Preritʹ 9
9
Solaʹ mon palṭo
1-2Tâkhniho, Sol Probhuren celako goiʹkoaʹ botor uduʹokosane, ar Damesko sohornaʹ somaj oraʹkore ciṭhi makolaʹte ânido marang purohitṭheʹ caketeʹ ciṭhi koilede, judi jehe korahopon se reja Probhuoaʹ ḍaharte caʹako ânite jate angko tolketeʹ Jirusalemre âgu darekoe.
3Ḍaharte caloʹ caloʹte jâkhni ânido Dameskonaʹ sorre hiʹne tâkhni sorgo khoiʹ saṭlaka âniaʹ câriunakhare marsalna. 4Ânido otre ujuʹngene ar miṭi gala atenkede jahete ânido metaikanako, "Sol, Sol, ceklaʹ amtedo Ing ottacardingâm?"
5Solte kulikidie, "Probhu, amdo ekekanam?"
Probhu menkede, "Ingdo Jisukâning, ekedo amte ottacardiâm. 6Kheʹ nitoʹ beretop ar sohorre cap, amaʹ itâʹ rikilaʹ hoʹtamhaʹ, anado am lâiominghâʹ."
7Eke âdmiko Sol suliʹ caʹsanako angkodo obakketeʹ tengonako. Angkodo ana katha atenledako kheʹ ekegi bang lelnamleʹkoako. 8Tayomte Sol ot khoiʹ beretʹne, kheʹ bengetʹ tayom itâʹgi bang lelnamlede. Tâkhni âniren gatekote ti sabketeʹ ânido Dameskore idikidiako. 9Pe dindhâbiʹ Soldo metʹte itâʹgi bang lelnamlede ar itâʹgi bang jom nulede.
10Damesko sohorre Ononio nutumte miṭiʹ cela tahalene. Probhute ânido dorson maketeʹ metakidie, "Ononio." Uttorre âni menkede,
"Probhu, ingdo naṛeminingâ."
11Probhutedo âni metakidie, "Soja nutumte akaṭaʹ ḍahar menaʹa amdo ana ḍahartigi cap. Aṛe Jihudaoaʹ oraʹre Tarso sohorren Sol nutumte miṭiʹ âdmi sendrai. Ânido koijongde, 12ar Sol dorsonre lelkade je, Ononio nutumte miṭiʹ âdmi hiʹketeʹ âniaʹ hormore ti dohokede jate ânido arho lelname."
13Ononio menkede, "Probhu, ingdo aima âdmikoaʹ mocare nâi âdmiaʹ bisoite atenkâding je, Jirusalemre Amren pobitro âdmiko cetanre ânido tinâʹ ottacarkade. 14Niâ bâgiketeʹ ekeko Amaʹ nutumte ṭâhiako, angko sanam âdmiko tol idikoaʹ khomota ânido marang purohitkoṭheʹ khoiʹ namkade."
15Kheʹ Probhute Ononio metakidie, "Amdo caʹme, karon Ojihudiko ar angkoren rajako ar Israyelkoṭheʹ Ingâʹ nutum baṛesolaʹte Ingte nâi âdmigi bachongekâding. 16Ingâʹ nutumlaʹte tiniʹ kosṭo je âni namlaʹ hoʹtaihaʹ anado Ingte âni uduʹoinghâʹ."
17Tâkhni Ononio caloketeʹ ana oraʹre bolone ar Solaʹ hormore ti maketeʹ metakidie, "Boiha Sol, Probhu Jisu, ekedo am naṛe hijuʹ ḍaharre napamlene, Ânitigi ing kolkâdinge jate am amaʹ lelnamaʹ sukti âcur namam ar Pobitro Attate perejoʹam." 18Tâkhnigi Solaʹ metʹ khoiʹ câkur laka jahanaʹ miṭiʹ ujuʹna ar ânido arho lelnamkede. Niâ tayom ânido beretʹketeʹ bâptisma engekede, 19tayomte ânido thoṛa jomaʹ jomkede ar sukti âcur namkede.
Damesko ar Jirusalemre Sol
Sol Dameskoren celako suliʹ thoṛa din tahene. 20Ar sao saotigi ânite somaj oraʹkore caloketeʹ niâ menketeʹ procarlaʹ lagone je, Jisugi Issorren Hopontetʹkane.
21Ekeko âniaʹ katha atensanako angkodo asarjoketeʹ kulisanako, "Jirusalemre ekeko Jisuoaʹ nutum ṭâhisanako angko ekete ottacarkosane nâi ki âni âdmido bangkane? Naṛeho ekeko ana rikiako angko tolketeʹ marang purohitkoṭheʹ idikolaʹte ki ânido naṛe bang hiʹkane?"
22Kheʹ Soldo din din arho suktisâliketeʹ rakaplaʹ lagone ar Jisugi je Khrisṭokane ana promankede. Niâte Dameskoren Jihudikoaʹ buddhido adngentakoa.
23Niânaʹ aima din tayom Jihudikote ânido goiʹgiriyilaʹ soṛojontrokedako, 24kheʹ Soldo angkoaʹ soṛojontronaʹ katha baṛe namkede. Âni goiʹgiriyilaʹ Jihudikodo sohornaʹ duârko sing nindâ jogesanako. 25Kheʹ miʹdin nindâ Solren celakote âni miṭiʹ pâichâte daolanaʹ cetantora latarre agrokidiako.
26Soldo Jirusalemre hiʹketeʹ celako saote salagoʹlaʹ kurumuṭukede, kheʹ angkote âni botorodiâko. Ar bang pâtyu darelenako je, Soldo sârigi miṭiʹ cela hokane. 27Kheʹ Barnabatedo aiʹ saote âni preritkoṭheʹ idikidie, Dameskonaʹ caloʹ ḍaharre Solte kalkate Probhu Jisu lel namlidie ar Probhudo âni suliʹ kalkate menlede, ar Dameskore Jisuoaʹ nutum somporkote âni kalkate sâhus saote procarlede, ana angkodo baṛesokeʹkoe.
28Niâ tayom Sol Jirusalemre celako saote tahene ar angko suliʹ calobanone ar Probhuaʹ nutum bisoite sâhus suliʹ procarkede. 29Jihudiko talare ekeko Grik bhasate katha lorako âni angko suliʹ katha menkede ar torkone, kheʹ nako Jihudikotedo âni goiʹgiriyilaʹ kurumuṭisanako. 30Jâkhni pâtyuonkhoiʹ boihakodo niâ baṛe namkedako, ânido Koisoriâre idikidiako ar aṛe khoiʹ Tarso sohorre kolkidiako.
31Tâkhni Jihudiâ, Gâlil ar Somoriâ prodisâmnaʹ monḍolikore sânti tahalena, ar ana monḍoliko baṛho rakapsana. Ar Probhure bhukti ar Pobitro Attaoaʹ hubte ana monḍoliko din din ḍheroʹsana.
Oinio ar Dorka
32Ar Pitor sanam jagare âcur âcurte Ludda ṭolare Issorren eke pobitro âdmiko tahalenako angkoṭheʹ hiʹne. 33Aṛe ânite Oinio nutumte miṭiʹ âdmi suliʹ napamne, ânido obos ruâte aṭ bochor dhâriʹ bichnâre paṛotahalene. 34Pitorte âni metakidie, "Oinio, Jisu Khrisṭote am manjamikane. Beretop, amaʹ bichnâ rakapngem." Ar tâkhnigi Oinio beretʹketeʹ tengone. 35Tâkhni Ludda ar Saronre basoʹonkhoiʹko sanam âdmikote âni lel namkidiako ar Probhure pâtyunako ar Ânilaka calobanoʹlaʹ lagonako.
36Jafo sohorre Tâbitha nutumte miṭiʹ reja cela tahalene. Grik kathate niâ nutumnaʹ mane Dorka orthat hurini. Ânido sanam somai manja kâmi ar rangeʹoreʹonkhoiʹ gorokosane. 37Ana somai ânido ruâte goiʹngene. Ar aṛenkhoiʹ âdmikote ânido umkidiako ar cetannaʹ oraʹre gitiʹ dohokidiako. 38Jafodo tahalena Luddanaʹ sorre, niâlaʹte celakodo jâkhni atenkedako je, Pitor Luddare miniâ tâkhni angkotedo barhor âniṭheʹ kolketeʹ ânido niâ menketeʹ nehorkidie, "Amdo saṭlaka aleṭheʹ hijuʹme."
39Ar Pitordo beretʹketeʹ ângkin suliʹ calone. Jâkhni âni pâhcune, angkotedo âni cetannaʹ oraʹre idikidiako, aṛedo sanam râṛi rejako Pitoraʹ câryunakha tengoketeʹ ragsanako ar Dorka jiuitʹ tahanre akako anga ar lugri citriʹko banolede anako Pitor uduʹoisanako. 40Tâkhni Pitorte angko sanamkhoiʹgi oraʹ bhitâr khoiʹ oṛoʹkeʹkoe, ar ukhrumketeʹ koijongkede. Inâtayom ana goiʹ hormo hate âcurketeʹ menkede, "Tâbitha, beretop." Anate ânido bengetʹkede ar Pitor lelketeʹ beretʹ duruʹne. 41Tâkhni Pitorte âniaʹ ti sabketeʹ beretʹketeʹ tengonlaʹte gorokidie. Tayomte ânite Issorren pobitro âdmiko ar râṛi rejako ṭâhuketeʹ angko uduʹoʹkoe je, Dorkado jiuitʹ rakapne.
42Niâ ghoṭona Jafo sohornaʹ sanam jagare pasnongena ar aima âdmi Probhu cetanre pâtyunako. 43Ar Pitordo aima din Jafore, Simon nutumte miṭiʹ harta bebsaiyiaʹ oraʹre tahelene.
Currently Selected:
Preritʹ 9: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
