Preritʹ 5
5
Ononio ar Safira
1Kheʹ Ononio nutumte miṭiʹ âdmi âniren girthân Safira saote âniaʹ khet ânkringkedakin, 2ana ṭhepnaʹ thoṛa preritko makeʹkoe, ar thoṛa ṭhep aiʹ nijeṭheʹ dohokede. Âniren girthân na bisoi baṛesane ar miʹmot tahalene.
3Tâkhni Pitor menkede, "Ononio, amte cekla Soitando amaʹ ontorre kâmisokidiâm? Ar Pobitro Attaṭheʹ beda katha menkedam ar khet âkringnaʹ ṭhep khoiʹ thoṛa ṭhepdo nije laʹte dohokadam? 4Âkring lahare ana khet ki amaʹ bang tahalena? Ar âkring tayom ana ṭhep ki amaʹ dokholre bang tahalena? Tahale ceklaʹ amdo nengkanaʹ kâmimahaʹ mente amaʹ monre ṭhikkedam? Amdo âdmikoṭheʹdo beda katha bang menkadam, kheʹ Issorṭheʹ amdo beda katha menkadam."
5Niâ katha aten saotigi Ononio hasre ujuʹketeʹ goiʹngene. Niâ ghoṭonanaʹ katha jeko atenkedako angkodo sanamkhoiʹ aima botorngenako. 6Tâkhnigi juânko beretʹketeʹ âniaʹ hormo lugrite poṭomkeʹtayako ar barhere idiketeʹ ânido topakidiako.
7Niâ ghoṭonanaʹ prai pe ghonṭa tayom âniren girthândo aṛe hiʹne, kheʹ itâʹ ghoṭokana anado âni bang baṛesane. 8Tâkhni Pitorte âni kulikidie, "Men bhalaʹ, am ar Ononio ki ana khet nâniʹ ṭhepte âkringkadaban?"
Âni menkede, "He, nâniʹ ṭheptigi."
9Tâkhni Pitorte âni metakidie, "Probhuren Atta purikkhai laʹte ceklaʹ aban miʹmotnaban? Anjom, je âdmikote amren jaoe topaṭhoilaʹ calenako, angko duârṭheʹ hiʹ aṭokanako. Angkote amho idimkohaʹ."
10Safiraho inrigi Pitoraʹ jangaṭheʹ ujuʹketeʹ goiʹngene. Ar angko juânkorako bhitrire hiʹketeʹ âni goiʹgi lelkidiako ar ânido barhere idiketeʹ âniren jaoeoaʹ topanaʹ sorrigi topakidiako. 11Tâkhni monḍoliren sanam âdmi ar eṭaʹonkhoiʹ jeko ana katha atenkedako angkodo sanamkhoiʹ aima botornako.
Preritkoaʹ asarjo kâmi
12Preritko âdmiko talare aima asarjo kâmi ar cinhâtʹ kâmiko rikisanako, ar sanam pâtyuonkhoiʹ Solomonaʹ piṛâre miʹsaote jaoroʹsanako. 13Judiho barheren âdmikote angko aima sonmankeʹkoako taoho ekegi angko saote salagoʹlaʹ bang sâhusledako. 14Ar aima aima korahopon ar rejako Probhu cetanre pâtyunako ar pâtyuonkhoiʹaʹ dolre salaʹnako. 15Preritko ja rikâledako ana lelketeʹ âdmikote ruâonkhoiʹ parkom ar bichnâte âguketeʹ ḍaharre dohokeʹkoako, jate Pitor jâkhni hijuʹheʹ tâkhni âniaʹ umul angkoaʹ cetanre ujugoʹkheʹ angko manjoʹako. 16Jirusalemnaʹ sorkonaʹ ṭola khoiʹ aima âdmite angkoren ruâonkhoiʹ ar kharap attate namankhoiʹ âdmi âgukeʹkoako ar Issorte angko sanamkhoiʹ manjakeʹkoye.
Preritko cetanre ottacar
17Tâkhni marang purohit ar âniren gateko ar Sudduki dolniʹ âdmiko hingsâte jol rakapnako ar angko bebostha engeya siddhanto engekedako. Karon âdmiko preritkoaʹ cetʹonaʹ pâtyuʹsanako ar analaka calobanoʹsanako. 18Ar angkote preritko sabketeʹ somajnaʹ jelre bharokeʹkoako.
19Kheʹ nindâ somai Probhuren miṭiʹ sorgodut hiʹketeʹ jelkhananaʹ duâr jhiʹgirikede ar preritko barhere âguketeʹ metakeʹkoe, 20"Apedo caʹpe, Mundirre tengoketeʹ âdmiṭheʹ niâ naoa jiuiʹnaʹ sanam katha âdmiko metakope." 21Angko ana katha laka setaʹbera Mundirre boloketeʹ âdmiko cetʹokolaʹ lagonako.
Nate marang purohit ar âniren gatekote marang sobhare Israyelren harme netakoren sanamkhoiʹgi ṭuhukeʹkoako. Inâtayom angkote preritko âgukolaʹ koekṭeʹ kormocâri hukum maketeʹ somajnaʹ jelkhanare kolkeʹkoako. 22Kheʹ angko kormocârite jelkhanare caketeʹ aṛe angko bang namleʹkoako. 23Tâkhni angkodo âcur caketeʹ niâ khobor makeʹkoako, "Aledo lelkedale jelkhananaʹ duâr manjaketeʹgi tala maro menaʹa ar duâr duâre jogoiʹ âdmi tengo menaʹkoa, kheʹ duâr jhiʹketeʹ ekegi bhitrire bang lelnamleʹkoale." 24Niâ katha atenketeʹ Mundir horeonkhoiʹren marangoniʹ ar marang purohitko buddhi atʹketeʹ bhabnanako nanaʹ porinoti itâʹ hoʹhaʹ.
25Tâkhni miṭiʹ âdmi hiʹketeʹ menkede, "Anjompe, Je âdmiko apete jelkhanare maleʹkoape angkodo Mundirre tengoketeʹ âdmiko cetʹokokanako." 26Tâkhni marang horeiʹte âni saoren kormocâriko engeketeʹ preritko sabketeʹ âgukeʹkoako. Kheʹ âdmikote angko horeiʹko dirite capat darekoako ana botorte angko preritko cetanre bang jobordostiledako.
27Tayomte angkote preritko âguketeʹ bâisi samnere tengokeʹkoako. Tâkhni marang purohitte preritko kulikeʹkoe, 28"Alete ape Jisuoaʹ bisoite cetʹaʹ bang makolaʹte kâṭhin hukum maleʹpeyale, kheʹ goṭa Jirusalemren sanamkhoiʹgi apete cetʹkokanape ar Âni âdmiaʹ meyom laʹte ale dusilelaʹ namdape."
29Tâkhni Pitor ar eṭaʹ preritko menkedako, "Âdmikoaʹ hukum palon khoiʹ borong Issoraʹ hukumgi aboaʹ palonaʹ ucit. 30Eke apete kurusre ṭangoketeʹ goiʹlidiape aleren laharen âdmiren Issorte Âni Jisugi goiʹkhoiʹ jiuitʹ beretʹkâdie. 31Issorte Ânigi sasoniʹ ar bacokoiyiʹ hisâbte nijeyaʹ jojma hate duruʹaʹ jaga makâdie, jate Ânite Israyelkoaʹ pap khoiʹ mon âcurketeʹ papnaʹ map ma darekoe. 32Ale niâko sanam bisoinaʹ sâkkhikanale ar jeko Issoraʹ baddhoʹako, Issorte angko je Pobitro Atta dan hisâbte makaʹkoe Âni pobitro attaho ananaʹ sâkkhikane."
33Niâ katha atenketeʹ angko bâisiren netako aima edrengenako ar preritko goiʹgirikolaʹ namkedako. 34Kheʹ Gomliel numte miṭiʹ Forisi sobha talare beretʹketeʹ tengone. Âni miṭiʹ dhormo guru tahalene ar sanamkhoiʹte ânido sonmaneisanako. Ânite preritko miʹghâṛiʹ laʹte barhere dohokolaʹ hukum makeʹkoe. 35Niâ tayom ânite marang sobharen âdmiko metakeʹkoe, "Israyelko, neko âdmiko cetanre ape itâʹ rikilaʹ caʹkanape ana bisoite sabdhanoʹpe. 36Thoṛa din lahare Thuda nutumte miṭiʹ âdmi hiʹketeʹ nije marang mente dâbiʹsane, kombisi ponso laka âdmi âni saote salaʹlenako. Ânido goiʹgiri hokana ar âniren gateko pasnongekanako. Ekegi bang tahalenako. 37Niâtayom âdmi gunuko somai Gâlilren Jihuda hiʹketeʹ thoṛa âdmi âniaʹ dolre ṭanoleʹkoe. Tayomte âniho goiʹkane, ar âniren gatekoho sanam pasnokanako. 38Nito ingte ape metapekâning, ape neko âdmiko cetanre itâʹgi alo rikiape. Neko âdmiko bâgigirikope, karon nekoaʹ uddesso ar kâmiko judi âdmi khoiʹ hoʹa tahale ana dongsohaʹ. 39Kheʹ judi Issorṭheʹ khoiʹ hoʹa tahale ape neko bang thamo darekoape. Hoito lelpehaʹ ape Issoraʹ biruddhore lâṛhâioʹkanape."
Tâkhni angkote Gomolielaʹ kathate miʹmotʹnako. 40Preritko bhitrire ṭâhu âguketeʹ hapate dalkolaʹ hukum makeʹkoako. Niâ tayom angkote hukum maketeʹ bâgikeʹkoako jate angko Jisuoaʹ bisoite jahan katha bang menako. 41Preritko hub saote marang sobha khoiʹ cagenako, karon Jisu laʹte je opoman saholedako anate Issorte angko joggo mente moneledako. 42Angko dinâm din Mundir ar oraʹ oraʹre caketeʹ cetʹokotigi tahanako ar Jisugi je Khrisṭokane niâ manja khobor procartigi tahanako.
Currently Selected:
Preritʹ 5: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Preritʹ 5
5
Ononio ar Safira
1Kheʹ Ononio nutumte miṭiʹ âdmi âniren girthân Safira saote âniaʹ khet ânkringkedakin, 2ana ṭhepnaʹ thoṛa preritko makeʹkoe, ar thoṛa ṭhep aiʹ nijeṭheʹ dohokede. Âniren girthân na bisoi baṛesane ar miʹmot tahalene.
3Tâkhni Pitor menkede, "Ononio, amte cekla Soitando amaʹ ontorre kâmisokidiâm? Ar Pobitro Attaṭheʹ beda katha menkedam ar khet âkringnaʹ ṭhep khoiʹ thoṛa ṭhepdo nije laʹte dohokadam? 4Âkring lahare ana khet ki amaʹ bang tahalena? Ar âkring tayom ana ṭhep ki amaʹ dokholre bang tahalena? Tahale ceklaʹ amdo nengkanaʹ kâmimahaʹ mente amaʹ monre ṭhikkedam? Amdo âdmikoṭheʹdo beda katha bang menkadam, kheʹ Issorṭheʹ amdo beda katha menkadam."
5Niâ katha aten saotigi Ononio hasre ujuʹketeʹ goiʹngene. Niâ ghoṭonanaʹ katha jeko atenkedako angkodo sanamkhoiʹ aima botorngenako. 6Tâkhnigi juânko beretʹketeʹ âniaʹ hormo lugrite poṭomkeʹtayako ar barhere idiketeʹ ânido topakidiako.
7Niâ ghoṭonanaʹ prai pe ghonṭa tayom âniren girthândo aṛe hiʹne, kheʹ itâʹ ghoṭokana anado âni bang baṛesane. 8Tâkhni Pitorte âni kulikidie, "Men bhalaʹ, am ar Ononio ki ana khet nâniʹ ṭhepte âkringkadaban?"
Âni menkede, "He, nâniʹ ṭheptigi."
9Tâkhni Pitorte âni metakidie, "Probhuren Atta purikkhai laʹte ceklaʹ aban miʹmotnaban? Anjom, je âdmikote amren jaoe topaṭhoilaʹ calenako, angko duârṭheʹ hiʹ aṭokanako. Angkote amho idimkohaʹ."
10Safiraho inrigi Pitoraʹ jangaṭheʹ ujuʹketeʹ goiʹngene. Ar angko juânkorako bhitrire hiʹketeʹ âni goiʹgi lelkidiako ar ânido barhere idiketeʹ âniren jaoeoaʹ topanaʹ sorrigi topakidiako. 11Tâkhni monḍoliren sanam âdmi ar eṭaʹonkhoiʹ jeko ana katha atenkedako angkodo sanamkhoiʹ aima botornako.
Preritkoaʹ asarjo kâmi
12Preritko âdmiko talare aima asarjo kâmi ar cinhâtʹ kâmiko rikisanako, ar sanam pâtyuonkhoiʹ Solomonaʹ piṛâre miʹsaote jaoroʹsanako. 13Judiho barheren âdmikote angko aima sonmankeʹkoako taoho ekegi angko saote salagoʹlaʹ bang sâhusledako. 14Ar aima aima korahopon ar rejako Probhu cetanre pâtyunako ar pâtyuonkhoiʹaʹ dolre salaʹnako. 15Preritko ja rikâledako ana lelketeʹ âdmikote ruâonkhoiʹ parkom ar bichnâte âguketeʹ ḍaharre dohokeʹkoako, jate Pitor jâkhni hijuʹheʹ tâkhni âniaʹ umul angkoaʹ cetanre ujugoʹkheʹ angko manjoʹako. 16Jirusalemnaʹ sorkonaʹ ṭola khoiʹ aima âdmite angkoren ruâonkhoiʹ ar kharap attate namankhoiʹ âdmi âgukeʹkoako ar Issorte angko sanamkhoiʹ manjakeʹkoye.
Preritko cetanre ottacar
17Tâkhni marang purohit ar âniren gateko ar Sudduki dolniʹ âdmiko hingsâte jol rakapnako ar angko bebostha engeya siddhanto engekedako. Karon âdmiko preritkoaʹ cetʹonaʹ pâtyuʹsanako ar analaka calobanoʹsanako. 18Ar angkote preritko sabketeʹ somajnaʹ jelre bharokeʹkoako.
19Kheʹ nindâ somai Probhuren miṭiʹ sorgodut hiʹketeʹ jelkhananaʹ duâr jhiʹgirikede ar preritko barhere âguketeʹ metakeʹkoe, 20"Apedo caʹpe, Mundirre tengoketeʹ âdmiṭheʹ niâ naoa jiuiʹnaʹ sanam katha âdmiko metakope." 21Angko ana katha laka setaʹbera Mundirre boloketeʹ âdmiko cetʹokolaʹ lagonako.
Nate marang purohit ar âniren gatekote marang sobhare Israyelren harme netakoren sanamkhoiʹgi ṭuhukeʹkoako. Inâtayom angkote preritko âgukolaʹ koekṭeʹ kormocâri hukum maketeʹ somajnaʹ jelkhanare kolkeʹkoako. 22Kheʹ angko kormocârite jelkhanare caketeʹ aṛe angko bang namleʹkoako. 23Tâkhni angkodo âcur caketeʹ niâ khobor makeʹkoako, "Aledo lelkedale jelkhananaʹ duâr manjaketeʹgi tala maro menaʹa ar duâr duâre jogoiʹ âdmi tengo menaʹkoa, kheʹ duâr jhiʹketeʹ ekegi bhitrire bang lelnamleʹkoale." 24Niâ katha atenketeʹ Mundir horeonkhoiʹren marangoniʹ ar marang purohitko buddhi atʹketeʹ bhabnanako nanaʹ porinoti itâʹ hoʹhaʹ.
25Tâkhni miṭiʹ âdmi hiʹketeʹ menkede, "Anjompe, Je âdmiko apete jelkhanare maleʹkoape angkodo Mundirre tengoketeʹ âdmiko cetʹokokanako." 26Tâkhni marang horeiʹte âni saoren kormocâriko engeketeʹ preritko sabketeʹ âgukeʹkoako. Kheʹ âdmikote angko horeiʹko dirite capat darekoako ana botorte angko preritko cetanre bang jobordostiledako.
27Tayomte angkote preritko âguketeʹ bâisi samnere tengokeʹkoako. Tâkhni marang purohitte preritko kulikeʹkoe, 28"Alete ape Jisuoaʹ bisoite cetʹaʹ bang makolaʹte kâṭhin hukum maleʹpeyale, kheʹ goṭa Jirusalemren sanamkhoiʹgi apete cetʹkokanape ar Âni âdmiaʹ meyom laʹte ale dusilelaʹ namdape."
29Tâkhni Pitor ar eṭaʹ preritko menkedako, "Âdmikoaʹ hukum palon khoiʹ borong Issoraʹ hukumgi aboaʹ palonaʹ ucit. 30Eke apete kurusre ṭangoketeʹ goiʹlidiape aleren laharen âdmiren Issorte Âni Jisugi goiʹkhoiʹ jiuitʹ beretʹkâdie. 31Issorte Ânigi sasoniʹ ar bacokoiyiʹ hisâbte nijeyaʹ jojma hate duruʹaʹ jaga makâdie, jate Ânite Israyelkoaʹ pap khoiʹ mon âcurketeʹ papnaʹ map ma darekoe. 32Ale niâko sanam bisoinaʹ sâkkhikanale ar jeko Issoraʹ baddhoʹako, Issorte angko je Pobitro Atta dan hisâbte makaʹkoe Âni pobitro attaho ananaʹ sâkkhikane."
33Niâ katha atenketeʹ angko bâisiren netako aima edrengenako ar preritko goiʹgirikolaʹ namkedako. 34Kheʹ Gomliel numte miṭiʹ Forisi sobha talare beretʹketeʹ tengone. Âni miṭiʹ dhormo guru tahalene ar sanamkhoiʹte ânido sonmaneisanako. Ânite preritko miʹghâṛiʹ laʹte barhere dohokolaʹ hukum makeʹkoe. 35Niâ tayom ânite marang sobharen âdmiko metakeʹkoe, "Israyelko, neko âdmiko cetanre ape itâʹ rikilaʹ caʹkanape ana bisoite sabdhanoʹpe. 36Thoṛa din lahare Thuda nutumte miṭiʹ âdmi hiʹketeʹ nije marang mente dâbiʹsane, kombisi ponso laka âdmi âni saote salaʹlenako. Ânido goiʹgiri hokana ar âniren gateko pasnongekanako. Ekegi bang tahalenako. 37Niâtayom âdmi gunuko somai Gâlilren Jihuda hiʹketeʹ thoṛa âdmi âniaʹ dolre ṭanoleʹkoe. Tayomte âniho goiʹkane, ar âniren gatekoho sanam pasnokanako. 38Nito ingte ape metapekâning, ape neko âdmiko cetanre itâʹgi alo rikiape. Neko âdmiko bâgigirikope, karon nekoaʹ uddesso ar kâmiko judi âdmi khoiʹ hoʹa tahale ana dongsohaʹ. 39Kheʹ judi Issorṭheʹ khoiʹ hoʹa tahale ape neko bang thamo darekoape. Hoito lelpehaʹ ape Issoraʹ biruddhore lâṛhâioʹkanape."
Tâkhni angkote Gomolielaʹ kathate miʹmotʹnako. 40Preritko bhitrire ṭâhu âguketeʹ hapate dalkolaʹ hukum makeʹkoako. Niâ tayom angkote hukum maketeʹ bâgikeʹkoako jate angko Jisuoaʹ bisoite jahan katha bang menako. 41Preritko hub saote marang sobha khoiʹ cagenako, karon Jisu laʹte je opoman saholedako anate Issorte angko joggo mente moneledako. 42Angko dinâm din Mundir ar oraʹ oraʹre caketeʹ cetʹokotigi tahanako ar Jisugi je Khrisṭokane niâ manja khobor procartigi tahanako.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh