Kênh Kaar 6
6
Sach bơl jraih kaar
1Knông plah nei, nak jơrnơ ơk huôih; bơl bnih Jo-thai mor baak Hi-lap#6:1 S'bt: Hê-lê-nít. ta poich, sngaanh bnih Jo-thai mor baak A-ram,#6:1 S'bt: Hê-bơ-rơ. đươm bơl pndrau bu ri ja dol dhot lơơi knông kaar tacheq griêng sa rêêng nar. 2Jmơt baar jơt jơng pơrgum leq sêch jơrnơ kươi u mor: “Teq kaar chhuôr kne baak Brah Ưn jah jraih kaar bliêng sa laa ntil 'bưn dip. 3Bei nei, dan oh bi phrui sach knông nak nơơm bu poh du kươt lư klanh, bêêng bơm Brah Wêêng u jhai blau, bơl hei a kươi ndơơp kơrnan kaar au aan bu. 4Nha bơl hei a kươi khang chmlam teq u baak r'bon dan u jraih kaar baak Brah.” 5Leq sêch jôm bnih kot broh chưt teq u pal baak nei; bu ja sach Ê-tiên laa bnih bêêng chưt jơrnơ u Brah Wêêng, Phi-lip, Bô-kô-rơ, Ni-ka-nô, Ti-môn, Ba-mê-na n'hai Ni-kô-la laa bnih An-ti-ôt tênh baak jơ Jo-thai. 6Bu tơrsau poh du nei aan bơl jơt jơng; bơl jơt jơng r'bon dan ja nei dơih ti lơ bơl bnih au. 7Baak jơ Brah Ưn ri nar rơơh raal dươn; nak jơrnơ tu Jê-ru-sa-lem ơk huôih nha. Ơk đat yau thwaai kot iat tênh baak Brah#6:7 S'bt: iat tênh chưt jơrnơ. đêêl.
Ê-tiên dol pnđing
8Ê-tiên kươt bêêng brêêng smlaang u dang kmheng, lơh pal chmlih chmleek u baak êng aang ttih đat knông phung raih. 9Plah nei, geh pal phung bal nhi pơrgum ri chôôl laa nhi pơrgum bơl bnih snôk sroong#6:9 bơl bnih snôk sroong: Au lah bơl bnih Jo-thai noor n'au lah dêch, dôh ja doh kươi paich ươn baak snôk sroong. ri u bơl bnih poh a Si-ren, A-lek-san-đơ-ri-a, u bơl bnih Jo-thai a Si-li-si u kwaal A-si-a kn'hao ta rmhanh n'hai Ê-tiên. 10Dôh bu 'bưn wal kươt baak mor jhai blau u Brah Wêêng laa Yaang ja ươn aan bu pal baak mor nei, 11mơ ruk nôôl m'baak bnih pnđing laah: “Bơl hei ja iat bu mor pal baak jam joot tơt Môi-se u Brah Ưn.” 12Bu trôt phung raih, bơl raanh ttơơm u bơl yau gưt jhai lap nhôp u jưn bu tơt bôôk mat Phung kliêu. 13Bu ndơơp sot pal bnih ndraanh lhiat, mor laah: “Bnih au rnđơơih mor pal baak jam joot tơt ktôk jrah u ch'bap. 14Đươm bơl hei ja iat bu mor laah Jê-sus bnih Na-sa-ret au a kươi lơh khuich ktôk au u tơh gơl baak ch'bap koon bnih ri pa Môi-se ja chhuôr kươi aan bơl bơn.” 15Leq sêch bơl bnih gôq tu Phung kliêu kot mơq ngôôn Ê-tiên u sau mat bu bei mat lênh brah.
Currently Selected:
Kênh Kaar 6: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 6
6
Sach bơl jraih kaar
1Knông plah nei, nak jơrnơ ơk huôih; bơl bnih Jo-thai mor baak Hi-lap#6:1 S'bt: Hê-lê-nít. ta poich, sngaanh bnih Jo-thai mor baak A-ram,#6:1 S'bt: Hê-bơ-rơ. đươm bơl pndrau bu ri ja dol dhot lơơi knông kaar tacheq griêng sa rêêng nar. 2Jmơt baar jơt jơng pơrgum leq sêch jơrnơ kươi u mor: “Teq kaar chhuôr kne baak Brah Ưn jah jraih kaar bliêng sa laa ntil 'bưn dip. 3Bei nei, dan oh bi phrui sach knông nak nơơm bu poh du kươt lư klanh, bêêng bơm Brah Wêêng u jhai blau, bơl hei a kươi ndơơp kơrnan kaar au aan bu. 4Nha bơl hei a kươi khang chmlam teq u baak r'bon dan u jraih kaar baak Brah.” 5Leq sêch jôm bnih kot broh chưt teq u pal baak nei; bu ja sach Ê-tiên laa bnih bêêng chưt jơrnơ u Brah Wêêng, Phi-lip, Bô-kô-rơ, Ni-ka-nô, Ti-môn, Ba-mê-na n'hai Ni-kô-la laa bnih An-ti-ôt tênh baak jơ Jo-thai. 6Bu tơrsau poh du nei aan bơl jơt jơng; bơl jơt jơng r'bon dan ja nei dơih ti lơ bơl bnih au. 7Baak jơ Brah Ưn ri nar rơơh raal dươn; nak jơrnơ tu Jê-ru-sa-lem ơk huôih nha. Ơk đat yau thwaai kot iat tênh baak Brah#6:7 S'bt: iat tênh chưt jơrnơ. đêêl.
Ê-tiên dol pnđing
8Ê-tiên kươt bêêng brêêng smlaang u dang kmheng, lơh pal chmlih chmleek u baak êng aang ttih đat knông phung raih. 9Plah nei, geh pal phung bal nhi pơrgum ri chôôl laa nhi pơrgum bơl bnih snôk sroong#6:9 bơl bnih snôk sroong: Au lah bơl bnih Jo-thai noor n'au lah dêch, dôh ja doh kươi paich ươn baak snôk sroong. ri u bơl bnih poh a Si-ren, A-lek-san-đơ-ri-a, u bơl bnih Jo-thai a Si-li-si u kwaal A-si-a kn'hao ta rmhanh n'hai Ê-tiên. 10Dôh bu 'bưn wal kươt baak mor jhai blau u Brah Wêêng laa Yaang ja ươn aan bu pal baak mor nei, 11mơ ruk nôôl m'baak bnih pnđing laah: “Bơl hei ja iat bu mor pal baak jam joot tơt Môi-se u Brah Ưn.” 12Bu trôt phung raih, bơl raanh ttơơm u bơl yau gưt jhai lap nhôp u jưn bu tơt bôôk mat Phung kliêu. 13Bu ndơơp sot pal bnih ndraanh lhiat, mor laah: “Bnih au rnđơơih mor pal baak jam joot tơt ktôk jrah u ch'bap. 14Đươm bơl hei ja iat bu mor laah Jê-sus bnih Na-sa-ret au a kươi lơh khuich ktôk au u tơh gơl baak ch'bap koon bnih ri pa Môi-se ja chhuôr kươi aan bơl bơn.” 15Leq sêch bơl bnih gôq tu Phung kliêu kot mơq ngôôn Ê-tiên u sau mat bu bei mat lênh brah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.