Rô-ma 16

Phao-lô paha xakrưn xaai kamei xêh ragxa Phê-ƀê

1Dahlak likau paha xakrưn thong dei ai, xaai kamei Phê-ƀê nạn dei ai kamei khol dahlak, lijang nạn urang kamei xêh ragxa dalam Nhom Nưbi Sen-krê. 2Xang rok daa xaai kamei nạn tha ganap lek thamgôn dalam Pô yau rok daa dôm xêh nưbi, thong pajup xaai dalam tuk xaai hajat tal dei ai; kaywa xaai kamei êng krung hu bhian pajup ralô urang, thong dahlak gêk.

Panôic tanhi ravang

3 # Bruk 18:2. Likau brei ka dahlak paywa panôic tanhi ravang Pê-rit-sin thong A-qui-la, dôm urang ngak bruk thubik thong dahlak dalam Dê Krist Yê-su, 4nạn dwa urang kadran mưtai piêh dong xwan diup dahlak; ôh njaup tôk tha drei dahlak đwa karun dwa urang, min abih Nhom Nưbi anưd mưnuix Bôl-Lingiu gêk. 5Lijang likau paywa panôic tanhi ravang Nhom Nưbi nhom tak thang dwa urang. Likau xalam Ê-ƀai-nêt, urang ayut lavan dahlak, thong nạn boh kacwa ka Dê Krist dalam bhum A-si-a. 6Likau xalam Ma-ri, urang krung hu ngak bruk gleh glar kaywa dei ai. 7Taka xalam An-trô-ni-kơ thong Yu-ni-a#16:7 Yu-ni-a: Dalam tha thanôn blah vak tangin nạn Yu-li. nạn tha palei#16:7,21 tha palei: Ngan nạn gaup patian. thong ayut dok di thang danuh thong dahlak, lijang nạn dwa urang hu danưy angan dalam thanôn dôm Xêh Pachai bha di Dê Krist dahlau di dahlak. 8Likau xalam Am-li-a urang biak anit puja dahlak dalam Pô. 9Likau xalam U-rơ-ƀar, ayut ngak bruk thubik thong dahlak dalam Dê Krist, thong Êc-ta-ci, urang yut lavan dahlak. 10Likau xalam A-be-lơ, urang bihu takabal dalam Dê Krist. Xalam dôm urang bha di mưnga vôm A-rit-tô-bu. 11Likau xalam Hê-rô-đi-ôn, mưnuix gaup patian dahlak. Likau xalam abih mưnuix dalam mưnga vôm Nat-xit, nạn dôm urang dalam Pô. 12Likau xalam Tri-phe-nơ thong Tri-phô-sơ nạn dwa xaai kamei krung hu gleh glar kaywa di Pô. Xalam Pet-si-đơ, urang kamei dahlak anit ranam, krung hu ngak bruk biak gleh glar ka Pô. 13#Mag 15:21.Likau xalam Ru-phu, mưnuix bihu Pô rwah, thong likau xalam amek xaai lijang nạn amek dahlak. 14Likau xalam A-sin-krit, Phơ-lê-gôn, Het-me, Pa-trô-ƀa, Het-ma, thong dôm dei ai dok thong khol nhu. 15Likau xalam Phi-lô-lô-gơ thong Yu-li, dwa dei ai kamei Nê-rê thong adei kamei xaai nan, Ô-lim, thong abih xêh nưbi dok thong khol nhu. 16Xang xalam gaup yau dei ai dalam Pô. Abih Nhom Nưbi Dê Krist jang paywa panôic xalam dei ai.

Caga di ra padang mưkavôm

17Pathau dei ai, dahlak adan dei ai xang payet dôm ra padang mưkavôm thong ngak ka hanek tanrok, mưradhag vơk gruk pato pakai bloh dei ai krung hu baic. Xang pleh atah di khol nhu mek. 18Kaywa dôm ra nan ôh ragxa Dê Krist, Pô khol drei, min ragxa êng hatung khol nhu; khol nhu angui panôic kadha xaradang ia lahiơng, jam hau piêh palwô pagat dôm tung tian tapak tape. 19Abih drei jang thau tian pang tui anưd dei ai; kaywa nan, dahlak bui ôn ka dei ai, cong laic dei ai jag karag ka kabha siam, thong haci hacih ka kabha ag. 20Pô Lingik thug siam mưca kayôn jwak jek Sa-tan di ala takai dei ai. Likau kanư karun hanim Pô khol drei nạn Pô Yê-su#16:20 Pô Yê-su: Dalam tha thanôn blah vak tangin nạn Pô Yê-su Krist. dok thong dei ai.

Panôic tanhi ravang anưd dôm ayut Phao-lô

21 # Bruk 16:1. Ti-mô-thê, mưnuix ngak bruk thubik thong dahlak likau xalam dei ai; Lu-si-ut, Ya-sôn thong Sô-xi-pa-tê, nạn dôm urang gaup patian dahlak lijang likau xalam dei ai. 22Dahlak nạn Tet-tiu, mưnuix vak harak ni, likau xalam dei ai dalam Pô. 23#Bruk 19:29; I Kô 1:14. II Ti 4:20.Gai-ut, mưnuix payak padam dahlak thong bih Nhom Nưbi, likau xalam dei ai. Ê-rat, mưnuix mong iơk gilang pariak mưdin, thong Kwa-rơ-tu, mưnuix dei ai khol drei, lijang xalam dei ai gêk. 24[Likau kanư karun hanim anưd Pô khol drei nạn Pô Yê-su Krist mưdok thong abih dei ai! A-men.]#16:24 Dalam tha thanôn blah vak tangin ôh hu kanen 24.

Panôic đwa karun

25[Doh mưyom Dê hu gon ngak khang kajap dei ai tui Khao Siam dahlak thong panôic lang anưd Pô Yê-su Krist, tui gruk catôi ka kabha palih kabal takrung krung bihu padaup dađaup mưng kal lak. 26Min urak ni tui gon Pô Lingik bhian diup thong tapa dôm tapuk hôr, kabha palih kabal krung bihu salalah ka graup paran jang thau, piêh ba khol nhu mưrai tom sagar pang tui, 27thong tapa Pô Yê-su Krist, Pô Lingik nạn Dê jag karag ralai, bihu xêh mưlang rit rai miêt miêt! A-men.]#16:25-27 [Doh mưyom... A-men]: Dalam tha thanôn blah vak tangin dôm akhar ni hu hadei 14:23, ngan hadei 15:33. Dalam tha thanôn blah vak tangin pakan, dôm akhar ni bhat dwa ƀang hadei 14:23 thong hadei 15:33; ngan hadei 14:23 thong hadei 16:23.

Currently Selected:

Rô-ma 16: CJM2024

Highlight

Copy