Kênh Kaar 17
17
Phao-lô tu Tê-sa-lô-ni-ka
1Phao-lô u Si-la han rlach Am-phi-pô-lit u A-pô-lô-ni-a ja nei lôh Tê-sa-lô-ni-ka, ktôk geh di nhi pơrgum Jo-thai. 2Tênh rnđơơih, Phao-lô lôh nhi pơrgum; Knông pei nar sa-'bat, pang ta tau n'hai bu, 3pơih Sm'bưt Brah rơih u ndraanh pơrkat laah Yaang Krist phrui dol rngiêl, ja nei rêh kươi a ktôk chhưt. Bu mor: “Brah Jê-sus pa hei chhuôr aan bơl bu a au đươm laa Yaang Krist.” 4M'baak bnih knông bu kươt ndit han tênh Phao-lô u Si-la; kot geh ơk đat bnih Hi-lap kot chuh đing Brah Ưn, u 'bưn geh dơur pơơn teq u kơn hunh geh jơ Brah dơq. 5Dôh bơl bnih Jo-thai skiêr, siêr bơl chơng mơng a gaaih troong đôôn, ta pơrgum phung ơk u rook pơrsup knông poh. Bơl nei têêk tơt nhi Ja-sôn ri, wơng nhôp Phao-lô u Si-la jah ndơơp sot bôôk mat phung raih. 6Wơng 'bưn kươt, bơl nei têêk Ja-sôn u pal du oh bi lôh a bôôk yau tông, pnđing: “Pal bnih au ja rook pơrsup knông swich teh, Khal au bu kot lôh u đau, 7u Ja-sôn ja pôn ơn bơl hei! Leq bơl kot geh kaar lơh ta wal kươi ch'bap Sê-sa, mor laah geh di snđach nday, laa Jê-sus.” 8Ttang pal baak nei, phung raih u bơl nak kan kmheng poh kot wưu wao. 9Kơi nei, nak kan kmheng drơnan Ja-sôn u bơl bnih nday ndơơp prak tơh jơng tênh ch'bap waat, ja nei krôih sot.
Tu Bê-rê
10Kơndaal knông mang nei, Oh bi ndơơp Phao-lô u Si-la tơt Bê-rê; tơt lôh ktôk, bu mưt nhi pơrgum Jo-thai. 11Bơl bnih Jo-thai a au geh chưt kmlơt rhông rhơi huôih bơl bnih a Tê-sa-lô-ni-ka; bu sang rmeh wơơt baak preh#17:11 Asn: baak, paich laa: Sroong Klanh., nar êch kot mơq chmlam Sm'bưt Brah jah iat mơq baak chhuôr geh dip 'bưn. 12Nei mơ, ơk bnih knông nak bu jơ Brah, geh bơl yau ur pơơn teq u kơn hunh Hi-lap u leq bơl bu kot ơk. 13Dôh tơt bnih Jo-thai a Tê-sa-lô-ni-ka rnđơơih jơ Phao-lô kot tơmbơh baak Brah Ưn tu Bê-rê nei bu tơt nei jah pơrsup u trôt phung raih. 14Kơndaal, oh bi ndơơp Phao-lô han teq u maq daak rmưt, nha Si-la u Ti-mô-thê gôq a kươi Bê-rê. 15Bơl bnih liêu Phao-lô ndơơp bu lôh A-thên hơơi plơq siq, liêu rmaanh aan Si-la u Ti-mô-thê phrui lôh u bu dươn gway klanh.
Tu A-thên
16Khal au, Phao-lô plah kơp Si-la u Ti-mô-thê tu poh A-thên, bu hao nuih tơt sau poh bêêng bơm pal pi spun. 17Bei nei, bu ta tau n'hai bnih Jo-thai u bnih nggoor agaih tênh baak jơ Jo-thai knông nhi pơrgum, kot bei u bơl bnih han mat han kươi a gaaih talwaang ngwi jôm nar. 18Geh bơl gưt jhai klung baar phe thap E-pi-ku-riên#17:18 E-pi-ku-riên: Au laa riên thap kne riên tênh snôk sak đươm yau Ê-pi-ku-rut bnih ei ldơk. n'hai Sto-ik#17:18 Sto-ik: Au laa thap riên tênh bu Jê-nô n'hai bu Kơ-ri-si-put bnih ei ldơk. kot ta tau n'hai bu. Bnih nei ôp: “Bah bu au êch mor ơơn nei?” Bnih nei lah: “Bei lah bu nei chhuôr teq u bơl wêêng gaaih nggoor” — đươm Phao-lô tơmbơh chhuôr Baak Sroong Klanh teq u Brah Jê-sus u baak rêh kươi.#17:18 Brah Jê-sus u baak rêh kươi: Baak rêh kươi knông baak Hi-lap lah anastasis; lah di baak chôôl til baang. Nei mơ awap dol a chrlam lah chhak mbu wêêng dơur ri. 19Bu nhôp bu nei liêu tơt A-rê-ô-pa#17:19 A-rê-ô-pa: Ktôk ta pơrgum phung kliêu poh A-thên ri. u ôp laah: “Bu awap aan bơl hei gưt srlah teq u ch'bap jơ mhei baah bu tơmbơh nei 'bưn? 20Đươm pal ntil bu chhuôr bơl hei iat bei êêng. Đươm nei, bơl hei êch gưt pal ntil nei geh rơih ơơn.” 21Ngan bei nei, leq sêch bnih A-thên u raih agaih au dơơn ơn jơl bêl jah mor u iat ntil mhei êêng ei.
22Khal au, Phao-lô ta yoong lwah A-rê-ô-pa mor laah: “Ơi bơl g'bei lah bnih A-thên, hei sau lơ jôm ntil, bơl g'bei ngan laa bơl bnih baak jơ đat. 23Đươm tơt han jôm poh, mơq rwach pal ktôk chuh th'bưn bơl g'bei ri, hei sau di bliêng r'bưn geh 'bian sêr: CHUH WÊÊNG 'BƯN GƯT. Bei nei, Yaang bơl g'bei chuh baah 'bưn gưt nei, nơơm laa Yaang hei plah chhuôr aan bơl g'bei au. 24Brah Ưn laa Yaang ja tơmbut nggoor teh u jôm griêng knông nei, laa Brah teh trôôk ri, 'bưn gôq knông pal ktôk pơsun đươm ti bnih lơh but.#Kênh 7:48. 25Pang kot 'bưn chkhôm ti bnih jraih kaar bei laa Pang chkhôm ntil ơơn, đươm nơơm Pang laa Yaang ươn baak rêh, n'hơm u jôm ntil nday aan jôm bnih. 26A bơh mbu bnih, Pang ja lơh but jôm raih bal u tak lơh bu rêh lơ jôm mat steh. Pang kơt kơlwơn jơrnơl u rhang nar aan bu gôq, 27jah bu wơng, wơng joi Brah Ưn u awap a mơp kươt Pang, paich laa Pang 'bưn gôq ngngai jôm bnih knông bơl bơn. 28Đươm a knông Pang, bơl bơn kươt rêh, kaar bơ u geh noor, bei m'baak bnih ei khaak bơl g'bei ri geh mor:
‘Bơl bơn kot laa mbaang Pang ri.’
29Bei nei, ja laa mbaang Brah Ưn, nei bơl bơn khơơm gênh laah Yaang Wêêng Brlơng bei pi spun dơng maih, kaih, paich tmau đươm tơơm sun u gơrninh gênh rơi koon bnih ri lơh sot. 30Bei nei, Brah Ưn ja teq rlach pal jơrnơl kơrlung kơrlong nei; Dôh khal au, Pang maanh jôm bnih gôq jôm ktôk phrui teq lơi dôih. 31Đươm Pang ja kơt kơlwơn di nar baah Pang a kươi pơih baak sêch song pơrkat swich teh đươm Bnih Pang ja ldơk. U teq lơh ndraanh aan jôm bnih sau, Pang ja tak lơh Bnih rêh kươi a ktôk chhưt.” 32Tơt ttang mor teq u baak rêh kươi a ktôk chhưt, m'baak bnih đam điêl, dôh m'baak nday leet mor: “Bơl hei êch iat bu mor chhuôr au di wưt dơq.” 33Bei nei, Phao-lô du rlach bu. 34Dôh geh pal du han tênh bu u jơ pơih Brah, knông nak nei geh Đê-ni laa di mbal phung kliêu A-rê-ô-pa, n'hai di mbu dơur chôôl Đa-ma-ri, pôl bơl bnih nday dơq.
Currently Selected:
Kênh Kaar 17: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Kênh Kaar 17
17
Phao-lô tu Tê-sa-lô-ni-ka
1Phao-lô u Si-la han rlach Am-phi-pô-lit u A-pô-lô-ni-a ja nei lôh Tê-sa-lô-ni-ka, ktôk geh di nhi pơrgum Jo-thai. 2Tênh rnđơơih, Phao-lô lôh nhi pơrgum; Knông pei nar sa-'bat, pang ta tau n'hai bu, 3pơih Sm'bưt Brah rơih u ndraanh pơrkat laah Yaang Krist phrui dol rngiêl, ja nei rêh kươi a ktôk chhưt. Bu mor: “Brah Jê-sus pa hei chhuôr aan bơl bu a au đươm laa Yaang Krist.” 4M'baak bnih knông bu kươt ndit han tênh Phao-lô u Si-la; kot geh ơk đat bnih Hi-lap kot chuh đing Brah Ưn, u 'bưn geh dơur pơơn teq u kơn hunh geh jơ Brah dơq. 5Dôh bơl bnih Jo-thai skiêr, siêr bơl chơng mơng a gaaih troong đôôn, ta pơrgum phung ơk u rook pơrsup knông poh. Bơl nei têêk tơt nhi Ja-sôn ri, wơng nhôp Phao-lô u Si-la jah ndơơp sot bôôk mat phung raih. 6Wơng 'bưn kươt, bơl nei têêk Ja-sôn u pal du oh bi lôh a bôôk yau tông, pnđing: “Pal bnih au ja rook pơrsup knông swich teh, Khal au bu kot lôh u đau, 7u Ja-sôn ja pôn ơn bơl hei! Leq bơl kot geh kaar lơh ta wal kươi ch'bap Sê-sa, mor laah geh di snđach nday, laa Jê-sus.” 8Ttang pal baak nei, phung raih u bơl nak kan kmheng poh kot wưu wao. 9Kơi nei, nak kan kmheng drơnan Ja-sôn u bơl bnih nday ndơơp prak tơh jơng tênh ch'bap waat, ja nei krôih sot.
Tu Bê-rê
10Kơndaal knông mang nei, Oh bi ndơơp Phao-lô u Si-la tơt Bê-rê; tơt lôh ktôk, bu mưt nhi pơrgum Jo-thai. 11Bơl bnih Jo-thai a au geh chưt kmlơt rhông rhơi huôih bơl bnih a Tê-sa-lô-ni-ka; bu sang rmeh wơơt baak preh#17:11 Asn: baak, paich laa: Sroong Klanh., nar êch kot mơq chmlam Sm'bưt Brah jah iat mơq baak chhuôr geh dip 'bưn. 12Nei mơ, ơk bnih knông nak bu jơ Brah, geh bơl yau ur pơơn teq u kơn hunh Hi-lap u leq bơl bu kot ơk. 13Dôh tơt bnih Jo-thai a Tê-sa-lô-ni-ka rnđơơih jơ Phao-lô kot tơmbơh baak Brah Ưn tu Bê-rê nei bu tơt nei jah pơrsup u trôt phung raih. 14Kơndaal, oh bi ndơơp Phao-lô han teq u maq daak rmưt, nha Si-la u Ti-mô-thê gôq a kươi Bê-rê. 15Bơl bnih liêu Phao-lô ndơơp bu lôh A-thên hơơi plơq siq, liêu rmaanh aan Si-la u Ti-mô-thê phrui lôh u bu dươn gway klanh.
Tu A-thên
16Khal au, Phao-lô plah kơp Si-la u Ti-mô-thê tu poh A-thên, bu hao nuih tơt sau poh bêêng bơm pal pi spun. 17Bei nei, bu ta tau n'hai bnih Jo-thai u bnih nggoor agaih tênh baak jơ Jo-thai knông nhi pơrgum, kot bei u bơl bnih han mat han kươi a gaaih talwaang ngwi jôm nar. 18Geh bơl gưt jhai klung baar phe thap E-pi-ku-riên#17:18 E-pi-ku-riên: Au laa riên thap kne riên tênh snôk sak đươm yau Ê-pi-ku-rut bnih ei ldơk. n'hai Sto-ik#17:18 Sto-ik: Au laa thap riên tênh bu Jê-nô n'hai bu Kơ-ri-si-put bnih ei ldơk. kot ta tau n'hai bu. Bnih nei ôp: “Bah bu au êch mor ơơn nei?” Bnih nei lah: “Bei lah bu nei chhuôr teq u bơl wêêng gaaih nggoor” — đươm Phao-lô tơmbơh chhuôr Baak Sroong Klanh teq u Brah Jê-sus u baak rêh kươi.#17:18 Brah Jê-sus u baak rêh kươi: Baak rêh kươi knông baak Hi-lap lah anastasis; lah di baak chôôl til baang. Nei mơ awap dol a chrlam lah chhak mbu wêêng dơur ri. 19Bu nhôp bu nei liêu tơt A-rê-ô-pa#17:19 A-rê-ô-pa: Ktôk ta pơrgum phung kliêu poh A-thên ri. u ôp laah: “Bu awap aan bơl hei gưt srlah teq u ch'bap jơ mhei baah bu tơmbơh nei 'bưn? 20Đươm pal ntil bu chhuôr bơl hei iat bei êêng. Đươm nei, bơl hei êch gưt pal ntil nei geh rơih ơơn.” 21Ngan bei nei, leq sêch bnih A-thên u raih agaih au dơơn ơn jơl bêl jah mor u iat ntil mhei êêng ei.
22Khal au, Phao-lô ta yoong lwah A-rê-ô-pa mor laah: “Ơi bơl g'bei lah bnih A-thên, hei sau lơ jôm ntil, bơl g'bei ngan laa bơl bnih baak jơ đat. 23Đươm tơt han jôm poh, mơq rwach pal ktôk chuh th'bưn bơl g'bei ri, hei sau di bliêng r'bưn geh 'bian sêr: CHUH WÊÊNG 'BƯN GƯT. Bei nei, Yaang bơl g'bei chuh baah 'bưn gưt nei, nơơm laa Yaang hei plah chhuôr aan bơl g'bei au. 24Brah Ưn laa Yaang ja tơmbut nggoor teh u jôm griêng knông nei, laa Brah teh trôôk ri, 'bưn gôq knông pal ktôk pơsun đươm ti bnih lơh but.#Kênh 7:48. 25Pang kot 'bưn chkhôm ti bnih jraih kaar bei laa Pang chkhôm ntil ơơn, đươm nơơm Pang laa Yaang ươn baak rêh, n'hơm u jôm ntil nday aan jôm bnih. 26A bơh mbu bnih, Pang ja lơh but jôm raih bal u tak lơh bu rêh lơ jôm mat steh. Pang kơt kơlwơn jơrnơl u rhang nar aan bu gôq, 27jah bu wơng, wơng joi Brah Ưn u awap a mơp kươt Pang, paich laa Pang 'bưn gôq ngngai jôm bnih knông bơl bơn. 28Đươm a knông Pang, bơl bơn kươt rêh, kaar bơ u geh noor, bei m'baak bnih ei khaak bơl g'bei ri geh mor:
‘Bơl bơn kot laa mbaang Pang ri.’
29Bei nei, ja laa mbaang Brah Ưn, nei bơl bơn khơơm gênh laah Yaang Wêêng Brlơng bei pi spun dơng maih, kaih, paich tmau đươm tơơm sun u gơrninh gênh rơi koon bnih ri lơh sot. 30Bei nei, Brah Ưn ja teq rlach pal jơrnơl kơrlung kơrlong nei; Dôh khal au, Pang maanh jôm bnih gôq jôm ktôk phrui teq lơi dôih. 31Đươm Pang ja kơt kơlwơn di nar baah Pang a kươi pơih baak sêch song pơrkat swich teh đươm Bnih Pang ja ldơk. U teq lơh ndraanh aan jôm bnih sau, Pang ja tak lơh Bnih rêh kươi a ktôk chhưt.” 32Tơt ttang mor teq u baak rêh kươi a ktôk chhưt, m'baak bnih đam điêl, dôh m'baak nday leet mor: “Bơl hei êch iat bu mor chhuôr au di wưt dơq.” 33Bei nei, Phao-lô du rlach bu. 34Dôh geh pal du han tênh bu u jơ pơih Brah, knông nak nei geh Đê-ni laa di mbal phung kliêu A-rê-ô-pa, n'hai di mbu dơur chôôl Đa-ma-ri, pôl bơl bnih nday dơq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.