Rô-ma 8
8
Gruk diup birau dalam Pô Nưbi Ginrơh
1Ywa nan ka urak ni, dôm urang dok dalam Dê Krist Yê-su mưca ôh gok padok glaic vơk, 2kaywa adat Pô Nưbi Ginrơh gruk diup dalam Dê Krist Yê-su krung hu lơh taleh ayut#8:2 ayut: Dalam tha thanôn blah vak tangin nạn dahlak; dalam tha thanôn blah vak tangin pakan nạn khol drei. truh di adat danuh glaic thong gruk mưtai. 3Kaywa kabha haget hakum jakar ôh mưda ngak bihu kaywa rilo darah ngak ka kre min Pô Lingik krung hu ngak bloh pajơ: Bhô krung hu pachai êng Anưk Bhô bak mưk rilo darah danuh glaic piêh lang padah danuh glaic; Bhô krung hu padok an danuh glaic di dalam rilo darah bloh, 4piêh gruk kahanôt bloh hakum jakar đôk mưk bihu ka tal abih dalam khol drei, nạn dôm urang ôh dok dang tui rilo darah, min dok dang tui Pô Nưbi Ginrơh. 5Biak rei, dôm urang diup tui rilo darah yơ patom mat tamư dôm bruk bha di rilo darah; dok urang diup tui Pô Nưbi Ginrơh yơ patom mat tamư dôm bruk bha di Pô Nưbi Ginrơh. 6Patom mat tamư rilo darah pajiơng tabiak gruk mưtai, dok patom mat tamư Pô Nưbi Ginrơh pajiơng tabiak gruk diup thong thug siam; 7kaywa mat ar patui rilo darah yơ ra thutruh thong Pô Lingik, kaywa nhu ôh halar tui hakum jakar Pô Lingik; biak nao, nhu ôh mưda halar tui. 8Urang halei dok dalam rilo darah ôh mưda ngak bui tian Pô Lingik.
9Min mưyah Nưbi Ginrơh Pô Lingik biak biai dok dalam dei ai yơ dei ai ôh dok dalam rilo darah, min dok dalam Pô Nưbi Ginrơh; thei ôh hu Pô Nưbi Ginrơh anưd Dê Krist yơ urang nan ôh bha di Bhô. 10Min mưyah Dê Krist dok dalam dei ai yơ kanê rup pabhap dei ai mưtai kaywa di danuh glaic, mat xwan dei ai jang diup nhơ di gruk kahanôt.#8:10 mat xwan dei ai jang diup nhơ di gruk kahanôt: Ngan nạn Pô Nưbi Ginrơh nạn gruk diup ka dei ai, kaywa gruk kahanôt. 11#I Kô 3:16.Mưyah Pô Nưbi Ginrơh anưd Dê krung hu ngak ka Pô Yê-su diup vơk mưng lôg mưtai dok dalam dei ai, yơ Dê krung hu ngak ka Dê Krist diup vơk mưng lôg mưtai mưca lijang nhơ di Pô Nưbi Ginrơh anưd Bhô krưh dok dalam dei ai bloh ƀai brei gruk diup ka rup pabhap mưtai anưd dei ai.
12Pathau dei ai, khol drei ôh tavak thre di rilo darah piêh diup tui rilo darah. 13Mưyah dei ai diup tui rilo darah yơ xang mưtai; min mưyah dei ai nhơ di Pô Nưbi Ginrơh ngak ka mưtai bruk anưd rup pabhap yơ dei ai mưca diup. 14Kaywa dôm urang halei bihu Nưbi Ginrơh Pô Lingik ariêng ba jang nạn anưk bik Pô Lingik. 15#Ga 4:5-7.#Mag 14:36; Ga 4:6.Biak rei, dei ai krung hu ôh tôk mưk mưnơix ngak halun kloh piêh kưk diup dalam gruk thur mưk, min krung hu tôk mưk mưnơix ngak anưk rong,#8:15 ngak anưk rong: Mưnuix bihu tôk ngak anưk hu abih kayom hanim drơh yau anưk jiơng. bloh nhơ di nan, khol drei iêu laic: “A-ba#8:15 A-ba: Dalam xap A-ram ar nạn Amư. ! Amư!” 16Êng Pô Nưbi Ginrơh ngak kaxan thong mat xwan khol drei laic khol drei nạn anưk bik Pô Lingik. 17Mưyah nạn anưk bik yơ khol drei lijang nạn mưnuix mưvarih, nạn mưnuix mưvarih Pô Lingik, lijang nạn mưnuix mưvarih thong Dê Krist; mưyah khol drei biak biai thubik ciup raƀah thong Bhô yơ mưca khol drei mưca bihu xêh mưlang thong Bhô.
Boh pachôm anưd anưk bik Pô Lingik
18Dahlak xanưng laic dôm pađik raƀah urak ni ôh đang pacoh thong xêh mưlang harei hadei mưca bihu sahadah ka khol drei. 19Kaywa rim pakar tatang tiak, jamji dok mong akok gruk bhat tabiak anưd anưk bik Pô Lingik. 20Rim pakar krung hu gok tôk patui gruk klāk thoh, ôh njaup êng gimnit, min kaywa Dê ưng khol nhu tôk patui, thong pachôm laic 21êng rim pakar bloh sani lijang mưca bihu lơh taleh truh di than halun kloh ka gruk pao tayah, piêh harung liêng gruk salalah dalam xêh mưlang anưd anưk bik Pô Lingik. 22Kaywa khol drei thau laic abih pakar bwak jang patak parai thong pađik pađwa ka tal harei ni; 23#II Kô 5:2-4.ô kan rim pakar bloh bih khol drei nạn dôm urang hu Pô Nưbi Ginrơh nạn boh kacwa, lijang patak parai dalam tian dok krưh tuk mong akok bihu ngak anưk rong,#8:23 bihu ngak anưk rong: Dalam tha thanôn blah vak tangin ôh hu dôm akhar ni. nạn gruk dong tabuh rup pabhap khol drei. 24Dalam gruk pachôm nan, khol drei bihu dong paklah. Min tuk krung hu ƀôh kabha drei pachôm bloh yơ ôh dok nạn pachôm vơk. Kaywa thei gilaic pachôm#8:24 pachôm: Dalam tha thanôn blah vak tangin nạn mong akok. tamư kabha drei krung hu ƀôh? 25Min mưyah padok pachôm tamư kabha drei ôh ƀôh yơ khol drei kưk mưrat hatai cang mong kabha nan. 26Lijang yau nan, Pô Nưbi Ginrơh pajup gruk kre khol drei, kaywa khol drei ôh thau xang lang kar kabha haget ka njaup, min êng Pô Nưbi Ginrơh angui dôm gruk hanuk yava ôh mưda panưh mưng panôic bloh lang kar kala ka khol drei. 27Dê thôi ƀôi tian mưnuix, thau pajip thangka anưd Pô Nưbi Ginrơh, kaywa Pô Nưbi Ginrơh tui bathar Pô Lingik bloh lang kar kala ka dôm xêh nưbi.
28Khol drei thau laic abih gruk ginum vơk ngak hanim ka dôm urang halei anit ranam Pô Lingik,#8:28 abih gruk ginum vơk ngak hanim ka dôm urang halei anit ranam Pô Lingik: Dalam tha thanôn blah vak tangin nạn Pô Lingik pagam abih gruk vơk ngak hanim ka dôm urang halei anit ranam Bhô. ar nạn ka dôm urang bihu iêu tui jamal paya Bhô. 29Kaywa dôm urang Bhô krung hu thau dahlau yơ Bhô lijang jarô thudia ka khol nhu gilaic jiơng drơh yau thek binguk Anưk Pô, piêh ka Anưk nan bihu ngak anưk kacwa dalam ralô dei ai. 30Dok dôm urang Bhô krung hu jarô thudia yơ Bhô lijang krung hu iêu, dôm urang Bhô krung hu iêu yơ Bhô lijang krung hu mong yau kahanôt, thong dôm urang Bhô krung hu mong yau kahanôt yơ Bhô lijang krung hu ngak ka xêh mưlang.
Rumư Pô Lingik dalam Pô Yê-su Krist
31Yau nan, mưca khol drei đôm haget ka dôm bruk ni? Mưyah Pô Lingik dang gah khol drei dok thei pagan gađi thong khol drei? 32Pô krung hu ôh damưn êng Anưk drei, min kaywa abih khol drei bloh jao Anưk nan, yơ Bhô gilaic ôh ƀai brei abih gruk thubik thong Anưk nan ka khol drei ô? 33Mưca thei yak ƀak dôm urang bihu Pô Lingik cwah rwah tuk Pô Lingik nạn Dê mong yau kahanôt ka dôm urang nan? 34Thei nạn mưnuix padok an khol nhu di tuk Dê Krist Yê-su nạn Dê krung hu mưtai thong lijang krung hu diup vơk, Dê krưh dok gah hanuk Pô Lingik thong lang kar kala ka khol drei? 35Mưca thei klah nưh khol drei truh di tiak anit ranam anưd Dê Krist? Hu njaup rijan, raƀi raƀưp, phak pabrai, ơk lipa, mưlun pun, ajandi, ngan đao padak halei? 36Yau hu panôic vak:
“Kaywa di Pô bloh khol drei gok pamưtai yāup harei;
Khol drei gok mong yau pabo ba nao ngak rilo.”
37Gilaic vơk, dalam dôm gruk nan khol drei nhơ di Dê anit ranam drei bloh jaiyak abih. 38Kaywa dahlak thau kajap laic kanê gruk mưtai, gruk diup, dôm umat, abih pakat pan gon, gruk urak ni, gruk harei hadei, abih xagti, 39atha glong, atha jalam, ngan tha pakar bwak halei lijang ôh mưda klah nưh khol drei truh di tiak anit ranam Pô Lingik dalam Dê Krist Yê-su, Pô khol drei.
Currently Selected:
Rô-ma 8: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Rô-ma 8
8
Gruk diup birau dalam Pô Nưbi Ginrơh
1Ywa nan ka urak ni, dôm urang dok dalam Dê Krist Yê-su mưca ôh gok padok glaic vơk, 2kaywa adat Pô Nưbi Ginrơh gruk diup dalam Dê Krist Yê-su krung hu lơh taleh ayut#8:2 ayut: Dalam tha thanôn blah vak tangin nạn dahlak; dalam tha thanôn blah vak tangin pakan nạn khol drei. truh di adat danuh glaic thong gruk mưtai. 3Kaywa kabha haget hakum jakar ôh mưda ngak bihu kaywa rilo darah ngak ka kre min Pô Lingik krung hu ngak bloh pajơ: Bhô krung hu pachai êng Anưk Bhô bak mưk rilo darah danuh glaic piêh lang padah danuh glaic; Bhô krung hu padok an danuh glaic di dalam rilo darah bloh, 4piêh gruk kahanôt bloh hakum jakar đôk mưk bihu ka tal abih dalam khol drei, nạn dôm urang ôh dok dang tui rilo darah, min dok dang tui Pô Nưbi Ginrơh. 5Biak rei, dôm urang diup tui rilo darah yơ patom mat tamư dôm bruk bha di rilo darah; dok urang diup tui Pô Nưbi Ginrơh yơ patom mat tamư dôm bruk bha di Pô Nưbi Ginrơh. 6Patom mat tamư rilo darah pajiơng tabiak gruk mưtai, dok patom mat tamư Pô Nưbi Ginrơh pajiơng tabiak gruk diup thong thug siam; 7kaywa mat ar patui rilo darah yơ ra thutruh thong Pô Lingik, kaywa nhu ôh halar tui hakum jakar Pô Lingik; biak nao, nhu ôh mưda halar tui. 8Urang halei dok dalam rilo darah ôh mưda ngak bui tian Pô Lingik.
9Min mưyah Nưbi Ginrơh Pô Lingik biak biai dok dalam dei ai yơ dei ai ôh dok dalam rilo darah, min dok dalam Pô Nưbi Ginrơh; thei ôh hu Pô Nưbi Ginrơh anưd Dê Krist yơ urang nan ôh bha di Bhô. 10Min mưyah Dê Krist dok dalam dei ai yơ kanê rup pabhap dei ai mưtai kaywa di danuh glaic, mat xwan dei ai jang diup nhơ di gruk kahanôt.#8:10 mat xwan dei ai jang diup nhơ di gruk kahanôt: Ngan nạn Pô Nưbi Ginrơh nạn gruk diup ka dei ai, kaywa gruk kahanôt. 11#I Kô 3:16.Mưyah Pô Nưbi Ginrơh anưd Dê krung hu ngak ka Pô Yê-su diup vơk mưng lôg mưtai dok dalam dei ai, yơ Dê krung hu ngak ka Dê Krist diup vơk mưng lôg mưtai mưca lijang nhơ di Pô Nưbi Ginrơh anưd Bhô krưh dok dalam dei ai bloh ƀai brei gruk diup ka rup pabhap mưtai anưd dei ai.
12Pathau dei ai, khol drei ôh tavak thre di rilo darah piêh diup tui rilo darah. 13Mưyah dei ai diup tui rilo darah yơ xang mưtai; min mưyah dei ai nhơ di Pô Nưbi Ginrơh ngak ka mưtai bruk anưd rup pabhap yơ dei ai mưca diup. 14Kaywa dôm urang halei bihu Nưbi Ginrơh Pô Lingik ariêng ba jang nạn anưk bik Pô Lingik. 15#Ga 4:5-7.#Mag 14:36; Ga 4:6.Biak rei, dei ai krung hu ôh tôk mưk mưnơix ngak halun kloh piêh kưk diup dalam gruk thur mưk, min krung hu tôk mưk mưnơix ngak anưk rong,#8:15 ngak anưk rong: Mưnuix bihu tôk ngak anưk hu abih kayom hanim drơh yau anưk jiơng. bloh nhơ di nan, khol drei iêu laic: “A-ba#8:15 A-ba: Dalam xap A-ram ar nạn Amư. ! Amư!” 16Êng Pô Nưbi Ginrơh ngak kaxan thong mat xwan khol drei laic khol drei nạn anưk bik Pô Lingik. 17Mưyah nạn anưk bik yơ khol drei lijang nạn mưnuix mưvarih, nạn mưnuix mưvarih Pô Lingik, lijang nạn mưnuix mưvarih thong Dê Krist; mưyah khol drei biak biai thubik ciup raƀah thong Bhô yơ mưca khol drei mưca bihu xêh mưlang thong Bhô.
Boh pachôm anưd anưk bik Pô Lingik
18Dahlak xanưng laic dôm pađik raƀah urak ni ôh đang pacoh thong xêh mưlang harei hadei mưca bihu sahadah ka khol drei. 19Kaywa rim pakar tatang tiak, jamji dok mong akok gruk bhat tabiak anưd anưk bik Pô Lingik. 20Rim pakar krung hu gok tôk patui gruk klāk thoh, ôh njaup êng gimnit, min kaywa Dê ưng khol nhu tôk patui, thong pachôm laic 21êng rim pakar bloh sani lijang mưca bihu lơh taleh truh di than halun kloh ka gruk pao tayah, piêh harung liêng gruk salalah dalam xêh mưlang anưd anưk bik Pô Lingik. 22Kaywa khol drei thau laic abih pakar bwak jang patak parai thong pađik pađwa ka tal harei ni; 23#II Kô 5:2-4.ô kan rim pakar bloh bih khol drei nạn dôm urang hu Pô Nưbi Ginrơh nạn boh kacwa, lijang patak parai dalam tian dok krưh tuk mong akok bihu ngak anưk rong,#8:23 bihu ngak anưk rong: Dalam tha thanôn blah vak tangin ôh hu dôm akhar ni. nạn gruk dong tabuh rup pabhap khol drei. 24Dalam gruk pachôm nan, khol drei bihu dong paklah. Min tuk krung hu ƀôh kabha drei pachôm bloh yơ ôh dok nạn pachôm vơk. Kaywa thei gilaic pachôm#8:24 pachôm: Dalam tha thanôn blah vak tangin nạn mong akok. tamư kabha drei krung hu ƀôh? 25Min mưyah padok pachôm tamư kabha drei ôh ƀôh yơ khol drei kưk mưrat hatai cang mong kabha nan. 26Lijang yau nan, Pô Nưbi Ginrơh pajup gruk kre khol drei, kaywa khol drei ôh thau xang lang kar kabha haget ka njaup, min êng Pô Nưbi Ginrơh angui dôm gruk hanuk yava ôh mưda panưh mưng panôic bloh lang kar kala ka khol drei. 27Dê thôi ƀôi tian mưnuix, thau pajip thangka anưd Pô Nưbi Ginrơh, kaywa Pô Nưbi Ginrơh tui bathar Pô Lingik bloh lang kar kala ka dôm xêh nưbi.
28Khol drei thau laic abih gruk ginum vơk ngak hanim ka dôm urang halei anit ranam Pô Lingik,#8:28 abih gruk ginum vơk ngak hanim ka dôm urang halei anit ranam Pô Lingik: Dalam tha thanôn blah vak tangin nạn Pô Lingik pagam abih gruk vơk ngak hanim ka dôm urang halei anit ranam Bhô. ar nạn ka dôm urang bihu iêu tui jamal paya Bhô. 29Kaywa dôm urang Bhô krung hu thau dahlau yơ Bhô lijang jarô thudia ka khol nhu gilaic jiơng drơh yau thek binguk Anưk Pô, piêh ka Anưk nan bihu ngak anưk kacwa dalam ralô dei ai. 30Dok dôm urang Bhô krung hu jarô thudia yơ Bhô lijang krung hu iêu, dôm urang Bhô krung hu iêu yơ Bhô lijang krung hu mong yau kahanôt, thong dôm urang Bhô krung hu mong yau kahanôt yơ Bhô lijang krung hu ngak ka xêh mưlang.
Rumư Pô Lingik dalam Pô Yê-su Krist
31Yau nan, mưca khol drei đôm haget ka dôm bruk ni? Mưyah Pô Lingik dang gah khol drei dok thei pagan gađi thong khol drei? 32Pô krung hu ôh damưn êng Anưk drei, min kaywa abih khol drei bloh jao Anưk nan, yơ Bhô gilaic ôh ƀai brei abih gruk thubik thong Anưk nan ka khol drei ô? 33Mưca thei yak ƀak dôm urang bihu Pô Lingik cwah rwah tuk Pô Lingik nạn Dê mong yau kahanôt ka dôm urang nan? 34Thei nạn mưnuix padok an khol nhu di tuk Dê Krist Yê-su nạn Dê krung hu mưtai thong lijang krung hu diup vơk, Dê krưh dok gah hanuk Pô Lingik thong lang kar kala ka khol drei? 35Mưca thei klah nưh khol drei truh di tiak anit ranam anưd Dê Krist? Hu njaup rijan, raƀi raƀưp, phak pabrai, ơk lipa, mưlun pun, ajandi, ngan đao padak halei? 36Yau hu panôic vak:
“Kaywa di Pô bloh khol drei gok pamưtai yāup harei;
Khol drei gok mong yau pabo ba nao ngak rilo.”
37Gilaic vơk, dalam dôm gruk nan khol drei nhơ di Dê anit ranam drei bloh jaiyak abih. 38Kaywa dahlak thau kajap laic kanê gruk mưtai, gruk diup, dôm umat, abih pakat pan gon, gruk urak ni, gruk harei hadei, abih xagti, 39atha glong, atha jalam, ngan tha pakar bwak halei lijang ôh mưda klah nưh khol drei truh di tiak anit ranam Pô Lingik dalam Dê Krist Yê-su, Pô khol drei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.