Rô-ma 7
7
Lơh taleh truh di hakum jakar
1Pathau dei ai – dahlak đôm thong dôm urang thau hakum jakar – dei ai ôh thau laic hakum jakar yom pakrang mưnuix urang dalam tuk khol nhu dok diup thoh min? 2Ywa nan ka, tha urang kamei hu pathang, phak pathang dok diup dô halei yơ urang kamei nan dok gok hakum jakar jiang ikak xang dok thong pathang dô nan; min mưyah pathang mưtai yơ urang nan ôh dok gok hakum jakar drang ikak thong pathang vơk. 3Yau nan, mưyah krưh dok tuk pathang dok diup bloh hadiup nao khing likei pakan yơ mưca gok iêu nạn kamei ƀang glai mưtah. Min mưyah pathang mưtai, urang hadiup bihu lơh taleh truh di hakum jakar, mưyah hu khing ra likei pakan lijang ôh njaup nạn urang kamei ƀang glai mưtah. 4Lijang yau nan, pathau dei ai dahlak, nhơ di rup pabhap Dê Krist bloh dei ai krung hu mưtai ka hakum jakar thong mưni bha di urang pakan, nạn Dê krung hu diup vơk mưng lôg mưtai piêh ka khol drei athal jiơng ka Pô Lingik. 5Tuk khol drei dok diup dalam rilo darah, dôm ragơh tathrưg di danuh glaic tapa hakum jakar, angak dalam mani khol drei piêh hu athal jiơng ka gruk mưtai. 6Min urak ni khol drei krung bihu klah truh di hakum jakar, mưtai bloh jom thong kabha krung hu jam karơk khol drei, piêh khol drei ragxa tui ganap birau anưd Pô Nưbi Ginrơh, mih ôh tui ganap klak anưd boh akhar vơk.
Danuh glaic thong hakum jakar
7Yau nan mưca khol drei đôm yau habar? Hakum jakar nạn danuh glaic habar? Ôh bik yau nan! Min mưyah ôh nhơ di hakum jakar yơ dahlak ôh thau tal danuh glaic. Mưyah hakum jakar ôh đôm: “Hư jôi tathrưg lagơh” yơ dahlak krung hu ôh thau tathrưg lagơh nạn haget. 8Min danuh glaic krung hu pan mưk barat dalam vahi, kơh tagôk dalam dahlak tal dôm rim paka ragơh tathrưg, kaywa ôh hu hakum jakar yơ danuh glaic mưtai. 9Dahlau dêh, ôh hu hakum jakar yơ dahlak diup; min tuk hu vahi yơ danuh glaic gilaic diup, 10dok dahlak yơ mưtai; dêh ô vahi ba gruk diup mưrai ka dahlak gilaic ba dahlak tal gruk mưtai. 11Kaywa danuh glaic pan mưk barat, angui vahi palwô pagat dahlak thong kaywa nan pamưtai dahlak. 12Nan yơ, hakum jakar nạn likam, vahi lijang nạn likam, kahanôt, thong siam mưkrư.
13Yau nan, hu njaup kabha siam mưkrư ba gruk mưtai mưrai ka dahlak halei? Ôh bik yau nan! Min nan nạn danuh glaic krung hu angui kabha siam mưkrư ngak ka dahlak mưtai, piêh athar biak anưd danuh glaic bihu parang tabiak, thong tapa vahi, danuh glaic gilaic hajiơng harơh utan jhak.
Binhôr mưthuh dalam mat ar
14Khol drei thau laic hakum jakar mưrai mưng Pô Lingik, min dahlak nạn mưnuix rilo darah krung hu gok pablei ka danuh glaic. 15#Ga 5:17.Dahlak ôh thau kabha drei ngak. Kaywa dahlak ôh ngak kabha drei ưng bloh gilaic ngak kabha drei limuk. 16Min mưyah dahlak ngak kabha drei ôh ưng yơ dahlak pakrưn hakum jakar nạn siam mưkrư. 17Kal nan ôh njaup dahlak ngak kabha nan vơk, min êng danuh glaic dok dalam dahlak. 18Kaywa dahlak thau laic kabha siam ôh dok dalam dahlak, ar nạn dalam rilo darah dahlak. Dahlak hu gimnit ưng ngak kabha siam, min dahlak ôh mưda ngak nôi. 19Kaywa dahlak ôh ngak kabha siam drei ưng, bloh gilaic ngak kabha ag drei ôh ưng. 20Mưyah dahlak ngak kabha drei ôh ưng yơ ôh njaup nạn dahlak, bloh êng danuh glaic dalam dahlak ngak kabha nan.
21Ywa nan ka, dahlak dwah ƀôh adat ni: Tuk dahlak ưng ngak kabha siam yơ kabha ag gavei tui dahlak. 22Kaywa dalam mưta hatai, dahlak biak bui takrư hakum jakar Pô Lingik, 23min dahlak ganơh thau dalam mani dahlak hu tha adat pakan mưthuh gaup thong adat dalam mat ar dahlak, mưk dahlak xang ngak radanuh ka adat anưd danuh glaic, nạn adat dok dalam mani dahlak. 24Lihin din ka dahlak! Mưca thei dong paklah dahlak truh di rup pabhap mưtai ni. 25Đwa karun Pô Lingik, nhơ di Pô Yê-su Krist, nạn Pô khol drei! Yau nan, êng dahlak angui mat ar drei halar tui hakum jakar Pô Lingik, min mưk rilo darah drei halar tui adat anưd danuh glaic.
Currently Selected:
Rô-ma 7: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Rô-ma 7
7
Lơh taleh truh di hakum jakar
1Pathau dei ai – dahlak đôm thong dôm urang thau hakum jakar – dei ai ôh thau laic hakum jakar yom pakrang mưnuix urang dalam tuk khol nhu dok diup thoh min? 2Ywa nan ka, tha urang kamei hu pathang, phak pathang dok diup dô halei yơ urang kamei nan dok gok hakum jakar jiang ikak xang dok thong pathang dô nan; min mưyah pathang mưtai yơ urang nan ôh dok gok hakum jakar drang ikak thong pathang vơk. 3Yau nan, mưyah krưh dok tuk pathang dok diup bloh hadiup nao khing likei pakan yơ mưca gok iêu nạn kamei ƀang glai mưtah. Min mưyah pathang mưtai, urang hadiup bihu lơh taleh truh di hakum jakar, mưyah hu khing ra likei pakan lijang ôh njaup nạn urang kamei ƀang glai mưtah. 4Lijang yau nan, pathau dei ai dahlak, nhơ di rup pabhap Dê Krist bloh dei ai krung hu mưtai ka hakum jakar thong mưni bha di urang pakan, nạn Dê krung hu diup vơk mưng lôg mưtai piêh ka khol drei athal jiơng ka Pô Lingik. 5Tuk khol drei dok diup dalam rilo darah, dôm ragơh tathrưg di danuh glaic tapa hakum jakar, angak dalam mani khol drei piêh hu athal jiơng ka gruk mưtai. 6Min urak ni khol drei krung bihu klah truh di hakum jakar, mưtai bloh jom thong kabha krung hu jam karơk khol drei, piêh khol drei ragxa tui ganap birau anưd Pô Nưbi Ginrơh, mih ôh tui ganap klak anưd boh akhar vơk.
Danuh glaic thong hakum jakar
7Yau nan mưca khol drei đôm yau habar? Hakum jakar nạn danuh glaic habar? Ôh bik yau nan! Min mưyah ôh nhơ di hakum jakar yơ dahlak ôh thau tal danuh glaic. Mưyah hakum jakar ôh đôm: “Hư jôi tathrưg lagơh” yơ dahlak krung hu ôh thau tathrưg lagơh nạn haget. 8Min danuh glaic krung hu pan mưk barat dalam vahi, kơh tagôk dalam dahlak tal dôm rim paka ragơh tathrưg, kaywa ôh hu hakum jakar yơ danuh glaic mưtai. 9Dahlau dêh, ôh hu hakum jakar yơ dahlak diup; min tuk hu vahi yơ danuh glaic gilaic diup, 10dok dahlak yơ mưtai; dêh ô vahi ba gruk diup mưrai ka dahlak gilaic ba dahlak tal gruk mưtai. 11Kaywa danuh glaic pan mưk barat, angui vahi palwô pagat dahlak thong kaywa nan pamưtai dahlak. 12Nan yơ, hakum jakar nạn likam, vahi lijang nạn likam, kahanôt, thong siam mưkrư.
13Yau nan, hu njaup kabha siam mưkrư ba gruk mưtai mưrai ka dahlak halei? Ôh bik yau nan! Min nan nạn danuh glaic krung hu angui kabha siam mưkrư ngak ka dahlak mưtai, piêh athar biak anưd danuh glaic bihu parang tabiak, thong tapa vahi, danuh glaic gilaic hajiơng harơh utan jhak.
Binhôr mưthuh dalam mat ar
14Khol drei thau laic hakum jakar mưrai mưng Pô Lingik, min dahlak nạn mưnuix rilo darah krung hu gok pablei ka danuh glaic. 15#Ga 5:17.Dahlak ôh thau kabha drei ngak. Kaywa dahlak ôh ngak kabha drei ưng bloh gilaic ngak kabha drei limuk. 16Min mưyah dahlak ngak kabha drei ôh ưng yơ dahlak pakrưn hakum jakar nạn siam mưkrư. 17Kal nan ôh njaup dahlak ngak kabha nan vơk, min êng danuh glaic dok dalam dahlak. 18Kaywa dahlak thau laic kabha siam ôh dok dalam dahlak, ar nạn dalam rilo darah dahlak. Dahlak hu gimnit ưng ngak kabha siam, min dahlak ôh mưda ngak nôi. 19Kaywa dahlak ôh ngak kabha siam drei ưng, bloh gilaic ngak kabha ag drei ôh ưng. 20Mưyah dahlak ngak kabha drei ôh ưng yơ ôh njaup nạn dahlak, bloh êng danuh glaic dalam dahlak ngak kabha nan.
21Ywa nan ka, dahlak dwah ƀôh adat ni: Tuk dahlak ưng ngak kabha siam yơ kabha ag gavei tui dahlak. 22Kaywa dalam mưta hatai, dahlak biak bui takrư hakum jakar Pô Lingik, 23min dahlak ganơh thau dalam mani dahlak hu tha adat pakan mưthuh gaup thong adat dalam mat ar dahlak, mưk dahlak xang ngak radanuh ka adat anưd danuh glaic, nạn adat dok dalam mani dahlak. 24Lihin din ka dahlak! Mưca thei dong paklah dahlak truh di rup pabhap mưtai ni. 25Đwa karun Pô Lingik, nhơ di Pô Yê-su Krist, nạn Pô khol drei! Yau nan, êng dahlak angui mat ar drei halar tui hakum jakar Pô Lingik, min mưk rilo darah drei halar tui adat anưd danuh glaic.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.