Preritʹ 11
11
Pitordo aiaʹ kâmi somporke Jirusalem monḍolire menkede
1Ojihudikoho je Issoraʹ kathare pâtyukanako ana katha preritko ar sanam Jihudiâren pâtyu boihako atenkedako. 2Kheʹ Pitor jâkhni Jirusalemre hiʹne, tâkhni angko pâtyuonkhoiʹ talare ekekoaʹ sunnot rikâ holentakoa angkote Âni dos maketeʹ menkedako, 3Amdo begor sunnotonkhoiʹ âdmikoaʹ oraʹre caketeʹ angko suliʹ jom nukadam."
4Kheʹ tâkhni Pitorte palhe khoiʹ ehopketeʹ akako ghoṭolena ana miṭiʹ miṭiʹte bujhuketeʹ menkede, 5"Ingdo Jafo sohorre koijongsâning, ana somai dudrum obosthare miṭiʹ dorson namkiding. Ingdo lelkiding marang cadra laka miṭiʹ jinis pon kona sapketeʹ serma khoiʹ ingṭheʹ agrodako. 6Ingdo manjate koyoʹketeʹ lelkiding ana talare dhârtiren pon janga janoar ar birren janoar, koramte daraniʹ janoarko ar sermaren cereko menaʹkoa. 7Ar ingdo miṭiʹ gala aten namkiding, 'Pitor, beretop, goiʹketeʹ jomkom.'
8"Kheʹ ingdo menkiding, Probhu, niâlaka bang hoʹman. Binsâfâ ar chutʹ akaṭaʹho ingdo bang jomkâding.'
9"Kheʹ sorgo khoiʹ dosar jhikâ na katha men hona, 'Issor akaṭaʹ sâfâkade anado amdo alo chutʹ metaʹam.'
10"Analakagi pe jhikâ hona, natayom sanamaʹgi arho sermare rakapngena. 11"Ar ingdo aka oraʹre tahekâning aṛe tâkhnigi peya korahopon hiʹketeʹ tengonako. Angkodo Koisoriâ khoiʹ kol holena. 12Tâkhni Pobitro Attate ing begor sondehote angko suliʹ caʹlaʹ metakidinge. Nako choṭeʹ pâtyuoniʹ boihaho ing suliʹ canako. Natayom aledo âni âdmiaʹ oraʹ bolonale eketedo ing ṭâhulidinge. 13Âni miṭiʹ sorgodutte akalakaketeʹ âniaʹ oraʹre lelkidie ana aleṭheʹ lâikede. Âni sorgodutte âni metalidie, Jafore âdmi kolketeʹ Simon ṭâhu âgui, ekeyaʹ ar miṭiʹ nutumdo Pitorkantaia. 14Âni amṭheʹ aka katha mene ana katha laʹte am ar amren poribarniʹ sanam âdmi pap khoiʹ bacoʹape.'
15"Natayom ingdo katha lor ehop lekheʹ angko cetanreho Pobitro Atta hiʹlene, jemon abo cetanre palhere holena. 16Tâkhni Probhu akaṭaʹ menlede ana katha ing disâkiding, 'Johonte daʹre bâptisma makosane, kheʹ apeyaʹ bâptisma hoʹa Pobitro Attate.' 17Analaʹte Probhu Jisu Khrisṭoaʹ cetanre pâtyu lenkheʹ Issorte abo akaṭaʹ soman dan maleʹboe ana miʹlakanaʹ dan jâkhni ânite angkoho maʹkoe tâkhni ingdo ekekâning je, Issor badha maing?"
18Nako sanam katha atenketeʹ angko miʹghâṛiʹ thirgi tahenako ar Issoraʹ gourobketeʹ menkedako, "Tahale Issor Ojihudi âdmikoaʹ jiui laʹte mon âcurnaʹ sujog makaʹkoe.
Antiokhiânaʹ monḍoli
19Isṭifanaʹ goiʹ talate pâtyuonkhoiʹ cetanre aka ottacar holena, ana laʹte sanamkhoiʹ Jirusalem khoiʹ câryunakha pasnonako, angko foinikiâ, Saipras ar Siriâ disâmnaʹ Antiokhiâ dhâbiʹ caketeʹ kebol Jihudikoṭheʹgi Issoraʹ katha menkedako. 20Kheʹ angko talare koekṭeʹ Antiokhiâre caketeʹ Grik bhasate katha lor Jihudi ar Ojihudi âdmikoṭheʹho Probhu Jisuoaʹ bisoite manja khobor procarlaʹ lagonako. Nako tahalenako Saiprasnaʹ dipren ar Kurini sohorren âdmi. 21Issoraʹ sukti angko cetanre tahalena mente aima ḍher âdmi Probhu cetanre pâtyuketeʹ Âniṭheʹ âcurhiʹnako.
22Niâ khobor jâkhni Jirusalem monḍoliren pâtyuoniʹ âdmiaʹ luturre cana tâkhnigi angkote Barnaba Antiokhiâre kolkidiako. 23Issor akalakaketeʹ Antiokhiâren âdmiko dayakaʹkoe Barnaba hiʹketeʹ ana lelketeʹ aima hubne. Angko jate goṭa ontorte Probhuṭheʹ pâtyu tahanako analaʹte ânite sanamkhoiʹ hub makolaʹ lagone. 24Ceklaʹbang Barnabado miṭiʹ manja âdmi tahalene ar Pobitro Attate ar pâtyure puru tahalene. Tâkhni aima âdmi Probhure pâtyunako.
25Natayom Barnabado Sol sendrailaʹte Tarso sohorre cane, 26ar âni sendra namketeʹ Antiokhiâre âgukidie. Barnaba ar Sol miʹ bochor dhâbiʹ monḍoliren âdmiko suliʹ miluketeʹ aima âdmi cetʹaʹ maʹkoakin. Antiokhiârigi Khrisṭoren pâtyu celakogi Khrisṭan nutumte palhe ṭâhu hona.
27Ana somai koekṭeʹ nâbi Jirusalem khoiʹ Antiokhiâre hiʹnako. 28Angko talaren Agab nutumniʹ miṭiʹ âdmi tengone ar Pobitro Attaoaʹ âyurte menkede je, sanam dhârtire miṭiʹ marang durbhikko hoʹhaʹ. (Nado Romren raja Klaudiusaʹ somai hoʹhaʹ) 29Tâkhni celako ṭhikkedako, Jihudiâ prodisâmren pâtyu boihako gorokolaʹte angko sanamkhoiʹ nijeyaʹ samortho laka ṭhep kolako. 30Ar Angko ana rikâledako. Angkote Barnaba ar Solaʹ tire Jihudiânaʹ monḍolikoren harme netakoṭheʹ ana goro kolkedako.
Currently Selected:
Preritʹ 11: EKL
Highlight
Copy
Compare
Share
Want to have your highlights saved across all your devices? Sign up or sign in
©️2025 Bible Students Fellowship of Bangladesh
