Preritʹ 6
6
Seo kâmilaʹte satṭeʹ âdmi bacho
1Ana somai pâtyuonkhoiʹ ḍheroʹsanako. Tâkhni celako talare ekeko Jihudi Grik bhasate katha mensanako, angkodo Ibrio bhasate katha men Jihudiko niâ mente dusikeʹkoako je, dinâmgi jahanaʹ mako somai angkoren râṛi rejako itâʹgi bang namako. 2Niâte angko baroṭeʹ preritte sanam celako miʹ jagare ṭâhuketeʹ metakeʹkoako,
"Issoraʹ katha procar bâgiketeʹ jomaʹ ma beparte besto tahedo aboaʹdo ṭhik bangkana. 3Boiha mesrako, ape talakhoiʹ emon satṭeʹ âdmi apete bacho engekope ekedo sanamkhoiʹte sonmankoako ar ekedo Pobitro Atta ar gente pereʹgiâko. Ale angko cetanrigi niâ seoa kâminaʹ bhar makolehaʹ. 4Kheʹ abodo koijong ar Issoraʹ katha procarre mon maʹbohaʹ."
5Dolren sanamkhoiʹgi niâ katha manja aṭkarkedako. Pâtyute ar Pobitro Attate pereʹ Isṭifan angkote bacho engekidiako. Nâi bâgiketeʹho angkote Filip, Prokhor, Nikanor, Timon, Pârmina ar Antiokhiâ sohorren Nikolaiho bacho engekidiako. Nâi Nikolai Ojihudi hoketeʹho Jihudi dhormo palonsane. 6Tayomte angkotegi nako âdmiko preritṭheʹ idikeʹkoako ar angkodo angkoaʹ bohoʹre ti dohoketeʹ koijong kedako ar kâminaʹ bhar makeʹkoako.
7Nengkaketeʹ Issoraʹ katha pasnoʹtigi tahensana, ar Jirusalemre pâtyuonkhoiʹ saṭlakagi aima baṛholaʹ lagonako ar purohitko talaren aimahortigi Jisu pâtyuodiâko.
Âdmikote Isṭifan sabkidiako
8Isṭifan Issoraʹ daya ar suktite pereʹketeʹ âdmiko talare aima asarjo kâmi rikâkede ar cinhâ uduʹkede. 9Aka somaj oraʹ Muktouniʹ âdmikoaʹ somaj oraʹ men hoʹsana, ana somaj oraʹniʹ koeʹṭeʹ âdmi Isṭifan salaʹ torkoʹlaʹ lagonako. Angko tahelenako Kurini ar Alekjandrio sohorren ar kilikiâ ar Esia prodisâmren koeʹṭeʹ jihudi. 10Kheʹ Isṭifan Pobitro Attaoaʹ suktite aima gennaʹ katha mensane. Analaʹte angkodo âniaʹ biruddhore bang tengo darensanako.
11Tâkhni angko Jihudikote gan gante koekṭeʹ âdmi ghus maketeʹ niâ katha menlaʹ uskukeʹkoako, "Alete Isṭifan Mosioaʹ ar Issoraʹ biruddhore opomannaʹ katha mente atenkâdiale." 12Nengkaketeʹ angkote âdmiko, harme netako ar dhormo masṭarko edresokeʹkoako ar Isṭifan sabketeʹ bâisinaʹ samnere âgukidiako.
13Angkote koekṭeʹ âuṛi sâkkhi tengokeʹkoako. Neko âuṛi sâkkhi menkedako, "Nâi âdmi sanam somai aboaʹ niâ Pobitro Mundirnaʹ biruddhore ar Mosiaʹ ânnaʹ biruddhore katha mene. 14Alete âni niâ katha mente atenkâdiale je, Nasarot ṭolaren Jisu niâ Mundir râputʹgiriheʹ ar Mosite akaṭaʹ colti niomko abo maṭhokaʹboe anako badlogiriheʹ." 15Ekeko ana bâisire duruʹ tahelenako angkodo sanamkhoiʹgi tâkhni Isṭifan hate koyoʹkedako, âniaʹ metʹ moca miṭiʹ sorgodut lakangekantaya.
Currently Selected:
Preritʹ 6: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
