Preritʹ 4
4
Bâisire Pitor ar Johon
1Jâkhni Pitor ar Johon âdmiko suliʹ katha mensanakin ana somai purohitko, Mundirren horoyonkhoiʹren marangiʹ ar suddukiko ângkinṭheʹ hiʹnako. 2Nengko âdmido aima âṛisnako, karon Pitor ar Johonte âdmiko cetʹkosanakin je, Jisudo goiʹ khoiʹ jiuitʹ beretkane anate goiʹonkhoiʹho jiuitʹ beredoʹkohaʹ. 3Anate angkote ângkindo sabkeʹkinâko ar âyupngelena mente poradin dhâriʹ jelkhanare dohokeʹkinâko. 4Kheʹ jeko âdmi Pitoraʹ katha atenledako angko talare aima horgi pâtyunako, anate angko talare pâtyuonkhoiʹ korahopongi tahalenako more hajar.
5Tayom din Jihudiren sasoniʹko, harme netako ar dhormo masṭarko miʹsaote Jirusalemre jaoranako. 6Aṛedo sanam khoiʹ marang purohit Hanon ar aiaʹ oraʹren âdmikoho tahelenako. Ar angko suliʹ laharen sanam khoiʹ marang purohit Kaiyafa, Johon ar Aleksandar tahelene. 7Angkote Pitor ar Johon angko samnere tengoketeʹ kulikeʹkinâko, "Aban itâʹnaʹ suktite se ekeyaʹ nutumte niâ kâmi rikâkadaban?"
8Tâkhni Pitordo Pobitro Attate pereʹketeʹ angko metakeʹkoe, "Sanam khoiʹ marang purohitko ar harme netako, 9miʹhor khoṛa âdmioaʹ upokar laʹte judi tihin âling kulihoʹa je ânido kalkate manjane, 10Tahale ape ar Israyelren sanam âdmikodo niâ katha baṛemanako je, niâdo Nasarotren Jisu Khrisṭoaʹ suktite hona, Ekedo apete kurusre gathoketeʹ goiʹlidiape, Issorte Ânido goiʹonkhoiʹaʹ talakhoiʹ jiuitʹ beretʹkâdie. Âni Jisu Khrisṭoaʹ talatigi nâi âdmi tihin purâpuri manjaketeʹ ape samnere tengo miniâ. 11Pobitro sastronaʹ katha laka Jisudo hone,
'Ana diri akaṭaʹdo rajmistriko, orthat ape bad makadape ar
anagi konanaʹ marang diri ho rakapna.'
12Jisugie miṭiʹ âdmi, Eketedo âdmiko baco darekoe. Karon serma latarre ar âdmiko talare maʹ emon ekegi bânuʹkoa jeyaʹ nutumtedo abo pap khoiʹ baco namdarenabo."
13Pitor ar Johonaʹ sâhus lelketeʹ ar ângkin je murkhogiâkin ar samanno âdmikanakin ana baṛeketeʹ angkodo asarjongenako, ar ângkin je Jisu saote tahalenakin anaho bujhu dareledako. 14Eke âdmi manjalene ânido Pitor ar Johon saote tengo tahente lelketeʹ ângkinaʹ biruddhore âdmiko itâʹgi bang men dareledako.
15Angkote Pitor ar Johon bâisi khoiʹ barhere caʹlaʹ hukum makeʹkinâko. Niâtayom angkodo miʹsaote miluketeʹ nijeoaʹ talare aloconelaʹ lagonako. 16Angkodo menkedako, "Nâking âdmi liedo abo itâʹ cikiabo? Jeko Jirusalemre basoʹako angko sanam baṛengekadako je, nângkindo miṭiʹ asarjo kâmikadakin, ar anado abo bang osikâr dareʹabo. 17Kheʹ niâ katha jate âdmiko talare ar bang pasnoʹa anate nâkin âdmido botor uduʹkinlaʹ hoʹhaʹ, jate ângkinte ekegi ar Jisuoaʹ bisoite katha bang lâiokoakin."
18Niâ tayom angkote Pitor ar Johon arho bhitrire ṭâhukeʹkinâko ar Jisuoaʹ nutumte jahanaʹgi menlaʹ se cetʹkolaʹ manakeʹkinâko. 19Kheʹ uttorre Pitor ar Johonte angko metakeʹkoakin, "Apeyaʹ hukum palonâling, se Issoraʹ hukum palonâling? Issoraʹ metʹre akaṭaʹ ṭhik hoʹhaʹ, Apegi ana bicârpe." 20Karon âling ja lelkadaling ar atenkadaling ana bang menketeʹ bang taha darenâling."
21Tâkhni angkote Pitor ar Johon arho botor uduʹketeʹ bâgikeʹkinâko. Angkodo lelkedako je ângkindo sâsti ma osombhobgiâ, karon ja goṭolena ana lelketeʹ sanam âdmi Issoraʹ prosongsesanako. 22Je âdmi niâ asarjo kâmi talate manjalene âniaʹ boyos tahalentaya collis bocchornaʹho bisi.
Pâtyuonkhoiʹaʹ koijong
23Pitor ar Johon bâgikin tayom ângkin nijeren âdmikoṭheʹ âcur canâkin ar marang purohit ar harme netakote ja ja metaleʹkinâko, anako katha angko lâioʹkoakin. 24Niâ katha atenketeʹ angkodo sanamkhoiʹ mile miʹ monte Issorṭheʹ koijongketeʹ menkedako, "Sanam dareʹiʹ Probhu, Am serma, dhârti, marang ganga ar anako talare jagi menaʹa sanamgi Am teyarkadam. 25Amdo Pobitro Attaoaʹ talate Amren kâmi âdmi aleren laharen âdmi Dâudaʹ mocate menkadam,
'Ceklaʹ sanam Ojihudikodo edrenkanako?
Ceklaʹ disâmren âdmikodo âuṛiaʹ soṛojontrodako?
26Probhu ar Âniren Mosihoaʹ biruddhore ar Âni bacho engeyaʹ biruddhore dhârtiren rajako ar
sasoniʹko lâṛhâi laʹte miʹṭheʹnako.'#Siringko 2:1-2
27"Amren Pobitro kâmi âdmi Jisu, Eke Amte Mosiho hisâbte bachoengekâdiâm, Âniaʹ biruddhore Herod ar Pontio Pilât Ojihudi ar Israyelren âdmiko suliʹ niâ sohorre miʹṭheʹlenako. 28Amaʹ suktite ar icchâte ja ghoṭoʹhaʹ mente Amdo laharigi ṭhikketeʹ doholedam angkodo anagi rikâledako. 29Ar nitoʹ, he Probhu, nekotedo alkaketeʹ ale botor uduʹlekanako ana amdo kheyalme. Amtedo amren das orthat, ale emon sukti malem jate aima sâhus saote aledo amaʹ katha men dareʹale. 30Amaʹ ti lahagiriten jate Amren Pobitro Kâmi âdmi Jisuoaʹ nutumte ape âdmiko manja darekoape, cinhâ kâmi dareʹape ar asarjo kâmi rikâ dareʹape."
31Aka jagare angko jaoralenako, koijong tayomte ana jagado hiluna. Ar angkodo sanamkhoiʹ Pobitro Attate pereʹketeʹ sâhusnaʹ saote Issoraʹ katha menlaʹ lagonako.
Pâtyuonkhoiʹaʹ miʹmot
32Khrisṭore pâtyuonkhoiʹ ontor ar mon miʹgi tahalentakoa. Itâʹgi angkodo nijeyaʹ mente bang dâbisanako borong sanamgi jeyaʹ jeyaʹ dorkar laka beboharsanako. 33Preritkodo aima suktinaʹ saote sakkho maʹtigi tahanako je, Probhu Jisu goiʹ khoiʹ jiuitʹ beretʹkane, ar angko sanamkhoiʹaʹ cetanre Issoraʹ aima daya tahalena. 34-35Angko talare jahe rangeʹ âdmi bang tahalenako, karon jekoaʹ khet se oraʹ tahalena angkodo anako âkringketeʹ ṭhep âguketeʹ preritkoaʹ janga latarre dohesanako ar tayomte jeyaʹ jemon dorkar, preritkote angkodo engkagi makosanako.
36Josef nutumte Lebiaʹ bongsoren miṭiʹ âdmi tahalene ar ânido Saipras dipre janamlene. Preritkote ânido Barnaba nutumte ṭâhuisanako (niânaʹ ortho hona je eṭaʹhor hub ma). 37Âniaʹ thoṛa khet tahalentaya, ânido ana âkringketeʹ ṭhep âguketeʹ preritkoaʹ janga latarre dohokede.
Currently Selected:
Preritʹ 4: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Preritʹ 4
4
Bâisire Pitor ar Johon
1Jâkhni Pitor ar Johon âdmiko suliʹ katha mensanakin ana somai purohitko, Mundirren horoyonkhoiʹren marangiʹ ar suddukiko ângkinṭheʹ hiʹnako. 2Nengko âdmido aima âṛisnako, karon Pitor ar Johonte âdmiko cetʹkosanakin je, Jisudo goiʹ khoiʹ jiuitʹ beretkane anate goiʹonkhoiʹho jiuitʹ beredoʹkohaʹ. 3Anate angkote ângkindo sabkeʹkinâko ar âyupngelena mente poradin dhâriʹ jelkhanare dohokeʹkinâko. 4Kheʹ jeko âdmi Pitoraʹ katha atenledako angko talare aima horgi pâtyunako, anate angko talare pâtyuonkhoiʹ korahopongi tahalenako more hajar.
5Tayom din Jihudiren sasoniʹko, harme netako ar dhormo masṭarko miʹsaote Jirusalemre jaoranako. 6Aṛedo sanam khoiʹ marang purohit Hanon ar aiaʹ oraʹren âdmikoho tahelenako. Ar angko suliʹ laharen sanam khoiʹ marang purohit Kaiyafa, Johon ar Aleksandar tahelene. 7Angkote Pitor ar Johon angko samnere tengoketeʹ kulikeʹkinâko, "Aban itâʹnaʹ suktite se ekeyaʹ nutumte niâ kâmi rikâkadaban?"
8Tâkhni Pitordo Pobitro Attate pereʹketeʹ angko metakeʹkoe, "Sanam khoiʹ marang purohitko ar harme netako, 9miʹhor khoṛa âdmioaʹ upokar laʹte judi tihin âling kulihoʹa je ânido kalkate manjane, 10Tahale ape ar Israyelren sanam âdmikodo niâ katha baṛemanako je, niâdo Nasarotren Jisu Khrisṭoaʹ suktite hona, Ekedo apete kurusre gathoketeʹ goiʹlidiape, Issorte Ânido goiʹonkhoiʹaʹ talakhoiʹ jiuitʹ beretʹkâdie. Âni Jisu Khrisṭoaʹ talatigi nâi âdmi tihin purâpuri manjaketeʹ ape samnere tengo miniâ. 11Pobitro sastronaʹ katha laka Jisudo hone,
'Ana diri akaṭaʹdo rajmistriko, orthat ape bad makadape ar
anagi konanaʹ marang diri ho rakapna.'
12Jisugie miṭiʹ âdmi, Eketedo âdmiko baco darekoe. Karon serma latarre ar âdmiko talare maʹ emon ekegi bânuʹkoa jeyaʹ nutumtedo abo pap khoiʹ baco namdarenabo."
13Pitor ar Johonaʹ sâhus lelketeʹ ar ângkin je murkhogiâkin ar samanno âdmikanakin ana baṛeketeʹ angkodo asarjongenako, ar ângkin je Jisu saote tahalenakin anaho bujhu dareledako. 14Eke âdmi manjalene ânido Pitor ar Johon saote tengo tahente lelketeʹ ângkinaʹ biruddhore âdmiko itâʹgi bang men dareledako.
15Angkote Pitor ar Johon bâisi khoiʹ barhere caʹlaʹ hukum makeʹkinâko. Niâtayom angkodo miʹsaote miluketeʹ nijeoaʹ talare aloconelaʹ lagonako. 16Angkodo menkedako, "Nâking âdmi liedo abo itâʹ cikiabo? Jeko Jirusalemre basoʹako angko sanam baṛengekadako je, nângkindo miṭiʹ asarjo kâmikadakin, ar anado abo bang osikâr dareʹabo. 17Kheʹ niâ katha jate âdmiko talare ar bang pasnoʹa anate nâkin âdmido botor uduʹkinlaʹ hoʹhaʹ, jate ângkinte ekegi ar Jisuoaʹ bisoite katha bang lâiokoakin."
18Niâ tayom angkote Pitor ar Johon arho bhitrire ṭâhukeʹkinâko ar Jisuoaʹ nutumte jahanaʹgi menlaʹ se cetʹkolaʹ manakeʹkinâko. 19Kheʹ uttorre Pitor ar Johonte angko metakeʹkoakin, "Apeyaʹ hukum palonâling, se Issoraʹ hukum palonâling? Issoraʹ metʹre akaṭaʹ ṭhik hoʹhaʹ, Apegi ana bicârpe." 20Karon âling ja lelkadaling ar atenkadaling ana bang menketeʹ bang taha darenâling."
21Tâkhni angkote Pitor ar Johon arho botor uduʹketeʹ bâgikeʹkinâko. Angkodo lelkedako je ângkindo sâsti ma osombhobgiâ, karon ja goṭolena ana lelketeʹ sanam âdmi Issoraʹ prosongsesanako. 22Je âdmi niâ asarjo kâmi talate manjalene âniaʹ boyos tahalentaya collis bocchornaʹho bisi.
Pâtyuonkhoiʹaʹ koijong
23Pitor ar Johon bâgikin tayom ângkin nijeren âdmikoṭheʹ âcur canâkin ar marang purohit ar harme netakote ja ja metaleʹkinâko, anako katha angko lâioʹkoakin. 24Niâ katha atenketeʹ angkodo sanamkhoiʹ mile miʹ monte Issorṭheʹ koijongketeʹ menkedako, "Sanam dareʹiʹ Probhu, Am serma, dhârti, marang ganga ar anako talare jagi menaʹa sanamgi Am teyarkadam. 25Amdo Pobitro Attaoaʹ talate Amren kâmi âdmi aleren laharen âdmi Dâudaʹ mocate menkadam,
'Ceklaʹ sanam Ojihudikodo edrenkanako?
Ceklaʹ disâmren âdmikodo âuṛiaʹ soṛojontrodako?
26Probhu ar Âniren Mosihoaʹ biruddhore ar Âni bacho engeyaʹ biruddhore dhârtiren rajako ar
sasoniʹko lâṛhâi laʹte miʹṭheʹnako.'#Siringko 2:1-2
27"Amren Pobitro kâmi âdmi Jisu, Eke Amte Mosiho hisâbte bachoengekâdiâm, Âniaʹ biruddhore Herod ar Pontio Pilât Ojihudi ar Israyelren âdmiko suliʹ niâ sohorre miʹṭheʹlenako. 28Amaʹ suktite ar icchâte ja ghoṭoʹhaʹ mente Amdo laharigi ṭhikketeʹ doholedam angkodo anagi rikâledako. 29Ar nitoʹ, he Probhu, nekotedo alkaketeʹ ale botor uduʹlekanako ana amdo kheyalme. Amtedo amren das orthat, ale emon sukti malem jate aima sâhus saote aledo amaʹ katha men dareʹale. 30Amaʹ ti lahagiriten jate Amren Pobitro Kâmi âdmi Jisuoaʹ nutumte ape âdmiko manja darekoape, cinhâ kâmi dareʹape ar asarjo kâmi rikâ dareʹape."
31Aka jagare angko jaoralenako, koijong tayomte ana jagado hiluna. Ar angkodo sanamkhoiʹ Pobitro Attate pereʹketeʹ sâhusnaʹ saote Issoraʹ katha menlaʹ lagonako.
Pâtyuonkhoiʹaʹ miʹmot
32Khrisṭore pâtyuonkhoiʹ ontor ar mon miʹgi tahalentakoa. Itâʹgi angkodo nijeyaʹ mente bang dâbisanako borong sanamgi jeyaʹ jeyaʹ dorkar laka beboharsanako. 33Preritkodo aima suktinaʹ saote sakkho maʹtigi tahanako je, Probhu Jisu goiʹ khoiʹ jiuitʹ beretʹkane, ar angko sanamkhoiʹaʹ cetanre Issoraʹ aima daya tahalena. 34-35Angko talare jahe rangeʹ âdmi bang tahalenako, karon jekoaʹ khet se oraʹ tahalena angkodo anako âkringketeʹ ṭhep âguketeʹ preritkoaʹ janga latarre dohesanako ar tayomte jeyaʹ jemon dorkar, preritkote angkodo engkagi makosanako.
36Josef nutumte Lebiaʹ bongsoren miṭiʹ âdmi tahalene ar ânido Saipras dipre janamlene. Preritkote ânido Barnaba nutumte ṭâhuisanako (niânaʹ ortho hona je eṭaʹhor hub ma). 37Âniaʹ thoṛa khet tahalentaya, ânido ana âkringketeʹ ṭhep âguketeʹ preritkoaʹ janga latarre dohokede.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh