Johon 16
16
1"Ingte ape niâko katha metakeʹpeing jate ape monre badha bang namape. 2Âdmikote ape somaj oraʹ khoiʹ oṛoʹgiripekohaʹ, emon ki, somai hijuʹkana, jâkhni jahetigi ape goiʹpekohaʹ angko mone kohaʹ je, angko Issor laʹte seoeyaʹ kâmidako. 3Angkodo niâko rikikohaʹ karon angkotedo Babaho bang baṛeyako ar ingho bang baṛengako. 4Kheʹ jâkhni somai hijuʹhaʹ, jate apete angko mone doho darekoape je, Ingte ape niâko sanam bisoi metakaʹpeing, analaʹte Ingte ape niâko sanam katha metakaʹpeing.
Ingte palhe khoiʹ ape niâko bisoite bang metakaʹpeing, karon Ingdo ape saote tahelining.
Pobitro attaoaʹ kâmi
5Jete Ing kolkâdinge Ingdo nitoʹ âniṭheʹ caʹkâning, ar ape talare eketeho Ingdo bang kulikâdingape, 'Amdo akate caʹkanam?' 6Karon Ingtedo ape niâko katha metakaʹpeing mente apeyaʹ ontor dukte pereʹkantapeya. 7Taoho Ingte ape sâriaʹ kathagi metapekâning je, Ingâʹ cagi ape laʹte manjaoa, karon Ing bang caʹlekheʹ âni goroiyiʹ apeṭheʹ bang hijuʹe. Kheʹ Ing judi caʹing tahale âni apeṭheʹ kolgiriyinghuʹ.
8"Âni hiʹketeʹ pap somporke, Issoraʹ icchâ laka caʹ somporke ar Issoraʹ bicâr somporke dhârtiren âdmiko cetʹonaʹ makoheʹ. 9Ânite pap somporke cetona makoheʹ karon âdmiko Ing cetanre bang pâtyuʹako, 10Issoraʹ icchâ laka caʹa somporke cetona makoheʹ, karon Ing Babaṭheʹ caʹkâning ar apete Ing ar bang lelnamengape. 11Ar bicârnaʹ bisoite, karon niâ dhârtiniʹ sasoniʹaʹ bicâr hokantaya.
12"Apeṭheʹ arho aima katha Ingâʹ menaʹ menaʹtingâ, kheʹ nitoʹ ape anako saho bang dareʹape. 13Kheʹ âni sâriyiʹ atta jâkhni hijuʹheʹ ânite ape sanam sâriaʹ upodes mapeheʹ, âni nije khoiʹ katha bang menheʹ, kheʹ âni jagi atene anakogi menheʹ, ar jeko ghoṭoʹhaʹ anaho ânite ape baṛesopeheʹ. 14Ânite Ing mohimanitongheʹ, karon Ingâʹ jagi menaʹa, anako âni engeketeʹ apeṭheʹ ghosonaiheʹ. 15Babaoaʹ jagi menaʹa anako Ingâʹkana, anate Ing mending je, Ing ja rikiying ar mening anagi Âni apeṭheʹ sodorheʹ.
Dukhdo hubre badloʹhaʹ
16"Thoṛa kal tayom apete Ing ar bang lelnamengape, arho thoṛa kal tayomte, apete Ing lelnamengpehaʹ."
17Niâ katha atenketeʹ Jisuren celako talare koekṭeʹ loporlaʹ lagonako, "Ânite abo niâ itâʹ metabokane, 'Thoṛa kal tayom apete Ing ar bang lelnamengape,' arho, 'Thoṛa kal tayomte arho, apete Ing lelnamengpehaʹ,' arho Âni mende, 'Ing Babaṭheʹ caʹkâning.' 18Anate angko menkedako, "Na itâʹkana ja âni mende, 'Thoṛa kal,' abo itâʹgi bang bujhu dareʹkanabo Âni itâʹ mende."
19Celakote je niâ bisoite kuliyilaʹ namdako, ana bujhu namketeʹ Jisute angko metakeʹkoe, "Ing je menkâding, 'Thoṛa kal tayom apete Ing ar bang lelnamengape, arho thoṛa kal tayomte Ing lelnamengpehaʹ,' niâ bisoite ki ape talare lopor kanape? 20Ingte ape sâriaʹgi metapekâning, ape ragpehaʹ ar aimagi duk nampehaʹ kheʹ dhârtiren âdmiko huboʹkohaʹ. Ape duk nampehaʹ, kheʹ tayomte apeyaʹ ana duk ar bang tahana, ana badalte ape huboʹpehaʹ.
21Miṭiʹ reja haso name, jâkhni âniaʹ gidrâ janamiaʹ somai hijuʹa karon gidrâ janamiaʹ somai hiʹngekana. Kheʹ jâkhni ânite gidrâ janamie, âni ar âniaʹ ana kosṭonaʹ katha tinreho bang moneye karon dhârtire miṭiʹ gidrâ janamkidie niâgi âniaʹ hub. 22Engkaketeʹ apeho nitoʹ duk namdape, Kheʹ arho ape saote Ingâʹ napam hoʹhaʹ, ar tâkhni apeyaʹ mon hubte pereʹ rakaboʹhaʹ ar ana hub ekeho apeṭheʹ khoiʹ bang reʹenge dareʹako. 23Ana din apete Ing aka kathagi alo kulingape. Ingte ape sâriaʹgi metapekâning, ape Ingâʹ nutumte Babaṭheʹ jagi koipehaʹ anagi Ânite ape mapeheʹ. 24Nitoʹ dhâbiʹ ape Ingâʹ nutumte itâʹgi bang koikadape. Koipe ape nampehaʹ jate apeyaʹ hub puruʹa.
Dhârti joy hona
25"Niâko cetʹaʹ katha Ing apeṭheʹ cetʹaʹ lopor talatigi menkiding. Kheʹ emon somai hijuʹkana jâkhni Ing ar cetʹaʹ lopor talate apeṭheʹ katha bang mening, kheʹ isposṭoketeʹ Babaoaʹ bisoite menhuʹ. 26Ana din ape nijegi Ingâʹ nutumte koipehaʹ ar Ingte ape bang metapeing je, Ing Babaṭheʹ ape laʹte koijonhuʹ, 27karon Baba nijetigi ape dulârpeye, karon apete Ing dulârkâdingape ar pâtyukâdingape je Ingdo Baba Issorṭheʹ khoiʹ hiʹkâning. 28Sâriaʹgi Ing Babaṭheʹ khoiʹ niâ dhârtire hiʹkâning, arho Ing niâ dhârti bâgiketeʹ Babaṭheʹgi caʹkâning."
29Tâkhni Âniren celakote Âni metakidiako, "Lelme, nitoʹ Am isposṭoketeʹ katha mendam, aka cetʹaʹ lopor talatedo bang mendam. 30Nitoʹ abo baṛeʹabo je Am sanamgi baṛeyam ar jahetigi je Am jahanaʹ kulimiâko ananaʹ dorkarho Amaʹ bânuʹa. Niâlaʹte ale pâtyukanale je, Am Issorṭheʹ khoiʹ hiʹkanam."
31Jisute Âniren celako metakeʹkoe, "Ape ki nitoʹ pâtyuʹkanape?" 32Lelpe, ana somai hijuʹkana, emon ki hiʹngekana, jâkhni ape pasnongenpehaʹ, sanamkhoiʹgi nijeyaʹ jagare caʹpehaʹ ar Ing eklai dohoṭhongpehaʹ. Taoho Ing eklai bânungâ, karon Baba Ing sao saote miniâ.
33"Ingte ape niâko sanam metakeʹpeing, jate ape Ingṭheʹ sântite tahanape. Dhârtire ape kosṭo nampehaʹ, kheʹ sâhuspe, Ing dhârti jitukâding."
Currently Selected:
Johon 16: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
