹ âgipe." 19Âni âdmiko ghas cetanre duruʹ laʹte hukum makeʹkoe, ar ana moreṭeʹ piṭhâ ar barya hako engeketeʹ sorgo hate koyoʹketeʹ Issor dhonnobad makidie. Ânite piṭhâ kecaʹketeʹ celako makeʹkoe, ar celakote ana âdmiko makeʹkoako. 20Angko sanamkhoiʹgi laiʹ bi jomkedako. Tayomte je kecaʹko ujuʹ tahana celako ana halangkedako, anate baroṭeʹ pâichâ pereʹgena. 21Ekeko jomledako angko talare reja ar kâṭiʹ gidrâko bâgiketeʹ prai more hajar korahopon tahalenako.
Jisu daʹ cetante darane
(Mark 6:45-56; Johon 6:15-21)
22Niâ tayom Jisute celako barat makeʹkoe jate angko lâukâre deʹketeʹ âniaʹ lahare eṭaʹhate caʹako, ar ânite âdmiko bidâi makeʹkoe. 23Âdmiko bidâi maketeʹ, koijong laʹte âni eskargi burure rakapketeʹ cagene. Jâkhni âyup gena, tâkhniho âni aṛegi eskar tahene. 24Inâtigi lâukâ ḍâṛi khoiʹ aima sâhinggi calogena ar hoi ulṭâhate tahelenamente dheotigi duluʹsana.
25Tayomte setaʹ nutre Jisu marang ganganaʹ daʹ cetante daraketeʹ celakoṭheʹ hiʹne. 26Tâkhni celakote âni marang ganga cetante darahijuʹte lelketeʹ aima botornako ar menkedako, "Ni je bongakaneʹ" Ar botorte garjoʹlaʹ lagonako.
27Kheʹ Jisu tâkhnigi angko suliʹ katha menkede, "Sâhuspe Ingkâning, alo botoroʹape."
28Tâkhni Pitorte uttorketeʹ âni metakidie, "He Probhu, judi sârigi am hoʹam, tahale amte daʹ cetante amṭheʹ caloʹlaʹ hukum mang."
29Âni menkede, "Hijup"
Anate Pitor lâukâ khoiʹ agroketeʹ daʹ cetante daraketeʹ Jisuṭheʹ caʹsane. 30Kheʹ jore hoi lelnamketeʹ âni botorte ḍubuʹlaʹ lagone ar cilluketeʹ menkede, "He Probhu, ing bacong."
31Jisu tâkhnigi ti lahaketeʹ âni sabkidie ar metakidie, "Thoṛa pâtyuyuniʹ, ceklaʹ sondeho kedam?"
32Angko lâukâre deʹ tayom hoi thirgena.
33Celako lâukâ bhitrire tahalenako, angkote Âni seoaketeʹ metakidiako, "Sârigi Amdo Issorren Hoponkanam."
Jisute aima ruâ âdmi manjakeʹkoe
(Mark 6:53-56)
34Angko marang ganga paromketeʹ Ginesorot elakare hiʹnako. 35Aṛeniʹ âdmikote Jisu cinhu dareketeʹ elakanaʹ sanam jagare khobor kolkedako, ar tinâʹ osuk âdmi tahalenako, sanamkhoiʹgi âniṭheʹ âgukeʹkoako. 36Angkote âni nehorkidiako jate angko osukhonkhoiʹ Âniaʹ cadrenaʹ acar joṭetʹ dareʹako, ar tinâʹ âdmi ana joṭetʹkedako angko sanamkhoiʹgi manjagenako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh