Rô-ma 9
9
Gruk dong tabuh jom thong mưnuix Yo Thaic thong mưnuix Bôl-Lingiu
(9:1 – 11:36)
Pô Lingik thong bôl takarwah
1Dalam Dê Krist dahlak đôm gruk jat, dahlak ôh đôm lor, tung hatai dahlak lijang ngak kaxan ka dahlak dalam Pô Nưbi Ginrơh 2laic dahlak rau ri lô, tian pađik pađwa ôh padơh. 3Kaywa dahlak cong takrư hu mưda êng drei gok dhao thah thong cakak kleh truh di Dê Krist, kala ka dei ai nạn paran dahlak; 4nạn mưnuix I-sra-ên, bôl bihu mưk ngak anưk rong, xêh mưlang, panôic jan ji,#9:4 panôic jan ji: Dalam tha thanôn blah vak tangin nạn dôm panôic jan ji. hakum jakar, gruk bhuktik, thong panôic he; 5nan bôl bihu pajiơng tabiak mưng dôm muk kei thong mưng talei pajeh ni, ka nôk rilo darah, krung hu pajiơng tabiak Dê Krist, Dê glong abih gruk, nạn Pô Lingik đang bihu pôk mưyom rit rai.#9:5 ka nôk rilo darah... rit rai: Ngan nạn ka nôk rilo darah, krung hu pajiơng tabiak Dê Krist. Pô Lingik nạn Dê glong abih gruk, đang bihu pôk mưyom rit rai; hai nạn ka nôk rilo darah, krung hu pajiơng tabiak Dê Krist. Bhô nạn Dê glong abih gruk, Pô Lingik đang bihu tadhau ôn rit rai. A-men.
6Đôm yau nan ôh njaup laic Panôic Pô Lingik krung hu athu jwak. Kaywa ôh njaup abih urang halei mai mưng I-sra-ên jang laic mưnuix I-sra-ên ô. 7Lijang ôh njaup dôm urang halei bha di talei pajeh Ap-ra-ham jang nạn anưk bik ong. Gilaic vơk, yau hu vak: “Kaywa di I-sag, mưca hư hu tha talei pajeh bihu iêu tui angan hư.” 8Ar nạn ôh njaup anưk bik tui nôk thap#9:8 anưk bik tui nôk thap: Đôm ka talei pajeh Ap-ra-ham tapa Ic-ma-ên, anưk pajiơng ywa A-ga. nạn anưk bik Pô Lingik, min anưk bik tui panôic he birau, bihu mưda yau talei pajeh biak. 9Kaywa panôic ni êng nạn panôic he: “Nôic tuk vag ni mưca ita gilaic vơk, thong Sa-ra mưca hu tha urang anưk likei.” 10Ô kan nan, tuk Rê-ƀê-ka bak tian pajung kaywa tha urang nạn I-sag, muk kei khol drei, 11kanê dwa anưk ô ka bihu mưnưk tabiak, ô ka ngak kabha siam ngan kabha ag halei — piêh anưpan kaxat Pô Lingik dalam bruk cwah rwah, ôh bha tui bruk ngak, min bha tui Dê iêu — 12yơ amek krung bihu đôm dahlau laic: “Ban prong mưca ragxa ban xit.” 13Yau krung hu vak: “Ita anit Ya-kôp min limuk Ê-sau.”
14Yau nan khol drei mưca đôm yau halei? Hu njaup Pô Lingik ôh kahanôt halei? Ôh mưda yau nan! 15Kaywa Bhô bican thong Mô-se:
“Mưca Ita siam tian thong urang halei Ita ưng siam tian,
Mưca Ita athur alim urang halei Ita ưng athur alim.”
16Ywa nan ka kabha nan ôh bha tui mưnuix cong takrư ngan gruk patuh prưn anưd mưnuix, min kaywa gruk athur alim anưd Pô Lingik. 17Kaywa Agal Nưbi lijang đôm thong Pha-ra-ôn laic: “Ita krung hu padang hư tagôk piêh sahadah gon xagta anưd Ita dalam hư, piêh angan Ita bihu rao lang graup di boh tanưh.” 18Yau nan, Pô Lingik ưng athur alim thei yơ athur alim, Bhô ưng ngak khang tian thei yơ ngak.
Binhôr dangih mưkek thong tung siam tian anưd Pô Lingik
19Yau nan mưca ayut tanhi dahlak laic: “Mưyah yau nan habar Bhô dok xayok? Kaywa thei hu mưda mưradhag vơk di jamal Bhô bihu?” 20Ayut lơy, ayut nạn thei bloh khin kamlah vơk Pô Lingik? Ngak habar kaya kar bihu ƀơk hajiơng gilaic hu mưda đôm thong mưnuix ƀơk hajiơng nhu laic: “Habar ong krung hu ƀơk dahlak yau ni?” 21Urang ragei lan gilaic ôh hu gon di haluk lan, piêh mưng dalam mưthong tha ƀuk haluk bloh ƀơk jiơng paka uk angui ka bruk kateh thong paka pakan angui ka bruk cangak ô? 22Mưyah Pô Lingik ưng sahadah di binhôr dangih mưkek thong xakrưn gon xagta Bhô, min Bhô krung hu mưrat dadôn ka dôm uk đang ciup di dangih mưkek piêh gok thubang ô habar? 23Mưyah Bhô ưng xakrưn gruk ginup mưda di xêh mưlang Bhô jom thong dôm uk đang athur alim, bloh Bhô krung hu thrap gap ka gruk xêh mưlang, 24dalam nan hu khol drei, nạn dôm mưnuix Bhô krung hu iêu, ôh ciêt mưng dalam bôl Yo Thaic bloh lijang mưng dalam mưnuix Bôl-Lingiu, ô habar? 25Yau Bhô bican dalam tapuk Ô-sê:
“Mưca Ita iêu dôm urang ôh njaup bôl Ita nạn bôl Ita,
Dôm urang ôh bihu uranam nạn uranam;”
26“Thong pak libik Ita bican mưthong khol nhu: ‘Khol hư ôh njaup nạn bôl Ita,’
Yơ lijang êng tak nan mưca khol nhu bihu iêu nạn ‘anưk bik Pô Lingik bhian diup.’”
27Dok Ê-sai papôk xap đôm ka bôl I-sra-ên laic: “Kanê thanôn anưk bik I-sra-ên ralô yau cwah tathik, ciêt tha nôk dok kalek vơk mưca bihu thi dong paklah min. 28Kaywa Pô mưca ngak xamar thong kloh ghat ngak thit panôic Bhô ngok boh tanưh.” 29Ê-sai lijang krung hu brei thau dahlau:
“Mưyah Pô tamưn jabôl ôh lôi vơk ka khol drei mưnuix parajak,
Yơ khol drei krung hu gilaic jiơng yau dhan Sô-đôm thong drơh yau dhan Gô-mô-rơ pajơ.”
Gruk ôh dial anưd bôl I-sra-ên
30Yau nan mưca khol drei đôm habar? Dôm mưnuix Bôl-Lingiu ôh dwah bihu gruk kahanôt yơ gilaic bihu gruk kahanôt; nan nạn gruk kahanôt kaywa sagar; 31dok bôl I-sra-ên krung hu ran gaƀak tamư hakum jakar piêh pachang dwah gruk kahanôt, yơ ôh mưtal bihu hakum jakar. 32Ywa nan ka habar? Kaywa khol nhu ôh dwah mưng sagar mai mưng bruk ngak. Khol nhu krung hu hanek gok patau cakak gilong, 33yau hu vak:
“Mưni, Ita padok tak Si-ôn tha boh patau pacang jalan, nạn can patau ngak ka khol nhu hanek jalơh;
Min thei dial tamư di nan mưca ôh gok mưlau mưlit.”
Currently Selected:
Rô-ma 9: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Rô-ma 9
9
Gruk dong tabuh jom thong mưnuix Yo Thaic thong mưnuix Bôl-Lingiu
(9:1 – 11:36)
Pô Lingik thong bôl takarwah
1Dalam Dê Krist dahlak đôm gruk jat, dahlak ôh đôm lor, tung hatai dahlak lijang ngak kaxan ka dahlak dalam Pô Nưbi Ginrơh 2laic dahlak rau ri lô, tian pađik pađwa ôh padơh. 3Kaywa dahlak cong takrư hu mưda êng drei gok dhao thah thong cakak kleh truh di Dê Krist, kala ka dei ai nạn paran dahlak; 4nạn mưnuix I-sra-ên, bôl bihu mưk ngak anưk rong, xêh mưlang, panôic jan ji,#9:4 panôic jan ji: Dalam tha thanôn blah vak tangin nạn dôm panôic jan ji. hakum jakar, gruk bhuktik, thong panôic he; 5nan bôl bihu pajiơng tabiak mưng dôm muk kei thong mưng talei pajeh ni, ka nôk rilo darah, krung hu pajiơng tabiak Dê Krist, Dê glong abih gruk, nạn Pô Lingik đang bihu pôk mưyom rit rai.#9:5 ka nôk rilo darah... rit rai: Ngan nạn ka nôk rilo darah, krung hu pajiơng tabiak Dê Krist. Pô Lingik nạn Dê glong abih gruk, đang bihu pôk mưyom rit rai; hai nạn ka nôk rilo darah, krung hu pajiơng tabiak Dê Krist. Bhô nạn Dê glong abih gruk, Pô Lingik đang bihu tadhau ôn rit rai. A-men.
6Đôm yau nan ôh njaup laic Panôic Pô Lingik krung hu athu jwak. Kaywa ôh njaup abih urang halei mai mưng I-sra-ên jang laic mưnuix I-sra-ên ô. 7Lijang ôh njaup dôm urang halei bha di talei pajeh Ap-ra-ham jang nạn anưk bik ong. Gilaic vơk, yau hu vak: “Kaywa di I-sag, mưca hư hu tha talei pajeh bihu iêu tui angan hư.” 8Ar nạn ôh njaup anưk bik tui nôk thap#9:8 anưk bik tui nôk thap: Đôm ka talei pajeh Ap-ra-ham tapa Ic-ma-ên, anưk pajiơng ywa A-ga. nạn anưk bik Pô Lingik, min anưk bik tui panôic he birau, bihu mưda yau talei pajeh biak. 9Kaywa panôic ni êng nạn panôic he: “Nôic tuk vag ni mưca ita gilaic vơk, thong Sa-ra mưca hu tha urang anưk likei.” 10Ô kan nan, tuk Rê-ƀê-ka bak tian pajung kaywa tha urang nạn I-sag, muk kei khol drei, 11kanê dwa anưk ô ka bihu mưnưk tabiak, ô ka ngak kabha siam ngan kabha ag halei — piêh anưpan kaxat Pô Lingik dalam bruk cwah rwah, ôh bha tui bruk ngak, min bha tui Dê iêu — 12yơ amek krung bihu đôm dahlau laic: “Ban prong mưca ragxa ban xit.” 13Yau krung hu vak: “Ita anit Ya-kôp min limuk Ê-sau.”
14Yau nan khol drei mưca đôm yau halei? Hu njaup Pô Lingik ôh kahanôt halei? Ôh mưda yau nan! 15Kaywa Bhô bican thong Mô-se:
“Mưca Ita siam tian thong urang halei Ita ưng siam tian,
Mưca Ita athur alim urang halei Ita ưng athur alim.”
16Ywa nan ka kabha nan ôh bha tui mưnuix cong takrư ngan gruk patuh prưn anưd mưnuix, min kaywa gruk athur alim anưd Pô Lingik. 17Kaywa Agal Nưbi lijang đôm thong Pha-ra-ôn laic: “Ita krung hu padang hư tagôk piêh sahadah gon xagta anưd Ita dalam hư, piêh angan Ita bihu rao lang graup di boh tanưh.” 18Yau nan, Pô Lingik ưng athur alim thei yơ athur alim, Bhô ưng ngak khang tian thei yơ ngak.
Binhôr dangih mưkek thong tung siam tian anưd Pô Lingik
19Yau nan mưca ayut tanhi dahlak laic: “Mưyah yau nan habar Bhô dok xayok? Kaywa thei hu mưda mưradhag vơk di jamal Bhô bihu?” 20Ayut lơy, ayut nạn thei bloh khin kamlah vơk Pô Lingik? Ngak habar kaya kar bihu ƀơk hajiơng gilaic hu mưda đôm thong mưnuix ƀơk hajiơng nhu laic: “Habar ong krung hu ƀơk dahlak yau ni?” 21Urang ragei lan gilaic ôh hu gon di haluk lan, piêh mưng dalam mưthong tha ƀuk haluk bloh ƀơk jiơng paka uk angui ka bruk kateh thong paka pakan angui ka bruk cangak ô? 22Mưyah Pô Lingik ưng sahadah di binhôr dangih mưkek thong xakrưn gon xagta Bhô, min Bhô krung hu mưrat dadôn ka dôm uk đang ciup di dangih mưkek piêh gok thubang ô habar? 23Mưyah Bhô ưng xakrưn gruk ginup mưda di xêh mưlang Bhô jom thong dôm uk đang athur alim, bloh Bhô krung hu thrap gap ka gruk xêh mưlang, 24dalam nan hu khol drei, nạn dôm mưnuix Bhô krung hu iêu, ôh ciêt mưng dalam bôl Yo Thaic bloh lijang mưng dalam mưnuix Bôl-Lingiu, ô habar? 25Yau Bhô bican dalam tapuk Ô-sê:
“Mưca Ita iêu dôm urang ôh njaup bôl Ita nạn bôl Ita,
Dôm urang ôh bihu uranam nạn uranam;”
26“Thong pak libik Ita bican mưthong khol nhu: ‘Khol hư ôh njaup nạn bôl Ita,’
Yơ lijang êng tak nan mưca khol nhu bihu iêu nạn ‘anưk bik Pô Lingik bhian diup.’”
27Dok Ê-sai papôk xap đôm ka bôl I-sra-ên laic: “Kanê thanôn anưk bik I-sra-ên ralô yau cwah tathik, ciêt tha nôk dok kalek vơk mưca bihu thi dong paklah min. 28Kaywa Pô mưca ngak xamar thong kloh ghat ngak thit panôic Bhô ngok boh tanưh.” 29Ê-sai lijang krung hu brei thau dahlau:
“Mưyah Pô tamưn jabôl ôh lôi vơk ka khol drei mưnuix parajak,
Yơ khol drei krung hu gilaic jiơng yau dhan Sô-đôm thong drơh yau dhan Gô-mô-rơ pajơ.”
Gruk ôh dial anưd bôl I-sra-ên
30Yau nan mưca khol drei đôm habar? Dôm mưnuix Bôl-Lingiu ôh dwah bihu gruk kahanôt yơ gilaic bihu gruk kahanôt; nan nạn gruk kahanôt kaywa sagar; 31dok bôl I-sra-ên krung hu ran gaƀak tamư hakum jakar piêh pachang dwah gruk kahanôt, yơ ôh mưtal bihu hakum jakar. 32Ywa nan ka habar? Kaywa khol nhu ôh dwah mưng sagar mai mưng bruk ngak. Khol nhu krung hu hanek gok patau cakak gilong, 33yau hu vak:
“Mưni, Ita padok tak Si-ôn tha boh patau pacang jalan, nạn can patau ngak ka khol nhu hanek jalơh;
Min thei dial tamư di nan mưca ôh gok mưlau mưlit.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.