I Kô-rir-tô 16

Patom nôk

(16:1-24)

Bruk rik patom

1 # Rô 15:25,26. Ka bruk rik patom jiên padai brei ka dôm xêh nưbi yơ dei ai xang ngak tui ganap dahlak krung hu pato ba ka dôm Nhom Nưbi nưgar Ga-la-ti. 2Dalam yāup harei akok karaup, yāup urang dalam dei ai, patui prưn drei, xang piêh tabiak tha nôk; jôi cang tuk dahlak mưrai mưng rik patom. 3Tuk mưrai, mưca dahlak pađar dôm urang bloh dei ai padul ba harak dahlak thong drap alin anưd dei ai mưrai dhan Yê-ru-sa-lem. 4Mưyah ƀôh hajat dahlak xang nao, yơ dôm urang nan mưca nao thubik thong dahlak.

Darô anưd Phao-lô

5 # Bruk 19:21. Mưca dahlak mai ravang dei ai hadei di tuk nao tapa Ma-xê-đô-ni-a, kaywa dahlak jarô tapa Ma-xê-đô-ni-a. 6Mưca dahlak mưdok vơk thong dei ai, hu mưda abih bilan birak, piêh ka dei ai ba dahlak nao tal libik halei dahlak ưng nao. 7Mưyah Pô brei idin yơ ƀang ni dahlak ô kan ưng gōk dei ai ngok jalan nao thoh ô, min pachôm mưca dok vơk thong dei ai takik tuk vag. 8#Bruk 19:8-10.Min mưca dahlak dok vơk pak Ê-phê-sô ka tal Rija Limư Akok Karaup, 9kaywa tha boh baƀang prong lavah thong he krung hu pơh tabiak ka dahlak, kanê dok tak nan jang dok ralô gruk pagan gađi.

Kakei thong tanhi ravang

10 # I Kô 4:17. Mưyah Ti-mô-thê hu mưrai, xang ran pajup ka xaai nan ƀôh cadu krưh dei ai, kaywa xaai nan lijang ngak bruk ka Pô yau êng dahlak. 11Ywa nan ka, jôi thei paong xaai nan. Xang pajup xaai nan nao thug siam, piêh xaai nan gilaic mai tom dahlak; kaywa dahlak dok mong akok xaai nan thubik thong dôm dei ai pakan.

12Dok ka dei ai khol drei nạn A-pô-lô, dahlak krung hu ran pahalar xaai nan nao thong dôm dei ai pakan mai ravang dei ai, min urak ni xaai nan ô ka ưng nao. Yau nan min, tuk hu gôn ligeh xaai nan mưca nao.

13Dei ai xang pamưdơh, xang dang kajap dalam sagar, xang hatai tian thong kati katang. 14Abih kabha dei ai ngak, xang ngak dalam tiak anit ranam.

15 # I Kô 1:16. Pathau dei ai, dahlak dok tha panôic kakei vơk, dei ai thau mưnga vôm Sê-pha-na nạn dôm boh kacwa tak bhum A-cai; khol nhu krung hu bih tian ragxa dôm xêh nưbi. 16Dahlak adan dei ai xang halar tui dôm urang yau nan, thong abih mưnuix thubik ngak bruk gleh glar thong khol nhu. 17Dahlak biak bui kaywa di Sê-pha-na, Phôt-tu-na thong A-cai-kơ mưrai sani; khol nhu krung hu pabak vơk gruk ôh hu ƀok dei ai, 18kaywa dôm urang nan krung hu ngak that jangeh mưnơix dahlak lijang yau anưd dei ai. Xang thau pôkja dôm urang yau nan.

19 # Bruk 18:2. Dôm Nhom Nưbi tak bhum A-si-a tanhi ravang dei ai, A-qui-la, Pê-rit-sin thong Nhom Nưbi nhom vơk dalam thang khol nhu paywa panôic ravang dei ai dalam Pô. 20Abih dei ai dok sani tanhi ravang dei ai. Xang xalam gaup yau dei ai dalam Pô.

21Êng dahlak, Phao-lô, êng tangin vak panôic tanhi ravang dei ai.

22Mưyah hu thei ôh anit ranam Pô yơ xang gok a-na-them#16:22 A-na-them: Nạn tha panôic hatam xap.! Ma-ra-na-tha#16:22 Ma-ra-na-tha: Dalam xap A-ram nạn Ma-ra-na-tha ar nạn “Pô mưrai!” hai nạn “Pô lơy! Likau xang mưrai!”! 23Likau kanư karun hanim Pô nạn Pô Yê-su dok thong dei ai! 24Rumư dahlak dok thong abih dei ai dalam Dê Krist Yê-su.

Currently Selected:

I Kô-rir-tô 16: CJM2024

Highlight

Copy