Kênh Kaar 4
4
Phi-e-rơ u Jang a bôôk mat Phung kliêu Jưm mlưm
1Jơl knông Phi-e-rơ u Jang plah mor n'hai phung raih nei bơl yau thwaai,#4:1 bơl yau thwaai: Knông m'baak 'bian ti laa yau thwaai ndap ttơơm. yau kan bôôk nhi r'bưn, u bơl bnih Sa-đu-sê lôh raan. 2Bu hao nuih đươm baar du kne phung raih u tơmbơh laah knông Brah Jê-sus geh baak rêh kươi a ktôk chhưt. 3Bu nhôp baar du groon teq u khaam aan tơt nar a ôi, đươm plah nei trôôk u jơ ngôw. 4Paich bei nei, geh ơk bnih knông nak bu ja iat baak Brah nei jơ, u nak klau jơrnơ hao tơt pram ban du.
5Nar a ôi, bơl liêu troong, bơl raanh ttơơm, bơl yau gưt jhai pơrgum tu Jê-ru-sa-lem, 6pôl n'hai An-ne laa yau thwaai ttơơm, Kai-phe, Jang, A-lek-san-đơ u leq bơl bnih pơơn teq u nhi nak yau thwaai ttơơm. 7Bu nhôp baar du lôh ta yoong klung bu u ôp rngach: “Chkhưm dang kmheng ơơn paich laa tơmoh chhak 'bơơn baah bơl 'bei lơh ntil au?” 8Khal au Phi-e-rơ, kươt bêêng bơm Brah Wêêng, mor laah: “Ơi bơl g'bei liêu troong u bơl raanh ttơơm! 9Mơq nar au bơl hei dol ôp rngach đươm ja lơh smlaang aan mbu bnih khuynh, u drơơl ndroong ơơn bnih au kươt tơmbah, 10nei dan leq sêch bơl g'bei uleq raih I-sra-ên phrui gưt laah chkhôm saak Brah Jê-sus Krist ri bnih Na-sa-ret, Yaang bơl g'bei ja pơng đênh lơ chhư rglaang, u Brah Ưn ja tak lơh rêh kươi a ktôk chhưt; đươm chkhôm saak nei baah bnih au kươt kmloh kmlang u sot ta yoong bôôk mat bơl g'bei au.
11Pang laa rklôw tmau dol bơl 'bei laa bơl rak mon sun nhi thot teq,
Dôh kươi but rklôw tmau tơơm nhi.
12'Bưn geh baak đoh kwaai knông Yaang ơơn nday, đươm a dêh trôôk 'bưn geh saak ơơn nday ươn koon bnih, jah bơl bơn chkhôm nei baah kươt đoh.”
13Tơt sau baak khwaan Phi-e-rơ ri n'hai Jang, gưt srlah baar du laa bnih mrơi ntơi, riên ndêq, nei bu kot êêng aang n'hai gưt laah baar du u ja gôq n'hai Brah Jê-sus. 14Dôh đươm sau bnih chook kươt tơmbah ta yoong mak gêêng baar du, mơ bu 'bưn geh baak ơơn jah ndun pơrlơt kươt. 15Di kươi maanh baar du lơơi rlach Phung kliêu, bu pơrgênh tơrnang nơơm 16laah: “Bơl bơn phrui lơh ơơn n'hai pal du au? Đươm jôm bnih a Jê-ru-sa-lem kot gưt bu ngan ja lơh di chmlih chmleek srlah srlom u bơl bơn 'bưn geh ta dmôw kươt. 17Đươm bei nei, jah kaar nei 'bưn lư knông phung raih dơq hôm, bơl bơn phrui pơrjat bu 'bưn kươt pơih saak nei chhuôr kne aan paich 'bơơn hôm.” 18Bei nei, bu khuôl baar du mưt u pơrkhang tơmoh chhak Brah Jê-sus baah mor paich kne dơq nha. 19Dôh Phi-e-rơ u Jang ơh: “Dan bơl ay phrui khom gênh, bôôk mat Brah Ưn geh baah iat baak bơl ay huôih laa iat baak Brah Ưn pan? 20Đươm bơl hei 'bưn geh 'bưn mor teq u pal ntil nơơm ja sau n'hai iat.” 21Di kươi ndih kaap, bơl bu krôih baar du sot, 'bưn wơng kươt ndroong ơơn jah phaat baar du đươm n'hông phung raih, đươm leq sêch kot tư wơơl Brah Ưn teq u kaar ja lôh tơt. 22Bnih di klau ja kươt chmlih chmleek tơmbah nei ja huôih puôn jơt snam.
23Di kươi kươt krôih sot, baar du lôh u oh bi nơơm n'hai chhuôr kươi jôm ntil bơl yau thwaai ndap ttơơm u bơl raanh ttơơm ja mor. 24Iat lôch, bu chưt bei mlơm m'ơh baak r'bon dan n'hai Brah Ưn laah: “Brah ơi, laa Yaang tơmbut trôôk, steh, daak rmưt, u mrơk 'bơk chhư knông nei, 25Pang ja nhôq Brah Wêêng lah rlach wiêm yau yi Đa-wit bơl hei ri, laa dêch Pang, laah:
‘Đươm a hay bơl bnih nggoor agaih hao nuih,
U đươm a hay bơl raih mon pơrgênh jmlôm 'bưn ntil?
26Bơl snđach a mat teh paang jơng kn'hao,
Bơl kan bôôk ta pơrgum,
Kmang n'hai Brah u Yaang kươt lơơm pring Pang ri’
27Ngan bei nei, Hê-rôt u Pôn-sơ Phi-lat pôl n'hai bơl bnih nggoor agaih u raih I-sra-ên ja pơrgum tu poh au jah ta wal kươi Dêch jrah Pang laa Brah Jê-sus, Yaang baah Pang ja lơơm pring#Lu 23:7-11; Mat 27:1-2; Mak 15:1; Lu 23:1; Ja 18:28-29. 28jah lơh jôm kaar ti Pang u rnđêch Pang ja waat noor. 29Bei au, dan Brah mơq klach baak kaap bu ri u aan bơl dêch Pang khwaan chhuôr baak Pang. 30Dan lơơk ti Pang sot jah tơmbah u lơh pal chmlih chmleek, baak êng aang rlach saak Dêch jrah Pang ri laa Brah Jê-sus.” 31Tơt r'bon dan luôih nei ktôk pơrgum kươi luônh lơgơh, jôm bnih kot kươt bêêng bơm Brah Wêêng, chhuôr baak Brah Ưn di ndroong khwaan.
Chưt srlanh bnih jơrnơ daak bôôk
32Khal au, leq phung ta plam jơrnơ kot chưt mlơm n'hơm muôi, 'bưn 'bơơn mơq griêng mlơ nơơm laa griêng êêng dôh kơơp jôm ntil laa griêng pôl.#Kênh 2:44-45. 33Bơl jơt jơng pơih dang kmheng ttih đat baah lơh ndraanh teq u baak rêh kươi Brah ri laa Brah Jê-sus, u Pang khut brêêng smlaang tih mưn lơ jôm bnih. 34Nei mơ, 'bưn 'bơơn knông bơl jơrnơ khwaq khwaat, đươm bơl bnih geh steh stông paich nhi ba kot tach ơơi, liêu nak prak tach kươt 35dơih a teh jơng bơl jơt jơng; ja nei prak nei kươt tacheq tênh ntil rn'êch jôm bnih ri. 36Jô-sep, bnih baah bơl jơt jơng chôôl chhak laa Ba-na-ba, rơih laa koon klau baak nđum nđiêng ri, klung mbaang Lê-wi, poh a Sip, 37tach tup pưng srei nơơm ri u liêu prak teq ktôk jơng bơl jơt jơng.
Currently Selected:
Kênh Kaar 4: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 4
4
Phi-e-rơ u Jang a bôôk mat Phung kliêu Jưm mlưm
1Jơl knông Phi-e-rơ u Jang plah mor n'hai phung raih nei bơl yau thwaai,#4:1 bơl yau thwaai: Knông m'baak 'bian ti laa yau thwaai ndap ttơơm. yau kan bôôk nhi r'bưn, u bơl bnih Sa-đu-sê lôh raan. 2Bu hao nuih đươm baar du kne phung raih u tơmbơh laah knông Brah Jê-sus geh baak rêh kươi a ktôk chhưt. 3Bu nhôp baar du groon teq u khaam aan tơt nar a ôi, đươm plah nei trôôk u jơ ngôw. 4Paich bei nei, geh ơk bnih knông nak bu ja iat baak Brah nei jơ, u nak klau jơrnơ hao tơt pram ban du.
5Nar a ôi, bơl liêu troong, bơl raanh ttơơm, bơl yau gưt jhai pơrgum tu Jê-ru-sa-lem, 6pôl n'hai An-ne laa yau thwaai ttơơm, Kai-phe, Jang, A-lek-san-đơ u leq bơl bnih pơơn teq u nhi nak yau thwaai ttơơm. 7Bu nhôp baar du lôh ta yoong klung bu u ôp rngach: “Chkhưm dang kmheng ơơn paich laa tơmoh chhak 'bơơn baah bơl 'bei lơh ntil au?” 8Khal au Phi-e-rơ, kươt bêêng bơm Brah Wêêng, mor laah: “Ơi bơl g'bei liêu troong u bơl raanh ttơơm! 9Mơq nar au bơl hei dol ôp rngach đươm ja lơh smlaang aan mbu bnih khuynh, u drơơl ndroong ơơn bnih au kươt tơmbah, 10nei dan leq sêch bơl g'bei uleq raih I-sra-ên phrui gưt laah chkhôm saak Brah Jê-sus Krist ri bnih Na-sa-ret, Yaang bơl g'bei ja pơng đênh lơ chhư rglaang, u Brah Ưn ja tak lơh rêh kươi a ktôk chhưt; đươm chkhôm saak nei baah bnih au kươt kmloh kmlang u sot ta yoong bôôk mat bơl g'bei au.
11Pang laa rklôw tmau dol bơl 'bei laa bơl rak mon sun nhi thot teq,
Dôh kươi but rklôw tmau tơơm nhi.
12'Bưn geh baak đoh kwaai knông Yaang ơơn nday, đươm a dêh trôôk 'bưn geh saak ơơn nday ươn koon bnih, jah bơl bơn chkhôm nei baah kươt đoh.”
13Tơt sau baak khwaan Phi-e-rơ ri n'hai Jang, gưt srlah baar du laa bnih mrơi ntơi, riên ndêq, nei bu kot êêng aang n'hai gưt laah baar du u ja gôq n'hai Brah Jê-sus. 14Dôh đươm sau bnih chook kươt tơmbah ta yoong mak gêêng baar du, mơ bu 'bưn geh baak ơơn jah ndun pơrlơt kươt. 15Di kươi maanh baar du lơơi rlach Phung kliêu, bu pơrgênh tơrnang nơơm 16laah: “Bơl bơn phrui lơh ơơn n'hai pal du au? Đươm jôm bnih a Jê-ru-sa-lem kot gưt bu ngan ja lơh di chmlih chmleek srlah srlom u bơl bơn 'bưn geh ta dmôw kươt. 17Đươm bei nei, jah kaar nei 'bưn lư knông phung raih dơq hôm, bơl bơn phrui pơrjat bu 'bưn kươt pơih saak nei chhuôr kne aan paich 'bơơn hôm.” 18Bei nei, bu khuôl baar du mưt u pơrkhang tơmoh chhak Brah Jê-sus baah mor paich kne dơq nha. 19Dôh Phi-e-rơ u Jang ơh: “Dan bơl ay phrui khom gênh, bôôk mat Brah Ưn geh baah iat baak bơl ay huôih laa iat baak Brah Ưn pan? 20Đươm bơl hei 'bưn geh 'bưn mor teq u pal ntil nơơm ja sau n'hai iat.” 21Di kươi ndih kaap, bơl bu krôih baar du sot, 'bưn wơng kươt ndroong ơơn jah phaat baar du đươm n'hông phung raih, đươm leq sêch kot tư wơơl Brah Ưn teq u kaar ja lôh tơt. 22Bnih di klau ja kươt chmlih chmleek tơmbah nei ja huôih puôn jơt snam.
23Di kươi kươt krôih sot, baar du lôh u oh bi nơơm n'hai chhuôr kươi jôm ntil bơl yau thwaai ndap ttơơm u bơl raanh ttơơm ja mor. 24Iat lôch, bu chưt bei mlơm m'ơh baak r'bon dan n'hai Brah Ưn laah: “Brah ơi, laa Yaang tơmbut trôôk, steh, daak rmưt, u mrơk 'bơk chhư knông nei, 25Pang ja nhôq Brah Wêêng lah rlach wiêm yau yi Đa-wit bơl hei ri, laa dêch Pang, laah:
‘Đươm a hay bơl bnih nggoor agaih hao nuih,
U đươm a hay bơl raih mon pơrgênh jmlôm 'bưn ntil?
26Bơl snđach a mat teh paang jơng kn'hao,
Bơl kan bôôk ta pơrgum,
Kmang n'hai Brah u Yaang kươt lơơm pring Pang ri’
27Ngan bei nei, Hê-rôt u Pôn-sơ Phi-lat pôl n'hai bơl bnih nggoor agaih u raih I-sra-ên ja pơrgum tu poh au jah ta wal kươi Dêch jrah Pang laa Brah Jê-sus, Yaang baah Pang ja lơơm pring#Lu 23:7-11; Mat 27:1-2; Mak 15:1; Lu 23:1; Ja 18:28-29. 28jah lơh jôm kaar ti Pang u rnđêch Pang ja waat noor. 29Bei au, dan Brah mơq klach baak kaap bu ri u aan bơl dêch Pang khwaan chhuôr baak Pang. 30Dan lơơk ti Pang sot jah tơmbah u lơh pal chmlih chmleek, baak êng aang rlach saak Dêch jrah Pang ri laa Brah Jê-sus.” 31Tơt r'bon dan luôih nei ktôk pơrgum kươi luônh lơgơh, jôm bnih kot kươt bêêng bơm Brah Wêêng, chhuôr baak Brah Ưn di ndroong khwaan.
Chưt srlanh bnih jơrnơ daak bôôk
32Khal au, leq phung ta plam jơrnơ kot chưt mlơm n'hơm muôi, 'bưn 'bơơn mơq griêng mlơ nơơm laa griêng êêng dôh kơơp jôm ntil laa griêng pôl.#Kênh 2:44-45. 33Bơl jơt jơng pơih dang kmheng ttih đat baah lơh ndraanh teq u baak rêh kươi Brah ri laa Brah Jê-sus, u Pang khut brêêng smlaang tih mưn lơ jôm bnih. 34Nei mơ, 'bưn 'bơơn knông bơl jơrnơ khwaq khwaat, đươm bơl bnih geh steh stông paich nhi ba kot tach ơơi, liêu nak prak tach kươt 35dơih a teh jơng bơl jơt jơng; ja nei prak nei kươt tacheq tênh ntil rn'êch jôm bnih ri. 36Jô-sep, bnih baah bơl jơt jơng chôôl chhak laa Ba-na-ba, rơih laa koon klau baak nđum nđiêng ri, klung mbaang Lê-wi, poh a Sip, 37tach tup pưng srei nơơm ri u liêu prak teq ktôk jơng bơl jơt jơng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.