Mothi 13
13
Miṭiʹ câsiaʹ cetʹaʹ lopor
(Mark 4:1-9; Luk 8:4-8)
1Ana dingi Jisu oraʹ khoiʹ oṛoʹketeʹ ganganaʹ kandhare duruʹne. 2Ar aima âdmi âniṭheʹ hiʹnako, anate âni miṭiʹ lâukâre deʹketeʹ duruʹne, ar sanam âdmi ganganaʹ kandhare tengotahenako. 3Ânite cetʹaʹ lopor talate aima bisoite angko metakolaʹ lagone.
Âni menkede, "Atenpe, miṭiʹ câsi bicun merlaʹ calone. 4Mer somai tinâʹ bicun ḍaharnaʹ kandhare ujuʹna, ar cereko hiʹketeʹ ana jomkedako. 5Tinâʹ bicun dirinaʹ khetre ujuʹna, aṛe aima has bang tahalena. Has ḍher bang tahalena mente saṭlaka bicun janamgena. 6Kheʹ sing cando rakap tayom bicunko rapaʹgena, ar ananaʹ jar manjate bang bâisukana mente lohorgena. 7Arho tinâʹ bicun jânumjhâilâ talare ujuʹna. Anate jânum dare marang rakapketeʹ bicunko capokede. 8Kheʹ tinâʹ bicun manja khetre ujuʹna ar jo malaʹ lagone. Akaṭaʹredo miʹso gun, akaṭaʹredo sâṭ gun ar akaṭaʹredo tiris gun. 9Arho Jisu menkede, "Jeyaʹ lutur menaʹtaia, ânido atenmane!"
Cetʹaʹ lopor mennaʹ uddesso
(Mark 4:10-12; Luk 8:9-10)
10Tayomte celako Jisuṭheʹ hiʹketeʹ metakidiako, "Ceklaʹ am cetʹaʹ loporte angko suliʹ katha mendam?"
11Âni uttorre menkede, "Sorgo Rajjonaʹ bai sâriaʹko ape baṛeso hokana, kheʹ angkodo bang. 12Ceklaʹbang jeyaʹ menaʹa âni arho mailaʹ hoʹhaʹ, ar anate aiaʹ ḍhergen taihaʹ. Kheʹ jeyaʹ bânuʹa, âniaʹ aka menaʹa, anaho âniṭheʹ khoiʹ engelaʹ hoʹhaʹ. 13Niâ laʹte Ingte angko cetʹaʹ lopor talate mending, karon angko lelketeʹho bang lelako, atenketeʹho bang atenako ar bang bujhiako. 14Angko talatigi nâbi Jisaioaʹ niâ katha puronoʹkana,
'Apedo atentigi tahanape,
kheʹ kalkateho bang bujhu dareʹape.
Leltigi tahanape
kheʹ kalkateho bang baṛe dareʹape.
15Karon neko âdmikoaʹ ontor obosgitakoa
Ar luturdo tepetgekantakoa
Ar angko akoaʹ metʹ jâpitʹgekadako,
Jate angko metʹte bang lelako,
luturte bang atenako ontorte bang bujhiako.
Ar manja hoʹlaʹte Ingṭheʹ bang âcur hijuʹako.'#Jisaio 6:9-10
16Kheʹ ape dhonnogiâpe karon apeyaʹ metʹ ana lelnamdareʹe, ar apeyaʹ lutur aten name. 17Ingte ape sârigi metapekâning, ape ja ja leldape ana aima nâbi ar dhârmik âdmiko lelnamketeʹho bang lelnamkadako, ar ape ja ja atendape ana angko aten namketeʹho bang aten namkadako.
Câsiaʹ cetʹaʹ lopornaʹ ortho
(Mark 4:13-20; Luk 8:11-15)
18"Nitoʹ ape bicun meruniʹaʹ cetʹaʹ lopornaʹ ortho atenpe.
19"Jâkhni keho Sorgo Rajjonaʹ katha atenketeʹ bang bujhiako, tâkhni ana papatta hiʹketeʹ âniaʹ ontorre aka katha merholena ana reʹketeʹ engeye. Niâ ana aka ḍahar kandhare ujuʹ tahanaʹ bicunnaʹ katha.
20"Ar dirinaʹ khetre ujuʹaʹ bicunnaʹ talate angko somporke men hoʹkana ekeko Sorgo Rajjonaʹ katha atenako tâkhnigi hubsuliʹ ana engeyako, 21Kheʹ angko talare jar manjate bang bâisukana mente angko thoṛa somai laʹte thir tahanako. Jâkhni ana Issoraʹ katha laʹte kosṭo ar ottacar hijuʹa tâkhnigi angko tainomoako.
22"Jânumjhâilâ talare ujuʹa bicunnaʹ talate angko somporke menhokana ekeko ana katha atenako, kheʹ songsarnaʹ cintâ bhabna ar dhon sompottinaʹ mayate ana Issoraʹ katha capo doheyako. Analaʹte anare aka joho bang hoʹa.
23"Kheʹ manja khetre ujuʹ bicunnaʹ talate angko somporke men hokana ekeko ana Issoraʹ katha atenketeʹ bujhiako ar jo maʹako. Keho maʹako miʹso gun, keho maʹako sâṭ gun, ar keho maʹako tiris gun."
Guhum talare samaghas
24Jisu ar miṭiʹ cetʹaʹ lopor menkede, "Sorgo Rajjo emon miṭiʹ âdmi laka eke nijeyaʹ khetre manja bicân merkede. 25Kheʹ nindâ jâkhni sanamkhoiʹ jâpitkedako, tâkhni âni âdmiren dusmân hiʹketeʹ guhum talare samaghasnaʹ bicun merketeʹ cagene. 26Tayomte jâkhni guhumnaʹ bicun hara rakapketeʹ jona tâkhni ana talare samaghasho lelnamna. 27Ana lelketeʹ oraʹren dasko hiʹketeʹ mâlik metakidiako, "Mahasoi, am ki nijeyaʹ khetre manja bicân bang merkadam? Tahale samaghas kakhoiʹ hiʹna?"
28"Ânite angko metakeʹkoe, 'Eke dusmân na rikâkade.'
"Daskote âni metakidiako, 'Tahale ale caketeʹ anako totketeʹ giṛiale ki?'
29"Kheʹ âni menkede, 'Bang, ape hoito samaghas totlaʹ caketeʹ samaghas suliʹ guhumho tot giṛipehaʹ. 30Fosol getlaʹ somai dhâbiʹ anako miʹsaote maransoʹpe. Ekeko fosol gedako, tâkhni Ingte angko metakoing jate angko palhere samaghasko jaoraketeʹ jeretlaʹte âṭi âṭiketeʹ tolako, ar inâ tayom guhum Ingâʹ kuṭhliʹre jaorepe.'"
Goṭa bicun ar khâmirenaʹ cetʹaʹ lopor
(Mark 4:30-34; Luk 13:18-21)
31Jisute angko arho miṭiʹ cetʹaʹ lopor metakeʹkoe, "Sorgo Rajjo emon miṭiʹ goṭa jang laka ja miʹhor engeketeʹ aiaʹ khetre merkede. 32Sanam bicân talare ana sârigi sanamkhoiʹ kâṭiʹgiâ, kheʹ dareketeʹ rakablenkheʹ ana sanam sakkonaʹ darekhoiʹ marangoa. Ana emon miṭiʹ marang dareketeʹ rakaboʹa je, sermaren cereko hiʹketeʹ ananaʹ ḍhârre kondhaʹ baneyako."
33Jisute angko arho miṭiʹ cetʹaʹ lopor metakeʹkoe, "Sorgo Rajjodo khâmilaka. Miṭiʹ reja ana engeketeʹ pe mon holong salaʹ mesalkede. Anate sanam holonggi fuluketeʹ rakabna."
34Niâko sanam katha Jisu cetʹaʹ lopor talate âdmiko metakeʹkoe. Ânite cetʹaʹ lopor bâgiketeʹ angko itâʹgi bang lâiaʹkoe. 35Niâ je katha menholena nâbi talate jate ana puronoaʹ,
"Ing cetʹaʹ lopornaʹ kathagi Ingâʹ nijeyaʹ mocate meninghâʹ,
Dhârtinaʹ ehop khoiʹ akako bai menaʹa, ana sanam lâihuʹ."#Siringko 78:2
Samaghas cetʹaʹ lopornaʹ ortho
36Niâtayom Jisu âdmiko bâgiketeʹ oraʹre bolone. Âniren celako hiʹketeʹ âni metakidiako, "Khetre ana samaghasnaʹ cetʹaʹ lopor ale bujhuolem."
37Jisu uttorketeʹ menkede, "Eke manja bicân mere ânido Âdmi Hoponkane. 38Khet hoʹkana dhârti, manja bicân hoʹkana Sorgo Rajjoren hoponko. Samaghas hoʹkana ana papattaren gidrâko. 39Ar eke dusmân merlede âni hoʹkane diabol. Ar fosol getʹnaʹ somai hoʹkana niâ jugnaʹ mucitʹ somai, ekeko fosol getʹako angko hoʹkanako sorgodut.
40"Tahale akalaka samaghas jaoraketeʹ sengelre rapaʹ hoʹa, niâ jugnaʹ mucitʹ somaiho ṭhik angkagi hoʹa. 41Âdmi Hoponte âniren sorgodutko kolkoheʹ. Jeko eṭaʹko papsokoako ar jeko nije odhormoako angko sanamko angko sorgodutko Âdmi Hoponaʹ rajjo khoiʹ miʹsaote jaorakoako, 42ar angko joloʹ sengelre giṛikoakohaʹ, aṛe angko ragako ar daṭare daṭa ghaseyako. 43Tâkhni dhârmik âdmiko angkoren sorgostho Babaoaʹ rajjore sing cando laka jhalkoketeʹ lelnamoʹheʹ. Jeyaʹ lutur menaʹa, âni atenmane!
Arho peya cetʹaʹ lopor
44"Sorgo Rajjo khet talare bai dohoaʹ dhon laka. Miṭiʹ âdmi ana sendra namketeʹ arho bai dohkede. Anatayom âni hub monte calogene ar âniaʹ akako tahalena sanam âkhringketeʹ ana khet kiringkede.
45"Arho, Sorgo Rajjo emon miṭiʹ bebosayi laka eke manja muktâ sendresane, 46Ar jâkhni âni miṭiʹ dâmi muktânaʹ khoj namkede, âni caloketeʹ âniaʹ ja tahalentaya sanam âkhringketeʹ ana muktâ kiringkede.
Hako sab jalnaʹ cetʹaʹ lopor
47"Arho, Sorgo Rajjo emon miṭiʹ ṭano jal laka ja marang gangare agrohona ar anate sanam lakan hako dharo paṛonako. 48Jâkhni jal pereʹgena, angko ana kandhare ṭano rakapkedako. Tayomte angko duruʹketeʹ manja hakoko bachoketeʹ jhuṛire dohokeʹkoako ar kharapkodo giṛikeʹkoako. 49Jugnaʹ mucitʹre niâ laka hoʹhaʹ. Sorgodutko hiʹketeʹ dhârmik âdmiko talakhoiʹ kharap âdmiko aladakokohaʹ 50ar angko joloʹ sengelre giṛikokohaʹ, aṛe angko ragakohaʹ ar daṭa keṭmeṭe tenkohaʹ."
51Jisute angko kulikeʹkoe, "Ape ki nako sanam bujhukadape?"
Angko menkedako, "He, aledo bujhukadale."
52Tâkhni ânite angko metakeʹkoe, "Sorgo Rajjonaʹ bisoite ekeko sanam dhormo masṭar cetʹkadako angko sanam emon miṭiʹ oraʹren mâlik laka ekedo âniaʹ bhanḍar khoiʹ naoa ar mare jinis oṛoge."
Nasrotre Jisu bang atanglidiako
(Mark 6:1-6; Luk 4:16-30)
53Jâkhni Jisu cetʹaʹ lopor men cabakede, âni aṛekhoiʹ calogene. 54Ar âni nijeyaʹ disâmre hiʹketeʹ âdmiko somaj oraʹre angko cetʹokolaʹ lagone, âniaʹ katha atenketeʹ âdmiko asarjoketeʹ menkedako, "Niâ gen ar niâ sanam asarjo kâmi rikiaʹ khomota ni akakhoiʹ namkede? 55Ni ki âni kaṭh mistriren hopon bangkane? Âniren engataʹ nutumki Moriom bangkana? Ar âniren boihako ki Jakob, Josef, Simon ar Jihuda bangkanako? 56Âniren sanam boiha mesra ki abo talare bânuʹkoa? Tahale âni niâko sanam akakhoiʹ namkede?" 57Niâlakaketeʹ Jisu âdmikote monte bang atanglidiako.
Jisute angko metakeʹkoe, "Nijeyaʹ ṭola ar nijeyaʹ oraʹ bâgiketeʹ nâbiko sanam jagarigi sonmaasarjon namako."
58Karon angkoaʹ binpâtyu laʹte âni aṛe ḍher asarjo kâmi bang rikâlede.
Currently Selected:
Mothi 13: EKL
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 13
13
Miṭiʹ câsiaʹ cetʹaʹ lopor
(Mark 4:1-9; Luk 8:4-8)
1Ana dingi Jisu oraʹ khoiʹ oṛoʹketeʹ ganganaʹ kandhare duruʹne. 2Ar aima âdmi âniṭheʹ hiʹnako, anate âni miṭiʹ lâukâre deʹketeʹ duruʹne, ar sanam âdmi ganganaʹ kandhare tengotahenako. 3Ânite cetʹaʹ lopor talate aima bisoite angko metakolaʹ lagone.
Âni menkede, "Atenpe, miṭiʹ câsi bicun merlaʹ calone. 4Mer somai tinâʹ bicun ḍaharnaʹ kandhare ujuʹna, ar cereko hiʹketeʹ ana jomkedako. 5Tinâʹ bicun dirinaʹ khetre ujuʹna, aṛe aima has bang tahalena. Has ḍher bang tahalena mente saṭlaka bicun janamgena. 6Kheʹ sing cando rakap tayom bicunko rapaʹgena, ar ananaʹ jar manjate bang bâisukana mente lohorgena. 7Arho tinâʹ bicun jânumjhâilâ talare ujuʹna. Anate jânum dare marang rakapketeʹ bicunko capokede. 8Kheʹ tinâʹ bicun manja khetre ujuʹna ar jo malaʹ lagone. Akaṭaʹredo miʹso gun, akaṭaʹredo sâṭ gun ar akaṭaʹredo tiris gun. 9Arho Jisu menkede, "Jeyaʹ lutur menaʹtaia, ânido atenmane!"
Cetʹaʹ lopor mennaʹ uddesso
(Mark 4:10-12; Luk 8:9-10)
10Tayomte celako Jisuṭheʹ hiʹketeʹ metakidiako, "Ceklaʹ am cetʹaʹ loporte angko suliʹ katha mendam?"
11Âni uttorre menkede, "Sorgo Rajjonaʹ bai sâriaʹko ape baṛeso hokana, kheʹ angkodo bang. 12Ceklaʹbang jeyaʹ menaʹa âni arho mailaʹ hoʹhaʹ, ar anate aiaʹ ḍhergen taihaʹ. Kheʹ jeyaʹ bânuʹa, âniaʹ aka menaʹa, anaho âniṭheʹ khoiʹ engelaʹ hoʹhaʹ. 13Niâ laʹte Ingte angko cetʹaʹ lopor talate mending, karon angko lelketeʹho bang lelako, atenketeʹho bang atenako ar bang bujhiako. 14Angko talatigi nâbi Jisaioaʹ niâ katha puronoʹkana,
'Apedo atentigi tahanape,
kheʹ kalkateho bang bujhu dareʹape.
Leltigi tahanape
kheʹ kalkateho bang baṛe dareʹape.
15Karon neko âdmikoaʹ ontor obosgitakoa
Ar luturdo tepetgekantakoa
Ar angko akoaʹ metʹ jâpitʹgekadako,
Jate angko metʹte bang lelako,
luturte bang atenako ontorte bang bujhiako.
Ar manja hoʹlaʹte Ingṭheʹ bang âcur hijuʹako.'#Jisaio 6:9-10
16Kheʹ ape dhonnogiâpe karon apeyaʹ metʹ ana lelnamdareʹe, ar apeyaʹ lutur aten name. 17Ingte ape sârigi metapekâning, ape ja ja leldape ana aima nâbi ar dhârmik âdmiko lelnamketeʹho bang lelnamkadako, ar ape ja ja atendape ana angko aten namketeʹho bang aten namkadako.
Câsiaʹ cetʹaʹ lopornaʹ ortho
(Mark 4:13-20; Luk 8:11-15)
18"Nitoʹ ape bicun meruniʹaʹ cetʹaʹ lopornaʹ ortho atenpe.
19"Jâkhni keho Sorgo Rajjonaʹ katha atenketeʹ bang bujhiako, tâkhni ana papatta hiʹketeʹ âniaʹ ontorre aka katha merholena ana reʹketeʹ engeye. Niâ ana aka ḍahar kandhare ujuʹ tahanaʹ bicunnaʹ katha.
20"Ar dirinaʹ khetre ujuʹaʹ bicunnaʹ talate angko somporke men hoʹkana ekeko Sorgo Rajjonaʹ katha atenako tâkhnigi hubsuliʹ ana engeyako, 21Kheʹ angko talare jar manjate bang bâisukana mente angko thoṛa somai laʹte thir tahanako. Jâkhni ana Issoraʹ katha laʹte kosṭo ar ottacar hijuʹa tâkhnigi angko tainomoako.
22"Jânumjhâilâ talare ujuʹa bicunnaʹ talate angko somporke menhokana ekeko ana katha atenako, kheʹ songsarnaʹ cintâ bhabna ar dhon sompottinaʹ mayate ana Issoraʹ katha capo doheyako. Analaʹte anare aka joho bang hoʹa.
23"Kheʹ manja khetre ujuʹ bicunnaʹ talate angko somporke men hokana ekeko ana Issoraʹ katha atenketeʹ bujhiako ar jo maʹako. Keho maʹako miʹso gun, keho maʹako sâṭ gun, ar keho maʹako tiris gun."
Guhum talare samaghas
24Jisu ar miṭiʹ cetʹaʹ lopor menkede, "Sorgo Rajjo emon miṭiʹ âdmi laka eke nijeyaʹ khetre manja bicân merkede. 25Kheʹ nindâ jâkhni sanamkhoiʹ jâpitkedako, tâkhni âni âdmiren dusmân hiʹketeʹ guhum talare samaghasnaʹ bicun merketeʹ cagene. 26Tayomte jâkhni guhumnaʹ bicun hara rakapketeʹ jona tâkhni ana talare samaghasho lelnamna. 27Ana lelketeʹ oraʹren dasko hiʹketeʹ mâlik metakidiako, "Mahasoi, am ki nijeyaʹ khetre manja bicân bang merkadam? Tahale samaghas kakhoiʹ hiʹna?"
28"Ânite angko metakeʹkoe, 'Eke dusmân na rikâkade.'
"Daskote âni metakidiako, 'Tahale ale caketeʹ anako totketeʹ giṛiale ki?'
29"Kheʹ âni menkede, 'Bang, ape hoito samaghas totlaʹ caketeʹ samaghas suliʹ guhumho tot giṛipehaʹ. 30Fosol getlaʹ somai dhâbiʹ anako miʹsaote maransoʹpe. Ekeko fosol gedako, tâkhni Ingte angko metakoing jate angko palhere samaghasko jaoraketeʹ jeretlaʹte âṭi âṭiketeʹ tolako, ar inâ tayom guhum Ingâʹ kuṭhliʹre jaorepe.'"
Goṭa bicun ar khâmirenaʹ cetʹaʹ lopor
(Mark 4:30-34; Luk 13:18-21)
31Jisute angko arho miṭiʹ cetʹaʹ lopor metakeʹkoe, "Sorgo Rajjo emon miṭiʹ goṭa jang laka ja miʹhor engeketeʹ aiaʹ khetre merkede. 32Sanam bicân talare ana sârigi sanamkhoiʹ kâṭiʹgiâ, kheʹ dareketeʹ rakablenkheʹ ana sanam sakkonaʹ darekhoiʹ marangoa. Ana emon miṭiʹ marang dareketeʹ rakaboʹa je, sermaren cereko hiʹketeʹ ananaʹ ḍhârre kondhaʹ baneyako."
33Jisute angko arho miṭiʹ cetʹaʹ lopor metakeʹkoe, "Sorgo Rajjodo khâmilaka. Miṭiʹ reja ana engeketeʹ pe mon holong salaʹ mesalkede. Anate sanam holonggi fuluketeʹ rakabna."
34Niâko sanam katha Jisu cetʹaʹ lopor talate âdmiko metakeʹkoe. Ânite cetʹaʹ lopor bâgiketeʹ angko itâʹgi bang lâiaʹkoe. 35Niâ je katha menholena nâbi talate jate ana puronoaʹ,
"Ing cetʹaʹ lopornaʹ kathagi Ingâʹ nijeyaʹ mocate meninghâʹ,
Dhârtinaʹ ehop khoiʹ akako bai menaʹa, ana sanam lâihuʹ."#Siringko 78:2
Samaghas cetʹaʹ lopornaʹ ortho
36Niâtayom Jisu âdmiko bâgiketeʹ oraʹre bolone. Âniren celako hiʹketeʹ âni metakidiako, "Khetre ana samaghasnaʹ cetʹaʹ lopor ale bujhuolem."
37Jisu uttorketeʹ menkede, "Eke manja bicân mere ânido Âdmi Hoponkane. 38Khet hoʹkana dhârti, manja bicân hoʹkana Sorgo Rajjoren hoponko. Samaghas hoʹkana ana papattaren gidrâko. 39Ar eke dusmân merlede âni hoʹkane diabol. Ar fosol getʹnaʹ somai hoʹkana niâ jugnaʹ mucitʹ somai, ekeko fosol getʹako angko hoʹkanako sorgodut.
40"Tahale akalaka samaghas jaoraketeʹ sengelre rapaʹ hoʹa, niâ jugnaʹ mucitʹ somaiho ṭhik angkagi hoʹa. 41Âdmi Hoponte âniren sorgodutko kolkoheʹ. Jeko eṭaʹko papsokoako ar jeko nije odhormoako angko sanamko angko sorgodutko Âdmi Hoponaʹ rajjo khoiʹ miʹsaote jaorakoako, 42ar angko joloʹ sengelre giṛikoakohaʹ, aṛe angko ragako ar daṭare daṭa ghaseyako. 43Tâkhni dhârmik âdmiko angkoren sorgostho Babaoaʹ rajjore sing cando laka jhalkoketeʹ lelnamoʹheʹ. Jeyaʹ lutur menaʹa, âni atenmane!
Arho peya cetʹaʹ lopor
44"Sorgo Rajjo khet talare bai dohoaʹ dhon laka. Miṭiʹ âdmi ana sendra namketeʹ arho bai dohkede. Anatayom âni hub monte calogene ar âniaʹ akako tahalena sanam âkhringketeʹ ana khet kiringkede.
45"Arho, Sorgo Rajjo emon miṭiʹ bebosayi laka eke manja muktâ sendresane, 46Ar jâkhni âni miṭiʹ dâmi muktânaʹ khoj namkede, âni caloketeʹ âniaʹ ja tahalentaya sanam âkhringketeʹ ana muktâ kiringkede.
Hako sab jalnaʹ cetʹaʹ lopor
47"Arho, Sorgo Rajjo emon miṭiʹ ṭano jal laka ja marang gangare agrohona ar anate sanam lakan hako dharo paṛonako. 48Jâkhni jal pereʹgena, angko ana kandhare ṭano rakapkedako. Tayomte angko duruʹketeʹ manja hakoko bachoketeʹ jhuṛire dohokeʹkoako ar kharapkodo giṛikeʹkoako. 49Jugnaʹ mucitʹre niâ laka hoʹhaʹ. Sorgodutko hiʹketeʹ dhârmik âdmiko talakhoiʹ kharap âdmiko aladakokohaʹ 50ar angko joloʹ sengelre giṛikokohaʹ, aṛe angko ragakohaʹ ar daṭa keṭmeṭe tenkohaʹ."
51Jisute angko kulikeʹkoe, "Ape ki nako sanam bujhukadape?"
Angko menkedako, "He, aledo bujhukadale."
52Tâkhni ânite angko metakeʹkoe, "Sorgo Rajjonaʹ bisoite ekeko sanam dhormo masṭar cetʹkadako angko sanam emon miṭiʹ oraʹren mâlik laka ekedo âniaʹ bhanḍar khoiʹ naoa ar mare jinis oṛoge."
Nasrotre Jisu bang atanglidiako
(Mark 6:1-6; Luk 4:16-30)
53Jâkhni Jisu cetʹaʹ lopor men cabakede, âni aṛekhoiʹ calogene. 54Ar âni nijeyaʹ disâmre hiʹketeʹ âdmiko somaj oraʹre angko cetʹokolaʹ lagone, âniaʹ katha atenketeʹ âdmiko asarjoketeʹ menkedako, "Niâ gen ar niâ sanam asarjo kâmi rikiaʹ khomota ni akakhoiʹ namkede? 55Ni ki âni kaṭh mistriren hopon bangkane? Âniren engataʹ nutumki Moriom bangkana? Ar âniren boihako ki Jakob, Josef, Simon ar Jihuda bangkanako? 56Âniren sanam boiha mesra ki abo talare bânuʹkoa? Tahale âni niâko sanam akakhoiʹ namkede?" 57Niâlakaketeʹ Jisu âdmikote monte bang atanglidiako.
Jisute angko metakeʹkoe, "Nijeyaʹ ṭola ar nijeyaʹ oraʹ bâgiketeʹ nâbiko sanam jagarigi sonmaasarjon namako."
58Karon angkoaʹ binpâtyu laʹte âni aṛe ḍher asarjo kâmi bang rikâlede.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh