Johon 14
14
Jisugie ḍahar
1"Apeyaʹ mon jate bang osthiroʹtapeya. Issor cetanre pâtyuʹpe, Ing cetanreho pâtyu dohepe. 2Ingren Babaoaʹ oraʹre tahenaʹ aima jaga menaʹa. Ana bang tahelenkheʹ Ingte ape metapeinghoteʹ, cekelaʹbang Ingdo ape laʹte jaga ṭhiklaʹ caʹkâning. 3Jâkhni Ing caketeʹ jaga ṭhikṭhoketeʹ arho hijuʹinghâʹ tâkhni Ingṭheʹ ape idipeinghâʹ, jate Ing akare tahening apeho aṛe tahe darenape. 4Ing akate caʹkâning ananaʹ ḍaharto apedo baṛeyape."
5Thomate Jisu metakidie, "Probhu, amdo akate caʹkanam inâgi ale bang baṛeyale, tahale ḍahardo alkate baṛelehaʹ?"
6Jisute Thoma metakidie, "Inggiying ḍahar, sâri ar jiuido. Ing talate bang calenkheʹ ekeho Babaṭheʹ bang ca darenako. 7Apete judi Ing cinhungapehoteʹ tahale Ingren Babaho cinhuiapehoteʹ. Nit khoiʹ apete Âni cinhukâdiape ar Âni lel namkâdiâpe."
8Filipte Jisu metakidie, "Probhu, Amren Bom ale uduʹolem, inâtigi ale sontusṭoʹlehaʹ."
9"Jisute âni metakidie, "Filip, nâniʹdin Ingdo ape saore miningâ, taoreho ki amte Ing cinhu bang darekâdingâm? Ekete Ing lelkâdinge ânitedo Babaho lelkâdie. Am alkate mendam, 'Bom uduʹolem'? 10Amdo ki bang pâtyuʹam je, Ing Babaoaʹ talare miningâ ar Baba Ing talare miniâ? Akako katha Ingte ape metapeying anado Ing nije khoiʹdo bang mending, kheʹ Baba, ekedo Ing talare miniâ, Ânigi Aiaʹ kâmide. 11Ingâʹ kathare pâtyuʹpe je, Ingdo Babaoaʹ talare miningâ ar Babado Ing talare miniâ. Ingâʹ kathare bang pâtyulenkheʹ Ingâʹ nako asarjo kâmilaʹte Ingdo pâtyung.
12Ingte ape sârigi metapekâning, jahe judi Ing cetanre pâtyuʹe tahale akako Ing rikiying âniho ana rikiheʹ. Ar Ing Babaṭheʹ caʹkâning mente nako khoiʹho arho marang marang kâmiheʹ. 13Ape Ingâʹ nutumte jagi koipehaʹ inâgi Ing rikinghâʹ, jate Babaoaʹ mohima Hopontetʹaʹ talate sodoroʹa. 14Ingâʹ nutumte judi Ingṭheʹ jahanaʹ koiape tahale Ingdo ana rikinghâʹ.
Pobitro Attaoaʹ somporkote rikit
15"Apete judi Ing dulâringâpe tahale Ingâʹ sanam hukum palontingpehaʹ. 16Ingdo Babaṭheʹ koinghâʹ, ar Âni apeṭheʹ cirokal tahenlaʹte ar miʹhor goroiʹ kolgiriyiheʹ. 17Âni Goroiʹgie sâriren Atta. Dhârtiren âdmite Âni bang atang dareyako, karon Ânido angkote bang cinhuiako ar Âni bang lelnameyako. Kheʹ apetedo Âni cinhuiape, karon Ânido apeyaʹ sao saote tahene ar apeyaʹ ontorre basoʹe.
18"Ingte ape ṭuârketeʹ oho dohoṭhopeying. Ingdo apeṭheʹ hijuʹinghâʹ. 19Thoṛa din tayom dhârtiren âdmite Ing ado oho lel namengako, kheʹ apetedo lelnamengpehaʹ. Ing jiuitʹ miningâ mente apeho jiuitʹ tahenpehaʹ. 20Ana hiluʹ apedo baṛe dareʹpehaʹ je, Ingdo Baba bhitârre miningâ ar apedo Ing bhitârre menaʹpeya ar Ingdo ape bhitârre miningâ. 21Eke Ingâʹ sanam hukum baṛeye ar palone ânitigi Ingdo dulâringe. Ekete Ing dulâringe Ingren Babate ânido dulâriheʹ. Ingteho ânido dulâriyinghâʹ ar âniṭheʹ Ing nijegi sodoroʹinghâʹ."
22Tâkhni Jihudate (Iskariotdo bang) Âni metakidie, "Probhu, cekelaʹ amdo eken aleṭheʹgi sodoroʹmahaʹ, dhârtiren âdmiṭheʹdo oho sodoroʹam?"
23Jisute âni metakidie, "Jahete judi Ing dulâringe, tahale ânido Ingâʹ katha manocaʹe. Ar ale (Baba, Hopon ar Pobitro Atta) âniṭheʹ hijuʹlehaʹ ar âni saote basoʹlehaʹ. 24Ekete Ing bang dulâringe, ânido Ingâʹ katha bang manoketeʹ caʹe. Ar ape akaṭaʹ katha atendape, anado Ingâʹdo bangkana, kheʹ Babaoaʹkana, eketedo Ing kolkâdinge.
25Apeṭheʹ taheketeʹgi Ingdo niâko sanam katha menkiding. 26Âni goroiʹ, Pobitro Atta ekedo Babate Ingâʹ nutumte koleiʹheʹ, Ânitedo ape sanamaʹgi cetʹopeheʹ, ar Ingte ape akako metakaʹpeing, anako disâopeheʹ.
27"Sânti Ingdo apeṭheʹ dohoṭhoʹkâning, Ingâʹ sântigi ape danopekâning. Dhârti alka dane, Ingdo angkado bang daning. Apeyaʹ mon jate bang osthiroʹtapeya, botorho jate bang tahentapeya. 28Apedo atenkadape je, Ingte ape metakaʹpeing, Ingdo caʹkâning, arho hijuʹinghâʹ. Judi apete dulâringâpehoteʹ, tahale ape huboʹapehoteʹ je, Ingdo Babaṭheʹ caʹkâning. Cekelaʹbang Babado Ing khoiʹho maranggie. 29Ar nitoʹdo, ghoṭoʹ lahare Ingte ape metakeʹpeing jate, ghoṭoʹkheʹ apedo pâtyuʹape.
30Ingdo ape salaʹ ado ḍher katha bang menliʹ. Karon dhârtiren sasoniʹdo#14:30 "Dhârtiren sasoniʹ" mente Jisu naṛe Soitan ar Soitante jeko âdmi Jisu sabelaʹte kolleʹkoe angkoaʹ katha menkade. hijuʹkane. Ingredo âniaʹ itâʹgi bânuʹtaya, 31kheʹ dhârti jate baṛeyako je, Ingtedo Baba dulâriying ar Babate Ing alka hukum makâdinge, Ingdo engkagi rikiying.
"Beredoʹpe, abodo niâ jaga khoiʹ cagenabo."
Currently Selected:
Johon 14: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
