Kênh Kaar 5
5
A-na-nia u Sa-phi-ra
1Dôh geh di mbu chhak lah A-na-nia, pôl n'hai sai laa Sa-phi-ra, tach griêng mlơ nơơm. 2Bu chuh rnđêch n'hai sai prap kươi di bôh prak tach, ja nei liêu bôh nha kươi dơih a teh jơng bơl jơt jơng. 3Phi-e-rơ mor: “Au A-na-nia! A hay teq Sa-tan bêêng bơm knông chưt bi, lôh moh bi mor lhiat Brah Wêêng baah prap kươi di bôh prak tach pưng srei nei? 4Jơl ndah tach pưng srei nei, bu 'bưn geh laa bi ri laang? Tơt tach hơơi, prak nei 'bưn pơơn ch'bap rnhôq bi ri laang? A hay bi leet rơơp kaar bei au knông chưt? 'Bưn geh bi mor lhiat koon bnih laang dôh laa mor lhiat Brah Ưn.” 5Iat pal baak nei luôih, A-na-nia a kơq u teh u leq n'hơm. Jôm bnih iat ntil nei kot hơt mrơt. 6Bơl dơlu ta yoong nhop kơmôich bu nei u liêu han rôôp.
7Tơmlai pei bêl kươi, sai ur bu nei han mưt, ndah ơơm gưt kaar mhei lôh tơt. 8Phi-e-rơ mor n'hai mei: “Phrui aan hei gưt, geh lah ruh ja tach tup pưng srei n'hai prak lah pal nei 'bưn?” Ruh ơh: “Hơq, prak pal nei.” 9Phi-e-rơ mor: “A hay oh bi baanh jmlôm pôl jah tuul Brah Wêêng Brah ri? Tôw, jơng bơl bnih rôôp sai klau ruh plah a gaaih lpôông, bu a kươi liêu ruh han broih.” 10Đươm plah nei, ruh nei a kơq u teh ktôk jơng Phi-e-rơ u leq n'hơm. Bơl dơlu plơq siq sau ruh ja chhưt, krôông krêêng han rôôp gêêng kmôôch sai klau. 11Leq Phung Jrah u leq bơl bnih iat pal kaar au kot hơt mrơt đat.
Baak rơơh raal baak preh Brah ri
12Khal au, geh ơk chmlih chmleek u baak êêng aang kươt lơh tênh klung phung raih đươm ti bơl jơt jơng. Leq sêch bơl jơrnơ kot ta sruôl rnđêch pơrgum pôl a teh pưndai lpôông nhi Sa-lô-môn. 13'Bưn geh 'bơơn nday baanh ta joq n'hai bơl bu, dôh phung raih nei đing mbaanh. 14Nak bnih jơ Brah dươn nar top mich ming, jôm leq klau dang dơur, 15lôh aan bnih nday phrui liêu bơl bnih pơrtanh teq a gaaih troong đôôn, dơih bêch lơ ndơl u nggrưng jah tơt Phi-e-rơ han rloot, koon gui bu ri ndêq đat kot a bôông lơ m'baak bnih pơrtanh. 16Phung raih a pal poh a gêêng kot pơrgum teq u Jê-ru-sa-lem, liêu lôh bơl bnih tanh ji, bơh bah dol wêêng 'bưn jrah pnđơơt u leq kot kươt tơmbah.
Bơl jơt jơng dol nhôp n'hai kươt đoh rôih. – Baak pơrgum rnđêch Ga-ma-li-ên ri
17Khal au yau thwaai ttơơm u bơl bah tênh bu, nei laa thap Sa-đu-sê,#5:17 Mơq baak rơih gôq Mat 3:7. bêêng chưt skiêr, ta yoong 18nhôp bơl jơt jơng groon mưt khaam. 19Dôh mang geh di lênh Brah ri pơơk lpôông khaam liêu bơl jơt jơng u pn'ak laah: 20“Phrui han, ta yoong ktôk nhi r'bưn u chhuôr aan phung raih jôm baak rêh au.” 21Iat nei, plah brung aang bơl jơt jơng han mưt nhi r'bưn u lap kne. Tơt yau thwaai ttơơm n'hai dêch kơnjah lôh, bu pơrgum Phung kliêu u leq sêch raanh ttơơm raih I-sra-ên ri kươi, ja nei maanh bnih mưt khaam jah liêu bơl jơt jơng lôh. 22Dôh bơl bnih lơh tênh rmaanh mưt u knông khaam, 'bưn sau bơl jơt jơng tu nei, plơq siq tơmbơh drơh 23laah: “Bơl hei sau khaam tang jap đat u lênh kray ta yoong bôôk mat lpôông, dôh plah pơơk nei 'bưn sau di mbu 'bơơn a knông nei.” 24Yau kan bôôk nhi r'bưn u bơl yau thwaai ndap ttơơm iat pal baak nei kot rhơq rpơq teq u bơl jơt jơng u 'bưn gưt kaar au a kươi sot bei êch. 25Dôh geh bnih lôh tơmbơh n'hai bu laah: “Tôw, bơl bnih baah bơl ay ja teq khaam, bei au plah a knông nhi r'bưn tti kne phung raih!” 26Yau kan bôôk nhi r'bưn n'hai bơl bnih lơh kaar han drơh tơt ktôk u nhôp bơl jơt jơng liêu han, dôh 'bưn nhôq koon jơng koon ti đươm n'hông dol phung raih jang tmau.
27Bu jưn bơl jơt jơng han u liêu tơt Phung kliêu. Yau thwaai ttơơm ôp rngach bơl jơt jơng laah: 28“Bơl hei ja pơrkhang bơl 'bei pơih saak nei jah tti kne,#5:28 Knông m'baak plơơp 'bian ti laa Dip ơơn bơl hei ndah ơm pơrkat bơl 'bei pơih saak nei jah kne? nei baah bơl 'bei ja lơh aan Jê-ru-sa-lem bêêng bơm baak ch'bap nơơm ri, kươi nha êch aan mhaam Bnih nei khut kươi lơ bơl hei nha!”#Mat 27:25. 29Phi-e-rơ u bơl jơt jơng ơh baak: “N'hop n'hal phrui iat baak Brah Ưn nha huôih iat baak bnih nday. 30Brah Ưn yau yi bơl bơn ri ja lơh Brah Jê-sus rêh kươi, laa Yaang pa bơl 'bei ja yôông lơ tơơm chhư u lưm teq. 31Brah Ưn ja liêu Yaang nei hao mak ma Pang lơh Nak Liêu Troong u Brah Đoh jah ươn baak teq lơi dôih u baak krôih dôih aan raih I-sra-ên. 32Nơơm bơl hei laa bơl ndraanh aan pal kaar nei pôl n'hai Brah Wêêng baah Brah Ưn ja ươn bơl bnih iat baak Pang.”
33Tơt iat pal baak au nei bu hao nuih đat u êch lưm bơl jơt jơng. 34Dôh geh di mbu Pha-ri-si chhak laa Ga-ma-li-ên, yau tơr ni teq u ch'bap, kươt leq sêch phung raih đing, hao ta yoong lwah Phung kliêu u maanh liêu bơl jơt jơng sot agaih di rbôông. 35Ja nei bu mor n'hai bu: “Ơi raih bal I-sra-ên, phrui njrang teq u ndroong bơl g'bei gôq dơq u bơl bnih au. 36Noor n'au, Thêu-đa kn'hao, hao kn'hing pơchhing sak, geh tơmlai puôn riêng bnih tênh bu, dôh bu dol lưm, u leq bơl bah tênh bu kot a brơh, 'bưn nh'ơơm ơơn ơơm. 37Kơi bu kot geh Ju-đa, bnih Ga-li-lê, kn'hao laap tơt jơl waach raih bal u têêk liêu ơk bnih tênh nơơm bu; dôh hơơi kot chhưt, leq sêch bơl bah tênh bu kot dol tơrlêêng. 38Bei au hei dan buôi bơl g'bei: Phrui het ngngai bơl bnih au, khang teq êêng bu, đươm mơq jmlôm u kaar au lôh a koon bnih nei a kươi dol 'bưn jn'ah; 39dôh mơq đươm Brah Ưn baah sot nei bơl g'bei 'bưn geh bei êch lưm luôch bu kươt; mat a kươi, bơl g'bei baanh ta lơh ta wal kươi Brah Ưn.” Bei nei, bu iat baak buôi Ga-ma-li-ên ri. 40Bu khuôl bơl jơt jơng plơq mưt, maanh pơm sơmboong u pơrkhang pơih saak Brah Jê-sus baah chhuôr kne, ja nei krôih baar du sot.
41Bei nei, bơl jơt jơng du rlach Phung kliêu, broh s'bai đươm bu ja kươt kơơp laa klanh dip ơt ơl đươm saak Brah. 42Rêêng nar, knông nhi r'bưn paich a nhi au u nhi tôw, bơl jơt jơng khang ndih han kne u chhuôr Baak Sroong Klanh Brah Jê-sus laa Yaang Krist ri.
Currently Selected:
Kênh Kaar 5: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 5
5
A-na-nia u Sa-phi-ra
1Dôh geh di mbu chhak lah A-na-nia, pôl n'hai sai laa Sa-phi-ra, tach griêng mlơ nơơm. 2Bu chuh rnđêch n'hai sai prap kươi di bôh prak tach, ja nei liêu bôh nha kươi dơih a teh jơng bơl jơt jơng. 3Phi-e-rơ mor: “Au A-na-nia! A hay teq Sa-tan bêêng bơm knông chưt bi, lôh moh bi mor lhiat Brah Wêêng baah prap kươi di bôh prak tach pưng srei nei? 4Jơl ndah tach pưng srei nei, bu 'bưn geh laa bi ri laang? Tơt tach hơơi, prak nei 'bưn pơơn ch'bap rnhôq bi ri laang? A hay bi leet rơơp kaar bei au knông chưt? 'Bưn geh bi mor lhiat koon bnih laang dôh laa mor lhiat Brah Ưn.” 5Iat pal baak nei luôih, A-na-nia a kơq u teh u leq n'hơm. Jôm bnih iat ntil nei kot hơt mrơt. 6Bơl dơlu ta yoong nhop kơmôich bu nei u liêu han rôôp.
7Tơmlai pei bêl kươi, sai ur bu nei han mưt, ndah ơơm gưt kaar mhei lôh tơt. 8Phi-e-rơ mor n'hai mei: “Phrui aan hei gưt, geh lah ruh ja tach tup pưng srei n'hai prak lah pal nei 'bưn?” Ruh ơh: “Hơq, prak pal nei.” 9Phi-e-rơ mor: “A hay oh bi baanh jmlôm pôl jah tuul Brah Wêêng Brah ri? Tôw, jơng bơl bnih rôôp sai klau ruh plah a gaaih lpôông, bu a kươi liêu ruh han broih.” 10Đươm plah nei, ruh nei a kơq u teh ktôk jơng Phi-e-rơ u leq n'hơm. Bơl dơlu plơq siq sau ruh ja chhưt, krôông krêêng han rôôp gêêng kmôôch sai klau. 11Leq Phung Jrah u leq bơl bnih iat pal kaar au kot hơt mrơt đat.
Baak rơơh raal baak preh Brah ri
12Khal au, geh ơk chmlih chmleek u baak êêng aang kươt lơh tênh klung phung raih đươm ti bơl jơt jơng. Leq sêch bơl jơrnơ kot ta sruôl rnđêch pơrgum pôl a teh pưndai lpôông nhi Sa-lô-môn. 13'Bưn geh 'bơơn nday baanh ta joq n'hai bơl bu, dôh phung raih nei đing mbaanh. 14Nak bnih jơ Brah dươn nar top mich ming, jôm leq klau dang dơur, 15lôh aan bnih nday phrui liêu bơl bnih pơrtanh teq a gaaih troong đôôn, dơih bêch lơ ndơl u nggrưng jah tơt Phi-e-rơ han rloot, koon gui bu ri ndêq đat kot a bôông lơ m'baak bnih pơrtanh. 16Phung raih a pal poh a gêêng kot pơrgum teq u Jê-ru-sa-lem, liêu lôh bơl bnih tanh ji, bơh bah dol wêêng 'bưn jrah pnđơơt u leq kot kươt tơmbah.
Bơl jơt jơng dol nhôp n'hai kươt đoh rôih. – Baak pơrgum rnđêch Ga-ma-li-ên ri
17Khal au yau thwaai ttơơm u bơl bah tênh bu, nei laa thap Sa-đu-sê,#5:17 Mơq baak rơih gôq Mat 3:7. bêêng chưt skiêr, ta yoong 18nhôp bơl jơt jơng groon mưt khaam. 19Dôh mang geh di lênh Brah ri pơơk lpôông khaam liêu bơl jơt jơng u pn'ak laah: 20“Phrui han, ta yoong ktôk nhi r'bưn u chhuôr aan phung raih jôm baak rêh au.” 21Iat nei, plah brung aang bơl jơt jơng han mưt nhi r'bưn u lap kne. Tơt yau thwaai ttơơm n'hai dêch kơnjah lôh, bu pơrgum Phung kliêu u leq sêch raanh ttơơm raih I-sra-ên ri kươi, ja nei maanh bnih mưt khaam jah liêu bơl jơt jơng lôh. 22Dôh bơl bnih lơh tênh rmaanh mưt u knông khaam, 'bưn sau bơl jơt jơng tu nei, plơq siq tơmbơh drơh 23laah: “Bơl hei sau khaam tang jap đat u lênh kray ta yoong bôôk mat lpôông, dôh plah pơơk nei 'bưn sau di mbu 'bơơn a knông nei.” 24Yau kan bôôk nhi r'bưn u bơl yau thwaai ndap ttơơm iat pal baak nei kot rhơq rpơq teq u bơl jơt jơng u 'bưn gưt kaar au a kươi sot bei êch. 25Dôh geh bnih lôh tơmbơh n'hai bu laah: “Tôw, bơl bnih baah bơl ay ja teq khaam, bei au plah a knông nhi r'bưn tti kne phung raih!” 26Yau kan bôôk nhi r'bưn n'hai bơl bnih lơh kaar han drơh tơt ktôk u nhôp bơl jơt jơng liêu han, dôh 'bưn nhôq koon jơng koon ti đươm n'hông dol phung raih jang tmau.
27Bu jưn bơl jơt jơng han u liêu tơt Phung kliêu. Yau thwaai ttơơm ôp rngach bơl jơt jơng laah: 28“Bơl hei ja pơrkhang bơl 'bei pơih saak nei jah tti kne,#5:28 Knông m'baak plơơp 'bian ti laa Dip ơơn bơl hei ndah ơm pơrkat bơl 'bei pơih saak nei jah kne? nei baah bơl 'bei ja lơh aan Jê-ru-sa-lem bêêng bơm baak ch'bap nơơm ri, kươi nha êch aan mhaam Bnih nei khut kươi lơ bơl hei nha!”#Mat 27:25. 29Phi-e-rơ u bơl jơt jơng ơh baak: “N'hop n'hal phrui iat baak Brah Ưn nha huôih iat baak bnih nday. 30Brah Ưn yau yi bơl bơn ri ja lơh Brah Jê-sus rêh kươi, laa Yaang pa bơl 'bei ja yôông lơ tơơm chhư u lưm teq. 31Brah Ưn ja liêu Yaang nei hao mak ma Pang lơh Nak Liêu Troong u Brah Đoh jah ươn baak teq lơi dôih u baak krôih dôih aan raih I-sra-ên. 32Nơơm bơl hei laa bơl ndraanh aan pal kaar nei pôl n'hai Brah Wêêng baah Brah Ưn ja ươn bơl bnih iat baak Pang.”
33Tơt iat pal baak au nei bu hao nuih đat u êch lưm bơl jơt jơng. 34Dôh geh di mbu Pha-ri-si chhak laa Ga-ma-li-ên, yau tơr ni teq u ch'bap, kươt leq sêch phung raih đing, hao ta yoong lwah Phung kliêu u maanh liêu bơl jơt jơng sot agaih di rbôông. 35Ja nei bu mor n'hai bu: “Ơi raih bal I-sra-ên, phrui njrang teq u ndroong bơl g'bei gôq dơq u bơl bnih au. 36Noor n'au, Thêu-đa kn'hao, hao kn'hing pơchhing sak, geh tơmlai puôn riêng bnih tênh bu, dôh bu dol lưm, u leq bơl bah tênh bu kot a brơh, 'bưn nh'ơơm ơơn ơơm. 37Kơi bu kot geh Ju-đa, bnih Ga-li-lê, kn'hao laap tơt jơl waach raih bal u têêk liêu ơk bnih tênh nơơm bu; dôh hơơi kot chhưt, leq sêch bơl bah tênh bu kot dol tơrlêêng. 38Bei au hei dan buôi bơl g'bei: Phrui het ngngai bơl bnih au, khang teq êêng bu, đươm mơq jmlôm u kaar au lôh a koon bnih nei a kươi dol 'bưn jn'ah; 39dôh mơq đươm Brah Ưn baah sot nei bơl g'bei 'bưn geh bei êch lưm luôch bu kươt; mat a kươi, bơl g'bei baanh ta lơh ta wal kươi Brah Ưn.” Bei nei, bu iat baak buôi Ga-ma-li-ên ri. 40Bu khuôl bơl jơt jơng plơq mưt, maanh pơm sơmboong u pơrkhang pơih saak Brah Jê-sus baah chhuôr kne, ja nei krôih baar du sot.
41Bei nei, bơl jơt jơng du rlach Phung kliêu, broh s'bai đươm bu ja kươt kơơp laa klanh dip ơt ơl đươm saak Brah. 42Rêêng nar, knông nhi r'bưn paich a nhi au u nhi tôw, bơl jơt jơng khang ndih han kne u chhuôr Baak Sroong Klanh Brah Jê-sus laa Yaang Krist ri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.